5928
لم تنفعها الصيدلة ولم تنقذها الفلسفة كل ما افعله هو " اسولف " @Zuhairah1988bot
چانت بيبي دوم تگللنا بفقرة النصائح ( اسعى يا عبدي وانا اراك ) ومافهمتها الا بعد سنين جانت مجرد جملة تتكرر على مسامعي هي وجملة ( باجر تبيّن الشمس على الحرامي ونعرف ياهو الناجح وياهو المامجاوب ) وجملة ( نذرتلج سفرة لام البنين بس تجيبين معدل عالي )
اشو اشتاقيت لبيبي
اشو دمعت!
وحتى قبل لا ابدي احل ادعي ربي يارب دلني على الجواب الصحيح واهديلي الاجوبة الصحيحة واوهبني العلم اللي تعلمته بامتحاني هذا
Читать полностью…
بصوا هي مو مشكلة ان نتعلم، يعني اني ذاكليوم يلا عرفت بمعلومة ان القراءة الصحيحة للقرآن لازم جهرية وصوت مسموع
اتس اوكيه كلنا على الارض لاول مرة وهو رمضان نستغله علمود نكون اشخاص احسن، علما اظن؟
هل ساعدكم السؤال او بلشتوا؟ كم شخص دزلي على البوت وسعدت ان توصلتوا لحقائق اخرى اثناء ما انتوا دتحاولون ان تجاوبون على هالسؤال
واليوم عندنا سؤال ثاني.. فد شوية ونسولف
لو بتشوف الرسالة دي ايها الشخص المعني
انا بكرهك
وبدعي عليك كل يوم
مرات، نگعد وحدنا، نعيد تحليل محادثة صارت قبل أيام، ونتخيل أن الكل يسولف عنا، يخطط ضدنا، أو ربما لا يهتم بنا كما نريد.
ولكن ماذا لو چان كل ذلك مجرد لعبة عقلية؟ مجرد نجوى، مصممة بعناية لتثير الحزن في قلوبّنا؟
القرآن يگول: “إِنَّمَا النَّجْوَى مِنَ الشَّيْطَانِ لِيَحْزُنَ الَّذِينَ آمَنُوا”. هل هذا يعني أن بعض الحزن ليس حتى من صنعنا، بل هو شيء يُدَسُّ لنا لنَضعَفْ، ونفقد التركيز، ونستهلك طاقتنا بالتفكير فيما لا يستحق؟
فكرت بالموضوع طويلًا والامر اخذ مني سنتين كاملات… ربما ليس علينا تصديق كل شعور نشعر به
احمد امين، التقييم فوق التقييم
قصة المسلسل حلوة كلش، عن واحد لقبه النُص تتغير سمعته من نشّال ويصير بطل شعبي وقومي لأن اسس حركة مقاومة ضد احتلال الانكليز واني كلش كلش احب هالحقبة من التاريخ
يحجي عن العراقيين ب٢٠١٦ من اجتي مودة الهجرة اذا تتذكرون وبين جهاد اللي ميريد يروح وسحر اللي مثل الغراب تنعق النهار كله فوگ راسه
Читать полностью…
استفزوني ثنينهم، حسيته يشبه مسلسل منى زكي ومحمد ممدوح قبل كم سنة نسيت شسمه
٦/١٠ .. بس حكمل اشوفه لان اريد اشوف وجه الفگر هاي شلون راح تفگر زوجها
احتاج كندر هاري بوتر عاجلًا غير اجلًا
منين اشتريتوه؟ بغداد كربلاء حلة 🥹
مزعج موضوع الزملاء اللي جانوا وياي بالدفعة صايرين صُناع محتوى وهو واحدهم چان ينجح بالشافعات وهو هسه دينطي نصائح صيدلانية وطبية والمشكلة خاف العالم تمشي بكلامهم
عجبي يا زمن
الادعية لايجب ان تكون منمقة وبلغة فصيحة
المهم هو احترام الذات الالهية اثناء الدعاء
ويقين بالله وايمان به ان راح يحققلنا اللي نريده
وسعي
العام جانت دعواتي عن امتياز بمادة رمضان كله اگوم واگعد اگول يارب اجيب امتياز
جبته
يارب دعواتي هالسنة هم تستجاب
وايضًا نزلتلكم الدعاء اللي جنت ادعيه اثناء الصلاة العام للدراسة وقبل الدراسة.. جرّبوه وادعولي
فد فرحانة لان ماعندي ملزمة ورا الفطور.. الله يرزقكم هذا الشعور عاجلًا غير آجلًا لان غييييييير والله غيييييييير
العام اگعد ابجي لان استوعب وراي كمية دراسة وثاني يوم عندي امتحانات مو بس امتحان
