XazonRezgi (Official Channel)

14 Oct 2024 13:40

   - Барнохон , даданг сенга ҳам фалон миллион сўм тегиш ажратгандилар . Келсанг , рўзғорингга керакли буюмларни олиб берармидик?!
    Менинг томоғимга нимадир тиқилди :
   - Менга ҳеч нарса керакмас , Ойижон . Мен учун сиз ва дадамлар соғ бўлсангиз бўлгани .

Ойижоним менга қўнғироқ қилган куни кечга бориб дадамнинг аҳволлари тўсатдан оғирлашган. Акаларим дадамларни докторма- доктор, шифохонама - шифохона олиб , ким нима буюрса "чиқмаган жондан умид" дея дори- дармонларни сотиб олишаверган, буюрилган барча муолажаларни қилдиришган.
Эртаси куни воқеадан огоҳ бўлишим билан уйга чопдим. Дадамнинг аҳволлари анча енгиллашган , ўзлари уйқуда эканлар.
Ойижоним мени минг ҳижолат билан кутиб олдилар :
- Қизим , сенга атаган пулимизни ҳам ишлатиб қўйдик. Даданг "Бу пуллар Барнохонимга тегишли эди" деб ўзларидан ўзлари бирам хафа бўлиб қолдилар. Кечир...
Мен уларни овутишга шошилдим :
- Ойижон , мен бир фарзанд бўлиб оғирингизни енгил қилиш ўрнига сиздан яна нимани таъма қила оламан? Сизлар асло ҳижолат бўлманг ва пулларни ўз эгасига етказдик деб ҳисобланг.
Шу куни Ойижонимга кўп сўзларни айтдим . Мен бир , Ойижоним бир йиғладилар.
Икки хафтанинг нари - берисида эса дадам оламдан ўтдилар . Улар то жон таслим қилгунларигача "Барнохоннинг тегишини ишлатиб қўйдим" дея надомат чекканлари юз- кўзларидан билиниб турарди.
Дадамлар оламдан ўтгач , бир куни уларни соғинганимдан йиғлай- йиғлай кўзим илинибди. Тушимга дадажоним кирибдилар . Оппоқ кийимдаги дуогўйимнинг нурли юзлари кулиб турган эди. Улар қўлларини мен томонга чўзиб жилмайганча сўзга киришибдилар:
- Қизим , мен сенга фоний дунёда ўзимча тегиш ажратгандим ва бундан ўзгача ҳаловат туйган эдим. Аммо ўзимга боғлиқ бўлмаган ҳолда ниятим амалга ошмаган эди.
Қизим. Барнохон. Мен ҳар икки дунё остонасида туриб сен учун Аллоҳимдан астойдил барака тиладим. Ин шаа Аллоҳ дуоим ижобаат бўлишидан умидворман.
Эшитдингми , қизим ?! Мен сенга бир ота сифатида Аллоҳимдан барака тиладим...

Тонгда уйқудан дилим жудаям равшан бўлиб уйғондим.
Шу кундан бошлаб ҳаётимда бошқача ўзгариш бўлаётганини , кун, соат , дақиқа , сонияларимга барака сизиб кираётганини ҳис қилиб турар эдим .
Ана шунақа гаплар , Опажон... Сизни қизиқтирган бор гап шу...

Мен Барнохоннинг ҳикоясини тинглаб уни қаттиқ бағримга босгим келди.

Ҳа яхшилар ... Дунёда Барнохон сингари энг азиз инсонларидан дуо олган ва Аллоҳ ушбу дуоларни ижобаат қилган ана шундай ҳазрати инсонлар борлиги рост...

Бўлган воқеа бу... Бари рост ...


Муаллиф: Хазонрезги

@Xazon_Rezgi

XazonRezgi (Official Channel)

14 Oct 2024 11:59

🙋‍♀Қизларжонлар!

🤷‍♀Уйдагиларга "Бугун кечга нима овқат қилай?" деб савол берсангиз улар нима деб жавоб беришади?

Шахсан менга шундай жавоб беришади: "Фарқи йўқ, ўзинг билганингни қилавер!" 😢

Тўғриси бундай жавобдан зерикканман. Лекин яқинда дугонамнинг тавсияси билан "Кунлик Рецептлар" деган каналга қўшилдим. Ишонасизми, энди ҳечкимдам нима овқат қилай деб сўрашимга ҳожат йўқ!

Сизларга самимий тавсиям, ҳозироқ шу каналга обуна бўлинг👇

XazonRezgi (Official Channel)

13 Oct 2024 18:31

Qora Marvarid Yakun
✍️Xazonrezgi
🎙Kumush Sirojiddin qizi

Obuna bo’lish uchun

Telegram | jonliikitob?si=Jo7FocK5s4_2r8QW">YouTube |

XazonRezgi (Official Channel)

13 Oct 2024 17:52

#СЎНГГИ_НАФАСГАЧА
   - Барно,  зўр гап айтайми?  - деди меҳр билан Норпошша,- бахтинг кулган сен қизни.  Бўлажак қайнота-қайнонанг дунёда тенги йўқ инсонлар...- у шундай деб муғамбирона кўз қисди,  - аммо менинг Шермат сассиқ раис қайнотам ҳам чакки инсонмас...

   Барнонинг сўлғин чеҳрасига табассум югурди.

    🔳 🔳 🔳
   
- Аҳири кетадиган бўлдингизми?  - кўзлари ёшга тўлди Барнонинг

- Йиғлама,  Барно...  - томоғига алланима тиқилди Абдужабборнинг,-  Юрагим сезиб турибди. Мен тезда қайтаман.   Сен эса қайтгунимча ўзингни эҳтиёт қил.  Кейин эса сира ажрашмаймиз.  Қариб,  қартайиб қолгунимизгача бирга бўламиз.

    Барно чуқур хўрсинди.

   - Пешонамизга қанча соғинч кунлари битилган экан?  - у узун енгининг орасидан четлари тўр қилиб тўқилган ипак рўмолча чиқарди,- бу сизга.  Мени эслатиб туради.

    Абдужаббор рўмолчани олиб аста ҳидлади: 
    - Сени ифоринг келяпти. Қалампирмунчоқ иси...

   - Ёзувиям бор,- уялганча ерга қаради Барно.
    Абдужаббор рўмолчани ёйиб унинг бир четига майда қилиб тикилган "Кутаман. Б. " деган ёзувни кўриб Барнога муҳаббатга тўла кўзларини қадади: 
   - Сендек қиз дунёда ягона,  Барно...-деди у бўғиқ овозда, ишон,  ҳаётим ва юрагимда битта сенга ўрин бор... Сендан бошқа ҳеч қайси қиз у ўринга давогарлик қила олмайди...
   Ҳаёдан  Барнонинг юзлари ловиллаб кетди. У ерга қараганча аста: 
    - Мен учун ҳам,- дея олди холос.

