5928
لم تنفعها الصيدلة ولم تنقذها الفلسفة كل ما افعله هو " اسولف " @Zuhairah1988bot
اريد احاچي الدكتور اللي چنت اتدرب عنده علمود ارجع كتواجد، لكن برستيجي لا يسمح ان افرض نفسي على احد
Читать полностью…
كصاحبة مساحة الكترونية صغننة في الشبكة العنكبوتية يشاهدها بالمية شخص يوميًا احب انشر اشياءات تخلي الاشرار يسيئون الظن بي حتى اخذ حسناتهم اولًا وحتى اتسلى بيهم واني احط گدامهم المراية واگللهم انهم فاهمين غلط ويخجلون من انفسهم
وهسه حرجع انشر هيچ شي، ويبقى على المقابل هو يفهم
حلقة احمد رزق ببرنامج حيلهم بينهم الجزء الثاني المفروض يحطوها ضمن دروس الثقة بالنفس والثبات الانفعالي
علگد ما المذيع مستفز وشگد حاول وياه الا ان ماخذه علگد عقله ولا گدر يستفزه
عمومًا خلارجع اسمع فيروز وهي تغني سألوني الناس
علمود اسمع هالمقطع ( لا تسأليني كيف استهديت، كان قلبّي اللي عندي دليلي )
وبرأيي ان صوت فيروز بهالمقطع بالذات تأثيره عليّ نفس تأثير المورفين بالضبط
من الدروس الحياتية المهمة اللي الواحد يتعلمه لسه وهو بثاني جامعة اختيار العدو
اختيارك لعدو اقل منك هو تقليل من شأنك انت مو منه،
بحلقة الدحيح يشرح عن هالموضوع فيگول بما معناه ان اني ميصير اضيع وقتي بالكراهية ضد انسان اقل مني بالقدرات مو عدل هالشيئ وكذلك يقلل مني اني
ونجي نشوف نيتشه يذكر هاي النقطة بالذات هواية بكتبه: يمكنك ان تختار اعداء تكرههم، لكن لا تختار ابدًا اعداء تحتقرهم، لأن الكراهية معناها عدوك يُماثلك في القدر وند لك
ثنينكم راح تدفعون بعض لمنافسة شرسة لحدما واحد بيكم ياخذ القمة ويشمر الثاني منها وهكذا
هالشي ليش نتعلمه بسنة ثانية جامعة؟
ناموا من وقت لان باچر حتسمعون محاضرة ( لأن حصل.. اكشن في البوتينشال )
Читать полностью…
بس تدرون المفروض خريج كلية الاسنان ما يحن لايام الكلية، انتوا شايفين قرف يوم عيادة الاكزو وهو يلطم يريد مريض اكزو
لو يوم عيادة الاطفال؟ الكاهم هدومهم متربة وواگع عليها سوائل عجيبة غريبة ومكفوخين ومكفوشين
انتوا الوحيدين اللي المفروض ما تشتاقون للكلية وايامها
رحت للمقابلة
وسمعت ( ماشي دكتورة من نحتاجج نخابرج )
كل اللي ردته بذيچ الساعة اشتمه واطلع لان انتظرت من ال٩ ونص لل١ الظهر بالحر
اتمنى من اي احد شايفني بالواقع يگلي الانطباع الاول عني لان حاصرتني بچيه بسبب هالشيئ
Читать полностью…
الكافيه كله بنات الموضوع مضحك كلش كوكب زمردة
كله عبارة عن بوكيهات ورد وقوالب كيك وبنات بفساتين ملونة
بغض النظر عن المراهقتين اللي ضوجوني بس المكان لطيف
جرت من عندي الكرسي وحاطه عليه جنطتي
ايه يسطى
وين الهلو بلا زحمة تحتاجيه
وين ال لطفًا
اللخ اجتني تريد الميز الگاعده عليه لان بالتصوير احلى
انا هنفخك اقسم بالله بس يشتغل الانسولين
احد مجرب كومبنيشن عصير البرتقال والاسبريسو؟ هل يحتاج اشتري ادوية غثيان علمود اقاوم اللي حيصير بمعدتي من وراه
Читать полностью…
اتمنى من رب العالمين ان يرجع يصير بينا نفس مصار بالديناصورات وتنفصل الصفائح التكتونية والعراق يصير جزيرة بوحده بعرض المحيط ولا ارى القرد ولا القرد يراني
كومة حجار ولا هالجار
عملتله بلوك، اني ماعندي صحة لسوالف الجهال هاي
الشخصية الوحيدة اللي ممكن اتقبلها بعمري وتفكيري حاليًا هي شخصية احمد السقا بمسلسل عايزة اتجوز
لانه بهذه السنة تختفي الهالة الوردية ويبدي الكل يطلع على حقيقته ويبطّل تمثيل، اي نعم كلنا مثلنا غير شخصياتنا بالكلية لأسباب عديدة، اللي يريد يجامل واللي ميحب احد يستكشفه واللي يريد يfit in
بهالسنة حتستوعب انك لك اعداء وانت صارلك سنين بعالم الطفولة والمراهقة واجيت لعالم الكبار ومتدري ومتعرف شلون راح تتعامل وياه
انت تختار ان يكون عدوك او لا لان هالمكانة ايضًا مو اي احد يستحقها لان العداوة والكراهية من العواطف اللي تثير القوى بداخلنا بكل سهولة وخاصةً قوى الشر
تگوم بس تريد تدور طريقة تغثه بيها
فانت ليش تضيع وقت وجهد وصحة وتفكير بشخص ميستاهل يوصل لهالمكانة؟
تعرفت على شخص طبق الاصل شخصية احمد مالك بكل افلامه ومسلسلاته كشكل وكشخصية، لا انصح ابدًا.. ليس للمبتدئين
Читать полностью…
المقابلة ما طولت حتى ٥ دقايق
گلي ما نحتاج صيادلة گتله بس انتوا خابرتوني گال اها اوكي السيفي يمي واكو رقمين ماشي دكتورة من نحتاجج نخابرج
روح يشيخ الهي تتخربط ساعتك البايولوجية وما تكدر تنام غير بس ساعتين باليوم
انا لو ما تعينت بهالوظيفة وبهالمهنة ماراح يحصل زين لهالكوكب راح اخطط ان احتل العالم واتخلص من الصيادلة واطباء الاسنان لان اللي قابلني طبيب اسنان شرير
Читать полностью…
المرة الجاية اذا صديقاتي يجون البيت اصورهم من الشباك وهمه عند الباب وانزلهم ستوري على اغنية
( على بابي واقف قمرين )
مداگدر ابچي بس دا اسخر من وضعي بشكل مبالغ بحيث صرت عادل امام
ايه اللي بيحصل
انا فقدت القدرة على البكاء
طلعة لكافيه مليء بالمراهقات الغير ناضجات تحديدًا هو الجحيم الحقيقي
Читать полностью…
ها هم ديكور البيوت عجبني بحيث لوهلة حسيتني گاعدة بمطبخ بيتنا
Читать полностью…