466
الحساب الرسمي لخادمكم اكتب بأذن الله حسب الطلب👈 @OF9896 https://t.me/yuioptre
مولود الحـسن .. وهمومي انجلن
فرحان المحب والـشـامت حزن
مدد مدد يبو محمد مدد
ـــــــــــــــــــــــــــــــــــــــــــــــــــ
اهل الكرم انــته اعــلاهم
انته الحسن حتماً اتقاهم
انتـه النقي اعـني انقاهم
جـودك يختلف .. بحـرك مايجف
سلطان الكرم .. يمحير الوصف
مدد مدد يبو محمد مدد
ـــــــــــــــــــــــــــــــــــــــــــــــــــ
مدد مـدد مـولــدك لــينه
يـبن الاسـد انــته غالينـه
بيك افتــخر الله بارينــه
يالجودك بحر .. يعضيد الگمر
من زادك كله .. حته العلشجر
مدد مدد يبو محمد مدد
ـــــــــــــــــــــــــــــــــــــــــــــــــــ
وجــهك بدر نورك ايــلالي
تنـضح عطر جبهتك غالي
من المـهد عالشـمس عالي
ابـن الـفـاطـمه .. ياهـو ايقـيمه
ومناوش ضوه .. لنجوم السمه
مدد مدد يبو محمد مدد
ـــــــــــــــــــــــــــــــــــــــــــــــــــ
ياهو الگدر يوصل الجودك
حاتم ذبح فـرسـته بـزودك
ضيغم كلف تشـبه الـعودك
مدرسة الكرم .. اخلاق اوشيم
مولانه الحسن.. تبقه انته علم
مدد مدد يبو محمد مدد
ـــــــــــــــــــــــــــــــــــــــــــــــــــ
ياهـو الوصل انته لزماطك
ليره وذهب تارس اصماطك
وبكل وكت فارش ابساطك
تربات الفحل .. يالحبك عسل
مارجـعت ابد .. سائل لو سأل
مدد مدد يبو محمد مدد
ـــــــــــــــــــــــــــــــــــــــــــــــــــ
مؤيد العامري
المــوعـود نـقراله مـولود..بلكي ايعود ونطش الورود
⚟•••─── ─── ────── ─── ───•••⚞
هــچي ويــرد ونطــش ورد وعلـــيه نصد مولانه
شـامـخ شـهم غــيره وعزم طيـب وعـلم عنوانه
مــولــود إلــهَ والجــو حـله كـل عـائــله فــرحانه
كلنه بزود نتحزم اجنود ... بلكي ايعود ونطش الورود
⚟•••─── ─── ────── ─── ───•••⚞
هيــبه وأسـد هوه الــمـدد بلـكت يرد ونـشوفه
نشــتمه شـم مايــبـقه هم هـذا العـلم بچفوفه
بــيرغ فــخر هل مـنتـظر يمحي الخطر ويخوفه
صل موجود بالشده مريود..بلكي ايعود ونطش الورود
⚟•••─── ─── ────── ─── ───•••⚞
نور وعــطــر شع چن بدر نـفديه عمر مهدينه
ضيغم ضخر نســمة فــجر طالع يـــسـر والــينه
يــوم انـولـد والكل شــهد نطلـب مـدد ينطينه
حيل اوزود ينطينه ابوالجود..بلكي ايعود ونطش الورود
⚟•••─── ─── ────── ─── ───•••⚞
مهدينه هل حيــد وفـحل والهــــم رحـل هلــيله
بسمه الـهوه لــو مـر دوه نشـــتم ســوه وندعيله
بلــكت يـمر نسجد شكر طــول العـمـر نـومـيله
ابن احيودصاحب وفه اوزود.بلكي ايعودونطش الورود
⚟•••─── ─── ────── ─── ───•••⚞
امشــيهه صح افــرح فــرح خل تنـجرح شماتك
اشـعـل شـمـع نشـف الدمع خل ترتفع صحكاتك
افـرح صــدگ وبكــل خـلگ بس العشگ حـياتك
الـــموعود وفـاي الوعود...بلكي ايعود ونطش الورود
⚟•••─── ─── ────── ─── ───•••⚞
(((( مـــؤيــد الـعـامري ))))
فگدچ .. يهـــد .. الحيل .. يــاام البــنــين
يبـقـه .. بحـزن .. والام .. بفــراگچ الدين
