Zemedkun Bekele (ዘመዴ)

24 Sep 2024 13:58

የቀበሮ ሜዳ ሪፖርት…

"…1,200 ብርድ፣ 2,400 አንሶላ፣ 1,200፣ 3,300 የትምህርት ቤት ቦርሳ፣ 3,300 የተማሪዎች ዩኒፎርም፣ በሊሊ በኩል የተጀመረውን ትምህርት ቤት አቶ ወርቁ አይተነው ለማጠናቀቅ ቋል ገብቶልኛል። እግዚአብሔር ይመስገን።

"… አሁን የሚቀረኝ የተማሪዎቹ 3,300 ደርዘን ደብተር ብቻ ነው። 3,300 እስኪሪብቶ እና 3,300 እርሳሱን በተመለከተ ለደብተሩ በስዊድን የሚኖሩ የጎንደር ተወላጅ የሆኑት አቶ ቴዎድሮስ የተባሉ ለጋስ ወንድም እስከ 300 ሺ ብር የመደቡልኝ ሲሆን ቀሪውን እኛው ሞልተን እንገዛላቸዋለን ማለት ነው።

"…3,300 እርሳሱን እዚሁ ከራየን ወንዝ ማዶ የሚገኝ የመረጃ የሳታላይት ቴሌቭዥን ቴክኒሺያን የሆነው አንድ ወንድሜ ሙሉውን የቻለ ሲሆን እሱን አይቼ እኔ ዘመዴም ሲያቀብጠኝ ሁ ማይነስ ሁ በማለት 82 የሚለውን 28 ሺ ብዬ አንብቤ ቃል ከገባሁ በኋላ በስተመጨረሻ 82 ሺ መሆኑን ባረጋግጥም አንዴ ተናግሬዋለሁ ካፈርኩ አይመልሰኝ በማለት በአቋሜ ጸንቼ በሥራ ላይ ያሉትን ባለቤቴን እና ጎረምሳው ልጄንም ጉረሮ አንቄም ቢሆን እገዛለሁ ብዬ ቃል የገባሁትን ለመፈጸም ወስኛለሁ። እርሳስና አስኪሪብቶ ተችሏል ማለት ነው።

"…አሁን የሚቀረው ደብተር ነው። ጎንደር ላይ ያላችሁ 3,300 ደርዘን ደብተር ማቅረብ የምትችሉ ነጋዴዎች በውስጥ መስመር አናግሩኝ። አዲስ አበባ እያለሁ ብዙ የጽሕፈት መሣሪያዎች መሸጫ ድርጅት ባለቤቶችን ዐውቅ ነበር። ቦንብ ተራም ብዙ ደንበኞች ነበሩኝ። አሁን ግን ከሀገር ስለራቅሁ ማንንም አላውቅ። እስቲ አለሁ በሉኝ። ጥሩ የሚባለውን የአንድ ደርዘን ደብተር ዋጋ ንገሩኝ። ንገሩኝና እኔ ደግሞ ሻሞ ብዬ ወደ ሕዝቤ ላስተላልፍ። ፍጠኑ። የጀመርነው በቶሎ በድል እንፈጽም። እግዚአብሔር ይመስገን…!

"…ደብተሩን ለመግዛት ዝግጁ ናችሁ አይደል?

Zemedkun Bekele (ዘመዴ)

23 Sep 2024 21:50

"…የኦሮሙማው የሳይበር ተስፋዎች።

"…የሚገርመው ናትናኤል አንደግምም ወይ መጻፍ አይችልም። በፌስቡክ ገጹ ላይ ሲሳይ አጌናን ጨምሮ የኢዜማ 1፣ የኦሮሞና የዐማራ ብልፅግና በጋራ ነው ጽፈው የሚለጥፉበት።

"…የፊደል ሆሄያቱ ልቅም ብለው በናቲ አንደግምም ወይ ገጹ ላይ ካያችሁ ያን ጽሑፍ የጻፈው ዳንኤል ክብረት ነው። ናቲ በገጹ ላይ በብቸኝነት የሚጽፈው መልካም ጁምዓ የሚለው ብቻ ነው። ሌላው ኪራይ ነው። ልክ እንደ አልጋ ማለት ነው። ቀላል ይተኙበታል እንዴ?

"…ሲሳይ ግን ከሳብኝ ልበል? አሁን እንኳ እንዲህ በቀላሉ የሚሸወድ ያለ ዐማራ የለም። የማንም መንገደኛ በፈለገው ሰዓት የሚያሞቀው፣ ደግሞም የሚያበርደው ዐማራ የለም። ዐማራ አጀንዳ ከመቀበል ወጥቶ አጀንዳ ወደመስጠት ተሸጋግሯል። ብራኑ ጁላን፣ የኦሮሞ ብልፅግናን አይደለም ናቲ አንደግምም ወይ? እና ሲሳይ ወዲ አጌና ይቅርና ክፍለጦሮች ብለው ብለው አልቻሉትም።

"…ለማንኛውም የነገ ሰው ይበለን። በነገው ዕለት ርእሰ አንቀጽ አይኖረንም። ጎንደር ቀበሮ ሜዳ ለ3300 ተማሪዎች ደብተር በደርዘን ስንገዛ ነው የምንውለው። ሁሉን አማልተን የቀረን ደብተር ብቻ ነው። እሱን ስናሟላ እንውላለን።

• ጎንደር ላይ ባለ 50 ሉክ ደብተር በደርዘን ስንት እንደሆነ ብቻ ሳይሆን በጅምላ አቅርቦ የሚሸጥልን ነጋዴም ሆነ ድርጅት እስከ ጠዋት ድረስ የአንዱን ደርዘን ዋጋ ይንገሩን።

• የነገ ሰው ይበለን።

Zemedkun Bekele (ዘመዴ)

23 Sep 2024 19:56

"…እንደተለመደው ጀነራሎቹ (ኮድ ነው) ርግቤን ልከዋታል። ጠቃሚ መልእክት ልካለች። ጠብቁኝ ልቀምመውና ላቅርብላችሁ።

"…በተረፈ ለውጥ አለ። ቲክቶክ መንደር ዛሬ ዋይ ዋይ ሲሉ ሲያላዝኑብኝ ይውላሉ ብዬ ነበር የጠበቅኩት እስከአሁን ወፍ የለም። አንድ ቤት ብቻ የእኔንና የልጆቼን ፎቶ ዘቅዝቃ ዋይ ዋይ የምትል ሴት አይቻለሁ። እሱም ቢሆን እንደበፊቱ አይደለም። ጎንደር በዚህ ፍጥነት ከነቃልኝ ቀስ ብዬ ጫን ወዳለው ለመግባት አላቅማም ማለት ነው።

"…የጎንደር ጉዳይ ሲነሣ ማኅበራዊ ሚዲያ ላይ ልሙጥ ሓሳብ ይዘው ያጯጩሁ የነበሩ በሙሉ አሁን ለምን? እንዴት? ዘመዴ ምንድነው ያጠፋው? አላለም፣ እንዲህ አልተናገረም የሚሉ ኖጋች የጎንደር ልጆችንም ስላየሁ አምላኬንም አመሰግነዋለሁ። ይቀጥላል። በቴሌግራም ገፄ ላይ ያለው የአስተያየት ሰጪዎች ሥነ ሥርዓት ራሱ ገራሚ ነው።

"…አሁን ወደ ርግቤ መልእክት ልግባ። 10 ደቂቃ ብቻ ጠብቁኝ። መጣሁ።

Zemedkun Bekele (ዘመዴ)

23 Sep 2024 15:48

👆⑤ ከላይኛው የቀጠለ…✍✍✍ …በትግሬው ራስ ሚካኤል ፈራጅነት ከነሕይወቱ ቆዳው እንዲገፈፍ ፈርዶበት ዋጨቃ እንደ ፍየል ታርዶ ቆዳው ተገፍፎ፣ ስልቻ ሆኖ አሸዋ ተሞልቶ እንደቀረበለትና ስሁል ሚካኤል ደስ እንደተሰኘበትም ሁሉ ተዘግቧል። ስለዚህ ጉዳይ የትግሬው ራስ ሚካኤል ስሁል አድናቂ የነበረ የዓይን ምስክር ይህን አስመልክቶ ሲጽፍ፡- " ከዚያ በኋላ ዋጨቃን እንደፍየል ይበልቱት ዘንድ አስረከቡት" ሲል ገልጦታል። በወቅቱ አገሪቱን የጎበኙት እነ ያዕቆብ ብሩስ የተባለሉ የውጭ ሃገር ሰዎችም የዋጨቃ ቆዳ በአደባባይ ተሰቅሎ ሕዝብ ሁሉ ይጎበኘው እንደነበር መዘገባቸው ይነገራል።

"…በመጨረሻም የዚህን የትግሬ ራስ ፍጻሜ እንመልከታለን። ይህ ልቡሳነ ሥጋ አጋንንት የሆነ ክፉ አውሬ የሆነ ሰው እንዴትና በእነማን ከዐማራም ከኢትዮጵያም ጫንቃ ላይ እንደተወገደ እንመለከትና  በመቀጠል ከዚህ ክፉ የባሰና የሚዘገንነውን የዐፄ ዮሐንስን ሌላውን የተመዘገበ የጭካኔ ተግባር እንመለከታለን። ይቆየን።

…የተፈጸመ ታሪክ ነው የጻፍኩት። ደግሞ ለምን ጻፍክ በሉና ስደቡኝ አሏችሁ። ኬሬዳሽ…!!

•••

ሻሎም.!  ሰላም.!

ዘመድኩን በቀለ ነኝ.!
አሸበርቲው/አስነቀልቲው
መስከረም 13/2017 ዓም
ከራየን ወንዝ ማዶ.!

