5928
لم تنفعها الصيدلة ولم تنقذها الفلسفة كل ما افعله هو " اسولف " @Zuhairah1988bot
دا اريد ابلش نظام غذائي واني من شهر اربعة اللي فات يومية اجبر روحي اكل وجبة وحدة وجنت اذب الصوچ بالامتحانات
هسه تخرج وتخرجنا الحمدلله ديله فسريلي شنو هاي
هاي اني هسه بهاللحظة اللي دا استوعب بيها الكلام اللي انگالي قبل فترة هو بسامير مو شقة ( مزاح وغُلّ ايدك )
طيب ليه
اسلوب الحياة الصحية كلش غالي يعني شنو چيس ماتشا ب٤٥ الف
علبة چاي البراري الصغيرة بالفين
هاي ٢٢ علبة چاي براري ونص
تكفيني ٣ اشهر كاملين
ويگلك صير صحي
احلم ان اكسسواراتي ومجوهراتي يصيرون كلش هواية لدرجة اگدر افتح بيهن محل صغيروني
Читать полностью…
مازالت علامات ان زواجي قريب وفي هذه السنة تحديدًا تزداد يومًا بعد يوم لكن الحقيقة والواقع لا يوجد شيئًا
اوافيكم بآخر الاخبار او اگللكم اذا شفتوني ناشرة صورة بحر فجأة بدون اي سابق انذار اعرفوا تزوجت
احنا دنحاول ندفع الايام بالگوة وبالف يا علي ويا رب ويلا ميخالف وتهون وتعدي
مع ذلك كلشي دينهار ونرجع نصلحه
نسمع ان هالشيئ عليه اجر، الصبر بحد ذاته عليه اجر
بس الى متى؟
بفلم احلى الاوقات استاذ عبدالسلام يگللها لسلمى اني ماگدر احبج هسه لان اني جنت احب سلمى البنية الصغيرة وانتي هسه ست كبيرة وناضجة ويگللها احنا مننفعش لبعض
مادري شلون فات هالمشهد هيجي
استاذ عبدالسلام طلع بيدوفيلي
اني مو من محبي الشعر الشعبي سواء بالقصائد الحسينية او الشعر الشعبي اللي يتناولوه العراقيين بالمجالس الادبية وامقته كلش بصراحة بس هذا رهيب ماشاءالله تبارك الرحمن عليه جلدي كزبر
هالقصيدة رواية تاريخية بس بطريقة الشعر الشعبي
( طب لا تبقى متاني هلا بحسين الثاني ) ديروي قصة مسلم بن عقيل من اجه للعراق وغدرو بيه بنو أُميّة ظل يمشي ميت من العطش والجوع وتعبان كلش وحيد وما عنده اي احد فوصل لبيت واستقبلته امرأة تسمى ( طوعة ) ف هو مستحي كلش فگلتله شنو تريد گللها اريد مي وانطته وبعد حوار اكتشفت ان هو مسلم ابن عقيل وتهسترت وحلفت يمين الا تحميه لكن للاسف عندها ابن من مناصريّ بنو اميّة ف راح وبلغ عنه وقتلوه
القصيدة تروي وتحچيلنا هالقصة واكو جزء بيها وكأنما السيدة طوعة هي اللي دا تتحدث
هلا بحسين الثاني..
وحدة من القصائد اللي اكتشفتهم هالسنة ( هلا بحسين الثاني ) وتحياتي الحارة لاهل المشخاب على هالقصيدة لان هيچي كلمات وهيچي فكرة محد يكتبها الا واحد دارس القصة كلش زين ويعرف هو شديحچي وروحه فداء للنبي والحسين واهل بيتهم عليهم السلام والصلاة اجمعين
وهو هذا الشعر الشعبي الحقيقي مو هذا الخريط والخربطة اللي دنسمعها بباقي القصائد
بس اسمعوا مقطع ( مسلم مو صدگ والظاهر اسمك حيدره )
( قَالَ إِنَّمَا أَشْكُو بَثِّي وَحُزْنِي إِلَى اللَّهِ وَأَعْلَمُ مِنَ اللَّهِ مَا لَا تَعْلَمُونَ ﴿86﴾ )
Читать полностью…
الايفون ١٥ اكبر خدعة
تحسه طفل صغير بس يصخن ويفقد شحن بسرعة وكاميرته بائسة
واحد معترض على شلة بنات لان دا يصورون طيب شنو المشكلة؟ لمؤاخذه دافعلها اي شي من جيبك؟
اللخ معترضة على لبس البنات بالجامعة وبالجم وهي تدري كلش زين بطبيعة الاهل والمجتمع العراقي وان هنا ماكو هواية اماكن هواية حتى نلبس كل شيئ بنفسنا ونطبق مقولة ( لكل مقام مقال ) بالمعنى الحرفي
تگول خلي نتحضر باللبس ونرتقي بالاجانب
همه الامريكان يروحون للدوام ببجامة
الثالث منزعج لان اكو رياضة جديدة نازلة بالعراق ويگول تفيكون
الرابع يعيب على اللي يشربون مشروبات معينة ويگول وين ثقافتنا العراقية طيب الف سلامة على ثقافتك بس هالاشياء من باب التجربة محد مدخل الطبقية بالموضوع غيرك والله العظيم انت دتشوف ان المقابل اللي ديسوي هالشي هو ( فايخ وعنده فلوس ) اذن انت دا تخلق هالطبقية