⚟•••────── ─── ─────•••⚞
نلـطم .. نـدگ .. عالهام .. يم الوفه اليوم
فگدچ .. دمع .. واهات .. وغيابچ اهموم
نتمنه .. سيل .. العـيـن .. يتحول ادموم
بعدچ .. ينوح .. الكون .. وتـون الـنـجوم
يامـن .. فديتي .. اسباع .. للغالي حــسين
⚟•••────── ─── ─────•••⚞
تبچي .. الانس .. والجان .. ها يـم الحساس
نلطلمچ.. اعـله .. العــين .. وندگ عله الراس
غير .. انــتي .. ام الحيد .. والـغـالي عباس
موحگهه.. تلطم .. حـــــيل .. بمــصابچ الناس
انتي .. الكرم .. والجود .. خل تهمل العين
⚟•••────── ─── ─────•••⚞
يـــم .. الاسود .. اعلــيچ .. تـجـــاره العيون
مثلچ .. فــــلا .. موجود .. مـــانلگه بالكون
لـــو .. رحتي .. يم عباس .. نــتعـذب شلون
مولاتي .. فگدچ .. ضـــيم .. لا مــاضن اتهون
بـــاب .. الكرم .. والطيب .. منــعدنه ترحين
⚟•••────── ─── ─────•••⚞
العنده .. حاجه .. يصيح .. بســـمچ تجينه
منــچ .. كــفو .. اونعمين .. زوجـت عـليـنه
اليــوم .. بحزن .. تنــعاچ .. بــضعة نـبيـــنه
يـم جعفـر .. اويـم .. عــون .. هـا يالحــــنينه
انتــي ..الـفديتي .. حسـين ..اربـــع مـيامــين
⚟•••────── ─── ─────•••⚞
نعشچ .. على .. الهامات .. مولاتي ينشال
ام .. الفده .. الچــفين .. نوگفلچ اجلال
رمــز .. الكرم .. والجود .. يالصبرچ اجبال
ابنـچ .. فـخر .. عباس .. بالحومه زلزال
يشهدله .. طف .. حسـين .. يشهدله صفين
⚟•••────── ─── ─────•••⚞
لخادم اهل البيت عليهم السلام
مؤيد العامري
تم ان شاء تطبيق فيه
قصائد حسينيه مكتوبه بقلم خادمكم
مؤيد العامري
شرفونا بتنزيله
يا مظلوم. يا مولاي
يامسموم. يا مولاي
يامحمد يامحمد
...............................
ياوالد فاطمه .. تبچيلك بالسمه
املاك اوهايمه .. واويلاه
مفجوعه شيعتك .. وتنوح الحالتك
بمصابك نادتك .. واويلاه
انـته يـالحبك فرض
والي غــيرك يرفض
مصابك امبچي الارض
واويلاه واويلاه
...............................
ياشامخ ياكلف .. ومصابك يختلف
زوارك بالنجف .. واويلاه
نبچيلك يادمع .. بغيابك ياضلع
يتهشم ننفجع .. واويلاه
ضـلع بعدك ينكسر
للزچـيه ام الـصبر
اه عـالخـد تنسطر
واويلاه واويلاه
...............................
والشيعي منهظم .. متحزم عالطم
منـعندك ينحرم .. واويلاه
مـولانا ياالنبي .. سما ك الناصبي
وخلافك ننسبي .. واويلاه
وسفه سـموك ابغدر
لكن اضـل كل عصر
انـتـه دوم المنـتصر
واويلاه واويلاه
...............................
ياريتك مامتت .. مولانه بس رحت
دنيـانه تغيرت .. واويلاه
ياعين الماجرت .. والزهره تيتمت
وعليك اتلهفت .. واويلاه
فاطـمه بهـم اومحن
بعـد ابوهه بس تون
شيـبت بيـت الحزن
واويلاه واويلاه
...............................
كل شيعي منقهر .. يتمـنالك عمر
رحمه انته للبشر .. واويلاه
تصعب من تنفگد .. وگليبك منمرد
سم ياكل بالچبد .. واويلاه
الله ودالــك ملك
يانبين اشـتاگ الك
ودع اعـزازك هلك
واويلاه واويلاه
...............................
