641
خدمة الحسين شرف لنا تم انشاء القناه يوم 28/10/2024 الساعه 10:40
♦️تم نشر قصائد منبريه هنا 👇
👉 /channel/Bany_Hashime
السلام عليكم
اكو بنيه رادت مجلس كامل للدفنه بس مااذكر حسابها هذا المجلس اتمنى يوصل الها
بقلم الشاعرة المتألقه رحمة الله تحسين
تم تغيير المستهل
من عنه الهواشم وين
الى عنه الاهل چا وين
بأعتباره شخص مجهول ولم يعرف اذا كان هاشمي او لا.
🫧
على وزن هذا الغريب منين
للحسين ع
هذا السليب امنين
.عنه الاهل چا وين
مملي يجسمه اجروح
وبيا ذنب مـــــــــذبوح
عنه الاهل چا وين
♾♾♾♾♾♾
ماكو واحد يفزع لجسمه و يشيله
جسمه دامي وماكو واحد يعـتنيله
شعجب مافزعوله اهله ولا قــبيله
النحر مكطوع ولا بطل مســـــيله
وينه اليجيب الراس
ووينه اليفزع النـــاس
وعليه يگيم النوح
وبيا ذنب مذبوح
♾♾♾♾♾
وينه اليفزع عمامه وكل هله وناسه
و وين الطارش اليـــكصد لعد راسه
يجيبه وبالحـــــزن يعنى على الجاسه
على الـــــــعاش باألم يا آخــر انفاسه
.
من شده الطــعنات
جم مره يمكن مات
بالكوه عاف الروح
وبيا ذنـــب مذبوح
♾♾♾♾♾♾
عليه النوح يحله والدمـع زمزم
انذبح هذا الغريب بيا جرم ملزم
الذبيح المنتصر اسمه ولا المُهْزم
و عطر جسمه كإنه بعنبـــــر اتْوَزْم
يفوح الجســــد بعطور
ويشع چنه بياض النـور
يونله يا حمام الدوح
وبيا ذنب. مذبوح
♾♾♾♾♾
يفوح من الجسد عطر الورد چـنه
كأن عطره مسك نازل من الجنه
يهذا المنذبح محد. ســـــــأل عنه
نحس من نوصل بگربه يجر ونـــه
چنه يجر ونات
يمكن اله بنيات
يون وكلبه مجروح
وبيا ذنب مـــذبوح
♾♾♾♾♾♾
يون ومنجرح كلبه بطبع حافر
الضلع بكليبه مو بالصدر صاير
اوصف حالته شنو الوصف حاير
اكولن منذبح صبرا بقى يكابر
شاف شـــكثر لوعات
الخيل شكثر صلفات
ماخجلت من اتروح
وبيا ذنب مذبوح
♾♾♾♾♾♾
ام زينب الحسيني
/channel/zainxvybcxvhxxa
/channel/zainxvybcxvhxxa
#شور
قصيدة لوفاة الرباب ع
♾♾♾♾♾
هاي الرباب الباقيه اتلوع
كد البجي ماخلت ادموع
هالــــيوم لافيها الاجل
وعبدالله ناداها العجل
خل نجتمع والحزن ممنوع
♾♾♾♾♾♾
هاي الرباب بلا دمع خلـــًـصت يالعيون
كد البجي صبح ومسه لذاك الزغيرون
وأكثر بجـــــــيها للذي صدره يدوسون
ذاك الشهيد ابلاغسل ظل عاري بالكون
تبجي عليه مغير الحال
هذا بترابه بس اثر ظال
تبجيله هيه ابلا. ملل
وعبدالله ناداها العجل
خل نجتمع والحزن ممنوع
♾♾♾♾♾♾♾
تبجي بندامه عالبقه وماشـــالته. انعوش
تبجيله مكطوع الكلب ماظلت اهروش
و كد البجي من الجفن طاحن. يالرموش
المايعمه كالت عاليحب ياعشكه مغشوش
للموت تبجيله بأنين
ملهوفه وتريد الحسين
ويعقوب صارت بالمثل
وعبدالله ناداها العجل
خل نجتمع والحزن ممنوع
♾♾♾♾♾♾
صارت مثيله بالحزن سموها يعقوب
تنعاله وي طرت الفجر ولحد الغروب
الديره عليها مألمه ومحزونه الكلوب
يبجي اليمر يسمع ونين بصوت متعوب
ونعاوي التبجي الصخر
يسمعوها لو صار العصر
والدمع جف وما. نزل
وعبدالله ناداها العجل
خل نجتمع والحزن ممنوع
♾♾♾♾♾♾
جف الدمع من المقل والعمر خلصان
والاجل من عدها دنه ومحضره اچفان
