XazonRezgi (Official Channel)

07 Dec 2024 17:01

Sharof singlisini toʻyida kamchilik boʻlishini xohlamaydi. U hammasini bir qator nazorat qilarkan...
—Dadasi... Dadasi. -ayoli Zebo rangi oqarib, oldiga shoshib keldi.
—Tinchlikmi Zebo? Buncha xovliqmasang.
—Feruza...Feruza..
—Nima Feruza, chaynalmay dangal gapir!
—Feruza yoʻq. Yoʻq..yoʻqolib qolibdi. -dedi shalvirab.

Qizni oʻgʻirlashganmi?
Yoki qochib ketgan?

XazonRezgi (Official Channel)

07 Dec 2024 16:21

#асар_тарихи

#СЕНСАН_СЕВАРИМ

27 июнь 2023 йил.

Шифокорлар соғлиғимни тиклаб олиш учун туманимиздаги марказий шифохонага ётмасам бўлмаслигини айтишганди. Ўзимни у ёққа ташладим, бу ёққа ташладим , бўлмади, докторлар ётиб даволанмасам, оқибати яхши бўлмаслигини айтиб сўзларида қатъий туриб олишди. Хуллас шифохонага ётадиган бўлдим. Хўжайин мени шифохонага ётқизиш учун олиб борганларида қатор - қатор текширувлардан қайта ўтишимга тўғри келди.

Шунда уни учратдим...

Шаҳнозани...

ЭКГ учун навбат кутаётганимда эллик ёшлар атрофидаги аёл етаклаб келган жувон эътиборимни тортди. Оппоқ юзли. Кўзлари мовий -яшил. Озғин. Ўрта бўй. Яна бениҳоя хушсурат . Пешонасини реза -реза тер қоплаган. Гапирганда лаблари титраб- титраб кетади.
Уни кўзларим билан кузатиб турибман. Эшиги очиқ хонада шифокор ва аёлнинг суҳбати эътиборимни тортди.

   - Демак, ора - орада ҳушингизни йўқотасиз ?  -- савол эшитилди эшиги очиқ қўшни хонадан

   - Ҳаа шундай.

    - Ҳушсиз ҳолингизда ҳеч нарсани сезмайсизми ёки айрим нарсаларни ҳис қиласизми ?

   - Мен ҳушимни йўқотаётганимни ҳам билиб тураман . Кейин ёнимда ким бор , нима деди , ҳаммасини фарқлаб ётаман . Фақат бутун танам тошдек қотиб , ҳаракатсиз бўлиб қолади-да...

   - Бундай аҳволга тушганингизга кўп бўлдими ? 

   - Тўққиз йилча бўлди .

   - Нима бўлганди ўшанда ?

   - Ўтирган жойимда собиқ эрим орқа тарафдан оғир нарса (ўша вақтда аёл "белкурак билан урган" деганди) билан қаттиқ урган. Шундан буён...

Ҳаа , азизлар. Дунёда шундай аёл хақиқатдан ҳам бор. Эри сабаб ногирон бўлиб қолган дили шикаста аёл.

Шу куни қабул бўлимида эшитганларим менга қаттиқ таъсир қилганди.

Шифохонага ётган дастлабки кунларим ўша аёл кўз ўнгимдан кетавермади. Учинчи куни эса аёл тушимга кирибди. "Исмим Шаҳноза" дермиш у жилмайганча. Кейин аллақаердан Жаҳонгир пайдо бўлди...

Шу куни тонг ғира- ширасида уйқудан кўз очганимда менга Шаҳноза , Жаҳонгир ва #СЕНСАН_СЕВАРИМ асарининг ғояси ҳамроҳ бўлиб уйғонган эди.

Шунақа гаплар...

Агар #СЕНСАН_СЕВАРИМ сизга маъқул бўлаётган бўлса асар ёзилишига сабабчи бўлганидан ўзи ҳам бехабар бўлган ўша аёлнинг соғлиғи учун бир ҳовуч дуо қилиб қўярсиз ...

Эҳтиром билан сизнинг Хазонрезги

Каналга уланиш 👇:
https://t.me/joinchat/AAAAAFB59SM9yhwXJGeW_g

XazonRezgi (Official Channel)

07 Dec 2024 16:21

#СЕНСАН_СЕВАРИМ

   - Мен ҳам сенга бехазил жавоб қайтаряпман. Айтдим-ку , қизларим қўғирчоқ талашишларини истамайман.

Жаҳонгир шундай дея ўрнидан туриб аёлини қучди.

- Ҳафиза ... Гўзалим ... Мендан сўрасанг Аллоҳни танимаган одамгина бу қиз , бу ўғил деб фарзанд ажратади. Агар Аллоҳ ирода қилмаса биз фарзанднинг биргина тирноғини ҳам ясаб олармиканмиз ?
Ундан кейин қара . Лазизамиз қанчалар ширин. Менга бутун дунё хазинасини бир тарафга қўйиб , Лазиза қизимни бир тарафга қўйиб "Танла" дейишса , албатта қизимни танлаган бўладим. Шундай экан дунё хазинасидан устун бўлган яна ўнта қизим бўлса қанчалик ҳурсанд бўлишимни тасаввур қилавер.

- Раҳмат , дадаси . Кўнглимни тоғдек кўтардингиз. Энди ...Энди ...

Ҳафиза ўзини тута олмай юзини Жаҳонгирнинг кўксига босганча изиллаб йиғлаб юборди.

Жаҳонгир ҳайрон бўлиб унинг иягидан кўтарди :

- Ҳафиза ... Гўзал гулим . Сенга нималар бўляпти ? Илтимос мендан бор гапни яширма . Сен фарзандимиз яна қиз туғилаётганлиги учун йиғламаяпсан, шундайми ? Бу ерда мен билмаган бошқа қандайдир гап бор- а ?

- Дадаси ... - ўзини йиғидан аранг тутиб сўзлай бошлади Ҳафиза,- мен сиздан биргина нарсани илтимос қилмоқчи эдим. Шу илтимосимни бажаришга ваъда берасизми ?

- Қанақа илтимос ? Аввал айт-чи ? - сергак тортди Жаҳонгир.

- Йўқ аввал ваъда берасиз !

- Ҳафиза !

- Дадаси ... Жооон Дадажониси... Илтимосим шуки ҳар қандай вазиятда ҳам мен томон бўласиз- а ? Мени қўллаб қувватлайсиз- а ? - ҳиқиллади Ҳафиза

- Бунинг учун мендан сўз беришимни сўрашинг шарт эмас эди. Мен ҳамиша сени дейман... Мен ҳамиша сен тарафман! Нима учунлигини айтайми ? Негаки сен бу мен ! Мен эса сенман ! Икковимиз яҳлит бир бутунмиз ! Бунга асло шубҳа қилма .

Энди эса бир бошдан гапир . Қачон , қайси масалада сен томон бўлишим керак ?

- Дадаси...

- Эшитаман . Шошилмасдан гапиравер.

- Дадаси, мен эрталаб шифокорнинг ҳузурига боргандим. Навбатдаги кўрикдан ўтишга. Хуллас ...
Хуллас унинг, яъни шифокорнинг айтиши бўйича юрагим... "Юрагингиз хасталиги сабаб сиз тўлғоқ азобини кўтара олмайсиз, шунинг учун бу ҳомилангиздан воз кечишингиз керак" деди .
Аммо айтинг , мен қандай қилиб жонимнинг жон риштаси бўлган боламдан воз кечишим мумкин ? Камига шу вақтгача юрагим бирор марта безовта қилмаган бўлса ? Бу ҳомиладорлигим Лазиза қизимда бўлган ҳомиладорликдан анча енгил кечаётган бўлса ? Яна... Яна ...- Ҳафиза сўз тополмай энтикиб қолди.

Жаҳонгир бир оғиз сўз демади . Ҳафизани маҳкам бағрига босди.

У эртаси куни ишга бормади.

Туни билан деярли мижжа қоқмаган Жаҳонгир эрта сахардан Ҳафизани уйғотиб юбормаслик учун оёқ учида ётоқхонадан чиқиб юз- қўлини чайиб , Онасининг хонасига қулоқ тутди. Охирги бир ойда Лазиза бувисининг хонасига кўчиб чиққанди. Муқаддас опа бомдод намозини ўқиб бўлиб кўзи илинганмиди ё китоб ўқиётганмиди у хонадан ҳам бирор бир сас эшитилмади.
Жаҳонгир ўзини чалғитиш учун ошхонага чиқиб нонушта тайёрлай бошлади. Қуймоқ пиширди , сут қайнатди. Чиройли қилиб дастурхон безатгач Ҳафизанинг ёнига қайтди.
Ҳафиза Онасининг бағрида ётган гўдак мисоли осойишта ухлаб ётарди. У хаста юрагига юк бўлиб тушган дардини эри билан бўлишгач , ҳотиржам бўлган , суянган тоғи барча чигалликни бартараф қилиб ташлашига кўзи етиб енгил тортган , шу сабаб бутун оламни унутиб ором оларди.
Жаҳонгир Ҳафизани уйғотишга кўзи қиймай остонада тек туриб қолди. Бироқ Ҳафиза , ўша ҳар доимги зийрак Ҳафиза эрининг хонага кириб келганини кўзи уйқудан очилмай туриб ҳис қилганди .