لخادم اهل البيت عليهم السلام
الخادم مؤيد العامري
يبو الزهراء .. يامظلوم
.......................................
نبي ضـيم افراگه تون كل البشر
بچت املاك الله بچه دم الصخر
نزل جـبرائيله يرف جنحه بقهر
يكتل افراگه الـنـبي ابو الزهره الطاهره
وسفه ينسم ابغدر شــيعته اضل حايره
مايكفي اعليه دمع على امصابه اشما جره
يبو الزهراء .. يامهموم
.......................................
مشه وسيل اعيونه على الوجنه دمع
يهم چـي بفراگه يكسرون الضلع
رحل من هل دنـيه بدمع دم منفجع
سافر وخلـه الگلب يم بضعته ايهم تره
يدري بته تنظــلم سبب زمره كافره
مات بحظان الوصـي ابو الغيره حيدره
يبو الزهراء .. يامظلوم
.......................................
علي اتسيل اعيونه ابو الزهره رحل
بعد ياهو ايعينه على الضيم الحصل
كسر ضهره افراگه دمع عينه نزل
الله اليعيــنك علي فارگيت المصطفه
دربك اخلاف النبي يعني هم اظلم صفه
بس دمع بعد النبي يعـني عالدنيه العفه
يبو الزهراء .. يامظلوم
.......................................
تره الدنيه اخلافك يبـو القاسم هظم
بچي وهم ونياحه تـره اخلافك ظلم
يون حكه الشيعي ويدگ صدره لطم
انته غير انته النـبي ياهو مثلـك يانبي
شيـعتك تشـبع قهر يعني بعدك تنسبي
بيهه يزداد الظـلم والمعـادي الناصبي
يبو الزهراء .. يامظلوم
.......................................
يبو البضعه اخلافك منو ايشوف الدرب
يفجعون الزهره وتره بسـوط تنظرب
مصايبهه اچـبيره ومـنو ايصبر الگلب
فدك منهه ينغصـب والله بس ترحل تره
واعله خدهه تلطم وتبـقه تبـچي محيره
يعـذبون ام الحـسن لكن اضل صابره
يبو الزهراء .. يامظلوم
.......................................
لخادم اهل البيت عليهم السلام
الخادم مؤيد العامري
دگ دمـام المدينه ...كلمـن جرد احزامه
هذا الحظر الزنجيل ... وهـذا البشط القامه
عالخدمه دمهم فاير
لهفتهم اعـله الزاير
........
سمعو بـوق الخدمه
گـامو فزعه وهمه
لمـدينه بيهه اكفايه
لجل الضـحه بدمه
كلمن ينـشد عزمه
للخـدمه رافع رايه
كاتب اعله الرايه بدموع الوفاء
والله ماننـسه دمـاء الشهداء
.......
بيـهم غـيره ونخوه
سـباع انطو بالفتوه
لمدينه كلهم شجعان
اهـل ادلال واگهوه
اهـل الخدمه الحلوه
لمـدينه جود واحسان
كفو رافع شانهم رب السماء
ذوله اهل غيره قضاء الشهداء
.......
شوف الموكب سالم
حـاظر يعني القائم
لمدينه بـيهه الموعود
والكل يـهتم لازم
خـادم يخدم الخادم
مهدينه حاظر موجود
حظر ونطاهم عزم شد العزاء
ذوله اهل دمعه قضاء الشهداء
.......
خـدمه بغيره حرگه
لهفه وذا اك المـلگه
لمـدينه بالخدمه اسباع
كلمن يخدم عشگ
حسين اوياهم صدگ
رفعوله رايات ابساع
الله يـطي الكلمن يوافي وفاء
والمدينه وفت انـطت شهداء
.......
لخادم اهل البيت عليهم السلام
الشاعر مؤيد العامري
تراهه بخـير دنيـانه تراهه
بحب المرتظى شيـعي تراهه
تطـب للجـنه والجنه تراهه
يوصلك بيده حماي الحميه
.........................
لخادم اهل البيت عليهم السلام
مؤيد العامري
ابيات لفقد الاب
.................
