1027
اهز القلم هزة الشاجور ، واسطرهن حروف البيهن يثور .
يابعد العيون انه اختك ام عون
الكربله جيت بحميتك ياابو الغيره
اتسولف الدمعه ضعنك منو يرجعه تضل بالكلب لسعه بنار الخيم
يحتركن خيامي يل عالنهر ضامي
وتزيد ألالامي… يابو الشيم
ابچيلك هواي يمعطش الماي
الحرم يا أبو فاضل ضاله بحيره
خويه يكفالي يلجنك خيالي
بكل لحظه تبرالي.. وينك يخيي
بنص الزلم امشي يالشيبت رمشي
ذله وهضم بلشي تصعب عليي
ياخويه عباس لماعدهم احساس
يهضم بگلبي حجيهم صعب تفسيره
يامعنئ للخوه يالكلك مروه
يل بسمك اتگوه يبو الفضل
يالعايش بروحي شيهيد جروحي
عگبك يضل نوحي ودمعي يهل
جيت انه بحماك وامشي اعله ممشاك
باجر يفرون ضعنك ديره من ديره
لو بيدي اجي يمك خويه والم جسمك
وبهداي اجر سهمك بلكي ترد
ياريت اودعنك وبانفاسي اشمنك
خاافن الجمنك حيلي ركد
اعذرني مااجيت حيلي انته هديت
حسيني ضل حاير خطيه صعبه وجبيره
✍باقر جبار الشويلي
قناة أئمة البقیع
یوسف الزهراء 💔
★❂❂★
★قصيدة للامام علي عليه السلام ★
★بالسان السيدة زينب عليها السلام ★
راح البيه محنة وشيلت الراس
هاضمني ييومك للكلب جاس
هاضمني الغياب وتدي الجروح
صيح بصوت بويه لصوت مبحوح
بعدك يالولي ما هادت الروح
اريد البيه غيره وبيه نوماس
ام فاطمة الشويلي
📝📝★📝★📝
يبويه الدار صاحت رايدينك
وكل اهل المجالس فاكدينك
يبو لحملات محتاجه لحنينك
شلون تعوف زينب بين هالناس
✍ام فاطمة الشويلي
📝📝★📝★📝
شلون تعوفني يابويه وحيده
كلبي بغيبتك يالولي شيهيده
اون عليك بويه و وني ماهيده
صعب فرگاك گاطع مني النفاس
✍ الشاعره نور الناصريه
📝📝★📝★📝
صعب فرگاك بويه وهدم الحيــل
اونـن للــصـــبح مانايــمـــه ليـــل
شلون بساع منه ياعلي تشــيـــل
عفتنه يلابو شلون وي الرجـــاس
✍ الشاعره نور الناصریه
📝📝★📝★📝
عفتنه بالهضم والضيم حالي
يتوجع حيل سهرات الليالي
ما اريد الحياة ابدون والي
حزني عالابو هيهات ينقاس
✍ام فاطمة الشويلي
*تمت باقلام الشاعرات*
١٤٤٢/ ربيع الاخر / ٢٩
/channel/zaainab505
(قصيدة لخدمة المشاية)
/channel/zaainab505
المشايه تبقه ونخدم المشايه
هذا وسام الخدمة هو الغاية
يله شد الحيل يلماشي بعجل
اتوكل عله الباري لتخاف الاجل
حسين واكف ينتظرنه بكل بجل
وأبو فاضل بيده شال الرايه
------
ثورة النه المشي ونخدمه الخدم
نقصد احنه حسين ونشد الجدم
ما نخاف الموت وشتدد العزم
مايهمنا الموت نمشي للمنايه
------
الشوك جابانه يغاتي اعله الجمر
نمشي ونطوف اعله زينب والخدر
نريد حب حسين منريد الأجر
نبقى الك طول العمر وفايه
------
اه ياعطر المواكب ياحسين
نخدم الزوار شاهدنه السنين
بالوفاء والجود درس ام البنين
جنه يا خدمة حسيني هايه
------
بخدمة الخدام لفنيه العمر
هالشعائر باقيه ورغم الكفر
اليعاديكم نزجره احنه زجر
ما نوفّي العهد هايه حجايه
------
تمت
بقلم ام فاطمة الشويلي
باقر الشويلي
/channel/zaainab505
الج بيرغ هيابه ....اليوم ينشال
وانتي ام الوفه ...والربت ارجال
تسجله البيارغ للوفه ساس
هاي ام الهيابة امك يعباس
يشيعوه بمواكب رفعة الراس
تستاهل لطمنه ام الابطال
====
تستاهل لطمنه ودگ المتون
وكل هيئاتنا اليوم ليشيعون
تستاهل عراضه فدوه لم عون
نمشي للبقيع نسوي زلزال
======
الج بيرغ هيابه اليوم يلحرة
وماجورة تره للوافت الزهرة
تستاهل لطمنه الخدمة العترة
تسوين النياحة والدمع سال
=====
الج هوسات نعرض بالمياديين
تستاهل عراضه لربت حسين
يرفعة راسنه هاي ام البنين
يم عباس نعمين وكفو الگال
====
انتي ام الوفه وضحيتي باولاد
فده لحسين كلهم ذوله الامجاد
يعلويةويساس الطيب الاجواد
الج بيرغ نشيله هسه بالحال
====
تمت باقلام خدمة الحسين عليه السلام
✍ باقر الشويلي
✍ام فاطمة الشويلي
/channel/zaainab505
نخوة يم حسن نخوة نريد
عافي المالوم ولعلته شديد
-----------
نخوة يم حسن زيلي الهموم
الناس ما ترحم ابد كلها تلوم
جيت يم بابج اصيحن واشتكي
خادمج محتاج وبگلبي الدموم
اه يازهره المرض كلش عنيد
___
معتني ومحتاج وبگلبي حجي
جار وياي الزمان وبس بجي
نضره مولاتي اريدن فزعتج
بيكم انخه والله بيكم ارتجي
انتي ذخري والطلب منج اريد
_
نخوه يامولاتي اريدنج سند
انتي للمحتاج وانتي ام الشدد
حيل علاني المرض ياوجعتي
وين اديرن وجهي ماعدي سند
دمعه بعيوني الوجع كلش يزيد
____
والله يامولاتي تعبني المرض
حيل بعضامي يكسرني ويرض
وانتي باب الله والباري شهد
گال لجلج خالقه طول بعرض
والج مديت اديه وادري يفيد
_
نخوه يازهراء شوفي حاجتي
من المرض بعضاي اشكي وجعتي
لاتعوفيني بهضم وانه انتخي
كل وكت انخاج هاي طلبتي
ماادور غير بابج مااحيد
📝📝📝
تمت باقلام الشاعرات
✍باقر جبار الشويلي
✍ ام فاطمة الشويلي
١٤٤٣/ جمادى الاخر/٢
/channel/zaainab505
عندما عادت عقيلة بني هاشم عليها السلام
الى ارض الوطن دخلت دار أخيها الحسين
وراتها خاليه ؛كأني بها تقول ...
