1027
اهز القلم هزة الشاجور ، واسطرهن حروف البيهن يثور .
قصيدة لسان حال السيدة زينب عليها السلام ،ليلة الحادي عشر.
ـــــــــــــــــــــــــــــــــــــــ
عالوطية اللیله مطروح الولي
نايـــم ومــذبوح آه يابو علي
••<<<{{{🔵}}}>>>•••
شلون ليلة اليلة مجروح الگلب
الجـثث عالگاع والمنـظر صعب
النار بگليبي بگت خويه تشب
تحرگ بروحي واصيحن ياهلي
✍🏻ام فاطمة الشويلي
••<<<{{{🔵}}}>>>•••
الليله اصيحن وينكم يهل الشيم
وعلئ النهر مطروح شيال العلم
والحسين علئ الترب منه شلم
من ظلام الليل ماشوف اليجي
✍️ام حيدر العبادي ناصريه
••<<<{{{🔵}}}>>>•••
تحرك بروحي بعد نار الخيام
وانه مضيعه الولي بدر التمام
وكل اخوتي مذبحه بحر السهام
امطبر ومذبوح یاتالی هلی
✍️ام حيدر العباديه
••<<<{{{🔵}}}>>>•••
اللیله اصعب لیله البینه تمر
حسین فوگ الأرض مگطوع النحر
جثته مسحوگه ودمومه تخر
خلاف عینه اعداه حرگو منزلی
✍🏻المیرزه ام ليلي الخاقانی
••<<<{{{🔵}}}>>>•••
بويه احضر ياعلي شوف الجره
اجساد اخوتي علئ الترابه مطشره
وانه مـــن الضيم ناري مسعره
بس يتامه وياي تصرخ بالخلي
✍️ام احمد المنصوري
••<<<{{{🔵}}}>>>•••
بس يتامه وياي هاليله بكت
وخويه من ضرب الصياط تألمت
وبتك ارقيه عليك شكد بجت
تكول وين الي يكلي دللي
✍️عاشقة العباس ام عراق الشمري
••<<<{{{🔵}}}>>>•••
تـــمـ بعون الله تعالى ـــت
بقلم شاعرات اهل البیت ع
في رابطة دموع العقیله ع
🤚لانجيز حذف الاسماء✋
🙏🏻نسالكم الدعاء🙏🏻
/channel/zaainab505
سلامي يا اميري ٢
انت عشگ رباني ..ياابو الحسن امامي
عاشك انه بوجداني.. ياابو الحسن امامي
بسمك يغرد لساني . ياابو الحسن امامي
من الزغر نادينه أنت علي والينه
من الزغر مولانه ..ياابو الحسن امامي
غذتني امي انه.. ياابو الحسن امامي
ثابت يضل عنوانه.. ياابو الحسن امامي
من الزغر نادينه أنت علي والينه
منهاج ثابت مولاي.. ياابو الحسن امامي
انت الهويه ومؤاي..ياابو الحسن امامي
تفداك روحي وعيناي.. ياابو الحسن امامي
من الزغر نادينه انت علي والينه
✍ ام فاطمة الشويلي
/channel/zaainab505
قصيدة لأبو الفضل العباس عليه السلام
ابو فاضل شهم ومأصل بغيره
من طب للحرب للكوم
دوهنهم
حي على الجهاد يصيح سودنهم
صوبين العده بالسيف فركهم
وجندل للعده وخلاهم بحيره
_
بحرب صفين ذكرهم بصولاته
خيال وشهم ويحامي خياته
وما يرضى العده ادوس خيماته
غيره ومرجله يا هيبه الديره
_
زينب ندهته وادك عله الهامه
شلون تعوف اخيتك بيد ظلامه
وهذا ابن ادعيه يصول بخيامه
مصائب يل لفتنه والله جثيره
___
يطشرها الزلم ويلمها بجفوفه
ابن حيدر علي صولاته معروفه
حيرها المنايه وكامت طوفه
سطر ملحمه ويا صعب تفسيره
___
يا غيره علي يا تاج عالراس
ترضه شلون زينب ويه الارجاس
تمشي ميسره وتتفرج الناس
ومعروف انت راسك نار بالغيره
_
يصكار الزيم معروف لو صال
يرعب لو نزل حيدر علي كال
يطشرها المنايا فوك الرجال
لو نظره نظر ترعب شواجيره
___
✍📘ام فاطمة الشويلي📘
القلم الزينبي
اهز القلم هزة الشاجور ، واسطرهن حروف البيهن يثور
/channel/zaainab505
هوسات للزهراء ع
اجينه يم حسن ابابچ الليله
نريد مراد منچ وانتي الجليله
عدنه هموم مولاتي تنضرينه
دخيلچ مولاتي تنجينه
خادمة الزهراء
✍️أم احمد الدريعي
*********
دخيلج يام حسن هالجيت عنايه
وكفت بحضرة ابنج رافعه الرايه
تزيحيلي الهموم وانتي وفايه
(عنايه جيتج يالزهره)
✍️ام سيف الزبيديه
*****+****
اجيتج يامولاتي شايل هموم
واحلفج بالزكي المات مسموم
تشافيني بجاه الراسه مقسوم
(ادخيلج يازهره اعطينه)
✍️ناعية كربلاء عاشقة الطف ام محمد آل درويش)
**********
غيثيني يازهره ياام حسن وحسين
مولاتي العزيزه وياضي العينين
فيناا هموم مرضى وشافي الطيبين
(خلصينه نجينه وكرمينه)
✍️منى جواد _ بحرين
*********
هموم هواي زيحيهه يامولاتي
بجاه المشت ويه الكوم وعليها تهل دمعاتي
اريد مراد من عندج الي ولكل حبيباتي
