XazonRezgi (Official Channel)

29 Sep 2024 05:11

ХАЙРЛИ ТОНГ!

Ассалому алайкум! Якшанба тонги муборак бўлсин!

Сиз ва бизларни соғ–саломат уйғотган Роббимизга ҳамдлар бўлсин!

Ҳамиша Аллоҳнинг паноҳида бўлинг 🤲

@xazon_rezgi

XazonRezgi (Official Channel)

28 Sep 2024 18:46

#МУАЛЛИМНИНГ_БИР_КУНИ

#ЎҒИЛОЙ

Ўғилой асли Хоразмдан...

Шу сабаб уни айрича яхши кўраман. У менга талабалик йилларимдаги бебаҳо гавҳарим- дугонам Санобарни эслатади. Мен Санобарни кўп йиллар аввал йўқотиб қўйганман. Аммо ўрни жуда билинади , кўп соғинаман. Мен Санобарни ижтимоий тармоқлар орқали кўп изладим , аммо ҳеч топишнинг эвидан чиқмадим.

Ўғилой эса Санобарнинг юртидан...

Билмадим , балки нотўғри хулоса қилаётгандирман , бироқ мен учун Хоразм аёллари жўшқин табиатли , соф дилли , инсоннинг айбини шартта юзига айтиб қўядиган , шу сабаб уларнинг ортидан ошиқча гап чайнаб ўтирмайдиган мард ва танти аёл бўлиб кўринишади.
Ўғилой ҳам шундай. Табиатидаги асосий ҳусусияти бу унинг бирон бир нарсадан зумда лов этиб ёниб , яна пов этиб ўчишидир.

Кеча ҳам шундай бўлди:

- Ҳой Баҳорой ,- деди у менга қошларини чимирганча ,- анави Достонингизнинг уйи йўқми ? Қарасангиз бўлмайдими ? Дарс тугагани қачон эди-ю , мактаб ҳовлисида шаталоқ отиб юрибди. Яна нариги мактабдан бир қиз келиб нуқул жиғига тегади . Бири қувган , бири қочган. Йиқилиб , нетиб бир нимани бошласа ўтирамиз бошимизни қашлаб !

- Оббо , яна Достонми ? - дейман мен , - шу боланинг дастидан ҳалитдан бери учинчи бор гап эшитишим . Ҳозир чақириб келаман...

- Чақиришингизнинг ҳожати йўқ ! - чирс- чирс қилди Ўғилой,- аллақачон хонамда ўтирибди. Юринг , бирга гаплашиб қўяйлик...

Икковимиз олдинма - кетин директор муовини Ўғилойнинг хонасига кирамиз. Хонада Достон бўзрайиииб ўтирибди. Юз ифодасидан гап гапирсанг қулоққа оладиган сиёҳи йўқ ...

- Достон ... - дейман хўрсиниб ,- сени уришишга ҳееч кўнглим бормайди- да ... Сабаби уйингдагиларни жуда ҳурмат қиламан . Уларга "Болангиз шунақа тўпалончи дейишга сира бетим чидамайди. Нима дейсан ? Қандай йўл тутсам тўғри бўларкан ?

Ўйлаганимдек бўлиб "ўқ бориб нишонга тегди". Достоннинг кўзлари аланг- жаланг бўлди :

- Иккинчи қайтарилмайди , устоз...- деди у бурнини шўлтилатиб тортганча

- Эээ сизнинг кўнглингиз бўш, - баланддан келди Ўғилой , - сан-ман қилиб ўтирмай шартта отасига қўнғироқ қилинг, мен ҳам сизнинг гапларингизни тасдиқлайман.

- Иккинчи қайтарилмайди дедим- ку ,- тажанг овози қаттиқроқ эшитилди Достоннинг .

Шунда мен Ўғилойга имлайман:

- Достоннинг отаси ҳозир ишда. Келинг ишхонасидагиларнинг ёнида боласи деб ота изза чекмасин. Агар яна бир маротаба шунақа дарс тугаганда ёки танаффус пайтида аҳлоқ - одоб қоидаларига бўйсунмаса , шу бола сизнинг ихтиёрингизда. Мен қайтиб орангизга тушмаганим бўлсин ...

Ўғилой "нимадир" демоқчилигимни тушунди . У Достонга "ноилож" яна бир имкон берди.

Достон хонадан чиқиб кетгач , Ўғилойга юзландим :

- Ўғилой , биласиз- а ? Бу бола - мияси бутун бола ! Аммо ... Ота - онаси фарзандлари катта бўлганда қўйди- чиқди бўлиб юришибди. Нима эмиш , оиланинг бошлиғи ота кам пул топармиш ?! Мана хотиннинг дастак қилиб топиб олган гапи ! Орада учта фарзанд қай тараф бўлишни билмай кўча- куйда уйдан безиб саёқ бўлиб юришибди. Гулдек болалар- а ? Бири биридан ақлли , бири биридан тийрак . Аммо кўриб турганингиздек...

Мен шундай деб Ўғилойга қарадим ...
Унинг оҳуникидек чиройли кўзлари тўла жиққа ёш эди...

Мен эртасига Ўғилойни Достонни ёнига олганча берилиб алланималарни тушунтираётганини кўрдим. У ора- орада Достоннинг елкасига эркалаганча меҳр билан енгил шапатилаб қўяр , йигитча ҳам Ўғилойга жилмайиб қулоқ солиб турарди...

Кўпинча ўйлайман...

Айтишади-ки "Оналарнинг бегонаси бўлмайди" ...

Устозлар учун-чи ?

Билсангиз мен Ўғилой сабаб бир ҳаётий ҳақиқат кашф этганман :

- Устозлар учун ўқувчиларнинг бегонаси бўлмайди. Чин устоз учун ҳар бир боланинг дарди , ўйи , орзу , ташвиш , ютуқлари бегона эмас ...
Уларнинг бари бирдек дилга яқин ...
Бари бирдек кўнгилга доир...

@Xazon_Rezgi /6

XazonRezgi (Official Channel)

28 Sep 2024 17:08

👆👆👆👆 аввалги қисмлар

#МУАЛЛИМНИНГ_БИР_КУНИ

    #РАЪНО

    Мен Раъно ҳақида "Бедор туйғулар" қиссамнинг энг дастлабки қисмида Рихсихон номи билан ёзган эканман. Сабаби мактабга келиб иш бошлаганимнинг илк куниданоқ  диққатимни энг биринчи бўлиб тортган устоз Раъно эди.

    Мен ишни нимадан бошлашга ҳайрон бўлиб  илмий бўлим мудиримиз Нодиранинг кабинетида янгиланган маълумотлар билан танишиб ўтирар эканман , Раъно унинг компьютеридаги  принтерга уланган  шнурни бетакаллуфлик билан суғурган эди-да, ўз ноутбукига улаб шарт "чоп этиш" командасини берганди.
    Мен ўшанда Раънодаги бу шижоатни кўриб ҳайрон қолган эдим :

   "Вой бўў намунча ўзига ишонар экан бу устоз ?!"

     Фикримни ўқигандек Нодира Раънога беозоргина танбеҳ берган эди:

    - Эй , бир пас шошмай турсан- чи ?! Ўзимнинг ишларимга улгура олмаяпман! Зарур  ҳужжатни тайёрлаб етказиб тезда топширишим керак. 
    
