5928
لم تنفعها الصيدلة ولم تنقذها الفلسفة كل ما افعله هو " اسولف " @Zuhairah1988bot
يعني اذا مو احسن وقت الواحد يحمد ربه على كل النعم اللي حواليه ويا هالمطر 🧡!
Читать полностью…
ياربّ العام اللي جاي بمثل هذا الوقت اني گاعده بزحام امنياتي، قد جعلها ربّي حقًا🤍
Читать полностью…
اريد اسوي فقرة تم تعبئة الكرش بنجاح هنا بس برستيجي ما يسمح
Читать полностью…
اتذكر الزميل خل نصيحله حمادة الله يذكره بالخير يا حمادة
هذا بواحد من رمضانات الكلية جان النادي معزل والدوام طويل واني مااكدر اكل ولا اشرب لان محاضرة ورا محاضرة فماكدر اروح تكرمون للصحيات علمود اكل لگمة ولازم اخذ الانسولين لان الانسولين لازم وواجب ان يؤخذ بنفس الوقت يوميًا ( علمود نحاكي اوقات افراز الهرمون في الجسم بشكل طبيعي )
ف بوقتها نزل سكري كلش، واضطريت ان اكل بنص المختبر اثناء ما الزملاء ديسوون التجربة
حمادة وگف گدامي يگلي الله نيالج دتشربين مي، واني ماجنت طايقته لان قبلها ايضًا زعجني بس غلست عليه
ف جاوبته جواب خلاه ل٣ سنوات الباقية محترم روحه وياي
الجواب: خوش انطيني صحتك وبنكرياسك وعافيتك وقدرتك على ان تعيش بلا مرض، وانطيك بطل مي مثلج مثل هذا
الله يذكرك بالخير يا حمادة
داسولف بصوت عالي بالمطبخ واني اسوي الشوكلاطه الساخنة قبل شوية بعد ما اخوية تخربط وهاج قولوني عليه واستعاديت كل ذكرياتي الحلوة سويةً وشلون چنا اطفال عايشين بعالمنا الخاص وعندنا اصحاب وهمين وخياليين ومخترعين لغة خاصة بينا
اتمنى اطفالي واطفاله تكون علاقتهم كاخوان نفس علاقتنا واحنا صغار قبل لا يراهق ويخط شنب الخمسة الاف رصيد اسياسيل وننفصل عن بعض بعالم الكبار
المهم مو هذا موضوعي، جنت اسولف بصوت عالي علمود اعالج تشاكرا الحلق خاف هو اني مااسولف هواية فأريد اعالجها علمود اگوم اسولف اكثر واكثر
فاستوعبت ان كل اللي سويته وحچيته ١٥د من السخط على الجنس البشري والحليب اللي فار بالمايكرويف وتچبچب منا ومنا والمايكرويف گام يجدح فجأةً وبعدين لميت كلشي واني اغني ل٧ د متواصلين اعتزلت الغرام و حبو بعضن و بيني وبينك
بس كذا قررت اكمل باقي رحلة علاج تشاكرا الحلق هنا
راح ابدي اشارك يومي وشنو صارت فعاليات بصور كارتونية كلما سنحت الفرصة
Читать полностью…
بغض النظر عن قراءات السكر لان اليوم كله فوگ ال٣٥٠-٤٠٠ لكن ميخالف ولو لن اسمح له ان يعكر صفو مزاجي
قبلاتي للجميع
يتم السحب على جميع المسلسلات واعادة مشاهدة : نيللي وشيريهان، عايزة اتجوز، سابع جار، الكبير اوي
Читать полностью…
باچر مطر ورمضان ومغربية يعني الوتر اللي يتصلى بهاليومين لازم لازم يُستجاب به الدعاء
يااااي حماس
حضروا امانيكم وادعيتكم
ما ادري شنو اللي تسويه اغنية مافي منك بيّ بس اللي اعرفه ان هي هاي الاغنية اللي راح اعلن بيها خطوبتي
Читать полностью…
الربع الاخير من الليل، الدعاء بهالوقت مستجاب.. فاللي يريد يصلي الوتر عسى ولعل ربّي يستجاب له ويؤتى سؤله ان شاءالله 🤍
Читать полностью…
بالله الكريم اعرف بنات استغنت عن المهر والبيت والسيارة وهذي هي حجج بعض الذكور التافهة جدًا يگول يريدن بيت ويريدن مهر ويريدن مدري ايش طيب هاي حقها يا اخي، خصوصيتها هي حقها!