- Вооой ,- деди у дарровда жонсарак бўлиб , - қачон уйғондингиз ? Мен нонушта тайёрлашга...

- Нонушта тай-йёр! - тантановор эълон қилди Жаҳонгир,- бугун бир ресторан директорининг қўлидан чой ичгин дедим- да онаси ...

Нонушта вақти Жаҳонгир кўнглини минг хил шубҳа-гумон ўткир тирноқлари билан аёвсиз таталасада оила аъзоларига билдирмай хуш- хандон кайфиятда ўтиришга ҳаракат қилар эди.

@Xazon_Rezgi /68

XazonRezgi (Official Channel)

07 Dec 2024 14:31

Мулоҳаза учун мавзу

Каналга уланиш 👇 :
https://t.me/joinchat/AAAAAFB59SM9yhwXJGeW_g

XazonRezgi (Official Channel)

07 Dec 2024 12:59

💸 Uyda internet orqali pul ishlashni o'rganing! 🎯

📱 Faqat telefon va internet orqali kuniga 2️⃣➖3️⃣ soat ajratsangiz yetarli✍️ Telegram, Instagram, YouTube, TikTok platformalarida daromad qilishni o'rganing✔️💰

🎁 Boshqalarda 50💲, 2️⃣0️⃣0️⃣ ming-2️⃣5️⃣0️⃣ming soʻmlik kurs hozir menda faqat 6️⃣5️⃣ming so‘m, ikki kun uchun🔔📢

💡💰✅ @shokhida_blogs bilan daromadni bugundan boshlang! ✅

/channel/naazimovas_blog
/channel/naazimovas_blog

XazonRezgi (Official Channel)

07 Dec 2024 10:59

Stilniy kiyinadigan Qizlarimiz uchun asaal sumkalar dvoykalar oyoq kiyimlar onlayn magazini topildi😍❤️‍🔥

Asal oyoq kiyimla  ~  29mingdan..
Brend kurtkalar   ~  66mingdan..
Trend sumka  ~  33mingdan..
Qishki etiklar  ~  39mingdan...😍❤️‍🔥

Hamma tovarlar sifatli va hamyonbop❤️✅

Brend tavarlar ham mavjud😻👇🏻

/channel/addlist/ASTMXq9Jw4c1Mzli
/channel/addlist/ASTMXq9Jw4c1Mzli

XazonRezgi (Official Channel)

07 Dec 2024 05:29

Қайнаб турган сувни ракавинага қуйишдан олдин 2 марта ўйлаб кўринг‼️

Буни сабабини билсангиз ақлдан озишингиз аниқ. Арабистонга борганимда ҳамма арабларни қайнаб турган сувни қўйишдан олдин ракавинага “Бисмиллаҳ” деб қўйишига кўзим тушди. Ғалати одат экан деб дўстимдан сўрасам. Дўстимни жахли чиқиб ҳалигача бу сирни билмайсанми, шукур қил шу пайтгача бир балога йўлиқмаганингга деб сабабини айтиб берди. Сабабидан шокка тушиб қолдим. Дарҳол уйга қўнғироқ қилиб ҳаммани огохлантирдим.

Гап шундаки ракавинага қайнаб турган сув қуйилганда тўсатдан… Батафсил👇

XazonRezgi (Official Channel)

07 Dec 2024 02:30

Bolangiz bilan massajga qatnab vaqt va pulingizni yo'qotyapsizmi?

🤱 Sizni farzandingizda:
– Displaziya
– Yassioyoqlik
– X va O obraz
– Tonus tushishi va boshqa muammolar tufayli shifokor massaj buyurgan bo'lsa endi siz ham ortiqcha pul sarflamasdan uy sharoitida bolajoningizni mustaqil massaj qilishingiz mumkin!

Qanday qilib deysizmi?

💁‍♀ Agar siz ham sohani farzandingiz uchun o'rganishni va professional massajist bo'lishni istasangiz sizni ko'p yillik tajribaga ega xalqaro diplom sohibasi professional massajist Go'zal Zaynitdinovaning telegram kanaliga taklif qilamiz!

Havola o'chirilmasidan tezda ulanib oling👇
/channel/+qPWLLV7AD2gzMmZi
/channel/+qPWLLV7AD2gzMmZi

XazonRezgi (Official Channel)

06 Dec 2024 17:41

✨✨ ​​#хайрли_оқшом

Бу дунёда сен учун керакли бир инсон бўлса нақадар бахт . Агар сен ҳам айнан ўша инсон учун керак эканлигингни билсанг, бу энди ҳаётингни мазмунидир ...
Хайрли оқшом , ҳаётимизга мазмун бўла оладиган , қадрдонлар...
Оқшомингиз осуда ўтсин...

Хазонрезги

Каналга уланиш 👇:
https://t.me/joinchat/AAAAAFB59SM9yhwXJGeW_g

XazonRezgi (Official Channel)

06 Dec 2024 16:16

🌸🌸🌸🌸🌸🌸🌸🌸🌸🌸🌸🌸

Assalomu alaykum! Men Nazira Tokhirjonovna. 🌟

Koreyada MBA Master mutaxassis sifatida 6+ yil tajribaga egaman. 📚 Shaxsiy biznesimda muvaffaqiyatga erisha oldim va tajribalarimni sizlar bilan bo’lishishga tayyorman. 💼

Ushbu kanal ayollar uchun mo’ljallangan. 👩‍💼

📎 Kanalimiz orqali siz:

• 🌿 Life style hayot tarzi va pazandalik sirlarim 🍳
• 📈 Shaxsiy rivojlanishda aniq qadamlar
• 💡 Biznesni boshlash va rivojlantirish bo’yicha bilimlar
• 🇰🇷 Koreya hayoti va ta’lim olmoqchi bo’lganlar uchun foydali tavsiyalar
• 💅 Koreyslarning sog’lom turmush tarzi va go’zallik sirlari haqida ma’lumotlar olishingiz mumkin. ✨
Maqsadim ayol qizlarga uy sharoitidan boshlab muvaffaqiyatga erishish yo’lida yordam berishdir. 🚀❤️

XazonRezgi (Official Channel)

06 Dec 2024 16:12

#СЕНСАН_СЕВАРИМ

Муаллиф: Гулбаҳор Рахматуллаева (Хазонрезги)

28- қисм

▪️▪️▪️

     - Қарорингиз қатъийми ? - Гулзира Набиевна Жамила опага қаради ,- ахир Шаҳнозанинг хотираси қисман тикланаётган бўлса ҳам , у парваришга муҳтож.

   - Ҳаа ... Мен барини обдон ўйлаб ақл торозусига солиб кўрдим ,- деди Жамила опа жиддий оҳангда,- биласиз , Шаҳнозага бир неча йиллардан буён қарайман. У хаста ҳолида ҳам ювош , ройишгина бўлди. Мана сўнгги ойларда қилган игнали муолажаларингиз сабаб соғлиғида ижобий ўзгаришлар кузатилмоқда . Ўзингиз бош бўлиб берган комиссия хулосасига кўра Шаҳноза ҳали тўлиқ тузалмаган бўлсада жамият учун хафвсиз. У кўпчилик ичида яшаган тақдирда ҳам одамларга озор бермайди.

   - Тўғрику-я , аммо аҳамият берган бўлсангиз сиз айтган хулосада Собировани бутунлай тузалади дейилмаган. Бунинг иложи ҳам йўқ.

   - Биламан , Гулзирахон. Мен ҳам шу соҳада неча йиллардан буён ишлаб келганман. Шаҳнозам қизим олган жароҳати туфайли бир умр ҳимояга , парваришга муҳтожлигидан ҳам хабарим бор. Аммо Ўзингиздан  қолар гап йўқ. Қилар ишни қилиб қўйган эри унинг руҳий хасталигини сабаб қилиб аллазамон қонуний ажрашиб бўлган. Бир ҳисобдан бу иши яхшиликка бўлганини бугун кўриб турибмиз. Отаси эса оламдан ўтганига икки ойдан ошди. Биласиз унинг ҳолидан хабар олиб турадиган  яқин қўшнилари бўларди . Улар ҳам ўғилларининг иши сабаб вақтинчалик чет давлатга кўчиб кетишди. Бу ёғига Шаҳнозанинг ҳолидан хабардор бўладиган бирор яқини йўқ. Бу касалхонада эса ортиқ қола олмаса...
     Хуллас тегишли ҳужжат ишлари битгач уни ўзим билан Сурхонимга олиб кетаман. Шифобахш тоғ ҳавосидан баҳраманд бўлиб  , сахий қуёш нурлари билан сийланган мева- чевалардан еб , доривор гиёҳлардан тайёрланган сеҳрли дамламалардан ичиб   янада соғайиб кетса ажаб эмас. Боҳонада икки ёрти- бир бутун бўлиб бир-биримизни тўлдириб яшаймиз.