    Раъно эса ўз ишидан бош кўтармай пўнғиллади:

   - Опа , мениям ишим зарур эди-да, соатни қаранг , кечки ўн саккиздан ўтиб бўлди , эрим боятдан бери телефон қилиб асабимни еб ташлади, ҳали уни касалхонадан олиб чиқишим керак.

   Раънонинг охирги сўзларини эшитиб ҳайрон бўлдим:

   - "Эримни касалхонадан олиб чиқаман" дейсизми ? Нима бўлган уларга ? Сизсиз чиқа олмайдиларни ўзлари ?

    - Йўқ-да , - деди Раъно хўрсиниб ,- улар яқинда операция бўлган эдилар . Кўричаклари ёрилиб кетай деганда жарроҳлик столига зўрға улгуриб қолгандик. Шунга амалиётдан ҳам анча оғир чиққанлар. Бугун тушликда жавоб теккан эди , мен бўлсам ҳали ҳануз ишимни ташлаб кета олмаяпман. Уларнинг ўзлари  амал- тақал юра оляптилар, бир дунё тақур- туқур идиш- товоқлар билан уйга ёлғиз қайта олмайдилар. Палатадаги жойларини ҳов тушлик пайти бўшатишлари керак эди. Мен бўлсам ҳануз бу ердаман . Ҳали такси гаплашиб уларни уйга олиб келишим керак.

    Азалдан кўнгли бўш  Нодиранинг дарровда юраги юмшади:

   - Боядан буён шундай демайсанми ? Борақол , "байинг"га қара...

     Раъно апил - тапил нарсаларини йиғиштиришга тутинди. Эшикдан чиқиб кетар экан , Нодирага раҳмат айтишни унутмади :

- Раҳмет, апше...

  - "Адеми айэл" экенбэ ? - сўз қотаман Раънонинг изидан Нодирага ,- рости ширин ва ажабтовур муомаласи билан одамни эътиборини жуда ўзига тортар экан.

    Нодира жилмайди :

   - Айтманг. Раъно жуда бошқача устоз. Ўқувчилар ҳам уни бирам  яхши кўришади.

    Орадан кўп ўтмай Раънони мен ҳам жуда яхши кўриб қолдим. Айниқса тушлик вақти барчанинг эсидан чиқиб қолишим мумкин , фақат Раънонимас .

    Телефоним тўқсон тўққиз фоиз ҳолатда овозсиз режимда турганлиги боис  кўпинча қўнғироқларни вақтида назорат қила олмай қоламан. Шундай пайтларда телефонимга СМС хабар учиб келади ва бу хабар албатта  Раънодан бўлади :

    - Апшее! Обеееддд....

       Мактабимизда фидойи Устозлар жуда кўпчиликни ташкил қилади. Ишончингни оқловчилар ҳам ...
    Уларнинг энг олд қаторида эса албатта Раъно етакчилик қилади.
    Ҳеч бир ишни оғринмай, маромига етказиб  қилиши сабаб уни катта-ю кичик бирдек яхши кўради. Ҳатто узоқ- яқиндаги мактаблардан ҳам Раънони  ишга таклиф чақириқлари анча- мунчагина ...
    Биз эса ҳар сафар ўзимизча баланд келамиз :

   - Дарахт бир жойда кўкаришини ёддан чиқарманг "яхши қиз!"
    У эса доимгидек ҳокисор жилмаяди :

   - Хўп бўлади ...

   Раъно ҳақида жуда кўп нарсаларни ёзгим бор. Аммо бўш вақт масаласи менинг азалий рақибим. Шундай бўлса- да , айтиб қўймоқчиман :
   
    - Сиз ҳақингизда ёзадиганларим ҳали бисъёр, гулларнинг Раъноси ...

  
@Xazon_Rezgi        /5

XazonRezgi (Official Channel)

28 Sep 2024 15:50

❤️МЕҲР қаерда жойлашган?

➖Юракда эмас, чунки у ерда севги, соғинч, висол каби ашқол-дашқоллар қалашиб ётибди.
➖Мияда ақл.
➖Кўзда зино ва хиёнат яширинган.
➖Юзда эмас, сабаби юз иккиюзламачилик билан бирлашиб кетган.
➖Қошда кибр.
➖Киприкларда ҳасрат.
➖Пешонада тақдир.
➖Яноқларда орият.
➖Бурунда димоғ.
➖Оғизда тартибсизлик.
➖Қулоқларда ишончсизлик.
➖Бошда ташвиш.
➖Бўйинда қарз.
➖Елкаларда бурч ва мажбурият
➖Қўлларда меҳнат.
➖Қоринда нафс.
➖Оёқларда умр бор.

МЕҲР инсон кўксида жойлашган!
🌱ОНА кўксига бош қўйган фарзандда,
🌱Қизини бағрига босган отада,
🌱Боласига кўксини тутган онада....

Ота-онангизни борида қадрига етинг, дўстларим!

Каналга уланиш 👇:
https://t.me/joinchat/AAAAAFB59SM9yhwXJGeW_g

XazonRezgi (Official Channel)

28 Sep 2024 12:52

Қўшнилар...

– Бу хонадонда уч қиз бор. Ёшлари ўтиб бораяпти. Бироқ бу остонага ҳали совчи йўламаган. Сабаби…

– Хўш-хўш?!

– Ҳар куни бу ҳовлидан жанжал шовқини эшитилиб туради. Дарвоза чошгоҳда ҳам очилмайди. Кўчага ҳафталаб супурги тегмайди. Қизлар ойна-тароқдан бўшамайди…

– Ҳиммм…

– Унга қўшни хонадонда ҳам уч қиз ўсаяпти.

– Хўш-хўш?!

– Учаласи ҳам университетда ўқишади. Бутун маҳалла яхши билади – учаласи ҳам одобли, устига-устак пазанда, қўли гул чевар… Хонадонда ҳамма ёқ саранжом-саришта. Қўни-қўшнию маҳалладошлар қизларни мақтаб адоғига етишолмайди… Аммо…

– Хўш?

– Бу хонадон остонасидан ҳам совчи ҳатламаган. Ҳаливери ҳатламайдиям…

– Ие? Нимага?

– Қизлар… “контракт”га ўқишади…

Муаллиф: интернет

Каналга уланиш 👇:
https://t.me/joinchat/AAAAAFB59SM9yhwXJGeW_g

XazonRezgi (Official Channel)

28 Sep 2024 10:22

#Кун_ҳикмати

Қоқилганингда ёрдамга чўзилган битта қўл омадинг чопиб турганда сен томон узатилган мингта қўлдан ишончлидир.

Яҳё Афанди

Каналга уланиш 👇:
https://t.me/joinchat/AAAAAFB59SM9yhwXJGeW_g

XazonRezgi (Official Channel)

28 Sep 2024 08:30

Айтинг неча пулга сотилар қадр

/channel/xazon_rezgi

XazonRezgi (Official Channel)

28 Sep 2024 06:39

🍇11 минг долларлик узум

Японияда етиштирилади.

/channel/xazon_rezgi

XazonRezgi (Official Channel)

28 Sep 2024 04:47

🌤 Ассаламу Алайкум! Шанба тонгги муборак бўлсин 🌱

☘️ Қалбингиз иймонга
☘️ Уйингиз қувончга
☘️ Юзингиз нурга
☘️ Кунингиз ҳайрли ва солиҳ амалларга тўла бўлсин.

Янги кунни ҳадя қилган Аллоҳга ҳамдлар бўлсин!

