5928
لم تنفعها الصيدلة ولم تنقذها الفلسفة كل ما افعله هو " اسولف " @Zuhairah1988bot
بفلم احلى الاوقات استاذ عبدالسلام يگللها لسلمى اني ماگدر احبج هسه لان اني جنت احب سلمى البنية الصغيرة وانتي هسه ست كبيرة وناضجة ويگللها احنا مننفعش لبعض
مادري شلون فات هالمشهد هيجي
استاذ عبدالسلام طلع بيدوفيلي
اني مو من محبي الشعر الشعبي سواء بالقصائد الحسينية او الشعر الشعبي اللي يتناولوه العراقيين بالمجالس الادبية وامقته كلش بصراحة بس هذا رهيب ماشاءالله تبارك الرحمن عليه جلدي كزبر
هالقصيدة رواية تاريخية بس بطريقة الشعر الشعبي
( طب لا تبقى متاني هلا بحسين الثاني ) ديروي قصة مسلم بن عقيل من اجه للعراق وغدرو بيه بنو أُميّة ظل يمشي ميت من العطش والجوع وتعبان كلش وحيد وما عنده اي احد فوصل لبيت واستقبلته امرأة تسمى ( طوعة ) ف هو مستحي كلش فگلتله شنو تريد گللها اريد مي وانطته وبعد حوار اكتشفت ان هو مسلم ابن عقيل وتهسترت وحلفت يمين الا تحميه لكن للاسف عندها ابن من مناصريّ بنو اميّة ف راح وبلغ عنه وقتلوه
القصيدة تروي وتحچيلنا هالقصة واكو جزء بيها وكأنما السيدة طوعة هي اللي دا تتحدث
هلا بحسين الثاني..
وحدة من القصائد اللي اكتشفتهم هالسنة ( هلا بحسين الثاني ) وتحياتي الحارة لاهل المشخاب على هالقصيدة لان هيچي كلمات وهيچي فكرة محد يكتبها الا واحد دارس القصة كلش زين ويعرف هو شديحچي وروحه فداء للنبي والحسين واهل بيتهم عليهم السلام والصلاة اجمعين
وهو هذا الشعر الشعبي الحقيقي مو هذا الخريط والخربطة اللي دنسمعها بباقي القصائد
بس اسمعوا مقطع ( مسلم مو صدگ والظاهر اسمك حيدره )
( قَالَ إِنَّمَا أَشْكُو بَثِّي وَحُزْنِي إِلَى اللَّهِ وَأَعْلَمُ مِنَ اللَّهِ مَا لَا تَعْلَمُونَ ﴿86﴾ )
Читать полностью…
الايفون ١٥ اكبر خدعة
تحسه طفل صغير بس يصخن ويفقد شحن بسرعة وكاميرته بائسة
واحد معترض على شلة بنات لان دا يصورون طيب شنو المشكلة؟ لمؤاخذه دافعلها اي شي من جيبك؟
اللخ معترضة على لبس البنات بالجامعة وبالجم وهي تدري كلش زين بطبيعة الاهل والمجتمع العراقي وان هنا ماكو هواية اماكن هواية حتى نلبس كل شيئ بنفسنا ونطبق مقولة ( لكل مقام مقال ) بالمعنى الحرفي
تگول خلي نتحضر باللبس ونرتقي بالاجانب
همه الامريكان يروحون للدوام ببجامة
الثالث منزعج لان اكو رياضة جديدة نازلة بالعراق ويگول تفيكون
الرابع يعيب على اللي يشربون مشروبات معينة ويگول وين ثقافتنا العراقية طيب الف سلامة على ثقافتك بس هالاشياء من باب التجربة محد مدخل الطبقية بالموضوع غيرك والله العظيم انت دتشوف ان المقابل اللي ديسوي هالشي هو ( فايخ وعنده فلوس ) اذن انت دا تخلق هالطبقية
