483
شعار القناة يازهراء قناة تحتوي على كل القصايد على جميع الأوزان قصايد ثگیله🌷قصاید مربعه بکل الاوزان🌷فزاعيات🌷هوسات🌷 ابوذیه🌷ونعي🌷موالید🌹 ✍️بشراف شاعرة اهل البيت ام كرار الزينبيه ولايجوز حذف الرابط وتغير اسم الشاعره يشرفني انضمامكم الى قناتي
#قصـــــــة_وعــــــــــــبرة
ُ↝ـ❉ـ✮ـ✩ـ❤ـ✩ـ✮ـ❉ـ↜
🏘حكاية قصر الزهراء (عليها السلام):
📃قصة رائعة تستحق القراءة..
💬 يقول السيد نصرات قشاقش (قارئ عزاء لبناني) : كنت في جولة في أوروبا لإحياء مراسم عزاء الإمام الحسين عليه السلام ، وبينما نحن في طريقنا الى مجلس في هولندا سألت من كان يرافقني أين تقع حسينيتكم وما اسمها ؟
💭فأجاب في وسط العاصمة واسمها حسينية قصر الزهراء عليها السلام .
🤔فأثار إعجابي هذا التسامح من قبل الدولة لكي تكون الحسينية في وسط العاصمة !!
🍃 لحظات ووصلنا الى بوابة حديدية مزخرفة عليها حارسان من الشرطة الهولندية ، فتحت لنا البوابة دخلنا الى مواقف سيارات وحدائق رائعة وفسيحة وكلما كنت أدخل أكثر كلما كانت علامات الاعجاب والتعجب تزداد في داخلي وبينهما ألف سؤال واستفسار .
🏘وصلنا الى قصر رائع الجمال بنوافذ زجاجية وقناطر وثريّات وأثاث وقد تهاوت من على شرفاته يافطات العزاء وأجنحة الحزن والسواد ..
💭عندها قرر مرافقي أن يخبرني عن حكاية قصر الزهراء عليها السلام فقال :
〰 إن الجالية العراقية كانت في زيارة الى ملكة هولندا لكي يشكوا لها مشاكلهم من ناحية الاقامات والعمل وغيرها ومن بين ما طلبوه قطعة ارض صغيرة او باحة او قاعة ولو كانت تحت الارض لإقامة عزاء الزهراء "ع" فسألت الملكة ومن تكون الزهراء عليها السلام ؟
〰 فحدثها الوفد عن هذه الإمرأة العظيمة وعن شأنها وعذاباتها وعذابات أهل بيتها ،
😢فتأثرت الملكة بالحديث وسألتهم : هل ينفع إن وهبتكم أحد قصوري لتقيموا بها مآتم الزهراء "عليها السلام" ؟
💥فوافقوا وهم حتى اليوم يقومون كل المناسبات الدينية في قصر ملكة هولندا في وسط العاصمة.
✋🏻السلام عليك يا سيدتي ومولاتي يا فاطمة الزهراء.
قصيدةبمناسبةاستشهادمولاتنا الزهراء عليها السلام
🏴🏴🏴🏴🏴🏴🏴
بين الحايط والباب
ضلعين وطفل انصاب
اه يمصاب الزهراء اه يمصاب الزهراء
🏴🏴🏴🏴🏴🏴
هد حيلي امصابچ يالزهره وهدملي الروح
بنيران التسعر يم بابچ هاجت لجروح
لفراگچ يا بنت الهادي ماهاد النوح
جرح ضلوعچ ماطاب
بين الحايط والباب
اه يمصاب الزهراء اه يمصاب الزهراء
🏴🏴🏴🏴🏴🏴
يم بابچ يا بنت الهادي گليلي اشصار
يم دارچ انظر يالزهره دخان ونار
وبضلوعچ نظريت ابعيني نابت بسمار
البسمار الحزنچ ذاب
بين الحايط والباب
اه يمصاب الزهراء اه يمصاب الزهراء
🏴🏴🏴🏴🏴🏴🏴
يم عتبة بابچ يالزهره عدوان ادور
ونظريت اعيونچ حزنانه وخدچ مسطور
وبلا رحمه بچف الظالم ضلعچ مكسور
امصابچ مامثله امصاب
بين الحايط والباب
اه يمصاب الزهراء اه يمصاب الزهراء
🏴🏴🏴🏴🏴🏴🏴
ماهود يالحره ونينچ لا نمتي بل ليل
مالومه وروحچ حزنانه والدمع يسيل
بجروحچ داويتي اجروحچ من باد الحيل
ودمع عيونچ سچاب
بين الحايط والباب
اه يمصاب الزهراء آه يمصاب الزهراء
🏴🏴🏴🏴🏴🏴🏴
ابيا ذنب اضلوعچ مكسورة وليش تونين
وطفلچ يم اعيونچ طايح ونتي تنظرين
وزينب تنحب ظلت يمچ وينوح حسين
نار امصابچ لهاب
بين الحايط والباب
اه يمصاب الزهراء اه يمصاب الزهراء
🏴🏴🏴🏴🏴🏴🏴
مالومة ومكسوره اضلوعچ وسفه اترحلين
حزنانه احبابچ يالزهره . وزايد لونين
ولا گبر النتعنى انطوفه. ولا تنزارين
نتمنى انشم لتراب
بين الحايط والباب
اه يمصاب الزهراء اه يمصاب
🏴🏴🏴🏴🏴🏴🏴🏴
✍🏻ام زهراء الزيداويه البصراويه
🙏🏻🙏🏻نسألكم الدعاء🙏🏻🙏🏻
/channel/hooral
قصيدة لفقد الزهراء ع
حگ اعليج يالزهره نون حيل
ونشيعج باللطم ودموعنه اتسيل
➖➖➖🖤➖➖➖
حگ اعليج نبجي ونجري الدموع
وتتعنى النجف كل هاي الجموع
عليچ الكون كله اليوم مفجوع
نون اعله الجنازة الشالت ابليل
حگ اعليج يالزهره نون حيل
➖➖➖🖤➖➖➖
الكون ينوح لجلچ. يالزچيه
ولفگدچ شيعتچ نصبوا عزيه
نلطم حيل. والدمعة جريه
نعشچ بالگلب يالطاهره انشيل
حگ اعليج يالزهره نون حيل
➖➖➖🖤➖➖➖
نشيع نعشچ ونيرانه. اتفور
رحلتي والضلع ياوسفه مكسور
وگبرچ مختفي مابين الگبور
وشلتي وعفتي ابدارچ مداليل
حگ اعليج يالزهره نون حيل
➖➖➖🖤➖➖➖
ابدارج عفتي زينب يم الحسين
تون وتنوح لجلچ طفت العين
وحنه لنجف يالطيبه ماشين
ونشيع النعش بالاه والويل
حگ اعليج يالزهره نون حيل
➖➖➖🖤➖➖➖
ندگ اعله الصدر وتسيل العيون
بالدم شيعتچ نعشچ يشيعون
عليچ احبابچ ابحسرة ينوحون
ووسولچ لطم قامه وزناجيل
➖➖➖🖤➖➖➖
ننصبلچ عزه ونصيح حيدر
وندگ عالصدر لجلچ يكوثر
عله امصابچ نصيح الله اكبر
الله ايساعدك ياحامي الدخيل
➖➖➖🖤➖➖➖
تمت باقلام خادمات اهل البيت ع
✍🏻ام ابراهيم الحلفي
✍🏻ام زهراء الزيداويه البصراويه
🤲🏻نسالكم الدعاء🤲🏻
🏴يوم حزين لفقد سيدة نساء العالمين 🏴
لسان حال مولاتنا زينب ع
علي دهر. النوايب امر ونهه
وروحي اليوم ابد ماهاد ونهه
اطب للدار اصيح ام حسن ونهه
((وصده صوتي يرد راحت عليه ))
الحزن خيم على الديرة وساده
وعوام احزنت لجلج وساده