   - Барно...

   - Лаббай...

   Абдужаббор чўнтагидан мўъжазгина тугунча чиқарди: 

   - Мениям совғам бор сенга...

  - Вооой... Менгами?  Нима бу Абдужаббор ака? 

@xazon_rezgi /40

XazonRezgi (Official Channel)

13 Oct 2024 17:52

#СЎНГГИ_НАФАСГАЧА

Кутилмаганда уруш ҳақидаги хабарни эшитиб Барнонинг барча орзулари ер билан битта,  чил-парчин бўлгандек бўлди.
    Кечагача,  ҳатто бугун тонг отганда ҳам ҳаммаси қандоқ яхши эди-я?  Энди бўлса...
    Яқинда ўзини бирда студент,  бирда келин,  бирда эса суюкли ёр ўрнида тасаввур қилаётган қизнинг дард-у дунёси қоп-қоронғи бўлди,  қўйди.
   "Бу ёғига нима бўлади?"  Бу савол фақатгина Барнонинг эмас,  балки уруш ҳақида эшитган барчанинг хаёлини қамраб олган эди. 
   Клуб олдидаги йиғилишга чиққан укаси Адҳам билан Ҳамдам эса бири олиб бири қўйиб  бир дунё янгилик топиб келишди. Уларнинг айтишича бўлғуси поччалари Абдужаббор  кўнгиллилар қаторида  бўлиб фронтга ёзилганмиш. Унинг амакисига "Энди ўқишга қайтмайман,  шу ердан урушга кетаман"  деганини Ҳамдам эшитибди. Яна укаларининг айтиши бўйича Шермат раис қўрс одам бўлсаям,  мард одам экан. У нафақат ўзи,  балки ўғлиниям урушга борадиганлар рўйҳатининг энг бошига ёздирибди. 
   "Опа,  адамлар ҳам урушга кетарканлар!? " -Барно укасининг фахрланиб гапирган сўзларидан титраб кетди. "Наҳотки аҳвол шунчалик жиддий бўлса?- ўйлади у- адамлар урушга кетсалар бизнинг ҳолимиз нима кечади?"
   Барноларнинг уйида ҳам фотиҳа тўйи муносабати билан узоқ-яқин қариндошлар   йиғилишган эди. Улар даҳшатли ва совуқ хабар таъсирида тушкун кайфиятга тушиб қолгандилар.  Худди Абдуқаюм отаникида бўлгани каби эркак-у аёл меҳмонлар  клуб олдидаги йиғилишдан қайтиб уй-уйларига отланган вақтда бўлғуси қудаларникидан фотиҳа тўйига атаб пиширилган таомлар,  тандир сомса,  патир,  қанд-қурс,  майиз-ҳолва,  бўлғуси келин учун сарполар келиб қолди.
    Фотиҳа тўйи учун ҳозир қилинган бу нарсалар  муаллим уйида ҳозир бўлган меҳмонларда эртанги кунга йилт этган умид учқуни уйғотгандек бўлди. 
     Демак,  юртда яна тўйлар бўлади.  Демак,  юртда яна йигитлар куёв, қизлар келин  сарупоси кийишади. Демак, юртда яна фарзандлар туғилади,  боболар- бувилар набира суюшади.
     Демак,  юртнинг ҳали келажакдан умиди катта... 

   - Барно,- деди кеча таклиф қилингани учун  дугонасидан хабар олишга бирровга кирган Норпошша,- менга қара,  тўйларинг қачон бўларкан? 

   - Билмадим,- ўпкаси тўлиб елкасинэ қисди Барно,- аниғини айтишмади.  Абдужаббор ака урушга кетишга ёзилибдилар- у...
   

@xazon_rezgi /38

XazonRezgi (Official Channel)

13 Oct 2024 17:51

Хазонрезги:
СЎНГГИ НАФАСГАЧА

Каналга уланиш 👇 :
https://t.me/joinchat/AAAAAFB59SM9yhwXJGeW_g

XazonRezgi (Official Channel)

13 Oct 2024 08:05

Бир ўсмир йигит бир олимнинг олдига келиб сўради:
– Устоз, сиздай донишманд олим бўлиш учун нима қилишим керак?

Донишманд жавоб бермади. Ўспирин унинг ортидан бир неча кун тинимсиз эргашиб юрди, саволини такрорлайверди. Ниҳоят олим унга “ортимдан юр!” деган ишора берди-да, дарёга бошлаб борди. Сувга тушишди. Шу пайт донишманд ўсмирнинг елкасидан қаттиқ тутиб, сувга ботирди. Бола бечора қутилишга минг чиранмасин, уддасидан чиқолмади. Озроқ вақт ўтгач, олим уни қўйиб юборди. Ўсмир ўпкасини тўлдириб-тўлдириб нафас олди, бир оздан сўнг сал-пал ўзига келди. Шунда устоз сўради:
– Болам, сувда димиқиб турган пайтинг энг кўп истаган нарсанг нима бўлди?
– Ҳаво! Фақат ҳавога етишишни хоҳладим! – деди ўспирин ҳеч иккиланмай.
– Унинг ўрнига бойликми, кўнгил очишми, куч-қудрат ё севги-муҳаббатми истамадингми? – деб сўради донишманд.
– Асло йўқ. Нафасим тугаб, бўғриқиб кетдим, фақат ҳаво олишнигина истадим, холос, – деди ўсмир шоша-пиша.
– Олим бўлиш учун, бўталоғим, – деб сўзида давом этди устоз, – худди ана шундай хоҳиш керак. Сен бошқа мақсадларни четга суриб, фақат шу йўлда ҳаракат қилишинг керак. Бу мақсад кечаю кундуз хаёлингни банд этиши зарур. Агар олимликка шундай ғайрат билан интиладиган бўлсанг, ниятингга албатта етишасан.

@xazon_rezgi

XazonRezgi (Official Channel)

13 Oct 2024 03:22

🌤 ХАЙРЛИ ТОНГ!

Ассалому алайкум! Якшанба тонги муборак бўлсин...

Бугунги бошланаётган янги кунингиз файзли ва барокатли бўлсин! Сиз ва яқинларингизни яхши кайфият тарк этмасин!

