5928
لم تنفعها الصيدلة ولم تنقذها الفلسفة كل ما افعله هو " اسولف " @Zuhairah1988bot
ولو هذولة كلهم ساكتين وراضين، تجيني وحدة مسويتلي بيها ( ستايلست ) تنتقص بحجة النصح من لبس البنات والمصيبة الاسوء ان اكو هواية بنات يدافعولها
Читать полностью…
حوار بين حاحا وتفاحة بفلم حاحا وتفاحة فهو حاحا يعيط باخته تفاحة ويگللها ده دكتور دكتووووووور مش هتتگوزي دكتور!!!
فهي تگله ( هو انا عَيَانة عشان اتگوز دكتور؟ )
😂😂😂😂ومداكدر ابطّل ضحك
موضوع بحث التخرج ما اظن راح اتخطاه بسهولة لان التعب اللي تعبته بهالشيء مو طبيعي وبالنهاية ٧٨
تعرفون شنو يعني ٧٨! لا شيء معناها اني واللي مشتري البحث بخانة وحدة
او اني واللي ما مشتغل شي وملزگه بخانة وحدة
لهذا شوية مكسور خاطري بزيادة
اهم شغلة ببحث التخرج هو الدكتور
ان زان دكتورك زان بحثك
دا اقرا اسماء البحوث الاوائل على المرحلة ف لگيت بحث من العشرة الاوائل عبارة عن تقييم للمصابين بالشقيقة وكيفية اخذهم للادوية وعلاجهم
واني بحثنا اني واصحابي جان ايجاد دواء يعالج حالة مرضية وانطوه ٧٨
وهذا البحث اللي من الاوائل حصل ٩٠
يقهرني كلش ان اشوف الخير كله للغربة ببلدي واني هنا ابسط حقوقي ما محصلتها من ( اخوية بالبلد )
ويزعلون من نگللهم انتوا لوگيه للغريب
ويزعلون اكثر من نگللهم خيركم لغيركم واللي مابيه خير لاهله مابيه خير اصلًا
بالله عليكم سؤال، احد بيكم تخرج من صيدلة ومضبّط كل الانتي بايوتك؟
Читать полностью…
معاناة الحوت لهالسنة وقبلها سنة وحيستمر بعد لفترة من ٢٠٢٥ هو بسبب زحل، زحل ببرج الحوت لهذا گاعد يجلدهم بالدروس
الامر اشبه بأن الكل طالعين بحصة الرياضة وهمه محبوسين بالصف يدرسوهم تفاضل وتكامل رياضيات
الكل متونس عداهم
اما بالنسبة للجوزاء ف زحل يربّع المشتري مالتهم لهذا كلما يتونسون بشي ويحسون خلص راح يوصلون لحلمهم يطلع سراب ووهم وحلم ويرجعون ينتكسون من جديد
الامر ينطبق على جميع مواقع الحوت والجوزاء وليس فقط البرج الشمسي
يعني لو ما طلع هذا البيان جان استغليت هالسنة لصالحي اليه ولنفسيتي وما جنت راح ادور وظيفة
لان اني اصلًا ما يعجبني الوظائف بالقطاع الخاص لان يستعبدون الموظف اللي ما يجي لهالدرب لولا احتياجه
صعب تلاگي بيئة عمل حلوة وخاصة لو انت بمدينة بيها هواية نفس اهتماماتك الوظيفية
صعب تلگالك محط رجل بسهولة
جنت اي راح اعتمد على وظيفتي الحكومية واگضي الباقي من عمري كموظفة حكومية وها اها ولا اكو داعي للصيدليات الاهلية لان على قفا من يشيل فقط من يحتاج مساعدتي باستشارة لو شي على الانترنت بضمن مجال عملي عن الادوية راح اساعده
فيما عداه ما اليه الرغبة
بس مدري ليش هيج صار ولا دا افتهم الخيرة بالموضوع
لقد انتهت باقة شخصيتك المليانة امل انت الان على باقة الشخصية الواقعية الساخطة
Читать полностью…
