Telegram-канал yebezigetmoch - የግጥም መንደር: Unsorted

የግጥም መንደር

02 Jul 2021 10:53

🍃🍃ተስፋ 🌱🌱🌱
ደራሲ 📖ቤዛዊት የሴትልጅ🖊

❤️ክፍል አንድ❤
.
.
.
.
.
.....ህይወት ለአንተ ምንድናት ቢሉኝ መለስ የለኝም። የማውቀው አንድ ነገር ነው ህመም ናት በልቤ የጋለ ድንጋይ ተቀምጧል ሁሌም ፍህም ነው ይነዳል። ዛሬም እንደ ሁልጊዜዬ ከቤት ወጥቼ ከተሸነፉት መቃብር ከዋሉት ጋር ለመዋል የቀብር ስፍራው ጋር አቀናሁ። የሞተ ዘመድ የለኝም ይመሰገን ዘራችን ዕድሜው የተንዘላዘለ ነው። ብቻ ደስ ያለኝ የመቃብር ሃውልት ጋር አረፍ አልኩኝ። የተደረደሩትን ሙታንን "ታድላችሁ" አልኩኝ። ፀጥ አሉ መልስ የለም። "መታደላችሁን አለማወቃችሁ ግን ያሳዝነኛል" አልኩ። ዝምታ ነግሶበታል። በዛፎች ፍትጊያ የሚወጣው ድምፅ ወደተውኩት ላስበው ወደማልፈልገው ቦታ ወሰደኝ። በግድ ጎተተኝ እንባዬን እየዘረገፍኩ ተከተልኩ። የኔ ህይወት ያበቃለት ሰናይት እጄን የለቀቀችኝ ቀን ነው መኖሬም መሞቴም ትርጉም አጣብኝ ማታ በህይወት ካሉት ጋር ቀን ደግሞ ከሙታን ጋር እውላለሁ ጥቅሜን ለማወቅ ግን ሁለቱም ጋር ቦታ የለኝም ቦታዬ የሰኒ ልብ ውስጥ ነበር። ከሰናይት ለሰባት ቀን የቆየ ፍቅር ነው ያለን። ለሰሚ ያስቃል ለእኔ ግን የእድሜ ልክ ሰቀቀኔ ነው። የእናቴ ሱቅ እንጀራ ለመግዛት ስትመጣ አውቃታለሁ የተገባባነው በሰላምታ ነበር ከዛ ግን ጥሩ ጎደኛሞች ሆነን የተከራየችበት ቤት እየሄድኩ ከእሷ ጋር መዋል ፊልም ማየት በቃ ሱስ ሆነብኝ። ስትስቅ ልብህን የሚነዝር ሃይል አለው ሰናይት አፍንጫዋ ጥርሷ ከንፈሯ ተብሎ የሚገለፅ ውበት የላትም ግን ደግሞ ውብ ናት። ጓደኞቼን ባጣሁበት ጊዜ ያገኘኋት የብቸኝነት መድሃኒቴ ናት። ነገዬን እንድወድ ስራ እንድሰራ በትምህረት ራሴን እንዳሳድግ ጊዜዬን የከፈለች መንገዱን ያሳየችኝ ቀና ሴት ናት። የማታ እየተማርኩ ነበር የፍቅር ጥያቄ ያቀረብኩላት ላስብበት ልጠበብ ልጨነቅ ልኩራ አላለችም በስሱ ጉንጬን ስማ በፈገግታዋ ስታየኝ ነው መልሷ እሺ መሆኑ የገባኝ ሰባት ቀናትን በፍቅር አብደናል ሰክረናል አልጋ ላይ ወድቀናል በሰባተኛው ቀን ግን...........

🫀🫀🫀ይቀጥላል....🫀🫀🫀
🍃🍃🍃🍃🍃ተስፋ🍃🍃🍃🍃🍃
💑አዲስ ተከታታይ ድርሰት👫
በቤዛዊት የሴትልጅ💛
@yebezigetmoch
@yebezigetmoch
@yebezigetmoch