قصيدة مع رباط هوسه
-----
يادار العزيز حسين يبجي وخالي
تريد راعي الدار شلت حالي
تشكي الدار كله والحياطين
وين حسين ذاك ابن السلاطين
شال وراح نام ابنص ميادين
《 مضيعينه •يحسين ابن امي》
ولج يادار عازيني واعازيج
شلون يشيل عنه اليوم واليج
ضلينه بهضم والضيم غاطيج
《جاوينه• تنشدني الدار 》
هذوله اهل المحنة شلوا احوالي
متروح الصور يا ناس من بالي
كل كتر بغيابه صار ينعالي
《عالراح من ايدي• حزنانه》
راح حسين مني والزجيه
وبالينه الوكت باعظم بليه
خذاك الموت ياخويه منديه
《تنعاهم •ياروحي اليوم 》
ولج يادار شالوا عنج اهلي
اشوفج مضلمه وبس دمعي يهلي
احس نار بدليلي عگبه تغلي
《خلوانه • يادار العزه》
--------------
✍تمت بأقلام خدام الحسين ✍
✍ام فاطمة الشويلي
✍باقر جبار الشويلي
١٤٤٣/جمادى الاول/١ .
___
/channel/zaainab505
وجه الگمر نزل فدوه الهيبته
يرعد رعد زعل صعدت غيرته
طبلهه بيمينه رايه
عباس شيخ المنايه. كمرهاشم
=======================.
شال الماي المعدل لاكن ماقبل يشرب
الله الساتر ويستر من عباس اذا يغضب
معدل جارهم جر
وشارد منه يعثر
نزل كافل الخدر
وكلشي يسوي يگدر
لطف الله مختاره
طبهه وشاعت اخباره
كمرهاشم
تحصد حصد رگب بالطف يمنته
وجه الگمر نزل فدوه الهيبته
=======================
حزام حسين المعدل طگ ضهر العساكر طگ
طگ اظهورهم ونوب فوك اركابهم يسحگ
ساتر والله يستر
نهر وبكصته كوثر
غضب وراس جمر
وعن زنوده شمر
هلا بل غارته غاره
وخله جيوش محتاره
كمر هاشم
من الخيم طلع رفت رايته
وجه الكمر نزل فدوه الهيبته
=========================
ذب رباطه بل حومه حسين بغارتي تبشر
الموگد الحرب خله عن الحومه يتكتر
الحومه تريد اهلهه
نزل عباس گلهه
الماتنذل يذلهه
والمالت عدلهه
سيفه الموت خطاره
ذل جيوش جراره
كمر هاشم
الماشرد بقه حلت ساعته
وجه الكمر نزل فدوه الهيبته
محمود رحيل
/channel/zaainab505
يالضاوي نجمة اعله الخيم
وجه الحسن بيك ابتسم
شيمني ياراعي الشيم
اربات الشهامه
شمعة عمامة
$$$$$$$$$$$$$$$$$$$$$$$$$$$$$$$$$$$$$$
انه امك وكلي عرف
بالشالته ايدي وربته
والطلع من ضهر الحسن
من ضله تبرز غيرته
انت ابن ديوان الكرم
المابرد مجمر دلته
هيمني وافزع للحرب
وشوفني ابوك بفزعته
ياقاسمي
ذكرني بالورثته
وافزع مثل فزعته
لعمك وسد وحشته
هون علي غربته
من عمك امشي اطلب اذن
وكله الحسن عنده ابن
مايترك اخيامه بحزن
يحمي خيامه
شمعة عمامه
$$$$$$$$$$$$$$$$$$$$$$$$$$$$$$$$$$$$$$
يبني انت من يوم الصرت
والدك راسملك وعد
يوصيني ويكلي الولد
ينراد للشده الولد
شربي شهامة وي اللبن
وبالغيرة هزيله المهد
جاسم اريده بكربله
يشد الضهر لو عظمة شد
وبكربله
رادك جسر يجاسم
وتنومس الهواشم
طولك يريده دايم
راية على الفواطم
حلم الحسن هذا الحلم
هاليوم يومك ياشهم
سل سيفك وخل ينثلم
واترك علامه
شمعه عمامه
$$$$$$$$$$$$$$$$$$$$$$$$$$$$$$$$$$$$$$
تانيت طولك وانتظر
تالي الربه واحوي الثمر
ردت استلذ بوكفتك
كبرتك وحلمي كبر
طولك يكوطر مرجله
اجدامك نهر يسبك نهر
بسد ابو فاضل من تصف
احتار ياهوه الكمر
بدري كمل
جفي انرفع دعاله
يعمي الشمس جماله
شد للحرب رحاله
صيد الزلم حلاله
لبسته درعه ولامته
وبدرعه كبرت هيبته
يعمي العيون الشافته
طوله ابتسامه
شمعة عمامه
$$$$$$$$$$$$$$$$$$$$$$$$$$$$$$$$$$$$$$
شديت همتك يالولد
وانه ادري بوداعك صعب
والعدهه من لونك ابن
تضمه وتخلي بالكلب
بس يبني حانت عازتك
عمك خذت لونه الغرب
ودعني يبني بشبكتك
وامشي اعله هونك للحرب
يالخطوتك
من تبتعد تهزني
ودمع البعد يضدني
من ودعتني يبني
جرحك حجه ولجمني
جرحك حجه وصب الدمع
ودب الوجع حدر الضلع
جفي بدعائي ينرفع
ترد بالسلامه
شمعة عمامه
$$$$$$$$$$$$$$$$$$$$$$$$$$$$$$$$$$$$$$
ساعه وعله صوت الحرب
ولحومتك عمك فزع
امن ابعيد اشوفنه رجع
ومشيول جابك من رجع
شفتك ويايمه صحت
وباقي الحجي لا ماطلع
واعليك طاحت دمعتي
والحيل وي دمعي وكع
يبني انجرح
كلبي على ارتحالك
شيب دليلي حالك
من انجرح جمالك
عمك ضهر حنالك
مذبوح لو ذابح رحت
امك انذبحت من طحت
محنية بوداعك صرت
راح بسهامه
شمعة عمامة
$$$$$$$$$$$$$$$$$$$
حمزة صباح الزيدي
/channel/zaainab505
#قصائد_محرم_للأمام_العباس
ابو فاضل. ابو فاضل
**
يمه الحاجه مضمونه
باب الله يسمونه
الرحمة مخضره بعيونه
ابو فاضل
اسمه الوادم تهابه
تدنگ كلها يم بابه
ابد ماتنعد القابه
ابو فاضل
عظيم المنزله هوه
يتسمه نبي الخوه
تارس كربله مروه
ابوفاضل
**
اخو زينب. اخوزينب
جربته اصبحت ايه
كفيل وگد الحچايه
حلوه بيمنته الرايه
اخو زينب
جروف الشط يشهدله
يم المشرعه شخله
سوه من الجثث تله
اخو زينب
والسبعين الف كلها
وحده بسيفه راح الها
يطشرها ويزلزلها
اخو زينب
**
ابو الغيره
النهر خلاه بصولاته
زلم وخيول روجاته
هيبت حيدره بذاته
ابو الغيره
جيوش الكافره ارعبها
الشريعه ادموم شربها
گوه عاالزلم طبها
ابو الغيره
اعشگ اسمه وحروفه
صبح تسبيحي ماعوفه
اروحن فدوه لچفوفه
ابو الغيره
**
#سعد #العبودي
/channel/zaainab505
شور گعده =لیلة علی الاکبر علیه السلام
محرم 1445
ادورك مدري اعوفك مدري اخليك
علي وكلشي ابعلي يجرحني گوا...