Zemedkun Bekele (ዘመዴ)

23 Sep 2024 15:48

👆③ ከላይኛው የቀጠለ…✍✍✍ …

"… በዘመኑ በመሪዎቹ ብልሃት፣ በፈጣሪ አጋዥነት ከትግሬ ሰይፍ ካመለጡት ጥቂት የሸዋ ዐማሮች በቀር ትግሬዎቹ በወሎ፣ በጎንደርና በጎጃም ዐማራ ላይ ስላወረዱበት መዓት ሳይሆን ራሳቸው መዓት ስለሆኑበት በጭካኔያቸውም እስኪጸጸቱ ድረስ ሳዲስት ስለነበሩት ስለ ትግራዩ አፄ ዮሐንስ ቀጥዬ እጽፍላችኋለሁ። አሁን ከአፄ ዮሐንስ በፊት ጎንደርን አመድ ከዱቄት አድርጎ ስለነበረው የትግሬው ራስ ስሁል ሚካኤል ሳዲስትነት እጽፍላችኋለሁ። የአፄ ዮሐንስን አዘግይቼ የስሁል ሚካኤልን አስቀድምላችኋለሁ። የሁለቱንም የትግሬ ገዢዎች ታሪክ በእኔ በራሴው በዘመዴ የአጻጻፍ ስልት እንድታነቡት እንደሚከተለው አድርጌ ከተብኩላችሁ። መልካም ንባብ።

"… በዘመኑ በመሪዎቹ ብልሃት፣ በፈጣሪ አጋዥነት ከትግሬ ሰይፍ ካመለጡት ጥቂት የሸዋ ዐማሮች በቀር ትግሬዎቹ በወሎ፣ በጎንደርና በጎጃም ዐማራ ላይ ስላወረዱበት መዓት ሳይሆን ራሳቸው መዓት ስለሆኑበት በጭካኔያቸውም እስኪጸጸቱ ድረስ ሳዲስት ስለነበሩት ስለ ትግራዩ አፄ ዮሐንስ ቀጥዬ እጽፍላችኋለሁ። አሁን ከአፄ ዮሐንስ በፊት ጎንደርን አመድ ከዱቄት አድርጎ ስለነበረው የትግሬው ራስ ስሁል ሚካኤል ሳዲስትነት እጽፍላችኋለሁ። የአፄ ዮሐንስን አዘግይቼ የስሁል ሚካኤልን አስቀድምላችኋለሁ። የሁለቱንም የትግሬ ገዢዎች ታሪክ በእኔ በራሴው በዘመዴ የአጻጻፍ ስልት እንድታነቡት እንደሚከተለው አድርጌ ከተብኩላችሁ። መልካም ንባብ።

"… ራስ ሚካኤል ስሁል በዓድዋ የሚወለድ የትግሬ ባላባት እና ጦር ዐዋቂ የነበረ ሰው ነው። በ25 ኪሎ ሜትር ርቀት ላይ ታላቋ አክሱም ጽዮን፣ በ70 ኪሎ ሜትር ርቀት ላይ ደብረ ዳሞ፣ እዚያው ዓድዋ ጥግ ደግሞ እንዳአባ ገሪማ ገዳም ከሚገኝበት የክርስትና ሃይማኖት ምንጭ ከሆነው ማኅበረሰብ ጉያም የተገኘ ክርስቲያን የሚመስል ሰው ነበር።

"… ከዕለታት በአንዱ ቀን ለአደን የወጣ አንድ ሰው በድንገት ይታመምና ከአንድ የገጠር መንደር ውስጥ በድንገት ወድቆ ይገኛል። ከመንደሩ ነዋሪዎች መካከል አንዱ ደግሞ የታመመውን ሰው ከቤቱ አስገብቶ ይንከባከበዋል። ታማሚው ማን ይሁን ማን ግን አያውቅም ነበር። በቤቱ የተኛውን እንግዳ የሴት ልጁም እንድትንከባከበው አዘዛት። ሴት ልጁም የአባቷን ትእዛዝ ተቀብላ መንገደኛውን ህመምተኛ በሚገባ ተንከባክባ በትህትና ከመልካም ጠባይ ጋር አስታመመችው። የታመመው እንግዳም ሰው ዳነ። ከዳነም በኋላ ይህቺን እስኪድን ድረስ ሰበር ቀና እያለች የተንከባከበችውን ውብ፣ ትሁት፣ አዛኝ፣ ሩህሩህ ሴትማ አገባታለሁ ብሎ በልቡ ወሰነ። ወስኖም አልቀረ ወደ መንበረ መንግሥቱ ወደ ዙፋኑ ከተመለሰ በኋላ ሽማግሌ ልኮ በክብር አገባት። ሚስቱም ሆነች። ይህ ማንነቱን ሳያውቁት ለአደን የወጣውና ደጋግ አባትና ልጅ የረዱት ያስታመሙትም ሰው የጎንደሩ ንጉሥ አጼ በካፋ ነበር። አስታማሚው የነበረችው ሴቲቱም ኋላ ላይ እቴጌ ምንትዋብ በስመ መንገግሥቷ ብርሃን ሞገሳ የተባለችው ናት።

"… እቴጌ ምንትዋብ የአፄ በካፋ ባለቤት…የአፄ ኢያሱ ዳግማዊ ወይም የቋረኛ ኢያሱ እናት ናቸው፡፡ የዘር ሐረጋቸውም ከአፄ ሚናስ የዘር ሐረግ ይመዘዛል፡፡ 1700 ዓም ከአባታቸው ከደጃዝማች መንበሩ እና ከእናታቸው ከወ/ሮ እንኮዬ በቋራ ነው የተወለዱት። "ወለተ ጊዮርጊስ" የክርስትና ስማቸው "ብርሃን ሞገሳ" ደግም የክብር የማዕረግ ስማቸው ነው።

"…መስከረም 11 ቀን 1723 ዓም አጼ በካፋ በድንገት ከዚህ ዓለም በሞት ይለያሉ። በወቅቱ የስምንት ዓመት ዕድሜ የነበረው ታዳጊ ልጃቸው ኢያሱ መንበረ መንግሥታቸውን ወርሶ ነገሠ። ኢያሱ ማለት ዳግማዊ ኢያሱ ወይም የቋረኛ ኢያሱ ተብሎ የሚጠራው ማለት ነው። ስመ መንግሥቱም "ብርሃን ሰገድ ኢያሱ" ተባለ። ሴትን ብቻዋን ከመንገሥ ገሸሽ በሚያደርገውና በሚከለክለው የኢትዮጵያ የንግሥና ሕግ መሠረት እናትየው እቴጌ ምንትዋብ መንገሥ ባይችሉም ልጃቸውን ዙፋን ላይ አስቀምጠው የወርቅ ዘውድ ከጫኑላቸው በኋላ እርሳቸውም እንደራሴ ሆነው በንጉሡ ልጃቸው ክብር ንግሥት ተባለዋል። ቅብአ መንግሥት ግን አልተቀቡም። "ንግሥት" በተባሉበት ዕለትም የወርቅ አክሊል ደፍተው እና የወርቅ ጫማ ተጫምተው "ጐማ" በሚል መጠሪያ በሚታወቀው በቅሎአቸው ላይ ተቀምጠው ወደ አደባባይ በወጡ ጊዜም ሕዝቡ ሁሉ በዘፈንና በእልታ እንደተቀበላቸው በታሪከ ነገሥታቸው ተጽፏል።

"…በወንድማቸው በራስ ወልደልዑል አጋዥነት የመንግሥት አስተዳደር ሥራው የሚዘወረው በእቴጌይቱ ሆነ። የአፄ ኢያሱ ዳግማዊ መንግሥት ለ24 ዓመታት በቆየበት ጊዜ ሁሉ የእቴጌ ምንትዋብ ተፅዕኖም እጅግ የላቀ ነበር። ቁንጅና ከብልሃት ጋር ገጥሞላቸው በብዙ ተወዳጅም ሆኑ። በሕፃኑ ልጃቸው በዳግማዊ ኢያሱ ስም የመንግሥቱን ጉዳይ በሞግዚትነት ሲሠሩበትም ብዙ ቆዩ። ከ24 ዓመታት በኋላም ዳግማዊ አፄ ኢያሱ ሲሞቱ አፄ ኢዮአስ ነገሡ። የእቴጌ ምንትዋብ ሥልጣንና የበላይነትም እክል ገጠመው፡፡

"…የአፄ ኢዮአስ እናት ወለተ ቤርሳቤህ ልክ እንደ እቴጌ ምንትዋብ እኔም "የንግሥትነት ማዕረግ ይሰጠኝና ከልጄ ጋር ሃገር ላስተዳድር" ብለው በመጠየቃቸው ምክንያት ከእቴጌ ምንትዋብ ጋር ግጭት ውስጥ ገቡ። ግጭቱም የሁለቱ ሴቶች አለመግባባት ብቻ ከመሆን አልፎ ከፍወዳለ ደረጃ ተሸጋገረ። በብዙ ጥበብ በተለያዩ ዘዴዎች በመጠቀም ከወንድማቸው ራስ ወልደልዑል ጋር ሀገር ሲያስተዳድሩ የቆዩት እቴጌ ምንትዋብ ከልጃቸው ሞት በኋላ ወንድማቸው ራስ ወልደልዑልም አረፉ። በዚህም ምክንያት ንግሥቲቱ ሁነኛ አጋዥና መከታ የሚረዳቸውም አጡ።