لحسين مشتاقه واله هالگلـب ولهان
الموت چانت تطلبه واليوم. هل حان
حان اللقاء التنتظر ليه
تشوف التريده وتنحب عليه
الموت چـــان الها امل
وعبدالله ناداها العجل
خل نجتمع والحزن ممنوع
♾♾♾♾♾♾♾
جان الامل والملتقى من تطلع الروح
بحسين هيه تجتمع واتبـــــطل النوح
خلصت يأيام الهجر واسنـين الجروح
واليوم لهفانه ام عبد هالرايحه اتروح
يم التحـــــبهم راحت اتصير
خلص عمرها الماكضه بخير
فرحانه من جاها الاجل
وعبدالله ناداها العجل
خل نجتمع والحزن ممنوع
♾♾♾♾♾♾♾♾♾♾♾
ام زينب الحسيني
🌿فزاعيه بقفلة هوسات🌿
🌿 للاحباب 🌿
صلفه المكبره... باگت حنينين
عليهم من بجيها ابيضت العين
🌿🌿🌿🌿🌿🌿
صلفه المكبره الباكت اهالينه
اهل المرجلة وحجاية الزينه
الناموا بالكبر مانشدو علينه
سكنوها //الظلمة الترهب
🌿🌿🌿🌿🌿
ظلمه المكبره سكنوها اجاويد
اهل المرحبه وملكاهم العيد
يفز كلبي و وجعني ليهم يريد
فز كليبي///من طاريهم
🌿🌿🌿🌿🌿🌿
بطاريهم يفز كلبي ويوجعونه
وين البي محنه غمض اعيونه
اطش روحي عليهم لو يردونه
يرد لينه /// هيهات الراح
🌿🌿🌿🌿🌿🌿
هيهات المشه للمكبره ترده
مايطلع بعد لو ينزل بلحده
يشلون الكلب لو طالت المده
يشلونه //لو شالوا كلبي
🌿🌿🌿🌿🌿🌿
ينشل الكلب مايحمل افراك
لوشالوا هله كلساع يشتاك
اخ من الهجر للروح حراك
احتركت روحي //من الفركه
🌿🌿🌿🌿🌿🌿
✍الشاعرة ام زينب الحسيني
🌿🌿🌿🌿🌿🌿
يمذبوحي... يمذبوحي
تون روحي... يمذبوحي
اجيتك شاهگه بالون
العلاوي وسفه ينضربن
يمذبوحي.. يمذبوحي
♾♾♾♾♾♾
اجيتك واشهك بوني/ يخويه ماكمت ليه
كوم اسياطهم توجع./جرحن ظهر علويه
ماسلمت ولا وحده/من السوط والچويه
وحركوهن صواوينك/ كوم افزعلي بميه
ادري مايصح بيدك
بس يحسينه انريدك
يمذبوحي.. يمذبوحي
♾♾♾♾♾♾
احشمك بلكت ولنها/. تريد ياروحك الليله
تعال وشوف بعيونك/ الجمره الحركت الشيله
ركضنه واحنه مفزوعين/ وماضل عدل نمشيله
وياويله الذي يعثر./يدوسه الظالم بخيله
وحدر الخيل موتتها
يل تسحك عبايتها
يمذبوحي.. يمذبوحي
♾♾♾♾♾♾
حدر الخيل تتشاهد./ ياهي التتعثر بممشه
بسرعه الي تطيح اتكوم/ هي وتركض بخمشه
مشدوهين مصدومين/خويه وتصعب الرمشه
اكبال اعيونه يدوسوك/ وصاحوا باقي بس نعشه
اعلينه صاحو العدوان
ضلت بس نعوش اخوان
يمذبوحي... يمذبوحي
♾♾♾♾♾♾♾
ظل بس النعش منكم/. ويالتربان متساوي
واحدكم كمر جنه/. حسافه عالارض هاوي
الجروح انلچمن بتربان /وياهذا الكلب چاوي
الله يعينه ياكلبي./هو شكد هضم حاوي
حاوي الظيم. دلالي
كل يوم افكدت غالي
يمذبوحي..... يمذبوحي
♾♾♾♾♾♾♾
كل يوم افكد امعدل/ وينه اليحمل الكلفه
يادنياي عالخوان./... تغالبني شكثر صلفه
وهذا اليوم ظليتوا/. عالتربان ياوسفه
ياوجع الكلب يحسين/محد يكدر يوصفه
محد يوصف. اوجاعي
حرت بين السمه وكاعي
يمذبوحي..... يمذبوحي
♾♾♾♾♾♾♾♾
ام زينب الحسيني
نعي ليلة الحادي عشر
في ظلام الليل زينب عليها السلام
يقال انها ذهبت الى مصرع
الحسين عليه السلام
ابنص الليل ياخويه اعتنيتك
لملمت حيلي و كوه اجيتك
يمصعب حالتك لمن لكيتك
عطشانه تطلب نفس ريتـــك
ومثل الحيل گوه لملميتــك