اشم الگاع اشمک ویه التراب
وگولن علي هوا وماهو هوا...
اطاوع روحي ورکض گوا عل روح
شیقنع روحي چان ابصفي توا...
اخاف الگاک متوذر عله الگاع
شلون اصبر او گدامي ایتلوا...
علي تعبت ابوک اشبیک تعبان
علي اتلاگه اویه جرحک ملگه ولهان
((یاروح ابوک اگعد))
**
علي اوداعت علي ماحب الفراگ
امنطیح اتمنه تلزم چفي بیدک...
ابد مو مال فرگه حسین تعبان
شگل الگال مایگعد اولیدک...
اگل الروحي مات وتطلع الروح
وروحي اتگلي راح الچان عیدک..
علي الخاطر رقیه حرک اشفاک
اخوها اوغیر لل عازه تریدک...
علي الماعدها اخو بل ناس تنهان
انه اول رجل لولیده دفان
((یاروح ابوک اگعد))
**
تعبت من الرکض یا شلعت الروح
اگعد یاهواي اوشیبت احسین...
حسین اخلاف عینک کض الصفاح
اعیش اشلون وآنه ابگلبي جرحین...
جرح فرگاک ولثاني کتلنی
شگل لمک لون گالت علي وین...
مدری اشضال بیه اتمشه گوا
صعبه الوگفه من اسوایت البین...
ولاچني ابوک احسبنه صحبان
تعال اکسب رضاتي آنه زعلان
((یاروح ابوک اگعد))
**
علي حضني یریدک عوفها الگاع
برد حضني ابگعدتک راح یدفه...
الچان اینام دهره ابحضني مرتاح
هسه اعله التراب اشلون یغفه...
الچنت لو صلي یلعب فوگ الچتاف
ماشاف الحسین انهدل چتفه...
شمسویه السیوف ابگعدت احسین
علي بس مو علي ماچني اعرفه...
علي جرحک ابنص الگلب نیشان
علي بس شوفتک اترجع الچان
((یاروح ابوک اگعد))
**
كلمات: خالد السویطي
/channel/zaainab505
نعي للهلال [شهر المصايب]
من ديوان سليل الإحزان الجزء السابع ص"١٩"
شهر المصايب هل علينه
ومن هسه كدرنه وبچينه
ينذبح بي گالو ولينه
@@@@@@@
اليوم اول يامسلمين
وهل الهلال وهلت العين
وكل الملايك تنعه لحسين
@@@@@@
مظلم هلالك من يشوفو
عد الله ثوبك من ينشرو
تحزن الناس وتصرخ احو
@@@@@@@
وتبدي المأتم لبو اليمه
ونعازي بيهه الزاجيه إمه
بهذا الشهر ينهدر دمه
@@@@@@@@
ولد الزجيه مايسلمون
لأرض البله لمن يطبون
كل اليتانوهم يغدرون
@@@@@@@@
بكرب وبله يحسين شلك
واجيوش متجمعه أعله جتلك
ارجع ورد وياك اهلك
@@@@@@@@
الناس حضرولك مچيده
والرده لديارك بعيده
وسيافهم راسك تريده
@@@@@@@@@
/channel/zaainab505
نعي اول ايام محرم عن السيدة زينب عليها السلام.. جديد
دلالي انعصر والروح حنت
لخواني ولا مر يوم چنت
ليل نهار للطيبين ونت
اشوفن بيين هلال الرزية
-----------------------------
بفراكَ الاخو خلة شيسدها
وفراكَ الولد روحي مردها
عدلة خلافكم روحي شجلدها
اموتن من تهل وكت المسية
--------------------------------
يهلال الحزن ما كف ونيني
عمية ولاتشوفك ريت عيني
راح الزين مني وما يجيني
وينة اوينة راحوا من ادية
---------------------------------
بس رسومهم ظلت علامة
يهلال شكثر عدنا اليتامة
هذا الراح ابوه هذا عمامة
علينا بعاد بارض الغاضرية
-------------------------------
دليلي اعله المشوا عنه حن الهم
اخوتي.وظهري للراحوا حن الهم
المـــــــوت بكربله اعزازي حن الهم
اخذهم كل هلي بالغاضرية
++++±+++++++++++++++
ليلى ام علي الاكبر عليه السلام
__
هلال البالسمه بين هظمني
اخذ مني العزيز وما رحمني
چم لچمة بوسط گلبي لچمني
يهلال الحزن فتيت روحي
___
شيصبر الوالدة الفگدت ولدها
لو راح الولد يمرد چبدها
راح الچان حاسبتة سندها
والاكبر راح مني وزاد نوحي
___
يا حلو الجهامة وحلو الرسوم
احن لريحتك واشتم بالهدوم
عني بعيد يبني وماكو علوم
كل يوم اليمر تكبر جروحي
____
جرح گلبي من جروحه والاكبر
لتالي العـــــمر حاسبـــته والاكبر
عليلة ونحلت عظامي والاكبر
سكن بأرض الغرب وابعد علية
___
أسالكم الدعاء رائد الاسدي
/channel/zaainab505
العلويه الشاعره ام رائد زوين:
نعي / للشهداء
===========
تره الفكَدت ولد من حكَها كون إتموت ... وعله إفراكَه من يصير البيت تابوت
يصير إبعـينها بفراكَه من إتفـوت
1=====================
تره الفكَدت ولد من حكَها كون إتروح ... لجله إعيونها وللموت لجله إتنوح
وتصيح بصوت يمه خلصت الروح
2=====================
تره الفكَدت ولد معــذوره من إتصيح ... يا يمـه ودمعــها دم عــليه إيســيح
يا شمعه وغـفل طفاها يمه الريح
3=====================
تره الفكَـدت ولــد لا واللـه ما تنــلام ... من تســهر اللـــيل ولحــضه متنام
غـير إوليـدها والكَــلب لي محـتام
4=====================
تره الفكَدت ولد من حكَها واللـه إبهاي ... من إتصيح يا يمه ونضـر عيناي
أمل من روحي وما أملن من إبجاي
5=====================
حكَـها الوالـده مـن إتصـيح ... يمه
وحزنها إيصير وسط الكَلب ... يمه
اللــه إيعـــينــها وإثـــنعــش ... يمه
تره إفــراكَ والـولــد نفــس المــنيه
6=====================
خادم شهداء العـراق
أبو جعـفر العـبودي الناصري 1439 هجري
ابوذيه للشهيد
~.~.~.~.~.~.~
لسان حال الأم :
تصَدّع كَلبي وفراكَك وجَربي ( توجّر مثل النار )
لأجزع والجزع واجب وجَربي ( أجر وثواب )
بكَيت أتوسّل بنعشك وجربي ( وأجر بي )
إخذني يالخذيت إبني من إديّه
* * * * *
لسان حال الأخت :
النعش مرْني وهِدَم حيلي ونحلاه (صار نحيل )
