5928
لم تنفعها الصيدلة ولم تنقذها الفلسفة كل ما افعله هو " اسولف " @Zuhairah1988bot
تقيمي للكورس السابع من كلية الصيدلة
٧/١٠ واتمنى ما ينعاد بعد
من احد يجيني عالبوت ينتقدني اني وارائي والتاروت ويگلي ان اني سايكو عباله مكتشف هالشيء بالجديد
Читать полностью…
اخوية فوفو چان عنده مصطلح لذيذ وكيوت وهو صغير يوصف بيه اي شيء يوجعه من يتمرض او يتأذى ب " مكسَّر"
مثل.. بطني مكسر.. ايدي مكسر.. راسي مكسّر
ف هسه اني جسمي وعقلي ونفسيتي وقلبي كلهم على بعضهم " مكسّرين "
والله يابنات اخذي اللي يحبج مو انتي اللي تحبيه
اوكي يعني لازم تحبيه ويحبج
بس هو يحبج اكثر
لان لو حبيتيه اكثر تنهار حياتج وتصير اشلاء
ولتكليلي i can fix him
لو اجيبله ام عباس السحارة لو اجيبله كل ادوية النفسية اللي درستهم بهالكورس مال ادوية لو اجيبله وزير الصحة شخصيا يعالجه
محيفيد
تروح تشكر زميلك اللي يگعد يقريك ويسجل الريكوردات وينزل الملخصات مو تعامله بطريقة وحشة وتگله " يله شوكت تفضها " علمود يجي ويقريك
هو ممسؤول عنك
عقلك براسك تعرف خلاصك
بوكيه الورد اللي ململم عبالك باگه كرفس احلى من بوكيه الورد اللي يكون الورد كله نايم ومترتب بطريقة عمودية عبالك حايط
گلت اللي گلته.. عاركوني اذا ما تتفقون
صدگني.. من اكلك هيج او ولا شي او مادري
ف اني ادري واعرف كلش زين بعد
ما اسوي اي شيء بلا سبب
ولا بيوم تصرفت تصرف او سويت شغلة
" بلا سبب "
الجدي هو الحكيم 😂😂 اللي يعلم القوس والعقرب كلشي عنده
لا عدا الشقة بس هو فعلا الحكيم هنا.. لانه هو موسوعة وما يستحيف معلومة بحق احد
احسن المدرسين والمعلمين والدكاترة تلگوهم عندهم كواكب ببرج الجدي
الدلو حيكون الشخصية غريبة الاطوار بس كلش جدعة ما يموت مثل الحمل لان حذر بس ايضا شجاع
الحوت اللي محد يهتمله لان بس يبچي وثگيل دم وعلى الاغلب صديق الاسد ثنينهم محد يحبهم
الميزان
الصديق الغدّار للبطل اللي عبالنا ان هو احسن واحد وبعدين ينقلب عليه وكلنا نكرهه ونريد نملخه ونشبعه كتل
السرطان حيكون الشخصية اللطيفة بالمجمل والهادئة.. ماله دخل.. وعلى الاغلب صديق الثور
ولكن من يجي الوقت اللي يحتاجوه بيه حيكون جبان ويختفي او يسكت.. وشوكت يجي ويحجي؟ من الوضع صار سيء بعد وماكو شي بإيده يغيره
على الاغلب راح ينكره لان ثقيل دم ويخاف والا هو شخصية لطيفة
لو احنا بقصة او رواية
حيكون الراوي هو الجوزاء.. لسان سليط ومراقب كل الشخصيات ويعرف كلش زين شلون يوصف كل احد بيهم
بس هذا مو معناه هو البطل
تريدون نكمل باقي القصة؟
حموت من الفرحة يا شباب تتذكرون من كلتلكم مال الكاميرا وغرفتي والشباك والجيران قبل فترة
ف هسه واحد من اطفال الجيران لازم علب زجاج ديكسرهم بباب البيت
صحت بيه من شباك غرفتي بس ان ساده البردة وما مبين اي شي وكتله ليش دتكسرها هنا مو اجيك بالليل واشمرك بالشط تاكلك الذيابه وماعرف شنو الربط
المهم الطفل فز وانهزم ويستاهل بس الرزالة مالتي لحد هسه دا اضحك عليها