Каналга уланиш 👇:
https://t.me/joinchat/AAAAAFB59SM9yhwXJGeW_g

XazonRezgi (Official Channel)

27 Sep 2024 18:00

ДИККАТ ДИККАТ ФАСОН КИДИРИБ У КАНАЛДАН БУ КАНАЛГА УТИШНИ БАС КИЛИБ
👗Окшом либослари
👗Уйга кийишга
👗Кучага кийишга
👗Офисга кийишга
👗Келинчакларимиз учун
👗Муслималаримиз учун
👗Кизалокларимиз учун
👗Барча ёшга мос либослар  жамланган
КАНАЛГА   ТЕЗ КИРИНГ👇👇
/channel/+oYVVBWqj2eViY2Zi
/channel/+oYVVBWqj2eViY2Zi
/channel/+oYVVBWqj2eViY2Zi

XazonRezgi (Official Channel)

27 Sep 2024 17:05

👆👆👆👆 аввалги қисмлар

#МУАЛЛИМНИНГ_БИР_КУНИ

     #САОДАТ

    Саодат бир неча ойлардан буён оёқ оғриғидан азоб чекарди. Кўп бора шифокорларга мурожаат қилди. Муолажалардан  андак енгил тортди- ю , ахир-оқибат яна бошидан оғриқли кунларни кечира бошлар эди. Ва ниҳоят охирги қўйилган ташхис энг тўғриси бўлиб чиқди:

    - Суяклари емирилаётганмиш...

     Саодат ўзига  ташхис қўйган клиника тавсияси билан кўрсатилган шифохонада ўн кундан ошиқ ётиб чиқди.

   - Опа ... - деди у менга "Энди ўзингизни анча яхши ҳис қиляпсизми ?" деган саволимга,- таблеткаларни ичгандаги ошқозонимнинг  оғриғи бир нави , аммо оёғимни ўзига суякка қадаб  қилинадиган уколлар жонимни жуда қийнаб юборди- да ,- Саодат дарди ҳақида ортиқча  сир бой бермасликка ҳаракат қилди- ю , бироқ кўзларининг туб-тубида нималардир  ғилтиллади.

    - Саодат,- дейман унга далда берган киши бўлиб ,- мана кўрасиз уч ўғлингиз уч шунқорингиз бўлади. Ҳадемай улар катта бўлишиб келин олсангиз дастурхоннинг тўрида нозланиииб , эркаланиб "Қайси бирини есам экан ?" деб таомларни танлаб  ўтирасиз.

   Саодат синиққина жилмайди :

   - Вой опа ... Кўзимга ўша кунлар кўриниб кетгандек бўлди . Бирам мазза қилдим-ей ...Раҳмат сизга ...

   Дарсга қўнғироқ чалинди. Барчамиз ўрнимиздан қўзғалдик. Саодат оғир қадамлар билан дарсига кириб кетди.

     Саодатни жудаям яхши кўраман. Қандай ёрдам сўрасанг дарров бажо келтиришга ҳаракат қилади. Мен кўпинча унинг инсоннинг яримта гапидан тушуниб,  кўнгилдошини тафтини  олиш учун ҳаракат қилишига беш кетаман.
    Баҳорги таътил кунларининг  бирида мактабга  жилмайиб , юзлари яшнаб кириб келди :

   - Ҳаа асал қиз ? - дейман унга тегишиб ,- ҳойнаҳой "миннималар"ни  бошлаб келдингиз-ов ?

  Саодат қошларини мақтанганнамо қоқиб қўйди :

   - Опа ... Зўр иш қилдим. Бугун тандирда кўк сомса ёпдим. Ўзиям-чи , биринчи марта ёпган бўлсам ҳам мазасиям , кўриниши ҳам "вапше зўр" чиқди.
 
    - Иии, гап дегани исботи билан бўлмайдими ? Ҳижолат бўлмасдан икки донасини ўраб келмабсиз-да ,- дейман ёнимдаги ҳамкасбларга қараганча кўз қисиб  ,- мен есам бўлдийди ,  булар ҳам егандек бўлишаверарди.

   Саодат эса  ҳақиқатдан ҳижолат бўлди :

   - Уйдагилар зўр чиқибди деб... ҳаммасини еб қўйишди  ...

   - Ҳазиллашдим,- дейман ва яна қитмирлигим тутади ,- начора ... Улар ейишса биз ҳам егандек бўлаверамиз...

    Аммо уч кун ўтмай Саодат мактаб дарвозасидан ҳурсанд бўлиб кириб келди :

   - Баҳор опааа...

    Саодатнинг қўлида силкитиб қўяётган қора салафан халтани кўриб ёнимдаги шерикларимга гап қотаман:

    - Битта гап айтайми ? Саодат тандирда иссиққина қилиб сомса ёпиб келяпти, мана мени айтди дейсизлар...- мен шундай дедим-у,  Саодатга қараб баланд овозда  дедим ,- сомса роса мазали чиқдими дейман- а ?

    Саодат ёнимизга ҳайратланганча етиб келди :

    - Қаердан билдингиз , сомса олиб келганимни ?

   - Биламан-да ...

   - Айтинг қаердан ? - Саодат қўлимга олиб келган халтасини тутар экан.

   - Мен сизни биламан... "Кўнгли кетувди- я шуни" деб бугун сомса тайёрлашга тушганингиздан бери мени  ўйлаган Саодатсиз-да  сиз...
    Сўнгра мактаб ҳовлисига гул кўчат  экаётган шерикларимга эълон қиламан:

   - Қани қўлларни чаямиииз ? Аввал таом , бадаз калом ...

     Саодатнинг оёғи анча тузалиб қолганда катта ўғлининг буйраги қаттиқ оғриб қолди. У дарсини ўтади- ю , боласининг бошига югуради. Унинг тўнғичи кўпгина  устозларнинг дарс ва ҳисоботлар учун  видеороликлар тайёрлаш , ҳужжатларни пдф форматлаш каби ишларда оғиримизни аааанча  енгил қилгани сабаб  мактабимизнинг суюкли ўқувчиси эди , шу сабаб  барчамиз Саодат билан бирга ўғлининг соғлиги учун дуо сўраб , ташвишини чека бошладик.

    Бир ой вақтларда унинг катта ўғли ўзини анча яхши ҳис қила бошлади, аммо иккинчиси жарроҳлик столига ётиб қолди. Ўша кунлари бошига кейинги беш ойлар давомида кетма- кет ташвиш ортидан ташвиш тушган  Саодатнинг ғамгин чеҳрасига қараб ўзимга кўп ибрат олар эдим :

   - Бир оғиз чурқ этмайди- я ... Аллоҳ сабрининг ажрини ортиғи билан мукофотласин...

    Бир куни мактабга борсам Саодат хомуш бўлиб ўтирибди.

@Xazon_Rezgi      / 3

XazonRezgi (Official Channel)

27 Sep 2024 16:03

Qora Marvarid 4-qism

✍️Xazonrezgi
🎙Kumush Sirojiddin qizi

Obuna bo’lish uchun

Telegram | jonliikitob?si=Jo7FocK5s4_2r8QW">YouTube | Instagram |

XazonRezgi (Official Channel)

27 Sep 2024 13:49

#МУҲАББАТ
(воқеавий ҳикоя)

Собир ака...

Бугун иш билан туман марказига боргандим. Юмушларим тезда битди. Яхши бўлди , уйга барвақт қайтадиган бўлдим. Шу хаёллар билан апил- тапил йўналишли таксилар турадиган жойга қараб йўл олдим. Йўлда учраган бир таниш инсон диққатимни жалб этди.