🥀🥀🥀🥀
خويه گوه لملميتــك يالشفيه
ضايع بالترب يبـــــن الزجيـــه
من سحك الخيول الاعوجـيـه
من حدر الترب اطلع بـــديـــه
اوصالك يبن حامي الحمـيـــه
🥀🥀🥀🥀
انه وامي الزجيه تگـابليــنه
وعله اوصالك سويه دورينـه
الله يعين گلب امنه الحنينه
تدور خنصرك وتصيح وينه
وليش وليدي هيج مسلبينه
🥀🥀🥀🥀
ومدت طولها يحسين يمـــك
تقبل منحرك خويه وتشــمـك
صبغت راسهه من فيض دمك
وما تكدر يضَي عــيني تـحضنك
ماليته السهام حسين جسمك
🥀🥀🥀🥀
🥀الشاعرة ام زينب الحسيني 🥀/channel/zainxvybcxvhxxa
للرضيع
مذبوح ياريع الكلب... والربتك حزنانه
والربتك مهضومه
تصد للمهد مصدومه
بمصابك وملجومه
والمهد خالي هنانه
والمهد خالي يالولد
يالترف مو مالت لحد
ذبلان يالجنك ورد
وامك صفت ذبلانه
ذبلت ييمه الربتك
منذبح انت و اخوتك
اذتني حيل امصيبتك
و ظليتلك ولهانه
ظليت ولهانه واون
بمصيبتك كلبي انمحن
وعيوني يوليدي انعمن
عمتك انه التعبانه
تعبانه تدري بعمتك
والنبله هاي الذبحتك
ذبحتني لمن جاستك
والوكت هم اذانه
اذانه يوليدي الوكت
ياريت وياكم متت
وهاي المصايب ماشفت
منهن صرت عميانه
ام زينب الحسيني
للمصرع
وحسين حزو ركبته
ياطه يامولانه
وحسين مذبوح ويون
بين المصايب والحزن
وبنتك يهادي بالمحن
متلوعه وحزنانه
متلوعه زينب تره
وعباس سبع الكنطره
عالشاطي جثه موذره
مطروح ظل بمجانه
مطروح عباس البطل
مادري بالصار وحصل
وحسينه عالغبره وصل
وهاي النسه ولهانه
ولهانه ياهاي النسه
وزينب تنادي يائسه
وبكليبها كل هم رسه
ياهو اليرد اعدانه
ياهو اليرد ذوله العده
وحسين جثه امدده
والصار بينه ماسده
وعالترب ياوليانه
عالترب كلهم ياهلي
وياطه اصيح وياعلي
فزعولي جا منهو الي
بتكم انه التعبانه
ام زينب الحسيني
لمصرع الحسين عليه السلام
فزاعيه جنوبيه مع هوسات
كاني بالسجاد ع يكلم زينب ع
الحسين انذبح... طلعن من الخيمه
فرن يا بناته. ابساع بالهيمه
فرن يا بناته. الخيل كصاده
طايح شيخجن بالحومه واتراده
وكلها امذبحه يرجاله والساده
مذبحيها / يا زلم حسين
مذبوحه الزلم مطروحه بالحومه
وكل هاي العده عالخيم ملمومه
طلعن يابنات حسين وبهومه
٠٠
يحركوها / التبقى بخيمه
يحركوها التظل بالخيمه ياعمه
وفرن يابنات حسين. ابو اليمه
لن هاي العقيله طلعت بهمه
ادور اعليه //حسين ابن امها
ادور عالذبيح الطاح واتكنطر
وبذيج الجثث يالحره تتعثر
ماعرفت اخوها ورايده تعبر
من اجروحه / زينب ضيعته
ماعرفته زينب ردات اتعبره
لن من عنده شمت ريحة الزهره
عرفته اخوها حسين من. عطره
عطره الزهره /الشمت بيه
ياعطر الزجيـــه. شمته زينب
كعدت كابلته ام عون. تتنحب
لن جاها الشمر واكباله ظل يضرب
لو ضرباها // حسين يون
ام زينب الحسيني
ختامية
واحسيناه واحسين
طلعت ام عون وتنادي..واحسيناه واحسين
وين شمامة الهادي. .. واحسيناه واحسين
♾♾♾♾
طلعت ام عون وتعثر.. واحسيناه واحسين
دورت وين ابو الاكبر.. واحسيناه واحسين
عالثره طايح اموذر. .. واحسيناه واحسين
ودارت اعليه الاعادي.. واحسيناه واحسين
وين شمامة الهادي... واحسيناه واحسين
♾♾♾♾