هالسنة نعمة يارب الحمدلله كل همّي اقرأ قرآن واكمل تسبيحاتي واشوف مسلسلاتي
مدافتهم ليش من اسمع صوت القارئ اسامة الكربلائية يشتغل شكو أوكسيتوسين بدماغي واحس بوجدان عالي وبالنهاية ابچي واحمد الله على نعمة القرآن
مدافتهم شنو اكو بصوت هالإنسان لأن مو بس اني عندي هالحالة
داحاول اتبنى عادة جديدة، التمشي قبل الفطور.. قبل كم يوم شفت ابو مُصدّق ديتمشى ويا احفاده للاسواق ويرجع وبعدها شفت عمو ابو يوسف وكذلك ابو غدير
گلت يلا اشمعنى انا
فالبارحة طلعت اتمشى اني وكم حجي من المنطقة وهمه ينتقدون عباتي الخضرة الشامواه بداخل انفسهم
المشي والتسبيح صدگ يغيرون النفسية
عندكم بعد عادات تغير النفسية ولو شوي؟
كلما اشوف الجو مغيم وهيجي لون اصفر باهت، اعرف ان اكو احدهم عنده اليوم ٣ محاضرات كبس نظري وبوده ينتحر
Читать полностью…
انت دز الرسالة واديها واحدة do not disturb وكل شوية باوع على الاشعارات عبالك دتراقب القناص
Читать полностью…
" عمومًا، انا هأقولك كلمة لمصلحتك.. متخليش الزعل يابني يأثر عليك، ويوديك حتة ترجع تندم عليها. "
- حسن حسني، زكي شان
على مدى ال٣ سنوات اللي فاتوا اني بس افكر بهالجملة يوميًا بعد ان اتخذت قرار بلحظة غضب وتدخل من الشيطان وبقيت افكر هل اللي سويته صحيح؟ هل چان لازم اخذ هالرد الفعل؟ طيب ماذا لو
وهاي گضيتها غاضبة ساخطة على نفسي واتحسر على اللي مشى الموضوع عندهم بشكل جميل ولطيف
بعدين ب٢٠٢٤ خلص قررت ان السنة خلصت وخلي اواجه وهاي وحدة من مشاكل المتجنبين امثالي، عندهم المواجهة اصعب من ان تحط السيف على رقابهم، لكن بذاكليوم مدري يا شخصية طلعت وگالت خلص شنو اسوء شي ممكن يصير؟ ننرفض؟
مشى الموضوع بشكل سلس ورجعنا لبعضينا ورجعت الصحوبية 🤍 ورجعنا زي السمن على العسل
القصد ان.. الاغلاط واردة والتصرفات السيئة هي جزء من رحلتنا البشرية لكن المكابرة ما توديك لمكان والزعل ايضا وردود الفعل اللي جايه من الزعل والغضب
ف سؤالي لـ #اني_والدفتر_وخواطري بإعتبار هذا اول سؤال النا بالسلسلة
لو كان عندك الفرصة ان تنصح شخص كان بنفس موقفك ومر بحالة زعل او غضب شديدة جدًا.. شنو راح تنصحه؟.
اذكروا تجاربكم اكتبوا اللي بخاطركم فضفضوا ومع الكتابة راح تستوعبون امور انتوا متغافلين عنها بنفسكم
اريد اشوفها لان احب اعذب نفسي 💓 هيجي مسلسل تافه لتلطيف الاجواء
ورانيا يوسف هنا مادري ليش مذكرتني بأمي
نعم اجل يس وي ايفيت
حشوفه علمود اشرف عبد الباقي
يحجي عن اسر ياسين اللي لعبانه نفسه من الزواج ومي عز الدين اللي تتطلك من زوجها ٣ مرات وتحتاج محلل ولازم هي تختاره واجه بوجهها اسر ياسين وهاي بعد حتگب العيطة خنشوف شلون
يحجي عن نسوان بعمر ال٤٤ كلهن وشنو يواجهون مشاكل
لحد هسه قصة ميس گمر ضحكتني هي وسمية الخشاب
التقييم للحلقة الاولى ٨/١٠ بس علمود فاطمة الصفي وميس گمر/ جبرت اهلي يصيحولي خاتون مثلها
Читать полностью…
من الاشياء اللي مطمنتني ان خلص الشياطين والاشباح والجن كلهم محبوسين واحنا بس هنا الأنس گاعدين مع بعضينا فأي حركة وسخة من اي احدهم بهالشهر الفضيل اعرف ان هاي شخصيته واعماله
وهم بنفس الوقت بعد مااخاف من انزل للمطبخ تالي اللي ادور نمنمات