سافــر ابوي انه بقه امچانه إلـي خالي
فـاگد ابـو هيبه تره امصيبه ولت حالي
من جفاني دمعي ماجـف اعله حيله
حـاير انـي كيـف اشوفه ابياوسيله
مـااجـاني طـيفـه مامـر بيه ليله
والله والد .. گلبي فاگد
ضـــايـع ابدونه وعاني لهفتي اعليه
ادري مـيـت مايـردني بـس اتانيه
هَــوَه چـان ودوم اشمه واستلذ بيه
........................................
فاگـد ابو دافـي سمح صافي إلي خـيمه
مـارد مرد گلبي حزن عمري عطش هيمه
همـي داهم روحي يوم الفارگـيته
والد انه امنين اجــيبن عالي صيته
هـوه واحد عندي لكـن ودعـيته
حيلي بايد .. گلبي فاگد
يمي چان ومن اشـوفه افرح اكـثر
هسه اعاين ومشي واذكر ميت اعثر
وبـقه اگول الفگد والد هذا يخسر
........................................
مـوته شـده بالي ابو غالي ضـوه العيني
دمعي غزه اعيوني خطف لوني هوه اسنيني
من كثر مااحبه تلهـچ روحي بســمه
چي حنيـن وغالي بُعـدهَ مخلي لچمه
چان بالبيت اشـحلاته انـشمه نسمه
همي زايد .. گلبي فاگد
كون ياخـذ من ســنيني ويرجع النـه
غــيره ويـن الـگالي والد بـس محنه
راح ابــوي الگــلبه طيب ماكو منه
........................................
لخادم اهل البيت عليهم السلام
الشاعر مؤيد العامري
زينب انه كلهه تبچي الحالي
راحت امي وراح ابو الغالي
زينب انه ... زينب انه
............................
عاتبـتهم بــدمــع العيون
انه بتكم صــعبه ترحون
راحت امي وانت يابـــويه البقيت
بس يبويه ابساع شو عني مشيت
انه بتـكم زينب اشلون
يالبـعدكم اظلم الكـون
............................
بـــويه لمـــن راحت امي
كمت احظنك تجلي همي
بس رحت يابـويه عني اتحيريت
ويـن اشـوفك بويه وين اتيتميت
چـنت اشـوفك امي يمي
بويه هسـه ابلايه عزمي
............................
ياحسن ياخويه يحسين
خل احطكم فدوه بالعين
ارد اشوفنكم عدل بعيوني شوف
گبل ماافـگدكم انـه ابگلبي خوف
لـوخـذاكـم مــنـي البـيـن
وبـفـگدكـم اتــجــه ويـن
............................
عـذباني هـــذا المـصـاب
گلبي فـاگـد داحي الباب
ليش صابو راس امير المـؤمنين
واحـنه خلونه ابعذاب امـيتـمين
مرمراني فـگد الاحـباب
راح ابونه چن گمر غاب
............................
لخادم اهل البيت عليهم السلام
الشاعر مؤيد العامري
موال . الى صاحب الزمان عجل الله تعالى فرجه الشريف)
..
مــولد امـامي فـرح مايــبــــقه بــيـه حـزن
كل شيعي گلبه ضحك والـعـاده حيدر يون
يــوم اعله يـوم المـحب للمـهدي گلبه يحن
كلـش ضـهوره گـرب بـاچـــر يجي ونطمئن
.........
مؤيد العامري
يابا الفظل ياگمر .. يابا الفظل ياگمر
........ ........
يرهب شــــهم بالكلفات نبــراس
ضيغم شــــبـيه الــكرار عـــباس
تحتار ابوصفـه الاملاك والنـاس
مولانه انــخليه اعـگال عــلراس
شامخ تضل يافخر .. يابا الفظل ياگمر
........ ........
صاحب نخــوه وبالـميدان كرار
هيـبه ايسـمـونه وعـبـاس الحار
كلمـن عــاداه يـعـني ايروح للنار
هذا الحـــط للخوه دروس تذكار
شامخ يضل عالنهر .. يابا الفظل ياگمر
........ ........
صـادق لـــو واعــد معـروف وفاي
باب الله وينـطي الحاجات مولاي
هذا الحط بجوده احساس بالماي
شوف اعزوبيته من اتروح مشاي
نورك يضل للبشر .. يابا الفظل ياگمر
........ ........