وحضر الملعون سيفه... واحسيناه واحسين
حسين كلهم مااعيفه... واحسيناه واحسين
بيه ذبح ويلي اعله كيفه.. واحسيناه واحسين
وزينب اتشاهد السادي.. واحسيناه واحسين
وين شمامة الهادي..... واحسيــناه واحسين
♾♾♾♾
شاهدت زينب ذبحته.. واحسيناه واحسين
بهيده يكطعها ركبته.. واحسيناه واحسين
بسرعه تركضله اجته.. واحسيناه واحسين
ويلي ضربتها الاعادي.. واحسيناه واحسين
♾♾♾♾
اكبال اخوها يضربوها.. واحسيناه واحسين
رادت اوياه يذبحوها... واحسيناه واحسين
براسه ويلي لوعوها... واحسيناه واحسين
تناحبت والحزن بادي.. واحسيناه واحسين
♾♾♾♾
مارضوا تبجي يويلي.. واحسيناه واحسين
صاحت اتفرهد يحيلي. واحسيناه واحسين
انتخي ياهو يجيلي... . واحسيناه واحسين
اخواني ماتوا مع أولادي.. واحسيناه واحسين
♾♾♾♾
ولادي ماتوا وي اخوتي... واحسيناه واحسين
ريت وياهم يموتي...... واحسيناه واحسين
وسفه ميسمعون صوتي.. واحسيناه واحسين
منهو الي ردني البلادي.. واحسيناه واحسين
♾♾♾♾
ام زينب الحسيني
السلام عليكم ورحمة الله وبركاته
انتظروني من ارجع من المجالس
انزل قصائد لباجر نارر🔥🔥
حدي وياكم للصبح انتظروهن
/channel/zainxvybcxvhxxa
ام زينب الحسيني
ابوذيات للفراق
دكي عالاهل روحي.... ونوحي
عافوني ومشوا عني... ونا حي
لا وحي النزل يمنه.... ونوحي
رسايل شوگنه الهم هل المسيه
يروحي من الهجر زايد.... ولمهه
اطشن روحي بالفركه.... والمهه
الفرح ماوالم الروحي.... ولمهه
حزن وجروح من عكب الشفيه
الفرح ويه النحبهم... ماتم النه
وحسافه الكلب فاكد.. ماتمنى
الهجر بالروح ناصب..... ماتم النه
وننوح عله المشو صبح ومسيه
ام زينب الحسيني
لطميه حزينه
كأني بحال مولاتي الزهراء عليها السلام
تخاطب الحسين عليه السلام بعدما سحقته الخيول
♾♾♾♾♾♾
يتعبي بروحي ربيتك... واشوفنك يطشرونك
حلو كلش يبن كلبي.. ومو مالت يسحكونك
مو مالت سحك متعوب
على نعشك يروحي اتلوب
انحنيت وردت اضمنك
... بلكي الله ويعوفونك
♾♾♾♾♾♾
بلكي الله ويتركونه.. جسمك ياابن بطني
لوبيدي ييمه احسين هاي الخيل تسحكني
اصدلك وانه مفزوعه اصيح ومنهو يسمعني
صرت الطم على امتوني يمه وضلعي يوجعني
واكلهم لا تلچمونه
وصدره لا تدوسونه
انحنيت وردت اضمنك
.. بلكي الله ويعوفونك
♾♾♾♾♾
اكلهم لاتلجمونه... اوليدي اضلوعه ملجمه
جسمه اسهام ماليته ريضوا خل اجر سهمه
بآچفاني امسح اجروحه. واتلطخ انه ابدمه
وراسي الشيب بهاليوم اصبغه وبالكلب لجمه
بدمك واصبغت شعري
وليدي يابعد عمري
انحنيت وردت اضمنك...
بلكي الله ويعوفونك
♾♾♾♾♾♾
بدمك راسي لطخته.. وغطالي يشيب البيه
جسمك طشروه الكوم والتربان سافي اعليه
من يلفي ظلام الليل.. زينب للجسد تلفيه
نلمه انه وياها.. ونمسح ذاري الغاطيه
نطلع الدفنته التربان
نفصلك عبينه اچفان
انحنيت وردت اظمنك.
.. بلكي الله ويعوفونك
♾♾♾♾♾♾
نفصلك عبينه اجفان... كون ونكدر الليله
بس زينب عباه وحده.. عدها وباجر الشيله
ماتكدر تفصلها... تجيك المدمع اتسيله
جسمك بالدمع يحسين رادت هيه تغسيله
تغسلك بالدمع رادت
وونتها فلا هادت
انحنيت وردت اضمنك.