اتراب اللحد اصبحلج وساده
((وغفت عينج وسافة اعله الوطيه))
الألم يافاطمة. گولي سراوين
ونعشج يمه هالليلة سراوين
النوايب عالگلب لزمن سراوين
((وخلني اون صبح ومسيه))
عظم الله اجركم ياال بيت محمد عظم الله اجرك ياعلي انت واولادك بهذا المصاب العظيم وعظم الله أجر محبيكم ومواليكم ليس انتم فقط من تيتمتم بل كل شيعتكم تيتموا هذا اليوم فمع كسر ضلوع فاطمة تكسرت ضلوعنا ومع نزول دموعكم هملت دموعنا
فعظم الله اجركم واجرنا
قصيدة عن استشهاد الزهراء عليها السلام حماسية وسريعة
عند أهل السقيفة. شحت الغيرة
الماتحمي الوديعة شنهي من ديرة
➖➖➖➖➖➖➖
غيرة مابقت عند الي ظلموها
و نيران الحقد بالباب شعلوها
على خدها الزجية الگوم ضربوها
ومن محسن الف ياوسفة حرموها
الضرب خد الزجية خسر تدبيرة
عند أهل السقيفة. شحت الغيرة
➖➖➖➖➖➖➖
عل الخد النذل ياحيف صاباها
وابد ماهاب ابوها المصطفى طه
وره الباب الزجية وحيل عصراها
وبالسمار منها اضلوع كسراها
مصيبتها الزجية امصيبة اجبيرة
عند أهل السقيفة شحت الغيرة
➖➖➖➖➖➖➖
مصيبتها الزجية ياخلگ صعبة
وابد ماغيرة عدها الوادم الغربة
عليها أهل السقيفة كلها منگلبة
عدوان اطلعوا بس بالاسم صحبة
بموت المصطفى جن خلصت السيرة
عند أهل السقيفة شحت الغيرة
➖➖➖➖➖➖➖
لمن شال ابوها. الزهرة أذوها
وحتى من البجي عالهادي منعوها
ومن عدها فدك بالگوه اخذوها
اسف بضعة محمد ما يراعوها
الناظر فاطمة بعد المن اديرة
عند أهل السقيفة شحت الغيرة
➖➖➖➖➖➖➖
بعد المن نظرها اديرة مهضومه
تناديمن إذا كل الخلگ نومه
وعليها النذل هد بجيشه وبگومه
وحيدر عالزجية روحه مالومه
حيرت حيدره هذا المسه حيرة
عند أهل السقيفة شحت الغيرة
➖➖➖➖➖➖➖
بفعل اهل السقيفة حيدره حاير
على داره يصد جيش الحقد غاير
مقيد بالوصية ساكت وصابر
جان اهناك سوه الأبد ماصاير
ولو سيفة بيمينه يگلب الديرة
عند أهل السقيفة شحت الغيرة
✍🏻ام زهراء الزيداويه البصراويه
سريعة عن استشهاد الزهراء عليها السلام
شيعة ورافضيه عشگناها الزجيه
بگلبنه عايشة الزهره نهواها على الفطره
شيعة ورافضيه
➖➖➖➖➖➖
تبقى عايشة. بينه
نموت وحبها يحيينه
وبالخدمة تعلينه
خير اهواي تنطينه
اسمها النه هويه خدام الزجيه
العاشگ بيدها تعبره نهواها على الفطره
شيعة ورافضيه
➖➖➖➖➖
توگف لينه بالمحشر
وللخادم وجب تحضر
بجفها ينجلي كل شر
الواساها فلا يخسر
يحصل أجمل هديه خدام الزجيه
الخادم واجب تحضره عشگناها على الفطره
شيعة ورافضيه
➖➖➖➖➖➖
العزاها بكل وكت ناصب
وگلبه من الحزن ذايب
وجفنه من الدمع شايب
تحضره فاطمة واجب
وي سيد البريه. خدام الزجيه
ويحضر والده العتره عشگناها على الفطره
شيعة ورافضيه
➖➖➖➖➖➖
كل واحد نذر روحه
ودموع العين مسفوحه
وينعه وهاجن جروحه
وماهود. ابد. نوحه
ونصب ليها العزيه خدام الزجيه
ونذر لترابها عمره عشگناها على الفطره
شيعه ورافضيه
➖➖➖➖➖➖
نذرنه اعمارنه ليها
بالدمعة نواسيها
و العترة نعازيها
ورايتنه نعليها
ضد الناصبيه. خدام الزجيه.
الظالم نلعنه وغدره. عشگناها على الفطره
شيعه ورافضيه
➖➖➖➖➖➖
علينه اشما تمر لعوام
نبقه الفاطمة خــدام
نبجي ونلطم اعله الهام
ونلعن فعلت. الظـلام
ونفتحها القضيه. خدام الزجيه
ونفزع كلنه للنصره عشگناها على الفطره
خدام الزجيه
➖➖➖➖➖➖➖
✍ام زهراء الزيداويه البصراويه
قصيدة عن استشهاد الزهراء عليها السلام
يبو صالح گوم واطلب ثارها
وطفي بضلوع الزجيه نارها
➖➖➖➖➖➖➖
گوم نادي ياال ثارت ام حسن
تكاثرن عالطاهرة تدري المحن
بجف غدرهم حتى لعيون انعمن
والجسد يالمهدي ابليل اندفن
وخاليه ظلت تون. اديارها
يبو صالح گوم واطلب ثارها
➖➖➖➖➖➖➖
يبو صالح انهض وشد العزم
وخلي سور الظلم بيدك ينهدم
وخط العدالة ابوجودك ينرسم
وعن الارض مولاي ينزال الظلم
وشمسك اتشع عالبريه انوارها
يبو صالح گوم واطلب ثارها
➖➖➖➖➖➖➖
اخذ ثار امك الزهره الطاهره
ونارها طفيها ذيج المؤجره
الثار يالمحجوب أمك تنطره
الصار وياها. فلا مثله جره
الشاهد اعله الفاجعه بسمارها
يبو صالح گوم واطلب ثارها
➖➖➖➖➖➖➖
الشاهد اعله الصار بسمار الضلع
ومحسن الطاح وگلبهه المنفجع
وحسرت الاهات والون والدمع
كلها تحجيلك شسوه هالجمع
أهل السقيفة اتفاخرت بشرارها
يبو صالح گوم واطلب ثارها
➖➖➖➖➖➖➖
تفاخروا بفعالهم حيف واسف
ودمع امك عالوجن لا مانشف
وكل سنة جرح الصدر رد ونزف
شهود عندك عيد مولانا الملف
گوم وأفضح هالقضيه اسرارها
يبو صالح گوم واطلب ثارها
➖➖➖➖➖➖➖
گوم وانشرها القضيه اعله العلن
وأفضح اصحاب السقيفة اهل الفتن
وعالحقيقة زيحه اغبار الزمن
وَگلهم شلون الضلوع اتكسرن
وخلها تفزع هالمسية احرارها
يبو صالح گوم واطلب ثارها
✍ام زهراء الزيداويه البصراويه
اويلاه يافاطمه اويلاه يافاطمه
➖➖➖➖➖➖
نيران فگدج ماطفت. اويلاه يافاطمه
لثلث رويات المضت. اويلاه يافاطمه
وعيونه لجلج جرت. اويلاه يافاطمه
ومو ماي صبتلج دمه
اويلاه يافاطمه اويلاه يافاطمه
➖➖➖➖➖➖
ماهدت ساعة دموعنه. اويلاه يافاطمه
ونارج تشب بضلوعنه
اويلاه يافاطمه
جينه الج بجموعنه
. اويلاه يافاطمه
حزنج گلبنه المه.
