5928
لم تنفعها الصيدلة ولم تنقذها الفلسفة كل ما افعله هو " اسولف " @Zuhairah1988bot
اكو شي ثاني هم چان يزعلني بس حاليًا گمت اعتبره عادي
من احد من اصحابي المفروض يعني صديق ومقرب وهيجي
يسوي شي بحياته
ابسط مثال كأن يكون اشترى بلوزة
بالعادة المفروض واحد يگول للثاني
حاليًا هالشي دا افتقده كلما اكبر بالعمر وتحديدًا من صداقاتي الانثوية وهالشي يزعلني لان اني من نوع بوق مرزوق كلشي يصير احچيه عدا مشاعري
اعاملها معاملة اللي بي گمل
المهم
هالفترة گمت مااضوج.. اوكي تمام ما تريدون تسولفون تمام بس اتمنى من المقابل ايضًا ما يزعل لأن ما سولفتله واستخدمت له حجة تافهة مثل ( والله كلشي صار على السريع )
الباريستا عندي مشكلة وشخصنتها وياه لان ميعرف يسولف عربي وميقبل يتعلم عربي ويجبر المقابل ان يسولف وياه ايراني فسألته زين تعرف انگليزي؟ خلي افهمك الطلب لا تجيبلي شي محروگ گلي لا بعدين گلي انتي ليش متعرفين ايراني گتله اني ببلدي ميحتاج احجي لغة اخرى غير لغتي العربية شو هذا گلبّ خلقته عليّ
ناهيك عن ان الفارسية والعربية نسخة من بعض لان همه قلودين كلش
بس هي هيجي، لواگه زايدة
وها چان اكو ينقصهم السينامون كوكي بس اني مفجوعة اكلته قبل التصوير لان اول شي شمّيت ريحته من الصندوق
Читать полностью…
وهالشي تلاگوه بالكارد مال المحل اول ما تفتحون الصندوق 🧡:(
Читать полностью…
https://vt.tiktok.com/ZS6wfbc15/
سامعة بال " صُنِعَ بِحُبّ " اول مرة اشوفه🧡!
مرة اللخ افسرلكم شلون كلنا دييب داون في حياة سابقة كُنا برج السرطان
Читать полностью…
والموضوع يضحك لان لو نصفن سوية، من چنا نلعب پلايستيشن ٢ واحنا صغار ونحط السيدي ونغمض عيوننا ونظل ندعي يارب يشتغل ونسوي نفسنا مشغولين ومو يم اللعبة ولابسيها علمود تشتغل
وفعلًا تشتغل
لو نجي نربطها ونفكر حنستوعب ان اللعبة هم فوتوناتها تحس احنا دنراقبها 😂😂 ولهذا ما قبلت تشتغل وبعدين من درنا خلقتنا وسوينا نفسنا منراقبها گامت واشتغلت
اي نعم هي مجرد فكرة عبيطة بس ضحكتني كلش
ان ماذا لو فعلًا طلعت صدگ😂!
النظرية هاي من ارهب ما توصل له الانسان الحديث لان ببساطة تغير نظرتنا للحياة والواقع بالعموم
يعني اني المفروض اقطع الحتمية ماكو شي حتمي چنا عبالنا الذرات هي اصغر شي وبعدين طلع اكو جسيمات صغار مثل الالكترونات بعدين اجتي الفوتونات وهيجي عبالك مكعبات صغار فماكو حتمية اكو احتمالات
وكذلك الحياة
انت ما تگدر تضمن شي، ماكو اي ضمان بهالدنيا ابدًا محد يعرف شنو حيصير بعد شوية ومحد يعرف الحقيقة كاملةً
بالفيزياء الحديثة اكو جزء يسموها ميكانيكا الكمّية وهاي سالفتها ان الفوتون وهو من الجسيمات اللي موجودة على المستوى الذري تتصرف شي من نشوفها وتتصرف شي ثاني من ندير وجهنا عنها
حاجة في منتهى العبثية والعبط
كلنا برجنا الجوزاء او على الاقل كلنا نتصرف تصرفات برج الجوزاء ( على اساس العلمي ) فالجوزاء فكرة والفكرة لا تموت
Читать полностью…
دماغي واگف صارله ٧ سنين، محتاجة ادرس رياضيات محتاجة ادرس تفاضل وتكامل
Читать полностью…
وحدة من اهداف هذه السنة هي التصالح مع العيوب
عندي تصالح الذات
بس ماعندي تصالح العيوب، هاي لو اعتبرنا ان هذني عيوب
المهم ما علينا
احاول ان اهذب نفسي واخليها ما تاخذ الانتقاد او البسمار مباشرةً على اعصابي وبالتالي اضوج واتعصب لأن الخلايا الوحيدة اللي ما تتجدد بالجسم هي الخلايا العصبية فالواحد يدير باله على نفسه احسّن