ياهـو المــثلك يامــولاي مـحبوب
الــمارادك حـتماً غلــطان خيـتوب
والعافك يـمــشي بلـــيــاك مگلوب
انته بوصفك چـم ديوان مكتوب
يابا الفظل يافخر .. يابا الفظل ياگمر
........ ........
يالعــطـرك مسـك وعمــبر ياهيـل
ياهـــو اليگــدرلك بالحـيل ياحيل
يالحاصـد قاده وفرســان والخيل
يــالدومك تزهــــر مــولاي باليــل
ناصر فازع وانتصر.. يابا الفظل ياگمر
........ ........
مـؤيـد الـعـامـري
نعي بحق السيده الزهراء عليها السلام
..................................................
فگد ام الحـــــسين يــــمـرد بالگلب فگـد ام الحـــسين
بس تهـمل العـين بـعـــد الطاهـره بــس تـــــهـمل العين
هد حيل ابو تراب ضلع المنكــسر هـد حــــيل ابو تراب
هذا اعظم امصاب مصاب ام الحسن هذا اعظم امصاب
......
لخادم اهل البيت عليهم السلام. مؤيد العامري
شرفونا بمتابعة الحساب ☝لوحات رسم حسب الطلب والاسعار مناسبه
Читать полностью…
واويلاه وامحمداه ... واويلاه. وامحمداه
.........................................
فگـد النبي يهدم الحيل / فگده
نوح وهظم والدمع سيل / فگده
مات بحظن حامي الدخيل/ فگده
واويلاه وامحمداه ... واويلاه. وامحمداه
.........................................
راح النبي خله لـوعات / بينه
سمو غدر بينـه لچمات / بينه
مامش نبي بعده حسرات / بينه
واويلاه وامحمداه ... واويلاه. وامحمداه
.........................................
مات الـنبي نور العيون / ويلي
راح وصبح اظلم الكون / ويلي
بعده وعلي ماضن اتهون / ويلي
واويلاه وامحمداه ... واويلاه. وامحمداه
.........................................
وتيتمت فاطمه شلون / صعبه
ضيم البُعـد غير اللون / صعبه
سيل الدمع شل الجفون / صعبه
واويلاه وامحمداه ... واويلاه. وامحمداه
.........................................
حان الهظم سالت ادموع /حسره
بعد النبي هشمو اضلوع / حسره
گلب الوصي يبقه مفجوع/حسره
واويلاه وامحمداه ... واويلاه. وامحمداه
.........................................
ياشيعي ون دگ على العين / انعه
مـات النبي وام الحسـين /تنعه
بويـه انكسر مني ضلعـين /انعه
واويلاه وامحمداه ... واويلاه. وامحمداه
.........................................
لخادم اهل البيت عليهم السلام
الخادم مؤيد العامري
اشهد ان عليا. حجة الله. علي
نور الله علي
اسم الله. علي .... واعليا
******
علي ياصـكارها وكرارها والمـا يفر
علي يانبراسـها وخلاسها اليسطرسطر
علي ذب اجلودهم وزنودهم حيدرجسر
علي بچه اصفوفهم وسيوفهم ضيغم خطر
وما ابـالغ من اگولن .. رحمة الله علي
نور الله علي اسم الله علي ..... واعليا
******
من يسـل بتارها مـغوارها معناهه كر
يعني شل اكبــارها وزغارها طراها طر
علي هد اعروشهم وجيوشهم جراها جر
علي هـيبه اگبالهم وزلامهم ضوگهه مر
هذا غير الحيد الاكبر .. هيبة الله علي
وجه الله علي فخر الله علي...... واعليا
******
علي يحصد روسهم ويدوسهم كل مايهد
علي بچه ازغيرهم وچبـيرهم عمر ابن ود
يضحك اعله الافهم لوشافهم سيفه ايحصد
من يطـب لصوفهم ويشوقهم محد يصد
علي هذا ياهو يگدر .. سيف الله علي
نصر الله علي قوة الله علي...... واعليا