.. بلكي الله ويعوفونك
♾♾♾♾♾
شلون اتعوفك عله الكاع.. ماهدت يونتها
مندومه تره الحره... اتعوف اشلون خوتها
تمنت زينب بهل اليوم.. يالمظلوم موتتها
لاماي اليغسلكم ولا اجفان حضرتها
احتارت بالدفن والماي
زينب بين هاي وهاي
انحنيت وردت اضمنك
.بلكي الله ويعوفونك
♾♾♾♾♾
ام زينب الحسيني
مجلس نعي للدفنه
❥ــــــــ☆ــــــــ●ــــــــ☆ــــــــ❥
بعد واقعة كربلاء الاليمه بقيت جثّة الإمام
الحسين(عليه السلام)، وجثث أهل بيته
وأصحابه مطروحة على أرض كربلاء
ثلاث أيّام بلا دفن، تصهرها حرارة
الشمس المحرقة وااااويلاه وااااامصيبتاه
❥ــــــــ☆ــــــــ●ــــــــ☆ــــــــ❥
(نعي شعبي)
ضـــــــلو ثلث تيام بتراب
وسفه عليهم زلم الاطياب
اغــــرگو ابدمهم الخضاب
امطرحه اجســاد الميامين
ابلا غسل وبـــلايه تجفين
احاه يمصــــــيبة الحسين
بالشــمس ضلــو ويلي ايام
سايل الدم من جرح السهام
ذول النشامة وخوش ازلام
ويــن اليجي هاليوم دفان
بالغبـــــــرة يدفن ال عدنان
ويشيلهــــم مـن عله التربان
❥ــــــــ☆ــــــــ●ــــــــ☆ــــــــ❥
🔺 مصيبه
روي أنّه لمّا ارتحل عسكر ابن سعد من
كربلاء, وساروا بالسبايا والرؤوس, نزل
بنو أسد إلى جسد الحسين عليه السلام
وصار لهم بكاء وعويل، ثمّ إنّهم اجتهدوا
على أن يحرّكوه من مكانه ليشقّوا له
ضريحاً, فلم يقدروا, أن يحرّكوا عضواً
من أعضائه..فبينما هم في الكلام إذ طلع
عليهم أَعرابي على متن جواده وقد ضيّق
لثامه، فلمّا رأوه انكشفوا عن تلك الجثث
الزواكي. فأقبل الأعرابي, ونزل عن
جواده, وصار منحيناً كهيئة الراكع, حتّى
أتى ورمى بنفسه على جسد الحسين
عليه السلام فجعل يشمّه تارة ويُقبّله
أُخرى وقد بلّ لثامه من دموع عينيه
نعم يامولين اتعلمون من هوه هذا الرجل
انه مولانا زين العبادين ابن الامام الحسين اتى ليدفن اباه الحسين
اين المنادي واااحسياه واااغريباه
❥ــــــــ☆ــــــــ●ــــــــ☆ــــــــ❥
(نعي زريجي)
جـــــاهم علي السجاد ويون
وبيهــــم يريد الـــــيوم يدفن
لشوفتهم يروحه اهوايه اتحن
جاهــــم يويلي وحاله اشلون
محني الضـــــهر ويهل العيون
كلش حــــــــزين وما اله لون
مــــــن الدمــــــع بلل الالثام
وكلبه علــــــه الغالين محتام
واعله جـــــــسد والــده انام
عـــــــينوه بالدمع يل محبين
ووياه ابـــــــجو يا مــــــولين
ماجـــــــور كلمن يهمل العين
❥ــــــــ☆ــــــــ●ــــــــ☆ــــــــ❥
🔺مصيبه
وهنا مولانا الامام السجاد ينعى مصاب
ابيه الحسين ع حيث قالت الروايات انه
جاء محني الضهر من شدت الالام
المحرقه للقلوب وقيل انه رما جسمه على
ابيه ابا عبد الله وكاني بلسان حاله وهوه ينعى مصاب ابيه
❥ــــــــ☆ــــــــ●ــــــــ☆ــــــــ❥
(نعي ملائي)
جيتگ يبويه وضهري محني
وشنهو اخبـــــرك بويه عني
ريــــــتك يبويه تستمع وني
يطر الصخر من عند الونين
هاليــــــــوم يابويه اجيتك
وشــــلون حالك من لكيتك
لا جــــفن وعاري ناضريتك
حســين بويه حسين بويه
عاري وتـون شفتك اموذر
بيـــــــدت حيل بويه اكثر
بهل وضع انه شلون اصبر
امنــين اجيب الصبر بويه
بويــــه ترى خلصان صبري
جيتك اون ومحني ضهري
رحـــــنه سبايه بويه تدري
زلمه ينسبي يابويه اشلون
❥ــــــــ☆ــــــــ●ــــــــ☆ــــــــ❥
🔺مصيبه