Каналга уланиш 👇:
https://t.me/joinchat/AAAAAFB59SM9yhwXJGeW_g

XazonRezgi (Official Channel)

12 Oct 2024 18:01

Самад ака эса қаттиққўл бўлгани учун қизини доим тергаб турарди. Ўша куни ҳам қаёқдандир қизи ҳақида эшитиб қолади. Уйга қутуриб келиб қизини аямай урди. Қиз ҳеч нарса қилмаган, ҳаттоки у йигит билан тузук қуруқ гаплашмаганди ҳам.

-Сендай қизни боридан йўғи яхши. Ўғил бўлсанг бўлмасдими? Бошимни эгиб қўяй дедингку ифлос. Кўчага чиқсанг ўзингдан кўр осаман сени.

Вазира отасидан доим дакки эшитган, қўрқиб яшаганди. Вазирага отасини гапи жуда оғир ботди. Кейин эса... "Мендай қизни боридан йўғи яхши" дея хонасининг деворига маркер билан ёзди. Сўнгра бошини арқондан ўтказди ва...

Давоми👇👇👇

XazonRezgi (Official Channel)

12 Oct 2024 16:29

#СЎНГГИ_НАФАСГАЧА

- Тезда қоғоз-қалам олиб келларинг,- шижоат билан буюрди Шермат раис ёнида турган табелчи йигитга,- рўйҳатга биринчи рақамда Мухтор ёзилди. Хўп, иккинчисига мени номимни ёз. Мен ҳам унчалик қариб қолганим йўқ. Ҳали қурол кўтаришга қурбим етади. Ҳа! Мўйдинов Шермат деб ёз! Учинчисига ўғлим Мўйдинов Ҳакимни ёзасан.
Тезда эркаклар жамоаси ҳам, аёллар жамоаси ҳам гувраниб қолишди. Аёл-қизлар оталари, ака-укалари, эрлари, фарзандларинг номлари рўйҳатга тиркалаётганидан изтиробга тушишган, бироқ бўлаётган ишларнинг олдини олишга иложсизликларидан кўз ёш тўкмай юм-юм йиғлардилар.
Эркаклар, айниқса ёш йигит-яланглар номларининг рўйҳатга иложи борича тезроқ ёзилиш тарафдори бўлиб чиқдилар. Улар ўзларича аниқ кўрсатма келмагунча ёшлари олтмиш ва ундан ошганларни рўйҳатга киритмасликни маъқул деб топдилар.
Абдужаббор рўйҳатдан ўн иккинчи бўлиб жой олди. Унинг ортидан Абдулатиф ва Муҳаммаджон, шунингдек Абдуҳошим амакиси ҳам бирин-кетин ёзилдилар. Абдуқаюм отани эса ёшини икки кам олтмиш дея навбатдан қайтардилар.
Ярим соатга қолмай рўйҳатнинг қоралама нусҳаси беш варақдан ошиб кетган эди. Абдужаббор узоқдан рўйҳатга ўз исми шарифини ёздираётган Азиз муаллимга кўзи тушиб юраги увишди:

📌@xazon_rezgi /35

XazonRezgi (Official Channel)

12 Oct 2024 16:29

#СЎНГГИ_НАФАСГАЧА

   - Вооой шўрииим...- Раҳима хола беихтиёр ўнг юзини тирноқлаганча беҳол шивирлади,- Абдужаббор, болагинам... Бу гапларни эшитгунча онанг ўлсин сенинг...

- Шермат раис кўча куйда юрганларга клубни олдида йиғилишни буюрди,- Сайфиддин ака топиб келган хабардан айвоннинг у бошида ўтирган эркаклар-ёш яланг йигитлардан тортиб то мўйсафидларгача шоша-пиша ташқарига отилдилар. Уларнинг ортидан юрагининг бир бўлаги аллазамон узилишга улгурган аёллар эргашдилар...


Аёллар сафининг энг оҳирида қолган Қундуз опоқи айвондан туриб ўчоқ бошида бўлиб ўтган гап-сўзга гувоҳ бўлиб нафасини ютиб ўтирган қизига  овоз берди: 

   - Матлуба!  Қизим...

   - Ҳаа,  ойи? 

   - Мана бу дастурхоннинг бошида бўлиб тургин.  Яна мушукми,  чумчуқми келиб ҳаммаёқни гирифтор қилиб кетмасин... Нонларни йиғиштириб ўраб қўй,  қотиб қолмасин.

   - Хўп, ойи...

   Матлуба онасига ошиқча савол беришдан ўзини тийиб уни кўчага жимгина кузатиб қолди.

🔳 🔳 🔳

      Абдужаббор тинч,  осойишта қишлоқлари- Янги турмушда шунча  кўп инсон яшайди деб ўйламаган экан.  У қариндош эркаклар билан клуб олдидаги кенг саҳнга етиб келганда аллақачон ер-у кўкка одам сиғмай кетган эди.  Ажаб, ҳар сафар йиғилганда чувур-чувур қилиб бир-бирига гап бермайдиган издиҳом бу сафар ортиқча шовқин-сурон солмасди.  Бир-бирига вазмин сўзлаётган эркакларнинг суҳбатини ора-орада  чап тарафда алоҳида тўпланган хотин-ҳалажнинг ўксиб-ўксиб йиғлаши бузиб турарди


📌@xazon_rezgi. /33

XazonRezgi (Official Channel)

12 Oct 2024 14:59

У ногиронлик аравачасида чаққонлик билан ҳаракат қила бошлаганидан хурсанд эди. Оёқлари ишламаса нима бўлибди? Ўзи юра олмаса нима қилибди? Эри уни севади-ку! У кўзлари порлаб, аравачасини ётоқхона томон бурди. Шунда... эри ва Меҳронанинг ёнма-ён турганини кўрди.
- Бирам яхшисизки... – деди эри қизнинг сочларини силаб.
Гулифорнинг бутун танасини олов ичида қолди, гўё. Юраги бўғзида ура бошлагандек бўлди. Аравачасини ортга буришга уринди, аммо дир-дир титраётган қўллари ўзига бўйсунмасди. Бу пайтда эри Меҳронанинг қўлида тутиб, ётоқ каравоти томон бошлади. Энг даҳшати эса...

АСАРНИ ТЎЛИҚ ЎҚИШ👇👇👇👇👇

XazonRezgi (Official Channel)

12 Oct 2024 11:59

Раъно аборт учун кириб докторга ҳаёл суриб боқди...
-эплайсизми?
-бачадонинг қаттиқ шикаст ейди..айтмади дема! Муддати 4 ойлик анча қийин бўлади чидайсанми?
Раъно ич ичидан тошиб келаётган тўфонни тўхтатгиси келар...виждонини эшитмасликка уринарди...
-чидайман!
Кўзи ўзидан аввал келган юм юм йиғлаб ўтирган аёлга тушди...
-нима қилиб ўтирибсан ечин!-деди доктор жеркиб...Раъно титрай титрай кийимини ечди..оёқларини очиб совуқ темирга қўйганча шифтга хира нурга боқди...