وبكَيت أنعه على مصابك ونحلاه ( وأنوح له )
العمر بعد الأخو يكدر ونحلاه (وين أحله )
وتظل اخته بحزن حدّ المنيّه
* * * *
لسان حال الشهيد:
إبه وغِيرة نزف جرحي بلاداي ( بلا مرض)
جهاد وواجب اعليّه بلاداي ( بل أؤدي الواجب)
شهيد وفادي بعمري بلاداي ( بلادي) ه
وأعيش الآخرة بجنّة زهيّه
ونسألكم الدعاء
للشاعر : حسام الناصري
/channel/zaainab505
سلامي يا اميري ٢
انت عشگ رباني ..ياابو الحسن امامي
عاشك انه بوجداني.. ياابو الحسن امامي
بسمك يغرد لساني . ياابو الحسن امامي
من الزغر نادينه أنت علي والينه
من الزغر مولانه ..ياابو الحسن امامي
غذتني امي انه.. ياابو الحسن امامي
ثابت يضل عنوانه.. ياابو الحسن امامي
من الزغر نادينه أنت علي والينه
منهاج ثابت مولاي.. ياابو الحسن امامي
انت الهويه ومؤاي..ياابو الحسن امامي
تفداك روحي وعيناي.. ياابو الحسن امامي
من الزغر نادينه انت علي والينه
✍ ام فاطمة الشويلي
/channel/zaainab505
*نخـــوة للعــباس عليه السلام*
متعنية للعباس هاي المسية
وبگلبي وجت نار فرج عليه
★❂🍃🤲🍃❂
متعنية من بعيد والدمع جاري
صحت انه ياعباس طفيلي ناري
ناخر دليلي العوز همي ومراري
ماكل اعضاي الضيم وبدمي ساري
متعنيه انه الحيد والطم بيديه
★❂🍃🤲🍃❂
دار الوكت وياي والدنيه سوده
مامش فرح مليت روحي ممروده
انخه واريد امراد من راعي جوده
كثرت علي اهموم والله جويه
★❂🍃🤲🍃❂
ياابو الفضل مليت والمرض سلني
اندب واصيح بصوت هاليله خلني
ضيفك انه بحسين والظهر محني
امشيي عليك حسين وأمه الزجيه
★❂🍃🤲🍃❂
امشي عليك حسين واخته العقيله
تشافي هاي الناس وروحي العليله
خادم واجيت اليوم وانته الوسيله
تايه واجيت انخاك بجاه السبيه
★❂🍃🤲🍃❂
بجاه السبيه نصيح عاين علينه
هالمرض زاد اليوم مديينه ادينه
بهالنخوه اريد انخاك وانته ولينه
حاشه تردني بيوم وايدي خليه
★❂🍃🤲🍃❂
متعلكه بالعباس وسفه يردني
راعي الكرم والجود لا مايردني
ينطي امراد بساع لنه يحبني
حلفته بالجفين يدفع بليه
__●•●
تمت بقلم الشاعرات
✍🏻ام فاطمة الشويلي
✍🏻باقر جبار الشويلي
١٤٤٣/جمادى الاول / ١٧
/channel/zaainab505
https://chat.whatsapp.com/LBHtT1cM4LG03hQbzIcmc8
مجموعة خاصة للمحاضرات فقط /من دون اطوار او دروس .
(فقط محاضرات )
اشراف وتعليم ام فاطمة الشويلي .
نشروا الرابط بارك الله بكم ولكم .
مهلاً ياحسين
بويه بويه لا تودعوني
بويه بويه وياكم اخذوني
ــــــــــــــــــــــــــــــــــــــ
من تبعتد عنّي شبر نبض الگلب يوگف
موچنه احلى أمن الضوه وامنين اجانه الطف
من هسه ظل جيش الدمع صف ويقابل صف
قرآن يابويه أظل متروك فوگ الرف
بويه بويه الخاطر اعيوني
بويه بويه وياكم اخذوني
ــــــــــــــــــــــــــــــــــــــ
آنه عليلتكم والي حگ اوي اخياتي
وانته اكيداً يالابو اتقدّر معاناتي
استحملني لو نص الدرب خانتني خطواتي
ايد اويه ايد الكربله ايمشني عماتي
بويه بويه براحه مشوني
بويه بويه وياكم اخذوني
ــــــــــــــــــــــــــــــــــــــ
امحضره عباتي من امس واهدومي والنيه
اهنانه مسبيه أظل واهناكه مسبيه
ماريد أظل إبلا ابو وابلايه حنيه
وياكم أنه ارد انحسب وحده فدائيه
بويه بويه ويدمن امتوني
بويه بويه وياكم اخذوني
ــــــــــــــــــــــــــــــــــــــ
تدري البنات البالسلف لو مرّن اگبالي
يتنادسن وانه انقهر بويه على حالي
ايگولن عليه إبلا ابو ظلت ولا غالي
ياهيبتي وياعزوتي ويابيرغي العالي
بويه بويه لا يعيروني
بويه بويه وياكم اخذوني
ــــــــــــــــــــــــــــــــــــــ
يم گبر جدي المصطفى راح امشي واحچيله
زعلانه اگله أعله الابو بس لاكن ادعيله
يرجعلي يمشي اعله الجدم مو وادم اتشيله
ويوميه بوسه اوي الهوه ياجدي اوديله
بويه بويه الهم خطف لوني
بويه بويه وياكم اخذوني
ــــــــــــــــــــــــــــــــــــــ
واحنه بعـزائچ فاطمه نفس الطلب نطلب
انريد الـحسين برحمته يترسنه غيره وحب
كون الدموع بمجلسچ هالليله دم اتصب
والموكب المابي جزع ما ينحسب موكب
بويه بويه صحتي تانوني
بويه بويه وياكم اخذوني
محمد الجماسي
#اللهم_عجل_لوليك_الفرج
*-قصيدة بحق السيدة رقية عليه السلام-*
الليله وي رُقية نلطم الليله
اندك اعله الوجه والمدمع نسيله
الليله اعله الزغيرة نلطم بوجعه
ماتت بالغرب بحسين منفجعه
تشوف الراس صعبة تجري الدمعة
هيج اوداع بويه كلبي يصدعه
(زغيرونه ماتت من ضيم )
---------
من ضيم الولي يرقية ونيتي
واعله الراس انتي حيل دگيتي
وصاحتها العقيلة يابعد بيتي
يابت العزيز الحيل هديتي
(يضربوه بتك يحسين)
--------
ما تحمل ضرب او لا تضربوها
زغيرة اعله الهضم ليش وتهضموها
مشت للراس تشكي يم ابوها
تكله ابنيتك بويه اشتموها
(وتكله انهض كوم ويايه)
---------
دكوم إِهلا يبويه وكحل اعيوني
واخذ ثار العقيلة عمتي ومتوني
وسفه يلابو بالسوط
ضربوني
يا سبع الحرايب بيك
فجعوني
(يفجعوها بتك يالوالي)
--------
هي مدلله وتريد ابوها الحين
وعله راس الولي خلصت يااحله سنين
يزيد بكل حقد جابوله راس حسين
شهگت روحها والدمعة بالعين
(نعزيها زينب برقيه)
تمت
✍ام فاطمة الشويلي
/channel/zaainab505
.