"…ቀደም ሲል በልጃቸው በኢያሱ ዘመነ መንግሥት በሰሜን ኢትዮጵያ በኩል ከማእከላዊ መንግሥት ጋር ተጋጭተው ለመንግሥቱም አልታዘዝ ብሎ በትግሬ ሀገር ከንጉሡ ጋር ጦርነት የገጠመ አንድ ባላባት ነበር። ይህ ሰው የትግሬው ባላባት ራስ ስሁል ሚካኤል ይባላል። ከቱርክ ጋር እየተጻጻፈ፣ በመሣሪያም እየተረዳ ግኑኝነት ስለነበረው "ከምጽዋ ይሄን ጠላት አባር" ተብሎ ከንጉሡ የመጣለትን ትዕዛዝ " እሺ" እያለ ነገሩን ቢጎትት ጊዜ ንጉሡ ከጎንደር ድረስ ሄደው ገጠሙት። ሰማያት በሚባል አምባ ላይ በተደረገ ውጊያም ተሸንፈ፣ ሽማግሌ ልኮም ነጭ ባንዲራ አውለብልቦ፣ ድንጋይ በአንገቱ አስሮ ይቅርታ በመጠየቅ ሀብቱን በሙሉ ለንጉሡ አስረከበ። ሀብቱን እንኳ ግማሹን ነው እንጂ ሙሉውን አልሰጠም ደብቆ ነበር የሚሉ አሉ።

"…ራስ ስሁል ሚካኤል ብልህ የጦር ዐዋቂም በዚያም ላይ መሠሪ ስለነበረ እጅ ከሰጠ በኋላ የንጉሡ አማካሪም እስከመሆን ደረሰ። ነገር ግን በጎንደር ቆይታው በትግራይ በደረሰበት ሽንፈት በመቆጨት በሚያሳየው እንግዳ ጠባይ የተነሣ እየቆየ ሲሄድ ነገር ሊያመጣ ይችላል ብለው ቀድመው የሰጉት እቴጌይቱ ሴት ልጃቸውን እሌኒን ለወንድ ልጁ ድረውለታል። ይኸው ሰው ቆይቶ ከሁለት ዓመት በኋላ በ1767 ዓም የገዛ ልጁን ሚስት እህት አስቴርን አግብቶ አርፎታል። አባትና ልጅ የእቴጌይቱን ታላቅና ታናሽ እህት በማግባት የጎንደርን ቤተ መንግሥት ተቆጣጥረውታል።

"…ከየጁ ኦሮሞዎች ዘንድ የተነሣባቸውን መገዳደር፣ በዚያውም በጎንደር ሁነው በእርቅም፣ በሽምግልናም ጉዳዩን እንዲፈቱላቸውም ነበር የእቴጌይቱ ፍላጎት። ታዲያ በዚያ የጭንቅ ሰዓት በመጣላቸው ሓሳብ ምክንያት ይህን የትግሬ ሰው የመንግሥታቸው አማካሪ አድርገው፣ ለልጁና ለአባትየውም ሴት ልጆቻቸውን ድረው ሰውየውን በአንደዜ ቢትወደድ አድርገው በመሾም የጎንደሩን ቤተ መንግሥት ወለል አድርገው ከፍተው ዘው ብሎ እንዲገባ…👇③ ከታች ይቀጥላል…✍✍✍

Zemedkun Bekele (ዘመዴ)

23 Sep 2024 15:48

"ርእሰ አንቀጽ"

"…የትም አይደርስም። አድቅቀነወዋል። ሰልበነዋል። አጽድተነዋል። ወኔቢስ፣ ሀሞተ ቢስ፣ ደካማ፣ ነሆለል፣ ሃይማኖት አልባ፣ ተጠራጣሪ፣ እርስ በእርሱ የሚገዳደል፣ እምነተ ቢስ፣ ሃይማኖቱን፣ ባህሉን፣ ማንነቱን የናቀና የካደ፣ ዘማዊ፣ ደሃ፣ መናጢ፣ አመንዝራ፣ ጋለሞታ፣ ማይም፣ መሃን፣ የበሽታ ጎሬ፣ የጠንቋይ መከማቻ፣ ኢ-አማኒ፣ ከዳተኛ፣ ችኩል፣ ዳተኛ፣ በሁሉ ነገር ግድየለሽ፣ ትዳሩን የማያከብር፣ ለልጆቹ ደንታ የሌለው፣ ጥገኛ፣ ተሽቆጥቋጭ፣ አላፊ አግዳሚው የሚንቀው፣ ድንጉጥ፣ ፈሪ፣ ውሽልሽል፣ መስሎ አዳሪ፣ ወሬኛ፣ ሀሜተኛ፣ ስቁንቁን፣ ጠዋት ታቦት፣ ማታ ጣኦት አምላኪ አድርገነዋል። እምነት ኩራቱን አስጥለን ሽባ፣ ባርያ፣ ገረዳችን አድርገነዋል። የዐማራ መለያው ነፍጥ መሳሪያውን ቀምተን በትር እንኳ በእጁ እንዳይዝ አድርገነዋል።

"…ዐማራ አሁን ከክብር ቦታው ተነሥቷል። ለዘመናት በተደረገ ሴራ ዐማራ እንዳይነሣ አድርገን ቀብረነዋል። ለምሳሌ ጎንደር በትግሬ ዲቃላ ኢኮኖሚው፣ ሃይማኖቱ፣ ባንክና ታንኩ በሙሉ እንዲያዝ አድርገናል፣ ዩኒቨርሲቲው በቅማንት ትግሬ፣ በዐማራ ትግሬ ዐማራ ጠል አካላት እንዲሞላ አድርገነዋል። ዐማራ ከጎንደር በኪኒንም፣ በጥይትም፣ በእገታም፣ በዘረፋም እየጸዳነው ነው። በጎንደር ሆስፒታሉ ሌላ ማንነት ባላቸው ፀረ ዐማራ ኃይሎች እንዲሞላ አድርገናል። በጎንደር ዐማራው ከገጠር በመሬቱ ላይ የመከላከያ ልብስ ባላቸው የኦሮሞ፣ የትግሬ ዲቃላ በሆኑ የቅማንት ማንነት ባላቸው ሰዎች ይታረዳል፣ ብልቱ ይሰለባል፣ ቀደም ሲል ዐማራው ከአክሱም ርስቱ ለቅቆ እንደጠፋው ሁሉ አሁን ደግሞ ከገዛ የአባቶቹ ምድር ከጎንደር በዘዴ፣ በሚታይ በግልጽ ሴራ እየጸዳ ነው። ሁሉም ዐማራ ይሄንን ያውቃል። መናገር ግን ይፈራል። ይንፐረጰራል፣ በሚገርም ጥበብ ዐማራውን እንደፎከሩት እያጸዱት ነው። ይሄን ነው እኔ አሁን ተጋፍጬ የመረረ እውነት ልግትህ የመጣሁት።

"…አዲስ አበባ በኦሮሞ ቢሮክራሲ እንደተዋጠችው ጎንደርም በትግሬ ዲቃሎች በሆኑት ግማሽ ቅማንት ግማሽ ትግሬ፣ ግማሽ ትግሬ ግማሽ ዐማራም ሆነው ከትግሬ በሚወለዱ ዐማራ መሳይ አማርኛ ተናጋሪዎች ቁጥጥር ስር ውላለች። ይሄ በምን ይታወቃል ቢሉ በሁሉ ነገር ይታወቃል። በትግራይ ሰላማዊም፣ የተቃውሞ ሰልፍም ብትወጣ የትግሬ ፖሊስ በጥፊ አይነካህም፣ ግፋ ቢል ቧይ ብሎ ቢጮህብህ ነው። ትግሬ ትግሬን አይገድለውም በሚለው መመሪያ መሠረት ትግሬን ትግሬ አይነካውም። ወደ ጎንደር ብቅ ብትል ነገሩ ሌላ ሆኖ ታገኘዋለህ። በጎንደር ለተቃውሞ ሰልፍ ብትወጣ ትናንት እንዳልኩት ዛሬም እንደምደግምልህ ከኦሮሞ መከላከያ ከኦነጉ ገዳይ አረመኔ ሠራዊት በፊት ደርሶ ዐማራውን የሚያርደው፣ የሚጨፈጭፈው፣ አናቱን በስናይፐር የሚበረግድው የዐማራ አድማ ብተና ተብዬው ዐማራ ጠል ዲቃላ ማንነት ያለው ዐማራ መሳይ ዐማራ ገዳዩ ኃይል ነው። የዐማራ ሚሊሻው በዘዴ እንዲያልቅ በፖሊሲ ደረጃ ተይዞ ወንድ ከዐማራም ከጎንደርም ምድር እንዲጠፋ የተሠራ ሴራ ነው። ተመልከት ፋኖም ሲዋጋ መጀመሪያ ጥይቱን የሚጨርሰው በዐማራ ሚሊሻ ላይ ነው። የዐማራ ሚሊሻውን አጀዝበው፣ አደንዘው፣ አደድበው እንዳያስተውል፣ ደንቆሮ፣ ማይም ስላደረጉት መንግሥት አዘዘኝ ብሎ ከገዛ ልጆቹ ጋር ጦርነት ይገጥማል። ሲሞት፣ ሲቆስል ካሳም ሕክምናም የለውም። ጡረታም የለውም። የዐማራ ሚሊሻ ገበሬ ነው። ገበሬው ሚኒሻ እርሱ ሲሞት ልጆቹ ይበተናሉ። ሚስቱ ጋለሞታ ትሆናለች። መሬቱም ጦም ያድራል። ይሄን ጊዜ በዘዴ ሥልጣን የያዙት ግማሽ ዐማራና ግማሽ ቅማንት የትግሬ ዲቃሎች የራሳቸውን ሰው አምጥተው በዐማራው ሚሊሻ መሬት ላይ ያሰፍሩበታል። ርስትህን በሲስተም ነጠቁህ ማለት አይደል? አዎ እየሆነ ያለው ይሄ ነው። ስናገረው ይመራል፣ ያንገሸግሻል ግን እንድትፈወስ ዋጠው።