لو كنتي بس منعتيني يا ماما من كل مرة نگيت بيها عليج بالمتوسطة والاعدادية ان يلا وديني اريد اگص شعري، ماچان حالي هيچ هسه شعري ميتجاوز الچتف
Читать полностью…
وهاي خمس سنين ضاعت من حياة زهيرة الانسان في دراسة شيئ ما تحبه حتى تتخرج وتنحسب مجرد رقم في عدادّ الفائضين عن الحاجة في التعيين الحكومي
عبط السنين
غصّات متتالية بسبب التخصص المصخم هذا دفعة الفگر تخرجوا منا انسد التعيين منا يا عيني علينا وعلى بختنا الفگر
Читать полностью…
تخليه يحس ان قيمته صفر وقيمته تأتي من مدى قبول الاخرين له، اذا ما انقبل وما تقدم له شوية حب وابتسامة اذن خلص يحس انك كرهته
تخليه يفقد علاقاته بسبب تعلقه بالناس المبالغ به، يتعلق بيهم لحدما ينفجع بمدى سوئهم واستغلالهم له وبالتالي ينفر وينفر من كل علاقة اخرى
تخليه ينتهي ويه اشخاص مو صحيحين سواء علاقة حب او زواج او صداقات وتخليه يجي على روحه وعلى حقوقه ويتركهن في سبيل ان المقابل ( يرضى ) عنه
مستوعبة انتي شدتسوين بطفلج؟
دتخلقين انسان غير سوي عاطفيًا ونفسيًا ومحتمل ان يتحول لمريض نفسي وحتى هالعقدة ما تتعالج بيوم وليلة وماكو ادوية الها واذا اخذ الادوية النفسية اكو نسبة كبيرة ان يتحول لإفكار انتحارية ويقتل نفسه
وهذا كله برگبة منو؟
برگبتج انتي
" وإذا ضاقت فنجوَى دُعائي يا رب
وانتَ عَليمٌ بِما في الصُّدورِ "
دانتظر اتزوج ومن يطلع دكتور راح احط هذا المشهد ببوست العرس
Читать полностью…
اكو مشكلة محد گال عليها ان راح نواجهها او يجوز بس اني واجهتها مدري
اللي هي بعد ما تدخل صيدلة وتحفظ اسماء عجيبة غريبة من امراض وادوية وبكتيريا وفايروسات وطرق تصنيع ادوية
توصل لمرحلة ان لهجتك العربية والانكليزي يدخلون على بعض وكلشي يضرب
وتگوم تحچي مثل طلعت زكريا بفلم حاحا وتفاحا
عن نفسي طلعت الصوپة، غرور المعيدي مو غرور المعيدي الدنيا باردة 😔
Читать полностью…
يعني شنو اصير عجمية لو شامية لو خليجية لو اجنبية حتى احصل خير بهالبلد؟
Читать полностью…
بالرغم من ان عندي سابقة بموضوع الملابس واختيار البنات بي ومسحتها لان شفتني دا اناقض مبدأ اداعي به واللي هو ( اكل اللي يعجبك، والبس هم اللي يعجبك )
ولكن موضوع الستايلستية اللي طالعيلي بالفترة الاخيرة ويحاولون يجعلون الناس وتحديدًا البنات عوفكم من الشباب بله يستلموهم تنمر اللي ينشرون هيجي محتوى
تحديدًا احنا.. من تطلع وحدة مسويتلي بيها وتدعي انها فاهمة بالازياء تنتقص وباستمرار من ملابس البنات متناسيه تمامًا ان الازياء فن وتعبير عن الذات والواحد يلبس اللي يعجبه انت شعليك؟ اني مايعجبني لبس غيري اي اعترف ولكن ما اروح واجبره واگله هاي شلابس؟ غير ملابسك
تريد الكل يلبس نفس اللبس بدون اي تفرد لأي واحد
متناسية ايضًا الحالة المادية للبنات وان محد تحتاج تشتري هلكد قطع علمود بس تكون مقبولة مجتمعيًا
مشكلتنا كمجتمع نساء وبنات دوم ننطي مجال لهالنماذج يحطولنا القياسات والقوانين اللي لازم نمشي عليها واذا مانصير مثلهم ما راح نحقق المثالية وما يحسبونا وياهم ومحتمل ( ومن طريقة كلامها هي ) حتى احترام ما يحترمون
