123161
WebSite www.Yulduz.uz Official account Instagram http://Instagram.com/YulduzIbragimovnaUsmonova Official News http://Instagram.com/YulduzUsmonovaMusic Reklama va Takliflar uchun: @YULDUZ_USMONOVA_BOT
MEVLOM (MEVLÂM)
Uzun-qisqa umr yoʻllaridan,
Kim gunoh, kimlar savob yoʻlidan,
Bilmas...
Bilsada, kibrdan buni tan olmas.
Aziz Avliyoyu, Anbiyolar,
Kimi faqir, kimi podishohlar,
Bilmas...
Bilsada, qoʻrquvdan buni tan... tan olmas.
Seni izlay, jon tasadduq senga
Ne bersang, shukurlar boʻlsin senga
Yolvoray, rahmating nasib et bizga
Mevlâm, Mevlâm, Mevlâm.
Onam, Otam qurbon Rasulingga.
Qalbimda mehr toshadi unga.
Yolvoray, rahmating nasib et bizga,
Mevlâm, Mevlâm, Mevlâm.
Haq va botillar, o giryon dillar,
Bir umrga yolgʻonlarga qullar,
Bilmas...
Bilsada, gʻaflatdan uygʻongisi kelmas.
Vaqt ummon, daryoyi, zamon.
Girdobida aylanur jahon.
Bilmas...
Yaratgan oʻzi bilsada, borliq bilmas.
@YULDUZ_USMONOVA
SEVGI IZHORI
... soʻzi
Yulduz Usmonova musiqasi
Koʻngillar bir birin koʻrmoq istadi
Koʻzlar koʻzlaringni koʻrmoq istadi
Bugun uchrashsakku yaxshi boʻlardi
Shodon yuraklarga shodlik toʻlardi
Kelsang gar yonimga parvoz aylayman
Senga jon azizim deya aytam man
Bugun uchrashkanda koʻngil toʻlardi
Bulutlarni quvib quyosh kulardi
Sevgimiz bor sara-sara
Bulbullardan soʻra-soʻra
Men charchamasman yura-yura-yura
Sevgimizga qara-qara
Zuhromon yoʻlingda yoritkuvchi nur
Sanamlar ichida tanho ohu nur
Bugun uchrashsak gar soylar toʻlardi
Baxtimiz bilganlar baxtli boʻlardi
Kelsang gar yonimga parvoz aylayman
Senga jon azizim deya aytam man
Bugun uchrashkanda koʻngil toʻlardi
Bulutlarni quvib quyosh kulardi
@YULDUZ_USMONOVA
DAM DAM
Yulduz Usmonova soʻzi va musiqasi
Men seni sevay jonim, oʻzingga aytay holim
Sendan yashirmayman borim,
Oy guvoh tunlarimga, tosh botar yostigʻimga
Tez yetib kel kunduzimga.
Quyosh kular oyi bilan
Bulbul ham oʻz yori bilan
Olam ham oʻz dardi bilan
Dam, dam, dam.
Bir oqar suv qaytmaydi, qaytganlar gapirmaydi
Omad ham bizni kutmaydi
Peshonada bor ekan, yolgʻiz Olloh yor ekan
Dunyoda borliqda ekan
@YULDUZ_USMONOVA
BIR GʻAZAL
Malika Salimova soʻzi
Yulduz Usmonova musiqasi
Bir gʻazal yozmish qalam
Men unga kuy bitmoqdaman
Tinglagan har kimsaning
Dildorlarin chiqmoqtaman
Garchi ishq osmon erur
Osmonidan topdim makon
Saxrosiga boshim olib ketmoqdaman
Kuydirma jon kuyib boʻldim kuydirmayey
Kel jonimdan toʻyib boʻdim toʻydirmayey
Bir sado kelmas yurakdin ming umid kutmoqdaman
Gar sabr ummmon erur men soʻngiga yetmoqdaman
Ishq mening koʻnglimni olsin
Ishq aro boʻlgim ado
Har saboyu har navoning ohini yutmoqdaman
@YULDUZ_USMONOVA
OMON BOʻLING
Malika Salimova soʻzi
Yulduz Usmonova musiqasi
Tun oʻtib, tonglar otar,
Yor yoriga gullar tutar.
Yaxshilarni suydimo,
Men jon qadar jonim qadar.