"…የጎንደር ዐማራን ያህል ጀግና የቴዎድሮስ ዘር እስክንድር የተባለ የተመታ ሰው እንኳ ከአዲስ አበባ አርበኛ ፋኖ መሳፍንት ተስፉ ካሉበት ሠፈር ድረስ ሄዶ፣ ቄስና መስቀል መጽሐፍ ቅዱስም አውጥቶ፣ አስመጥቶ አስምሎት ነው የጎንደር አለቃ የሆነው። ዕድሜ ዘመኑን ሙሉ ድል ለዲሞክራሲ እያለ ዐማራን ሲያደነዝዝ፣ ባልደራስ ብሎ የአዲስ አበባን ሕዝብ አደራጅቶ አንድም ጠብ የሚል ነገር ሳያሳይ፣ ምሁራን ሊረዱት ሲመጡ ገፍትሮ፣ የተራ አስከባሪ ይዞ በየቦታው እየዞረ የአዲስ አበባን ሕዝብ ወኔ የሰለበው፣ አዲስ አበባን በጥቅሴ ለኦሮሙማው አገዛዝ አስበልቶ አዲስ አበባ ሽባ መሆኗን ሲያረጋግጥ የዐማራን ትግል ለመጥለፍ፣ ለትግሬና ለኦሮሙማ አሳልፎ ለመስጠት በማቀድ ጎንደር ነው የሄደው። ጎንደር ሄዶ ነው አርበኛ መሳፍንትን በመሃላ ቀፍድዶ፣ አርበኛ መሳፍንትም አርበኛ ሀብቴ ወልዴን አስምለው ጎንደርን ያህል የጀግና ሀገር የአንድ ቀውስ፣ በሽተኛ፣ ህመምተኛ፣ እብድ አሽከር፣ ገረድ አድርገው ያስቀመጡት። ዛሬ ጎንደር በጋዜጠኛ እስክንድር ነጋ እግር ስር ይርመጠመጣል። በበግ የሚመራ የአንበሳ መንጋ በፍጹም አያሸንፍም። በፍጹም አልኩህ። በአንበሳ የሚመራ የበግ መንጋ ግን ያሸንፋል። አንበሳ ሁን ነው የምልህ ጎንደር። አከተመ።

"…የጀመርኩትን የጎንደር ሶንኮፍ የመንቀሉን ተግባር በሰፊው እቀጥልበታለሁ። መሬት ላይ ለውጥ እያየሁ ነው። አየሩም ላይ ለውጥ እያየሁ ነው። ከአበበ በለው በቀር ሌላው ተንፍሷል። እሱም ለትንሽ ቀን ነው ዊኒጥ ዊኒጥ የሚለው። አሁን ብዙ የታፈኑ ድምጾች ከየጎሬው እየጎረፉልኝ ነው። እኔም እስከአሁን አንድ የአሜሪካ ስልክ ቁጥር ካለው ሰው ቁጣ፣ ከአንድ በፋኖ ስም የሚገኝ ሀብት እያግበሰበሰ ከከበረ አዲስ አበባ ከሚኖር ደላላ በቀር የገጠመኝ ተቃውሞ የለም። አይደለመወ ተሟጋች፣ ተሳዳቢም፣ ተከራካሪም፣ ተቆጬም አልገጠመኝም። ስልኩ ስለተቋረጠ አልጨረስነውም እንጂ ከአንድ የሸዋ ፋኖም ቅሬታ እያሰማኝ ነበር። እናም ይሄን ትግል በድፍረት እገፋበታለሁ። አሁን ላይ ነገር ዓለሙን መቀየር ባልችል እንኳ በጎንደር ዐማራ አእምሮ ውስጥ የእውነት፣ የሃቅ ብርሃን እፈነጥቅበታለሁ። መቼም፣ መቼም ይንቃ እኔ ግን አእምሮው ላይ እዘራበታለሁ። ተኝቶ አእምሮው እንዳያርፍ፣ ህሊናው እንዳያርፍ አደርገዋለሁ። ትብታቡን አነሳለታለሁ፣ አዚሙን፣ አስማቱን እገፍለታለሁ። ዙሪያውን እንዲያይ እንዲመለከትም አደርገዋለሁ። በነገራችን ላይ አርበኛ መሳፍንት ነቅተዋል። ነገር ግን አሁን ላይ ምንም ማምጣት አይችሉም። ሀብቴ ወልዴ ቢነቃም ሀብቴ ወልዴን የከበቡት የእስክንድር፣ የትግሬና የቅማንት ዲቃሎች ሀብቴ አቋሙን ቢቀይር እና የጎንደር ዐማራ ቢሆን ልክ እንደ ውባንተ ሊበሉት ይችላሉ። አሁን በደቡብ ጎንደር ቤዝ ያጣው የጎንደር ዩኒቨርስቲ ያቋቋመው የፋፍፍህዴን ቡድንም በሰሎሞን አጠናው በኩል ወደ እነ ሀብቴ እየተጠጋ ነው። አሁንም ከሁለት አንዱን ይበሉታል ብዬ እሰጋለሁ። ጠብቁ። በተለይ ዐማራ የሆኑትን ይቆረጥሟቸዋል።…👇① ከታች ይቀጥላል…✍✍✍

Zemedkun Bekele (ዘመዴ)

23 Sep 2024 12:27

“…እኔ ተኛሁ አንቀላፋሁም፤ እግዚአብሔርም ደግፎኛልና ነቃሁ።” መዝ 3፥5

• እንደምን አደራችሁ?
• እንደምን አረፈዳችሁ?
• እንደምን ዋላችሁ?
• እንደምን አመሻችሁ?

• መልሱ እግዚአብሔር ይመስገን ብቻ ‼

Zemedkun Bekele (ዘመዴ)

22 Sep 2024 18:49

"…ነጭ ነጯን ከዘመዴ ጋር

"…ምሽት 2:05 ላይ ይጀምራል። ገባ ገባ በሉና ጠብቁን።

• ቲክቶክ 👉🏿 zemedkun.b" rel="nofollow">http://tiktok.com/@zemedkun.b

• ትዊተር 👉 https://twitter.com/MerejaTV

• በራምብል 👉 https://rumble.com/c/Mereja/live

• ዩቲዩብ 👉 https://youtu.be/exX40Sf4Sgo

• Mereja TV: https://mereja.tv

"…በተረፈ የእኔን የስልክ ወጪን ጨምሮ አገልግሎቴን ለመደገፍ የምትፈቅዱ።

👉🏿 https://donorbox.org/zemedemedia
👉🏿 https://www.paypal.com/paypalme/ZemedkunB በኩል መለገስ ትችላላችሁ። ሁላችሁም ተመስግናችኋል።

• ሻሎም… ሰላም…!

Zemedkun Bekele (ዘመዴ)

22 Sep 2024 16:08

ስወደው እኮ… 😂

"…ዐማራ ነኝ ብሎ የማያውቀው እና ዐማራ እንዲመስል ከባድ ማገዶ የፈጀሁበት ፌክ ኢትዮጵያኒስቱ፣ አዝማሪ፣ ኮሞዲኖ፣ የአዲስ ድምጽ ራዲዮ እና ተለቭዥን አዘጋጅ እና አቅራቢው፣ እንደ ሀብታሙ አያሎ ጀምሮ የማይጨርሰው እንግልጣር የእንግሊዝ አፍ ተናጋሪው ባለ ብዙ ሙያ ባለቤቱ አቤ አበበ በለው ሰሞኑን የሳታላይት ዲሽ ሰሀኑን አሸክመው በቀለዱባቸው በእምዬ ምኒልክ ስም በተከፈተው የእስክንድር ሳታላይት ቲቪ በኩል ዶፍ በረዶ ሲያዘንብብኝ እንደከረመ ሰማሁ። አየሁም። አቤን በስሱ ስነካው እንዲህ የቀባጠረ ትንሽ ቆንጠጥ ባደርገውማ ምን ሊሆን ነው?

"…ለማንኛውም በሚዲያ የተነገረ ያው የሚሰረየው በሚዲያ ነውና ሰዓቴ ሲደርስ በርበሬ በሚጥሚጣ፣ ቀበርቾ ጭምር ይዤ አስክስ አያለ እንዲያነጥስ አደርገዋለሁ። እስቲ ሀብታሙ አያሌው፣ ምስጋናው አንዷለም እና "ስስ ብልትህ" እስክንድር ነጋ ሲያድኑህ አያለሁ።

"…በዐማራ ስም የሚታለበውን የዶላር ምንጭ ስላደረቅኩት አዳሜ እንደ ሰካራም ሲንጫጫ ቢውል ጉዳዬ አይደለም። ዋናው ነገር የእንጀራ ገመዱን መበጠሴ ነው። በቆሰለ ፋኖ ስም፣ በተጋዳይ ፋኖ ስም ዶላር እየቀፈሉ፣ ለአንተ ቴስላ ለፋኖ አተላ አይቻልም። አዳሜና ሔዋኔ ሠርተህ ትበላታለህ።

"… እንደ እነሱ የበላሁበትን ወጪት ሰባሪ ባለጌ ነውረኛ የትልቅ ትንሽ ቅሌታም ዐማራ አሰዳቢ ስላልሆንኩ ውለታ ባልረሳም ስለ መረጃ ቲቪ አያገባኝም ባልልም ስለ ራሴ ግን የመልስ ምት ለመስጠት እገደዳለሁ። እጅግ አስተማሪ የሆነ መልስ ምት ነው የምሰጠው።

• ማታ ምሽት 2:00 ሰዓት በነጭ ነጯን ከዘመዴ ጋር ያገናኘን።

Zemedkun Bekele (ዘመዴ)

22 Sep 2024 14:29

ባያዋጡስ…?