******
علي قالع بـوبهم ودروبهـم سـداه سد
علي راح الصـوبهم بحدودهم ضرغام اسد
علي هد لصفوفهم من خوفهم صاحو مدد
غنم چنـهم گادهم بعدادهم وبسيفه رد
هذا قالع بيده خيبر .. اسد الله علي
شمس الله علي قمر الله علي...... واعليا
******
علي داهم جيـشهم من ايدهم بيهم خلل
زلمه حيد وجايكم يدنالكـم ضيغم فحل
فرو عنه اشمالكم صگاركم سل سيفه سل
لوتطيعو اشگالكم چتالكم هذا احله حل
المايطيع الوالي يخسر .. ناصر الله علي
نعمة الله علي غظب الله علي.... واعليا
******
لخادم اهل البيت عليهم السلام
الخادم مؤيد العامري
الشمر شفـته يحز براس اخوي من الگفه
عاينيت اعله الكفلني گتله خويه انهض افه
⚟•••──────────•••⚞
گوم لعضـيدك يكافل گوم ياراعي اللوه
نحر اخـيك راح ينـحز راح ينسد الهوه
گوم راح ايصـير دربي كله اظلم ياضوه
شلون بيه ياچــفيلي تفز رايك ماصفه
⚟•••──────────•••⚞
راس اخوك انگطع خويه وانته نايم ياكلف
گوم باد الحيل خويه وبيرغك ماضل يرف
گوم ياصاگر زلمهه وصاگر السبعين الف
گوم يابعد النواظر شـوفي من بعدك طفه
⚟•••──────────•••⚞
راسه شالاه اعله رمحه خويه والحيل انهدم
گوم خويه عليك خدري يله ياراعي العلم
گوم خويه بگلبي لچمه اه اضن هم وألم
حالي ماينوصف حالي يبچي كلمن وصفه
⚟•••──────────•••⚞
خويه هجمو عالمخيم حرگو الخيمه بعفه
ناس مامش رحمه عدهه كلمن ابمشعل لفه
بعد ماحرگوخيمنه خويه صارت عاصفه
وانه جـروني يخـويه وانه اديه مجـتفه
⚟•••──────────•••⚞
انـه راح انسبي خويه وسفه منك انحرم
امشي ويه اعداي صعبه ياگمر هذا الهظم
ضيم درب السبي يكتل ياابو الغيره وظلم
بحالي تدري يابو فاظل لو امر حالي انخفه
⚟•••──────────•••⚞
لخادم اهل البيت عليهم السلام
الخادم مؤيد العامري
يااباعبد الله ...... يااباعبد الله
⚟•••────────────•••⚞
تحزمت للخـدمه كلهه وشـدت احزام الزلم
فازع الــخادم يخدمك گلبه لـكن ملچم
خادمك فكره بمـصابك يبـچي حيله منهدم
يخدم وچفه اعله گــلبه بالجره الحالك يهم
يااباعبد الله ...... يااباعبد الله
⚟•••────────────•••⚞
الخادم امن ايضيج نفـسه يخدم ويشـتم هوه
ومن يريد ايزيد عــزمه يركض ايرف بالوه
وخدمتك يحــسين حلوه يعني للخادم دوه
وبعد احله اتـصير احله كلهه من تخدم سوه
يااباعبد الله ...... يااباعبد الله
⚟•••────────────•••⚞
خدمتك نعمه اليــضدهه تعمي عينه بالعجل
واليحاربهه الشــعائر هذا مامـش بيه خجل
يصطره ابوالنوماس هذا صـطرت الحيد الفحل
تمسـكينه بحــبك احـنه وبخدمتك يالامل
يااباعبد الله ...... يااباعبد الله
⚟•••────────────•••⚞
ياعمت عيني اعله حالك ضامي طايح بالشمس
صحت ماي انطوني اشرب ماسگا ك اولا رجس
امـس سالم بين اخـوتك الله كون ايرد امس
هـسه مـابين الحوافر ضـامي ونفاسك همس
يااباعبد الله ...... يااباعبد الله
⚟•••────────────•••⚞
تسحك ابصـدرك حوافر وانته عينك عالخيم
ودك ادگوم اعلـه حيلك لكن ابگلبك سهم
همـك اتحامي المخــيم لكن اجروحك ألم
خلص حيلك انته حتماً من وگع راعي العلم
يااباعبد الله ...... يااباعبد الله
⚟•••────────────•••⚞
لخادم اهل البيت عليهم السلام
الخادم مؤيد العامري
ظلمه صارت والگمر ليهم طلع
فگس اعيون الكفر من نوره شع
.................................