يعيب على البنية لان مشتريه حمرة غالية طيب شنو المشكلة هي مجمعتها من مصروفها او راتبها حتى تفرح نفسها بهالشي
ينتقد فلان اذا قرر يمارس مراسيم وطقوس معينة تخصه هو فقط وديسويها بحاله بالرغم من ان بأول صفحة من كتاب الوطنية بالثالث متوسط ماخذين عن كون البلد اللي احنا بيه ديمقراطي
ليش دائمًا لازم نلگالنا شي ونطلع من عنده سالفة؟ يعني احنا كمجتمع ماعندنا هواية امور ترفيهية نونس نفسنا بيها ليش حتى نوگف لبعض على الخطوة والحركة؟
استخدموا اسلوب البلوك سواء بالواقع او بالنت احسن ممكن يؤدي الى الانعزال بس حتى اريحلك واريح للمقابل
كمية بلوكات رهيبة اسويها يوميا للناس لإن اسلوب حياتهم ميعجبني وما يعجبني يجي يأثر عليه واذا هالشي حيضوجهم ف حشرحله بكل سهولة ان ماعجبني اسلوبك وباي باي
ليش لازم ان الكل متقيد ببعض
من اسمه مكان عام، اذا انت ضايج من اللي جايب اطفاله وجاي او ضايج من اللي جايب لابتوبه او كتبه حتى يدرس او يشتغل او من البنات اللي جايين يلتقون بعد مدة طويلة فهاي مشكلتك مو مشكلة احد ثاني
طالما المقابل ملتزم باداب الذوق العام فمو من حقك ابدًا ان تطلع وتحچي عليهم لان الگاع مو گاع البابا انما گاع اللي خلقنا وخلقك وگاع الدولة وگاع صاحب المكان طالما هذولة ال٣ ما معترضين فماظن انت رأيك مهم
يارب يسر لنا الرزق واهدينا نفسية راضية، راضية حامدتك وشاكرتك على كلشيئ ما تتوقع اكثر او اقل من رزقها وتطمح ان تنول رضاك دائمًا قبل كل شيئ🤍
Читать полностью…
فيه كاتب اجنبي وصف الوحدة باحساس كلش على الجرح.. فيگول
"Let's say you have a deep sense of inner loneliness, It's so deep that you have trouble sleeping at night, and during the day it makes you very sensitive...."
نفس الشي، طيارة ثانية طالعه من امريكا يوم الاثنين ب١٠ الصبح حتوصل لنيوزلندا ثاني يوم ب١٠ بالليل ( ٢٢ ساعة الفرق بينما هي المسافة كلها على بعضها ١٢ ساعة )
هالشي دوم يخليني اسأل السؤال اياه
هو ليش الزمن هيچ؟ وليش محد حاسبله حساب ان هو شيئ قوي بالرغم من ان غير ملموس
بوحدة من الحلقات عايزة اتجوز ولان اني فارغة وقررت استغل رياضياتي
دتگول علا ان راتبها ٥٢٥ جنيه
كون ان المسلسل بال٢٠١٠ مصوريه ف طلعت سعر الصرف من الدولار للجنيه المصري وجان ١ دولار يساوي خمسة ونص جنيه
من اجيت احسب مالتها الراتب بالدولار.. يطلع قريب ال٩٠$🥴 وهي صيدلانية!