"…ለመንግሥታዊው የኦሮሙማ አዲሱ ሃይማኖት ለኢሬቻ ፌስቲቫል ቀበሌዎች እና ክፍለ ከተሞች በአዲስ አበባ ለሚገኙ የንግድ ድርጅት ባለቤቶች፣ ለግለሰቦች ጭምር የግዴታ መዋጮ እንዲያዋጡ ደብዳቤ እንደደረሳቸው ታውቋል።

"…ለዚህ አዲስ መንግሥታዊ ሃይማኖት በአል ማድመቂያ ገንዘብ አላዋጣም የሚሉ ዜጎች እምቢ በማለታቸው ምክንያት ከሃይማኖቱ ባለቤቶች አካላት ምን ሊገጥማቸው ይችላል ብላችሁ ትገምታላች?

"…በሃይማኖት ማስገደድ የለም አልተባለም እንዴ? ሃይማኖትና መንግሥት ተለያይተዋል አልተባለም ወይ? ለኦሮሞ ኢሬቻ ሃይማኖታዊ በአል ዐማራዋ የወረዳ 10 ሥራ አስፈጻሚ ወሮ ዮርዳኖስ ደሳለኝ መከተ ግን ምን ያገባታል? ወይ ጉድ እኔ ራሴስ ምን አገባኝ።

• ለማንኛውም እሬቻችሁን ከሚያበሏችሁ ለኢሬቻ እያዋጣችሁ…😂

Zemedkun Bekele (ዘመዴ)

22 Sep 2024 10:31

"…በዙፋንም የተቀመጠው፦ እነሆ፥ ሁሉን አዲስ አደርጋለሁ አለ። ለእኔም፦ እነዚህ ቃሎች የታመኑና እውነተኛዎች ናቸውና ጻፍ አለኝ። አለኝም፦ ተፈጽሞአል። አልፋና ዖሜጋ፥ መጀመሪያውና መጨረሻው እኔ ነኝ። ለተጠማ ከሕይወት ውኃ ምንጭ እንዲያው እኔ እሰጣለሁ።

"…ድል የሚነሣ ይህን ይወርሳል አምላክም እሆነዋለሁ እርሱም ልጅ ይሆነኛል። ዳሩ ግን የሚፈሩና የማያምኑ የርኵሳንም የነፍሰ ገዳዮችም የሴሰኛዎችም የአስማተኛዎችም ጣዖትንም የሚያመልኩ የሐሰተኛዎችም ሁሉ ዕድላቸው በዲንና በእሳት በሚቃጠል ባሕር ነው፤ ይኸውም ሁለተኛው ሞት ነው። ራእ 21፥ 5-8

"…እንደምን አደራችሁ?
"…እንደምን አረፈዳችሁ?
"…እንደምን ዋላችሁ?
"…እንደምን አመሻችሁ?

"… መልሱ እግዚአብሔር ይመስገን ብቻ ‼

Zemedkun Bekele (ዘመዴ)

21 Sep 2024 20:41

"…እኔ የቴሌግራሙ ጀነራል ዘመዴ እንዴት ነኝ…? ሃኣ…? 😂 …እያንዳንድሽ ደህና እደሪ…!

Zemedkun Bekele (ዘመዴ)

21 Sep 2024 18:08

ተቀበል…!

• የሞተ ተጎዳ ገዳይማ ምንአለበት አባቴ። ሰሜን ዕዝ ተብለው በትግራይ የታረዱት በአብዛኛው የዐማራ መኮንኖችና የዐማራ ወታደሮች ናቸው። እና ገዳይን የዐማራ ዘመን እስኪመጣ ማን ይጠይቀዋል? እኔ የሚያስቁኝ አሁንም መከላከያ ውስጥ ሆነው የጥይት ማብረጃ የሚሆኑት ምስኪን የዐማራ ተወላጅ ወታደሮች ናቸው።

"…የትግሬ ነፃ አውጪዎች እና የኦሮሞ ነፃ አውጪዎች ዐማራ የተባለ ከዚያች ምድር ሙልጭ ብሎ እስኪያልቅ ገና ከዚህ በላይ ይጫወቱበታል። በኢትዮጵያ ዐማራን መጨፍጨፍ፣ መግደል፣ ዘሩን ማጥፋት ለጊዜው በሕግ አያስጠይቅም። ወንጀልም አይደለም ነው መልእክቱ። ለማንኛውም…

• የሞተ ተጎዳ…!

Zemedkun Bekele (ዘመዴ)

21 Sep 2024 16:52

ከከሰም የዐማራ ፋኖ ሸዋ ዕዝ

"…ለፌክ ኢትዮጵያኒስቶች፣ ለእነ ግግጂጂGG

• ምራል የለም እንዴ?

Zemedkun Bekele (ዘመዴ)

21 Sep 2024 15:16

ይነበብ…!

"…ሰሞኑን ቤተ መንግሥት ኃይለኛ ስብሰባ ነበር። 40 ገጽ ወቅታዊ ትንተና ያለው ሰነድም ቀርቦም ተወያይተውበታል። አጠቃላይ የሰነዱ ጭብጥ ሲጨመቅ እንዲህ ነው የሚል ድምዳሜ ላይ ነው የሚደርሰው።

፩ኛ፦ "…አሁን ካለው የግብፅና የሶማሌ፣ የሻአቢያና ወያኔ፣ ከሸኔና ከሱዳን ይልቅ መንግሥታዊ ሥርዓቱን ሊንድ የደረሰውና አቅምም ያለው የዐማራ ፋኖ ነው። ስለሆነም

፪ኛ፦ ሁሉም ኃይል ማለትም ሜካናይዝድ ጦሩ፣ አየር ኃይሉ፣ እግሩረኛው፣ ኮማንዶው በሙሉ ባለው አማራጭ ሁሉ ተጠቅሞ ይህ በአጭር ጊዜ መደምሰስ አለበት። በየትኛው ከተማ ውስጥ ከፋኖ ጋር ግንኙነት ያለው ማንኛውም አካል አስፈላጊ የሆነ ነፃ እርምጃ እንዲወሰድበት ተብሎ ተወስኗል።

፬ኛ፦ ጦርነት መኖሩን እንዲያውቅ፣ አሻራው ጠባሳው እንዲቀር፣ በዐማራ ከተሞች የከተማ ጦርነት ፋኖ ኖረም አልኖረም ይደረግ። መሰረተ ልማት ይውደም። ክልሉ ወደ ኋላ ይጎተት፣ ሕዝቡ እንዲማረር ይደረግ። ሲጨነቅ ፋኖን ያስጨንቃል መሆኑ ነው። ሕዝቡ ሁሉ እኮ ፋኖ ነው። አይ ድንቁርና።

፫ኛ፦ ይኸንን ሁሉ አድርገን አሁንም እንዳለፈው አንድ ዓመት ማሸነፍ ካልተቻለ የዐማራ ክልልን በፍጥነት ለቆ በመውጣት ጦርነቱን ወደ አዲስ አበባ አቅራቢያ ስቦ በማምጣት በሜካናይዝድ የጦር ኃይል ይህንን ኃይል ማውደም ይቻላል።

፬ኛ፦ በሌላ በኩል አሁኑኑ በፍጥነት የዐማራ ብልጽግና ብአዴን የዐማራ ፋኖ አንሥቶ እየታገለባቸው ናቸው የሚባሉትን ጥያቄዎች በሙሉ ራሱ እንዲያነሳና የፌዴራል መንግሥቱን በጥያቄ እንዲያጨናንቅ አቅጣጫ ተሰቷል። (tom and Jerry) እኮ ነው መጫዎት የሚያስቡት 😁። ይህን በማድረግ "ይኸው ጥያቄአችሁን ብአዴን አንሥቶታል፣ መንግሥትም እሺ ብሏል። ለምንድነው የምትዋጉት ብሎ በራሳቸው በፋኖዎች ላይ ያምጻል። ሕገ መንግሥቱን ሁላ ሊቀይር ይችላል። ከዚያ ፋኖ የሕዝብ ድጋፍ ያጣል። ፌዴራሉም አዘናግቶ የዐማራ ኃይል እንዳይነሣ አድርጎ ይመታዋል ብለው ነው የመጨረሻ ያሉትን ውሳኔ የወሰኑት።

"…በዚህ ጉዳይ አብይ አሕመድ ከእነ አባዱላ ጋር ተጣልቷል። አባዱላ የሚለው የዐማራ ፋኖ ዐማራ ክልልን የሚቆጣጠር ከሆነ ሸኔ አዲስ አበባን ይቆጣጠራል። በዚህም አዲስ አበባ ላይ Genocide ይፈጽማል። ፋኖም ተጠናክሮ መቶ ሸኔን መምታቱ አይቀርም። ከዚያ በኋላ የኦሮሞ ሕዝብ በዘር አጥፊነት በዓለም ላይ ይፈረጃል። ፖለቲካዊ ሞትም እንዳይሆን ሆኖ ይሞታል ባይ ናቸው። አባቴ ወሎዬው የአባጅፋር ልጅ አቢይ አሕመድ በወሎዬው ዳንኤል ክብረት እየተመከረ መስሚያውን ጥጥ አድርጎ ድንቁርና ልቡን ደፍኖት ሞቱን ለማፋጠን ወግሟል።