قصيدة لأبو الفضل العباس عليه السلام
ابو فاضل شهم ومأصل بغيره
من طب للحرب للكوم
دوهنهم
حي على الجهاد يصيح سودنهم
صوبين العده بالسيف فركهم
وجندل للعده وخلاهم بحيره
_
بحرب صفين ذكرهم بصولاته
خيال وشهم ويحامي خياته
وما يرضى العده ادوس خيماته
غيره ومرجله يا هيبه الديره
_
زينب ندهته وادك عله الهامه
شلون تعوف اخيتك بيد ظلامه
وهذا ابن ادعيه يصول بخيامه
مصائب يل لفتنه والله جثيره
___
يطشرها الزلم ويلمها بجفوفه
ابن حيدر علي صولاته معروفه
حيرها المنايه وكامت طوفه
سطر ملحمه ويا صعب تفسيره
___
يا غيره علي يا تاج عالراس
ترضه شلون زينب ويه الارجاس
تمشي ميسره وتتفرج الناس
ومعروف انت راسك نار بالغيره
_
يصكار الزيم معروف لو صال
يرعب لو نزل حيدر علي كال
يطشرها المنايا فوك الرجال
لو نظره نظر ترعب شواجيره
___
✍📘ام فاطمة الشويلي📘
القلم الزينبي
اهز القلم هزة الشاجور ، واسطرهن حروف البيهن يثور
/channel/zaainab505
قصيدة طلب حاجة بشفاعة السيدة معصومة عليها السلام
يمعصومة الگلب زايد تره هموم
واحلفج بالرضا وجدج المسموم
هدتني المصايب والگلب هام
تعبني الوكت واليل ما نام
يمج حاجتي يابنت الاكرام
يم بابج اصيحن حيل مهضوم
------
نخيتج بالحزن وتهل الدموع
احلفج بالزجيه وكسر الضلوع
تشافين المريض الونه مسموع
گلبي من المصايب ينزف دموم
------
متعني بدموعي وجايب وياي
الج يخت الرضا متوجه بهاي
اعرفنج جليله وعندج الراي
انتي اخت الرضا وجايج انه اليوم
------
انتي اخت الرضا ونطلبج نريد
عندي هواي مرضئ وللدوه تريد
وكل يوم وعليه اهمومي اتزيد
تره صيتج وصل ولحدها الغيوم
-----
تمت
✍🏻
ام فاطمة الشويلي
/channel/zaainab505
يزينب هسـه وين وچـلـچـل الليل
يزينب حيل عندچ لو گضه الحيل
بخرابه وكل حلو مات .. واسكّت باليتيمات
يــزيــنـــب .. يــزيــنـــب
****
يجيني الليل واذكر ماجرى عليه
واعاين بـنـت اخـوي بغير ترچيه
چـلـمــه تـرن باذانـي واثّـرت بيه
واحــد گــل لـلآخــر هـاي علويه
.......................
وحيده واليتامه اليـبـچـن هواي
وحيده بنص خرابه ومحّد وياي
سگفها عيون شمّات .. واسكّت باليتيمات
يــزيــنـــب .. يــزيــنـــب
****
زغار وليل وحشه وخايفات نفوس
امسح روسهن مسحة علي عله الروس
ظلمه وبالخرابه خدودهن فانوس
وحيدات وعلينه النايبات تحوس
....................
ظلمه الدنيا چانت والگمر غاب
ظلمه والخـرابـه مـنـيـلها الباب
اسمع بس الآهات .. واسكّت باليتيمات
يــزيــنـــب .. يــزيــنـــب
****
ادگلهن واگولن تغمض الهن عين
هوايه ايتام عندي وهنّه بس چفين
انيم هاي صاحت هاي اريد حسين
موش شويه عندي اثنين وثمانين
......................
عمّه تصيح وحده نريد ابونه
عمّه تصيح الاخرى وين اخونه
صفينه بدون رايات .. واسكّت باليتيمات
يــزيــنـــب .. يــزيــنـــب
****
شفت بنيه تبچي وماتحاچيني
گلتلها يـعـمّـه شـبـيـچ فهميني
رماد الخيمه گالت يحرگ بعيني
ورجليه يـعـمّـه هواي تچويني
.....................
گالتلي انچويت بنار الخيام
گالتلي افـكـر عـمّـه بالشام
بخرابه زينب تبات .. واسكّت باليتيمات
يــزيــنـــب .. يــزيــنـــب
****
وسط السوگ عمده الحادي مر بينه
وهواي الشماته تعاين علينه
واحد صاح زينب كافلچ وينه
اشّر عالرمح ويديرلي بعينه
..................
هضيمه على الرمح اشرلي بيده
هضيمه المـشـرعـه عـنـي بعيده
امشي واقره آيات .. واسكّت باليتيمات
يــزيــنـــب .. يــزيــنـــب
****
مستحيات چانن من دخلنه السوگ
النفس من مستحاهن بالصدر مخنوگ
عـمـداً نـزلـوهـن يـمـشـن بلا نوگ
علينه مفتحات من الشماته حلوگ
.....................
