5928
لم تنفعها الصيدلة ولم تنقذها الفلسفة كل ما افعله هو " اسولف " @Zuhairah1988bot
مُربين قطط الشوارع يكونون عبارة عن ناس تحب تسولف هواية قد توصل احيانا ل حشر انفها في امور الاخرين لكن النيّة جيدة والهدف هو المساعدة لا اكثر ولا اقل بس يبقى ازعاج
بينما مُربين قطط الزينة والقطط الاجنبية شيرازي بقى سكوتش سيامي سيبيري الخ
هذولة يكونون عنصريين، انتقاديين جدًا وداگهم البؤس
قد يتسائل الانسان ليش زهراء الانسانة تبلك اخوها الانسان وعدد البلوكات عندها بتويتر ٥٤٠
Читать полностью…
اكرر اخاف احد فهم كلامي غلط
بلوتو ما حيكون بتأثير سلبي او ايجابي ماكو هيج بطة تلعب شناو
ماكو هيج شي
تأثيره يكون تغيير جذري عاد كل بشر وشلون يتعامل ويا الامور اكو اللي يتهستر ويشوف كلشي سلبي وميعرف يطلع من التغييرات اللي دتصيرله ميعرف يتقبلها
واكو يعرف يتعامل ويعرف يلگى منفذ بكل شي
يعني احنا لو نجي للخرائط السنوية نقيس الاحداث السلبية والإيجابية من كواكب معينة ابرزها المريخ وين حيتواجد بهذيج السنة بخريطتك السنوية تعرف عاد انت شحيجيبلك اشياء سلبية
بينما بلوتو؟ بلوتو حبوب جدًا
عدكم طوالع ( اكرر طالع وليس برج الشمس ) الاسد راح يحكم بيتهم السابع واللي يمثل العلاقات والزواج
يا تتزوجون حب حياتكم يا تكرهون تشوفون وجهه
ممكن اكو بيكم يتعرضون لخيانة من اصدقائكم
يعني صديقتج ويا حبيبج
بالعافية
بلوتو بصورة مختصرة يلزم البيت الفلكي اللي موجود بيه ويگلبه ١٨٠ درجة
ايام مثلا بلوتو السرطان من ال١٩١٤-١٩٣٩ شبعوا الوادم حروب وكلها تهجرت من بيوتها وتقريبا كل الممالك والامبراطوريات انهدمت وصعدت الجمهورية وگامت الشعوب هي اللي تختار حُكامها
لان السرطان يحكم البيت الرابع والبيت الرابع يمثل لنا العائلة والجذور والطفولة
زعابيل فلكية
بلوتو دخل لبرج الدلو بعد ما صارله ١٦ سنة ببرج الجدي
كون بلوتو هو كوكب يلطش بالبرج مدة طويلة يعني يمشي على بيض مكسر لحدما يكمل دورة كاملة (١٥-٢٠ سنة) ويطلع من هالبرج ويدخل باللي بعده
حيكون تأثيره بطيء جدًا وعلى مدى سنوات طويلة يطلع هالتأثير
مواقع الدلو كلها على بعضها تتأثر بالصورة الرئيسية كون الدلو يحكم البيت ال١١ واللي يمثل لنا التواصل والثورات والسوشيال ميديا
ف هالاشياء حتگب عيطة بيهن 😂
لو نجي نشوف شوكت اخر مرة جان بيها بلوتو بالدلو حتى نقارن الاحداث
اخر مرة جان موجود ف هي بايام الثورة الفرنسية اللي بدلت اقتصاد العالم الغربي واللي صاروا نوعًا ما اوادم وصحوا على نفسهم
بلوتو حيخلي مواقع الدلو يصحون على نفسهم مثل اللي صار ويا الاوربيين زمان ويبلشون ياخذون خطوات بمجالات بعمرهم ماچانوا يفكرون ان ها ممكن اطلع من منطقة الراحة
تأثيره على الطوالع ينحسب بالدرجة الاولى
بما معناه احسبلي طالعك وين ( يعتمد على ساعة الولادة لحساب الطالع )
حتى تعرف شنو ممكن يتغير ب بيت الدلو عندك
او تگدر تشوف الكواكب الموجودة بالدلو وكذلك الاتصالات وتحسبها
ماودي أكون من اللي :"سكت دهرًا ونطق كفرًا" لكن أسكت عن الموقف لمكانة صاحبه، وأعديّ ذاك بدافع النُبل، وأتحاشى عن كثرة الكلام تحت مسمى المحبّة والعشرة
Читать полностью…
هذا الصمت الذي يرتديه قلبك رغم فصاحتك، يشبه ابتلاع الليل أحيانًا؛ النور في طلعة وجهك، والليل في صدرك
Читать полностью…
مُربين القطط ناس بيسك عادية جدا غالبًا منفصلين او عندهم مشاكل في الالتزام بالعلاقات فقرروا يجيبون قطة
مُربين الكلاب هنا حيتقسمون حسب نوع الكلب بس بصورة عامة يشتركون بصفة وحدة.. يريدون يتزوجون حب حياتهم ويكونون عائلة
غالبًا ميكونون مخلفين طفل فهالكلب مالي حياتهم