"…ዐማራ ነፍሴ ከባነነ ቆየ። የትኛውንም ቁማር ለመበላት ፈቃደኛ አይደለም። ግብጽና ሶማሊያ ሊወሩን ነው። (ለደንታቸው) ደብረ ጽዮንና ጌታቸው ረዳ ተጣሉ፣ (ለምን በቴስታ አይቧቀሱም) ጌታቸው ረዳ ተመረዘ፣ ታመመ፣ (ለምን ድብን አይልም) የትግሬ የሴፍቲኔት እናቶች ጌታቸው ረዳን በሽሬ ረበሹት፣ ወንበር አንስተውም ሊመቱት ነበር። (ለምን በቦንብ አያጋዩትም) ኤርትራ ዛላ አንበሳ ገባች። (ለምን መቀሌ አትገባም) ነዳጅ ጠፋ፣ ለምን ዕልም አይልም። ኑሮ ተወደደ፣ ዶላር ጨመረ (አይመለከተኝም) አይ ዐማራ የአጀንዳ ማራገፊያ መሆኑ ቀረ። ደስ ሲል።

"…ሀብታሙ አያሌው በእንቅልፍ ልቡ፣ እነ ምስጋናው አንዷለም በስኳድ ሴራ፣ አርበኛ ሀብቴ ወልዴ የሚመራው፣ ጋዜጠኛ እስክንድር ነጋ የሚያዘው፣ ኮሎኔል ፈንታሁን ሙሀባው፣ አርበኛ ሰሎሞን አጣናው፣ አርበኛ መከታው ማሞ የሚመሩት ጦር ወደ ታላቋ ጎንደር ከተማ እየገባ ስለሆነ የጎንደር ሕዝብ ለፋኖ ሞቅ ያለ አቀባበል አድርግለት። ሌሎቻችሁም እነ ዘመነ፣ እነ ባዬ፣ እነ ምሬና ደሳለኝ በአስቸኳይ በጋዜጠኛ እስክንድር ስር ገብታችሁ እንደ ሀብቴ ጦር ጎንደር እንደ ገባው እናንተም ባህርዳር፣ ደሴና ደብረ ብርሃን ግቡ ቢባል ወፍ የለም።

"…ማርያምን የዐማራ ፋኖ ድብን አድርጎ ያሸንፋል።

Zemedkun Bekele (ዘመዴ)

24 Sep 2024 10:19

“…ደግሞም በጨዋታ የሚታገል ማንም ቢሆን፥ እንደሚገባ አድርጎ ባይታገል፥ የድሉን አክሊል አያገኝም።” 2ኛ ጢሞ 2፥5

• እንደምን አደራችሁ?
• እንደምን አረፈዳችሁ?
• እንደምን ዋላችሁ?
• እንደምን አመሻችሁ?

• መልሱ እግዚአብሔር ይመስገን ብቻ ‼

Zemedkun Bekele (ዘመዴ)

23 Sep 2024 20:08

ሁላቸውም እንዲያውቁት ይሁን…!

"…ጤና ይስጥልኝ ዘመዴ እንዴት ነህ? እኛ ሰላም ነነ። የአንተን ደኅንነት እያየንና እየሰማን ስለሆነ እግዚአብሔር ያበርታህ። ዛሬም መልእክታችንን የዐማራ ሕዝብ እንደ ሕዝብ፣ የዐማራ ፋኖ ግን በትኩረት እንዲመለከተው ይህን መልእክት እኛ ጀነራሎች ልከንልሃል። በተቻለ መጠን በፍጥነት ይዳረስ። ሌሎች ኢትዮጵያውን ዜጎችም ነግ በእኔ ብለው መልእክቱን ቢያነቡትና በቤት በሰፈር ቢወያዩበት መልካም ነው።

"…ዘመዴ ይኸውልህ በቀደም በነገርንህ መሠረት ጄነራሎቹ በሙሉ ጦርነት አለበት ወደተባሉት በተለይ ወደ ሁለቱ ክልሎች ወደ ዐማራና ኦሮሚያ ክልሎች ሄደዋል። ወደ ዐማራ ክልል የሄዱት የዐማራ ተወላጅ ጀነራሎች ብቻ ሲሆኑ፣ የኦሮሞ ጀነራሎች ደግሞ ወደ ኦሮሚያ ክልል ነው የሄዱት። ወደ ዐማራ ክልል የሄዱት ጀነራሎችን ጄነራል አበባው ታደሰ ኮማንድፖስት ሰብሳቢ ሆኖ እንዲመራ ሲደረግ፣ ወደ ኦሮሚያ የሄዱትን ደግሞ ጀነራል ጌታቸው ጉዲና የኮማንድፖስት ሓላፊ ሆኖ እንዲመራ ተብለው ሄደዋል። ዐማሮቹ ቀደም ብለው የሄዱ ሲሆን ኦሮሞዎቹ ግን የሄዱት በትናንትናው ዕለት ነው።

"…ነገር ግን ዘመዴ ጄነራል ጌታቸው ጉዲና ራሱ ቀንደኛ ኦነግ ነው። በትግራይ፣ በሰሜን ሸዋ ያደረገው የሚረሳ አይደለም። ጌታቸው ጉዲና በግልጽ የመከላከያን መረጃ ለኦነግ ሸኔ የሚሰጥ፣ አፍቃሬ ወያኔ፣ በዐማራ ጥላቻ ያበደ፣ ይሄን ጥላቻውም በፊቱ ላይ የሚነበብ ኦነግ ነው። ነገር ግን እነ ጌታቸው ኦነግን ለማጥፋት በሚል ሰበብ ነው ወደ ኦሮሚያ የተላኩት። እዚህ ሰላሌ ሜዳ ላይ ኦነግ ጦርነት እየገጠመ የሚዋጋቸው የኦሮሚያ ልዩ ኃይልም ሆነ የመከላከያ ሠራዊት እንዳይኖር አድርገው ሲያበቁ ወለጋ መሄድ ያው ለሌላ ተልእኮ እንሆነ ሊታወቅ ይገባል።

"…የዐማራ ተወላጅ ጄነራል ተብለው ወደ ዐማራ ክልል የተላኩት ጀነራሎችም ያው የታወቁ ናቸው። ራሱ ሰብሳቢው አበባው ታደሰ በአባቱ ትግሬ፣ በእናቱ የሰቆጣ ተወላጅ ነው። ፀረ ዐማራ በለው። አብረው የተጓዙትም አብዛኛዎቹ ዐማራ ክልል የተወለዱ ፀረ ዐማራ አቋም ያላቸው የአገው ሸንጎና የቅማንት ተወላጆች ናቸው። በሙሉ ማለት ይቻላል እጅግ ሲበዛ ሆዳምም ጨካኝም ስለሆኑ ክልሉን ቢያጠፉትም ችግር የለውም ተብለው ነው የሄዱት። አሁን ላይ ዐማራ ክልል ትልቅ ኦፕሬሽን ኦሮሚያ ላይ የይስሙላ ኦፕሬሽን ይካሄዳል። የሽመልስ ሸኔ ቡድኖችን ጥቂት የፈረደባቸውን ገድለው ሌሎችን ደግሞ ማረክን፣ በሰላም እጃውን ለመንግሥት አሰጠን ብለው ሊያሳዩን ይሞክራሉ። እውነታው ግን ኦሮሚያ የሄዱት ኦሮሞውን በይበልጥ ለማስታጠቅ ነው።

"…ልብበል መከላከያው የብሔር አይደለም እያሉ እየደሰኮሩ በዚያው በደሰኮሩበት አፋቸው በየዘራቸው፣ በየጎጣቸው ጉረኖ ውስጥ ተወሽቀዋል። ለዚህ እንደምክንያት የሚያቀርቡትም…

1ኛ፦ ጀነራሎች በተወለዱበት አካባቢ የአከባቢው ሰው ስለሚደግፋቸው ተብሎ ስለታሰበ እና አይ እሱ የአካባቢያችን ሰው ነው ስለዚህ ለእኛ ያስባል፣ ይጨንቃል ብሎ ሕዝቡ እንዲቀበለው እና ድጋፍ እንዲያደርግለት

2ኛ፦ ክልሉን ካወደሙለት በኋላ ግን "እኔ አይደለሁም የራሳቸው ጀነራሎች ናቸው" በማለት የጦስ ዶሮ ሊያደርጓቸው።

3ኛ፦ የኦሮሞዎች ደግሞ ኦነግን ለማጥፋት በሚል ሰበብ ገብተው ኦነግን እስከሚበቃው ድረስ እሰከ አፍንጫው ድረስ ለማስታጠቅ እና በኋላ ፋኖን እንዲወጋላቸው በውስጥ ለመደራደር ነው። ምክንያቱም ጌታቸው ኦነግን ከበፊትም ጀምሮ ሲያስታጥቅ ስለኖረ አሁን ኦነግን ያጠፋል ማለት እጅግ በጣም ሞኝነት ነው። በታንዛኒያው ድርድር እኮ ከኦነግ ሸኔ ጋር ለመደራደር የተላከው ይሄው ኦነግ የሆነ ሰው ነው።