    Гулзира Набиевна Жамила опанинг икки марта ҳам турмуш қуриб фарзандли бўлмаганидан , иккинчи турмуши сабаб бу ерларга келиб қолганидан хабардор эди. Кўп йиллар аввал турмуш ўртоғи оламдан ўтгач Жамила опа қайта турмуш қурмади.
     Гулзира Набиевна бу хусусда ортиқча гапиришни ўзига эп кўрмади :

   - Майли , Жамила опа. Сиз нима десангиз шу. Ҳақиқатдан ҳам Шаҳноза сизга жуда ўрганиб қолган. Бир сўз билан айтганда шунча йиллар давомида  туғишгандан аъло бўлиб кетдингиз. Бу борада қўлимдан қанча ёрдам келса сизга ўшанча ёрдам берганим бўлсин . Ҳужжат ишларини айтаяпманда. Қолаверса Шаҳнозанинг отаси банкдан қизининг номига шахсий ҳисоб рақами очдириб қўйган. У ердан ҳар ойда маълум суммани ечтириб ишлатишингиз мумкин. Бу сумма унинг ойлик ҳаражатларини , дори пулларини керагидан ортиқ қоплайди.

   - Раҳмат , Гулзирахон ,- жилмайганча миннатдорчилик билдирди Жамила опа ,-  сиздан яна битта нарсани илтимос қилсам майлими ?

   - Қулоғим сизда , Жамила опа?

   - Зарурат туғилганда Шаҳнозанинг соғлиғи масаласида  маслаҳат учун сизга қўнғироқ қилиб турсам бўладими ? Ҳар ҳолда унинг касаллик тарихи билан атрофлича танишсиз

   - Албатта. Қачон зарурат туғилса мен ҳамиша ёрдамга тайёрман

   - Яна бир бор ташаккур. Сиздек виждонли ҳазрати инсонлар борлиги учун ҳам ҳаёт гўзал , яшамоқ тотли,- Гулзира Набиевнага миннатдорона боқди Жамила опа, - борингизга минг шукр.

    - Сизнинг ҳам борингизга минг шукр . Ҳа айтганча Шаҳноза шеър ёзишда давом этмоқдами ? - суҳбат мавзусини ўзи истаган йўналишга ўзгартирди  Гулзира Набиевна, - унинг дардли ёзган шеърларини ўқисам юрагим уришдан тўхтаб қолай дейди-я ?

    - Ҳаа ... Кундан кунга чиройли сатрларни гўзал мисраларга жойламоқда. Мана унинг охирги ёзган шеъри ,- Жамила опа оппоқ халатининг чўнтагидан буклолиқ қоғоз олиб профессорга узатди, - бир ўқиб кўринг- а ?

     Гулзира Набиевна Жамила опа узатган қоғозни олиб аста  ўқий бошлади:

Мен энди У эмас, сен таниган -У !
Мен энди шунчаки оддий бир беҳис
Олишиб , курашиб тан бериб бўлдим,
Бешафқат тақдирга чўкиб бўлдим тиз

Мен энди У эмас, мен энди бошқа
Лабларим кулгуни тарк этиб бўлди
Кўнгил гулзоримда гуллаган чечак,
Битта оҳ урганда варакай сўлди


@Xazon_Rezgi            /65

XazonRezgi (Official Channel)

06 Dec 2024 16:12

#СЕНСАН_СЕВАРИМ

Муаллиф: Гулбаҳор Рахматуллаева (Хазонрезги)

27-қисм

     Ғулом ака бир соатларда кўзини очди. Унинг бу даражада қаттиқ тоби қочганига  қон босимининг кескин кўтарилиши сабаб бўлган эди. Керакли биринчи ёрдам  муолажасини олган Ғулом акани шифокорлар  уч кун касалхонада олиб қолишди. Ғулом акага кечга қўл телефонини етказиб келган муовини уни узатар экан ерга қаради :
    - Қаҳрамон сизга бир неча бор қўнғироқ қилибди , қайтиб қўнғироқ қилсам жавоб қайтармади.

    Ғулом ака гап нимадалигини фаҳмлаб ичидан бир нима чирт этиб узилди. У тахминининг тўғрилигига кўп зтмай амин бўлди.
    Қаҳрамон ва унинг уч нафар шеригига бир қанча айбловлар билан  жиноят ишлари очилган экан. Шерикларидан фарқли ўлароқ Қаҳрамоннинг бўйнига қўшимча тарзда турмуш ўртоғи Шаҳноза Собировага қасддан жароҳат етказиш ҳамда ҳаётига суиқасд уюштириш айблови қўйилган экан.
    Қаҳрамон ва шериклари устидан олиб борилган тергов ишлари тўрт ой давом этди. Ваниҳоят вояга етмаган қизни кўпчилик бўлиб  зўрлаш , сўнгра жиноят изларини яшириш мақсадида уни бўғиб ўлдириш, жасадни кўздан йўқотиш мақсадида ёқиб юбориш,  мамлакатга  гиёҳванд моддалари ва таблеткаларни олиб кириш , уларни ўсмир - ёшлар ўртасида тарқатиш , шунингдек  зўравонлик , талончилик каби бир қатор жиноятлари учун Қаҳрамон ва унинг шериклари узоқ муддатга ҳукм қилиндилар. Улар орасида энг узоқ муддатни олган  Қаҳрамон йигирма етти йилга "кесиб" юборилди. Суд ҳукми билан Қаҳрамоннинг номидаги барча мол-мулк давлат ҳисобига мусодара қилинди.

     Ғулом ака Қаҳрамонни ўша куни охирги маротаба кўрди.

     - Ҳаа ?!- деди Қаҳрамон ўз отасига лўқ бўлиб тикилганча,- нимага келдингиз бу ерга ?  Мени қанчалар хорланишимни томоша қилиб кўнглингизни  тинчлантирмоқчимисиз ? Ҳавотир олманг ? Ҳадемай сизга ҳам навбат келади. Сизнинг ҳам жавоб беришингиз керак бўлган ишларингиз қатор- қатор бўлиб қарашиб ётибди.

    - Қаҳрамон ...

    - Қаҳрамон ?! - алам билан афтини буриштирди Қаҳрамон ,- нима ўғлим дейишга тилингиз айланмай қолдими , "дадажон" ?!
   
   - Мен сендан буларни кутмаган эдим ,- алам билан шивирлади Ғулом ака, - сени ҳамма нарса учун кечирсам ҳам   Шаҳноза учун кечирмайман. Унинг айби нима эди ?

    - Айби шу- ки, учраб қолди қорним очганда,- заҳарханда қилди Қаҳрамон,- қизингизга жонингиз ачидими ? Сизни-я? Шу ерига ишонмадим лекин ?! Отаси бутунлай бошқа бўлган беш бегона қизга юрагингиз ачир эмиш- у , аммо ўз пуштикамарингиздан бўлган ўғлингизга юрагингиз ачинмас экан ?! Қани адолат ?! Қани ҳақиқат ?!
    - Бу нима деганинг , аҳмоқ ?! Сени демасам , сенга юрагим ачимаса бутун бойлигимни , битта- ю битта қизимни сенга қўш қўллаб тутармидим , нокас ? Сен ўзи миннатдор бўлмайдиган бало экансан !
    
   - Ана ! Ана худди шу тарафим сизга ўхшайди , дадажон! Сиз ҳам ҳамиша қизим деб келган Шаҳнозани нақд ўлимдан олиб қолган йигитга нима жавоб қилдингиз ? Раҳматига бутун оиласини пароканда қилиб , отасини қабрга тиқмадингизми ?

   - У бошқа масала эди,- ғижинди Ғулом ака

   - Йўқ ! Айнан ана шу масала эди !

    - Ёдингда бўлса мен унга бошида бир чемодан пул таклиф қилганман. Аммо у йигит олифтагарчилик қилди . Кейин эса ҳаддини билмади.

    - Ҳаддини билмаслиги қизингизни севиб қолишимиди ? Бир севги учун бунча жазо оғир эмасмиди ?  Ҳай майли , нима бўлса бўлиб ўтди. Энди шу ерда барига "точка" ! Ростини айтайми ?! Мен бугун жуда енгил тортдим. Бир гап айтайми ?  Сизни қайта кўрмаслигимни ўйласам , жазо мен учун мукофот бўлиб туюляпти. Ана шунақа ?!

   - Қаҳрамон ...- оғир ютинди Ғулом ака ,- менимча бу сен айтгандек сўнгги учрашувимиз бўлса керак .  Менга бир ҳақиқатни айта оласанми ? Айтгин-чи нима учун мени шунчалар ёмон кўрасан ? Айбим нима эди ?

   - Айтайми  сизнинг айбингиз нима эканлигини ?

@Xazon_Rezgi             /63

XazonRezgi (Official Channel)

06 Dec 2024 15:56

Инсонлар ажойиб-да. Битта лайк босинг десам, кимдир шуниям бошқача тушунади. Биз босган лайкка телеграмм алоҳида пул тўлайди деб ўйлашса керак-да. Тушунмаганлар учун алоҳида тушунча: бу лайк моддий жиҳатдан ҳеч қандай қийматга эга эмас. Пора сўрашгаям кирмайди. Айтиш мумкин-ки, бу сиз ўқиган асарингизни бир, икки сониялик садақаси. Сабаби ижодкор инсоннинг кўнгли нозик бўлиб бораверар экан. Ёзган сари йўлма йўл тўкилиб қолар экан. Яна ортга қайтиб уларни бутлаб келиш осон иш эмас.
Ҳаётда бир шиорим бор:
- Кўнгилнинг эгаси-Аллоҳ. Уни синдиришдан қўрқаман. Сабаби бугун синдирган кўнгилни эртага жонимни гаровга қўйиб бўлсада тополмаслигим мумкин. Вақтида қилинмаган ҳисоб-китобдан ёмони йўқ. Сабаби у ҳисоб-китобнинг манзили ҳам, ҳаками ҳам ўзгармас бўлиб қолиши тайин. Ана шуниси энг аламлиси...
Нима дедингиз? Сиз кимсиз? Кўнгил олувчими ё...