(تفرجينه الهم البينه)
✍️ام حيدر العباديه
*********يم الحسن جيناج وماتقصرين
عدنا حاجات للأمور تسهلين
طلبه طلبناج وندري انتي تنطين
( مز هالمرض تخلصينه)
✍️فاطمهالمطر _ام زاهر
**********
يگاصد ومعتني ودمعتي بخدي
دگيت باب الزجيه وجروحي تدي
اعد ايام واكولن هانت تعدي
(زيليهه يهموم البيه)
✍️ام فاطمه الشويلي
//////////////////
قصيدة طلب حاجة بشفاعة السيدة معصومة عليها السلام
يمعصومة الگلب زايد تره هموم
واحلفج بالرضا وجدج المسموم
هدتني المصايب والگلب هام
تعبني الوكت واليل ما نام
يمج حاجتي يابنت الاكرام
يم بابج اصيحن حيل مهضوم
------
نخيتج بالحزن وتهل الدموع
احلفج بالزجيه وكسر الضلوع
تشافين المريض الونه مسموع
گلبي من المصايب ينزف دموم
------
متعني بدموعي وجايب وياي
الج يخت الرضا متوجه بهاي
اعرفنج جليله وعندج الراي
انتي اخت الرضا وجايج انه اليوم
------
انتي اخت الرضا ونطلبج نريد
عندي هواي مرضئ وللدوه تريد
وكل يوم وعليه اهمومي اتزيد
تره صيتج وصل ولحدها الغيوم
-----
تمت
✍🏻
ام فاطمة الشويلي
/channel/zaainab505
شور للسبي طور قتيل العبره للملا علي باشا
*
/channel/zaainab505
جبل يازينب يازينب يازينب
تنادي بحيره حسين
حسرتي جبيره حسين
الزمن عاداني بلاولياني
جبل يازينب يازينب يازينب
صدك عفتوني حسين
ادير عيوني حسين
الدمع خاواني بلاولياني
جبل يازينب يازينب يازينب
انذبح كدامي حسين
اخويه الضامي حسين
الشمر راواني بلاولياني
جبل يازينب يازينب يازينب
الخيم حركوهه حسين
الحرم سلبوهه حسين
وسط عدواني بلاولياني
جبل يازينب يازينب يازينب
بحبل شدونه حسين
بهزل ركبونه حسين
الشمر طكاني بلاولياني
جبل يازينب يازينب يازينب
كفيلي وينه حسين
تشمتو بينه حسين
النذل حاجاني بلاولياني
جبل يازينب يازينب يازينب
يخويه الغالي حسين
انفطر دلالي حسين
العقيله آني بلاولياني
جبل يازينب يازينب يازينب
عكب مدلولي حسين
يشاهد طولي حسين
البعيد وداني بلاولياني
جبل يازينب يازينب يازينب
***
أم علي
/channel/zaainab505
(قصيدة لخدمة المشاية)
/channel/zaainab505
المشايه تبقه ونخدم المشايه
هذا وسام الخدمة هو الغاية
يله شد الحيل يلماشي بعجل
اتوكل عله الباري لتخاف الاجل
حسين واكف ينتظرنه بكل بجل
وأبو فاضل بيده شال الرايه
------
ثورة النه المشي ونخدمه الخدم
نقصد احنه حسين ونشد الجدم
ما نخاف الموت وشتدد العزم
مايهمنا الموت نمشي للمنايه
------
الشوك جابانه يغاتي اعله الجمر
نمشي ونطوف اعله زينب والخدر
نريد حب حسين منريد الأجر
نبقى الك طول العمر وفايه
------
اه ياعطر المواكب ياحسين
نخدم الزوار شاهدنه السنين
بالوفاء والجود درس ام البنين
جنه يا خدمة حسيني هايه
------
بخدمة الخدام لفنيه العمر
هالشعائر باقيه ورغم الكفر
اليعاديكم نزجره احنه زجر
ما نوفّي العهد هايه حجايه
------
تمت
بقلم ام فاطمة الشويلي
باقر الشويلي
/channel/zaainab505
*-قصيدة بحق السيدة رقية عليه السلام-*
الليله وي رُقية نلطم الليله
اندك اعله الوجه والمدمع نسيله
الليله اعله الزغيرة نلطم بوجعه
ماتت بالغرب بحسين منفجعه
تشوف الراس صعبة تجري الدمعة
هيج اوداع بويه كلبي يصدعه
(زغيرونه ماتت من ضيم )
---------
من ضيم الولي يرقية ونيتي
واعله الراس انتي حيل دگيتي
وصاحتها العقيلة يابعد بيتي
يابت العزيز الحيل هديتي
(يضربوه بتك يحسين)
--------
ما تحمل ضرب او لا تضربوها
زغيرة اعله الهضم ليش وتهضموها
مشت للراس تشكي يم ابوها
تكله ابنيتك بويه اشتموها
(وتكله انهض كوم ويايه)
---------
دكوم إِهلا يبويه وكحل اعيوني
واخذ ثار العقيلة عمتي ومتوني
وسفه يلابو بالسوط
ضربوني
يا سبع الحرايب بيك
فجعوني
(يفجعوها بتك يالوالي)
--------
هي مدلله وتريد ابوها الحين
وعله راس الولي خلصت يااحله سنين
يزيد بكل حقد جابوله راس حسين
شهگت روحها والدمعة بالعين
(نعزيها زينب برقيه)
تمت
✍ام فاطمة الشويلي
/channel/zaainab505
.