من تجي تختار عدو اختار عدو شوية راقي يعني بالله عليك رايح مختارلي واحد اقصى شي عنده يحچي عنه بستوري او اي بلاتفورم لو ينزل " خليسمعني الميت مني "
دختار اعداء ارقى واحسن
عندي فيديو اله يگوله وهو عمره ٦ سنوات
" بتني مكسّل "
كيوت.. حگوم ازعجه
انتوا تعرفون امي مگعدتني ب٩ ونص الصبح حتى اقرالها تاروت على الدولار؟ ردت اگللها افٌّ وادخل النار
Читать полностью…
جديات اوقح الوقحين همه اللي لا يسجلون فويسات ولا يدخلون محاضرات واذا دخلو ينامون ويسولفون ويشوشون على غيرهم ومع ذلك يجي بالامتحان دزولي
لا ما ادزلك
لو اعرف هسه حترسب ارسب مشكلتك
لا محترمنا ولا محترم دكتورك ولا مقدر قيمة الفلوس اللي دتندفع من اهلك عليك
اشتريت حاسبة كاسيو باول سنة كلية ب١٥ الف لحد هسه ممستفادة منها غير بمادتين وثنينهم مصخمة بيهن
Читать полностью…
٢١ سنة اصلي واني عبالي القبلة يسار
اليوم اكتشفت ان هي طلعت يمين
ومادري هل الصلوات هذني كلهن هباءا منثورا ولا ايه
الان القوس والعقرب ثنينهم ابطال بهالرواية كلها
القوس هو الشخصية اللي محد يثق بيها ودوم ينتقصون منه ويأذوه مع العلم هو حبوب كلش ويريد يساعدهم بس همه هيج ما يحبوه
والعقرب لان هادئ وبحاله.. بس عنده يجوز نوع من النرجسية او توكسك
ثنينهم ابطال مگدرت احدد منو اختار
الاسد هو عباله حيكون بطل القصة ولكن هو الشخصية الغيورة المتنمرة من البطل
هو بطل اي.. بس غيور.. مايوصل لدرجة الشرير لان اعبط واتفه من ان يكون شرير ولكن هيج شخص سيء ومغرور ومتنمر ويغار جدا
العذراء حيكون الشخصية المسؤولة اللي عنده سلطة بالقصة ممكن يكون الاب
هيج شخصية قاسية وباردة وبلا مشاعر يبان عليه بس هو هذا اللي نگعد نبچي عليه بلقطة من لقطات المسلسل من نشوفه هو شگد حزين
الحمل حيكون الصديق اللي يموت اول شي او اللي ينفهم غلط.. متسرع وثوري وما يخاف من شي بالتالي يعرضه لاسوء كسرات قلب بالرواية كلها
الثور حيكون الساكت دائما واللي حيكون هو العلامة الفاصلة بالمحور مال قصة وهو اللي من حيحچي حيغير كل الاحداث.. دوره مو كلش جبير بس مؤثر
وهو اللي ينطبق عليه اثر الفراشة
كلمة وحدة منه ممكن تگلبلك احداث رواية كاملة
بالنسبة لاصحابنا الناريين من القوس والحمل والاسد فالدرس بعده مستمر وما دگ الجرص هم حتنسحلون مثل ما انسحلوا اخوانكم الهوائيين بالتلث سنوات اللي فاتت ولكن ممكن يجون عليكم اهلكم بنص الدرس وياخذوكم
بما معناه.. السحل مستمر لا محالة بس ممكن تجي فترات اسابيع بسيطة او شهر من السنة ترتاحون شوية
بس لتخافون ترجعون بعدها تنسحلون عادي
شوية شكم درس قاسي تحتاجون تتعلموهم
بالنسبة لاصحابنا المائيين من عقرب وسرطان وحوت ف بهالسنة الاختبارات حتكون بأكثر الاشياء اللي تحبوها وتعزوها
مادية او اشخاص
هيج دگ امتحانات واختبارات وعبر
ماكو دروس مثل الناريين لا انت گبل امتحان وتعال اتعامل
مثل
ينكسر تلفونك وهو بيه كلشي مهم
تنقطع علاقتج بصديقة عمرج
تكتشف ان حبيبتك ما تحبك اصلا وماعندها مشاعر تجاهك
تكتشف ان اصحابك فاضحيك بالشغل او الكلية
وهكذا