بسبب ( الملابس )
تحت مسمى اريد مصلحتج اريد انصحج سوي هيج لتسوين هيج هذا محلو هذا الحلو وسوي مثل هذا ولبسي مثل هذا
اشتاقيت لفترة ان كل وحدة تلبس اللي يعجبها بدون ما تخاف من ان باقي البنات يباوعولها صفح ويكلولها هاي خلصت مودته او هاي شلابسه
اني محد فگرني غير الكابشن اللي حاطته ( لم تنفعها الصيدلة ولم تنقذها الفلسفة )
غيرته
اني وصلت هسه لدرجة حتى من احد يسألني عن دواء بالبوت لو بالنت
ما اجاوب، كثرة الرفض خلتني اشك بنفسي وبكفائتي كصيدلانية
بعدين اشوف ناس اقل مني علمية واگفين بمكان اني اتمناه واگول ها؟
تعرفون الفرق بين شخصيتي قبل التخرج وبعده
قبله جنت حعتبر هذه السنة هي سنة اجازة اخيرة من الحياة قبل ان تكون عندي السنين الجاية كلها شغل
ولكن بعد ان نشروا ان التعيين انلغى للصيادلة الموضوع حطني تحت ضغط رهيب وكأنما لازم هسه هسه الگى الوظيفة والا ما الي مكان بعد
حاولت بكل مكان، الصيدليات والمستشفيات والكليات والمصانع حتى
كلها بدون فائدة
اللي يريد خبرة واللي يريد عمر واللي يريد ذكر مو انثى واللي يشوف ان اعين من كليتي ليش اعينج الج خل كليتج تعينج بالمستشفى مالتها
وهكذا
الموضوع نفسه خلاني اگول هو هل الخلل بيه؟ اني انسان توه طلع للدنيا ليش حتى انتقد روحي لهالدرجة لمجرد ان ما وجدت الوظيفة لحد هسه وهي كلها ارزاق من الله؟
جان الوضع حيل حيتغير لولا هالجملة وهالموقف اللي صار.. چنت راح اكضي هالسنة بين السفر والطلعات وجنت ناوية اسويلي بودكاست بالمناسبة ومخططه للحلقات ولكلشي وجنت ناويه ارجع اكمل تعليم لغة اخرى
بس مثل كأنه كلشي انلغى في مقابل ان اجد وظيفة
مدري
اني هذا قمر الحوت فحطني، برج الحوت.. شلون عايشين ويه روحكم؟
Читать полностью…
منين الگى الخبرة اذا انت ما منطيني فرصة؟ جاوبته هيجي
جاوبني گلي ها لا الصيدلية صيدليتج وهلا بيج بأي وقت تدريب
چذابين كلهم چذابين ومجاملين
يركضون ركض يعينون مصريين وسوريين يلزمون الصيدليات بالرغم من ان ميعرفون براندات السوق العراقي الدوائي ومن يجي على الخريج العراقيّ يتگلّب عليه ويدور شروط وهو متأكدة ١٠٠٪ جان بنفس مكاني بيوم من الايام
يعني العمام الصيادلة يجلطون بعضهم، يريد مني خبرة وها لا انتي خريجة جديدة ويدور علمية ويدور خبرة براندات
وهو معيّن ابن اخته اللي يدرس تمريض كتواجد يوگف ببداله
دتصنعين انتي امراض نفسية مثل الاكتئاب واضطرابات الشخصية الحدية اللي تتطور بعدين لثنائي القطب واللي قد يؤدي للإنتحار هاي اذا ما ورطوا نفسهم ويه شخص معتوه يعرف يستغل هالنقاط كلش زين وبعدين يظل يعنف بيهم نفسيًا وجسديًا وهمه راضين ويگعدون يبررون لحدما يموتون جسديًا
بس قبلها اصلًا همه ميتين بالحياة
ف اي.. الموضوع مو مبالغة
الصمت العقابي هو اسوء عقاب ممكن تسويه لبشر