Bu umr daryo misol,
Yo tez yogʻar, seldek oʻtar
Asli yor qadringa-yey,
Yor hajrida kuygan yetar
Boʻling boʻling,
Omon boʻling
Siz yaxshilik
Tamon boʻling
Ikki togʻning oʻrtasi-yey
shovqun solib, daryo oʻtar
Sidqi dildan suymagan
Yor holini abgor etar
Gʻam ketib, dil boʻlsa bud,
Sochlarda oq tola qolur.
Hofizang boʻlmas unut,
Koʻy qolur, oh nola qolur.
@YULDUZ_USMONOVA
QADR YIGʻLAYDI
Mahmud Toir soʻzi
Yulduz Usmonova musiqasi
Dunyodan kechganman, sen ham mendan kech
Yuragim adogʻin koʻzlama jonim
Quyoshim vasliga yetaolmadim xech..
Qoʻyib ber yigʻlasin bugun osmonim
Yigʻlasa ishongin qadr yigʻlaydi
Yigʻlaydiyey yigʻlaydiyey
Yigʻlaydiyey qadr yigʻlaydi
Yigʻlaydiyey oh yigʻlaydiyey
Yigʻlaydiyey qadr yigʻlaydi
Endi ayriliqdan tonganim bekor
Alamli soʻngiga yetdi etagim
Seni deb bir umr yonganim bekor
Qoʻyib berg muzlasin bugun yuragim
Diydoring kasriga, gʻurur qoldimi
Qasos olmoqlikka, hozir yolgʻizlik
Vaslingga yetishmoq armon boʻldimi
Qoʻyib ber yayrasin bugun sensizlik
@YULDUZ_USMONOVA
JINDAK
Muhammad soʻzi
Yulduz Usmonova musiqasi
Kun oʻtadi, tun oʻtadi.
Yurib tursin bu yurak
Koʻnglimizga nur toʻladi
Koʻlib tursa yuz jindak.
Hayolimiz, hayotimiz
Aslida shirin ertak.
Siz bilan yarim koʻnglimiz
Toʻlib tursa bas jindak.
Jindak, jindak, jindak...
Kulib tursa bas jindak.
Jindak, jindak, jindak...
Koʻngil toʻlsa bas jindak.
Siz bilan yarim koʻnglimiz
Toʻlib tursa bas jindak.
Koʻnglimizga nur toʻladi,
Kulib tursa bas jindak.
Dunyoga bir kelib qobmiz,
Oʻynasak nima jindak?
Yul yulakay doʻstlar topib,
Ulfatlashsak jindak.
Kunda dunyo har birimiz
Qilsada...
Siz bilan yarim koʻnglimiz
Toʻlib tursa bas jindak.
@YULDUZ_USMONOVA
AYOLLAR
Malika Salimova soʻzi
Yulduz Usmonova musiqasi
Eri bor ayolga tegmaydi balo
Mehr degan malham har dardga davo
Odam atosini suygandek havo
Erlarni extiyot qiling ayollar
Qizgʻanmang har nedan afzal mehrni
Oʻrganing soʻngi zar boʻlgan sabrni
Hech yerdan topmasin sizdek qadrni
Erlarni extiyot qiling ayollar
Ayollar, ayolllar,
Erlarni extiyot qiling ayollar
Sultonim begim deb erkalang kunda
Shay turing askardek kundayu tunda
Sizdan baxtiroq ayol boʻlmagay shunda
Erlarni extiyot qiling ayollar
Omadini ketganda yuziga solmang
Ming pora aylanib oʻrgilib qolmang
Dod solib bir kuni ayrilib qolmang
Erlarni extiyot qiling ayollar
@YULDUZ_USMONOVA
OLDIDA
Boborahim Mashrab gʻazali
Yulduz Usmonova musiqasi
Kori muflis sahl erurkim podishohning oldida,
Siynayi daftarni ochmang dil siyohning oldida.
Man tasadduqi oʻshandoq oli himmatlar boʻlay,
Ikki olam bir qadamdur avliyoning oldida.
Rahmatanlilolamiynning ummati boʻlsang agar,
Rohi aslingdin gapurma roʻ siyo(h)ning oldida.
Oldida-ye oldida, avliyoning oldida
Avliyoning oldida
Oldida-ye oldida, avliyoning oldida
Sohibduoning oldida
Kimki johildir nasihat bersang anga saxt yetar,
Ikki dunyo nur boʻlur sohib duoning oldida.
Domani davlatni tutganlar bilur bul maʼnini,
Yaxshi soʻzni soʻzlamang baxti qaroning oldida.
