5928
لم تنفعها الصيدلة ولم تنقذها الفلسفة كل ما افعله هو " اسولف " @Zuhairah1988bot
ان جيت للحق ثنينهم غير مهمين ولا يستاهلون بس هذا طلعنا بصورة غير مباشرة وهذا تشمت بينا وحار شسوه
فأني اللي بوجهي مراية اشجعه احسن من ما اشجع المسموم اللي محسوب عليه جار
اوريون.. سديم الجبار♥️
وهذي الشخبوطة هي طيارة عكرت صفو كاميرتي
النكتة اللي بالموضوع
مالك سلسلة الفنادق هذه
عراقي الجنسية
اللي شفته من عندهم خلاني ليهسه اسأل هالسؤال
هو الواحد من يطلع من بلده هيجي يحبه ويحن اله لو هذي اڤوره منهم؟
للي يتسائل هل عراقيو المهجر خاصة القدامى كلهم يتشابهون بالشكل الخارجي والشخصية والاسلوب وحتى الكلام مهما كان وين عايشين ومن وين جايين وكلهم نفس التصرفات وان تصرفات احمد حلمي ببداية فلم عسل اسود صحيحة او لا
ف أي جميع ما سبق صحيح
لا وجوه بيها رحمة وبركة لا لون بيه حظ شنو احمر هو هذا هم لون شعندنا كرسمس لو احتفالا بعيد الحب
Читать полностью…
مرة امي گلتلي ان انتظري لحدما تعبرين الاربعين سنة وبعدها ما راح تهتمين لأي احد شنو يسوي شديسوي بشنو سابقج
كل اللي تريديه تخلصين يومج بسلام وضغطج يكون مستقر
ف احب اگول لامي ان وصلت لهالنقطة ببداية عشريناتي عادي؟
انتم مثلي مدتفتهمون كلام مشرف البحث مالتكم لو هاي بس اني؟
اقسم بالله مدافتهم هالرجال شيريد مني
لكل طلاب الصيدلة عدا طلاب الخامسة
الكورس الاخير بحياتكم بكلية الصيدلة حيكون بيه مفاجأة زغنططة كدة
المفاجأة هي، مابيه اي مختبر عملي
فقط مختبر واحد
يعني وداعًا للحوامض والقواعد والتسحيح والحبوب والكبسول والشرابات وامتحانات العملي وسحب الدم وفحص العينات وروائح مختبر العقاقير والحسابات الصيدلانية
البارحة اسولف لصديقة سُنية فلسطينية كون هناك اصلا ما يعرفون شنو يعني اهل البيت ف تنبهر بكل مرة من اسولفلها القصة، بعد كم ستوري نشرتهم للامام علي عليه السلام بمناسبة ولادته سألتني منو هالانسان فظليت اسولف لها ( تاريخيًا وليس دينيًا ) كل اللي گالته جملة وحدة وظلت تكررها وتكرر جمل مثلها ( بحسني متدايقة إنو ما علّمونا هاد الكلام وبحبك دائمًا بتعطيني الصافي )
ف الحب اللامشروط اللي ما دا افهمه واحمد الله عليه للامام علي غريب كلش
ممكن لانه هو مثل ما گلت مو مجرد شخصية دينية هو شخصية تاريخية لو نجي لحياته من ناحية التاريخ والسياسة حنشوف هواية امور وفقرات الواحد يظل صافن ان اكو انسان مر بتاريخ الانسانية كلها بهالعظمة والحكمة هاي
تخيلوا يا جماعة انا عندي اصحاب ربوبيين واكو منهم ملحدين :/
بوفاة الامام علي وبولادته ينزلون عنه
يعني فعلًا عليّ اية وعليّ راية.
صرت من هذولة الناس اللي كل كلمتين الثالثة حاط كلمة انگليزي وهالشي ديزعجني لان فعلًا مو الكل تعرف اللغة هاي فلهذا دينّشل لساني علما الگالي المرادف الصحيح باللغة العربية وتحديدًا باللهجة العراقية
Читать полностью…
منو راح لحنة التخرج مالته وتندم؟ ومنو ماراح وتندم؟ احتاج اجوبة
Читать полностью…
ها وبعد الاتراك عنصروا عليّه ايضًا هالمرة
بس هذوله عبالهم اني من باقي الجنسيات العربية اللي لو اطلع اعيط واصيح وارزلهم لو اصورهم وابچي
لا عيني، مارست عليهم عراقيتي
سويت نفسي ثولة كلشي ما افتهم لا عربي لا انگليزي لا تركي كلشي ماكو حتى لغة اشارة
كل خمس دقايق ادگ على الريسبشن لحدما گام ما يشيله فگمت انزل له وعلى طلبات تافهة جدًا
ها اللحاف ماعاجبني لونه، ها البطانية ليش هيجي قديمة اريد وحدة مغسولة عدل، ها التعلاگات قليلة احتاج بعد ملابسي هواية، ها الباب مال بلكونة مااعرف افتحها
جلطته .
