5928
لم تنفعها الصيدلة ولم تنقذها الفلسفة كل ما افعله هو " اسولف " @Zuhairah1988bot
اول مرة چنت شاهدة على هيجي عمة جانت بعرس بنت نعرفها جان زوجها ديلبسها ذهب گامت هي عصبت واخذت الذهب لبستها هي للعروسة
جانت هاي اول صدمات حياتي بالعمة
المسلسل شايليه كلهم، حتى اسماء ولو باردة بس مرات وجودها بمشاهد بمساعدة طبعًا الممثلين الوياها تضحكني
اني حبيت اكثر شي تمثيلها لبنت الطبقة المتوسطة لهذا المسلسل relatable لأن يمكن هي اسماء اصلًا جانت بنت الطبقة المتوسطة ماادري بس يعني احسها هي مدتمثل هي هاي شخصيتها الحقيقية😂
ماادري تمثيلها لطيف بس بدون حضور
اتفهم انها تجسد شخصية البنت المتوسطة الهادئة الشبعانة من بيت اهلها ومجرد تريد ترضي عمتها ام رجلها وامها وعركاتها ويه زوجها على الجهال لو الشغل حتى عركاتهم ببداية المسلسل علمود الشغالة هم جانت كلش حقيقية😂
بس مجددًا تحتاج تضيف لمسة للدور سواء بشعر بملابس بايفيهات خاصة بيها بحركات وايماءات وجه
المهم المسلسل يسوى جدًا.. صارلي هواية ما شايفه هيجي مسلسلات من ايام تامر وشوقية او الكبير اوي او عايزة اتجوز و الباب في الباب
مسلسل سيت كوم لطيف خفيف ماكو عياط وصياح ماكو تعقيد افيهات خفيفة بس تضحك وما تحتاج تفكر هواية بيها اللغة نفسها مفهومة مو لغة ايجيبت ولا جعير اللي علساس صعايدة ولا تمت للصعيد بصلة
يُنصح به جدًا لتغيير المود
مرات الواحد نفسه يروح لشغل امه ويشبعها كتل ل رجاء ام الذاتية وسناء اللي بالطابق الثاني ويمسح بكرامتهم الگاع ويبوس راس امه ويرجع
Читать полностью…
جنت دا اريد اكتب عن تغيير اللغة عبر السنين وشلون وصلت لشكلها الحالي بس تشتت ومابيه حيل بعد
Читать полностью…
اني مااحتاج ذكاء اكثر او تعليم اكثر او مواهب اكثر
اني احتاج ان اقرر واثبت على شي
شدعوة هلگد " بكميات " اليوم اظهروا نفسهم تعبت نفسيًا من كمية الحموضة
Читать полностью…
كل سنة وانتي طيبة يا وليّه
عدا البك مي ، اعايدچن بعيد الرجل
لو چنا نگدر نعيش بعض الأعمار مرتين، هل چنا راح نقدّرها أكثر؟
أكو عمرين أتمنى أرجع أعيشهم لو أقدر: عمر ال٧ وعمر ال١٧.
بعمر ٧ سنوات، تفقد سنك الأمامي وتحجي بالثاء، تحس نفسك محرج، لكنك عبيط بطريقة لطيفة. توّك تبدي تفتهم الكارتون بجدية، تظن نفسك دخلت عالم جديد، عالم المدرسة، وتخيل أنك خلاص ختمت نص مغامرات الحياة.
بعدين يجي عمر ١٧، وانت مقتنع أنك فاهم كل شيء. تظن نفسك غصت في بحر المعرفة، وعندك شغف مبالغ تجاه المستقبل. تحس وتشعر أنك كبرت بما فيه الكفاية لتقرر مصيرك، لكنك ما تدري أن الحياة لسه دا تضحك عليك بلطافة.
ياه… بين ٧ و١٧، الفرق يبدو وكأنه قرن، لكن الحقيقة؟ كلاهما لحظات من البراءة المغلفة بالوهم اللطيف..