عموما اعرف تنازلوا عن كل هذا لمجرد ان تأكدت وتطمنت ان اللي وياها رجل يُعتمد عليه وصبرت عليه وعلى حالته المادية القليلة بوقتها لحدما الله فتحها عليه ورزقه وما طلبت منه شي هو چان ينطيها من طيب خاطر وهو اللي اقترح عليها ان يسكنون خارج بيت الاهل
يعني انت رجال عمرك ٣٠ سنة للان ما مأسس لنفسك وظيفة مضمونة ثابتة براتب مقبول عمي عوفك من البيت بس حتى مصرف او دخل ثابت الك ماكو ومع ذلك تتگلب على بنات الناس؟ لعد ابو العشرينات اللي اسس نفسه وجاب البيت والسيارة شلون سواها وانت دتتگلب هيجي؟
بالرغم من ان اكره كلش ان اسولف برأيي بهالموضوع بس الوضعية صايرة فدنوب مزعجة
امنيتنا كبنات صارت رجل مسلم محترم صايم مصلي ما ينتقد مذهب غيره او دين غيره ما عليه غير بنفسه عنده شغل مهما كان قووته اللي يكسبه هو يكون فخور بي ويعرف شلون يدبّر اموره.. بغض النظر عن باقي الماديات والله كل انثى ممكن تستغني عنهم لمجرد ان تحس ان المقابل هو رجل مو مجرد ذكر بالبطاقة الوطنية
الذكور بهذا العصر حاشا الرجال المحترمين منهم، يكفر ويفتخر بنزواته والزنى والفحش مالته ويفتخر بأن ميريد يدفع مهر واذا البنت قللت من مهرها علموده وعلمود حالته المادية يشوفها قللت من شأنها ويبدي يدوس ببطنها ويستغلها
لا يريد يدفع مصاريف ويحمّل الزوجة منيّة ان هو فاتح بيت! لا يريد يتحمل مسؤوليته الخاصة ويتگلب على الشغل والمدير ويريد اجر عالي بدون سعي
يدورله وحدة تشتغل علمود تشاركه واجباته هو! تصرف عليه هو بالرغم من ان هي لو سوت هذا زايد خير منها وقبل لا ندخل بموضوع ان هو واجبه المأكل والمشرب والملبس هذني بديهيات والباقي نعم صحيح تدليل منه ولكن يبقى ان هو يريدها تشاركه بواجبه !
ورا هذا كله ميريد يتنازل عن اي شي من حقوقه اللي بالدين من الطاعة والقوامة يشوفها حقه اللي الدين نصّه له متناسي تمامًا ان هو ولا ربع واجب من واجباته مقدمها للانثى!
اللهم لا تفجعني في نصيبي
الوتر، اخر دقايق قبل الفجر.. الدعاء مستجاب بهذا الوقت فلا تستخسروها بنفسكم
Читать полностью…
اكو من يصومون يرتفع سكرهم ارتفاع شديد وبعدين يهبط هبوط اشد
كثرة الارتفاع والهبوط ايضًا يؤدي الى مضاعفات بالمناسبة
المهم نرجع
سبب الارتفاع الشديد ان اني من اجي اكل اني احدد شنو اكل علگد الانسولين اللي ضربته يعني مثل اني اكدر احدد شگد چيلة شكر احط بالچاي
على حسب كمية الچاي اللي صبيته ( الشكر هو سكر الدم واللي هو الاكل يعني والچاي اللي هو الانسولين )
في حين اذا اكو انسولين وماكو اكل = الجسم ماعنده مقياس يحدد شكد كمية الشكر
فيگوم يطلع الكلايكوجين ( واللي هو السكر ) ويهضمه بس الكمية تكون مرات هواية كلش لان ببساطة نكرر الجسم هنا ميعرف شگد لازم يطلع شكر خصوصًا لو السكر ما مضبوط لسنين طويلة والشخص ياخذ انسولين هواية وكمية مو ثابتة ولا بوقت محدد يوميًا
السكر دوم اگول عنه مرض نسبي، يختلف اعراضه وتأثيره من شخص للاخر وتأثيره عند النساء مختلف تماما عن الرجال
الفئة العمرية كذلك تأثر والمدة الزمنية لاصابة السكر ايضا تأثر
خالتك كدرت تصوم لان مصارلها كم سنة من مصابة بالسكر ف الخطورة مو عالية عليها ماعندها تلف الاعصاب ولا الكلى مالتها متأثره ( للان )
لكن زميلك اللي تنتقده لان شرب عصير امامك بنهار رمضان بعد ما نزل سكره لل٥٠ صارله بالاقل ١٠ سنوات عنده السكر وعلى اعتاب المضاعفات
واكرر هالمضاعفات تصيب جميع مرضى السكري عاجلًا ام اجلًا الفرق بين كل واحد هو نسبة تحكمه بالمرض والاعمار والاقدار بيد الله