XazonRezgi (Official Channel)

12 Oct 2024 05:59

-Ҳўш, буни қандай тушиниш мумкин? -деди Зебо Ферузга қошлари чимирилиб
-Йййўўқ ! Мен буни акцияда сиз айтгандек 150$га сотдим Зебо Асадовна -деди кўзини олиб қочганча ҳовлиқиб Феруза сотувчи
- Келин сиз ҳам бирон нима денг ,тўғрими ? бу айёр машеник бизни куппа кундузи алдабтику аҳир??? -келинига қараб деди қайнопа
-Ҳа бизга 500$га сотди деди - кўзлари қинидан чиқиб кетгудек бўлиб турган ,сув -сув тераётган келин
- Нима ,ҳой тўғри гапир -деди овозини кўтариб дўриллоқ овозда Феруза сотувчи келинга қараб

-Бўлди бас!!! Ёки бирингиз тан оласиз ёки мен камерани ёқиб билиб оламан , бунақа жанжалингизни кўчада қиласиз-деди тоқати тоқ бўлган Зебо.
Бу гап Ферузга ёмон таъсир қилди шекилли ранги докадек оқариб кетди:
-Ҳа 500$ дедим лекин пулларни ўзим олганим йўқ ,ишонинг ҳаммасига мана шу келиниз сабабчи,

XazonRezgi (Official Channel)

11 Oct 2024 17:17

#СЎНГГИ_НАФАСГАЧА

Муаллиф: Гулбаҳор Рахматуллаева (Хазонрезги)

  - Хўп,  янгажон,- Абдуҳошим иккита қайноқ патирни сочиқга ўраб йўлга тушди,- бемалол ишингизни битириб олинг, мен ўзим келди-кетдига ҳам қараб тураман. 

    Раҳима хола овсини Сабохат опа билан ишини битириб айвон тарафга келишганда у ерни узоқ-яқиндан келган қариндош,  қўни-қўшнилар билан тўлганини кўриб  дили яйраб кетди.

   - Ассалому алайкум,  хуш келибсизлар- ей?!  Хуш келибсизлар!  Қадамларингизга минг ҳасанотлар бўлсин...
    Икки овсин эркаклар тарафга узоқдан туриб салом беришган бўлишди-ю, ўзлари  айвоннинг биринчи бўлинмасида ўтиб аёллар билан қуюқ сўраша кетдилар. 
    Шу пайт эшик очилди-ю,  ранг-қути ўчган Розия опа бир аҳволда кириб кела бошлади.  Унинг изидан тугилган тоғорани қўлтиқлаганча Сайфиддин почча ҳам авзойи бузуқ аҳволда кўриниш берди.

   - Опа?!  - деди Раҳима хола жигарининг бу кўринишидан аъзойи баданини титроқ босиб,- тинчликми,  нимадир  бўлдими!? 

   Тўкилишга тайёр бўлиб тўлиб турган Розия хола синглисининг бу саволидан баралла йиғлаб юборди: 

   - Уруш бошланибди!  Уруш!  Юртимизга немис деганлари бостириб кирганмиш! 

   Раҳима хола нима учундир енгил тортди.  "Уруш бошланган бўлса нима? - ўйлади у ўзини овутган бўлиб,- бизнинг армиямиз хазилакам кучга эга эмасми?  Икки-уч кунга қолмай ўша немис деганини чиққан уясига киритиб юборади!" 

   - Энди нима қиламиз?  - ўксиб-ўксиб йиғлай бошлади Розия  хола,- энди болагинам Аҳмаджонниям урушга олиб кетиб қолса қандоқ чидайман? Ўғлим бояқиш гўшангаси йиғиштирилмай қон-зардоб кечгани ажални инига кетадими?

   - Опа?!-бирдан юрагига ҳадик оралади Раҳима холанинг ҳам,- ҳалитдан совуқ нафас қилманг!? Ким айтди сизга Аҳмаджонни урушга  олади деб?
     Розия хола йиғлай айвоннинг устунига суяниб қолди.  У кутилмаганда  бор-будидан бирваракай ажралган инсон қиёфасида синглисига алам билан жавоб қайтарди: 

   - Ана,  кўчада ҳамманинг оғзида шу гап?!  Москобдан эълон қилганмиш:  "Ўн саккиз ёшдан бошлаб қўлида қурол тутишга яроқли ҳар бир эркак ватан ҳимоясига отланади!"  деб.

#давоми_бор

📌@xazon_rezgi        /32

XazonRezgi (Official Channel)

14 Oct 2024 13:40

Муаллиф: Гулбаҳор Рахматуллаева (Хазонрезги)

БАРАКАНИНГ САБАБИ

(ҳаётий ҳикоя)