وبعد ذلك قام الامام ليحمل جسد ابيه
الحسين وقال لبني اسد ائتوني بحصيره
وقال له يا اخ العرب ماذا تصنع بالحصيره
قال الامام اجمع عليها جسد ابي عبد الله جمع الامام زين العابدين اجزائه المقطعه
من هنا وهناك ووضعها على الحصيره
❥ــــــــ☆ــــــــ●ــــــــ☆ــــــــ❥
(نعي مجاريد)
كاللــــــــهم انــطوني الحصيره
بيهــــا الف شــــــــيخ العشيره
علي السجاد ضل حيرته حيره
محـــتاره ضل ابهاي الوضاع
بحصـــيره لفه وضمه بالگاع
مــــــولانه گلبه اليوم مرتاع
بحـــصيره علي السجاد لمه
وبلا غسل هل ضال جسمه
دفـــــــناه يـــــاويلي ابدمه
❥ــــــــ☆ــــــــ●ــــــــ☆ــــــــ❥
قال الراوي: ورجع إلى الكوفة وإذا بعمته زينب
قالت : يا ابن أخي أين كنت هذا اليوم ؟ قال: عمه الان فرغت من دفن والدي الحسين
فبكت وقالت يا ابن أخي إلى الان
لم يدفن أبوك الحسين؟
❥ــــــــ☆ــــــــ●ــــــــ☆ــــــــ❥
(نعي عاشوري)
كلـته عمه انت جنت وين.. اه اه
كللها جنت ادفن بالحسين.. اه اه
والــــي بقو كلهم مطاعين.. اه اه
كلـــــــــي يعمه شنهو اصار.. اه اه
وشلون حال اخوان الاطهار.. اه اه
سولفلي مو گلبي اشتعل نار.. اه اه
جــــــاوبها والمدمع يسيله.. اه اه
ومــــن البجي مهدود حيله.. اه اه
بالدمـــــــــع جاوبها العقيله.. اه اه
كلــــــــها والدي ادفنته بديه.. اه اه
لفيته ابحصيره ابن الزجيه.. اه اه
ماضل بعــــــد كل حيل بيه.. اه اه
كلـــــــها يعمه شلون منضر.. اه اه
ذاب الكلـــــــب مني وتفطر.. اه اه
بهل مـــــــصــــيبه الله اكبر.. اه اه
❥ــــــــ☆ــــــــ●ــــــــ☆ــــــــ❥
تمت بعون ﷲ تعالى
بقلم خادمة أهل البيت عليهم السلام
✍🏻الشاعرة الملة﴿ࢪﺣمة ﷲ تحسين﴾
صاحبة دواوين 📚
[شهيدة ﷲ]و[مظلومية ال فاطمة]
و[مقطوع الوتين]
لا اجيز حذف الاسم أو التلاعب بالكلام
غير مبري الذمه من ينسب الكلام إله
/channel/MAHDE_alzaman
الرادود المبدع ظاهر الخيكاني
ام زينب الحسيني
عود ليش ماتتفاعلون عالقناة؟ 🥺
معقوله مايعجبنكم قصائدي
التفاعل هو دعم للقناة وهي لخدمتكم 🌺
🌿موشح للسيده زينب عليها السلام 🌿
انهض ابسرعه يبن حيدر علي
شيخة النسوان باجر تنولي
🥀🥀🥀🥀🥀🥀🥀🥀🥀
زينب الحره العقيله محيره
لو يطر الصبح تمشي ميسره
والغريب ترافكه شلون المره
مايصح ممشاها وبلايه ولي
🥀🥀🥀🥀🥀🥀🥀🥀
ويالغريب تروح زينب مايصح
كوم يا عباس لي يطر الصبح
كوم ليهه ابساع ليكظك جرح
والجليله تصيح جا ياهو الي
🥀🥀🥀🥀🥀🥀🥀🥀
ياهو اليباريني خويه بهل السفر
ياهو الي يصده يضربات الشمر
حيل مابيه وتره ظهري انكسر
والمصايب چلچلن كلهن علي
🥀🥀🥀🥀🥀🥀🥀🥀
والمصايب ياخو زينب چلچلن
نزلن عله اعيوني ياخويه وعمن
والعدو بالماي خويه ضل يمن
عگب جودك والعطش ماينجلي
🥀🥀🥀🥀🥀🥀🥀🥀
كبال عيني ضل يطشر بالعذب
يكلي احسينج كتلته وماشرب
من كلامه خويه ضليت انتحب
ويلي عطشانين ماتوا كل هلي
🥀🥀🥀🥀🥀🥀🥀🥀
✍✍ الشاعرة ام زينب الحسيني
فزاعيه بقفلة هوسات وتقرأ مربعه ايضاً
لذهاب السيده زينب عليها السلام
الى مصرع الحسين عليه السلام
شعدها ام عون... طلعت تركض بساع
اظن شافته اخوهها... يلوج بالكاع
✨✨✨✨✨✨✨✨✨✨✨
شعدهه اليوم زينب طلعت بهمه
اظن عل الكاع طايح يا ابو اليمه
لكته يلوج اخوهه وسابح بدمه
وسمعت ونته وكسرات الاظلاع
.. ع الكاع يون.... رايح حيله..
