5928
لم تنفعها الصيدلة ولم تنقذها الفلسفة كل ما افعله هو " اسولف " @Zuhairah1988bot
التخلص من متلازمة المحتال واللي هي مختصر مفيد الواحد شما يسوي يحس نفسه ميستاهل اللي عندياه من نجاح ويحس روحه هو ناصب على العالم ويقتنع بدماغه ان هي اجتي وياه بالحظ
جانت رحلة صعبة شوية واخذت ويايه فترة طويلة علما قنعت نفسي اني استاهل صداقة احسن علاقة عاطفية احسن علاقة ويه الاهل احسن درجات حلوة استاهلها وحقي ثالث ومثلث
بس شمرتني الى اقصى الضد اللي هو اني ما احتاج اثبت لا لنفسي ولا لاحد شي لان اني اعرف نفسي شنو وحاشرة روحي بزاوية الحفاظ على السلام الداخلي بالتالي استصعب الرجوع للعالم الخارجي حاليًا
شفت وحدة من احلى حلقات الدحيح وهيجي تلامس القلبّ وتدغدغه ولو جاييني قبل سنتين جان كلت والله ده انا
انما هسه ف لا، اني استاهل كل اللي عندياه والاحسن والافضل
نظرًا لكثرة الاسئلة، اخذته من هنا عندهم شي اسمه عرض السينما البروجكتر والسماعة ب١٠٠ والتوصيل مجاني
هل يسوى؟ نعم للي ماعندهم تلفزيون بغرفهم مثلي
هل يحتاجله غرفة ظلمة؟ نعم وصورة باهتة اذا اكو ضوه حتى لو ضوة الصوبة الاصفر
هل يحتاجله جدار ابيض؟ ايضًا نعم
هل الصورة تتكبر وتتصغر؟ نعم
هل ينربط على التلفون؟ نعم بس ليهسه ما جربت
هل بيه سينمانا؟ نعم تتنزل عادي
هل بيه يوتيوب؟ نعم
هل ينربط على البلاي؟ نعم
هل يدور واكدر اشوف بالسقف واني متمدد؟ نعم
هل هذا اعلان؟ لا
دا اسوي الفيشن بورد ووگعت قطرة مي على صورتين
هل معناها حيتحققن؟
اعتبرها اشارة
الشي الوحيد اللي طلعت بيه اليوم ان گلت لرئيس قسمي الكل تعين وما عينتوني لان ما تلوگت
بس بعدين لغمطتها وگتله مشكور دكتور ما قصرت وياي وگلي ميخالف حاولي مرة لخ ( وحلم يقبلني ورا الحچاية هاي كمعيدة ) من رخصتك بيباي بيباي
لاغنية يا ستي يا ختيارة وقع جميل على نفسيتي بحيث ترفع نسبة الدوبامين اثناء سماعها واني اتجهز لطلعة
بورو بم بم باااا
الشخص الوحيد اللي اريد اركز على اصلاح علاقتي معه هو الله
وامي وابوية لان رضا الله من رضا الوالدين
الباقي اللي ميجر عدل سيخسر شخص رائع روعة
ف هاي الملزمة هي جزء من دراستي للمادة
لحد يستغرب ليش النابيوميتون مسميته نابليون وليش اصلا مسويته احول
شگد عيب هالسوالف مال اني انتقص من غيري علمود ابيّن اني الاحسن والاكثر ايمانًا وديانةً
افتح كتاب الاسلامية مال اي صف بالمدرسة حتلگى درس اسمه الرياء
هذا بالضبط اللي ديسووه هالمجموعات، اكو فرق بين ان تشجع اشخاص على طريق الحق وبين ان تنتقص من الاخرين علمود تبين انت الاحسن
اذا انت تصلي فاحنا نصلي واذا انت تفتهم بالدين فاحنا دارسين حوزة حتى
روحوا فكروا شوفوا حياتكم شوفوا مستقبلكم عليمن هالتصرفات؟
الحمدلله عاد القبول من عند الله.