اويلاه يافاطمه اويلاه يافاطمه
➖➖➖➖➖➖➖
لمصابج ينوح المحب. اويلاه يافاطمه
يلطم عليج وينتحب. اويلاه يافاطمه
مولاتي امصابج صعب اويلاه يافاطمه
كل شيعتج متيتمه.
اويلاه يافاطمه اويلاه يافاطمه
➖➖➖➖➖➖➖➖➖
اتيتمت كلها شيعتج. اويلاه يافاطمه
ولكل ينوح المحنتج اويلاه يافاطمه
ملعونة گوم الظلمتج. اويلاه يافاطمه
خلوها نارج مضرمه
اويلاه يافاطمه اويلاه يافاطمه
➖➖➖➖➖➖
بالدار وجت نارهم. اويلاه يافاطمه
ليج اعتنوا بشرارهم. اويلاه يافاطمه
يطلبون منج ثارهم. اويلاه يافاطمه
عالغدر والشر عازمه
اويلاه يافاطمه اويلاه يافاطمه
➖➖➖➖➖➖➖➖
عالغدر والشر اعتنوا. اويلاه يافاطمه
وياوسفة گلبج لوعوا. اويلاه يافاطمه
جم ضلع منج كسروا. اويلاه يافاطمه
البسمار ضلعج هشمه
اويلاه يافاطمه اويلاه يافاطمه
➖➖➖➖➖➖➖➖
هشموا وسفة اضلوعج. اويلاه يافاطمه
وخلوها تجري دموعج. اويلاه يافاطمه
والقدر طفه اشموعج. اويلاه يافاطمه
ولجلج تون أرض وسمه
اويلاه يافاطمه اويلاه يافاطمه
✍ام زهراء الزيداويه البصراويه
لسان حال مولاتنا زينب ع
بوجودي مو گلت. زينب متنضام
ودموع اختك يبو فاضل متنضام
مني. الكربله دهري. متنضام
((درع للخدر من اسياط اميه ))
✍ام زهراء الزيداويه البصراويه
آبوذيات لفقد الاحباب
ليالي الفرح زعلن. مرضني
وعلى الحايط صوركم مرضني
انا اتمنيت يصدگ مرضني
وفرگتكم حلم وتمر عليه
تحير گلبي بامري. ومركم
ولا عدلين حتى اگدر ومركم
عماها عيوني فرگاكم ومركم
((بقى من شلتوا حد اليوم بيه))
حزنكم حيل تعبنه. وشلنه
ودموع العين عالفرگه وشلنه
بعدكم. بعد بالدنيا. وشلنه
((حلات الدنيا بيها اعزاز اليه))
✍ام زهراء الزيداويه البصراويه
اللهم جمّلنا بـقلب رحيم
وعقل حكيم ونفس صبوره
يارب إجعل ابتسامتنا عاده وحديثنا عباده وحياتنا سعاده وخاتمتنا شهادة
آللهم جملنا بالخلق العظيم🌹
اللهم اجعلنه من الذين يزرعون الخير في دروب الآخرين في الدنيا ويحصدون ثماره في الآخرة
اللهم اجعل قلوب أحبتي لك خاشعة واعينهم من خشيتك دامعة والسنتهم بالشكر والحمد لك بالضراء قبل السراء ناطقة
اللهم ادم عليهم راحة البال وصحة الحال
♢ اللهم امين ♢
🌹صباح الخير والعافية 🌹وجمعة طيبة مباركة عليكم وعلينا وعلئ كل امة محمد 🌹
*قصــــة_وعبـــــرة*
*💞 البِرُّ دَيـــن*
🕋 يقول: ذهبتُ مع أبي قبل خمسين سنة الى الحج بصحبة قافلةٍ من الجمال، وعندما تجاوزنا منطقةً يُقال لها "عفيف"، قال لي أبي: أنزلني من البعير ياولدي لأقضي حاجتي، فأنزلته من البعير وذهب ليقضي حاجته، وقال لي أبي: اذهب أنت مع القافلة، وسوف ألحق بكم.
🌻 أكملتُ مع القافلة، و بعد فترة وجيزة، نظرتُ خلفي، وجدت نفسي و القافلة قد ابتعدنا كثيرا عن مكان أبي، فرجعت جارياً على قدمي، و رأيت أبي يمشي بخطاه الثقيلة نحونا، فهرعت إليه و حملته على كتفي ثم أنطلقنا رجوعاً الى القافلة.
💧 وأنا أمشي أحسست برطوبة نزلت على وجهي و إلا بدموع أبي تنهمر على خدّيه، و راح يبكي ، فقلت له: ياأبي، ياأبي، و الله أنك عندي خفيف ولا أحس بالتعب، و هذا كالعسل على القلب، و اني لمرتاح.
😭 فقال الأب: ليس لهذا بكيتُ ياولدي، و لكن بكيتُ لانني في هذا المكان حملتُ "أبي"، جدّك، على كتفي قبل ثلاثين سنة عندما أراد أن يحج، وانت الآن تحملني على كتفيك تماماً كما فعلتْ.
🌱 ان فقدتَ مكان بذورك يوماً ما، سيخبرك الغيث أين زرعتها.
🥀 من بدأ بالعطية من غير طلب وأكمل المعروف من غير أمتنان، فقد أكمل الأحسان.