زلزل الحومه وزلمـهه من برز
ماتأخر عـالرگب حزاهه حز
صاح صـيحه والكفر ميتهه فز
دنگو خوف الرفع راسه انگطع
................................
زلمه حيد وطبـهم الكافل كلف
يـم يميـنه دنـگو سبعين الف
مايطيـح الاحه سيـفه ينحذف
واليخزره بوالفضل خايف رجع
.................................
كافل الحـره وبرز كفاهه كف
يحصد ابگطع الرگب لا ماوگف
سيفه من گد ماذبح بيهم لصف
هذا راعي الغيره والشـانه ارتفع
....................................
صال بيهم موگمر چنه الشمس
واليصـد لعـيونه عينه تنفگس
طاهر اومايوگف اگباله الرجس
زلزل الحومه وزلمهه ومـاخظع
....................................
هيبه تربات الغضنفر بيه عزم
غيره شايل دومه شامخ والنعم
زلمه حـيد اگباله تتراجف زلم
فزع ليـهم زلزلاهم من فزع
....................................
لخادم اهل البيت عليهم السلام
الخادم مؤيد العامري
بايعينه حيدر احنه •• كنه صحنه ••بس علي مولانه
⚟•••─♡───♡───♡───♡─•••⚞
بايعينه الوالي حيدر •• يعني الاطهر•• غيره مامش والي
مانعوفه الحيد الازهر •• هذا الاكبر•• دومه هيبه وعالي
تمسكينه بحب اكثـر•• داحي خيبر•• عدنه كلش غالي
بالشدايد لينـه يحظر •• يبعد الـشر••نوره دوم ايلالي
ربنه من يوم الخلقـنه•• احـنه حبنه••بس علي مولانه ⚟•••─♡───♡────♡───♡─•••⚞
والصميده البيه نفخر •• بسمه نجهر •• بيه عزم للشيعه
احنه بايعنه الغضـنفر •• حيدر الدر •• حته نبقه انطيعه
واليضدنه منـه يحذر •• احنه الاخطر••والخبر خي ذيعه
عدنه حيدر لا مخـسر •• والله قد•• فوزنه بـهل بيعه
بحيدر الخالق رحمـنه ••نعمه عدنه •• بس علي مولانه
⚟•••─♡───♡────♡───♡─•••⚞
بالغـدير الدنيه تفرح•• والحزن شح•• عيد ابونه الهيبه
والـفرح ويانه ينجح••يعني يربح ••حب علي وتنصيبه
والـيحبه يعني افلـح••خادم اصبح•• ما يهم شيصيبه
عاشگ الكرار الاصلح••جوده ينضح••لحنه ياهو ايجيبه
بالگلب شـايل محـنه••حيدر النه ••بس علي مولانه ⚟•••─♡───♡────♡───♡─•••⚞
بايعينه الدرالاعذب••وجهه ينحب ••حلوه حيل اوصافه
والعلينه نصبه الرب••گدهه وصعب •• حَبَه كلمن شافه
رابع الگال ايـتأدب••فاني مرحب •• هذا خاب العافه
رابع الگالاهه كذب••لوحرب طب••ياهو يلوي اچتافه
ولهـذا ويـه دمنه •• يسري حبنه •• بس علي مولانه ⚟•••─♡───♡────♡───♡─•••⚞
بالشدايد بس تندبه •• ماكوصعبه •• كلشي يسهل يمه
هذا ياهو المايـحبه •• صافي گلبه •• هـذا طاهر دمه
واليطيعه ايطيع ربه •• يحـله دربه •• هذا حـتماً زلمه
واليضده هذا حسبه•• الله ذبــه •• بناره حته اتلهمه
وبحهنم ماكو هدنه•• يـالتضدنه •• بس علي مولانه
⚟•••─♡───♡────♡───♡─•••⚞
لخـادم اهل البيت عليهم السلام
مـؤيـد العامري
العقيله زينب عليها السلام
...............
راحو اهلي شـوف العـيون
ونـعـمــت عـيني
يعني ضاگت ماضن اتهون
گـــلبـي ياذيـنـي
...............