ف مو معقولة اني اضحي بكليتي على يابو فلان انزعج لان فطرت گدامه واني حتى مداشوف بسبب تغويش البصر بسبب هبوط السكر المفاجئ
انزعج
انزعج عمار ابن ياسر علمود باكيت عصير
لا مزيد من علاقات الاستعباط المسماة ب ( ستويشنشب )
لا مزيد من العلاقات
المزيد من التانگ بالليمون نعم
مجرد اظافر احتاجهم ان يكونون على اصابع ايدي عاجلًا غير أجِلًا
Читать полностью…
شگد هاليوم لطيف وكله نِعَم، مطر، رمضان، ناس نحبهم، احبابنا سالمين غانمين ويوم هادئ
بحيث الواحد يصفن ويگول معقولة كل هذا الي؟
مدتطلع من راسي
واگفة بالمطبخ لازمة بطل زيت الزيتون واتخيل نفسي دا اخذ جائزة نوبل بعد ما حققت اللي براسي ودا القي بيهم خطاب ابو السطر وهالاغنية تلعب بالخلفية
اما يوم الجمعة هو تذكرة مجانية للامنيات
هم جمعة هم رمضان هم اول جمعة برمضان هم مطر وفوقه كله ٥ صلوات + الوتر؟ واستجابة بوقت المغربية وعند الافطار؟ لن ينجو اي ظالم
والروح بتصيح اه يا ادماني مش شايف ولا حدا تاني غيرك انتي!🤍🤍🤍🤍
Читать полностью…
دماغي يدندن على مسامعي النهار كله هذه الجملة " خايف من بكرا ليه؟ هو ربّنا قصّر معاك امبارح؟ "
فحيكون هذا موضوع اليوم للكتابة
احنا حاليًا على الأقل نعمة وحدة من النعم اللي چنا ندعوها يومًا ما
اول شي صفنت عليه من استوعبت هالحقيقة هو عصفوراتي الاثنين.. فعلا چانوا حلم بالنسبالي والحمدلله تحقق
انيساتي وحبيباتي
هسه صايره اذا تضيفيه تگولين اي يا الله ادمي واخيرًا، تفترين بحسابه تلاگيه متابع شكو مودل وراقصة.. تريدين تغلسين تگولين ميخالف تمشيها يطلع بعدين يگلج والله اني اكره النسويات تگليله اي بس مااحتاج ان اتسمى بمسمى معين علمود ادافع عن حقي كأنثى كإنسانة يگلي ها انتي منهم تگليله لا يابه مو منهم اني مجرد عندي حقوق اريدهن يااخي احنا عايشات ببلد اقصى ونسة عندنا هي تصويرة للگهوة اللي نشربها وستوري لوجهنا بفلتر.. حتى هذا لاحگينا عليه وينتقدون ويسخرون
ترجعين تحاچيه يطلع شوية بيه لزمة وادمي تدورين وراه تلاگيه يحمّلج منيّة اذا جابلج وردايتين عمي شو دروحوا هاي الاستروجين ليش صاير عالي عندهم مدافتهم شنو ديضيفولهم شي بالاكل؟
النوب شنو سالفة ان انتظرتج تحاجيني لك بابا اني بالنت من ٢٠١٤ شهدت على قصص حب واحد اعترف لوحده بكومنتات الانستكرام من جان الانستكرام ما بيه دايركت
ذاكليوم اشوف واحد مستكثر على زوجته ان يكتب جزء بسيط جدًا من البيت ياللي اشتراه باسمها، متناسيًا تمامًا ان هو خلاها تگعد من وظيفتها الحكومية علمود ترعى الاولاد وتقدملهم تربية متكاملة بوجودها حولهم باستمرار ومتناسي ان هي لو عندها وظيفة جان ايضا جمعت من راتبها واشترت لنفسها بيت ومتناسي ان هو حتى مصروف خاص لها مدينطيها وانما هو يصرف عليها بكيفه وبمزاجه وهي راضية لانها واثقة انها متزوجة ( رجل )
يا اخي بيبياتنا قبل ازواجهم يكتبولهم بيوت مو بيت بيووت اربعمية وستمية متر باسمائهم وهي مسويه نفس الشغل هذا
يگول اني تعبت بهالبيت واشتريته بفلوسي طيب انت جنت تشتغل وتسعى علمود تحصل هالبيت هي المسكينة ايضًا جانت تسعى بتربية الاولاد تربية صالحة وجيدة وضيعت ايضا وقت جان تكدر تستثمره بوظيفة علمود تشتري لنفسها بيت! استكثرته عليها! حسبي الله ونعم الوكيل يااخي شنو من عين قبيحة
فعلًا من اجي اباوع على مسيرتي الدراسية حرت هل اني فعلًا شاطرة وذكية؟ لو مجرد شخص مهووس ان يطلع الاول؟
Читать полностью…