ام جعفر:
فزاعيه حول الامام السجاد
سكنه عله اخوها اتريد ونات
وتريد ونه من المضيعات
شايل وليها وتجر حسرات
نزله
*اتون وياي. كل من شال واليها*
*لو صارت هظايم. وين تحجيها*
تعاي وياي خن نلطم عله الوالي
وتذكر عشرته.وتون عله الغالي
بعد شالت حسافه جلمة الغالي
*منج غربت جاوين تلكيها*
وين الضايكه الوعه تجي يمي
لابو الباقر تون يستاهل ابن امي
شال اليوم مني اليشرك ابهمي
*والغرب اخوها ومايرد ليها*
يستاهل تون الخال البنيه
وما تبطل ونينه كون يوميه
حنين الشال عني وينشد عليه
*واخلافه اريد العين لعميها*
بعد شال الولي وجاوين تلكينه
وضيعتي الحنين وغمضت عينه
مكسوره ولاخوها ونت سكينه
*وتريد التون لأجله وتعازيها*
تعازيها وتجر هليوم وناته
عله المات وعمر يبجي عله اخياته
مهظوم وسبيهن زاد لوعاته
*والدمعه عليهن ظل يجر بيها*
*لخادمة الزهراء. العلويه ام جعفر*
غير مبري الذمه من يحذف الاسم وياخذ الكلام .
/channel/zaainab505
*قصيدة بحق ابو الفضل العباس عليه السلام*
حسافة ابن الحياده طايحه امتونه
ياخويه السبع ..هضمه يضربونه
يا هضمة المثل عباس مصيوب
هذا الكون كله اعليه مگلوب
وسكان السمه تنعاه وتلوب
ابن حيدر علي وسفه يلجمونه
------
حسافة ابن الحيادة طايح الليلة
مكطوع الجفوف الما حمل عيلة
نايم بالشمس محد يفييله
وخيول العده ضربتهن اعيونه
------
وسفه اسباع اشوف مطرحه ونومه
طلع جون وتسودن شاگ اهدومه
شاف حسين واگف وحده بالحومه
ناده شهل المصيبة شلون خلونه
------
اختكم هل مشت والحال مرديه
حسافه الحيد نايم ما دره بيه
تعاين الي الزلم وتكول مسبية
وعباس المضيغم بعده مشونه
------
صحت يحسين خويه وين ابو الغيره
خذوا سلوة حياتي. وطايحه بحيره
شلون تنام عيني وانه ايسيره
اكعدوا والبلد جدي دردونه
تمت
✍ام فاطمة الشويلي
/channel/zaainab505
قصيدة للأمام الحسين
( عليه السلام )
حسين ملعب صار للخياله
ادوس بيه العده وين ارجاله
وينه خل يفزع كفيل العيله
حسين باقي ومحد يفييله
بالشمس عالكاع ياهو يشيله
والبجي والنوح ضل يحلاله
_
حسين آه يحسين مرمي بالطفوف
اخته فرت بالخله ماخذها خوف
نّار شبت بالخيم محد يشوف
وين اخوتي مخدرات بجاله
__
وين راعي الموزمة وحيدر علي
حسين حزوا منحره وراحو هلي
و العقيله ميسره وماكو ولي
الراس هل فوگ الرمح دم ساله
___
صرخت النسوان صاحت يالكفيل
خويه يا عباس والمدمع يسيل
تعتب ب اهات واحزان وعَويل
گوم ياعباس شوف اعياله
__
كوم يا عباس رحت ميسره
بالهظم والنوح يابت حيدره
انه بت حامي الحميه امحيره
بين ايتام وحرم هل حاله
___
لاتگلي شلون عفتيلج اخو
بالهظم والسوط مشاني العدو
انه ام الدين ويگلي لفو
عالهزل مشوني هالعّياله
---------
تمت بقلم الشاعرات
ام باقر الشويلي
و
ام فاطمةالشويلي
/channel/zaainab505
ام جعفر:
ام جعفر:
فزاعيه حول مصرع الحسين
حسين اشلون كلوله بخواته
مايدري الشمر طكهن بناته
نايم مادره يا حيف الحسين
ظل صوط الشمر فوك النساوين
جا يرضا الولي وبهاي راضين
يمشن وي عدو ومرافجاته
كلوله الولي لا يغفه هليوم
وزينب ضايعه وبوليت الكوم
اندهولي الحنين يعجل يكوم
عليهن ظيم صار ورايداته
مايدري الشمر من طك رقيه
يخويه حسين شوف تلوذ بيه
بكتري اتصير واشكفهن بديه
طكات الشمر للمدللاته
كلفه وداعتك ماتنحمل هاي
وتبجي الفاكده يحسين بهداي
تاه من العقيله تدري كل رأي
تحشم من اهلها الطيبه ذاته
اهلنه اشلون بينه ما تكعدون
وبهاذا السده ماظن تعلمون
خواتك يالولي ماعدهه كل لون
ومضيعات واليهن صفاته
لخادمة الزهراء. العلويه ام جعفر
غير مبري الذمه من يحذف الاسم وياخذ الكلام وينسبه له م
/channel/zaainab505
*نعي للشباب*
(القاسم ابن الحسن عليه السلام )
لسان حال السيدة رملة عليها السلام.