ال١٠٠$ جانت تتصرف على ٥٦٠ جنيه بوقتها
ليهسه ما مستوعبة لان اني رياضياتي كلش سيئة
المهم من اجيت احسب راتبها بقيمة العملة مال هسه
ال٥٢٥ جنيه هاي.. دتساوي ١١ دولار
المهم منشور ماله داعي بس دنوضح ان التضخم حقيقي وماكو داعي الريزو ب٧ الف وراتب الموظف لو يطخ المليون لو ما يطخ
ڤيديو الطبيب اللي دا يضرب الاثنين اللي ديتعاركون بالطوارئ بالسماعة الطبية بيغسلني من جوه هيجي فد ارتاح نفسيًا من اشوفه لان مبين هو روحه طالعه من الشيفت وهذولة جايين يتكافشون گباله والامنية مديگدرون يفرقون بيناتهم لان مبين متعافيين
الطبيب: شو دتعالوا لابوها من هيجي حياة
كل سنة بمحرم وصفر طول هالشهرين استحي اگول اني من العراق والله😂 لان كل ما اجي اقرا التاريخ مال القصة ( تاريخ مجرد من العواطف والتحيز تجاه اي طرف ) اگول عمت عيني عليهم هذولة ششافوا! والله العظيم استحي لكوني عراقيّة على اللي سووه بيهم
Читать полностью…
من سوالفي اللي محد يفهم ليش اسويها من اشوف فلم واحبه كلش والاگي كوپل بالفلم واريد اشوف شگد فرق العمر بين الاثنين بالفلم كعلاقة يعني
فهالعلاقة وحدة من اكثر العلاقات اللي اموت عليها بعالم السينما والمحبين عامةً
هنا رقية ( هنا شيحة ) عمرها ١٩ سنة
و مهيب ( اشرف عبدالباقي ) عمره ٤١
فرق ٢٢ سنة بس بعدني اشوفهم لايگين سوية
اكتشفت ان عندي استعداد اتناقش سياسيًا ومذهبيًا ودينيًا ويه اي احد الا بموضوع ان كون الارض مسطحة او كروية
يعني جربت البارحة بس اكتب تعليق حتى ماتناقشت اجتني ردود خلتني احذف الكومنت
مستحيل شگد الوادم شافطة وماخذه الموضوع على صدرها اوي كدة
تعبت من الناس اللي تعترض على الطلاب من تقرا بكافيهات او على الناس اللي تعترض من ام جايبه طفلها بمكان عام يعني وين تروح مثلًا؟ وين تنطي وجهها وين تخليه؟ ماكو بالعراق ثقافة الday care اخلي ابني بمكان مثل الروضة لساعات معينة واني اطلع اسوي اللي اريده وارجع اخذه وبالاضافة الى مال الطلاب واللي يشتغلون بكافيه اني لو على زمني جان موجود هالشيئ هم جانت استغليته ابشع تستغلال لان وببساطة اكو ناس ينجزون اسرع من يكون بوسط هوسة وضوضاء وحركة
ما تبطل انتقادات وتعيش حياتك هي كلها سبعين سنة شگد نقناقي
طول عمري الفظها hadi git عبالي يلا تعال
طلعت hadi gel
التركية الى اين
احيانًا اشتاق للفترة اللي چان بيها تلفوني گالگسي نوت ثري وهذا الخط اللي اقرأ بيه الپوستات
Читать полностью…
الاتراك عندهم تاركان احنا منو يواجهه بالعراقي؟ اظن رضا العبدالله
Читать полностью…
مجددًا الفراغ وما يفعل
منو يريد يسافر بالزمن ويرجع للماضي عمليًا وتقنيًا؟
تگدر تطلع من سيدني الاسترالية لهونولولو الامريكية
بالرغم من ان مثل مدتشوف المسافة قريبة حسبة ٨ ساعات بالطيارة
لكن هونولو هي اخر مكان بالعالم تشرق بيه الشمس
وسيدني هي من اول الاماكن بالعالم تشرق بيها الشمس
سيدني حاليًا هي عدهم اليوم ثلاثاء ب٣ الفجر
وهونولولو عندهم يوم الاثنين ب٧ الصبح
يعني ابو سيدني حيرجع للبارحة
ياه
صرت مثل ابوية من گاعدين دنريد نشتري شي غالي ويجي، تدرون الحرب العالمية الثالثة راح تقوم
زين تدرون احنا راح نتحول مثل مصر ولبنان
زين تدرون ان الدولار ديصعد يوم عن يوم
عزة دا اصير مثل ابوية!