Тўғрироғи унинг кўзлари ...

Мен умримда бунчалик маҳзун кўзларни кўрган эмасман. Бу кўзлар бир вақтлар бахтдан чақнагани ёдимда. Бунга эса бир неча ўн йиллар бўлди...
У вақтлар биз ёшгина ўсмир эдик. Яхши эслайман, маҳаллада Собир ака камсуқум, камтар, соддагина йигит бўлганлиги учун кўпда ҳам кўзга ташланавермасди. Токай уни тўйи бўлаётгани хабар тарқалмагунича , бу хабардан маҳалла бир ёнди, бир ёнди .Сабаби келин қўшни юртдан эди. ( Хозирда бу гаплар кулгили туюлади, сабаби эндиликда қўшни юрт у ёқда турсин ,балки қитъалараро ҳам турмуш қуриш бемалол бўлиб қолди) Эмишки, келин бадавлат оиланинг ёлғизгина, эркатой қизи экан. Тошкентга медицина техникумига ўқишга келган ва Собир ака билан бир-бирларини севиб қолишган Ўшанда ҳамма Собир аканинг шунчалик муҳаббати учун курашгани, Чимкентдек жойдан бировнинг якка-ю ягона , дурдона қизи Нигорасини олиб келаётганига тан берганди. Табийки , тўйга бутун маҳалла кўчиб чиққанди. У вақтлар тўйлар ҳовлиларда бўларди. Мен ҳам Собир аканинг ёнида ўтирган келинга роса қизиқиб қараганим, аммо унинг юзини кўришни ҳеч имконини топа олмай роса жонҳалак бўлганим ҳам эсимда.
Орадан кўп вақт ўтмади ...
Тахминан уч кун ўтиб , мактабга кета туриб, кўча супураётган келинчакга кўзим тушди. Қадамларимни секинлатиб уни томоша қилиб боравердим. У ҳам нигоҳимни сездими, қаддини ростлади. Мен томонга ўгирилиб ... ним табассум билан боқди. Во ажаааб ! Инсон боласи ҳам шунчалик гўзал бўладими? У озғин эмасди, балки салгина тўлароқ ва жуда келишимли эди. Юзлари сутга чайилгандек оппоқ, қошлари қалдирғоч қаноти янглиғ, кўзлари катта-катта ва оч тўтиё ( кўк) рангда эди, лаблари эса ҳудди очилай деб турган атиргул ғунчасини эслатарди. Келинчак Яратганнинг бетакрор санъат асари эди... Нигора келинойига қараб туриб "Шундай чиройли қиз нега оддийгина, чиройи ҳам ўртамиёна Собир акани танлаган экан ?" деган хаёлга бордим. Кўп ҳайрон бўлардим ..
Уларни маҳалламиз кўчаларида учратганимда баъзан бу саволларга жавоб ҳам олгандек бўлардим. Ишдан қайтаётган Собир акани кўча бошида кутиб олаётган Нигора келинойининг юзидаги табассум бутун кўчани ёриштиргандек бўларди гўё, Собир ака эса кўзимга нур ичида юрганга ўхшаб кўринарди . Ўша вақтларни эсласам велосипедини етаклаб келаётган Собир акани, уни ёнида чуғур - чуғур қилиб (уни тили шевасига ўхшаб жуда ширин эди) гапдан тўҳтамай келаётган келинойимизни, кўча бошида тўхтаб севгилисига ўрикка айланай деб қолган довуччаларни териб ховучлаб узатаётган ошиқ йигитни- ю, бахтдан боши айланган келинчак доим кўз олдимга гавдаланаверади. Улар бир йилга яқин бахтли турмуш қуришди. Бу вақт ичида Нигора келинойи бутун маҳалланинг суюкли эркатойига айланиб бўлганди.

Токи...

Ўша куни ҳавонинг авзойи бузуқ эди. Маҳалла аҳлини эса унинг авзойидан хам ёмон хабар кутиб турарди.

Жудаям машъум эди бу хабар ...

Нигора келинойи оламдан ўтибди. Юраги ёмон экан. Тўлғоқ вақтида жони узилибди... Унга менимча фарзандли бўлиш мумкин бўлмаган. Билмадим негадир кўнглим шунақа деяверади. Лекин севганига фарзанд инъом этиш , унга бахт ҳадя қилиш унинг орзуси бўлганлиги аниқ.
Таъзияда йиғламаган одам қолмади. Собир ака эса... Айтишларича уни қабрдан зўрға суғуриб олишибди, "Мени ташлаб кетма, Нигорам" деб шунчалик додлабдики... Яна йиғламаган одам қолмади.
Орадан бир хафта ўтиб маҳалла аҳли яна бир бор дод солиб олди. Кечаси билан шаррос ёмғир қуйганди, куз ойи бўлса-да чақмоқ ҳам чаққанди ўшанда . Одатда чақмоқлар баҳорда қўзғалон қилгувчи эди. Хуллас , кечаси ёмғир бошлаб чақмоқ чаққанида Собир ака қабристонга кетиб қолибди, чунки... Нигора

-1-

XazonRezgi (Official Channel)

27 Sep 2024 10:35

​#қарзим_бор

Ҳали Аллоҳимдан қанча қарзим бор,
Бажармаган суннат, қанча фарзим бор,
Ким ҳаққи раҳматни айтмадим бир бор,
Кимлардан қилолмай қолган арзим бор

Мукаррам ул зотдан сўровларим кўп ,
Ёлвориш , илтижом , оҳларим бисъёр .
Дилим қилган тавбам дастларида хўп,
Тан олган гуноҳим кўзгуда такрор

Ўқилмаган китоб , ошмаган орзу,
Кўзларим тикилган манзиллар қанча
Юрагим қатида зулматтус қайғу ,
Фироқда қоврилган кунларим анча...

Тарози паллада қайси амалим,
Эзгу тарафлари босармикан тош
Шукримнинг, зикримнинг, сабрим поёни,
Кипригим тиғида муаллақ бир ёш

Новдаман - орзуим осмонни бўйлаш,
Япроқман - бир куни узиламан чирт
Бандаман - мумкинми бир оғиз сўйлаш,
Мен ахир УМИДга тушганман шогирд

Ҳали Аллоҳимдан қанча қарзим бор...

Муаллиф: Хазонрезги.

Канал манзили 👇 :
https://t.me/joinchat/AAAAAFB59SM9yhwXJGeW_g

XazonRezgi (Official Channel)

27 Sep 2024 08:01

​#умр_манзаралари

БОНУ (ҳикоя)

Тақдир тақазоси билан бугун бир эҳсон дастурҳонида иштирок этишимга тўғри келди.

Таклиф қилинган хонадон жуда файзли экан. Остонадан оёқ босиб ичкарилашдан кўнгил яйрайди.
Мен ва олдинма - кетин келган аёлларни тўрдаги уйга олишди. Бу хона янги тушган келинга аталган меҳмонхона эканлиги ярақ - ярақ қилган янги жиҳозларидан кўриниб турибди.
Меҳмонхона ташриф буюрган аёллар билан деярли тўлай деб қолибди. Безатиғлик столни айланиб таниш - нотаниш аёллар билан кўриша кетдик.
Стол тўрида бир гуруҳ юзларидан нур таралган ҳожи оналар жой эгаллашибди. Уларни бундай атаганимга ҳайрон бўлманг. Ҳожи оналарни таниб олиш жуда осон-да . Кимга қанақа билмадим- у, мен учун уларнинг чеҳраси офтобнинг ердаги аксини эслатади. Кўнгил қурмағур ҳам улар билан кўришаётганда ўз сўзини пинҳона шивирлайди: "Илойим мен ҳам сизларга ўхшай" ...
Дуои фотиҳа ўқилди . Сўрашиб - исташиб бўлганимиздан сўнг даврабоши Муборак Ҳожи она чиройли , ибратли ҳикоят айтиб бердилар. Уларнинг ҳикоятлари тугаганда мезбон келинчаклар бежирим ҳалли косаларда барчага манпар тарқата бошлашди.
- Овқатдан бош тортиш айб , аммо менга ёғсиз қилиб озроқ сузинг , пархезда эдим,- дедилар Муборак Ҳожи она тавозе билан ийманибгина.