جابك للخيم عمك يوالي
كوم انهض يبعد امك يغالي
بعدك لا طاب عيشي وهنالي
-----
مثل جرف النهر ريت انه وياك
انته الماي يمه واكعد احذاك
تعبني يجاسم يمه ارباك
-----
ساعة تشمه وساعه تهمش الخد
ولك يمه يقاسم كلبي تمرعد
ما احمل اشوفك نايم بالحد
شلك بالكبر ونوم اللحود
-----
ربيت الولد والولد شل حالي
جا وين ذاك الربه يمه ودلالي
خابت اضنوني قاسم يوالي
-----
يبن بطني عالت الناس
داروا علينه كوم الارجاس
وليه ولونه وماكو حراس
-----
صحت يمه بعالي الصوت
ذاخرتك وشيلت التابوت
غفل خذاك مني الموت
------
✍ام فاطمة الشويلي
/channel/zaainab505
قصيدة الى الامام ابو الفضل العباس عليه السلام...
وين حماي الضعينه
خل يجي يدافع علينه
راحت الحرة سبيه
وهي تنشد عالحميه
ليش ابو فاضل رميه
صعبة والله يا ولينه
~~~~
انظر الأجساد صرعه
مرمرو بتج يبضعه
حايرة زينب وتنعه
احنه يا خويه ابتلينه
~~~
الله اكبر يا مصيبة
ابن ابوي منين اجيبه
اذوا الحرة النجيبة
يضرب ونشكف بدينه
~~~
كوم يا راعي الوديعة
ليش نايم عالشريعة
وسفه ياجف الكطيعة
والسبع ما يدري بينه
~~~~
امشي واتلفت عليهم
بس جثث ما روح بيهم
عزاز كلبي موذريهم
اه يا روحي الحزينة
✍ام فاطمة الشويلي
/channel/zaainab505
#نزله_للرضيع
#دموع_الرباب
يابعد عمري وحياتي الصافيه
رحت من عندي وخذيت العافيه
عبد الله يابعد العمر
دموعي نزلن من جمر
*---------------*---------------*
افز باليل وگماطه اشمه
ولولي من جذب وبحضني اضمه
تره افراگ الضنه يوجع ييمه
اهز مهدك واناغيك
يوردة عمر اتانيك
ليش بگبر اخليك... بديه
يمه مساهره العين
ترف نحرك يالحنين
ست أشهر يالحسين.. المنيه
عيني مانامت ابد يوليدي
الله لا ينطي الخذاك من يدي
طيوفه اشوفنها تمر
دموعي نزلن من جمر
*---------------*---------------*
احلم لو صدك ميته تراني
اني الوالده عبدالله اني
يالطولك شبر نحرك عماني
يمه صوتي سمعه
اهز بالمهد وانعه
حفرت خدي دمعه.. حسيناه
روحك ذبلت اليوم
بيش تطلبك الگوم
يعبد الله يمضلوم... اويلاااه
انتهت عشرتنه وصفت جوه تراب
وحتى رمش العين يبني مني شاب
يوليدي من صابك شمر
دموعي نزلن من جمر
*---------------*---------------*
افز بليل واتذكر محاجيك
عمت عين السهم يوليدي ماذيك
لو تنسام يمه بعمري اشريك
يطلبني الدهر بيش
مني وياخذك ليش
يبني وردتك تعيش.. حبيبي
عبدالله يمذبوح
زادن بيه الجروح
بمصابك كثرت نوح... نصيبي
زغير ابني عالذبح اه يالسهم
ليش تذبح رگبته هذا الشهم
صدري گام اعليه يدر
دموعي نزلن من جمر
*---------------*---------------*
مات لما حسبته يموت ياناس
ليش ازغر جسم بالخيل ينداس
مايفزع علينه عمه عباس
بنحرك تغفئ الاسهام
يلما. كملت عام
ليش تعيش الآلام... يروحي
يمه عگبك شلون
تغفئ گلي العيون
وادري ماترجعون... ينوحي
ريت يايمه السهم صاب الگلب
لااشوفن نحرك ودمعك يصب
كون و خيالك يمر
دموعي نزلن من جمر
*---------------*---------------*
ليله الفاجده خل تلطم وياي
لبني لمات غفله وماشرب ماي
روه بس السهم من رگبة ضناي
يمه ودمعي سجاب
وجرحك بيه ماطاب
زغير مغطه بتراب... بحنيني
اهاتي وحسرتي
تعله يمه ونتي
وماتطفه جمرتي.... ونيني
بين اديه يموت ياوسفه الضنه
عمره ست شهور ماكمل سنه
عبد الله ياوجه الگمر
دموعي نزلن من جمر
*---------------*---------------*
خادم السيده زينب ع
✍باقر جبار الشويلي
نسالكم الدعاء