"…ዘመዴ በቀደም ናዝሬት ላይ የኦሮሞ ልዩ ኃይል፣ የኦሮሞ ሚሊሻ  እና የኦሮሞ ፖሊስ በሙሉ ለግዳጅ ዝግጁ ይሁን ተብሎ የኦሮሚያው ፖሊስ አዛዥ፣ የመከላከያው ሌተናል ጀነራል ድሪባ መኮንን እዚሁ መከላከያ ቢሮ ሰሞኑን ከማርሻሉ ብርሃኑ ጁላ እና ከጌታቸው ጉዲና ጋር ሆነው ተሰብስበው ተነጋግረዋል። ስለዚህ ይህ ኃይል ወደ ዐማራ ክልል የመከላከያ ልብስ ለብሶ ሊዘምት እንደሚችል ይጠበቃል። ኦሮሚያ ላይ የሚሆነው ደግሞ ኦነግን ማጥፋት ሳይሆን ማስታጠቅ እንደሆነ አላማው በደንብ ተነግሯቸዋል። ዐማራ ክልል ላይ ግን በድሮን በጀት ጭምር እንደሆነ መከላከያ ከፋኖ የሚያስለቅቀውን ቦታ አዲስ አስተዳደር እየመረጡ ተጠሪነቱ ለመከላከያ እንዲሆን፣ ምንም ዓይነት ርኅራኄ እንዳይኖር፣ እንኳን የታጠቀውን ያልታጠቀ ቢገደልም ማዘን እንደማያስፈልግ፣ እንዳውም ሲቪል እየገደሉ በፋኖ ላይ ሕዝቡ ለዐመፅ እንዲያነሣ፣ እንዲማረር በማድረግ፣ የመከላከያ መረጃዎችም ፋኖ መስለው ሕዝቡን እያማረሩ እየዘረፉ መግደል የሚለውን ሓሳብ ነው ዐማራ ክልል ላይ የሄዱት ጀነራሎች በዋናነት የተቀበሉት ሚሽን።  

"…በተረፈ ለዚህ የመከላከያ ኦፕሬሽን ፕሮፖጋንዳ ለመሥራት ቀድመው አጀንዳ ለመቀበል በዛሬው ዕለት ናትናኤል መኮንን፣ ሲሳይ አጌና እና አንድ ማንነቱን ያላወቅነው ለውጭ ፕሮፓጋንዳ ነው የተባለ የውጭ ሀገር ዜጋ ከፊልድ ማርሻሉ ጋር እንዲሁም ከመከላከያ ፀረ መረጃ ሓላፊው፣ ከሰብአዊ መረጃ ኃላፊው ከጀነራል ደምስ ጋር ተወያይተው መመሪያ ተቀብለው ሄደዋል። ናትናኤል የውጭ ዜጋው ሁለቱም አጃቢ ለየብቻ ተመድቦላቸው ነው ሰሞኑን ራሱ እዚያው በየቢሮው ሲመላለሱ የከረሙት። ናትናኤል እዚሁ የከረመ ሲሆን ሲሳይ አጌና ግን ዛሬ ነው በመከላከያ ቢሮዎች የታየው። ስለዚህ ዘመዴ ይሄኛው የሞት ሽረት ትግል ስለሆነ የዐማራ ክልል ላይ ላለው ኦፕሬሽን ሕዝቡም ፋኖውም ከፍተኛ ጥንቃቄ ያድርግ ዘንድ በተለይ ከድሮን ጥቃትም፣ የሚዲያው የፕሮፓጋንዳ ሠራዊትም፣ ከነ ናትናኤል ፕሮፖጋንዳ በልጦ መገኘት፣ ሕዝቡንም ቶሎ ቶሎ ማንቃት አለባችሁ።

"…አሁን ላይ ፋኖ ውስጡ ያለውን ባንዳ በጊዜ ያፅዳ፣ ከቀናቶች በኋላ ይህ ሥራ ስለሚጀምር ፋኖ ውስጥ በጣም ብዙ ባንዳ እንዳለ ይታወቃል። መንግሥት ያሰማራው ፋኖ ስላለ የስልክ አጠቃቀም ላይ ጥንቃቄ ይድርግ፣ የፋኖዎች ስልክ ይጠርነፍ። በተለይ አንድሮይድ ስልኮችን ፋኖ አሁን ላይ ባይጠቀሙ የተሻለ ነው። እስከጭራሹም ስልክ ባይጠቀሙማ እሰየው ነበር። ምክንያቱም አብዛኛው አንድሮይድ ስልክ በመጠቀም ያሉበትን ቦታ ስለሚላላኩ ማለት ነው።  በተረፈ ሌላው ምክራችን መከላከያው ቀድሞ ከማጥቃቱ በፊት ፋኖዎች ቀድመው ቢያጠቁ፣ የሎጀስቲክ ኃይሉ ላይ እንደተለመደው የደፈጣ ጥቃት ቢፈጽሙ ደግሞ እሰየው ትልቅ ድል ነበር። ምክንያቱም ጦሩን እንደአዲስ ሳይደራጅ ቀድሞ በማጥቃት የሞራል የበላይነት መቀዳጀት እና ጦሩን ዲሞራላይዝ ማድረግ እጅግ በጣም ስለሆነ ነው። በተረፈ በርታ። በያዝከው መንገድ ቀጥል። እኛም ቢያንስ ከህሊና ተጠያቂነት በጥቂቱ እረፍት ብናገኝ በሚል እሳቤ የተቻለውን መረጃ ወደ አንተ ለማድረስ እንሞክራለን።

• ሰላም ሁን ዘመዳችን።

Zemedkun Bekele (ዘመዴ)

23 Sep 2024 17:12

መልካም…

"…ርእሰ አንቀጹን ከ11ሺ ሰዎች በላይ ማንባባቸው ተመልክቷል። የዛሬውን ርእሰ አንቀጽ ደግሞ አንድም 😡 ብው ብሎ የተናደደበት ሰው እስከአሁን አልታየም። ከዚህ ልጥፍ በኋላ የሚመጡ ይኖራሉ ብዬም ተስፋ አደርጋለሁ። ለማንኛውም ግን እስከ አሁን የሚበሳጭ ሰው አልገጠመኝም። ከምር ጀነራል መስያቸው ፈርተውኝ ይሆን እንዴ? 😂😂

"…አበበ በለው ብቻ ነው እንቅልፍ አጥቶ የዛሬ ሳምንት የጻፍኩትን፣ ሀገር ምድሩ አንብቦት ጉድ ብሎ የተደመመበትን ጦማሬን እንደ አዲስ እሱ እንኳ መጻፍ አይችልም ጽፈው እየሰጡት ሌሊቱን ሙሉ ሲያስለጥፉት ያደሩት። ገና እንቅልፍ እነሳሃለሁ። በዐማራ ፋኖ ስም የበላችሁትን አስተፋችኋለሁ። ጨርቅህን ነው አስጥዬ ጆሮህ ላይ ሰንደል ሰክተህ እንድትዞር የማደርግህ። በንፁሐን ደምማ አትነግዷትም።

"…ቀጥሎ ተራው በርእሰ አንቀጹ ላይ የእናንተ ሃሳብ የሚደመጥበት ሰዓት ነው። ከዚያ ወደማታ "…ከጀነራሎቹ ጋር ወፎቼ ይዘው የመጡት ለፋኖ የሚጠቅም መረጃ ይቀርብላችኋል። እስከዚያው በጨዋ ደንብ እንሟገት፣ ሓሳብ እንስጥ። ያልተጻፈ የሚያነብ፣ የሰው ዓይን የሚያቆሽሽ ፀያፍ ስድብ የሚሳደብ፣ ስሜቱን ባለመቆጣጠሩ ምክንያት ይቀሰፋል። ከተቀሰፈ ደግሞ በወሬ ጠኔ የሚጎዳው ራሱ ነው። ተጠንቅቀህ ሓሳብ ስጥ።

"…ዳይ እኔ ደግሞ በተራዬ የእናንተን ኮሜንት ልኮምኩም። የትግሬውን ራስ ሚካኤል ስሁልን እንዴት አያችሁት? ከዛሬዎቹ ስሁል ሚካኤሎች ጋር እያነጻጸራችሁ እስቲ እስቲ ሓሳባችሁን አካፍሉኝ። በጨዋ ደንብ፣ በመረጃና በማስረጃ እኔን መቃወም በእኔ ፔጅ የተፈቀደ ነው። በነገራችን ላይ ኮመንት ለማንበብ፣ ኮመንት በማንበብ ብቻ የሚደመሙ፣ የሚረኩ እልፍ ሰዎች በፔጄ አሉ።

"…1…2 3…✍✍✍ ጀምሩ…

Zemedkun Bekele (ዘመዴ)

23 Sep 2024 15:48

👆④ ከላይኛው… ✍✍✍ …አደርገውታል። ከዚያ በኋላማ ምኑ ይነገራል። የትግሬው ራስ ስሁል ሚካኤል ከጎንደር ቤተ መንግሥት የመጣለትን የ "እርዳኝ፣ ድረስልኝ፣ አግዘኝ" ግብዣና ጥያቄ በደስታ ተቀብሎ ወደ ጎንደር ቤተ መንግሥት ሰተት ብሎ ገባልሃ።

"…እቴጌይቱ የየጁ ኦሮሞዎችን ኃይል ለመቀነስ እና ለመገዳደር ብለው ያመጡት የትግሬው ራስ ስሁል ሚካኤል ላሰቡት ዘዴ መጀመሪያ ላይ ፍሬ ቢያፈራላቸውም ዘግይቶ ግን የራስ ስሁል መሰሪነት እቴጌይቱ ከጠበቁት በላይ የከፋ ሆኖ ስላገኙት በንዴት ሁሉን ጥለው ወደ መንፈሳዊ ህይወታቸው አዘንብለው በዚያው በጾም በጸሎት ተወስነው አረፉ። [ የጽጌን ጾም መጾም ያስጀመሩት እቴጌ ምንትዋብ ናቸው ይባላል) እቴጌይቱን ወደ ገዳም ብርር ብለው እንዲገቡ ያስደረጋቸው ግን ስሁል ሚካኤል የልጅ ልጃቸው የሆነውን ንጉሥ ኢዮአስን በቤተ መንግሥቱ ውስጥ በሻሽ አንቆ መገደሉ ነበር።