يعيب على البنية لان مشتريه حمرة غالية طيب شنو المشكلة هي مجمعتها من مصروفها او راتبها حتى تفرح نفسها بهالشي
ينتقد فلان اذا قرر يمارس مراسيم وطقوس معينة تخصه هو فقط وديسويها بحاله بالرغم من ان بأول صفحة من كتاب الوطنية بالثالث متوسط ماخذين عن كون البلد اللي احنا بيه ديمقراطي
ليش دائمًا لازم نلگالنا شي ونطلع من عنده سالفة؟ يعني احنا كمجتمع ماعندنا هواية امور ترفيهية نونس نفسنا بيها ليش حتى نوگف لبعض على الخطوة والحركة؟
استخدموا اسلوب البلوك سواء بالواقع او بالنت احسن ممكن يؤدي الى الانعزال بس حتى اريحلك واريح للمقابل
كمية بلوكات رهيبة اسويها يوميا للناس لإن اسلوب حياتهم ميعجبني وما يعجبني يجي يأثر عليه واذا هالشي حيضوجهم ف حشرحله بكل سهولة ان ماعجبني اسلوبك وباي باي
ليش لازم ان الكل متقيد ببعض
مذكراتي العزيزة، السلام واما بعد
عمري بيمر على ملل ومهل وامل
لول
اكو موضوع مضوجني كلش بس داحاول اغلس عليه
اللي ديگول ان ليش دتروحون تركيا وتقفيص وما يحترمون العرب
طيب نجي وياكم
وين اروح كعراقي؟
يعني كعائلة، عندك تركيا هي الحل الامثل بعدها تجي ايران
ثنينهم بيهم تنوع مختلف لمختلف الدرجات الاقتصادية من الاماكن الvip الكلش كلش غالية للاماكن اللي بمتناول الجميع
اذا اباوع على سوريا ولبنان فهي مو للعوائل
الاردن كذلك
الامارات عائلية بس تعتبر غالية ويحتاجلها صرف هواية فقط للسكن والگعدات من غير الصوغات والمشترى
اوروبا صعب والفيزا مااظن تطلع للكل
المالديف للكوبلز، وتيكت الطيارة غالي
مصر حلوة بس هناك تجارب العراقيين كلش سيئة اغلبها منتهية بتقفيص او مبيوگين
السعودية شايليها من الحسبة
ارمينيا وروسيا وشرق اوروبا مو الكل رايحيلهم فالتجارب قليلة
بيلاروسيا سدوها على العراقيين
اذربيجان مو عائلية
يعني جديات الواحد وين يروح؟ من تنتقدون ظاهرة انطوا وياها حلول
ڤيديو الطبيب اللي دا يضرب الاثنين اللي ديتعاركون بالطوارئ بالسماعة الطبية بيغسلني من جوه هيجي فد ارتاح نفسيًا من اشوفه لان مبين هو روحه طالعه من الشيفت وهذولة جايين يتكافشون گباله والامنية مديگدرون يفرقون بيناتهم لان مبين متعافيين
الطبيب: شو دتعالوا لابوها من هيجي حياة
كل سنة بمحرم وصفر طول هالشهرين استحي اگول اني من العراق والله😂 لان كل ما اجي اقرا التاريخ مال القصة ( تاريخ مجرد من العواطف والتحيز تجاه اي طرف ) اگول عمت عيني عليهم هذولة ششافوا! والله العظيم استحي لكوني عراقيّة على اللي سووه بيهم
Читать полностью…
من سوالفي اللي محد يفهم ليش اسويها من اشوف فلم واحبه كلش والاگي كوپل بالفلم واريد اشوف شگد فرق العمر بين الاثنين بالفلم كعلاقة يعني
فهالعلاقة وحدة من اكثر العلاقات اللي اموت عليها بعالم السينما والمحبين عامةً
هنا رقية ( هنا شيحة ) عمرها ١٩ سنة
و مهيب ( اشرف عبدالباقي ) عمره ٤١
فرق ٢٢ سنة بس بعدني اشوفهم لايگين سوية
اكتشفت ان عندي استعداد اتناقش سياسيًا ومذهبيًا ودينيًا ويه اي احد الا بموضوع ان كون الارض مسطحة او كروية
يعني جربت البارحة بس اكتب تعليق حتى ماتناقشت اجتني ردود خلتني احذف الكومنت
مستحيل شگد الوادم شافطة وماخذه الموضوع على صدرها اوي كدة
تعبت من الناس اللي تعترض على الطلاب من تقرا بكافيهات او على الناس اللي تعترض من ام جايبه طفلها بمكان عام يعني وين تروح مثلًا؟ وين تنطي وجهها وين تخليه؟ ماكو بالعراق ثقافة الday care اخلي ابني بمكان مثل الروضة لساعات معينة واني اطلع اسوي اللي اريده وارجع اخذه وبالاضافة الى مال الطلاب واللي يشتغلون بكافيه اني لو على زمني جان موجود هالشيئ هم جانت استغليته ابشع تستغلال لان وببساطة اكو ناس ينجزون اسرع من يكون بوسط هوسة وضوضاء وحركة
ما تبطل انتقادات وتعيش حياتك هي كلها سبعين سنة شگد نقناقي