/channel/zaainab505
الج بيرغ هيابه ....اليوم ينشال
وانتي ام الوفه ...والربت ارجال
تسجله البيارغ للوفه ساس
هاي ام الهيابة امك يعباس
يشيعوه بمواكب رفعة الراس
تستاهل لطمنه ام الابطال
====
تستاهل لطمنه ودگ المتون
وكل هيئاتنا اليوم ليشيعون
تستاهل عراضه فدوه لم عون
نمشي للبقيع نسوي زلزال
======
الج بيرغ هيابه اليوم يلحرة
وماجورة تره للوافت الزهرة
تستاهل لطمنه الخدمة العترة
تسوين النياحة والدمع سال
=====
الج هوسات نعرض بالمياديين
تستاهل عراضه لربت حسين
يرفعة راسنه هاي ام البنين
يم عباس نعمين وكفو الگال
====
انتي ام الوفه وضحيتي باولاد
فده لحسين كلهم ذوله الامجاد
يعلويةويساس الطيب الاجواد
الج بيرغ نشيله هسه بالحال
====
تمت باقلام خدمة الحسين عليه السلام
✍ باقر الشويلي
✍ام فاطمة الشويلي
/channel/zaainab505
نخوة يم حسن نخوة نريد
عافي المالوم ولعلته شديد
-----------
نخوة يم حسن زيلي الهموم
الناس ما ترحم ابد كلها تلوم
جيت يم بابج اصيحن واشتكي
خادمج محتاج وبگلبي الدموم
اه يازهره المرض كلش عنيد
___
معتني ومحتاج وبگلبي حجي
جار وياي الزمان وبس بجي
نضره مولاتي اريدن فزعتج
بيكم انخه والله بيكم ارتجي
انتي ذخري والطلب منج اريد
_
نخوه يامولاتي اريدنج سند
انتي للمحتاج وانتي ام الشدد
حيل علاني المرض ياوجعتي
وين اديرن وجهي ماعدي سند
دمعه بعيوني الوجع كلش يزيد
____
والله يامولاتي تعبني المرض
حيل بعضامي يكسرني ويرض
وانتي باب الله والباري شهد
گال لجلج خالقه طول بعرض
والج مديت اديه وادري يفيد
_
نخوه يازهراء شوفي حاجتي
من المرض بعضاي اشكي وجعتي
لاتعوفيني بهضم وانه انتخي
كل وكت انخاج هاي طلبتي
ماادور غير بابج مااحيد
📝📝📝
تمت باقلام الشاعرات
✍باقر جبار الشويلي
✍ ام فاطمة الشويلي
١٤٤٣/ جمادى الاخر/٢
/channel/zaainab505
نعي للزهراء عليه السلام
حنينه عليه الوالده امي
عكبج ييمه البيت يعمي
شالت وخلتني بهمي
عنت عليه الدللتني احوي يمه
✍ساره المحمداويه
------
بعدج ييمه بهضمـــي ضليــــت
وخالي وحشه ومضلم البـيـت
انه الضحكتج يحبيبــه حنيــت
ماينحمل ضيم العليه ااااااخ
✍🏻 الشاعره نور الناصریه
-----
وين الوالده التشرك بهمي
وين الكاج يحبيبه يمي
طاري الوالده يسري بدمي
منى جواد = البحرين
-----
ماالج جيه يل حنينه
اغيابها ترا إثر علينه
ردي البيتج ياحزينه
تريدهه هليوم بتهه
احوه ييمه اااخ
✍🏻ناعيه كربلاء عاشقة الطف ام محمد آل درويش
------
يم المحنه موش تبطين
يالغاليه ويم كلب الحنين
عليه وعله بزري تنشدين
✍️الشاعره كريمه البو حلوه
-------
يا يمه عليه لا تبعدين
وبيه يشفجه لاتكطعين
اگطع الضنه لو ترجعين
ااحووي يا نار گلبي
✍🏻 ام زينب الأسدي
------
يمته ترجعين يم المحنه
خليه لدار بيتج هضمنه
ترجعين لو نكطع االضنه
اوف يمه عيوووني
✍ام فاطمة الشويلي
------
ماننسه كسرج يل زجيه
ونتذكر ونتج يالهاشميه
ننعاج ونسويلج عزيه
احو يمه احو يمه
✍️فاطمه المطر ام زاهر
------
على امي لحنينه أعمي عيوني
انا عكب الوالده اكطع اظنوني
ترى عكبج يم هلا هدلن امتوني
احو على كسرة ظلعها
✍🏻ام سيدحسن
-----
تــمت بعــون اللــہ
/channel/zaainab505
غدر السقيفه… من اول خليفه
لا للغرابه…... ماهم صحابه
باعو الدين بسهوله بيوم گالوا للرسول
يهجر وهجمو سويه وطبوا لبيت البتول
شلون اكدر راح افهم للتساوي وشرد اكول
هيه وادمنه غشيمه ساوت بين العقول