✨✨✨✨✨✨
سمعت ونته وكسرات الظلوع
يون وخنصرَه المظلوم مقطوع
صبت عينهه ومن دم الدموع
وعالمظلوم كلش هالكلب راع
وعليه صبن.... دم عيوني
✨✨✨✨✨✨
وللمظلوم صبت من دمه العين
موش الراس شيب كلبي يحسين
يحد الموت الك ما ابطله الونين
وخويه بذبحتك حيل الكلب لاع
ما يبطل..... ياخويه ونيني
✨✨✨✨✨✨
ما يبطل ونيني عليك يالمذبوح
ماصح بدالك وانطي انه الروح
ولا اظلن يخويه للبجي والنوح
و ذابحني يخويه حيل الوادع
كبلك ياريت.... وذبحوني
✨✨✨✨✨✨
كبل ذبحك يخويه حسين ذبحوني
يريت ولا وحيده بغرب عوفتوني
خويه من البجي نشفن تره عيوني
من عندي النظر يحسين هم ضاع
وعميانه... عليكم يهلي
✨✨✨✨✨✨
الوكت عكب المعزه ياهلي ذبني
وعكب اعيونكم يم الغرب وني
وبس اسواطهم يهلي اليواسني
ويضربني الذي لدين النبي باع
يضربوني.... لو سمعوا وني
✨✨✨✨✨✨
خادمة اهل البيت عليهم السلام
✨الشاعرة ام زينب الحسيني ✨
هاي القصيده دمار🥺🥺😔😔🔥🔥
يمذبوحي.... يمذبوحي
هاي القصيده دمار🥺🥺😔😔🔥🔥
يمذبوحي.... يمذبوحي
عزائيه لمصرع الحسين عليه السلام
حزوا ركبته شمــــــامة الزهره
ياويلي الشمر كاعد على صدره
حزوا ركبته والزهره موجوده
تلطم عالصدر والروح ممروده
ياوسفه الكفيل وطاحن ازنوده
وما جاله //عباس بذبحه
ماجاله الكفيل الشمر من داسه
طايح عالنهر مطبور يا راسه
مثل الزهره ياكلبه الهضم جاسه
مثل امه //وحركوا دلاله
مثل ام الحسن محروگ ياكلبه
تصد لحسين روحه وحالته صعبه
ترد ازنوده كون ويختفي تعبه
يذبح كل واحد // يدناله
اليكرب للولي عباس اليذبحه
وبچفه يويلي ايضمده جرحه
يرده للخيم وينادي بفرحه
يازينب وينج // ردينه
ردينه يريت ايصيح عباس
عدل وبشوفه زينب ترفع الراس
حسافه ومن اهلها كاطعه الياس
ياويلي //ذبحوهم كلهم
ام زينب الحسيني
للمصرع
المظلوم حزوا ركبته
خل تفزع العياله
هاشم تجي وشجعانها
الغربه خذت نسوانها
وتدفن الغربه اوطانها
وحسين محد شاله
وحسين محزوز النحر
عالغبره والجثه وذر
والحرم سابيهن شمر
وغربه الضعن تبراله
غربه اليحامون الضعن
وابناتهم بالبر مشن
والروس وياهن خذن
وادموعهن هماله
وعيونهن صبت دمع
ذابن يويلي كالشمع
وحدهن بهذا الجمع
وهذا العليل شحاله
هذا العليل بوحده
يضربونه كلساع العده
واخوانه كلها امدده
ويعينه محد جاله
محد يعينه عالجره
والنار بيه اموجره
والحره بيه امحيره
وادموعها سياله
ام زينب الحسيني
ذبحوا شبيه المختار
يافاطمه الحزينه
مفجوع ابن الكرار
يافاطمه الحزينه
ومذبوح ابن الحسين... يافاطمه الحزينه
وادموم تهمل العين.. يافاطمه الحزينه
و اليوم عله الونين.. يافاطمه الحزينـه
والكلب محروك بنار.. يافاطمه الحزينـه
♾♾♾♾♾♾
مذبوح بدر السادات.. يافاطمه الحزينـه
وحسين يجذب ونات.. يافاطمه الحزينـه
لب الكلب يوم المات.. يافاطمه الحزينـه
ومذبوح بيد الكفار.. يافاطمه الحزينـه
♾♾♾♾♾
كفار ماهم اسلام..يافاطمه الحزينـه
ذبحوه يابدر التام..يافاطمه الحزينـه
وكطعوها كل الارحام.. يافاطمه الحزينـه
ودلال ابواليمه تحتار.. يافاطمه الحزينـه.
♾♾♾♾♾
محتار بين الارجاس.. يافاطمه الحزينـه
واعله ابنه شيب الراس.. يافاطمه الحزينـه
كوه يجر الأنفاس.. يافاطمه الحزينـه
تعبان هوه ومنهار.. يافاطمه الحزينـه
♾♾♾♾
تعبان حيله خلصان..يافاطمه الحزينـه
مفكود حلو الشبان.. يافاطمه الحزينه
والكوم مابيها حنان.. يافاطمه الحزينـه
وهذا الوكت كلش جار يافاطمه الحزينه
ام زينب الحسيني
للسيدة زينب ع
احا يم عون--- بالطف شافت الموت
ما عدها اهل واتنــــــــــوح بسكوت
عالتربان زينب عايفه احيود
بين المنذبح والكلبه ممرود
وبين المنضرب ياراسه بعمود
وعافوها //كلهم ياوسفه
عافوها وغفوا فوگ التربات
وهيه محيره وشبعانه ضربات
وبالنيران محروگه العبايات
واعباية زينب // محروگه
وبحرگ العبايه اتچوت ام عون
والدخان عاميهن يالعيون
وتنادي اهلها وما يكعدون
محتاره وتركض //بالهيمه
محتاره وتدور عاليتامه
وذوله الكوم مابيهم شهامه
والخوان ماعدهم سلامه
ذبحوها// كل اخوة زينب
اخوتها امذبحه زينب النشميه
ومابين الغرب ياحيف علويه
بيها اتشمتوا صاحوا يمسبيه
شمات اليضحك //اذاها
ام زينب الحسيني
فزاعيه جنوبيه بقفله هوسات
نخوه #لشيعة المدينه
شلون ياشيعة علي.... عايفين الساده
حسين مرمي عالترب واولاده
من المدينه اطروش ماجيتو اله
ظل غريب حسين وحده بكربله
مذبحين حسين وانصاره وهله
امطرحه اعله الكاع كل القاده
كلهم نومه //عالكاع امسوا
على التربان كل ارجاله مطروحه
تعالوا وناشدوا بياذنب مذبوحه.
