Telegram-канал xazon_rezgi - XazonRezgi (Official Channel): Unsorted

XazonRezgi (Official Channel)

25 Nov 2024 16:52

Оқшомингиз осуда ўтсин...

Каналга обуна бўлинг 👇 :
https://t.me/joinchat/AAAAAFB59SM9yhwXJGeW_g

XazonRezgi (Official Channel)

25 Nov 2024 16:51

#СЕНСАН_СЕВАРИМ
Муаллиф: Гулбаҳор Рахматуллаева
(Хазонрезги)

6-қисм

Ғулом Шаҳнозанинг онаси Раъногача икки марта уйланиб , икки марта ажрашиб улгурган эди. Йигирма бир ёшида биринчи бор уйланган Ғулом орадан икки йил ўтсада фарзанд кўришмагач , ота- онасининг қистови билан ажралишганди. Иккинчи аёли билан яна икки йил фарзандли бўлолмагач Ғулом ва ота- онасининг кўнглига бу сафар ваҳима оралаганди : "Айб Ғуломнинг ўзида бўлса-я?"
     Азим ака ўзимизнинг шифокорларнинг "Ҳаммаси жойида , эр ҳам , хотин ҳам соғ-у саломат, Аллоҳ тақдир қилган куни албатта фарзандли бўлишади" деган гапларига бу сафар унчалик ҳам ишонқирамади, ўрни келиб турган экан навбатдаги хизмат сафарига ўзи билан ўғли ва келини олиб Германияга учди.
     Германияда топширилган бир қанча таҳлилларнинг жавоби чиққанда биров Ғуломнинг бошидан бир челак муздек сув қўйиб юборгандек бўлди .
    Нима эмиш Ғуломнинг қонида номи алламбало деб аталувчи инфекция бор эмиш. Шу инфекция туфайли у минг даволанмасин умрбод фарзандли бўла олиш ҳуқуқидан маҳрум бўлган эмиш. Энг ёмони бу инфекция "ёмон аёллардан" юқар экан. Инфекция бошқаларга юқиш даврини ўтаб бўлибди-ю, аммо Ғуломга бир умрга бепушт деган тамғани босишга улгурган эмиш.
     Ғулом Германиядан дунё кўзига қоронғи бўлиб қайтди. Жаҳл устида ўзини юпатмоқчи бўлган иккинчи аёлининг "Устимдан куляпсанми ? Бундан буён сенинг марҳаматингга муҳтож эмасман" дея талоғини бериб юборди.
     Бу сафар отаси ҳам , онаси ҳам уни ўз ҳолига қўйишди. Улар ўғилларининг бир вақтлардаги бебилиска юришлари ва ана шу юришлари оқибатидан қаттиқ куйишар , шу билан бирга унга юраклари ачир эди.
    Ўша кезлари Ғулом ичкиликка ружу қўйди. Ҳаётда ҳеч нарсага қизиқиши қолмаган эди унинг.
    Шундай кунларнинг бирида тунда сархуш ҳолда уйига қайтаётганда бекатда йиғлаб - қунишиб ўтирган нозиккина қизга кўзи тушди. Қиз ўксиб- ўксиб йиғлар эди. Ғулом азбаройи қизиққанидан қизнинг рўпарасида машинасини тўхтатди.

   - Ҳа қизи , нима бўлди ?

Қиз жавоб ўрнига баттар йиғига зўр берди . Ғуломнинг нима учундир унга раҳми келди. Қизни бир амаллаб кўндириб уйига олиб келиб онасига топширди. Эртаси куни онаси қиздан сўраб - суриштирганларини Ғуломга етказди.
    Қиз бир йилча аввал турмушга чиққан экан. Уни қаттиқ севиб қолган эри уйидагиларининг "Узоқ вилоятдан қиз олмаймиз" деган норозилигига қарамай унга уйланган экан.
    Хуллас ўтган икки хафта аввал ёмонлар киракашлик қилиб юрган Раънонинг эрини машинасини ўғирлаш мақсадида ўлдириб кетишибди.
   Фарзанд доғида куйган қайнона бошидан кўнгли илимаган келинини "Барига сен айбдорсан , шумқадам!" дея юмма талаб ярим кечада кўчага ҳайдаб солган экан.
      Раъно Ғуломларникида иккинчи куни ҳам қолишга мажбур бўлди ,сабаби келинчакнинг иситмаси кўтарилиб кетган эди.
     Шу бўйи Ғуломнинг онаси Раънони бироз ўзига келиб олсин дея яна бир неча кун бағрида олиб қолди. Унинг икки ойликка яқин ҳомиласи борлигини билгач эса ўғлига маслаҳат солди : "Шу бева жувонга уйлансанг , сен ҳам болалик бўлиб қолармидинг. Катта тўй қилиб ўтирмасдан Ғулом уйланди деб гап тарқатиб қўяқолардик. Қарабсанки, одамлар бу боланинг отасини сен деб ўйлашарди ..."

     Шундагина Ғулом келинчакка эътибор бериб қаради. Бир лаҳзага унинг юраги остидаги гўдакни ўзиники деб тасаввур қилиб кўрди. Оталик жуда ёқимли ҳис экан. Бу томонда эса дўст бор , душман бор. Уларнинг олдида ҳам юзи ёруғ бўлишнинг бир имкони эди бу бола.
    Ғулом онасига эътироз билдирмади. Барча ташаббусни ўз қўлига олган она Раънони шу хонадонда бир умр қолишга кўндиришнинг эвини қилди.
   Орадан етти ой ўтиб Шаҳноза дунёга келганда бутун оила аъзолари уни ўз жигарпоралари сифатида   қабул қилдилар. Айниқса Ғуломнинг ҳурсандчилигининг чеки- чегараси йўқ эди.
     Раъно ҳам бора- бора Ғуломни қизининг отаси, Ўзининг турмуш ўртоғи сифатида кўра бошлади. Қизалоқ бутун оилани қувончга, отасини ҳаётга қайта олган мўъжиза эди.
    Ғулом ҳаётда яна бир ( бу сафар ўз) фарзанди борлигини билганидан сўнг ҳам Шаҳнозага нисбатан меҳри камаймади ,

@Xazon_Rezgi         / 13