- Аммажон , ичақолинг буни Бону опам пиширганлар ...

Хонадон келинчагининг сўзи бир уй аёлга бунчалик таъсир қилади деб ўйламагандим .

Барча бирдан ҳаяжонга тушиб кетди. Барчанинг зумда кайфияти кўтарилди.
Салобат билан тўрда қўр тўкиб ўтирган Муборак Ҳожи она ҳам безовталаниб қолдилао :

- Нима ? Бону ? Бону қизим шу ердами ? Тез қизимни чақирақолинг...

Мен бир уй аёлни ҳурматига сазовор бўлган Бонунинг кимлигига қизиқдим.

Аста ёнимдаги суҳбатдошимдан шивирлаб сўрадим "Ким у ?"

Суҳбатдошим "Хозир кўрасиз " дегандек им қоқди .

Кўп ўтмай хонага қўлини кўксига қўйганча ўттиз ёшлар атрофидаги оппоқ юзли, дилбаргина жувон кириб келди. У бирор- бир пардозсиз ҳам жуда латофатли эди.

Бир уй аёл гур этиб ўрнидан турди.

- Бу ёққа ўтинг , бу ёққа ўтинг,- йиғилганлар Бонуга жой кўрсатиб ўз тарафларига тортқилай бошлашди. Бону айланиб даврабоши Муборак Ҳожи онанинг ёнига етганда уни интиқ бўлиб кутиб турган онахон қаттиқ бағрига босди. Юзларидан шап - шап ўпганча , кўзларига ёш олди :

- Ўзим ўргилай сендан, бирам соғингандим. Сени кўрсам Фотима опамни кўргандек бўламан. Келақол ёнимга...

Мен нималарнидир тушунгандек бўлдим. Демак , Бону ҳожи оналарнинг азиз дугонаси бўлган марҳума аёлнинг қизи. Ўша аёл бу даврадаги барча меҳмонлар учун бирдек азиз бўлган...

Менинг ўйланиб қолганимни кўрган суҳбатдошим аста пичирлади:

- Бону Фотима опа деган аёлнинг ёлғиз келини бўлган. Фотима опа бир фалокат сабаб тўшакка михланиб қолган эдилар. Ўшанда Бону олийгоҳдаги ўқишини ташлаб уч йил қайнонасига қаради . Оқ ювиб , оқ таради. Шу йиллар мобайнида уйидан бир қадам ҳатлаб остонадан ташқарига чиқмади.
Охирги ярим йил Фотима опа ҳотирасидан айрилди . Кўпчилик қариндошлар :

- Бироз дам олиб олинг . Қайнонангизга биз қараб турамиз , барибир сизни танимайдилар- ку ,- дейишганда Бону :
- Мен-чи , менинг ҳотирам жойида-ку . Улар мени кимлигимни билмаслар , аммо мен уларни кимликларини жуда яхши биламан,- деган экан.

Вақти соати келиб Фотима опа Бонуни қўлида жон бердилар.

Шунга ҳам уч йил бўлибди. Бону ҳозир олийгоҳдаги ўқишини тиклаб , битириб ҳам олди. Яқиндан буён ишга тушиб ҳам олибди.

Бу аёллар эса қайнонасига берган меҳри сабаб уни жуда яхши кўришади. Мен ҳам..

Суҳбатдошимнинг сўзларини тинглар эканман Бонуга боқдим. У Муборак Ҳожи онанинг бағрига сингиб ўтирар ва ширин энтикиб қўярди.
Мен ҳам ўзимча унинг кўнглидан ўтаётган сўзларни ўқиётгандек бўлдим .
Чамамда у қайнона ойисини жуда яхши таниган бу аёлларга қараб :

- Ойижонимни кўрган кўзларингиздан ўргилай ... - деяётгандек эди.

#тамом

Муаллиф: Хазонрезги

Каналга уланиш 👇:
https://t.me/joinchat/AAAAAFB59SM9yhwXJGeW_g

XazonRezgi (Official Channel)

28 Sep 2024 19:41

​#МУАЛЛИМНИНГ_БИР_КУНИ

    ▪️▪️▪️

    Ўғилой ҳақида ёзганимда бир сирни айтмасам бўлмас экан:

   - У ҳамкасбларим ичида энг биринчи содиқ мухлис- ўқувчим ! ( Баъзан эса терговчим десам муболаға бўлмас  ). Кўпинча ишдан қайтишда "Бугун асар ёзасизми ? Кеча фалон вақтгача кутдим" ёки "Ўзимам билувдим кеча асар ёзадиган ҳолатда эмасдингиз" дейдиган , каналда бирор сабаб туфайли асар ёзолмай қолсам билдирги беришга ўргатган инсон ҳам айнан шу Ўғилой бўлади.
  
    Ўтган йили айни байрам арафасида "Кўнгил ифори"ни бугун совға тариқасида ёзиб жойланг" деб қатъий сўраган ҳам шу Ўғилой эди. "Бугунги қисми сизни хафа қилади , қўйинг шу бугун ёзмай" десам яна қайта сўраган эди. Ўша куни "Кўнгил ифори" романида бош қаҳрамон Сулаймоннинг автоҳалокатга учраб оламдан ўтиш саҳнасини ёзиб жойлаган эдим ва асарни жойлашим билан шартта тармоқдан чиқиб кетгандим. Тонгда интернетга улансам энг биринчи хабар Ўғилойдан келган экан. Унинг менга ёзадиган хабарларининг деярли бари ўхшаш, шу билан бирга жуда қадрли ҳамдир :

  "Эй сиз ?! - деб бошлайди ҳар сафар ўз сўзини Ўғилой ,- қанақа аёлсиз-а ўзи ? Шунақаям бўладими ? Йиғлайвериб пишиб кетдим ахир. Хатто эрим "Яна бошладингми ? Бунча одамнинг юрагини эзиб хун бўлиб йиғлайверасан?"  деб мени овута олмай жони ҳалак бўлдилар.

    Кўп ўтмай мактубнинг давоми жўнатилган бўлади :

    - Жонингиз соғ бўлсин.

    Ўғилой ... Беғубор қалбли ҳамкасбим . Умр йўлларида топганим кўнгли уммон , қадрли дўст ...
    Сиздекларни яратган Аллоҳимга чексиз ҳамд...

   Хазонлар бағридан куйловчи Баҳорингиз Сизни Аллоҳ учун яхши кўради...