XazonRezgi (Official Channel)

06 Dec 2024 14:44

📌 Эксперемент 📌

Наргизахоннинг ёндирмачоғидан бўлса асардан кўпроқ жойлаш ҳақида ўйлаяпман. Масалан бошланишига 500 та ❤️ етади!

Резгихон 🍂

XazonRezgi (Official Channel)

06 Dec 2024 14:39

#СЕНСАН_СЕВАРИМ

Муаллиф: Гулбаҳор Рахматуллаева (Хазонрезги)

26-қисм

   Ҳафиза кўзларини юмиб ўйланди, бироз шундай ўтиргач Жаҳонгирга савол назари билан боқди. 

    - Билмасам , - елка қисди у ,- очиғи кўнглим ниманидир тусаётганини билганимча йўқ эди. Балки ...

    - Балки ?! Хўш ?! - Жаҳонгир жонланганча аёлига кўзларини тўлдириб қаради

   - Балки гўшт-сабзавотли аччиқ салатни айтсаммикан ?

    Жаҳонгир Ҳафизанинг қўлларидан тутиб кийим жавони ёнига етаклади :

   - Бўлмаса бундоқ қиламиз !? Мен сени ҳозир яхши бир ресторанга олиб бораман. Сен у ерда кўнглингга ёққанларини бир бошдан айтасан. Бир бошдан татиб кўриб қайси егуликни егин келаётганини билиб оласан.

   - Эээ , - қовоғи тушди Ҳафизани, - бунақаси кетмайди. Мен ойижондан уяламан. "Дарров лик- лик қилиб эрини етаклаб  чиқиб кетди" десалар-чи ? Қўйинг , ўзи  шундоғам ҳеч нарса егим келаётгани йўқ.

   - Ойимнинг ўзлари сенга оғзингга ёқадиган бирор егулик олиб беришимни сўрадилар-у , - жавобга шошди Жаҳонгир,- бўлмаса мен қаердан билардим бошиқоронғилик шартларини ?

   Ҳафиза Жаҳонгирга илтижоли термулди :

   - Агар мени ҳақиқатдан ҳам ҳурсанд қилмоқчи бўлсангиз ойимларни кўришга олиб бориб келақолинг. Менга бошқа нарса керакмас. Уларни бир кўрсам , саломатликларини билсам бўлди. Илтимос , йўқ деманг.

   - Нимага йўқ дер эканман ? - кулимсиради Жаҳонгир ,- қани отлан, бугун кун бўйи  сени ихтиёрингдаман. Қаерга десанг ўша ерга олиб борганим бўлсин.

    - Унда Ойижонни ҳам таклиф қилинг. Уччаламиз борайлик. Улар ҳам уззукун уйдалар,- деди Ҳафиза  болаларча қувониб .

    Муқаддас опа улар билан боришга унамади.
   - Ҳафизадан ҳавотир олиб дугоналарим билан бўладиган учрашувга рад жавобини  бергандим . Энди кўнглим жойига тушди. Шунга менам бир айланиб келсам . Сизлар ҳам бемалол айланиб келаверинглар...

    Орадан кўп ўтмай Ҳафизанинг нордон нарсаларга бошиқоронғи  бўлганлиги маълум бўлди .

   - Ҳафизаа ,- деди Жаҳонгир кунлардан бир кун  бозордан олиб келган нордон олмани аёлига тутар экан

   - Лаббай .

   - Ойим "Ҳафизанг қиз туғади" дедилар. Айтишларича шунақа нордон нарсаларни кўп- кўп ейдиганлар қиз туғар экан...

   Жаҳонгирнинг сўзларидан Ҳафизани титроқ босди. Ёдига "Қиз бола ҳам фарзанд бўлибдими , ундан кетмоннинг сопи афзал" дея бот- бот такрорлайдиган жоҳил отаси тушди :

   - Сизга ...сизга қиз фарзандли бўлиш ёқмайдими ? - сўради у қалтираганча

   - Йўқ нега ? - хўрсинди Жаҳонгир , - қиз туғсанг майли , фақат бир шарт билан ...

   - Шарт ?! - оғир ютинди Ҳафиза ,- қиз туғишнинг қанақа шарти бўлар экан ?

   Жаҳонгир кўзларини муғомбирона сузди:

   - Агар қиз туғсанг , у худди ўзингга ўхшаган бўлсин . Хўп? Ҳафизанинг кичкинагина копияси бўлишини истайман қизимни . Худди онасидек меҳрибон , чиройли , тили ширин , хуллас - дунёда тенгги йўқ қиз  бўлсин. Бошқасига кўнмайман.

   Ҳафизанинг кўнгли жойига тушди . У эркаланганча эрининг кўксига бошини қўйди :

   - Унда қизингиз отасининг эмас , онасини қизи бўлиб қолади-ку ?

    Жаҳонгир Ҳафизанинг бежирим бурнини чимчилаганча эркалади:

   - Менга айнан шуниси керак... Сал аввал нима дедим :  Ҳафизам иккита бўлишини истайман...

   Орадан саккиз ой ўтиб Жаҳонгирларнинг хонадонига жажжигина Лазиза ташриф буюрди. Лазиза отаси жуда  истаганидек  онаси Ҳафизанинг жажжигина нусҳаси бўлган эди...


@Xazon_Rezgi           /61

XazonRezgi (Official Channel)

07 Dec 2024 16:29

#Асахфириллох #дахшат

Ҳиндистонда икки блогер мусулмонлар устидан кулиш учун қабрда бир кеча ўтказмоқчи бўлишди. Ўзларини жамоаси билан қабр ковлаб у ерга ҳаво ўтказиш учун маҳсус тешик, видеокамералар ва магитафон ўрнатишди. Кечга яқин икки киши бўлиб қабрга тушишди. Ва у ерда қўшиқ қўйиб турли ҳаракатлар билан ўйинга тушиб, видеоконтент олишди.  Бошланишида барчаси кўнгилдагидек кетётган эди. Бир соатлардан кейин дахшатли воқеа содир бўлди. Одамлар қабрни очиб қарашганда, қабр ичида...😰👇

XazonRezgi (Official Channel)

07 Dec 2024 16:21

#СЕНСАН_СЕВАРИМ

Соҳиба Тўхтаева илк иш соатларида ўзини кутиб турган Жаҳонгир ва Ҳафизани кўриб шошилиб қолди .

- Тўғрисини айтсам Ҳафизахоннинг шунчалик куйинчак, мард ва меҳрибон эрлари бор деб ўйламаган эканман,- деди у кабинетида Жаҳонгир билан танишиб олгач , - маъзур тутасизда энди иш тажрибамизда ҳар хил инсонларга дуч келавериб ўзимизни ҳам анчайин босиқ тутишга ўргатганмиз.

- Опажон , - деди Жаҳонгир ҳам ўзини босишга ҳаракат қилиб, - кеча аёлимдан баъзи гапларни эшитиб ... Тўғриси ўзимга келишим қийин бўлди. Аммо шунда ҳам ўзимни қўлга олишга ҳаракат қилаяпман. Сиздан эса битта нарсани сўрайман . Айтинг-чи , боламизни сақлаб қолишни иложи борми ? Ҳафиза уни эсон - омон бағрига босиб олишга қилдек бўлса ҳам умид борми ? Икки жонни саломат кўриш учун қанча , нима десам экан, қанчалик кафолат бор? Саволимга жавоб беришдан аввал битта нарсани ҳисобга олиб қўйинг. Бу борада моддий тарафдан ҳеч қандай қийинчилигимиз йўқ. Қайси дорини , қачон десангиз муҳайё қила оламан. Энг қиммат шифохонада ётиши керак бўлса бунинг учун ҳам пулдан муаммо бўлмайди . Яна гапларимни манманликка йўйманг. Шунчаки жавобингизни биз ҳақимизда барча маълумотни билган ҳолда айтсангиз айни муддао бўларди деб ўйладим.

Соҳиба Тўхтаева Жаҳонгирга қараб ўйланиб қолди.

- Яхши , укажон,- деди у ва ниҳоят тилга кириб ,- аёл кишининг ёнида шундай суянган тоғи бўлса-ю, аёлим учун барига тайёрман деса , биз ҳам қўлимиздан келган барча имкониятни ишга соламиз. Мен ҳозир сизга устозим фаолият юритадиган клиника манзилини бераман . Устозим Нодира опа юртимиздаги энг таниқли шифокорлардан ҳисобланадилар. Ҳафизахон у ерда ўн кун ётиб даволанадилар. Мен ҳозир устозимга бир энлик хат ёзиб бераман , устозим шу хат орқали Сизларни албатта қарши оладилар ва даволаниш учун қабул қиладилар.
Соҳиба Тўхтаева уларни кузатиб қўяр экан деди :

- Сизларни керагидан ошиқча умидлантирмоқчи эмасман . Шу билан бирга бу ҳаракатингизни ҳар қандай таҳсинга лойиқ деб ҳисоблайман. Илойим , йўлингиз оқ бўлсин.