يخنگ الـليـل
ظلمه واتـمنـه يـجـون
والدمـع سيل
وحشه كون ايـعودون
هچي ويردون الاحــباب
ورجع اشتم الهوه الهاب
يـرجـع الحـيل
دمـعـي يرجـع لجفـون
...............
مامش اجواب
انـه زينب جـدي ويـن
ياكـــتـر غــاب
والـد امــي هـل حنين
هچـي ويـرد هوه وامي
يعني يرجع يجري دمي
چانو اطــياب
ياحـلا ذيچ الســــنين
...............
عنــي راحـو
روحه چن مستعجلين
دمعه طاحو
طيـحه مال امـغربـين
بس اعاين عينـي عالباب
گلبي من الهم احس ذاب
يـمي ناحـو
ذوله اخوتي اميتمين
...............
دمعة العين
تحـفر الوجنه وتسـيل
والدي الزين
عـني شـو راح الـجليل
بساع سافر داحي الباب
هيبه چـان وزلمه ينهاب
خله الحسين
والحـسن ويه الچفيل
...............
لخادم اهل البيت عليهم السلام
الشاعر مؤيد العامري
راح حـيـدر راح مــولانــه علي
يعــني ضـلينه يتامه ابــلا ولي
⚟•••─♡──────♡─•••⚞
وسفه صابو هامتـه حيدر غدر
لو زلم چا واجــــهوه لـكـن كفر
بالحـرب شـــافو اسـد ماينگـدر
يـــرهــب الــكــرار شـافو معتلي
⚟•••─♡──────♡─•••⚞
راح خلـه الشـيعـه كلهه اميتمه
دمه سال وسالت اخلافه الدمه
حاربو كل شـيعي خادم فاطـمه
واليــحب الـوالـه حــيدر ينولي
⚟•••─♡──────♡─•••⚞
نـاصـبي بـدمـانه رايـد يـرتـوي
گــام يذبــح كل مـوالي وعلوي
لـكن الشيعي يضل صـامد قوي
بحـيـدر الـكـرار هــمـه يـنــجلي
⚟•••─♡──────♡─•••⚞
راح مــولانه الشـهم راح الاسد
لـچـن دوم اويـانــه باقـي للابد
بـس نگــله ياعلـي يـحظـر مدد
والگـلب هــم ابـغـــيابه ينــملي
⚟•••─♡──────♡─•••⚞
الله اليـعـيـن العـقـيـله عـالجره
بعــد ابوهه بالمصايب حـــايره
الله ينـطيهه الصـبر هـاي المره
ويـاأرض طـاح الصـميده زلزلي
⚟•••─♡──────♡─•••⚞
لخادم اهل البيت عليهم السلام
الشاعر مؤيد العامري
اليوم الحسن مولوده ... هـذا الكـريم ابزوده
⚟•••─♡───♡───♡─•••⚞
هــذا العـظيمه افعاله دوم اعــله نـار ادلاله
اكـثـر عطاء اچـفوفه هــذا الــكرم يــحلاله
محتاره كلهه ابجوده هـذا الكـريم ابــزوده
⚟•••─♡───♡───♡─•••⚞
حيد اشكـثر صولاته هـذا الحـسن محلاته
هــذا الكـريـم ابـزاده للفـقره حـــط ليـراته
والــسفرته الممدوده هـذا الكـــريم ابـزوده
⚟•••─♡───♡───♡─•••⚞
فرحـانه هاي الديره مــولد عــظيم ابخيره
هـذا الـحسن مولانه والــعـافه مــابي غيره
بـيبـانه مـامـسدوده هــذا الكــريم ابـــزوده
⚟•••─♡───♡───♡─•••⚞
ابن الصميده الوالي مــولانـه هــذا الـغـالي
هـذا النحـبه اهوايه هـــذا الـيـــشع ويلالي
وافـعـاله مامعدوده هــذا الكــريم ابـــزوده
⚟•••─♡───♡───♡─•••⚞
كلمن يمد ليه ايده ينـطي كـريم ايـزيده
مارد بـشر محاجه الـه ونـــطا لــيــريـده
نقراله حگنه انشوده هــذا الكــريم ابـزوده
⚟•••─♡───♡───♡─•••⚞
لخادم اهل البيت عليهم السلام
الشاعر مؤيد العامري