#давоми_бор        /7

Муаллиф:   Хазонрезги

Каналга уланиш 👇 :
https://t.me/joinchat/AAAAAFB59SM9yhwXJGeW_g

XazonRezgi (Official Channel)

28 Sep 2024 18:02

😳 ГЎРКОВНИНГ ҲИКОЯСИ....
{Ҳаётий воқеа. Асабингиз дош берса ўқинг}😱

...Мен анчадан буён одамларининг хизматини килиб келаяпман. Лекин хали бунакасини курмагандим.
Утган йилнинг ёз кунларида автохалокатга учраб халок булган ёши кирклардаги бир йигитни кумиш учун олиб келишди. Кечкурун жони узилган экан, бомдодга чикарадиган булишибди. Шу боис кабрни коронгу аралаш тонг арафасида казишимга тугри келди.
Аммо нимагадир кабристонга хафсалам булмай келди. Энг кизиги кабристонга етиб келганимда хеч качон килмаган ишни килиб куйганимни англаб етдим....😳😱😨😯

  ДАВОМИНИ БУ ЕРДА ЎҚИНГ👇👇👇

/channel/Solixa_Ayol/59108

👆ИНТЕРНЕТНИ ЛАРЗАГА СОЛГАН ХАЁТИЙ ВОҚЕА...

XazonRezgi (Official Channel)

28 Sep 2024 16:29

❤️‍🔥💎ЭРИНГИЗ УЙГА ТАЛПИНИБ КЕЛИШНИ ХОХЛАЙСИЗМИ?

➡️❤️ЖУДА ЁҚИМЛИ КАНАЛ❤️ БОЛЛАР КИРМАСИН ❌ АЁЛЛАР СИРЛАРИ

💋ЭРИНГИЗ ОЛДИНГИЗДАН БИРЗУМГА ҲАМ КЕТОЛМАЙ ҚОЛАДИ РОМ ҚИВОЛАСИЗ💋ХУДДИ ЁШ КЕЛИНЧАКДАЙ❣️

❣️❤️КАНАЛИМИЗДА ЭРНИ РОМ ЭТИШ ЙӮЛЛАРИ ФАҚАТ БИЗДА КИРСАНГИЗ ЧИҚИБ КЕТОЛМАЙСИЗ👇👇👇
/channel/+BqgICANvPg83Njky
/channel/+BqgICANvPg83Njky

XazonRezgi (Official Channel)

28 Sep 2024 14:59

👕 Bir kuni dugonamning kir yuvish mashinasiga aspirin tabletkasi solayotganini ko‘rdim. Avvaliga hayron bo‘ldim..

Lekin endi men ham bu ishni uning ortidan takrorlaydigan bo‘ldim!

⚪️ Ma’lum bo‘lishicha, aspirin tabletkasi..

XazonRezgi (Official Channel)

28 Sep 2024 11:59

Кўзларини оҳиста очиб эрига боқди.
-сиз келдингизми?-деди ҳурсанд бўлиб.Эрини юзи сал бошқачароқлигини сезиб қўрқувдан миясига дахшатли фикр урилди.Бу эри эмас...
-йўқ келмади!-деди ўзидан сал нарида турган эри совуқ жилмайиб.Шахруза яна уйғониб кетди.Туш экан..шунақаям қўрқинчли туш бўладими.Ухламайман энди дея шифтга қараб ётаркан яна кўзи кетиб қолди.
-сиз? Келдингизми?-деди Шахруза шкафдан кийимини қидираётган эрига қараб.Эри ортига ўгирилиб кулганда Шахрузани эсхонаси чиқиб кетди.
-у келмаган!
Дахшат ила яна уйғониб кетди.Яна туш экан..нималар бўляпти? Мияси қаттиқ лат еганми тавба?
Қачон кўзи кетди ўзи ҳам билмайди.Бир пайт нариги хонада чироқ ёниб кимнидир юрганини сезди.Ўрнидан туриб ўша хона томон юрди..

XazonRezgi (Official Channel)

28 Sep 2024 09:59

❤️❤️❤️❤️  ❤️❤️❤️❤️❤️

𝑶𝒁𝑰𝑺𝑯 𝑴𝑨𝑹𝑨𝑭𝑶𝑵𝑰𝑴𝑰𝒁𝑮𝑨 𝑸𝑨𝑩𝑼𝑳 𝑩𝑶𝑺𝑯𝑳𝑨𝑵𝑫𝑰 🤩🥳

1 - Oktyabr 𝑲𝒆𝒄𝒉𝒌𝒊 𝑺𝒐𝒂𝒕 𝟐𝟎:𝟎𝟎 𝑺𝒕𝒂𝒓𝒕👇👇
@Mahbuba_Ravshanovna1

❤️ 𝑺𝒊𝒛 𝒆𝒏𝒈 𝒂𝒔𝒐𝒔𝒊𝒚𝒔𝒊 𝑫𝑶𝑹𝑰𝑳𝑨𝑹𝑺𝑰𝒁 𝒗𝒂 𝒉𝒆𝒄𝒉 𝒒𝒂𝒏𝒅𝒂𝒚 𝑫𝑰𝑬𝑻𝑨𝑳𝑨𝑹𝑺𝑰𝒁 𝒒𝒐𝒍𝒂𝒗𝒆𝒓𝒔𝒂 𝑼𝒀𝑰𝑵𝑮𝑰𝒁𝑫𝑨𝑮𝑰 𝑩𝑶𝑹 𝑴𝑨𝑺𝑨𝑳𝑰𝑸𝑳𝑨𝑹𝑵𝑰 𝒀𝑬𝑩 𝑻𝑼𝑹𝑰𝑩 𝒐𝒛𝒂𝒔𝒊𝒛❤️❤️❤️

❤️ 𝟏- 𝒐𝒚𝒅𝒂   𝟓 - 𝟏𝟐 𝒌𝒈 𝒈𝒂𝒄𝒉𝒂 𝒐𝒛𝒊𝒔𝒉𝒈𝒂 𝑮𝑨𝑹𝑨𝑵𝑻𝑰𝒀𝑨 𝑩𝑬𝑹𝑨𝑴𝑨𝑵.

❤️ 𝑵𝒂𝒛𝒐𝒓𝒂𝒕 𝒎𝒂𝒏𝒅𝒂  𝟐𝟒/𝟕 𝒔𝒉𝒂𝒙𝒔𝒂𝒏 𝒙𝒆𝒄𝒉 𝒒𝒂𝒏𝒂𝒒𝒂 𝒚𝒐𝒓𝒅𝒂𝒎𝒄𝒉𝒊𝒍𝒂𝒓𝒔𝒊𝒛 𝒐𝒛𝒊𝒎 𝒏𝒂𝒛𝒐𝒓𝒂𝒕 𝒒𝒊𝒍𝒂𝒎𝒂𝒏.  𝑫𝑰𝑬𝑻𝑶𝑳𝑶𝑮  𝑴𝑨𝑯𝑩𝑼𝑩𝑨 𝑹𝑨𝑽𝑺𝑯𝑨𝑵𝑶𝑽𝑵𝑨 𝒃𝒊𝒍𝒂𝒏 𝒃𝒊𝒓𝒈𝒂 𝒐𝒛𝒂𝒔𝒊𝒛 ‼️