Соҳиба Тўхтаева тавсия қилган клиникада унинг ўзини ҳам ҳурмати баланд экан. У ёзиб берган хат орқали Ҳафиза учун тезда жой ажратилди. Нодира опа Ҳафизани ортиқча гап - сўзсиз қабул қилди-ю , тезда ундан айрим таҳлил натижаларини олишга кўрсатма берди .
Жаҳонгир Ҳафиза билан клиника ҳамширасига эргашиб борди-ю, аёлини қабул бўлимида жойлашган қатор текширувлар учун ажратилган хоналарга олиб кириб кетишгач , уни даҳлиздаги ўриндиқда кута бошлади.

- Демак, ора - орада ҳушингизни йўқотасиз ? -- савол эшитилди эшиги очиқ қўшни хонадан

- Ҳаа шундай.

- Ҳушсиз ҳолингизда ҳеч нарсани сезмайсизми ёки айрим нарсаларни ҳис қиласизми ?

- Мен ҳушимни йўқотаётганимни ҳам билиб тураман . Кейин ёнимда ким бор , нима деди , ҳаммасини фарқлаб ётаман . Фақат бутун танам тошдек қотиб , ҳаракатсиз бўлиб қолади-да...

- Бундай аҳволга тушганингизга кўп бўлдими ?

- Тўққиз йилча бўлди .

- Нима бўлганди ўшанда ?

- Ўтирган жойимда собиқ эрим орқа тарафдан оғир нарса билан қаттиқ урган. Шундан буён...

Жаҳонгир ўзи кўрмай эшитиб гувоҳ бўлаётган суҳбатнинг шу ерида ўрнидан бехос туриб кетди. У ҳалитдан бери ўзига таниш туюлаётган овоз эгаси - Шаҳнозани таниган эди...

#давоми_бор

Муаллиф: Хазонрезги

@Xazon_Rezgi /69

XazonRezgi (Official Channel)

07 Dec 2024 16:21

#СЕНСАН_СЕВАРИМ

Муаллиф: Гулбахор Рахматуллаева (Хазонрезги)

29 - қисм

   " Мен шифокорман  ва касбим нуқтаи назаридан келиб чиққан ҳолда сизга очиғини айтмасам бўлмайди,-деган эди бугун уни қабул қилган аёллар шифокори Соҳиба Тўхтаева ,  - гапнинг қисқаси сиз иккинчи бор она бўлсангиз ҳаётингиз хавф остида қолиши мумкин, сабаби юрагингиз бўйича қилинган таҳлиллар ижобий натижани кўрсатмаяпти. Шунинг учун энг аввало сизнинг саломатлигингизни ўйлашимиз керак. Биз учун биринчи ўриндаги асосий масала онанинг  , яъни  етук инсоннинг саломатлиги ,- у шундай дея Ҳафизага жиддий тикилди,- Ҳафизахон , ҳомиладорликни тўхтатмасак бўлмайди.

    - Сиз шу айтаётган сўзларингизга ўзингиз юз фоиз аминмисиз,- юлқинганча сўзга тушди Ҳафиза,- яъни шу гўдакни дунёга келтирсам ҳаётим хавф остида қолишига имонингиз шунчалар комилми ?

   - Агар яхшилаб даволансангиз кейинчалик Ўзингизни  ҳам ҳаётингиз хавф остида қолмайди, бўлажак фарзандингизни ҳам,- бунисига ноиложман дегандек ночор аҳволда  қўлларини   ёйди шифокор

    - Демак , - оғир ютинди Ҳафиза ,- демак ҳеч қандай илож йўқ денг? Мабодо шунча огоҳлантиришингизга қарамай бу фарзандни дунёга келтиришдан бош тортмайман десам-чи ?

    - Унда оқибатлар учун биз жавоб бермаймиз. Сиздан  бугунги суҳбатимизни  яхшилаб ўйлаб кўришингиз , оила аъзоларингиз билан маслаҳатлашингиз ва икки кун ичида жавобни қайтадан айтишингизни сўрайман. Икки кундан сўнг эрингиз билан қабулимда кутаман сиз. Жавобга тайёр бўлсангиз эртага ҳам қабулимга келишингиз мумкин . Ўшанда ҳам ҳомилангиздан воз кечишни истамасангиз  тилхат ёзиб беришингиз керак бўлади.
    
    Ҳафизанинг кўз ёш тўкишига сабаб шу эди. У яна билар эди- ки , эрини Ҳафизанинг соғлиги учун, унинг ёнида бир умр бирга умргузаронлик қилиши учун шифокорларнинг   бари шартига киприк қоқмай кўниши тайин.

   "Ё қодир Эгам , - зорланганча кўнглидан ўтказди Ҳафиза, - энди бу кишини қандоқ кўндираман ?"

    - Ҳооой , хаёлинг қаёқда сенинг ? - Жаҳонгирнинг саволи Ҳафизани хушини ўзига келтирди.

   - Қаерда бўларди ? - хўрсинди Ҳафиза ва қорнига ишора қилди ,- мана бунда-да .

    - Қиз экан дедингми ? - Жаҳонгир ўнг қўлини авайлаб аёлининг қорнига қўйди,- яна битта қироличалик бўлар эканманми ?

    - Демак , хафа эмассиз ? - эркаланиб сўради Ҳафиза.  У шу топда бутун муаммоларни унутишни, эри билан ота- оналик бахтининг таъмини тотишни   истар эди

   - Қизиқмисан ? Нима учун хафа бўлишим керак. Агар билсанг "Қиз бола - жаннат учун таклифнома" бўлади, - деди Жаҳонгир томоғини маънодор тақиллатиб .

   - Воей , - деди ҳазингина кулимсираб Ҳафиза ,- баъзан қараб туриб "Шу киши ростдан ҳам менинг эриммиканлар ?!" деб ўйланиб қоламан. Баъзан шунақаям доно бўлиб кетасиз- ки. Аммо тан оламан , шу ҳолатда менга жудаям ёқасиз.

     - Айт-чи Ҳафиза , қорни оч эр ҳам ёқаверадими сенга ? - қошларини муғомбирона учирди Жаҳонгир

   -Тўхтаб туринг! Ўйлаб кўрай? - эрига муносиб ҳолда жавоб қайтарди Ҳафиза ,-  ҳаа ёқаверар экан.
    У шундай деб тезда жиддийлашди:

     - Юрақолинг, сиз ёқтирган таомни пишириб қўйганман.

    Ҳафиза шундай деб енгил қадамлар билан ташқарига йўл олди

   - Ҳооой , нима овқат пиширдинг?

     Жаҳонгирнинг саволига  Ҳафизанинг даҳлиздан:

   - Борганда кўрасиз. Сизга ёқиши аниқ ...- деган жавоби эшитилди .

   - Менга энг ёқадигани ўзингсан , ойиси ,- шивирлади Жаҳонгир ва у ҳам аёлини ортидан эргашди ,- ўзингдан қўймасин , гулим ...

     Кеч кириб ёлғиз қолишганда Ҳафиза сочларини аста тарар экан Жаҳонгирга осойишта овозда савол берди :

   - Дадаси ...

   Жаҳонгир икки қўлини чалиштириб уларга бошини қўйганча Ҳафизани кузатиб ётар эди .

   - Нима дейсан , ойижониси ...

   - Агар учинчиси ҳам , тўртинчиси ҳам ... Умуман ўнта қизингиз бўлса нима қилардингиз ? - Ҳафиза савол берганча жавобини кутиб тек қотди.

  - Нима қилардим ? - саволни қайтарди Жаҳонгир ,- ҳар ойда ўнта - ўнта қўғирчоқ олиб келардим. Қизларим бир- бирлари билан қўғирчоқ талашмасинлар дердим-да.

   - Дадааасиии ... Мен Сиздан бехазил сўраяпман?


@Xazon_Rezgi                  /67

XazonRezgi (Official Channel)

07 Dec 2024 13:29

ОРТГА ЙЎЛ ЙЎҚ

Сафарга чиққан киши йўлда ажабтовур боғга дуч келди. Дарахтлари кўкка бўй чўзган, майин барглари шаббодада ёқимли шитирлайди, сархил меваларнинг хуш бўйи димоқни қитиқлайди. Йўловчи боғнинг эгасини топиб, ичкари киришга изн сўради. Боғбон унга рухсат берибгина қолмай, қўлига бир сават ҳам тутқазди.
– Шуни тўлдириб кўнглингиз тусаган мевалардан териб олишингиз мумкин. Фақат бир гап эсингизда турсин: боғга қаршингиздаги дарвозадан кириб, нариги тарафдан чиқиб кетасиз. Орқага йўл йўқ!
Мусофир юраги ҳаприқиб саватни кўтарганча ичкарига қадам ташлади. Ғарқ пишган мевалар “мени уз” дегандек ял-ял ёниб, шундоққина тепасида осилиб турарди. Энди қўлини чўзмоқчи бўлганди, нарироқдаги мевалар кўзини қамаштирди. Олдинга юрган сари дарахтлар кўркамроқ, ҳосили чиройлироқ кўринаверди. Йўловчи шошиб қолдими ё саватини вақтидан илгари тўлдириб, энг сара мевалардан қуруқ қолишдан чўчидими, ҳар ҳолда боғ этагига етиб келганида... савати бўм-бўш эди. Орқага эса йўл йўқ.