اي نعم بنو اسرائيل جروا عدل لفترة من الزمن ولكن رجعوا لتخاذلهم مرة اخرى من وصلوا الى فلسطين وعرفوا ان هناك اكو قوم اقوياء ولازم يدخلون حرب وياهم علمود ياخذون الارض فگلوله بالمعنى الحرفي للنبي موسى
﴿قالوا يا موسى إِنّا لَن نَدخُلَها أَبَدًا ما داموا فيها فَاذهَب أَنتَ وَرَبُّكَ فَقاتِلا إِنّا هاهُنا قاعِدونَ﴾ [المائدة: ٢٤]
اني من قريت القصة: ؟؟؟؟؟؟؟؟؟
هارون هنا حاول ان يوعيهم لكن ماكو اي فايدة بيهم ف عاندوه وگلوله ما نسمع كلامك وما نتحرك منا ولا نروح لفلسطين الا لمن يجي موسى
ف هارون اضطر ان يجاريهم لحدما يجي اخوه
وفعلًا من اجا النبي موسى وشافهم هيجي كلش انزعج من هارون وسأله ليش ما وعيتهم ليش ما ارشدتهم ومنعتهم
فهارون جاوبه: يا ابن امي اني خفت لا يصير شقاق بين الصفوف وتنذب براسي وتصير مشاكل ومحد يصدگني
ف بعدها صار هذا الحوار اللي بآية ٨٣-٨٤
عمومًا
بعدها ربّ العالمين يگله ان السامريّ خدع قومك واستغفلهم وبما معناه ان ماچان المفروض موسى يتركهم لانهم مو أهل للثقة
ف موسى كلش اتأذى وغضب ورجعلهم لقومه ويرزلهم ليش سويتوا هيجي ليش مشيتوا ورا كلام السامريّ مو ربّ العالمين وعدكم بحياة افضل ليش دتسوون هيجي ليش دتردون للكفر؟
السامريّ هو دجال لوتي منافق وماكر من قوم موسى استغل غياب النبي عليه السلام وراح صنع من الذهب عجل لقوم موسى ( مادري شسالفتهم ويه العجولة ) وادّعى ان شاف الملك جبرائيل وتتبع خطاه واخذ بمقدار قبضة يد من التراب اللي مشى عليه وحطه على الذهب فلهذا العجل كام يطلع صوت الابقار وهذني وبالتالي خدع بني اسرائيل
نلاحظ هنا ان ربّ العالمين يستجوب نبيه موسى ويسأله انت ليش استعجلت وتركت قومك واجيت
ف موسى جاوبه ان اني جنت اريد ان القاك ياربّ وترضى عني واستلم التوراة والتشريعات اللي راح انظم بيها حياة قومي
محد يستفزني بگد قوم النبي موسى عليه السلام، الله يساعده شچان متحمل
الأيات اللي بسورة المائدة وبسورة طه توضح معاناته
وبما ان احب اسولف قصته علمود اذم قومه، فتعالوا نسولف قصته
اما ام حمدي، والله العظيم اللهم لا تفجعني بأم زوجي حسبي الله ونعم الوكيل بهيجي عمّة بالدنيا وبالآخرة وبالقبر وبالبرزخ يمه السم يمه
Читать полностью…
اني احب اسماء جلال واستغرب المصريين ليش ضايجين منها، بس فعلًا مالها بالتمثيل يعني مثل ياسمين صبري ماعندهن لا حضور ولا انصراف ما ثابتات وجودهن.. وجودها وعدمه بالمشهد واحد بحيث اني من تجي مشاهدها اگلّب بالتلفون مثل هسه مدا اسوي، لان مملة ما تجذب لا لغة جسد ولا تعابير ولا حتى افيهات ولا حتى الكاركتر تلبسها ملابس مثلًا تخليك تضحكك او تجذبك ( مثل فيبي بوفيه مثلًا بفريندز )
ذكرتني ب دنيا سمير غانم بدور هِديّة بالكبير اوي بس دنيا اشتغلت على الشخصية بعد الموسم الاول وكامت تخربني ضحك بحيث بعد ما استبدلوها بمربوحة هواي افتقدوا دنيا لان جانت فعلًا ضايفة للدور قيمة مو مجرد تمثيل لسيناريو والسلام
نتشارك اني وشخصية عربي من مسلسل اشغال شقة جدًا ان ثنينا منعرف نگول لأ، لازم نهبد🌹
Читать полностью…
عمومًا، شوفوا هذا الڤيديو نصيحة لوجه الله، عسى ربّي ان يؤتيكم سؤلكم
Читать полностью…
خل استغل هالفرصة وانشر كل الشخصيات الموجودة بعالم المسرح والتلفزيون والسينما اللي شكّلت شخصيتي
لان احبّهن مثل ما احبّ خالاتي
كل يوم هو يوم المرأة، احنا مجرد ب 8 مارس، نذكّر العالم بذلك.
