5928
لم تنفعها الصيدلة ولم تنقذها الفلسفة كل ما افعله هو " اسولف " @Zuhairah1988bot
المهم، المواساة الآلهية الحقيقية بعد ما مررت بي بالاسبوع الاول من ٢٥.. هي السكينة اللي بقلبّي وكأنما بوسة على الجبين تگلي معلش.. حتكونين بخير والموضوع مجرد مسألة وقت
Читать полностью…
الزمن امر غريب، يعني شنو باقي شهر ويكون مرت سنة كاملة على تخرجي؟ منو اللي تخرج؟
اني ذاكليوم جنت فرحانة لان صرت اعدادية
فجأة الاگي نفسي بالجامعة
وحاليًا تخرجت
جنت اسمع اهلي يگولون الزمن يركض ركض وهمه يباعون على صورهم وعمرهم
ماجنت استوعب هالجملة الا هسه
اسن تريل وحدة من الشركات اللي اسعارها حلوة ومنتجاتها تشتغل ومو زائفة!❤️ وللان مادا تنغش بالسوق مثل كوزركس وبيوتي اوف جونسن
وهاي من تجاربنا لمنتجاتهم جربنا واقي الشمس وجربنا هذا التونر
https://www.instagram.com/p/DEk8D9jOE0Q/?igsh=bGx2NXRubXFtMTBw
مواضيع اثقلت كاهلي هذه الفترة
العمل، التعيين، الحب، حمرة گيرلان
ادعوك يا ربّي ان اكون لنفسي وللناس بهالعام وما تبقى من اعوام عمري مثل هذا الدعاء
" صيّرني مطرًا إذا أجدبت الأرض ونهرًا جاريًا صافيًا يروي إذا حلَّ العطش "
احتاج فترة نقاهة، اني مثل واحد توه طلع من اعصار ضرب بيته ومسكنه ومأمنه
صافن ما يعرف منين يبدي ولا يعرف يستوعب اللي صار
ليهسه اتسائل هي الدنيا شتريد مني؟ هو اني مو طلبت ان كفايا كفخات يا دنيا وانطيني بوسات ب٢٠٢٥؟ بعدنا باول اسبوع واجاني چلاق وصلني لباب الحلاق
غريب شلون ان ستأتي الاشياء من تلقاء نفسها دون أي جهد، وسترحل من تلقاء نفسها رغمًا عن كل الجهود.
وكأن القدر يگلي لا تحاولين توگفين ضدي، لا تحاولين تعانديني ولا تحاولين تجبرين نفسج على شي انتي نفسيًا ما رايدته
اريد اعيش هاي السنة واني بس اغني اغنية مبروك مبروك يا حياة قلبّي مبروك اليه ولاصحابي على كل شي حلو يصيرلنا
Читать полностью…
"اعْلَمُوا أَنَ حَوَائِجَ النَّاسِ إِلَيْكُمْ مِنْ نِعَمِ اللَّهِ عَلَيْكُمْ، فَلَا تَمَنُّوا
النَّعَمَ فَتَحُوزُوا نِقَماً".
صباحات الصحوة الروحية
مدا افتهم هل لشهر الواحد اثر قوي لهالدرجة او ان احنا نقرر نتخذ قرارات مصيرية على عجل بأول شهر من العام ونكمل باقي العام نندب حظنا ونفسنا وقراراتنا؟
الواحد من عندنا بعدنا بأول اسبوع واتخذله قرارين مصيريين وگال يلللللا هي خربانة خربانة
المهم، نشغل اغنية فيروز ويا هذا المطر وفعلًا انا بايام الصحو ما حدا نطرني
هسه هاي الفترة السخيفة شوكت تخلص، كل اللي طلبته من ٢٠٢٥ كافي دروس انطيني فلوس
بعدني باول اسبوع منها انطتني محاضرة رياضيات
الدرس الاول: التفاضل
هاي الگعدة ورا كسرة خاطر غالبًا تكون عاطفية او عملية او شي انتي نفسج بي كلش بس الله ما راد يصير نصيب لان ضاملنا شي احسن
ونگعد هالگعدة حزينين بس ما باليد حيلة
ف تجي الماما تحاول تراضي وتذكرج بكل مصايبج وانتي طفلة وتذبلج سر من اسرار اخواتها واخوانها وتحديدًا الخال/الخالة اللي تكرهيهم وتگلج كومي غسلي وجهج وصلي وشنو تريدين طلبي واني ادفعلج فلوسه وراها تستغلين هالنقطة وتشترين شي غالي وتتم الرزالة هههههههههه بس تسكت وراها راسًا علمود الدمعة القريبة
هي الدنيا ما ناوية تخِفّ شوية على كتكوت صغير ضعيف الجناح مثلي لو شنو
Читать полностью…