صاحو وين زينب طلعوها
صاحو ردت ومن غير اخوها
شكثر بالشام بذّات .. واسكّت باليتيمات
يــزيــنـــب .. يــزيــنـــب
****
سيد علي المدني
/channel/zaainab505
/channel/zaainab505
صرياً فزاعية للعباس ﴿لطمة مگابلة﴾
❥ــــــــ☆ــــــ●ــــــ☆ــــــــ❥
احزم ايريد.. يايــومك يعباس
لطمه مگابله وندگ عله الراس
❥ــــــــ☆ــــــ●ـــــ☆ــــــــ❥
احزام ايريد ولطمه اشتراكيه
تسوه الطــــمه يلكلك عداليه
لطمته حاره واجب حـماسيه
﴿اعله الهامه//واليوم اندگ﴾
❥ــــــــ☆ــــــ●ـــــ☆ــــــــ❥
ندگلك يابطل عباس تستاهل
غيره ومــرجله وللحرم كافل
معدل وتعدل الحمل والمايل
﴿كلك غيره //تطلع بالحگ﴾
❥ــــــــ☆ــــــ●ـــــ☆ــــــــ❥
احزام ايريـــد ميدانك يهيبه
يبن الطاهـــــره يبـن النجيبه
الحگ الضاع بس انته تجيبه
﴿انته الهيبه//انته الوهام﴾
❥ــــــــ☆ــــــ●ـــــ☆ــــــــ❥
يل مهيوب يل تسوه الهوسات
نطلعلك عـــراضه ورفع رايات
انته الهيــــبه كضاي الكلافات
﴿الكلفه امگضيها//ابن البدويه﴾
❥ــــــــ☆ــــــ●ـــــ☆ــــــــ❥
كلفه مصــــيبتك ياســــبع يازين
طحت اعله النهر مگطوع جفين
ويلاه السهــــــم صوبك بالعين
﴿تستاهل دگ // لو دگينه﴾
❥ــــــــ☆ــــــ●ـــــ☆ــــــــ❥
تمت بعون ﷲ تعالى
بقلم خادمة أهل البيت عليهم السلام
✍🏻الشاعرة الملة﴿ࢪﺣمة ﷲ تحسين﴾
صاحبة دواوين 📚
[شهيدة ﷲ]و[مظلومية ال فاطمة]
لا اجيز حذف الاسم أو التلاعب بالكلام
غير مبري الذمه من ينسب الكلام إ
من قصائد شهر محرم
قصيدة #هلاليه
وزن الميمر........
.
وي لاهله .. بشهر البله
رافـع هـلاله الكـربله
لجل الحزن يفتح باب .. نقره الدمه بحروفه
.ـــــــــــــــــ ❁ ❁ ❁ ـــــــــــــــــ
هاللـيله يهلال الحـزن لاهـليت
ابشوفتك يكبر جرح اهل البيت
من السمه لاهل الدموع اتعنيت
جايب خبر .. عن ياشهر
عن الظمى وگطع النحر
يجمعنه دمع السچاب .. اول ليله بضيوفه
.ـــــــــــــــــ ❁ ❁ ❁ ـــــــــــــــــ
وبثاني ليله تجـتمع دمعـتنه
لون السواد ايرفرف ابرايتنه
لجل الخـدامه فـاطمه ربتنه
من ينعلن .. شهر الحزن
هذا النعـى وذاك اليـون
يخنگنه كل ريح الهاب .. لمن نعيش اضروفه
.ـــــــــــــــــ ❁ ❁ ❁ ـــــــــــــــــ
ثـالث ليـله وي العليــله العبـره
ظلت وحيده ودرب ابوها اتنظره
ياشيعتي كسـر الگلب شيجبره
راحوا هلي .. وماظل الي
بس النـــوايح تعـتلي
تندب يادرب الاحباب.. لهلك انه ملهوفه
.ـــــــــــــــــ ❁ ❁ ❁ ـــــــــــــــــ
رابـع ليـله لام البنـين النـبراس
ابكربله ضحت ابخمسة حراس
اربع ولد والقاسم ابن العباس
بالموزمه..لارض الدمه
أمه لُبابه اتقدمه
بالغيره جمره لهاب .. تشبه ابوه اطيوفه
.ـــــــــــــــــ ❁ ❁ ❁ ـــــــــــــــــ
خامس ليالي كربله محـــتاره
مسلم وحيد اتخاذلت انصاره
من انأسر ويلي انذبح بتــاره
وبغربته .. وبلوعته
طوعه الوحيده النصرته
موقفها ينطينه اجواب.. مخلص احوال الكوفه
.ـــــــــــــــــ ❁ ❁ ❁ ـــــــــــــــــ
سادس ليالي المـوزمه بيـها اخـبار
عن عابس وعن شوذب وعالانصار
كل نشمي بيهم لو برز چنه اعصار
شالو لوا .. ايشع ضوه
بي تتشح كل نينوى
كل خطوه الهم محراب.. بالتضحيه موصوفه
.ـــــــــــــــــ ❁ ❁ ❁ ـــــــــــــــــ
اسمك ياسـابع كـربله للـوفـاي
عباس ابو الغيره الكفيل الرواي
طر الزلم للمشرعه وجاب الماي
من حيدره .. هالمقدره
منه الجيوش امبعثره
ماتحصي كل الكتّاب .. مجمل ضحايه اسيوفه
.ـــــــــــــــــ ❁ ❁ ❁ ـــــــــــــــــ
وبثامن اجروح الشهر دم مسفوح
وبهلتـه گلـب الـزچـيه مـجـروح
بي تنعى جسام الشهيد المذبوح
ابمحنته .. اتعنته
الزهره بالدم حنته
بمصابه تنعى الغياب .. ام الحزن معروفه
.ـــــــــــــــــ ❁ ❁ ❁ ـــــــــــــــــ
ياتاسـع ايام الشـهر لا تــظهــر
بيك انهشم هاليله صدر الاكبر
بين العدى ياويلي جسمه اتوذر
جسمه بكتر .. دمه يدر
للعتره طاح اول بدر
متخضب ابدمه اخضاب. . ليلى وابنها اتشوفه
.ـــــــــــــــــ ❁ ❁ ❁ ـــــــــــــــــ
بالعاشـر اتخلص ليالي العـشره
وبطرته محـبوبي گطـعو نحره
دم الحسين اعله الترب يالزهره
وبكربله .. شبله انوله
اتذبحه نبلة حرمله
يالبضعه ويشم عطاب..حرگ الخيم بطفوفه
.