فعلا عصابه... ماهم صحابه
العاشروا طاها وعترته بساع باعوها الذمم
يدعون اصحاب وسفه حرفوا هذا العلم
من عهد يوم السقيفه خطوا الحقد بقلم
كسروا ضلوع الزجيه هاي اولها النقم
ووين القرابه.... ماهم صحابه
منين صحبتهم بعيده الشاهد بحرب الجمل
حاربو حيدر علينا المحد الحده وصل
جان اخو هوه الرسوله وفده نفسه بكل محل
الصار ضد حيدر فعلهم وعاشو بذاك الامل
وضاع انتخابه….. ماهم صحابه
ذوله مو اصحاب اقصد راح اعدلك بالاسم
من عمر ذاك اللعين وصاحب الغار القسم
غيروا كل الشريعه وشرعوا دين الرجم
حللوا دمها الزجيه ولعلي شدوا حزم
لدفعوله بابه.... ماهم صحابه
لايزال الحقد قائم والمخطط بي اثر
المامشه بمنهج عمرهم عنه كالو شو كفر
حللوا دمنه يوادم والذبح عدهم فخر
هذا منهجهم نعرفه الخله ابو اليمه وذر
لكشر نيابه.... ماهم صحابه
✍ابو سلام الجابري
✍باقر جبار الشويلي
/channel/zaainab505
عندما عادت عقيلة بني هاشم عليها السلام
الى ارض الوطن دخلت دار أخيها الحسين
وراتها خاليه ؛كأني بها تقول ...
قصيدة مع رباط هوسه
-----
يادار العزيز حسين يبجي وخالي
تريد راعي الدار شلت حالي
تشكي الدار كله والحياطين
وين حسين ذاك ابن السلاطين
شال وراح نام ابنص ميادين
《 مضيعينه •يحسين ابن امي》
ولج يادار عازيني واعازيج
شلون يشيل عنه اليوم واليج
ضلينه بهضم والضيم غاطيج
《جاوينه• تنشدني الدار 》
هذوله اهل المحنة شلوا احوالي
متروح الصور يا ناس من بالي
كل كتر بغيابه صار ينعالي
《عالراح من ايدي• حزنانه》
راح حسين مني والزجيه
وبالينه الوكت باعظم بليه
خذاك الموت ياخويه منديه
《تنعاهم •ياروحي اليوم 》
ولج يادار شالوا عنج اهلي
اشوفج مضلمه وبس دمعي يهلي
احس نار بدليلي عگبه تغلي
《خلوانه • يادار العزه》
--------------
✍تمت بأقلام خدام الحسين ✍
✍ام فاطمة الشويلي
✍باقر جبار الشويلي
١٤٤٣/جمادى الاول/١ .
___
/channel/zaainab505
سدّو مضيف الهله
يالدمعتچ سايله
الليله ادفني الحسن
واتحضري الكربله
ــــــــــــــــــــــــــــــــــــــ
عله الخوّان ابچي يالعقيله
راح الشال الاحمول الثگيله
روحي بدمع عينچ ثوبيله
احسين ايريد تابوته يشيله
اول اخو ينفگد
اول طشت بي چبد
ثاني طشت بي نحر
من تنسبي العائله
ــــــــــــــــــــــــــــــــــــــ
راح الچان عطرج من يشمه
يگول الله عطرچ كله رحمه
الكريم الــمجتبه وثاني الائمه
بتربان المگابر ضاع رسمه
لاام بقه ولا ابو
والليله ادفني الاخو
نصبي اله الفاتحه
ونوحيله يمدلله
ــــــــــــــــــــــــــــــــــــــ
ديوان الكرم هالليله سدّوه
وادلاله انچفن وافــراشه لموه
نعش المجتبي بسهام يرموه
والعباس يصرخ آخ سمعوه
وبسرعه جر صارمه
واحسين اخوه كلمه
گلاله ضم صارمك
للطف يبو المرجله
ــــــــــــــــــــــــــــــــــــــ
يم قبر النبي ودّو اخوانه
والملعونه گالت ياهو اجانه
لتدفنونه يم النبي اهنانه
الحسن ممنوع مو هذا مكانه
ملعـونه يم الجمل
الهادي بحقدهه انقتل
وامعاويه الطاغيه
هم كمل السلسله
ــــــــــــــــــــــــــــــــــــــ
مشو بي للبقيع اهل المحنّه
غريب الحسن يازينب كأنه
زين وهم شبعتي اوداع منه
احسين الخيل باجر ياخذنه
اتشوفينه من الخيم
يشرب رگبته السهم
ساعه ويجيچ الشمر
راسه ابرمح شايله
ــــــــــــــــــــــــــــــــــــــ
على اتراب الحسن فرشي عباتچ
الليله وياه ماتن ذكرياتچ
الليله شيعو نص من حياتچ