خوية احتاج شغل اني هسه ورا العاصفة اللي توها خلصت بحياتي اذا اشتغل بأي مكان الا اطلعلهم شغل سنة كاملة بأول اسبوع
اذا ينطوني تاسكات شهر كامل فلا اگول لا
متقبلة تمامًا
اي شي يخليني التهي
وثنينهم متوفرين بالمتجر بالاضافة لباقي المنتجات اللي مجربيها احنا تكدرون تشوفوهم بالهايلايت
Читать полностью…
اللهُم ولا تجعل في قلبي مثقال ذرة من كبر أو هم أو حزن أو تيّه أو ضياع واجعلني أزرع الحُبَّ والسَّلام والبهجةَ حيثما كُنت وحيثما وليتُ وجهي شطر الحياة
Читать полностью…
لكن اكو اشياء عزمت على تركها ب٢٠٢٤ لان اهلكت جسدي وصحتي
١- العصبية، التوتر، القلق، محاربة جهازي المناعي بنفسي
٢- تحمل ذنب كل شي
٣- الاعتذار على كل شي، اذا اكو انسان يعتبر ان الاعتذار من الشيم الجميلة فهو اني.. بس مؤخرًا تعرضت لمواقف حسستني ان المقابل حتى وان كنت خطأت بحقه، ما يستاهل اعتذاري
اذن ما راح اعتذر ب٢٠٢٥.. الا لمن يستحق كلش فرد نوب وعلي
٤- التفكير المفرط.. ما بايدي موازين الكون ولا بايدي ان اسيطر على كلشي.. اللي يصير يصير وكلنا محض صدفة
٥- امتناعي عن لبس احبه لمجرد ان خجلانة من شكل وجهي او جسدي
٦- محاولة تغيير واصلاح اي احد، اني صيدلانية مو مهندسة.. وظيفتي انطي علاج مافاد الله ومحمد وعلي والحسين وياه
٧- عدم وضع الحدود القوية لان اخاف ازعّل الناس مني.. ما طُز في الناس.. او اگلك ٥ طز في الناس
عمومًا بعد سلسلة من الخسارات الفادحة خلال اخر ٧ اشهر اخرها كان اليوم احب ان اگول لنفسي وأياكم ان اتس اوكيييييه بصوت الفنانة القديرة اليسا
وان مين زيينا يا حبيبي مين
وان ميخالف، راح نخطأ ولازم ما نخجل من الخطأ، ولا نمجده
هو خطأ.. يتصلح لا اكثر ولا اقل
وان الدنيا ما تنطينا دوم ما تشتهيه الانفس.. وان الوقت ممكن يلتهم بعض امانينا الغالية على قلوبّنا فلهذا لا تگولون فات الاوان من تحين لكم الفرصة ان تحققون هالامنية
اكتب هالكلام واني صدري يضج بالأمنيات والاحلام الكبيرة.. اللي الكل يضحك عليها ولكن اني مؤمنة الا ان تحقيقها ما هو الا مسألة وقت
اي سيفي على الكوبي رايتنگ ادزلهم قناتي، اذا ما قبلوني اقلها يتونسون بقناتي
Читать полностью…
لا تَحْقِرَنَّ مِنَ المَعروفِ شيئًا، ولو أنْ تَلْقَى أخاك بوَجْهٍ طَلْق*
Читать полностью…
بوست اليوم في حُبّ فلم كدة رضا لان ما ماخذ حقه بما فيه الكفاية واني عن نفسي اعتبره من اصعب واحلى افلام احمد حلمي خصوصا ان مسويه ببدايات شهرته
احب فقرة ان الشخص هذا گدر يمثل ٣ شخصيات مختلفة بشكل ووجه واحد وتگدر تفرق بين كل شخصية والاخرى حتى من همه لابسين نفس اللبس
تگدر تفرق بينهم من تفاصيل كلش صغيرة، موضع الكاسكيته 🧢 و شكل النظارة وايماءات الجسد وحتى حركة الملامح والrest face هم تگدر تفرق
والنهاية اللي هي من احلى النهايات بالنسبالي لان اول مرة اشوف هاي المقولة مال ( اتقِ شرَّ الحليم إذا غَضِبْ )
فعلًا، المُحاط بأحِبّتهِ آمِنْ❤️
ياربّ احفظلنا احبابنا ولا تحرمنا منهم ويرزقنا بناس محبوبين ونكون احنا ناس محبوبين عند الباقين ويودون گعدتنا ويفضفضون لنا
المُحاط بأحِبَّتهِ آمِنْ.
بكل موقف يمر بحياتك صعب والدنيا تكون جايه عليك بزيادة من تلاگي چتف يسندك وحضن يطبطب عليك ويگلك ميخالف اني وياك وتعدي
لكل اللي چانوا مستعدين ان يصلحون اشياء همه ماچانوا مسؤولين عن خرابها
لكل اللي چانوا موجودين بالرغم من ان عندهم مشاغل الدنيا
طُوبى❤️