Инсон умрини дунё аталмиш маконнинг бир эшигидан кириб, бошқа эшигидан чиқиб кетувчи йўловчидек яшаб ўтади. Ундаги ҳар кун, ҳар лаҳза хайрли ишлар учун берилган имкониятдир. Бу маконнинг поёни қаердалигини, умр интиҳоси қачон етишини ҳеч ким билмайди. Вақт ғанимат, эзгу амалларимиз “савати” бўш қолмасин...

интернет

@xazon_rezgi

XazonRezgi (Official Channel)

07 Dec 2024 12:11

Италияда 93 ёшли қария касалликдан тузалибди. Унга нафас берувчи мосламанинг ҳеч бўлмаса бир куни учун ҳақ тўлашини сўрашибди. Шунда чол йиғлаб юборибди. Шифокор чолни тинчлантирмоқчи бўлибди, лекин чол пулидан йиғламаётганини айтибди. Қариянинг жавоби эса шифокорни ҳайратга солибди:

"Мен тўлашим керак бўлган пул учун йиғламаяпман. Мен бунинг ҳаммасини тўлашим мумкин. Мен шундан йиғлайманки, мени 93 йилдан буён Худо нафаслантиради, лекин бирор марта бу учун ҳақ тўламаганман. Сиз бўлса бир кунлик нафаслантириш учун 5000 € сўраяпсиз. Тасаввур қиляпсизми, Яратганга қанча тўлашим кераклигини. Мен бу учун унга шукрона ҳам қилмаган эканман!"

©интернет

Каналга аъзо бўлиш

http://t.me/xazon_rezgi

XazonRezgi (Official Channel)

07 Dec 2024 06:01

МУЛОҲАЗА УЧУН

Бир фил кўлда ювиниб, тозаланиб кетаётганида бир кўприкка дуч келди ва кўприкнинг нариги томонидан унга қараб жуда ифлос бир чўчқа келаётган эди.

Фил орқага қайтиб, чўчқани ўтказиб юборди. Бундан мағрурланган чўчқа ҳаммага бориб мақтанибди.

Бу гапларни эшитган филнинг дўстлари ундан сўради:
- Чўчқадан қўрққанинг учун йўл бердингми?

Фил кулиб жавоб қилди:
- Мен уни бир оёғим билан эзғилаб ташлашим мумкин эди. Уни босганимда оёғим кир бўлгани қоларди. Шунинг учун уни ўтказиб юбордим.

Хулоса шуки, ақлли одам ўзини ёмон нарсалардан четда тутади. Бу қўрқоқликдан эмас, улардаги кир ўзига юқмаслиги учун...😉

Каналга обуна бўлиш 👇
https://t.me/joinchat/AAAAAFB59SM9yhwXJGeW_g

XazonRezgi (Official Channel)

07 Dec 2024 03:17

Ишламайдиган аёл...

Яқинда қизимдан СМС олдим.
- «Дада, бир нарсага ҳайрон қоламан, -деб ёзибди қизим. — Бир ўзингиз ишлаб бизни қандай боққансиз?
Битта ойликка тўртта фарзандни ўқитгансиз, ичиргансиз, едиргансиз, кийдиргансиз…
Биз куёвингиз билан ишлаб, минг бир тежаб-тергаб, қизимга кеча зўрға пальто обердим».
— « Худо берган, қизим, Худо берган, -дейман унга. Лекин ичимдаги гапни унга айтмайман. Биз ҳам битта эмас, иккита бўлиб ишлаганмиз демайман.
Деёлмайман.
Ишонмайди, лоф деб ўйлайди.
Хаёл узоқларга олиб қочади…
«Мен давлат идорасида 133 сўм ойлик олардим, — дея ичимда қизим билан гаплашаман, — кейинчалик у 150-200 га кўтарилди.
Ойлик олган куним уйга бозор қилсам, онанг қувониш асносида дакки берарди: картошкани қиммат опсиз, сабзи Қўйлиқда ярим баҳосида сотиляпти, шолғомни юпқа пўстлисидан олинг, чиқитга камроқ чиқади.
Табиийки, бу гаплардан кейин бозор ҳам онангнинг зиммасига тушади.
Чунки ,онанг биладики, менинг бойвачча феъллигим билан ойнинг иккинчи ярмида қўни-қўшнидан қарз излашга тўғри келади. Уйимизда гилам бўлмасада, олачамиз бор эди, лекин тўртта боланинг тўп-тўпидан кейин ҳам уйимиз озода турарди.
Ошхонадан тортиб балконгадовур чиннидай ярақларди.
Ҳамма нарса ботартиб эди ва ҳозиргача шундай.
Ваҳоланки, уйимизда чўримиз йўқ эди.
Ўша сен, шунингдек, бошқалар ҳам пешонасига ишламайди деган тамға босган Онанг бор эди.
Акангнинг кийимини уканг сенинг кийимингни синглинг кийиб катта бўлди. Кийимларингнинг ямоғи бўлиши мумкин эди лекин кири йўқ эди.
Ички кийимлар қарийб сотиб олинмас, машинкада онангнинг ўзи тикарди.
Неваралар пайдо бўлганда онанг бўхчадан акангнинг болалигидан қолган эски кийимларини, гарчанд кеннойинг бурнини жийирсада чақалоққа кийдирганди.
Онанг тиккан кўрпачаю ёстиқлар, дарпардаю дастурхонлар эндиликда эскилик сарқити бўлиб қайси бир токчаларда ётибди...
Ваҳоланки, ортиқча кийим сотиб олишга бизнинг қурбимиз етмасди тикувчию кўрпачига беришга ойлигим камлик қиларди.
Биласан, уйимиздан меҳмон аримасди.
Вилоятлардан йўли адашиб Тошкентга келган борки, бизникида меҳмон бўларди.
Улар вақт ҳам, имконият ҳам танламасди, тўғри бостириб келаверарди.
Ярим оқшом бўлишига қарамасдан қарангки худди меҳмон кутиб ўтиргандай бир пасда дастурхон безаларди. қанд-қурс пирошка-сомса дегандай.
Дастурхондаги таом ва ширинликларнинг ярми Made in Mom эди.
Аниқроғи, ишламайдиган онангнинг иши эди.
Чунки ошпаз ёллашга менинг ойлигим етмасди.
Укаларинг бугун кийган кийимини мактабдан йиртиб ёки кир-чир қилиб келарди.
Афсуски, ўшанда бизнинг шахсий тикувчимиз ҳам кир ювиш машинамиз ҳам йўқ эди.
Ишламайдиган онанг кийимларни тикиб, ювиб, эрталабгача қуритиб, дазмоллаб фарзандларига кийдириб, мактабга жўнатарди.
Чунки, укангнинг иккита кўйлаги йўқ эди.
Бор-йўғи битта бўларди, уям акасининг эскиси.
Ишламайдиган онанг дарсдан кейин тўртта фарзандининг ҳар бири билан индивидуал дарс қиларди.
Кўзининг нурини тўкиб, сизларга эртаклар ўқиб берарди, қайта-қайта машқлар бажартирарди.
Ана шуларнинг ҳосиласи ўлароқ ҳаммаларинг ўқиб касб-ҳунарли бўлдинглар.
Ҳа бугун игнага ип ўтказолмай қолган онангнинг кўз нурлари сизларнинг болалигингиз қат-қатларига сочилиб кетган.
Худо берган деган сўзларимнинг маънисига энди тушунгандирсан.
Худо менга бойлик бермади, Худо менга сен айтган ишламайдиган онангни берди!
Ва онангга қўшиб ҳамма нарсани инъом этди менга Аллоҳим!
Қатор-қатор фарзандлар берди!
Уларнинг ҳар бирига яраша ақл-идрок берди.
Эл-юрт ўртасида обрў-эътибор берди, бировдан кам қилмади.
Топганимга барака берди! Қатор-қатор тўйлар қилдим, бирин-кетин машиналар миндим.
Бировнинг қўлига қараб қолмадим.
Онанг билан шаҳарма-шаҳар, ижарама-ижара юрган кунларим эвазига Аллоҳим қўша-қўша уйлар берди.
Ҳаммасига секин-секин, сабр-қаноат билан эришдик, аммо бировнинг ҳақига хиёнат қилмадик, кимсани ранжитмадик, ёлғон гапирмадик Ҳудодан қўрқдик.
Мен нимаики мартабага эришган бўлсам унинг тўқсон фоизида қарийб бир умр уй бекаси тамғаси остида яшаган Онангнинг ҳизматлари бор...

Муаллиф: интернет

@Xazon_Rezgi

XazonRezgi (Official Channel)

07 Dec 2024 01:30

☀️🌤​#хайрли_тонг

Ассалааму алайкум ва роҳматуллоҳи ва барокатуҳ

🌱 Бахт юқумли...
Сиз қанча бахтли бўлсангиз, атрофдагиларга ҳам юқади. Бахтлиларга ҳамроҳ бўлсангиз, сизга ҳам юқади. Шу дақиқадан бошлаб ҳар лаҳзадан бахт олинг ва яқинларингизга ҳам улашинг...