Бу келинчакни анчадан буён танийман. Ўзи кўпда кўзга "ярақ" этиб ташланмайди. Одмигина кийинади , маҳалладаги тўй- ҳашамларда ҳокисоргина , камсуқумгина бўлиб иштирок этади . Бироқ шунга қарамай ҳурматга сазовор келинчак у - Барнохон.
Бир куни қизиқ воқеа бўлди. Харид учун маҳалла гузаридаги дўконга чиқдим. Дўконда одам гавжум эмасди. Бир вақт дўконнинг кенг ойнасидан Барнохонни кўрган қассоб йигит ёнидаги шеригига сўз қотди :
- Аваз ака , қараб туринг . Анави келинойи кириб гўшт сотиб олсалар торози ҳеч тош босмайди. Роса ҳайрон қоламан. Ўтган сафар "Бир килограмм гўшт тортиб беринг" деб сўрагандилар. Тарозининг палласига ҳали гўшт ташлайман, ҳали гўштдан кесиб соламан , қани мувозанат жойига келса. Хуллас бир килограмм гўштнинг ўрнига салкам уч килограммча солганимдан сўнг мувозанат барқарор бўлди . Келинойидан сўнг гўшт харид қилган амаки сал қолса мен билан уришиб кетай дедилар. Улар олган икки килограмм гўштнинг салмоғи сал аввал келинойи учун тортганимнинг олдида жуда кам кўринган эди- да.
Қассоб йигитнинг сўзларини эшитиб бир ойча аввал Барнохоннинг қайнонаси айтиб берган воқеа ёдимга тушди .
"Шу келинимда бир сир бор-да. Қўли нимага тегса гуллаб , яшнаб , ўзидан кўпайиб кетаверади. Бир куни "Ҳой Барнохон , бизнинг далага бориб қулупнай теримига қарашиб юборинг" деб уйига ўтган эдим. Барнохоннинг ўзи ҳам томорқасида етиштирган қулупнайларни териб турган экан. У таклифимни эшитиши билан "Ойижон , ҳозир бу қулупнайларни териб олай , кейин бориб сизларга ёрдамлашаман" деб қолди . Мен ҳам "Далага бирга борамиз" деб келинимни ёнига теримга тушдим. Бироқ икки ариққина қулупнайни ҳали терамиз , ҳали терамиз. Қани тугаса ? Икки қадам силжимасдан бир тоғорача тўлади. Хуллас шу тариқа тушгача қулупнай терсак денг?!
Ҳоҳ ишонинг , ҳоҳ ишонманг , шу келинимда бошқача барака бор" - дея ҳикоясини якунлаган эдилар Барнохоннинг қайнонаси.
Шуларни эслар эканман дўконда бир четда турганча кўз қирим билан Барнохонни кузата бошладим.
Барнохон дўкондагилар билан сўрашганча харидларни амалга ошира бошлади.
- Келинойи , акам йўқмидилар ? - деди қассоб йигит Барнохон гўшт растасига яқинлашгач , - одатда гўштни улар олардилар-да ?
Мен қассоб йигитнинг "муддаоси"ни англаб турибман. Барнохон эса ийманганча бош чайқади :
- Акангиз ишда эдилар . Қўнғироқ қилиб ўзлари билан меҳмон олиб келишларини айтдилар. Шунга манти тайёрлаб турай дегандим .
Мен қассоб йигит тортган лаҳмга қарадим. Бир килограмм деб тортилган гўшт ҳақиқатда ярим халта чиқар эди .
Дўкондан Барнохон иккимиз бирга чиқдик. Мен ўзимдаги қизиқишни боса олмай Барнохонга юзландим :
- Синглим , бир нарса сўрайман. Фақат ростини айтасиз . Сиздаги бараканинг сири нимада ? Яна гапни чалғитаман деб овора бўлманг. Мени баридан хабарим бор. Сиздаги ғайритабиий барака сирини назарда тутяпман.
Барнохон ҳокисоргина жилмайди :
- Қанақа сирни айтяпсиз , опажон ? Менда сир нима қилсин? - Барнохон қошларини чимирганча алланималарни ўйлай бошлади,-агар бир воқеани айтмаса...
- Айнан ўша "агар"ни гапириб беринг- да ! - қистовга олдим мен қизиқишим устун келиб.
- Бу узун ҳикоя ,- Барнохон ўйчан ва хомуш бўлиб қолганди ,- бироқ уни сизга имкон қадар қисқа қилиб айтиб беришга ҳаракат қиламан.
Иккимиз дўкон саҳнидаги ўриндиққа чўкдик.
- Бундан ўн йиллар аввал дадам оғир касалга чалиндилар,- ҳикоясини бошлади Барнохон,- улар кунлари саноқли қолганини ҳис қилганларидан кейин касал ётган ҳолларида барча дастмояларини биз олти нафар фарзандларига тенг тақсимлаб кам- кўстимизни бутлашга тушдилар. Бир акамнинг неча йилда кўрган ўғлига тўй қилиб бердилар , бошқасининг чала битган иморатини томини ёпиб бердилар, учинчимизнинг яна бошқа кам- катагини ростлашга тушдилар.
Мен фарзандлар орасида энг узоқ манзилга турмушга чиқиб кетган қиз эдим. Кунлардан бирида менга Ойижоним қўнғироқ қилиб қолдилар:

XazonRezgi (Official Channel)

14 Oct 2024 06:47

Ассалому алайкум , азизлар.

Барчангизни бугун "Ажр" номли ҳикоям асосида саҳналмштирилган новеллани кўришга таклиф киламан.

XazonRezgi (Official Channel)

13 Oct 2024 18:01

🔥 ЯНГИ КЕЛИНЧАКНИНГ АЧЧИҚ ҚИСМАТИ

Қизимни бўйи етганда уйимиздан совчилар аримай қолди шуларнинг орасида бир оила ёққандай бўлди. Келин куёв хавас қилгулик яхши турмуш бошланди. Тўйдан 15 кундан кейин қудамга телефон қилиб хол ахвол сўрагач қизим билан гаплашишга рухсат олдим. Лекин қизим салом беришга улгурди холос.... Қизим тўйдан 2,5 ойда келди. Телефонга рухсат йўқ. Биз учун хаёт аччиқ томонларини кўрсата бошлади. Қуданикига боришга қарор қилдик. Борганимизда эса шундай манзарага дуч келдикки.... Айтишга тилим бормайди...
😨😰😱
ДАВОМИНИ ЎҚИШ УЧУН БОСИНГ 👇
/channel/Solixa_Ayol/50539

XazonRezgi (Official Channel)

13 Oct 2024 17:52

#СЎНГГИ_НАФАСГАЧА

Дугонасининг кўзларида милтираган ёшни кўриб Норпошшанинг ҳам кўнгли бузилиб кетди,  бироқ у ўзини дарҳол қўлга олиб Барнонинг кўнглини кўтаришга киришди: 

- Менга қара, тўйларинг қачон бўлса ҳам мен сенинг келин янганг бўламан. Ажабмас, унгача мениям бахтим очилиб қолса. Ёки сен буни истамайсанми? Келин янга бўлишимни айтаман-да?

- Нега истамас эканман, Норпошша? - маҳзун жилмайди Барно,- жон дейман. Сен ёнимда бўлсанг ўзимни тинч, ҳотиржам, бахтли ҳисоблайман мен...

- Оҳ-ҳо, шунақа дегин? Аммо мени кўпам мақтайверма, талтайиб кетадиган одатим бор. Яхши ният қилаяпман менам.
Сизларнинг тўйингизгача мениям бахтим очилиб кетса ажабмас. Сенга бир сирни очсам ҳеч кимга айтмайсанми?-Барно "Йўқ" дея бош чайқади, - шу десанг мен ҳам суқсурдек бир йигитни кўз остимга олиб қўйдим. Энди унга ёқиб қолсам бўлгани. Ким дейсанми? Шу ўзимизни Ҳаким найновни-да?! Қилтириқлиги учун Ҳаким чўп десаям бўлаверади уни. Игна ютган итга ўхшаган озғинлигини кўрмайсанми уни? Хуллас бугун унга бирам меҳрим жўшиб кетди-ки? Отаси Шермат сассиқ ўғли билан ўзини рўйҳатга ёздирган пайтда жўшиб кетди ўша меҳрим. Ростини айтсам мен ўзи кимсан Шермат раиснинг келини деган гапга ишқибозман. Энди хафа бўлмайсан-да, ўртожон. Гинанг ўзингдан. Ҳаким Чўп акамни совчиларини қайтариб Абдужаббор поччамизни танлаган ўзингсан. Бизники ҳалол бу ёғига. Энди менга руҳсат. Далага бориб бўлажак раис қайнотамни олдиларида ўзимни бир кўрсатай. Сен билмайсанда Чўп акамни бошвоқлари оталарини қўлида. Шунинг учун раисга ёқсам бўлгани, мени ўғлига олиб бериши аниқ. Қалай зўр ўйлабманми?