تمت ولله الحمد
لاتنسوني ووالدي من فضل دعائكم المبارك
#ذكرت بعض الروايات والسير. ان للعباس ولد يسمى القاسم استشهد في كربلاء .
حسن الموالي الفاطمي
/channel/zaainab505
هل شهر عاشور شهر المظلمه
والبسمه نشرت قميصه فاطمه
+++++++++
بالقميص الفوگه آثار السيوف
من حسينيه الحسينيه تطوف
ياهو اكثر حرگه بالمجلس تشوف
اتروحله الزهره ابأديها اتحزمـه
++++++++
للمجالس تمشي محنية ضلوع
تدخل بكل مجلس اتلم الدموع
من تون يحسين يالغالي وتلوع
وينه ليساعدني للگـلبه ضـمه
++++++++
وينه ليساعد دمعتي بدمعه وين
والله يستاهل بچي اوليدي الحسين
ثنين عدكم وآنه ابچي بوحده عين
وعين الاخره فوگها چف لاطمه
++++++++
ويـنه لبگلبه مـثل گلبي لهيـب
ناره ماتبرد عله جرح الغريب
امفطّرات اشفافه عالغبره سليب
وشيبته بيا ذنب تتگاطر دمه
++++++++
اوياي اريده كون تتصورله حال
الواگع وصانع وساده امن الرمال
منشغل عن حاله وايصد للعيال
بآخر انفاسه ويصد لمخيمه
+++++++
الصوت مامسموع عالتله يصيح
كون بيك اتگوم وادريبك جريح
حيل ماعنده غده ايگوم ويطيح
ياثگل لسهام فوگه النايمه
++++++++
ثائر الوبيعي
/channel/zaainab505
نعي اول يوم محرم
بارض الكدر نازل ضعنه
ولكلب بس يجذب الونه
باجر ضحايه كل اهلنه
احوووووي ياضيمي ومراري
✍🏻ام نادين المحمداويه
━━━━▣😭▣━━━━
احوي ياضيم البگلبي
هدني السفر واعثر بدربي
و اعيوني عالخوان تربي
اونار الدمع بعيوني جاري
✍🏻ام نور الهدى المنصوري
━━━━▣😭▣━━━━
يجري الدمع والكلب حزنان
خوفي يعوفوني الخوان
وحدي اضل مابين عدوان
احا يا ريحة الخوه
✍🏻 ام حسن البطاط
━━━━▣😭▣━━━━
الیوم شفت هلال الحزنان
گلبی علی الولیان حیران
ابچی واصب الدمع غدران
وارفج بعدهم انه عدوان
✍🏻#زهراء_غالب_الثامری
━━━━▣😭▣━━━━
عزاز اخوتي اشلون بيه
ياريت موتتنه سويه
وتالي زماني ايخون بيه
زايد عليهم ولم گلبي
✍🏻 أم كرار الأمي
━━━━▣😭▣━━━━
من المدینه یوم اجینه
خوانه تبره الضعینه
خاف اخوتی تروح من ادینه
احوی یاضیم العلیه
✍🏻ام میعاد ثامری
━━━━▣😭▣━━━━
تـــمـ بعون الله تعالى ـــت
بقلم شاعرات اهل البیت ع في رابطة دموع العقیله ع
🙏🏻نسالكم الدعاء🙏🏻
❌❌لایجوز شرعأ وغیرمبرئ الذمه کل من یحذف اسم الشاعرات او ینسب الکلمات ویتلاعب بالقصیدة
/channel/zaainab505
نعي لتبديل الرايه عن الزهراء ع
حضرت كربله امك يمظلوم
تبدل الرايه جايه اليوم
محنيه الضلع ماتكدر اتكوم
شالو الرايه من شفتهم
واعزاز روحي اتذكرتهم
يصار من دمهم غسلهم
اليلة الزجيه تدك عالراس
وصاحت بصوت هنا يهالناس
هايه رايت المهيوب عباس
هايه رايته من نزل بيها
جاب ام الخدر وترف عليها
بسمك الرايه نسميها
شفت رابته وجاوين جوده
واتذكرت كطعت ازنوده
لجل زينب فداهن وابن عوده
الزهره كاعده بين الضريحين
واتصيح ياعباس يحسين
لطمت الراس وهلت العين
الرايه يوم البدلوها
وشرايين كلبي كطعوها
الكبة الكافل خذوها
هايه رايتك ياذخر زينب
ذكرت مصابه وحيل تنحب
اسوه ابوفاضل من تصوب
كطعو اجفوفه وماشمرها
ماطاحت وعد زينب خبرها
اذا طاحت يطيح اخته خدرها
الج موقف يشرف كل الاكوان
اسوه يرايه كمر عدنان
كضها بيش من طاحت الذرعان
ماهمته كطعت امتونه
وشبحت عله الرايه اعيونه
اذا طاحت عضيده ايتولونه
..............
✍ام زينب كربلاء
/channel/zaainab505
ــــــــــــــــــــــــــــــــــــــــــــــــــــــــ
نعي للهلال........ محرم 1441
بدى عدنه الحزن وآهات الطفوف
هل اهلال حزن ايام الحسين
اهلال اجروح عالي وبالسمه ايلوح
وتلگوه الخدم بدموع وونين
تحضرنه ولبسنه اهدومنه السود
ورايات الحزن رفت بالأيدين
يذكّرنه المحرم بالمعانات
المرت عالعقيله وهضمة البين
حين النزل بالطف ضعن النجوم
و وجود اخوانها امحلي الصوايين
وتالي ابلا خيم وابلايه خوان
وحيده ابين غربه وتهمل العين
تلم اطفالها من بين الخيول
وجمرات الخيم چوّن الرجلين
وتسمع تحت حافر خيلهم صوت
طحن اعظام اخوها ابن الميامين
ظلت حايره من يا جهه اتروح
صوب الحومه صوب النهر لو وين؟
صاحت يا حسين ان چان حي گوم
ولونه والگمر ما عنده چفين
يخويه گوم لينه ارجوك والحگ
ناس الما تعرف البخت والحگ
اجونه امسابگ اعلى الخيم والحگ
ولونه وفرهدوا عزنه آل اميه
الوكت ويه العدى وسفه علي دار
وانا بت فاطمه وعودي علي دار
حرگ چف الحقد گلبي علي دار
حرگها مثل دار امي الزچيه
الخادم المقصر فراس موحان الساعدي
/channel/zaainab505
نعي للعليله
اتأخر ويعرفني حنينه
واسمع شخص طب للمدينه
حسبالي راجع بالضعينه
واركضت ابشره صرت زينه
لن يعله ابن حذلم ونينه
ويصيح ابوچ امگطعينه
وذبح الاضاحي ذابحينه
على مصلايته يصب ماي العيون
ادعي بكل فرض يرجع بالضعون
لچن راح ابدرب ما احسه مضمون
شسوي بعيشتي لوما يرجعـون
وابطور العراق ارد انعّي
واسچب لبوي انهار دمعي
تعبانه واهوه اعلم ابوضعي
ادعيله وادري لحالي يدعي
جاي اذبل شما تمر ليام
وكابوس اشوف ابكل الاحلام
داسته خيول مشعبه اسهام
وفزيت وانا الطم الهام
من حافر يكسر بالعظام
نعي للقاسم
من بين جمع الهاشمين
شفناه يركض راح الحسين
حط جاسم ابحضنه وبالونين
ينادي يريحة ذاك الحنيّن
نجل الحسن ياگرة العين
ياويلي راسك غادي نصين
وضل يمسح بدمه ويگله
يالحتى من الگمر احله
الله يساعد گلب رمله
يادمع يم امك اهمله
وصاحت مره من گلب الخيام
بيضت وجه امك يجسام
بس ياهو ليه بدور الايام
احتاجك انا ابطبت الشام
يا بدري يامزهر يجيدوم
انساك صعبه وروحك اتحوم
وابثلم راسك گلبي مثلوم
مهدوم بيتي وحيلي مهدوم
امك بعد ماتگدر اتگوم
نعي لأم البنين ع
طب ناعي ينعه بلوعه واحساس
وبين الجموع الحابسه انفاس
طلعت مره تتخطه هالناس
گلتله گول شحال الاشواس
گله الثلاثه المشوا حراس
كلهم گضوا كلتله لاباس
وگلته وابني الكله نوماس
گلالها ومذبوح عباس
وگالت حسيني ابن الاقداس
گلالها مگطوعله الراس
ومن الخيول العاديه انداس
..