Шанба кунингиз мазмунларга тўла бўлиб ўтсин ...

Каналга обуна бўлиш 👇
https://t.me/joinchat/AAAAAFB59SM9yhwXJGeW_g

XazonRezgi (Official Channel)

06 Dec 2024 17:01

#TEZKOR

Сизи тиззалариз огрийдими? Мана сиз-
га мендан соглом бугимлар сири👇
http://dexpress24.tilda.ws/snakeoil_2/html
Бу усулдан сўнг бўғимдаги оғриқлар безовта қилмас экан😍

🔔БАТАФСИЛ👇
http://dexpress24.tilda.ws/snakeoil_2/html
http://dexpress24.tilda.ws/snakeoil_2/html

👆👆АЛОҚА 24/7 👆👆

(Батафсил маьлумот олиш учун юкоридаги хавола устига босинг)
⭕️⭕️⭕️⭕️⭕️⭕️⭕️⭕️⭕️⭕️⭕️⭕️

▫️Aдминлар ўчириб ташламасидан олдин ёзиб олинг😏

XazonRezgi (Official Channel)

06 Dec 2024 16:12

#СЕНСАН_СЕВАРИМ

Мен энди У эмас, кўзида жилва,
Хатто кўзда ёшим тўкилмай қолди,
Айрилиқнинг аччиқ ситами,
Жонни қўйиб, жонимни олди

Мен энди У эмас, ғамзали шодон,
Мендан қолди фақат аччиқ хотира.
Эрта тонг юзимни ўпган саболар,
Аллақаерларда жунжикар, қара.

Мен энди У эмас, мен битта соя
Руҳимни қайгадир сотиб ҳам бўлдим,
Ор, шаъним барини танда қулфлаб,
Тошдан йўнилгандек қотиб ҳам бўлдим.

Мен энди У эмас, менман бе юрак,
Кўксимда дукурлар хиссиз бир анжом.
Маҳзун сатрларни тўқиб дилсиёҳ,
Не тонгки , қаламим ёзмоқда ҳамон...

     -Жамила опа...

- Лаббай ?!

- Шаҳноза сизга аввалги ,яъни бу ерга келгунга қадар бўлган ҳаёти ҳақида нималарнидир айтганми ? Ахир у бўлиб ўтган воқеаларни анчасини эслаб улгурди.

- Йўўўқ ... - бош чайқади Жамила опа,- тўғри у анча воқеаларни эслагани рост , йўқса бундай шеърлар ёзмас эди. Очиғини айтсам уни ўз ҳолига қўйганман. Лозим топса балки ҳаётини гапириб берар, лозим топмаса йўқ...

- Ҳааа , - ўйчан сўзланди Гулзира Набиевна ,- сизнинг тутган йўлингиз тўппа-тўғри. Бундан кейин ҳам Шаҳноза ўзи истамагунча уни ўтмиш ҳаёти билан безовта қилманг. Бу нарса унинг соғлиғига ёмон таъсир кўрсатиши мумкин. Вақти - соати етса ,ўзи шунга тайёр бўлса Шаҳнозанинг ўзи сизга кўнглини ёриши ҳеч гапмас. Унгача фақат сабр ...

- Хўп , Гулзирахон. Барчаси сиз айтгандек бўлади.

     Уч хафтадан сўнг Жамила опа Шаҳнозани ўзи билан она диёрига олиб кетди .

▪️▪️▪️  

- Ашшалом алейтўм, ажжажон...

- Ваалейкум ассалом, мани асал қизим ,- Жаҳонгир ҳадемай икки ёшга кирадиган Лазизани кўтариб бағрига босар экан юзларидан ўпди,- оҳ , оҳ , мани қизимни оҳи чиқиб кетибдими ?

- Йуууу ,- лаблари ёйилиб жилмайди Лазиза ,- оҳим абиш бўлли.

- Ваай абуш бўлдими мани қизимни оҳи ? - Жаҳонгир чўнтагидан конфет чиқариб қизига тутди ,- тшшш , ойжонинг кўрмасин. Бўлмаса мени атата қилиб ташлайди .

- Ажжажон ,- деди Лазиза отасини қучиб қулоғига шивирлади ,- айжоним ётвойиб рошша йилладилар .

- Нима ? - сергакланди Жаҳонгир,- ойижоним йиғладилар дедингми ?

- Ҳииимм йилладилар ...

- Қани юр-чи , нимага йиғларкан ойижонинг ?

Жаҳонгир Лазизани кўтарганча ётоқхонага йўл олди. У остонада Ҳафизага дуч келди :

- Ассалому алайкум ,- деди Ҳафиза йиғидан қизарган кўзларини яширишга ҳаракат қилиб ,-узр дадаси , келганингизни билмай қолибман.

- Ҳижолат бўлма , мени асал қизим кутиб олди,- Жаҳонгир "Ерга тушаман" дея талпинаётган Лазизани қучоғидан аста туширди ,- мен ҳам кийимларимни алиштириб олай. Лазизахон қизим бувисига борадими ?
Лазиза "ҳа" дея бош силкиб узун даҳлиз бўйлаб чопқиллаб бувисининг хонасига йўл олди.
Ҳафиза эрига эргашиб ётоқхонага қайтиб кирди. У эрига жавондан янги ювилиб дазмол қилинган кўйлакни узатар экан , Жаҳонгир унинг қўлини ушлади:

- Ойижониси , сени ким йиғлатди ? Йиғламадим деб алдамоқчи бўлма , барибир билиб турибман. Ўзи бу сафарги ҳомиладорлигингда жуда йиғлоқи бўлдинг-да ?

- Йўғей ? Қаердан олдингиз бу гапни ? Йиғлаганим йўқ ,- ўзини базўр ушлаганча жавоб қайтарди Ҳафиза , - шунчаки бироз ошқозоним безовта қилди. Шу сабаб сизга шунақа кўриняпган бўлсам керак ...

Жаҳонгир Ҳафизанинг икки елкасидан тутиб кўзларига қаради :

- Онажониси ... Сен билан турмуш қурганимизга неча йил бўлди а ? Кошки бу вақтда сени таний олмаган бўлсам экан ?
Қани менга ростини айт-чи ? Нима гап ?
Ҳафизанинг кўзларидан милдираб ёш қуйилиб кетди :

- Дадаси ...

- Эшитаман .

- Бу ҳомиламни ҳам қиз дейишди .

- Хўп...- ўзини жиддийликка солди Жаҳонгир

- Нима хўп , дадаси ? Қиз экан деяпман сизга,- ҳуноби ошди Ҳафизанинг

- Хўп , бор гапинг шуми ? Шунга йиғладингми ? - аёлига меҳр билан боқди Жаҳонгир

- Ҳа ахир Ўзингиз Ҳафизам иккита бўлишини истайман дегандингиз . Аммо Ҳафизангиз учта бўлса ...

Ҳафиза шундай деб йиғисининг асл сабабини эрига билдирмасликка ҳаракат қилиб, ич- ичидан босиб келаётган хўрсиниқни аранг ютар эди ...

#давоми_бор

Муаллиф: Хазонрезги

@Xazon_Rezgi /66

XazonRezgi (Official Channel)

06 Dec 2024 16:12

#СЕНСАН_СЕВАРИМ

Сиз ўзингизни отаман деб ҳисоблайсиз- у , бироқ қора курсига ўтирганимдан буён "ўғлим" дейиш ўрнига нуқул Қаҳрамон , Қаҳрамон деяпсиз. Яна "Шаҳнозага ачинганимдан сендан нафратланаяпман" деган чўпчакни айтманг менга. Очиғи Шаҳнозани яхши кўришингизга аллақачон ишонмай қўйганман. Чин ота қизини севган кишидан айириб , алдамчи йўллар билан бетайинлиги кундек равшан йигитга турмушга бермас эди.
Энди нима учун сизни ота деб қабул қилмаганим сабабини билиб олинг:
Айнан сиз туфайли неча йиллар "ташландиқ" , "ҳароми" деган таҳқирларга чидашга мажбур бўлганлигимни биласизми ? Йўқ билмайсиз ? Бу нарса айтишгагина осон. Дунёда ўзингни ҳеч кимга кераксиз ҳисоблаб яшашдан оғири бормикан ? Уч- тўрт бола уришса , айбдор битта мен бўлиб чиқаверганимда, кўча безорилари кўнгил хушлагилари келганда "Бунинг ёнини ким ҳам оларди ?" дея йиллар давомида мени қадримни хўрлашганларида , уларга жавоб қайтара олишга қодир бўлмаганимда, кучим фақат кўз ёшларимга етганда , шунда ҳам тўйиб йиғлаш учун пана- пасқам жойларни излаганимда, қорним тўйиб, кўнглим тусаган овқатларни емаганимда ... Яна нималарни, қанча хўрликларни санаб берай ? Шунча нарсага ким айбдор биласизми ?

Сиз !

Ва яна сиз !

Сиздан бошқа ҳеч ким ?!