ـــــــــــــــــــــــ❀•▣🌸▣•❀ــــــــــــــــــــــــ
اللَّهُمَّ صَلِّ عَلَى مُحَمَّدٍ وآلِ مُحَمَّدٍ وعَجِّلْ فَرَجَهُمْ
قصيدة لاستشهاد الزهراء عليها السلام
الله يلعن من ظلمها. فاطمه
وخله ذيج ضلوعها تنزف دمه
♾️♾️♾️♾️♾️♾️♾️
الف لعنة اعله الظلمها ام الحسن
عذبوها اهل السقيفة . اهل الفتن
وبالغدر منها الضلوع. اتكسرن
وعيونها من البجي ويلي انطفن
اجنين محسنها وفعلهم المه
الله يلعن من ظلمها فاطمه
♾️♾️♾️♾️♾️♾️♾️♾️
الله يلعن من لفى يم. دارها
ويه حرك الدار وجج نارها
وحشمت والفزع بس بسمارها
وسفة ساند بالجريمة. اشرارها
وبفزعته الضلع ويلي. هشمه
الله يلعن من ظلمها. فاطمه
♾️♾️♾️♾️♾️♾️♾️♾️
أهل السقيفة اتفاخرت بفعالها
وجمعت عالظلم كل. انذالها
الله يلعن كلمن. اتعنالها
ومن رفع ايده وعليها. شالها
وضرب جفه وسفة خد العالمه
الله يلعن من ظلمها فاطمه
♾️♾️♾️♾️♾️♾️♾️♾️
ريت تنشل الجفوف العادتج
عكب عودج يم حسن حيل اذتج
من أبسط احقوقج يحره حرمتج
ولو دعيتي الباري ميرد. دعوتج
للدعاء مفتوحة أبواب السمه
الله يلعن من ظلمها فاطمه
♾️♾️♾️♾️♾️♾️♾️♾️
الله يلعن كلمن اذاج وسمع
بالظلم بس الج وسفه مافزع
ناس ماليها يمولاتي. الطمع
تنجمع عالفتن والشر والخدع
عالمكر هاي البشر متعلمه
الله يلعن من ظلمها فاطمه
➖➖➖➖➖✍➖
✍ام زهراء الزيداويه البصراويه
قصيدة عن استشهاد الزهراء عليها السلام لسان حال مولانا علي ع
فاركتني
الارتبط اسمي وي اسمها فاركتني
بدمعت العين والمها. ودعتني
آه يكلبي ون عليها آه يكلبي ون عليها
🟤🟤🟤🟤🟤
القاسمتني بعيشتي الشاركتني بدنيتي
وهي يمي انسه همي وروحي بيها
جانت الروحي وطن اخلافها عيوني نعمن
دمعي يجري. بعده كلبي يحن عليها
الما ألكه. مثلها. وين. ماروح
بعدها بس جسد امشي بلا روح
بكل وكت زهرت حياتي أفتقدها
ادفنت كل ذكرياتي من ادفنتها
كل شي بيه ينوح ليها. آه يكلبي ون عليها
🟤🟤🟤🟤🟤
التاركه بروحي أثر الدنيتي جانت كمر
فاركتني. ودعتني. وماتجينه
الوحدي عافتني ومشت شصار بيه مادرت
ربي يدري شكبره كسري أعله الحنينه
تره يموت المحب لو فارك احبابه
ومحد يذكره. لو طول. اغيابه
صبحو أطفالي يتامه راحت أمهم
وللحزن بانت علامه وصب دمعهم
وزينب امها ماتجيها. آه يكلبي ون عليها
🟤🟤🟤🟤🟤
يروح من عندي الكلب من اسولف بالمحب
ذكرياتي وأمنياتي كلها راحت
جيت اشيع بالدمع الزهرة مكسورت ضلع
مودعة الله يالحبيبة روحي صاحت
هلت لتراب بيدي ابهيده اعليها
اخاف الجم جرحها بهيده اغطيها
ادفنتها زهرتي غصبن عليه
باعدتني عنها ياوسفة. المنيه
راحت اليعجب حجيها آه يكلبي ون عليها
🟤🟤🟤🟤🟤
العشت وياها عمر فاركتني أبلا عذر
يا عذابي ويا مصابي كلفه ناره
طيفها عنه ابتعد. لينه ماترجع بعد
التحبها ماتطبها بعد داره
ونين الكلب بعدج محد يسمعه
وشملنه الي تطشر ياهو يجمعه
ظلمه يا ناس الدار من بَعدها
لخاطر أدموع الزغار ربي ردها
كلنه محتاجين ليها آه كلبي ون عليها
🟤🟤🟤🟤🟤
صعب فكد ام الحسن ردها لينه يازمن
عنه غابت بليل شالت للمكابر
اشيردها من بعدها كلبي حاير
مشت عنه الحنينه أيتام عافتنه
وبعدها ماهدت لحظات دمعتنه
دم المدمع يسيل بالنواظر
وماظل بعد حيل يالمكابر
روحي هامت تدري بيها. آه يكلبي ون عليها
🟤🟤🟤🟤🟤
✍ام زهراء الزيداويه البصراويه
قصيدة عن استشهاد الزهراء عليها السلام
يا فاطمة الخدام الج وفايه
لو كبر عندج نعتني مشايه
وكبل الجدم تسبكنه كون الرايه
كلنه بحزن ننعيلج. كون بعجل نمشيلج . يافاطمه مولاتنا
عزيزت روحنه. ينار جروحنه نجريها الج دمعاتنا
اجت بمصابج. تنوح احبابج. بالجف ترف راياتنا
جينه نعتذرلج يم الحسين
ندك اعله الصدور وتهمل العين
عنه كون يامولاتي ترضين
الشيعي بفراكج صعب ياحاله
بحسره ينعه. اودمعته هماله
الزار كبرج يم حسن هنياله
يافاطمه الخدام الج وفايه
♾️♾️♾️♾️♾️♾️♾️
نجي ونزورج. ونوفي نذورج ونعلي حيل اهاتنا
ونهل دموعنه. وندك صدرونه ونجهر الج بصواتنا
اجينه الليله. دمعنه نسيله ونهديها الج خطواتنا
الج هذا الوعد من النشامه
ابد ماننسه حزنج للقيامه
يزهرة بموتتج كلنه. يتامه
لمصيبتج كلنه بحزن ونينه
ماتنطفي نيران حزنج بينه
ابحركة وبلوعة كلب نادينه
يافاطمه الخدام الج وفايه
♾️♾️♾️♾️♾️♾️♾️♾️
نتعنه الج بجموعنه. لجلج تصب دموعنه الخدم عدهم غيره
ندوس المنايا بزودنه. وتتعنه ليج جنودنه. ونطوي بجفنه الديره
نحيي ابحسره امصابج. ونشم يحره اترابج ماتبقى بعدج حيره
ندوس اعله المنايا وتشهد الناس
وشرط نعشج نشيله فوك عالراس
يالحره اترابج. وجب. ينباس
بكل رواية انوح لجل امصابج
نتمنه نوكف يم حسن يم بابج
وبلهفه نشتم يالحبيبه اترابج
يافاطمه الخدام الج وفايه
♾️♾️♾️♾️♾️♾️♾️♾️
نجيج بحيلنه. وتهمل عينه. والمهدي كون ويانه
يطالب ثارج. ويطفي نارج وسيف العدل عنوانه
وكبر يبنيلج. ويظل ينعيلج وماتنطفي نيرانه
بجفه المهدي بسمج ياخذ الثار
ويبني الحضرة الج وتهل الأنوار
وبزوده يطفي. بكلبج. النار
وتشع علينه يالحنينه انوارج
وأبوابها تفتح يحره. اديارج