يابعد امكم موحش البيت
لثيابكم كل مره صديت
احضنهن وادعيلكم ريت
ميته عگبكم يالتروحون
ياريتيهن عميات العيون
..
كل غبشه عيني تصد للدروب
وباليل انطر تندگ البوب
يايمـه كون الهجر مكتوب
عاد ابحلم لمكم تسيرون
ياريتهن عميات العيون
..
يا عزوتي وياگرت العين
الحيل ما ضل لمكم يعين
خل بالكم يمه على الحسين
وعلى اليتامه بذيچ الضعون
ياريتهن عميات العيون
..
لايسمع حچايه وتأذيّه
ابن الزچيه وخايفه عليّه
بيكم الهم يمه او لا بيّه
وعدوانكم لا ما يرحمون
ياريتهن عميات العيون
..
عباس يا عزوتي وسلواي
ماريده يعطشه يمه للماي
ولو سهم عدوانك الك جاي
تلگاه ماريدن يعطشون
ياريتهن عميات العيون
#حسن #ميثاق #الربيعي
/channel/zaainab505
مأجور يا حيدر علي مأجورة يزهراء
...............................................
عجت أملاك السمه
والكواكب مضلمـه
علي يا حامي الحمه
قيم العزاء
نفخ بـــــوق القارعه
حان يــــــوم الواقعه
حسين لاكه مصرعه
وحان النداء
مأجور يا حيدر علي مأجورة يزهراء
.................................................
علـــــي حرز البسمله
ذبًحـــــــوا ناسه وهله
الوحده ما واحــــد أله
في كربلاء
عن يمينه وميــــــسره
علــــي وسبع الكنطره
روس ضلــــوا عالثره
بين العراء
مأجور يا حيدر علي مأجرة يزهراء
....................................................
وحده والعسكر حشد
أمنين ما فكـــــر يهد
أيسبـــح ويقره الحمد
كان الدعاء
من نضر طود الأجل
كـــــام للموت أرتجل
علـــــي يا خير العمل
شع الضياء
مأجور يا حيدر علي مأجورة يزهراء
............................................
نزل والعسكر هجم
وصار نيشان السهم
كلشـــي منه ما سلم
والشمرُ جاء
بكيفه جانت مشيته
وبيده جر أعمامته
حز وريده وركبته
فاض الدماء
مأجور يا حيدر يا علي مأجورة يزهراء
................................................
علـي يا بويه أنولت
زينب وبسمك نخت
كل أخوتـي أتذبحت
والله شاء
بويه تحضر حسبـت
وفاطمه تحضر ردت
بيكم شكــــــد حشمت
عنده البكاء
مأجور يا حيدر علي مأجورة يزهراء
.................................................
زينبك أم الخـــــــدر
أهلال بالطف منكسر
راس وجـفوف وعذر
عين الوفاء
مشت كوه عله الهزل
أكبال راس ابا الفضل
أتطيح وايجرها الحبل
بنت الأباء
مأجور يا حيدر علي مأجورة يزهراء
......................................................
خادم خدمة الحسين
الشاعر
محمد الموالي
/channel/zaainab505
قصيده للعليله عليها السلام
بقفلة- الهوسة-
عليله ياهلي بالبيت عفتوني
عيني عالدرب يايوم يلفوني
؛؛؛؛؛؛؛
اباوع عالغرف ظلمه وتبجيني
يبويه حسين بس ارجع وحاجيني
تره يومك صدك هل حيل عاميني
(عاميني /يايومك بويه)
✍️ساره المحمداويه
〰️〰️
ليش بساع شلتو واني عفتوني
عليكم ياهلي هل ذابله جفوني
دم احمر تسيل. عليكم عيوني
( حزنانه / الدار وتنحب )
✍🏻الشاعره ام نادين المحمداويه~~
يبويه الدار تبچي عليك حزنانه
تريدك يالعزيز اليوم ويانه
أصيح أنه ييمه الروح وجعانه
(يفراك الوالي /آذاني )
✍🏻ام فاطمة~~~
اباب الدار ابجي بدمعه هماله
صدك شال الحنين وماخذ عياله
ضل بالنوح گلبي الونه تحلاله
((لاهله الشالو /تحلاله))
*ام عــــــ✍️ـــراق الشمرية*~~
شايل وين يالوالي يالمجنه
اضل ابجي عليك واجذب الونه
كل خوفي عليك انه يبوسكنه
(يالغالي// يومك يفجعني)
✍🏻سلمى أم جعفر
〰️〰️〰️
عليلتكم مريضه والنزل خالي
يهذا افراگكم مامر على بالي
اناطر جيتك كل يوم يالوالي
( لعميها،،،عالشالوا عيني )
✍️الشاعره كلثوم الساعدي
____
*تـــمـ بعون الله تعالى باقلام شاعرات اهل البیت عليهم السلام في رابطة دموع العقیله عليها السلام*
لانجيز حذف الاسماء✋
🙏🏻نسالكم الدعاء🙏🏻
/channel/zaainab505