Сиз мени излаб топган вақтга қадар разолатнинг қайсики мудҳиш ботқоғи бор бўлса , барига ботиб бўлган эдим. Сиз уйингизга етаклаб келган ўспирин аллақачон бировнинг ҳаққидан қўрқмайдиган қўли эгри , гиёҳванд, маънан бузуқ йигит эди.
Нақадар сизга ўхшайман-а ? - истеҳзо билан боқди Қаҳрамон,- ахир қонимиз бир ! Аслида бари бошқача бўлиши мумкин эди. Мен ҳам тенгдошларим сингари севимли , ўқимишли , жамиятда ўз ўрнини топган - энг асосийси керакли бўлишим мумкин эди. Бироқ минг афсус- ки, бундай бўлмади ва барига сиз айбдорсиз!
Мана сизни нима учун ёмон кўраман ! Мана сизни нима учун ҳеч қачон яхши кўрмаганман ! Сиздан бир умр нафратланаман. Кўришга кўзим йўқ сизни !

Ғулом ака Қаҳрамонни ортиқ эшитишга мажоли қолмади .
У зил- замбил бўлиб кетган қадамларини базўр босганча ташқарига йўл олди. Ғулом акага ҳаво етишмасди. У оғзини каппа-каппа очганча эшикка етиб боришни кўзларди.
Бироқ эшикка бир неча қадам қолганда ҳушини йўқотди...

▪️▪️▪️

Ғулом акани маҳалла аҳли савоб умидида бу дунёдаги сўнгги манзилига кузатиб қўйишди...


#давоми_бор

Муаллиф: Хазонрезги

@Xazon_Rezgi /64

XazonRezgi (Official Channel)

06 Dec 2024 16:12

#СЕНСАН_СЕВАРИМ

▪️▪️▪️

" Ғулом бизнес" кейинги йилларда чўкиб муштдек бўлиб қолганди.
Бир ёқда Шаҳнозанинг руҳий аҳволи , бир ёқда Қаҳрамоннинг бемаза , тутуруқсиз турмуш тарзи уни куйдириб юборган эди.
Халқда фарзанд ҳақида "Ичимдан тушган иссиқ илоним" деган ибора бор. Бу ибора замирида ота- она учун фарзанд ҳар қандай бўлмасин суюкли бўлиб қолаверади деган маъно англашинилади . Бўлмаса кўриниши совуқдан совуқ , ўзи ҳам табиатан совуққонли мавжудон қайдан ҳам иссиқ бўлсин...
Бироқ...
Бироқ Ғулом ака Қаҳрамоннинг ҳақиқатдан ҳам "иссиқ илон" эмаслигига тобора амин бўлиб бормоқда эди.
Кейинги вақтда Шаҳнозани муолажа қилаётган профессор Гулзира Набиевна Ғулом аканинг керосинига гугурт чақиб юборгандек бўлди.

- Ғулом ака ,- деди профессор кўзойнагини қўлида айлантирганча,- қизингизнинг бўйин-энса қисмидан олган жароҳати фақатгина йиқилиш жараёнида бўлмаган. Агар шундай бўлганда эди у ердаги асаб толалари деярли бир чизиқ бўлиб шикастланар эди. Мен буларни Шаҳнозанинг пиллапоядан йиқилган деб берилган кўрсатмангизга таяниб айтяпман. Аммо олиб борган тадқиқотларим бутунлай бошқа ва мен бунга юз фоиз аминман.

Ғулом ака ўтирган жойида безовта қимирлаб қўйди, бироқ бир сўз демай Гулзира Набиевнанинг оғзига тикилди.

- Қизингизга орқа тарафдан ясси ва қаттиқ жисм билан қаттиқ зарба берилган. Бу зарба шу даражада кучли бўлган- ки , қизингиз зарба кучидан хатто фарзандини йўқотиш оғриғини ҳам ҳис қилмаган. Яна бир нарсага ишончим комил. Зарба берилган вақт Шаҳноза қисман ўтирган ҳолатда бўлган, айнан шу ҳолатда зарба тананинг шунчалик кўп жойини эгаллаши мумкин.

- Демак ...- овози янада бўғилгандек бўлди Ғулом аканинг

- Ҳа ! - шарт кесди Гулзира Набиевна,- қизингиз йиқилишидан аввал унинг жонига қасд қилишган! Мен бунга юз фоиз кафолат бераман. Яна шуни айта оламан- ки , аввал қизингизни жонига қасд қилиб беҳуш қилишган , кейин эса жиноят изларини йўқотиш мақсадида беҳуш ҳолида зинадан улоқтиришган.

- Қизиммм ,- базўр ингради Ғулом ака ,- нокас отангни кечир ...

- Ғулом ака,- чуқур тин олди Гулзира Набиевна ,- мен ўз вазифамни бажаришим керак . Шу сабаб қизингиз Шаҳноза Собированинг иши бўйича жиноят излари тахмин қилинганлиги сабаб ( аслида бунинг жиноят эканлигига зиғирдек шубҳам йўқ) бугун эрталаб ички ишлар органларига ёзма ариза топширдим. Сезганингиздек бу ишда энг биринчи гумондор куёвингиз Қаҳрамон. Шу сабаб сиздан битта илтимос. Айбдор гуноҳига иқрор бўлиб одил жазосини олмагунга қадар куёвингиз билан мулоқатдан четда турсангиз. Бу ҳамма учун яхши бўлар эди.

Ғулом ака профессор аёлнинг ҳузуридан аранг оёғини судраб чиқди.
У машинасини ҳайдаб уйига етиб олишга кўзи етмагач , қалтираганча қўнғироқ қилиб муовинини ёрдамга чақирди.

Ғулом ака дарвозаси ёнида машинадан тушар экан бирдан кўз ўнги қоронғилашиб гурсиллаб йиқилди . Бир зумда атроф қўни- қўшнига тўлиб кетди. Йиғилганлар орасида кимнингдир Ғулом аканинг оппоқ оқариб кетган юзига қараб "Яхшиси уларни жойларидан қўзғатмайлик. Яна ёрдам берамиз деб бир нимани бошламайлик" деган фикри кўпчиликка маъқул тушди. Ғулом аканинг ёнига кўрпача тўшаб уринтирмай уни устига олишди. Кўп ўтмай чақирилган "тез ёрдам" машинаси етиб келиб ҳамон беҳуш ётган Ғулом акани касалхонага олиб кетди.
Бу вақтда Ғулом аканинг қўл телефони вақтинча эгасиз қолган машинаси ўриндиғида тушиб қолган , унга "Ўғлим Қаҳрамон" деган рақамдан қилинган қўнғироқларнинг кети узилмаётган эди...

#давоми_бор.

Муаллиф: Хазонрезги

@Xazon_Rezgi /62

XazonRezgi (Official Channel)

06 Dec 2024 15:01

​#Мен_кетсам ...

Мен кетсам ортимдан ул
мунгли қўшиғим қолур ...
Сўзимдан баҳра олган
Минг- минг ошиғим қолур ...

Ким кўнглига видойим
Солса чуқур андуҳни ,
Қуёшдек ботсам кимлар ,
Керак сабоқни олур...

Вақти келиб қабримдан ,
Унса лолақизғалдоқ
Ул кимларнинг ёдига ,
Дилбар шеърларим солур ...

Бу тўгарак жаҳонда
Келмоқ бор- у, кетмоқ бор
Барг ёзган ҳар новдада ,
Хазонрезги жон олур ...

Ким учун ўрним бўлак,
Унутолмай то маҳшар,
Ўхшашимни қидириб,
Кўзи йўлларда толур...

Содиқ ваъфо дўст қалам ,
Менсиз қолса изиллаб
Бахтдан ёзмай бир мисра ,
Соғинч ичида нолир...

Фарзандларим-ҳар шеърим,
Қолганида эгасиз ,
Силарга қўл топмасдан ,
Сочин бирма - бир юлур...

Мен кетарман сиз эрса,
Сира олманг хавотир ,
Кўнглингиздан жой олган ,
Мунис бир кўнглим қолур ...

Мен кетсам ортимдан ул
мунгли қўшиғим қолур ...
Сўзимдан маржон тизган
Минг- минг ошиғим қолур ...

Хазонрезги


Каналга уланиш 👇:
https://t.me/joinchat/xazon_rezgi

XazonRezgi (Official Channel)

06 Dec 2024 14:40

Оқшомингиз осуда ўтсин...

Каналга уланиш 👇 :
https://t.me/joinchat/AAAAAFB59SM9yhwXJGeW_g

XazonRezgi (Official Channel)

06 Dec 2024 14:00

Azizlar Sizga Mp3lar kerakmi?
Marxamat tanlab ustiga bosing👇

Biz orqali Quyidagilarni yuklab olishingiz mumkin:
════════════════════
• TikTok belgisiz video;
Qo’shiq matini va audiosi
════════════════════
🎼🎵O'ZBEKCHA Taronalar 2024
════════════════════
🎼🎵AZERCHA Taronalar 2024
════════════════════
🎼🎵TURKCHA Taronalar 2024
════════════════════
🎼🎵RUSCHA Taronalar 2024
════════════════════
🎼🎵ZARUBEJ BASS Taronalar 2023
════════════════════
🎼🎵ARABCHA Taronalar 2024
════════════════════
🎼🎵TIK TOK XIT MP3LARI
════════════════════
🎼🎵MP3ga Buyurtma Berish
══════════════
• Instagram - stories, post audio bilan
══════

☝️BIZDA YOLG'ON YO'Q KIRIB KO'RING YOQMASA CHIQIB KETAVERASIZ