Telegram-канал z_zaynabb - 😭قناة الحوراء زينب (ع)😭: Unsorted

😭قناة الحوراء زينب (ع)😭

05 Sep 2024 13:09

ندبه لمولانه ابا الفضل العباس عليه السلام
ــــــــــــــــــــــــــــــ
اجيت اليوم لبن اليرفع الراس
طالبته وعرفه عون للناس
ــــــــــــــــــــــــــــــــــــــــــــــــــــــــــــــ
كاصته وعرفه طيب وزين
ويكضيها الي لو حلفه بحسين

اله ابكل وكت شاره وبراهين

هوسه)

ناخيته// علكلفه اليوم

ام ✍🏻زين العابدين لمحمداويه
ــــــــــــــــــــــــــــــــــــــــــــــــــــــــــــــ
ناخيته البطل البي شارات
اعرفنه انه يكضي الكلافات
القضيه ما طول بيده لحضات

امجربينه// ابن البدويه

ام✍🏻 رحمه الگاظميه
ــــــــــــــــــــــــــــــــــــــــــــــــــــــــــــــ

يگضيها الكلافه ابن الاحيود
امجرب لو نخيتك يا ابو الجود
عباس الصخي يالبيه كل زود

(( والصعبه العندج يگضيها))

✍🏻 ام زينب الأسدي
ــــــــــــــــــــــــــــــــــــــــــــــــــــــــــــــــ

ادريها قضيتي يمه مكضيه
هذا اربات حيدر وأمه نشميه
حلفته بخدر زينب المسبيه
هوسه

خلصها// بساع اوفلاها

ام ✍🏻مرتضى الحواسي
ــــــــــــــــــــــــــــــــــــــــــــــــــــــــــــــــ

ابو فاضل اجيته وكلبي مالوم
اطلبنه واعرفه زين جيدوم

وحلفه ابخدر زينب وخته چلثوم

يكضيها /// هالحاجه اليوم

✍🏻سلمى أم جعفر
ـــــــــــــــــــــــــــــــــــــــــــــــــــــــــــــ
اخو زينب واله وكفات معروفه

كفؤ ونعمين منه يحيي ابضيوفه
بخيت الطب حضرته وراح ويطوفه

يكصدونه ///لوصارت كلفه

✍ام مرتضى الخزرجي
ـــــــــــــــــــــــــــــــــــــــــــــــــــــــــــــــ

مد ايدك اله وحلفه بزينب
وگله جاي الك ياسيف المجرب
ندري بيك ماعندك امر اليصعب

(مكضيه// الصعبه البيده))

✍️ ام محمد الساري
ــــــــــــــــــــــــــــــــــــــــ
ـــــــــــــــــــــــــــ
تمت بعون الله بأقلام شاعرات رابطة سيد الشهداء عليه السلام
غير مبري الذمه اليحذف الاسماء او يتلاعب بيها

،✍️الشاعره ام زين العابدين المحمداويه

قناة تحتوي على جميع القصايد الحسينيه

قصايد رجاليه ◇ نسائيه ◇ على كافة الأوزان

موشحات ◇ تجليبات ◇ نعي ◇ فزاعيات

بأشراف وتدقيق الشاعره ام زين العابدين المحمداويه

يشرفنا انظمامكم الينه
/channel/z_zaynabb