چنت دا افكر، بينما ارتب غرفتي، شلون تحول “يوم المرأة العالمي” إلى مناسبة تمتلئ بالورود والعبارات المنمقة، بينما الحقيقة أكثر تعقيدًا، أكثر جاذبية، وأكثر فوضوية.
المرأة ليست كيانًا يُحتفى به ليوم واحد، بل هي قصة مستمرة، ثورة صامتة، ووجود يفرض نفسه رغم كل شيء.
احنا مدا نحتاج إلى رسائل معلبة تگللنا أن احنا قويات، لأن نعرف هالشيء كلش زين. ولا بحاجة إلى تهنئة من ذات الأفواه اللي حاولت ودتحاول إسكاتنا كل يوم. احنا نحتاج إلى مساحات، إلى فرص، إلى أن يُسمع صوتنا عندما لا يكون اليوم “8 مارس.”
لكن، بما أن العالم قرر أن يلتفت إلينا ليوم واحد، ف تسمحولي ان نخليه فرصة نذكرهم، ان كل يوم هو يوم الوليّه
و خلي نحتفل بأنفسنا زي ما احنا يا ستي، بلا أقنعة، بلا تصنع… وبلا انتظار اعتراف أحد.
وبعدها عاقبهم رب العالمين على هالدگة ب أن ضاعوا بالصحراء لمدة اربعين سنة كاملة
اثاري صدك يُمهِل ولا يُهمِل
بعدها بالأية ٩٥ يسأل موسى السامريّ ليش سويت هيجي فيجاوبه ان نفسي الامارة بالسوء هي اللي خلتني اعمل هذا العمل وان اني استغفلتهم واخذت من خطى جبرائيل وهمه ميدرون بيا
ف موسى يجاوبه ان اذهب حتبقى طول عمرك معاقب ومنبوذ بالدنيا وبالآخرة رب العالمين راح يحاسبك
وعجلك هذا اللي خليتهم يعبدوه راح نحرقه ونرميه باليمّ
وانتهت القصة لهنا
هنا يشرح ان بنو اسرائيل شافوا العجل وتقشمروا من السامريّ وگللهم هو هذا ربّ موسى وربّكم وهذوله كل عقلهم راحوا وعبدوه للعجل
بعدها يبدأ القرآن يشرح موقف هارون ( اخ النبي موسى )
واحد يتسائل شنو الذهب منين جابه هذا السامريّ؟ وشنو تفسير ايه ٨٧؟
قوم موسى ( الصلفين ) يجاوبوه ويگلوله احنا ما خلفنا وعدنا ويا ربّك ولكن الحُليّ والذهب اللي شايلينه وجايبيه من قوم فرعون چان ثكيل علينا فحطيناه بحفرة والسامريّ قشمرنا وشمر بهذه الحفرة التراب اللي مشى عليه جبرائيل عليه السلام
اني من قريت جوابهم: ؟؟؟؟؟؟؟؟؟؟
ها هالكلام بعد ما موسى اجا لقومه وگللهم يابه خلي اسويكم اوادم واخذكم لفلسطين خوش ارض ورب العالمين امرنا ان نروحلها واسويكم اوادم ويرحمكم الله من بطش فرعون وربعه
گلوله اي يلا وياك عليها
فراحوا وياه ووصلوا لسيناء تقريبًا وهنا قرر موسى يعوفهم ويروح لجبل الطور علمود يلقى رب العالمين وتنزل عليه التوراة
سورة طه توضح بداية سير الاحداث، الايات تحديدًا من ٨٣- ٩٨ تسولف القصة شلون ان بنو اسرائيل، لاحقًا اصبحوا معظمهم اليهود فمااكدر اگول عنهم اليهود لان مو كلهم يهود بس حمشي ب تلقيبهم ب( قوم موسى )
Читать полностью…
عندي هواي مواضيع للكلام لكن التشتت معضلتي الأبدية ديخربها عليّ
Читать полностью…