لعبة الامارات والكويت مال خليجي ٢٠٢٤ هي المكان اللي حلمي اكون بيه
جايبيلهم ميامي ويدگون ويرگصون عايفين اللعبة
الله
اني جبت البروجكتور علمود اباوع عايزة اتجوز يومية واني متمددة بدون ما امي تگلي ها عايزة تتگوزي
ياما انا عايزة فلوس
واتجوز
الكلام اللي تسمعه عنك بعد ما تخرجت من الكلية هو عشوائي كلش وتضحك.. شلون هالناس اللي جنت انطيهم مجال واكل واشرب واطلع واطب وادرس وياهم، يحجون عني كلام سخيف مثل هذا
Читать полностью…
الا تعلم بأن ڤيينا بانتظارك؟
اغنية اهديها لنفسي ولكل شخص طموح لكن الرياح مُصرّه على تكسير جناحه الصغير
اعرف ان احنا دنركض بأيدينا ورجلينا وان الدنيا سريعة وان اللي حواليا كلٌّ وجدَ طريقه الا احنا ليهسه كلما نشوف نفسنا ان وصلنا نلاگي روحنا بنص الدرب تايهين
لكن يگول بيلي جويل بالاغنية، شوكت تستوعب ان الآخرين نفس حالتك ودينتظروك وتكمل سويه وياهم؟
بسبب كثرة الاهداف حواليا اني نسيت ان شنو اريد، نسيت شنو جان عاجبني اسوي
غروري اذاني ودمرني بعد ماجنت اظن ان الكل يمشي بمجرد ميعرف شكد اني شخصية واو وشكد شطورة بشغلي
بس الحياة ماتمشي هيجي
ولا حتى بالواسطات لما حاولت بيها
الحياة نصيب وقدر
ونصيبك تاخذه بوقتها.. وانا لا استطع صبرًا.
اكللكم عندي سؤال
هل صحيح وثائق التخرج تتأخر سنة كاملة علما تتسلم للخريجين؟
ذاكليوم لگيت ان عندي ليبيين وسعوديين وكويتيين ويمنيين وجزائريين ومصريين هم
طب والله استغراب وفرحة بنفس الوقت
٦ الاف شخص حقيقي اختار بكامل قواه العقلية ان يشهد تخبطات شخص آخر شوية يخوف
شوية هواية
يعني هالقناة سوتها مراهقة قبل ٩ سنوات علمود تسولف بيها
لا تبادل ولا برامج زيادة متابعين
شو الموضوع يخوف
بس بحبّكو قبلاتي
تره المقبول في بعض المواد الها طعمها الها هيبتها
من هالمواد هي الكيمياء الصيدلانية، ياخذنا بيها دكتور النجاح بمادته لمن استطاع اليه سبيلا
على دراستي ولو اجيب متوسط لو ما اجيبها
بسنة خامسة الكورس الاول، هو اخر كورس ياخذنا بيه لان خلص بعد ماعندنا كيمياء
جبت عنده جيد جدا
والنوب طگيت من الفرحة
صدگ لو گالوا وتشاء انت من البشائر قطرة ويشاء ربّك ان يغيثك بالدرر
اني من تخرجت ليهسه كل استخدامي للايباد علمود اشوف عالم غامبول المدهش
Читать полностью…
اتمنى ان تكون اخر جمعة لهذا العام اقضيها بالعراق
والجمعة الاخيرة من العام الجديد بدولة اخرى تمامًا
الشغل حاليًا عندي مو اهم شي بگدما الگى نفسي
الموضوع اشبه ب ان انت تشتري چرچف جديد وانت غرفتك وسخة ما مترتبة
مدري، لعلها خيرة
امتنان اليوم، الذكر الطيب.. من تشوف الاخرين يتذكروك باشياء حلوة ولطيفة فانت تلقائيًا تكون سعيد وتستوعب ان المرات اللي دست بيها على قلة الذوق وقررت ان تكون لطيف فعلًا جابت نتيجة ومو لازم نكون مو حبابين دائمًا
كل واحد يعمل بأصله