وبالحضرة كلها تجتمع زوارج
يافاطمه الخدام الج وفايه
♾️♾️♾️♾️♾️♾️♾️♾️
يجيج القائم. بجفه الصارم وبكيفه ياخذ ثارج
بعزم مهدينه. يدك يمينه. يتعنه الدارج
يجي ابتاره. ويجيب أنصاره وتشد حزمها انصارج
تعنه الدارج
الج يم الحسن عهد الميامين
نجيج وناخذ احنه الثار ثأرين
ثار المحسن وكسرت الضلعين
المهدي تتجادح شرار عيونه
ووياه نمشي وابد ميمنعونه
نعشك الموت وكلهم يعرفونه
يافاطمه الخدام الج. وفايه
♾️♾️♾️♾️♾️♾️♾️♾️
كل شدة تحلينها. وحاجاتنه تكضينها. وجفج حملنه يشيله
والمجلسج لو جينه. يهود كلبنه ونينه. وبسمج الرب ندعيله
يعجل فرج مولانا ويملي العدل دنيانه. نصيح الليله
باجر تفرج وغايبنه. يظهر
وفجر يوم العدلة بخير ينطر
واسوار الظلم كلها. اتكسر
لو ظهر مهدينه بعد. الغيبه
ترجف اعداه الوالي من الهيبه
ومنهم الثار امربع الا يجيبه
يافاطمه الخدام الج وفايه
♾️♾️♾️♾️♾️♾️♾️
✍ام زهراء الزيداويه البصراويه
اسمعوا هذه القصة فانها من اجمل ما سمعت ......روي أنه أهدي لرسول الله صلى الله عليه واله وسلم عباءة احتفظت بها السيدة فاطمة الزهراء عليها السلام ..دق الباب سائل يسال رسول الله صدقة فقال يا فاطمة اعطي السائل العباءة اخذها السائل فرحا وذهب الى السوق وهو ينادي من يشتري عباءة رسول الله ...تجمع الناس حوله كل يريد شرائها .....سمع النداء رجل اعمى فقال لغلامه اذهب واحضر العباءة مهما غلا ثمنها فان فعلت فأنت حر لوجه الله ..احضر الغلام العباءة فأمسكها الأعمى وقال يارب بحق رسول الله عليك وبركة عبائته الطاهرة بين يدي اعد إلي بصري ..فما لبث أن عاد بصره خرج إلى رسول الله فرحاً وهو يقول يارسول الله عاد بصري واليك العباءة هدية مني وقص عليه ماحدث ضحك رسول الله صلئ الله عليه واله وسلم حتى بانت نواجذه ثم قال ..انظري يا فاطمة إلى تلك العباءة .فقد أغنت فقيراً وشفت مريضاً واعتقت عبداً ثم عادت الينا...تستحق القراءة مرارا وتكراراالسلام عليكم ورحمة الله وبركاته بعد إذنك..........إقرأها بلسانك و ليس بعينيك ... .... اللـهم صـل علـى محمد و علـى آل محـمد الطيبين الطاهرين كما صـــليت علـى إبراهيم و علـى آل إبراهيم ، وبارك علـى محمـد و علـى آل محمد كما باركت علـى إبراهيم و علـى آل إبراهيم في العــــــالمين إنك حميد مجيد
Читать полностью…
🏴🏴
🏴عظم الله اجركم ياال بيت النبؤة 🏴
🏴اه يازينب 🏴
بده مشوار عمرچ ويه الاحزان
يزينب من نظرتي الهل جريمه
وبدت دمعاتچ الماهادت بيوم
تكتب قصتچ الكلش. اليمه
وعيتي اعله الحزن والونه والنوح
يالمن الزغر صرتي. يتيمه
بديت اهات اسطر اه. يم اه
ومن فرگاچ اونن حيل. يماه
يهنياله. الامه. دوم يماه
((ويتسامر اوياها بكل مسيه))
عظم الله اجركم واحسن الله عزاكم وغفر الله لميتكم
قصيدة لاستشهاد الزهراء عليها السلام
الله يلعن من ظلمها. فاطمه
وخله منها اضلوعها تنزف دمه
♾️♾️♾️♾️♾️♾️♾️
الف لعنة اعله الظلمها ام الحسن
عذبوها اهل السقيفة . اهل الفتن
وبالغدر منها الضلوع. اتكسرن
وعيونها من البجي ويلي انطفن
اجنين محسنها وفعلهم المه
الله يلعن من ظلمها فاطمه
♾️♾️♾️♾️♾️♾️♾️♾️
الله يلعن من لفى يم. دارها
ويه حرگ الباب وجج نارها
وحشمت والفزع بس بسمارها
وسفة ساند بالجريمة. اشرارها
وبفزعته الضلع ويلي. هشمه
الله يلعن من ظلمها. فاطمه
♾️♾️♾️♾️♾️♾️♾️♾️
أهل السقيفة اتفاخرت بفعالها
وجمعت عالظلم كل. انذالها
الله يلعن كلمن. اتعنالها
ومن رفع ايده وعليها. شالها
وضرب جفه وسفة خد العالمه
الله يلعن من ظلمها فاطمه
♾️♾️♾️♾️♾️♾️♾️♾️
ريت تنشل الجفوف العادتج
عكب عودج يم حسن حيل اذتج
من أبسط احقوقج يحره حرمتج
ولو دعيتي الباري ميرد. دعوتج
للدعاء مفتوحة أبواب السمه
الله يلعن من ظلمها فاطمه
♾️♾️♾️♾️♾️♾️♾️♾️
الله يلعن كلمن اذاج وسمع
بالظلم بس الج وسفه مافزع
ناس ماليها يمولاتي. الطمع
تنجمع عالفتن والشر والخدع
عالمكر هاي البشر متعلمه
الله يلعن من ظلمها فاطمه
➖➖➖➖➖✍➖
✍ام زهراء الزيداويه البصراويه
على طور((شيعوا نعش الطاهرة المظلومه ))
شيعوا نعش ام الحسن هالليله
شيعوا نعش ام الحسن هالليله
خل دمعنه ادموم ليها انسيله
خل دمعنه ادموم ليها انسيله
➖➖➖➖➖➖➖
شيعوا نعش الطاهرة بدمعة وونين
وكون فوگ الهامه كلنه لا طمين
نعين كلنه حيدره وگلبه الحزين
نعين كلنه حيدره وگلبه الحزين
بروحنه نعش الزجيه انشيله
شيعوا نعش ام الحسن هالليله
➖➖➖➖➖➖➖
نشيل نعش الطاهرة وي المرتضى
ونعازي بمصاب الزجية المصطفى
خل الاعادي تشوف فعل الرافضه
خل الاعادي تشوف فعل الرافضه
واجب عزاها فاطمة نمشيله
شيعوا نعش ام الحسن هالليله
➖➖➖➖➖➖➖
وجب للتشييع تتعنه الخدم
وعلملامح ينرسم كون الألم
نعم نلعن كلمن يضدها نعم
نعم نلعن كلمن يضدها نعم
وكلمن عليها زامط وشد حيله
شيعوا نعش ام الحسن هالليله
➖➖➖➖➖➖➖
كلمن عليها زامط نلعنه وجب
وخله بين ضلوعها ناره تشب
وكلمن بموت ام حسن كان السبب
وكلمن ابموت ام حسن كان السبب