- Жудаям зўр,- маҳзунгина жилмайди Барно,- бирам яхшисан-ки ўртожон. Хазилларинг ҳам ўзингга ўхшаган беғубор

- Энди менга руҳсат,-такрорлади Норпошша қўлини дуога очиб,- қани овмин! Немис деган палакат қай гўрдан чиққан бўлса ўша очиқ мозорига даф бўлсин. Уруш деган балонинг оти ўчсин. Сен билан Абдужаббор поччамни тўйларингиз тезроқ бўлсин. Барчамиз орзу-ниятларимизга етишиб юраверайлик.

- Мен ҳозир,- Барно ўрнидан чаққонлик билан туриб дастурхон бошида турган патир, мева-чева, қанд-қурслардан битта тугунга тугиб Норпошшага тутқазди,- амаким билан опоқимларга олиб бор.

📌@xazon_rezgi /39

XazonRezgi (Official Channel)

13 Oct 2024 17:51

#СЎНГГИ_НАФАСГАЧА

  - Шу афт-ангорим билан кўчага қандай қилиб  чиқаман?  - пинагини бузмай бўзрайиб жавоб қайтарди Ҳаким.

   - Буни ўша афт-ангоринг бежалмасдан аввалроқ ўйлаш керак эди,- деди Шермат раис Ҳакимнинг шишиб, моматалоқ бўлиб кетган юзига қараб,- уруш бошланганини эшитган бўлсанг керак. Эртага урушга борсанг "Бетим шилинди ёки қўлим тирналди" деган баҳоналар билан ўзингни соя-салқинга ура олармикансан? Немис деган баччағар "Ҳакимбойваччанинг шилинган, тирналган жойлари тузалиб олсин" деб дутор чалиб сени кутиб турармикан? Ё пешонангни қоқ марказидан дарча очиб қўяқолармикан-а, нима дединг?

- Буни урушга борганимда кўрасиз,- қовоғини очмай оғир тин олди Ҳаким , - Ҳайдарингиз айтди. Кетадиганлар рўйҳатининг энг бошига мени исмимни ёздирибсиз-ку?!
- Ҳа ёздирдим! - ўғлига алам билан тикилди Шермат раис, - нима учунлигини айтайми? Негаки одамлар сенинг ойимтиллаларга ўхшаган нозиклигингни билиб қолишмасин дедим. Менга эътироз билдираман деб шошилма, бола,- ғазаб билан пишқирди Шермат раис ўғлининг жавобга оғиз жуфтлаганини кўриб,- қирга боргин деганимга бир вагон баҳона тўқиб ўтирибсан-ку?!
Шермат раис Ҳакимнинг ёнига янада яқинлашди ва ўғли билан юзма юз келиб овозини пасайтирди:

- Сен отанг нима иш буюрса шуни қил. Ундай эди, бундай эди деб бекорчи гаплар билан вақтимни олма! Мен бир иш буюрдимми, демак тагида бир гап бор! Бекорчиликдан ошиқ ўйнаб ўйлаб топмаганман бу нарсаларни! Тушундингми?! - Ҳаким жавоб ўрнига "ҳа" дегандек бошини эгди,- тушунган бўлсанг, тур-да қирга жўна! Кетишда мени отимни миниб кет.Кечга қайтасан....

🔳 🔳 🔳


📌@xazon_rezgi /37

XazonRezgi (Official Channel)

13 Oct 2024 15:59

Таҳмина пул кўтариб айтилган хонадонга келганида Тоҳир деразага маъносиз тикилиб ўтирарди. Кириб келган опасини кўриб   бақириб юборди:
-Кетинг Опа, нега келдингиз кетинг опааа.
-Ўчир,- уни оғзини ёпишди.
-Пулни ҳаммасини тополмадим. Мана бир қисми Илтимос, муҳлат беринглар уйимни сотиб бўлса ҳам тўлайман. Фақат укамга тегманглар.
-Яхши қиз, сен укангни эмас ўзингни ўйла. Уканг ютқизган пулларини қайтиб оламан деб сени ҳам ютқизиб қўйди.
   Таҳминани қўлидаги пул солинган халта ерга тушиб кетди. У ўзига ҳирс билан қараб турган 5 эркак ичида ёлғиз эканини энди ҳис қилди.
- Бу нима деганингиз? Мен ... мен қиморда тикиладиган буюм эмасман.
-Энди буни аҳамияти йўқ. Ҳомид ол буни хонага.

XazonRezgi (Official Channel)

13 Oct 2024 05:59

Tekinga salatlar o’rgatadigan kanal 🥒🥗🥬😍

((Reklama tez orada oʻchiriladi
Qoʻshilib olinglar👇
Salatlar retseptlari
Salatlar retseptlari
Salatlar retseptlari
👆👆👆👆👆👆
Pishiriqlar oʻrgatadigan kanal
👇👇👇👇👇
Pishiriqlar retseptlari
Pishiriqlar retseptlari
Pishiriqlar retseptlar

🇺🇿Har xil mazali Salatlar shu kanalda joylangan✅

XazonRezgi (Official Channel)

12 Oct 2024 18:31

Хайрли тун ✨

/channel/xazon_rezgi

XazonRezgi (Official Channel)

12 Oct 2024 16:29

#СЎНГГИ_НАФАСГАЧА

Муаллиф: Гулбаҳор Рахматуллаева (Хазонрезги)

   "Отаси урушга кетса Барнонинг ҳоли нима кечаркин?  Укалари ҳали ёш бўлса?  Азиз муаллим оиласини ёнида бўлса Абдужабборнинг кўнгли ҳотиржам бўларди-да..."  Айни дамлардан бошлаб йигитнинг кўнглини ўзи тўлиқ англаб етмаган номаълум мужмағил туйғулар қамраб  олгандек бўлди. Гўёки кўринмас кимдир Абдужабборнинг юрагига зилдек гавдаси билан бетакаллуф ўрнашиб ўтириб олган-у,  ўтмас тирноқлари билан уни кавлаб ўйин қила бошлагандек...