هاي ادمومهم جاليش مسفوحه
ليش امذبحه.. يرجال الحياده
ذبحوها / ارجال النيبه
عوفوها المدينة اليوم عوفوها
الساده عالترب ياشيعه دفنوها
بحرور الشموس ولا تخلــــوها
و التربان صاير الهم اوساده
اعله اترابه / ظلوا ياويلي
اوسادات التراب اليوم صارلهم
محد شالهم بالماي غسلهم
ومحد معتني هاليوم دافنهم
اتعنوهم يشيعه اليوم هداده
هداده //للطف اتعنوا
هداده اعتنوا للكلهم امروه
سادتكم عليهم هاللطم يسوه
باليهم يويلي هالزمن بلوه
خلصوا والقتل.. صارالهم عاده
خلصوا //والموت الهم عاده
ام زينب الحسيني
ياكوكب عالارض تجري دماها
ياقرابين الحسين القدماها
ليش محد شالكم
مطشره يوصالكم
ياقرابين الحسين القدماها...
ياقرابين العشگ صنتوا الرساله
انتوا ياسادة علي الكلكم جلاله
الخالفاكم ينتصر هاي استحاله
الكاطع ببيت النبي قربه ووصاله
الذابح احفاد النبي
الحارگ اخيام وعبي
لايظن الجنه يدخلها ويراها
ياقرابين الحسين القدماها
لايظن الخالفاكم جنه يدخل
ولايظن هو لمراده بيوم يوصل
لعنة الله عالذبحكم هيه التحل
وبيوم الحشر مايلكه اي خل
والخليل النه الحسين
الجنه ندخل امنين
احنه والي دمعته لجلك جراها
ياقرابين. الحسين القدماه
الدمعته تجري عليه بكل مسيه
ومخلص اعماله لجل ابن الزجيه
الشايل اكليبه اعله فكده يااذيه
الماوكف فد يوم وي ولد الدعيه
الما يجامل بالولاء
العشقه كله لكربلاء
بمجلسه كل يوم ياروحه رواها
ياقرابين الحسين القــــــدماها
واحنه ننعاكم قرابين العشك
والكلب بس الكم بحبه يدك
جذب كلشي وانتم اصحاب الصدك
فقط حبكم للدليل اهوه يــــحك
ياقرابين الشهيد
اليواليكم سعيد
وغيركم ياروحي ماتقبل ولاها
ياقرابين الحسين. القدماها
.
غيركم للروح مااقبل حبيب
ياكواكب عالارض صار المغيب
جروحكم كلفه ولا لاكن طبيب
انذبح عبدالله مثل ذبحت حبيب
طحتوا انجوم وقمر
والشمس ذابح شمر
وللسبي المهيوبه ياويلي خذاها
ياكوكب عالارض تجري دماها
ام زينب الحسيني
لطميه
السيدة زينب ترثي ابا الفضل العباس عليهما السلام
بين الاهات ....ودعته ومات
ارجع ياخوي صحت بحسرات
O=O=O=O=O
ارحم ياخــــــوي كلبي الملجوم
عطشانت ماي مااردت ادمـوم
ماريـــده وياك بس ردلي وكوم
راحـــت ياريت ياروحي اليوم
بين الشمات .... ودعته ومات
O=O=O=O=O
بين الشــــــــمات عايفلك روح
ملـــجومة ب اه عاشكته النوح
حسـراتي اتدوم شفتك مذبوح
من حزني اعليك متعجب نوح
اجذب ونات... ودعته ومات
O=O=O=O=O
اجــــــــــذب ونات مابيهن لون
مبــهوتت روح بالركضه اشلون
لمن بالسوط يهــــــجم فرعون
احمل لجمات خل كلشي يهون
تهون الضربات.... ودعته ومات
O=O=O=O=O
خلي ايــضربون واكتم اوجاع
بس كـون اتكوم مو يوم وداع
ترجـــــع ياخوي ريتك و بساع
بجســمك ياريت ماترسوا كاع
بعينك نظرات.... ودعته ومات
O=O=O=O=O
بعيـــــنك نظرات من بين ارماح
دمك عـــــباس وي دمعي الطاح
اختلطن بالـــــكاع وسلبن ارواح
عمرك خلصان وعمري انه الراح
بأخر لحظات..... ودعته ومات
O=O=O=O=O
ام زينب الحسيني