كلمن ظلمها بالحشر ياويله
شيعوا نعش ام الحسن هالليله
➖➖➖➖➖➖➖
كلمن ظلمها بالحشر خصمه الرسول
حسابه مابين الخلگ باجر يطول
وتشتكي حالتها للباري البتول
وتشتكي حالتها للباري البتول
تراوي ضلعها وكل هضم تشكيله
شيعوا نعش ام الحسن هالليله
➖➖➖➖➖➖➖
تشتكي للباري من هاي الجموع
وبالجنين المات وي كسر الضلوع
تمشي محنيه وتصب ويلي الدموع
تمشي محنيه وتصب ويلي الدموع
مهضومه من ضيم الجره ونحيله
شيعوا نعش ام الحسن هالليله
➖➖➖➖➖➖➖
للباري تشكي كل هضمها الطاهرة
للحشر بيها النار ظلت مؤجرة
الوجن أحمر والضلوع امكسرة
الوجن أحمر والضلوع امكسرة
بحسرة اونين المحسن اتلوليله
شيعوا نعش ام الحسن هالليله
➖➖➖➖➖➖➖
✍🏻ام زهراء الزيداويه البصراويه
قصيدة عن استشهاد الزهراء عليها السلام طلب حاجة
انخاك يا رب السمه
بجاه الزچيه فاطمه
زيل الحزن عن الگلب
هون يلاهي كل صعب
انخاك يارب السمه
➖➖➖➖➖➖
عن كل گلب مولانه اجليها الشدد
حسراتنه بالروح ماالها عدد
ومال ماينفع. يالاهي ولا ولد
وغير ال البيت ماعدنه سند
بفاطمه الليله نندعي
بمجلسها همنه نشتكي
ودموعنه نجري دمه
بجاه الزجيه فاطمه
➖➖➖➖➖➖➖
ملينه يامولانه من ضيم الزمن
وتكاثرن عالگلب اهات المحن
انعيش صرنه بزمن ماليه الفتن
ابين اهلنه انعيش غربه بلا وطن
بين الأهل عشنه غرب
ويخونه حتى النحب
عالغدر كلها عازمه
بجاه الزجيه فاطمه
➖➖➖➖➖➖➖
بجاه فاطم جينه ننخاك بعجل
ظلم البشر حد العظم تدريه وصل
غير الزجية مابقى عدنه أمل
للمجلس اتعنينه ندعيها ابؤجل
تجبر الگلب المنكسر
كل خاطر الليله تسر
تجلي الليالي المظلمه
بجاه الزجيه فاطمه
➖➖➖➖➖➖➖
للمجلس اتعنينه. ونهل الدمع
وصوت هالدعوات للكل ينسمع
ابجاه الزجية الطاهرة وكسر الضلع
ياالاه الكون احفظ هالجمع
لصوات كلها اتجعمت
الشيعة يحفظها اندعت
ويرزقنه حسن الخاتمه
بجاه الزجيه فاطمه
➖➖➖➖➖➖➖
يرزقنه حسن الخاتمه وخير الأجر
يهون علينه الوحشة وضيق الگبر
وتحضرنه فاطم باجر بيوم الحشر
للخدم تحضر تشفع وگلبه تسر
كلمن مجالسها حضر
للجنة بحبها. عبر
كلمن خدمها تخدمه
بجاه الزجيه فاطمه
➖➖➖➖➖➖➖
المجلسها جينه الليله ندعي ابابها
يالاهي ابجاه ام حسن ومصابها
وبجاه دمعة زينب وي احبابها
أرواحنه تهون. علينه احسابها
اهناكه بيوم الحشر
شخص الزجيه ننتظر
وتنطفي نار الحاطمه
بجاه الزجيه فاطمه
➖➖➖➖➖
✍ام زهراء الزيداويه البصراويه
قصيده عن استشهاد الزهراء عليها السلام سريعة
بيا ذنب كسروه ضلعج فاطمه
وشلتي عن هاي الارض متألمه
➖➖➖➖➖➖
بيا ذنب كسروه ضلعج يم حسن
ومن ونينج حتى العيون انعمن
عذبوج اهل السقيفة اهل الفتن
منهو مثلج سكته مولاتي اندفن
يالزهرة وضعج كل دليل ايهشمه
بيا ذنب كسروه ضلعج فاطمه
➖➖➖➖➖➖➖
هالوضع يم الحسن كلش صعب
بيا ذنب مولاتي خدج ينضرب
كل محب هاليله لجلج ينتحب
ونار حزنج بالگلب ظلت تشب
الدنيا من بعدج يحره مظلمه
بيا ذنب كسروه ضلعج فاطمه
➖➖➖➖➖➖➖
بيا ذنب مولاتي ضلعج ينكسر
وخدج. الطاهر يحره ينسطر
وتغتصب حقج وسافة اهل الغدر
ومحسنج طاح وبقه صدرج يدر
ودرتج مو لبن مولاتي دمه
بيا ذنب كسروه ضلعج فاطمه
➖➖➖➖➖➖➖
مو لبن در الصدر مولاتي دم
وأثر للبسمار بالصدر انرسم
ماهده للموت يالزهره الألم
والجنين ابطنج وعمره انختم
بطيحته كل حيل عندج هدمه
بيا ذنب كسروه ضلعج فاطمه
➖➖➖➖➖➖➖
راح منج محسن وحيلج سوه
واختنگ بالريه مولاتي الهوه
ونطفه بالعين يالزهرة الضوه
ولجروحج ابد ماصح كل دوه
بالصدر نيران حزنج مضرمه
بيا ذنب كسروه ضلعج فاطمه
➖➖➖➖➖➖➖
بالصدر نيران حزنج ماطفت
شما يمر ذكراج بينه اتؤجرت
كم رواية التحجي امصابج مضت
والرواية الثالثة الليلة بدت
ونصبت الليله عزيه أرض وسمه
بيا ذنب كسروه ضلعج فاطمه
✍ام زهراء الزيداويه البصراويه
قصيدة عن استشهاد الزهراء عليها السلام
نحيي الليالي الفاطميه
بالدمع هاي المسيه
➖➖➖➖➖➖➖
بالدمع نحيي الزجيه احزانها
فاطمة الصار الضلع عنوانها
بالحرگ. متوشمه. بيبانها
لثلث رويات المضت
نيرانها لا ماطفت
انوح لمصاب الزجيه
نحيي الليالي الفاطميه
➖➖➖➖➖➖➖
انوح لمصاب الزجيه وننتحب
امصاب فاطم ياخلگ كلش صعب
بجف الغدر ياوسفة خدها ينضرب
كسروا منها الضلع
ومانشف صب الدمع
أيامها اهموم واذيه
نحيي الليالي الفاطميه
➖➖➖➖➖➖➖
هاليله نحيي الطاهرة ايامها
ونعيد كسر الضلع وي الامها
فاطمة وسط الدليل اسهامها
الصار وياها صعب
نارها بينه تشب
لمصابها تنوح البريه
نحيي الليالي الفاطميه
➖➖➖➖➖➖➖
لمصابها حزنانه هاليوم المله
وكبر الاذان والصوت اعتله
امصاب فاطم عالارض كالزلزله
انزلزت أرض وسمه
لجل محنة فاطمه
وناحت املاك العليه
نحيي الليالي الفاطميه
➖➖➖➖➖➖➖
ناحت املاك السمه وعلنت حداد
نعاد ذكر الفاجعة ولبسوا سواد
اتحضرت هاليوم للحزن العباد
الخدام كلها اتحضرت
وسود الإعلام انشرت
بكل ركن نصبوا عزيه
نحيي الليالي الفاطميه
➖➖➖➖➖➖➖
بكل ركن نصبوا عزيه ال فاطمه
ومو ماي تجري عيونهم تجري دمه
گلبه الله ايعينه حماي الحمه
شلون شال ام الحسن
والجسد بيده دفن
ودمعته ظلت جريه