     -Энди ҳамма иш-ишига!  -баланд овозда эълон қилди Шермат раис йиғилганларга,-ҳозир обидийда қилиб бир-бирига термулиб ўтирадиган вақт эмас!   Бу ёқда дала иши кутиб турмайди. Ҳар биримизнинг жонажон Ватанимизга фойдамиз тегадиган вақт ҳозир!   -у шундай деб бир четда турган ўғли Ҳайдаралига овозини ярим поғона пастлаганча буюрди,- Ҳакимга айт,  дўконни ойингга топшириб ўзи қирга отлансин.  У ердаги ишчиларга  ўнг қийтиқдаги буғдойни нест-нобуд қилмай ўриб олишга қарашсин.  Ҳар дақиқамиз ғанимат. 

   Абдуқаюм ота ва унинг меҳмонлари уйга қайтиб келишганда кун пешинга қараб оғиб бораётган эди. 

   - Энди нима бўлади,  отаси? 

   Раҳима холанинг уйга қайтиб тилига келган биринчи саволи шу бўлди.

    - Нима бўларди,  онаси?  - Абдуқаюм отанинг жавоби  нафақат аёлига балки барча йиғилганларга тегишли эди,- мана мени айтди дейсан,  бу уруш кўпга бормайди. Ўйлашимча бу немис деганлари сон жиҳатдан унчалик ҳам кўп эмас.  Аммо бизнинг мамлакатимиз ўта қудратли.  Бояги митингни кўрдинг-ку,  йигитларимиз қанчалик забардаст,  юрагида олови бор шерюрак йигитлар.  Бу битта бизнинг қишлоқдаги ҳолат.  Энди айт-чи,  бундай қишлоқлар совет иттифоқида қанча экан?  Кўнгилли йигитлар-чи?  Мени таҳминимча бу уруш икки-уч ойга бормайди.  Қишлоқдошларимиз душман бостириб кирган чегараларга етиб боргунча тугаб қолсаям ажабмас...
    Шунинг учун ишончингизни пасайтирманглар. Комил ишончнинг ўзи ярим ғалабадир мен сизга айтсам. 

    Шундай экан Абдужабборнинг тўйи белгиланган вақтга бўлади. Майли жуда нари борса бир ой,  икки ой нарига  сурилар.  Ҳозир Сайфиддин акам билан Абдуҳошим бошчилигида келинникига атаганларимизни жўнатсак.  Улар ҳам қўллари бир ишга бормай ҳайрон бўлиб ўтиришган бўлишса керак. Орада бунақа ишлар бўлиб келишилган вақтдан ўтиб кетди-да.  Ундан кейин раиснинг гапини ҳаммамиз эшитдик.  Биз ҳам бу ерда тез-тез ош-нонимизни еб ишимиздан қолмайлик. 

    Абдуқаюм отанинг сўзларидан сўнг барчалари жим-жим ишга киришдилар...

    🔳 🔳 🔳

     Шермат раис клубни ёнидаги йиғилишдан тўғри уйига қайтди. У супада оёғини салтанглатиб осилтиб ўтирган ўғли Ҳакимни кўриб зардаси қайнаб кетди.

   - Ҳайдар сенга қаерга бориш кераклигингни айтмадими?  - ўғлига тешиб юборгудек нигоҳларини қадади раис.

#давоми_бор

@xazon_rezgi /36

XazonRezgi (Official Channel)

12 Oct 2024 16:29

#СЎНГГИ_НАФАСГАЧА

    Шундай пайтда халқка темир интизомли бир раҳбар керак бўлади деганлари рост экан.   Шермат раис кўз ёшига эрк бера бошлаган аёллар жамоасига жаҳл аралаш важоҳат билан ўшқирди: 

   - Ўв!  Қайси биринг у! Элбуруртдан аза очган?!  Йиғиштир бўлар-бўлмасга кўзингдан сийдик оқизишни?  Агар ҳозироқ бас қилмасаларинг провакатор сифатида қамоққа тиқдиртириб юбораман.

   Аёллар "Провакатор"  сўзининг маъносини тушунмасалар-да уни жуда ёмон сўзлигини ҳис қилиб нафасларини ичга ютдилар.  Улар яна шуни яхши билардилар-ки,  Шермат раис ҳеч қачон бир талабни иккинчи марта қайтармайди.
    - Колхоздошлар!  -деди Шермат раис клубга олиб кирадиган зинапояга чиқиб ўнг қўлини кўтарганча халққа юзланди.
    Йиғилганларнинг бари  раиснинг оғзига маҳтал бўлиб тикилдилар.

    - Колхоздошлар! Бугун йигирма иккинчи июнь тонг сахарда ҳеч қандай огоҳлантиришларсиз немис босқинчилари бизнинг муқаддас заминга оёқ босдилар!  Аммо улар ўз разил ниятларига ета олмасликлари аниқ.  Шонли армиямиз ва мардона халқимиз бир ёқадан бош чиқариб бу ит эмган газандаларнинг бошини янчмай қўймаймиз.  Сизлардан эса осойишталикни сақлашни сўраймиз.  Ҳадемай юқоридан тегишли кўрсатмалар келади. Ҳукумат раҳбарлари аллақачон  тайин чора-тадбирларни кўришга киришганликлари аниқ.  Ўйлайман-ки,  Совет иттифоқининг кўп миллатли халқлари  орасида ўзбек халқи ҳам немис босқинчиларини тор-мор қилишга ўзининг муносиб ҳиссасини қўшажак. 
    - Раис ака!  - олд қаторда турган Мухтор исмли йигит қўлини кўтарди,- майлими мен ҳам гапирсам?! 
    Шермат раис кўпчиликни ичида оғзидан сўзини олган йигитга ёқинқирамай қаради,  бироқ вазият талабидан келиб чиқиб  қишлоқдошлари орасида катта обрўси эга миришкор уста бу йигитга қарши бир сўз айтишдан ўзини тийди.

   - Гапир!  - деди Шермат раис аллақачон ёнидан жой олган йигитга қараб,- қани нима демоқчисан!? 

   - Мен бу ерга битта таклиф билан чиқдим.  Демак,  бундай қилсак,- кўзлари ёниб тушунтира бошлади Мухтор,- бизни қачон урушга чақиришар экан деб қўл қовуштириб тепадан хабар келишини кутиб  ўтирмасдан ўзимиз бир рўйҳат тузсак.  Унга ким кўнгилли бўлиб урушга боришни истаса шу йигитларнинг исми- шарифини ёзсак.  Тайёр турганимиз яхшида.  Юқоридан буйруқ келиши билан шартта жўнаймиз.  Ўша немисларга энасини бир кўрсатиб қўймасакми?  Мени ҳалитдан қўлим қичиб кетяпти.  Рўйҳатнинг бошига мени ёзинг.