Mashrabo, har qayga borsang izlagil ganji nihon,
Roʻzi Mahshar qurb topgaysan Xudoning oldida.
@YULDUZ_USMONOVA
TOSHKENT CITY
Muhammad soʻzi
Yulduz Usmonova musiqasi
Devorlari paxsa uy, eshik romi tahta uy
Tor koʻcha tosh koʻchalar, endi tarixda qolar
Oʻtmishlarga aylandi oʻtkan kunlar bugunda
Hammaga havas boʻldiyay bu shaxarlar, bu uylar
U yon oʻtib qara yana bu yon oʻtib qara yana
Goʻzallashdi bugun yana, Toshkentim koʻchalari
Ajib zamon keldida, Xudoyim fayz berdida
Eski shahar, eskida, keling Toshkent Cityʻga
Chiroylidir bir biridan, baland qavat binosi
Zavq ulashar yuraginga, Toshkentimning koʻchasi
Marvaridga oʻxshab ketar, favorasin jilgʻasi
Oqshomda ham nurga toʻlar, Toshkentimning koʻchasi
@YULDUZ_USMONOVA
OʻY-OʻY-OʻY
Yulduz Usmonova soʻzi va musiqasi
Hech kimsa bilmas, bilib bilib sevdim seni oʻzim
Huddi Layloday, toʻla toʻla sevdim ey chin soʻzim
Nahot koʻrmaysan, yonib yonib sevdim qora koʻzim
Ohu koʻzligim
Aqlimdan ketsang, qalbimdan ketmaysan jonim
Va boshqa choram, yoʻq axir aytayin soʻzim
Yonimdan ketma, seni erkalayin oʻzim
Shirin soʻzligim
Aytsam aytmasam, soʻzing yoʻqdur
Oʻy-oʻy-oʻy-oʻy
Kular koʻzing yigʻlar
Oʻy-oʻy-oʻy-oʻy
Oʻylasan netay uyqum kelmas
Oʻy-oʻy-oʻy-oʻy
Ikkimiz uchun orzular koʻp
Oʻy-oʻy-oʻy-oʻy
Indamay kettim, hamma bilib sen bilmaysan
Kuylarim tingla, soʻzlarimga ishonmaysan
Olamga boqib, dardlaringni aytolmaysan
Ohu koʻzligim
@YULDUZ_USMONOVA
ROZIMIKAN
Mahmud Toir soʻzi
Yulduz Usmonova musiqasi
Yolgʻon aytma, yer koʻtarmaydi
Yer koʻtarsa, el koʻtarmaydi
Qoʻli egri, dili egrilar
Barmogʻida baxt tutolmaydi.
Jisming koʻrki koʻzingga quvonch
Isming koʻrki soʻzingga quvonch
Sen ortingga qarab qarab tur
Toʻkilganmi yuzingga quvonch
Rozimikan, rozimikan,
Yeru osmon bizdan rozimikan?
Ushalmagan orzuying armon
Ushalgani besh kunlik mehmon
Soʻradingmi oʻzingdan sira
Rozimikan yer osmon
Jon ichida koʻngil bormi ayt
Koʻngil ne der jon ogʻrigan payt
Manziligga yetolmay qaytsang
Mahmud, faqat iymoningga qayt
@YULDUZ_USMONOVA
MAJNUNTOL | MAJNUNTOL
T. Muhammad soʻzi
Yulduz Usmonova musiqasi
Ketolmay anhor boʻyidan
Kuyib muhabbat kuyida
Soʻrabsan yana ne hayol
Majnuntol
Yoring yoʻq hanuz yoningda
Ne dardu hasrat joningda
Qalbing och menga bemalol
Majnuntol
Oshiqsan gʻarib, oʻzingsan tabib
Hanuz yoningda
Yoʻq habib
Oʻtadi oylar, oʻtadi yillar
Yashaysan kimni axtarib
Ne hayol surasan, tokay jim turasan?
Bir yerda majnuntol, majnuntol
Yashading shuncha payt, ne darding boʻlsa ayt
Sen menga majnuntol, majnuntol
Koʻngilga olma bu dunyo
Barchaga birday bevafo
Umringni etma koʻp uvol
Majnuntol
Goʻzalliging koʻr oyga boq,
Poyingdan oqqan soyga boq
Yashaganing baxtku halol,
Majnuntol
@YULDUZ_USMONOVA