𝑮𝒖𝒗𝒐𝒉𝒏𝒐𝒎𝒂:2044875

❤️ 𝑿𝒐𝒛𝒊𝒓𝒐𝒒  𝒄𝒉𝒆𝒈𝒊𝒓𝒎𝒂𝒅𝒂𝒏 𝒇𝒐𝒚𝒅𝒂𝒍𝒂𝒏𝒊𝒏𝒈 𝒗𝒂  𝒋𝒐𝒚𝒊𝒏𝒈𝒊𝒛𝒏𝒊 𝒃𝒂𝒏𝒅 𝒒𝒊𝒍𝒊𝒏𝒈 𝒗𝒂 𝒊𝒅𝒆𝒂𝒍 𝒒𝒐𝒎𝒂𝒕 𝒔𝒂𝒓𝒊 𝒊𝒍𝒌 𝒒𝒂𝒅𝒂𝒎𝒏𝒊 𝒕𝒂𝒔𝒉𝒍𝒂𝒏𝒈 ❤️👇👇👇
/channel/+0D29VDLau1dlMWM6
/channel/+0D29VDLau1dlMWM6

XazonRezgi (Official Channel)

28 Sep 2024 06:59

👩‍🦰—Erim meni Dubayga sayoxatga opketyapti😍, ishonasanmi dugon xar kuni gullar, sovg'alar opkeladi, pul so'rasam jaxl qilmasdan ortig'i bilan beryapti. Shunaqayam baxtliman xuddi 18 yoshga qaytgandekman 🥰
👩‍🦱—Yaqinda nolib yurodingku, erim bee'tibor, gul tugul so'ragan pulimniyam bermaydi deb 🙄
👩‍🦰—Ehh o'rto xammasi o'zimda ekan. Telegramda bir kanal topvoldim, BEPUL kurslar orqali shunaqayam zo'r narsala o'rgatdi, mana natijasini ko'rib turibsan 💃🥳
👩‍🦱—Mangayam berchi linkini 🥹🙈

👩‍🦰—👇👇mana tezro ulanvol lekin xich kimga aytma 🤫

XazonRezgi (Official Channel)

28 Sep 2024 05:59

#ФОКУС #ТEСТ

Қайси санада туғилганизни танланг!

Натижасини ўзиз кўрасиз 😄

Яқинларга ҳам улашиб уларни ҳам хурсанд қилинг😉

XazonRezgi (Official Channel)

27 Sep 2024 18:32

Замон тезлашмоқда, айрим янги одобларга ҳам эхтиёж пайдо бўляпти:
• Кимдандир пластик карта орқали қарз олсангиз, қайтаришда хизмат хақини ҳам қўшиб ўтказинг;
• Бошқаларнинг қанча ойлик олишини сўраманг. "Ишда левийлар борми?" дея иржайманг;
• Кимгадир телефон қилганингизда иккинчи йўналишга тушсангиз, битта чақириқдан кейин алоқани узинг. У одамга Сиз қидирганингизни англаш учун шу кифоя. Узлуксиз чақириқларингиз билан суҳбатини хира қилманг;
• Кимгадир қўнғироқ қилсангиз ва у жавоб бермаса, бир секунддан кейин ҳам жавоб бермайди. Қайта-қайта қўнғироқ қилаверманг. Умуман, жавоб бериш у томоннинг хуқуқи, зинҳор мажбурияти деб қараманг;
• Кимдир бирорта суратни кўрсатиш учун телефонини берса, фақат ўша суратни кўриш билан чекланинг. Бармоғингиз билан кейингиларига ўтиб кетманг. Хаққингиз йўқ бунга;
• Ҳаддингиз сиғмаган одамга, яна жамоат орасида иккинчи хотин, оила масалаларида қочирим қилманг;
• Чоррахаларда тўхтаб турилганда ёнингиздаги машинадагиларга олайиб қараманг. Ҳеч ким ҳақингизни еб кетмаяпти. Умуман айтганда буткул қарамасангиз янада яхши. Чунки улов ҳам бировнинг мулки, унинг ичи кимнингдир хонадони мақомида;
• Кимдир телефонида нимадир қидираётган бўлса тикилиб турманг, бошқаларнинг телефон экранига рухсатсиз ва ўта заруратсиз қараманг;
• Умумий овқатланиш масканида атрофингизда аёллар ва болалар бўлса, сўзларингизни ҳам, овозингизни ҳам, кулгингизни ҳам назорат қилинг!

© интернет

@xazon_rezgi

XazonRezgi (Official Channel)

27 Sep 2024 17:08

​#МУАЛЛИМНИНГ_БИР_КУНИ

- Ҳа Саодат ,- дедим хаёлим унинг ўғилларига кетиб ,- тинчликми ? 

   - Э сўраманг, опа ? - Саодат тўлиб турган экан базўр гапира кетди,- кеча синфимдаги Лена мактабга дарс бошланишидан бир  соатча  аввал келган экан. Мактаб ёнбошидаги бетон ариқни ёнида ўйнаб юриб , йиқилиб қўлини синдириб олибди. Мен хонада ёзув- чизув қилаётгандим. Тўғри-да дарслар иккинчи сменда соат бирда бошланса ,  биринчи смен тугамаган бўлса , Ленани ўн бешта кам ўн иккида мактабга келиб олиши тушимга кирибдими ? Шундаям "Ленангиз йиқилибди" деган хабарни эшитиб оқсоқланиб,  халлослаб воқеа жойига етиб бордим , қизчага биринчи ёрдам кўрсатиб  уйига жўнатдим. Кетидан онаси келиб қилди тўпалон , қилди тўпалон. Нима эмиш "Кўзинг қаерда эди ?" эмиш... На тўғри гапга қулоқ солади , на бошқасига. Яна қизини шифокорга олиб бориш ўрнига етаклаб олган. Уям бўлса изиллаб йиғлаб турибди.
      Охири мениям асабим дош бермади  : "Ҳой барака топгур уйда ўтирасан , қизингни бунча барвақт жўнатмагин- да!" деганинимни биламан , қилди қиёматни.
     Хуллас бугун кечагини давоми бўлди . Ўша Вера махаллага чиқиб оқсоқолга менинг устимдан  арз қилибди. Махалла оқсоқоли ва фаолларини барчасини тўплаб мактабга етаклаб  келибди .

    Ёмон дилим оғриди- да , опа... Вера ҳаммани олдида тинмай тилини бермай бидир - бидир қилаверувди , мен "Кечирасизлар , ҳақиқатда айб менда . Лена дарсга барвақт келганини кўрмай қолганим учун ариза ёзиб  ишдан бўшаганим бўлсин" дедим- у , хонадан чиқиб кетдим.
     Опааа ...
     Катталар ёнида енгиллик қилганимни билдим. Аммо нима қилай ? Айб менда бўлганда ҳам майли эди...

    Саодат маъюсгина хўрсинди :

   - Махалла фаоллари билан раиси ортимдан  "Ҳой қизим, тўхтанг "деб қолишди ...
    Бироқ мен хонада қолсам йиғлаб юборишдан ўзимни тия олмайман деб чўчидим-да...

    Ўша куни ҳақиқат қарор топди. Вера келиб Саодатдан кечирим сўраб кетибди. "Уйимдаги бўлган жанжалнинг аламини сендан олгандим узр" дебди у .

    Орадан бир хафта вақт ўтиб Вера фарзандларига синф раҳбарлик қиладиган уч нафар Устозга ўз қўли билан тайёрлаган    турли рангдаги гулдастачаларни елим вазага жойлаштириб  совға қилиб бериб юборибди.

    - Вууй бунча чиройли ,- дедим мен  гулдастачаларга қараб завқим келганча , - буларнинг "автори" ким?

   - Айтсам ишонмайсиз ,- кулимсиради Саодат ,- Вера ! Ҳа нотўғри эшитмадингиз бу ўзимизнинг Вера ! Ўз ижодидан ...