مُربين الطيور مثل مربين الكلاب حسب نوع الطير اذا يسولف او يغني او بس هيچ كاعد بس ايضًا يشتركون بصفة وحدة انهم كائنات تحب البهجة
غالبًا ما يعانون من الadhd
وتلگاهم مسوين قناة تليگرام لو حساب تويتر يسولفون بيه كلش هواية
مُربين السلاحف عبارة عن ناس خريجين فنون جميلة لو هندسة والسلحوف بالنسبة لهم اختيار ممتاز لان ما يتطلب الكثير من العناية مثل الحيوانات السابقة
مُربين الاسماك.. امه جبرته عليها معندوش اي خيار ثاني
شفت تغريدة بتويتر استفزتني ومدالگاها حتى ارد عليها ف راح ارد هنا
ببساطة دتحجي عن باسم يوسف شلون هو يدرس طب وبقى بمجال الطب ١٩ سنة وراها عافه وطلع من عنده وكذلك ايضًا هذاكليوم شفت وحدة عراقية مسويه نفس الشي وايضًا هم شفت الاقتباسات على هاي التغريدة عن وحدة سعودية تتكلم عن زميلتها اللي ايضًا تركت الطب بالسنة الاولى لهن سوى والله يابو اني ادور شي احبه ويمثلني وامثله
طيب
مختصر مفيد سالفة اعوف الطب او اي مهنة لها تعيين حكومي او تعيين مضمون وفلوس مضمونة وان كان راتب زهيد، بظل الظروف المهببة اللي احنا فيها دي
سالفة فقط للي عندهم رفاهية كافية وفلوس واهل يصرفون عليهم
فيما عداه احنا جماعة الطبقات المتوسطة بلا ما تجي هالفكرة اصلًا براسنا لان بظل الاسعار الحالية حننزل من المتوسطة لتحت التحت
والحمدلله مستورة هي، بس الواحد يفكر بعقل
اكرر
اللي ماعنده رفاهية اهله يصرفون عليه وينطوه فلوس يفتح مشروع ويا ينجح يا يفشل
ليفكر بهالسالفة اصلًا
ان بقت هالقناة ٢٠ سنة وان بقيت اني على وجه الكوكب عشرين سنة حرد لهاي الرسالة واگللكم هل حققت حلمي بكون ان اصير تدريسية او لا
انتظرونا
المهم هسه مو هنا سالفتي
سالفتي ان لو ان شاءالله رب العالمين انطاني عمر طويل بدون هالمرض اللي متعبني ف اني ما حكون شاهدة غير بس على بلوتو القوس ( انولدت بيه ) وبلوتو الجدي وبلوتو الدلو وبلوتو الحوت ( ٢٠٤٤-٢٠٦٨ ) واذا رب العالمين قرر ان يكافئني وينطيني عمر بهالدنيا بعد عود يلا اوصل لبلوتو الحمل
ححچي عن طوالع الجوزاء لكوني منهم
باعتبار الدلو حيكون بخرائطنا بالبيت التاسع فالتغييرات حتكون هنا على ٣ خطوط
الدراسي،الديني والعقائدي، السفر
دراسيًا قد احدكم يبدل مجال دراسته باكمله او مايطلع المعدل اللي يريده ويروح تخصص لا على البال ولا على الخاطر او يكمل تعليمه العالي
حيكون هواي اكو تعامل ويا المعلمين والمدرسين والاساتذة طوال ال٢٠ سنة الجاية
او بمجال التدريس عامةً
من الاشياء المفضلة عندي بهالدنيا من الاصحاب يعبرون عن حبهم وفخرهم ببعض
Читать полностью…
اوعدكم الكورس الجاي ( الاخير ان شاءالله ) يومية كشخة يومية مكياج يومية ايلاينر جديد
Читать полностью…
انتم ليش مصرين ان تخلون التخرج اسوء تجربة ممكن تمر عليّه بحياتي
Читать полностью…
يعزّ عليّه فكرة
ان اكو انسان بهذا الكوكب يشوفني انسان عادي
شنو يعني اني مو افضل شيئ شفته بحياتك؟
احتاج علاج سلوكي
يا حزني واسفي على اللي ما يعرفوني عن قرب.. فاتتك ١٩ شخصية اخرى غير هاي
Читать полностью…
اتمنى الله يرزقني الوظيفة لان اولًا اني اشطر كتكوت ثانيًا احب الاحتراق الوظيفي والعمل صحيح اشتكي هواي واتذمر واسبسبهم ولكن ما تلگون احسن من شغلي اريد اشتغل هواية بهالدنيا بحيث السيڤي مالتي يصير دفتر ابو ال٣٠ ورقة والبنات اللي عمرهم ١٧ سنة يباعون حسابي بلينكدان ويگولون الله شوكت نصير هيجي
يارب بس ييسر لي الطريق
اخر دروس ٢٠٢٣ ان اسوء شي انك تحاول تحيي علاقة قديمة
اتركوهم يا ولاد.. كما قالت السيدة فيروز اللي بيروح مش لازم يرجع