Telegram-канал zemedkunbekelez - Zemedkun Bekele (ዘመዴ): Unsorted

Zemedkun Bekele (ዘመዴ)

21 Nov 2024 13:42

"ርእሰ አንቀጽ"

"…ዘንድሮ ባለፈው መስከረም 2017 ዓም ላይ በወለንጪቲው የጠንቋይ ልጅ በአቶ ድንቁ ደያስ ሰብሳቢነት፣ እነ ጃዋር አህመድ በተገኙበት የኦህዴድ፣ የኦነግ፣ የኦፌኮ እና ሌሎችም የኦሮሞ ፓርቲ መሪዎች፣ አክቲቪስቶችና ቲክታከሮች በተገኙበት ስብሰባ ተደርጎ ነበር። ስብሰባውም "ነፍጠኛ ሥልጣናችንን ከእጃችን ሊነጥቀን ነውና ለምን በአንድነት ሆነን አንመክተውም" የሚል ነበር። በምላሹም ሕዝቡ ብልፅግና ኦህዴድን ጠልቶታል። ስለዚህ የሚቻል አይሆንም የሚል ነበር። ይሆናል፣ እንሞክረው፣ ከኦሮሞ ብሶቶች መካከል ያለፍርድ የታሰሩትን የኦነግ አመራሮች እንፈታለን፣ ከዚያ እንደ 2010 ዓመተ ምሕረቱ አጀንዳ ፈጥረን ሕዝቡን በአንድነት እንዲደግፈን ማንቀሳቀስ ነው ብለው እንደወሰኑ ነው የሚነገረው።

"…ይሄ አሁን ያለው መፍጨርጨር ለኦሮሙማው ኦህዴድኦነግ የመጨረሻ ሥልጣን ላይ ለመቆየት የሚያደርገው የሞት ሽረት ሙከራው ነው። ሙከራውን ግን እንዲህ በቀላሉ እንዳትመለከቱት። ከበድ የሚል ይመስለኛል። የሚከብደውም በዐማራ ክልል ውስጥ ላለው፣ ለሚገኘው ዐማራ ብቻ ሳይሆን በአዲስ አበባ፣ በአዲስ አበባ ጫፍ እና በክልሎች ውስጥ ለሚገኘው ዐማራና ኦርቶዶክስ አማኞች ጭምር ነው። በዐማራ ክልል ውስጥ የሚገኘው ዐማራ ከፋም ለማም፣ አነሰም በዛም ራሱን መከላከል ስለጀመረ ጭፍጨፋው ቢኖርም አጸፌታውን የሚመልስ ኃይል ቀደም ብሎ ስለተደራጀ እንደ ከክልሉ ውጪ እንዳሉ ዐማሮች የከፋ አይሆንም። አዲስ አበባም ፈጣሪ ካልደረሰላቸው እና ካላገዛቸው በቀር የሚታየኝ ከፍ ያለ አደጋ ነው። በተለይ ከአዲስ አበባ መሃል ከተማው አፈናቅለው ዳር ሸገር ሲቲ በሚሉት ኦሮሚያ ክልል ያስገቡትን ሰው ትንሽ የሚበረቱበት ይመስለኛል። በዕቅዳቸው መሠረት ከመሃል ከተማው ከርስቱ የነቀሉትን ከከተማው ዳር አውጥተው ሊያጸዱትም ይመስላል። መርካቶም ሌላኛው የመጪው ዘመን ደም መፋሰሻ ይመስለኛል።

"…ከአዲስ አበባ መስተዳድር ክልል ውጪ በሌሎች ክልሎች በተለይ በኦሮሚያ፣ በድሬደዋ እና በሐረር፣ እንዲሁም በደቡብ ክልል በስፋት ለዐማራው ድግስ የተደገሰ ይመስላል። ሐረር ከተማ ከወዲሁ ፀጉረ ልውጥ መሳሪያ የታጠቁ ሰዎች በብዛት መታየታቸው እየተነገረም ነው። በኦሮሚያ ፅንፈኛው አራጅ የኦሮሚያ የወሃቢይ እስላሞች እና ፀረ ኦርቶዶክስ ፕሮዎች ሰይፋቸውን ስለው የሚጠብቁ ሲሆን፣ በደቡብ ክልልም ፓስተሮች ሳይቀሩ በቸርች ሰበካቸው ላይ የዐማራ ፋኖ ካሸነፈ ጴንጤ ያልቅለታል፣ ይጨፈጭፋችኋል፣ ዘመናችን ይነጠቃል በሚል አማኝ ብለው የሚነዱትን ሕዝብ የሌለ ወከባ ፈጥረውበት እያጨናነቁት ይገኛሉ። የከተማ ከንቲባዎች ሳይቀር በግልፅ ወንጌል የሚሉትን ወንጀል በአደባባይ መስበክ ሁላ ጀምረዋል። ነገርየው ከበድ የሚል ይመስላል። ሕዝብ ለመቀነስ ከዚህ በላይ ሌላ አማራጭ ያላቸው አይመስሉም ብልፅግናዎችም ሆኑ የብልጽግና ቀጣሪዎች።