لحدما بعدها بيومين يگلي از ايڤري ثينق اوكيه؟ گتله شنو هو الايڤري ثينق؟ يگلي ماعرف هل انتي مرتاحة كتله شدتشوف گلي مااعرف يعني هو سؤال كتله والمفروض انت الرسبشن تعرف اجابته
بعدين طلعوا اهلي هم مارسوا عليه عراقيتهم لان ضوجهم
عيل خسيس
اخر سفرة بالرجعة حطوني بعيد عن اهلي وكلنا متفرقين واني گعدت بالبداية
بداية الطيارة كلها عراقيو المهجر جايين ترانزيت وهاي جانت طيارتهم الاخيرة ( الثانية للبعض والثالثة للبعض الاخر )
عادةً من تصعد بالطيارة محد يحب يسولف الا ٣ اشخاص: الاب، ام مسافرة وحدها وشاب عاجبته بنية
هذولة وجميع فئات البشرية كلهم يسولفون هالمرة فاستغربت والسوالف لطيفة فهالشي خلاني استغرب اكثر وذبوا ميانة بسرعة وهالشي خلاني ادخل بقوقعة الرهاب الاجتماعي لان اني انسان كلش اگلب خلقتي بوجه اي احد يحاول يذب ميانة وياي بدون ما انطيه مجال من گدما امي مخوفتني بالطفولة ان الناس تخطفج وتمشي
ف هذولة ديسولفون واني اريد افصل عنهم وكلهم قصصهم شكل
يعني ثنين نسوان جبيرات وحدة عايشة عمرها كله بلندن وتجي كل فترة للعراق حسب كلامها لان لكنتها الانجليزية من احلى اللكنات اللي سمعتها بحياتي، تگول مااتحمل وجانت لطيفة جدًا
الثانية جانت بنهاية الاربعين عراقية ساكنة بين لندن والمانيا وهاي النزلة الاولى لها بعد ٣ سنوات واول ما نزلنا تگلي انتي شگد جميلة وشنو هالعائلة الحلوة وتشم بالهوى تگول الله هذي ريحة بغداد واللخ اللي هي ام لطفلين تطلع بنص ثلاثيناتها تگللها اي والله شكد مشتاقتلها ( النزلة الاولى لها بعد خمس سنوات )
واني صافنة: انتوا بتقولوا ايه يگدعان ؟
النوب الرابعة بنت شابة لسه ويا اهلها تحجي ويه اهلها فرنسي وتركي وانكليزي وعربي وكأنسان يلگط كم كلمة من كل لغة غرت لان تعرف تسولف كل هذني بطلاقة
تصيح ahh i miss baghdady
النوب اكو واحد وهذا هو الاهم ، هذا بالبداية عبالي ديتحارش بعدين طلع لا هو هيجي يريد يسولف كلش هواية لان ببساطة عايش بروسيا صارله بال١٢ سنة وهاي اول نزلة اله بعد كل هالسنوات ويريد بس يسمع عراقيين ويسولف وياهم
يعني هذا بالذات ينرادله بوست اخر لوحده
عمومًا نستنتج من هذا كله ان من گلولي انتي وين عايشة المفروض افتهم ان اني هم شكلي من عراقيو المهجر بس ليهسه فرصتي مااجتني
خلاشوف وين حنشمر بالنهاية
شتسوون من المادة جبيرة واول مرة تشوفوها وثاني يوم الامتحان؟
Читать полностью…
والله لو لا سامح الله فازوا
احسنلهم ينهزمون
لان العراقيين محيعوفوهم بحالهم
هذولة شبيهم مشتغلين يذبون رجل چنهم اني من چنت صغيرة كلما اريد العب ويه اخوية مصارعة اذبله رجل
Читать полностью…
منو مثلي مرات يفكر يروح باجر للعمادة ويسحب ملفه الجامعي ويتزوج ويتستر بالبيت
Читать полностью…
شيجرالك حمود الخضر اذا سويت يا هلا بالحلم نسخة ٢٠٢٤ شيجرالك يعني
Читать полностью…
متلازمة كل شوية اطلع الروب والقبعة والبس لبس التخرج واگعد اقرا
Читать полностью…
اخذني الواهس ويا هالبنية بس يعني خلتني اصفن على شغلات
شرحتلها ليش اسمهم الشيعة
ليش يصلون على التربة
قصة واقعة الطف كاملة بتفاصيلها
تاريخ بني اُميّة وعلاقتهم مع العباسيين وتاريخ العباسيين نفسهم
تاريخ بني اُميّة وعلاقتهم مع الرسول واهل البيت
اصول هذولة كلهم
الواحد يحمد ربه ان هو عراقيّ اقلها يگعد يتعلم هذا كله وهو بنفسه يختار اي جانب او طريق يكون بيه
الباقين مُسيرين ولا يفقهون شيئًا
يجوز ارجع اكمل باقي الطوالع
اكرر طالع وليس برج
الطالع ينعرف من ساعة الولادة