دلالچ راح هالليله وغلاتچ
دفنو احزام الظهر
وظهرج يحره انكسر
يحله ابعزاءه البچي
والنوح يستاهله
ــــــــــــــــــــــــــــــــــــــ
ترك يمچ امانه ابن الهواشم
گلچ هذا يختي اوليدي جاسم
اريد ابمقتله اتطيح العمايم
وماريده يجيني اهنانه سالم
العمه يضحي العمر
حتى انه بيه افتخر
ولـمن يجي بلا نحر
خل رمله تستقبله
محمد الجماسي
/channel/zaainab505
قصيدة طلب حاجة بشفاعة السيدة معصومة عليها السلام
يمعصومة الگلب زايد تره هموم
واحلفج بالرضا وجدج المسموم
هدتني المصايب والگلب هام
تعبني الوكت واليل ما نام
يمج حاجتي يابنت الاكرام
يم بابج اصيحن حيل مهضوم
------
نخيتج بالحزن وتهل الدموع
احلفج بالزجيه وكسر الضلوع
تشافين المريض الونه مسموع
گلبي من المصايب ينزف دموم
------
متعني بدموعي وجايب وياي
الج يخت الرضا متوجه بهاي
اعرفنج جليله وعندج الراي
انتي اخت الرضا وجايج انه اليوم
------
انتي اخت الرضا ونطلبج نريد
عندي هواي مرضئ وللدوه تريد
وكل يوم وعليه اهمومي اتزيد
تره صيتج وصل ولحدها الغيوم
-----
تمت
✍🏻
ام فاطمة الشويلي
/channel/zaainab505
قصيدة تقرأ شور او حيدريه
مرمي اعله الكاع اه يابو علي
الليله أملاك السمه تنعه الولي
الليله روح الزهره مذبوح وغريب
من الگفه منحور عريان وسليب
امدد اعله الگاع ويلي يالحبيب
وعيون زينب بس دمع منهه يهلي
-----
الليله النسوان تبجي امرمره
انجتلت الخوان وينك حيدره
وتنحب اعله الصار ذبحو منحره
هضمه يا عباس امشي ابلا ولي
-----‐
الليله العباس مرمي اعله الفرات
تصيح زينب ويلي كلنه حايرات
بس حرم واطفال ناحن فاكدات
وبالخرايب گلي ياهم ينجلي
--‐---
الليله خدر حسين يمشي بلا زلم
طلعوهن خويه من حرگ الخيم
ولسبوهن ابد ماعدهم شيم
بس عليل شلون بيهن مبتلي
------
والعليل دموعه تجري من هضم
تنضرب كدامه عمته اكبر جرم
وبالحبل مشدودة اديهن هالحرم
شلون ياال النبي تبات بخلي
تمت ✍
ام فاطمة الشويلي
/channel/zaainab505
*قصيدة لسان حال السيدة زينب عليها السلام*
اصيحن يااخوتي حركوا اخيامي
اعاين للنهر عباس هالدامي
اصيحن ياخوتي ومافزعتوا
شلون شلون بيه مالحگتوا
بنص النار اختكم مادريتوا
صحت يحسين مايوصل كلامي
-----‐------
اعاين للنهر واندب يعباس
افزعنك جفيلي خدري انداس
حرگوا خيمتي ياگوم الارجاس
نار وخيل منها خافت ايتامي
--------------
اعاين للنهر عباسي ممدود
مرمي اعله الفرات ويمهه الجود
بعد هيهات يرجع لينه ويعود
ترضه شيمتك مامش محامي
-------------
ما يرضه الغيور نداست اخيام
شال الروس بيده ضارب الهام
وسفه ابن الدعي ياخذها لشام
ريت انه العمه ولا شوف كدامي
-------------
ريت انه العمه ولاشوف خوان
عافوني اسيره و بيد عدوان
راحوا كل هلي معتازه وليان
بعدكم لا عشت بالراحة ايامي
--------
ام فاطمة الشويلي
/channel/zaainab505
#قصائد_للسبي
#طور_يابوفاظل
*ها يزينب.•.•.•والخيام بلا زلم*
*ها يزينب.•.•.•والجفوف بلاعلم*
*ها يزينب.•.•.•شلون حالج بالسبي*
*ها يزينب***ها يزينب*
✿────↻✿...✿↺────✿
✿────↻✿...✿↺────✿
طايح انته وبيك شفت انه الفجيعه
من المخيم شاهدت جثه صريعه
وبجبينه كافلي سهم الشريعه
عله حالي شاهدت تبجي الوديعه
*ومن ااشاهد.•.•.•جفه وي راسه وگع*
*ومن اااشاهد.•.•.•حافر بصدره انطبع*
*ومن ااشاهد.•.•.•خيمه انته والعبي*
✿────↻✿...✿↺────✿
من اشاهد عالوطيه الگاع حمره
بلحظه وحده اختل شعوري بيه جمره