"…እነ AAA Aአቢይ Aአሕመድ፣ Aአዲሱ Aአረጋና Aአዳነች Aአበቤ ብዙ ጊዜ ተመላልሰው ከጎበኟት ሩዋንዳ የቀሰሙትን የጅምላ ጭፍጨፋና የዘር እልቂት አሁን ላይ በኢትዮጵያ ለመተግበር ቅድመ ዝግጅታቸውን ጨርሰው በሰፊው ወደ ተግባር ለመግባት እንደተዘጋጁበት ነው የሚሰማኝ። ከ2008 ዓም ጀምሮ ወያኔ ህወሓትን ለመጣል ሲባል የቄሮን እንቅስቃሴ በመፍጠር ከውጭና ከውስጥ በመናበብ፣ ተማሪዎችን ለብጥብጥ በማስነሣት፣ መኪና፣ ፋብሪካ፣ ሕንፃ በማቃጠል እውነት መስሏቸው ለሰልፍ የወጡትን ተማሪዎች፣ ሰልፈኞች ደግሞ ያለ ርህራሄ በመጨፍጨፍ ኃጢአቱን ሁሉ ወያኔ ላይ በመደፍደፍ፣ ወያኔም በፍርሃት መላወሻ፣ መተንፈሻ፣ አጥታ ተሳቅቃ ደንግጣ ወደ ደደቢት እንድትፈረጥጥ፣ ኋላም ደደቢት ድረስ በመከተል እንዳይለምዳት አድርገው ግርፍ፣ ቅጥቅጥ በማድረግ በቃኝ፣ ሁለተኛ አይለምደኝም አስብለው አሁን ወዶ ገብ ባሪያ፣ ገረበ ጉራቻ አድርገው ጫማቸውን ያስላሱበትን የያኔውን ያረጀ፣ ያፈጀ መንገድ ነው ዛሬም ተከትለው ዐማራውን ለማስጨነቅ የፈለጉት። ይሄ መንገድ ዐማራው ላይ አይሳካም፣ አይሠራም። ምክንያቱም ዐማራው ሞትን፣ በጅምላ መታረድን ለምዶ አሁን እሱን አምልጧል። ተሻግሯል።

"…ልብ በሉ ዐማራው በጉትጎታ፣ በጭቅጨቃ፣ በስንት ውትወታ ቀደም ብሎ ባይታጠቅ፣ ታጥቆም መመከት፣ ማነከት ባይጀምር ኖሮ አሁን ላይ ምን ሊፈጠር እንደሚችል ማሰብ በራሱ ይዘገንናል። እንዲህም ሆኖ እንኳ በመሬት ፋኖን መግጠም ያቃተው አገዛዙ እንዴት የዐማራ ገበሬን በድሮን እንደሚጨፈጨፍ ዛሬ የተወሰነውን በቪድዮ አሳያችኋለሁ። በተለይ እንደእነ እስክንድር ነጋ፣ እንደነ ምስጋናው አንዷለም ዓይነቶቹ ፌክ ኢትዮጵያኒስቶች እና ፋፍሕዴን የጎንደር ስኳዶች የዐማራ ፋኖን ትግል በመጎተት፣ ባይከፋፍሉትና ለብልጽግና ምቹ ሜዳ ባይፈጥሩለት ኖሮና ወደ አንድ መጥተው አራጁን ብልፅግናን በአንድ ላይ ቢመክቱት ኖሮ የትናየት በተደረሰ ነበር። አሁን ገና እኮ ነው የሸዋ ፋኖም እየነቃ የመጣው። አሁን ነው የጎንደር ፋኖም እየነቃ የመጣው። ሁሉም ነቅቶ አንድነቱ ሲመጣ ደግሞ አይደለም የዐማራ ችግር የኢትዮጵያም፣ አልፎ የምሥራቅ አፍሪቃ ቀንድ ችግር ይፈታ ነበር።