نحيي الليالي الفاطميه
✍ام زهراء الزيداويه البصراويه
قصيدة عن استشهاد الزهراء عليها السلام على طور گومن بنات النبي
عالزهره هد الجمع من عدها كسروا ضلع
ظلت تون وحزينه نهران تجري الدمع
➖➖➖➖➖➖
عالزهره وبلايا رحمة هدوا أصحاب السقيفة
عدوان لا مو صاحبة والهجمة كلش مخيفة
ضد اهل بيت النبؤة كل فرد طابگ حليفة
نكروا وصية محمد والغاية كرسي الخليفة
أهل الحقد والفتن هشموا ضلع ام حسن
وصوت الأحزان ارتفع. عالزهره هد الجمع
➖➖➖➖➖➖➖
من أجل كرسي الخلافة هشموا ضلع الزجيه
بلا ذنب وبلا جريمه شبعوها هم. واذيه
طفل وضلع ياوسافة من عدها راحوا سويه
عالخلگ كلش عظيمة ومصعبها هاي القضيه
لكسرت ضلع فاطمه. ناحت املاك السمه
كل محب بيها انفجع. عالزهره هد الجمع
➖➖➖➖➖➖➖
لكسرت أضلاع الزجيه كل محب ظل ينتحب
نصبوا لجلها العزيه والدمع دم ظل يصب
بنت النبي ياوسافة منها فدك تغتصب
وبالدار وجو حقدهم والوجن منها انضرب
جمعوا حقد وحطب وبالدار شبوا لهب
ومحسنها منها وگع. عالزهره هد الجمع
➖➖➖➖➖➖➖
جمعوا الليلة حقدهم عذبوا بضعة نبيهم
البسمار شارك فعلهم وخله اديه ابديهم
بس بالاسم هالصحابة ولا طيب التلگه بيهم
لو ترفع الزهرة اديها زلزال ويحل عليهم
بدموعها الي تصب. وتدعي بحرگة گلب.
ربنا الدعاء يستمع. عالزهره هد الجمع
➖➖➖➖➖➖➖
لو تدعي وتهل دمعها ينسمع لازم ندائها
بحرگة گلب تدعي ربها والباري ميرد دعائها
يزلزل الأرض بأاهلها ويلعن الجمع الولاها
ويظلم الكون الاجلها ودم تبقى تمطر سماها
لو تدعي بنت النبي. مايبقى اي ناصبي
من تشتكي هلوضع عالزهره هد الجمع
➖➖➖➖➖➖➖
من تشكي فعل الاعادي وضيم الدليل وي ونها
وكسرالضلوع وطفلها وليل المائسي وحزنها
مظلومة بضعة محمد ماغمض ساعة جفنها
وأكبر مصيبة التشيب بليل حيدر دفنها
بعد الألم والحزن. بليل أسف تندفن
ومكسور حيدر رجع عالزهره هد الجمع
✍ام زهراء الزيداويه البصراويه
لسان حال مولاتنا زينب ع
ضواج الجان يمنه. ماهوينه
والبيت اخلاف عينج ماهوينه
صبر عدنه ييمه. ماهوينه
((رغم اگلوبنه شافت لاذيه ))
ونين النوگ لمصابج لوانه
ويزهرة. بيتنه. افراگج لوانه
رحيلج يم حسن سابق لوانه
((وابد ماينهوي نوم الوطيه ))
يهدم الحجر يمه الگلب لاوين
وجم ضلع بصدرنه الگوم لاوين
إذا عن زينب اتنشدين. لاوين
((يزهرة زينبج مو لوليه))
يزهرة بيتنه افراگج هدمنه
وعليج من البجي ناگع. . هدمنه
صحت يالبين وتوسل هدمنه
((لان افراگها يصعب عليه))
✍🏻ام زهراء الزيداويه البصراويه
لسان حال مولاتنا زينب ع
دموع الحزن يبن أمي متنضام
ومو انت الگلت زينب متنضام
دهري الكربله خويه متنضام
((درع للخدر من اسياط اميه ))
✍ام زهراء الزيداويه البصراويه
:اكو سالفه سمعتها وضلت ابالي صار سنوات
قبل جان اكو خادم كضه عمره يخدم بين الحرمين من عمره 6 سنوات الى ان وصل الثمانين يوميه يطبخ 3 وجبات بين الحرمين فهوا رجل معروف عند العتبه رادو يكرمونه گلوله حجي فلان اليوم نفتح قبر حبيب بن مضاهر من الداخل واكراما الك راح نسمحلك تبات ليله بهذا المكان فحجي فلان طار من الفرحه فهيأ نفسه وتوجه للعتبه ونزلوه داخل القبر اول ساعات اليله كضاها الحجي صلاه وقران وادعيه وبعدين تعب ونام بعالم الرؤيا الحجي شاف نفسه كاعد بديوان عضيم ويتراس الديوان شيخ الانصار حبيب بن مضاهر رحب بيه وگله استريح اكو غرفه ذات باب الناس تجي تدخل وتطلع على هاي الغرفه فسأل حجي فلان حبيب بن مضاهر مولاي هاي الغرفه منو بيها گله مولاي الحسين وهذا ابنه علي الاكبر هوا يدخل الناس گله چا ليش مادز عليه انه خادمه من جان عمري 6 سنوات فحبيب گال ال علي الاكبر بلغ مولاي الحسين شيخ فلان هناا دخل علي الاكبر وطلع گله يگول سيدنا الحسين مااريد اشوفه نهائيا گله ليش مولاي شنو السبب شنو مسوي انه گله من چنت تخدم چنت تصيح على الزوار وتهين كرامتهم وهذا الشي ممنوع ومنهي عند الحسين عليه السلام فبهاي الحاله حس نفسه خسر عمره وخسر كلشي بهذه الحضات وشاف احد الاشخاص من جيرانه وبدون اي استأذان دخل على الحسين ورحبو بيه وهوا المعروف عنه كلشي مامقدم فنصدم صدمه جبيره شلون انه مكضي عمري اخدم ونطرت وهذا كلشي ممسوي ورحبو بيه المهم كعد من النوم وهوا حزين والقلب يعتصر من الهم وللالم كعد وراح الجيرانه الي لازال على قيد الحياه دك بالباب طلعله جيرانه السلام وعليكم السلام گله انه هذا الي صار وياي واريد اعرف انته شمسوي وهيج الحسين يستقبلك گله اعرف الحسين يستقبلني والسالفه كالاتي من جنتو اطبخون وتوزعون انه ماجان عندي فلوس حتى اشاركم رحت ابجي يم الحسين وطلعت منه وانه حزنان لان ماعندي شي اشارك بيه قبل الزوار جانت تجي بدواب حصان او بعير او ماشابه فطلعت شفت الحيوانات عطشه وجوعانه رحت ركضت وجبت ماي وجبت الي اكدر عليه من بقاي اكل الزوار فارتون وشبعن رجعت للحضره كتله مولاي السلام عليكم وسامحني على القصور الي بده مني فسمعت رد سلام الحسين ومن ذيج الحضه اذا اسلم يرد عليه السلام..