اخلي البسمار يمر بعدّة تساؤلات اولها ( هو منو اللي دينتقدنا؟ هل اني اكدر اخذ منه رأي علمود اسمع من عنده انتقاد؟ )
( هل اني فعلًا هذا الشي عندياه ك عيب؟ لو هو تربيته ونشأته تختلف عني فمعتبره عيب؟ )
التباطؤ هو الحل
اكو كافيه صغيروني محد يعرفه غير اني واهل الحي
گهوتهم رخيصة ولذيذة جدًا
خالي من زحمة المراهقين والمجتمع الطبي ومندوبيه
الكوكيز ما يجيبولياه يابس مثل هذاك الكافيه
مابيه جنسيات اخرى هو عراقي واحد وجايبين باريستا ايراني ورزلته هذاكليوم بعدين اگللكم ليش
المكان هادئ
اگدر اخلص شغلي بي
اكو ثنين كوبلز يجون يدرسون يخلوني اتحسر بس اتس اوكيه
ديكورهم لطيف واتصوّر بدون مااحس بخجل احد ديشوفني
يارب كثّر من امثالهم
شو حزنت، اريد هو نفس البوكس بس الفرق كله كوكيز الليمون وعلى شكل قلوب صغار ويكتبون لي بالكارد من ورا اي قصيدة حب هبلة اتقشمر بيها
Читать полностью…
هذا حسابهم للطلب، وحتى كلمة فيكا هي بحد ذاتها كرييتڤ جدًا
بالسويدية الfika يعني استراحة القهوة بس بالنسبالهم الموضوع اكثر من مجرد حلا وگهوة انما الكلمة جاية كتعبير مجازي
شلون احنا من نگول ( عصرونية، تمتوعة ) يعني واحد دياخذ جزء من يومه علمود يشرب چاي او گهوة وياكل حلويات او كوكيز او كيك ويا اللي يحبّهم 🧡 وهذا هو الهدف
ده مش بس كوكيز ده حُضن صغنن
هي شافت الكلام اللي ناشرته عن الكوكيز هنا وقررت تدزلي كتجربة كل الانواع اللي عندها اياها وتوفرها وكلهم وحدة اطيب من الثانية ( لكن يبقى كوكيز الليمون هو المفضل عندي ) ومو بس هيجي
مسويتلي واحد على شكل قلبّ
اليه
لوحدي
اني
🧡🧡🧡
امتنان اليوم لحاسة الشم لان بعد فايروس افحطني لمدة شهر واخيرًا گمت اشم بشكل طبيعي واول شي شميت ريحته هو الكوكيز اللي تسويهم صديقتي، ومتحمسة اسوي فيديو عنها لان رهيبة رهابة
Читать полностью…
نرجع لنقطتنا
اي ف الجوزاء معروف عنه بوجهين ويسلك سلوكيات مزدوجة وهو الشيء ونقيضه والفوتون يتصرف مثل الجوزاء وعلى اعتبار ان الفوتون جزء من الذرة وكلنا مكونين من ذرات اذن في دواخلنا كلنا احنا جوزائيين
ضربة قاضية لكارهي برج الجوزاء الرهيب
كذلك المراقبة تغير النتيجة، انت من تجي تلح بالسالفة وتنگ بيها ما راح تفض عدل بينما من تعوف الموضوع على الربّ هاهيه هي حتمشي بطريقها
Читать полностью…
سووا تجربة علمود يفهمون هالجسيمات الصغار ايه الدماغ اللي عاملينها بحيث واصلين لهالعبثية سموها تجربة الشقّين وهالتجربة لعبّت نفسنا بالمدرسة ميخالف
المهم من تمر الفوتونات كدام عيوننا واحنا نباوعلها ونراقبها تتصرف مثل تصرف الموج الضوئي ومؤدبة وحبابة وتمر فقط من شق واحد او فتحة واحدة وعايفة الفتحة اللخ
من يديرون وجههم عنها تگوم تتسودن و تاخذ راحتها بالمكان وتتشقلب وتسوي نمط تداخل ويلعبون شدة يا ورد شدة من هي الورد شدة ويفوتون من الفتحتين الاولى والثانية
الغريب ان الفوتون بس يحس اكو احد ديراقبه
يگوم يتصرف التصرف الاول، يتصرف مثل الموجة
الموضوع اله علاقة بالجسيمات اللي على المستوى الذري يعني فوتونات والكترونات باعتبار احنا مجموعة ذرات قررت تتلزگ ببعضها البعض
Читать полностью…
تدرون اني ما درست التكامل؟ دخلت سادس اعدادي وطلعت ولا مر عليّ
يمكن راح ادرسه هسه