"…ተመልከቱ ኦሮሞን እንዴት እንደሚነዱት። ኦሮሚያ ልዩ ኃይል ውስጥ የነበረው ኦሮሞ በትግራዩ ጦርነት እና አሁን በዐማራ ክልል ውስጥ እየተካሄደ ባለው ጦርነት በፋኖ እጅ አልቋል። ኦሮሙማው የሚዘምትለት ዘማች ከኦሮሚያ አጥቷል። አፈሳ በአፋሰ ነው በኦሮሚያ። ዐማራው ነበር በፊትም ተዋጊ ኃይለኛ ወታደር። አሁን ላይ ግን ዐማራው ከከፍተኛ ባለሥልጣናትና ከካድሬው ዐማራ በቀር ለአገዛዙ ታማኝ አይደለም። ትግሬ ዐማራን በትርክት ምክንያት ቢጠላውም ከጥቂቶች በቀር አብዛኛው አገዛዙን መበቀል እንጂ ማገዝ አይፈልግም። እነ አፋር፣ ሶማሌም እንዲሁ ፈቃደኞች አይደሉም። ስለዚህ አገዛዙ ለጦርነቱ የሰው ኃይል በግድ ሊያገኝ የሚችለው ከኦሮሚያና ከደቡብ ብቻ ነው። ከኦሮሚያ በሃይማኖት እና በማንነት፣ ከደቡብ በሃይማኖት ሰብኮ፣ አፍሶም በግድ ወደ እሳት እየዶላቸው ነው። ለዚህ ደግሞ የእርድ ድራማ እያሳዩ ተነሥ ባትነሣ፣ ከጎኔ ባትሰለፍ የሚመጣው የዐማራ ፋኖ እንዲህ ነው የሚያርድህ ብለው ለማነሣሣት ነው የተፈለገው። ስንት ሺ የኦሮሞ ወታደር በምርኮ እጁ ገብቶ እየቀለበ የተቀመጠው የዐማራ ፋኖ እግዚአብሔር ያሳያችሁ አንድ ምስኪን ገበሬ ኦሮሞ ሲገድል? የማረድ ልምድ የት ሰፈር እንዳለ ሀገሩ ሁሉ መች ጠፋውና ነው። ጽንስ አርዶ በልቶ ያሳየን፣ ደም የሚጠጣው ማን ሆነና ነው? ኧረ እያለፍክ።

"…ይህ በእንዲህ እንዳለ የመርካቶው ጉዳይ ፈጥጦ መጣ። የእሳቱ መደራረብ፣ የሱቅ መዝጋቱ። በተለይ የመርካቶ አድማ ወደ ክፍለሀገር መዛመት መጀመሩ አገዛዙን ብርክ ብርክ እያስባለው ነው የመጣው። በሀገሪቱ በአብዛኛው ቦታ ነዳጅ የለም። በልማት ስም ቤቶች እየፈረሱ ማኅበራዊ ምስቅልቅል በየቦታው ተፈጥሯል። የኑሮ ውድነቱ ሕዝቡን በአፍጢሙ ሊደፋው ነው። በመስከረም ወር ላይ ይጨመራል የተባለው የመንግሥት ሠራተኞች ደሞዝ ይኸው ህዳር መጥቶም ዝም ጭጭ ተብሏል። ስለዚህ አገዛዙ ይሄን አጣብቂኝ የግድ ማለፍ ይፈልጋል። ለማለፍ ደግሞ ሀገሪቷን ቀውስ ውስጥ መክተት አለበት። ያለ ቀውስ መግዛት የማይችለው አቢይ አሕመድ ለቀውሱ ደግሞ መነሻ የጦስ ዶሮ ይፈለጋል። የጦስ ዶሮው ከተገኘ በኋላ ኦሮሞንና የኦሮሞን ተማሪዎች፣ ቄሮና ቄሪትን አደባባይ ማስውጣቱ ለእሱ እጅጉን ቀላሉ ነገር ነው። ኦህዴድ ይሄን ጥርሱን የነቀለበት ተግባሩ ነው።👇 ① ከታች ይቀጥላል…✍✍✍