وين ادور ياكفيلي وحرت بامره
حسين وحده بكربله ياخويه احظره
*واعدتني.•.•.• يبن حيدر يالفحل*
*واعدتني.•.•.•مايمرر زينب زعل*
*واعدتني.•.•.•لخدر باقي والنبي*
✿────↻✿...✿↺────✿
شحال گلبي يم كفيلي موذرينه
بعيني اشاهد مصرعه واسمع ونينه
والجفوف مگطعه تومي علينه
ياكفيلي شلون حالي ماتجينه
*والله كلفه.•.•.•بنار حرگوها الخيم*
والله كلفه.•.•.•والي مالها ااالحرم*
*والله كلفه.•.•.•امشي لۆاحبي حبي*
✿────↻✿...✿↺────✿
يابوفاظل والسهم من صابه عينك
والزنود مگطعه ا يسره ويمينك
ماگلت زينب تضل تسمع ونينك
حسره خويه بالگلب الله يعينك
*وانه وانته.•.•.•مثل شمعه وانطفت*
*وانه وانته.•.•.•روح وبلحظه انتهت*
*وانه وانته.•.•.•للخوه انته مطلبي*
✿────↻✿...✿↺────✿
ياكفيلي اعله النهر موراح اودعك
هاي اخر لحظه الي بيها ارد اشمك
موداع اختك يالكلف يااريت اضمك
موذر انته يالبطل ياهو ليغسلك
*ودعتكم.•.•.•يلي نمتوا عالترب*
*ودعتكم.•.•.• ماشيه وي الغرب*
*ودعتكم.•.•.•بيده يضرب الاجنبي*
✿────↻✿...✿↺────✿
✿────↻✿...✿↺────✿
#لايسمح_تغير_اسم_الشاعر
✍باقر جبار الشويلي
بقلم الشاعر باقر جبار الشويلي
بصوت المبدع حازم الدشكتي
زينب حشمت عباس
وتريد اليحاميه
احشمنه واريده اليوم
وينك يابطل جيدوم
ومتعنيه عليها الگوم
جا المن مخليه
==========
هاي الكوم اجت ليهه
ماتنغر يواليهه
گوم ودافع اعليهه
محد ضل يواسيه
=========
اشتعلت نار بالخيمه
زينب طرت الهيمه
صعبه يلاخو هضيمه
شيردهم بعد ليه
=========
خويه محمل العيله
حيلي باد ونحيله
امشي لعلي واشكيله
ما تنهض يواليه
=========
تشكي هاي تحجيله
خويه مالت الميله
ويومك ما الي حيله
گوه تگوم ما بيه
=========
تمت بقلم خادمة الامام الحسين عليه السلام
ام فاطمة الشويلي.
١٤٤٣/ جمادى الاخر/٣
القلم الزينبي
اهز القلم هزة الشاجور ، واسطرهن حروف البيهن يثور
/channel/zaainab505
__
༻ ༺قصيدة طور شور
لسان حال مولاتي فاطمة العليلة عليها السلام ༻ ༺
••༻ 🕊 ༺..
*عمه.. حكي اعتب عليكم روحي خلصانه
*عمه ...من يوم المشيتوووا وأنه وجعانه
*عمه ... ابوي الغالي راح وروحي ولهانه
ذل وهظم // اه ياحالي .. آه يا حالي ..آه يا حالي
شمعه ذبت // بويه يالغالي..بويه يالغالي ..بويه يالغالي .
يبويه وين يبويه وين يبويه وين .
﴾😭﴿.••༻ 🕊 ༺••﴾😭•﴾
*،حيره ...راحوا كِل هلي بس انه خلوني
*حيره ..محمله وبالضعن بس آنه عافوني
*حيره ...علي السّجاد خويه ذبلن عيوني
دمعة وحزن //خلصت أيامي ..خلصت أيامي..خلصت أيامي
يوم المشو //زادت آلامي ..زادت آلامي..زادت آلامي .
يبويه وين يبويه وين يبويه وين .
﴾😭﴿.••༻ 🕊 ༺••﴾😭•﴾
*غايب .عن عيني ابوي وزايد اونيني *غايب.صبر ايوب أصبر باقي اسنيني
*غايب... شلي بالعمر يابوويه تدريني
هم وقهر //خلصت سنيني ..خلصت . سنيني ..خلصت سنيني .
راح الابو // فكَده ياذيني .
يبويه وين ..يبويه وين ...يبويه وين .
﴾😭﴿.••༻ 🕊 ༺••﴾😭•﴾
*نحيله ...هداني المرض ولحيل ما بيه
*نحيله ...ثكَلتني الهموم وجارت الدنيه
*نحيله .شفت اشكَد محن خلتني محنيه
كلبي امتحن //بيكم أحبابي..بيكم . أحبابي..بيكم أحبابي .
ليل وسهر // لا إجه إجوابي..لا إجه اجوابي..لا إجه إجوابي .
يبويه وين يبويه وين يبويه وين .
﴾😭﴿.••༻ 🕊 ༺••﴾😭•﴾
تمت بقلم ✍
#خادمة_العترة_ام_فاطمة_الشويلي.
لا اجيز حذف الاسم أو نسبه القصيدة لاي شخص .
_/channel/zaainab505