    Шермат раис  Мухторнинг таклифига бироз ўйланиб қолди-ю,  аммо бу таклиф райкомда катта шов-шувга сабаб бўлишини,  ўзининг номи ҳам шунга яраша тилларга тушиб қолишини фаҳмлаб кўнгли ёришди.

@xazon_rezgi /34

XazonRezgi (Official Channel)

12 Oct 2024 16:28

Хазонрезги:
СЎНГГИ НАФАСГАЧА

Каналга уланиш 👇 :
https://t.me/joinchat/AAAAAFB59SM9yhwXJGeW_g

XazonRezgi (Official Channel)

12 Oct 2024 13:40

#кўнгил_билан_юзма_юз

🎙Тоҳир Саидов
МУҲАББАТ 💔

Каналга обуна бўлинг 👇 :
https://t.me/joinchat/AAAAAFB59SM9yhwXJGeW_g

XazonRezgi (Official Channel)

12 Oct 2024 10:16

— Агар Қорун маблағимиз пластик карточкамизда туришини билганида, кўтариб юрган хазина калитларидан воз кечар эди.

— Агар Форс императори Кисро, тахтидаги роҳатдан кўра бизнинг уйимиз залларидаги юмшоқ диванларимиз роҳатбаҳшроқ эканини билганида борми....?!

— Хизматчилар туяқуш патлари билан елпишаётган Рим императори уйларимиздаги совутгичлар (вентилятор ва кондиционерлар)ни кўрганида борми....?!

— Ҳеракл жазирама иссиқда сопол графинда совуқ сув ичганида, атрофидагилар унга ҳавас қилишган эди. Агар Ҳеракл уйимиздаги музлатгичлардаги сувни ичганида борми...?!

— Халифа Мансурнинг хизматкорлари иссиқ сув билан совуқ сувни аралаштириб, илиқ сувда чўмилтиришганида, у ўзини бахтиёр ҳис қилган эди. Агар у бизнинг ҳаммомларимиздаги ванналарда чўмилганида борми...?!

— Қадимда ҳаж сафари туя устидаги бир неча ойлик юришларга чўзилар эди. У пайтда бизнинг пайтимиздагидек самолётларда борилмас эди...

P.S.: Ҳозир биз шундай ҳаётда яшамоқдамизки, бизнинг турмушимиздаги қулайликларга қадимда шоҳлар ҳам қодир бўлишолмаган. Шундай бўлса ҳам баъзида норози бўлиб, қисматимиздан нолиймиз...

Демак кўзимиз тўлгани сайин қалбимиз торайиб борар экан.

©интернет

@xazon_rezgi

XazonRezgi (Official Channel)

12 Oct 2024 03:34

#хайрли_тонг

🍃Ассалому алайкум ва раҳматуллоҳи ва барокатуҳ

Яна бир азиз ва гўзал тонг муборак бўлсин...

🍃Ушбу Муродбахш тонг нафасидан баҳра олаётган барча- барчангизга бошлаётган кун ва бугунги эзгу-ишларингизга хайру барака  тилаймиз.

🍃Яхши инсонларни беғубор тонг нашидаси билан сийлаган Аллоҳга минг бора шукрона айтамиз.

🍃 Ризқингиз кенг, ҳар бир босган қадамингиз тавфиқ, тавбаларингиз қабул, дуоларингиз ижобат бўлсин!

Яқинларингиз ичра азиз бўлиб юришингизни тилаймиз.
Файзли шанба тонги хайрли бўлсин!

Каналга уланиш 👇:
https://t.me/joinchat/AAAAAFB59SM9yhwXJGeW_g

XazonRezgi (Official Channel)

11 Oct 2024 17:17

#СЎНГГИ_НАФАСГАЧА

- Илойим ёлғизимиз ўзидан кўпайсин, онаси

- Илойим, отаси, илойим,- деди Раҳима хола ўриб учига сўлкавой боғлаб олган икки ўрим сочини бир-бирига боғлаб йиғиштирар экан, - шошилмасак бўлмайди, отаси. Бомдоддан кейин патирга ҳамир қоришим керак. Фотиҳа тўйининг патирига мол ёғидан кўпгина солингани учун уни муштлаш қийинроқ бўлади. Шунга сиз ҳам муштлашга қарашиб юборсангиз, отаси. Абдужабборни уйғотардим-у, уйқусини кўзим қиймаяти. Ё уйғотсаммикан-а? Нима дедингиз?

- Йўқ уни уйғотма. Сенга ўзим ёрдам берганим бўлсин. Эҳ-ҳее бу кунларни қанчалар кутганмиз-а, онаси. Худога шукур, ўлмаган қул шу кунларни кўришга ҳам етиб келдик...
Тонг отиб, қуёш терак бўйи кўтарилганда тандирда ёпилган иссиқ, алоҳида-алоҳида жизза ва ёнғоқ мағзи қўшилган патирларнинг ўзига хос тотли иси ҳовлига таралди. Бу ис димоғига кирган инсон бор-ки. иштаҳасини бир қитиқламай қўймасди.
- Ҳорманг, янга?- тандирхонага бош суққан Абдуҳошим кўтаринки кайфиятда сўради,- ёрдам керакмасми?
- Саломат бўлинг, қайнижон,- деди иссиқдан юзлари бўғриққан Раҳима хола кичикрок лагандек келадиган патирларни бирма-бир узиб овсини Сабоҳатга тутқазар экан,- ёрдам керак. Манави иссиқ патирлардан иккитасини шундоққина оласиз-да, айвондаги дастурхон бошига ўтасиз. Ўчоқ бошида самовар шақиллаб қайнаб ётибди. Абдужабборга айтсангиз қайноқ чой дамлаб беради. Акангиз, сиз, Абдужаббор, биллалашиб чой ичиб олинглар Абдулатиф билан Муҳаммаджонниям чақиринг. Хонтахтани устида қатлама, асал, қанд-қурслар бор.

- Янга, бу патирни қуданикига юборишга ёпяпсиз-ку? Ҳали етмай қолиб ҳижолатпазлик бўлмасин тағин?

- Вой қайнижон-ей, тортинмай олаверинг. Патирни ҳамирини атай икки тандир чиқадиган қилиб мўлгина қорганмиз. Сизлар чой ичиб туринглар, мен Сабоҳатхон билан иккинчи тандирни ёпиб оламиз. Ҳадемай меҳмонлар келиб қолади. Айтганча, қозондаги моҳораниям оловига бир қараб қўярсизлар. Милт-милт қилиб қайнаса шира тортади.

@xazon_rezgi /31