هذا الروايا سمعتها كثيرا من شيوخ المنابر وهيه فعلا مو بكثره العطاء بال بمقبوليتها عند الحسين...
السلام على الحسين وعلى علي بعد الحسين وعلى اولاد الحسين وعلى اصحاب الحسين❤️
-
خل يكون أساسنا *"حبُّ فاطِمة الزَّهراء"*
أتركوا كل مابأيديكم وخلونا كلنا نروح لأمنا السيدة الزهراء ونحچي وياها هذهِ الليلة عن كل مايألمنا على ان تأخذ بأيدينا أن تجعلنا شيئاً تحبهُ…
تقربوا من الله حبًا بفاطم
نلتزم بصلاتنا حبًا بفاطم
نلتزم بأرثها حبًا بفاطم
ترك الأغاني حبًا بفاطم
ترك الغيبة حبًا بفاطم
ترك النفاق حبًا بفاطم
أبر بوالديي حبًا بفاطم
ترك النميمة حبًا بفاطم
نلتزم بدراستنا حبًا بفاطم
نلتزم بحشمتنا حبًا بفاطم
نكون رساليات حبًا بفاطم
ألتزم بواجباتي حبًا بفاطم
أسير على نهجها حبًا بفاطم
نرتبط بصاحب الزمان حبًا بفاطم
ترك العلاقات المحرمة حبًا بفاطم…
توكلوا علىٰ الله وعلىٰ السيدة فاطمة الزهراء
"عليها السلام" خلونا كلنا نكون بنات
رساليات
ملتزمات
ممهدات
فاطميات
زهرائيات
زينبيات
مهدويات
أهواية عطوفة علىٰ بناتها وراح تسمعنا وتأخذ بأيدينا الىٰ حيث تَحُب…
خل نتعهد لمولاتنا حبًا وتقربًا لله ولها بأن نترك المعاصي أن نكون بنات يرضىٰ عليهم رب العالمين وترضىٰ عليهم، ونكون من قول وفعل بنات السيدة الزهراء عليها السلام ونكون نستحق هذا الأسم المقدس الذي لاينالهُ الإ ذو حظٍ عظيم..
*((وَمَا يُلَقَّاهَا إِلَّا ذُو حَظٍّ عَظِيمٍ))*
والي معروف عن بنات الزهراء عليها السلام انُ هن ملتزمات..:
بعفتهن
بصلاتهن
بألتزامهن الديني
بدراستهن وتطويرها
وتمسكهم بأمهن الزهراء
وتمسكهم بصاحب الزمان...الخ.
خلونا نكون بنات السيدة الزهراء عليها السلام خل نتساعد مع بعضنا لنكون شيئاً تحبهُ السيدة…💔
-
قصيدة عن استشهاد الزهراء عليها السلام
شلون حالك ياعلي
من ودعتها فاطمه
♾️♾️♾️♾️♾️
شلون حالك سيدي
أبهذا المصاب
يوم جفك هال
عالزهرة التراب
ياعذاب الكلب
مامثله عذاب
ادفنتها والدمع
صب من دمه
♾️♾️♾️♾️♾️♾️
ادفنتها وروحك
اوياها ادفنت
من تراب اللحد
جنك شيبت
شلون ترجع
ياامامي اتحيرت
البيت جرحك
يالحزين ايالمه
♾️♾️♾️♾️♾️♾️
ايهيج جرحك
لو نظرت البيتها
شلون حالك
كلي من دفنيتها
زهرتك بالدمع
ظن رويتها
وونتك حتى
الدليل اتهدمه
♾️♾️♾️♾️♾️♾️
بيا اراض مولاي
دافن زهرتك
راحت اوياها
الزجيه ضحكتك
ونار تنزل
عالحبيبه دمعتك
ومن تون وياك
حزنانه السمه
♾️♾️♾️♾️♾️♾️♾️
كلها حزنانه
وتهل ويلي الدمع
والكون يامولانه
أصبح منفجع
شالت ام حسين
مكسورت ضلع
ونارها بالكلب
ظلت مضرمه
♾️♾️♾️♾️♾️♾️♾️
مضرمه نيرانها
ولا ماطفت
وتالي مهضومه
يوالينه ارحلت
والدار وحشة
من بعدها هالصفت
غاب منها النور
وحشه ومظلمه
♾️♾️♾️♾️♾️♾️♾️
✍🏻ام زهراء الزيداويه البصراويه
ضجت الافلاك واملاك السمه
اه واويلاه. ماتت. فاطمه
اه واويلاه. والصوت اعتله
زلزل الاكون ورتج. المله
فكد فاطم كل ارضنه زلزله
وكلب كل عاشك فكدها المه
اه واويلاه. ماتت. فاطمه
♾️♾️♾️♾️♾️♾️♾️♾️
اليوم كلهاتنوح. لفراك البتول
وراحت تواسي علي فحل الفحول
ارحلت مهمومه. يا. بنت الرسول
بحزن شالت عنه ويلي العالمه
اه واويلاه. ماتت فاطمه
♾️♾️♾️♾️♾️♾️♾️♾️
ميت يشيع بميت. هلمسه
حيدره كوه النفس. يتنفسه
شلون يدفن بيده سيدت النسه
شلون حاله هالمسه حامي الحمه
اه واويلاه. ماتت فاطمه.
♾️♾️♾️♾️♾️♾️♾️♾️
شلون حالة حيدره أبهذا الوضع
يشيع الزهرة بدليله المنفجع
عكب ماغسلها من ذاك الدمع
افراكها ام حسين كلبه هدمه
واه واويلاه. ماتت. فاطمه
♾️♾️♾️♾️♾️♾️♾️♾️
هدماه افراكها وظل ينتحب
ودمعته نيران عالوجنه تصب
فارك المحبوبه مو بيده غصب
نارها بالروح ظلت. مضرمه
اه واويلاه. ماتت. فاطمه
♾️♾️♾️♾️♾️♾️♾️♾️
نارها ماطفت ظلت تستعر
ابابها وبكلبه ماهاد. الجمر
من بعدها ابد مايسوه العمر
الدار والدنيا بعدها. مظلمه
اه واويلاه ماتت. فاطمه
♾️♾️♾️♾️♾️♾️♾️
✍🏻ام زهراء الزيداويه البصراويه
مقطع صوتي من خادم العترة الطاهرة
Читать полностью…