   - Зўр- ку , -дедим гулларни қўлимга олиб ,- биз ҳам қизлар билан ясасак бўлар экан.

   Шу пайт қўлимдаги гулдастадан тўп- тўп этиб бирин- кетин стол устига шокаладлар тўкилди:

   - Гулларингиз мўъжизавий экан, "с шокаладом !"

    Совға эгалари ўзлари учун аталган алоҳида "бонус"ни кўришмаган экан.

   - Вера қолган устозларга тўрт донадан шокалад совға қилибди , менга эса олти дона ,- ёш боладек самимий кулимсиради Саодат ,- мени тилим аччиқроқ-да , шунга бошқача  ҳафсала қилган чиқар.

      Шу куни мактабимизда иш юритувчи бўлиб ишлайдиган қизимизнинг тўйи эди. 

   Барчамиз дарслардан сўнг тўйхонага отландик.

    Жамоа аёллари бир столни эгалладик. Анчадан буён бир жамоа бўлиб бундай тўй- ҳашамда йиғилмаган эдик. Шунга бўлса керак барчамизнинг кайфиятимиз кўтаринки...

    Айниқса рўпарамда ўтирган Саодат тинмай менга им қоқади :

   - Опааа... Рақсга тушайлик ... Бугун мен тўйга "Бииир тўйиб рақс тушаман" деб келганман...

   - Сиз ўзингизни асрашингиз керак...- дедим мен Саодатнинг ғамини еб ,- эртага оёғингиз оғриса ўзингиз қийналасиз ...

    Саодат хушҳол жилмаяди :

   - Қўяверинг , опа ... Оғримаган оёғимми ? - у шундай деб даврадагиларга тантанали эълон қилади ,- бугун ўйнаб юрагимдаги ғуборларимни чиқариб юбораман деб оғриқ қолдирадиган доримдан иккитасини ичиб келдим...

     Тўйхона бўйлаб мусиқа садолари янгради. Рақсни Саодат бошлаб берди ...

   Унинг рақси ўзи каби беғубор , серзавқ ва болаларча самимий эди...


#давоми_бор       /4

Муаллиф:   Хазонрезги

Каналга уланиш 👇 :
https://t.me/joinchat/AAAAAFB59SM9yhwXJGeW_g

XazonRezgi (Official Channel)

27 Sep 2024 16:29

Шайтон Аллоҳдан сўраган экан:
— Эй Аллоҳ! Одамлар учун уй бердинг. Менинг уйимда қаерда?
— Одам болаларига ўтирадиган жой бердинг. Менинг ўтирадиган жойим қаерда?
— Одам болаларига қироат қиладиган нарса бердинг. Менинг қироатим нима?
— Одам болаларига гапирадиган гап бердинг. Менинг гапим нима?
— Одам болаларига элчилар юбординг. Менинг элчиларим ким?
— Одам болалари учун китоб бердинг. Менинг китобим нима?
— Одам болалари учун ов қуролларини бердинг. Менинг ов қиладиган воситам нима?
— Одамлар учун тамо бердинг. Менинг таомим нима?

Бу саволларнинг жавобини сиз ҳам билиб олинг!

XazonRezgi (Official Channel)

27 Sep 2024 13:49

​​#муҳаббат
-2-

келинойи чақмоқдан қўрқар экан
Эрталаб қабристон қоровули келинойининг қабрига тўнини ёпиб ,ўзи қабр ёнида  беҳуш ётган Собир акани кўриб қолади ва дарҳол уйига хабар юборади. Ўшанда келинойининг таъзияси иккинчи марта бўлганди бизлар учун...
     Орадан йиллар ўтди... Собир ака тақдир тақазосига кўра уйланди.

     Унинг эндиги уйланган аёлига қараб ҳайрон қолдик, сабаби у кўримсизгина эди. Дарров Нигора келинойини эсладик. Қандоқ эди-я? Лекин иккинчи аёли билан Собир ака кўп яшамади...

     Учинчиси билан ҳам...

     Мен орадан йиллар ўтиб "Собир ака нега келинойига ўхшаган аёлни топмади, кейинги  уйланганлари нега кўнглига ўтирмади?" деган саволларга жавоб топгандек бўламан. У кишининг муҳаббати битта бўлган...Ягона! Бошка қурган турмушлари эса ота- оналари, бошқа яқинларининг кўнглига қараб  , Собир ака  учун эса аҳамиятсиз бўлган.
    Ҳикоямнинг бошида эса Собир аканинг кўзлари маъюс , маҳзун дегандим. Нимага шунақа экан?
    Уларнинг кўзларининг нури Нигораси билан кетган, яъни кўнгли билан... Нигораси нега Собир  акани танлаган , улар бошқа- бошқа олам вакиллари эдилар... Саволларим жавобини менга йиллар берди. Бирма-бир. У иккисининг кўнгли бир бўлган, бошқа ҳеч қандай ҳайратомуз ҳодиса бўлмаган у ерда. Кўнгил бир бўлса вақт ҳам, масофа ҳам ўз аҳамиятини йўқотар экан...

      Сизга шунча сўзни ёздим, шундан кейин ҳам менга "Вақт - даъво " деб кўринг- чи?...

                          Хазонрезги

Канал манзили 👇:
https://t.me/joinchat/AAAAAFB59SM9yhwXJGeW_g

XazonRezgi (Official Channel)

27 Sep 2024 11:59

#қотил_дори

7 ёшли қиз шу оддий дори туфайли вафот етди!

Бу доридан ўлим холатлари кўпаймоқда.

Бу дори ҳамманинг уйида бор лекин кўпчилик қанчалик хавфли эканини билишмайди.

☠ Бу доридан эхтиёт бўлинг❗️❗️

XazonRezgi (Official Channel)

27 Sep 2024 09:59

❤️‍🔥💎ЭРИНГИЗ УЙГА ТАЛПИНИБ КЕЛИШНИ ХОХЛАЙСИЗМИ?

➡️❤️ЖУДА ЁҚИМЛИ КАНАЛ❤️ БОЛЛАР КИРМАСИН ❌ АЁЛЛАР СИРЛАРИ

💋ЭРИНГИЗ ОЛДИНГИЗДАН БИРЗУМГА ҲАМ КЕТОЛМАЙ ҚОЛАДИ РОМ ҚИВОЛАСИЗ💋ХУДДИ ЁШ КЕЛИНЧАКДАЙ❣️

❣️❤️КАНАЛИМИЗДА ЭРНИ РОМ ЭТИШ ЙӮЛЛАРИ ФАҚАТ БИЗДА КИРСАНГИЗ ЧИҚИБ КЕТОЛМАЙСИЗ👇👇👇
/channel/+BqgICANvPg83Njky
/channel/+BqgICANvPg83Njky

XazonRezgi (Official Channel)

27 Sep 2024 06:59

😪 Ҳар куни уй тозалашдан, йиғиштиришдан чарчадизми?

Бу каналга обуна бўлганимда мен ҳайратда қолдим 🤷‍♀, ҳаммага тавсия қиламан! 😍

💁 Бу ерда барча бекажонлар доимий дуч келадиган ошхонани тозалаш, уйларни саранжомлаш ва ҳар хил кундалик қийинчиликлар учун лайфхаклар, тозалаш ва саранжомлаш бўйича тез ва осон ечимлар ҳамда фойдали маслаҳатлар бериб борилади.

Сиз ҳам тез уланиб олинг, ҳавола тез орада ўчади 👇👇
/channel/+1rWsJ8US3LNlZmE6