"… ታሪኩ እንዲህ ነው። ዕድል ቀንቶት ጎንደር ቤተ መንግሥትን ያሾር ዘንድ ሎቶሪ የወጣለት የትግሬው ራስ ስሁል ሚካኤል በየጁ ኦሮሞዎችና በጎንደር ዐማሮች በአገዎቹ መካከል የተነሣውን የሥልጣን ሽኩቻ እንደ መልካም አጋጣሚ በመጠቀም በማስታረቅ ሰበብ ነገር እየሠራ ይቀውጣቸው ጀመር። ዐማራና ኦሮሞ በትግሬው ራስ ስሁል ሚካኤል ተበጣበጡ። ንጉሥ ኢዮአስ ራስ ስሁል ሚካኤልን ማውረድ፣ ማስወገድም ተሳናቸው። ፋሲል ሸፍቶ ስለነበር ራስ ስሁል ሚካኤል ንጉሡን ተነሥተን ሂደን እንውጋው ብሎ ቢጠይቃቸው "አይ እኔ አርጅቻለሁ አልሄድም።" ይሉታል። "እሺ ሠራዊትዎ ከእኔ ጋር ይዝመት? ብሎም ይጠይቃቸዋል። አይሆንም ሆነ መልሳቸው። ኋላ ነገር በልቡ እንደያዘ ከትግሬ ይዞ ወደ ጎንደር ካመጣው 40 ሺ ጦር በተጨማሪ ሌሎች ወዶገብ የዐማራ፣ የአገውና የኦሮሞ ወታደሮችን አሰልፎ የሸፈተውን ፋሲልን ድል አድርጎ ወደ ጎንደር ይመለሳል። ጎንደር እንደገባም ንጉሥ ኢዮአስን የሚከስበት ሴራ አዘጋጅቶ መመለሱ ይነገራል። በውጊያው ላይ የንጉሡ ወታደሮች ከሽፍታው ፋሲል ጋር ወግተውኛል፣ የተማረኩም አሉ ብሎ ነበር የመጣው። ሕዝቡንም ንጉሡንም ለማበሳጨት ሲል ግን ከጦርነቱ መልስ ወደ ጎንደር ሲገባ የጎንደርን ከተማን መግቢያ አንደኛውን ሰፈር በእሳት አወደመው።

"…የትግሬው ራስ ስሁል ሚካኤል ጎንደር እንደደረሰ ጉባኤ ጠራ። ሁሉም ተሰበሰቡ። ንጉሡ በብዙ እንደ በደሉትም ለጉባኤው ዘረዘረ። ክስም አቀረበ። የንጉሡ ወታደሮች ከእኔ ጋር አልዘምትም ብለው ከጠላት ጋር ዘምተው ወግተውኛል፣ እንዝመት ስላቸው እምቢ ብለውኛል፣ እናም ፍረዱ ይላቸዋል። በዚያ ያሉትም ገሚሱ ባይሆን ንጉሥ ቢያጠፋ ይጋዛል፣ ይታሠራል እንጂ አይገደልም አሉ። ሌሎችም የራስ ስሁል ሚካኤልን ኃይል ስለሚያውቁ ስለተረዱም ንጉሡ ይገደሉ አሉ። አንድ የትግሬ ባህታዊ ግን " ንጉሥ በጥይት ተደብድቦ ነው የማይገደለው እንጂ አንቆ መግደል ግን ይቻላል" በማለት ይመክራል። በዚሁ የትግሬ ባህታዊ ምክር መሠረት የንጉሡ ሞት ተፈጻሚ ይሆናል። ከትግሬ አምጥተው እንደራሴ አድርገው የሾሙትን፣ ከኦሮሞና ዐማራ የሚወለዱትን ንጉሥ ኢዮአስን ስሁል ሚካኤል በሻሽ አሳንቆ አስገድሎ አስከሬናቸውን አደባባይ በቱቦ ውስጥ አስጥሎ፣ አላፊ አግዳሚውን ሲያሳይ ከከረመ በኋላ በስንት መከራ እና ምልጃ የንጉሡን የፈረሰ፣ ያበጠ፣ መፈንዳት የጀመረ ከአውሬ የተረፈ አስከሬን ከቱቦ ውስጥ ወጥቶ በጎንደር ቅዱስ ሩፋኤል ቤተ ክርስቲያን ተቀበረ። እንዲህ የሚያደርገው እንግዲህ የልጁንና የራሱም ሚስት ወንድማቸው የሆነውን ንጉሥ ነው። ንጉሥ ወንድሟን አንቆ ገድሎ ከእሷ ጋር አብሮ ሲተኛ እግዚአብሔር ያሳያችሁ።

"…የትግሬው ስሁል ሚካኤል ንጉሥ ኢዮአስን በሻሽ አንቆ ከገደለው በኋላ ራሱ መንገሥ ስለማይችል፣ ሕጉም ስለማይፈቅድለት ከነገሥታት ዘር የሆነ ሰው ፈልጎ ማንገሥ ነበረበት። ወዲያውም በወኅኒ አምባ የነገሥታቱ ዘሮች ከሚታሠሩበት አምባ "አንድ እጃቸው ቆራጣ፣ በበሽታ የደከሙ፣ መንቀሳቀስ የማይችሉ የጃጁ ሽማግሌ አምጥቶ አፄ ዮሐንስ በማሰኘት በጎንደር አነገሠ። ብዙም ሳይቆይ እሳቸውም ከአምስት ወር በኋላ እንደሚፈልጉት አልሆን ሲሉት ጊዜ መርዝ አብልቶ በመግደል አስወገዳቸው።

"…ስሁል ሚካኤልን ሳስብ እነ መለስ ዜናዊ ከፊቴ ድቅን ነው የሚሉብኝ። በዘመነ ህወሓት የወለጋ ኦሮሞው ኦቦ ነጋሶ ጊዳዳ አምጥቶ ካነገሠ በኋላ እየቆዩ ሲመጡ አቦ ነጋሶ ጊዳዳ አሻንጉሊት መሆኑ ሲደብራቸው፣ መለስ ዜናዊን " አሁንስ መንግሥቱ ኃይለማርያምን እየመሰልከኝ መጣህ" ባሉት ጊዜ የስሁል ሚካኤል የልጅ ልጅ አይተ መለስ ዜናዊ ፕሬዘዳንቱን ነጋሶ ጊዳዳን በሻሽ አንቆ ለመግደል ዘመኑ ባይፈቅድለትም፣ ደግሞም ከሰፊው የኦሮሞ ህዝብ ጋር በአንዴ መላተሙ የሚያመጣበትን አደጋ አይቶና ገምቶ በአንድ አዳር ሕግ አውጥቶ "ዶር ነጋሶ ጊዳዳን አዋርዶ ከቤተ መንግሥት አባሮ፣ የከተማ አውቶቡስ ተጠቃሚ አድርጎ ተበቀላቸው። በዶክተር ነጋሶም ምትክ ቆራጣው ዮሐንስን የሚመስሉ ንጉሥ ፈልጎ አምጥቶ፣ መናገር፣ መራመድ፣ ማየት፣ መንቀሳቀስ የማይችሉትን በእርጅናም በበሽታም ምክንያት የሚንቀጠቀጡትን፣ መተንፈስ ሁላ ይቸገሩ የነበሩትን መቶ አለቃ ግርማ ወልደ ጊዮርጊስን ፕሬዘዳንት አድርጎ አስቀመጣቸው። መለስ ዜናዊ ዶር ነጋሶ ኦሮሞ ሆነውበት እንጂ ዐማራ ቢሆኑ ኖሮ ወይ እንደ ኢዮአስ አንቆ፣ ወይ ደግሞ እንደ ታምራት ላይኔ ሰድቦ፣ አዋርዶ፣ ወኅኒ ይወረውራቸው ነበር። መዋረዱ ባይቀርላቸውም ነጋሶን ግን ኦሮሞነታቸው በሥጋ ከመገደል አትርፏቸዋል።

"…የስሁል ሚካኤል ጭካኔና መሰሪነት ይቀጥላል።  በዚያው በኢዮአስ ዘመነ መንግሥት የቀድሞው እንደራሴነት የተነጠቀበት ራስ ማርያም ባሪያው ሸፈተ። የላስታው ባላባትም አብሮት ሸፈተ። ራስ ስሁል ሚካኤል የላስታውን ባላባት በዘዴ አባብሎ ከራስ ማርያም ባሪያው ለይቶ ሥልጣን እሰጥሃለሁ ብሎ ወደ ጎንደር አስመጣው። የላስታው ባላባት ጎንደር ከገባ በኋላም ብዙ ሳይቆይ ሥልጣኑም ሳይሰጠው ራስ ስሁል ሚካኤል በአንድ አዝማሪ አስገደለው። ቆይቶም ምንም እንደማያውቅ በመሆን "እንዴት ከሽፍትነት ያስገባሁትን ሰው ትገድልብኛለህ?" በማለት ራሱ ገዳዩን አዝማሪ መልሶ ገደለው። አይ ትግሬ አለ አቢይ ማነው ደፂ። ጌቾ ነው ማነው ብቻ አይ ትግሬ ያለው ግን ማነው? የሆነ ሰው ያለ መሰሎኝ ነው። አይ ኦሮሞ ነው አይ ትግሬ?

"…የትግሬው ራስ ስሁል ሚካኤል ሲበዛ ጨካኝ ሳዲስትም እንደነበር ተጽፏል። በአንድ ወቅት ለወረኛ ፋሲል ይዋጉ የነበሩ የኦሮሞ ወታደሮችን ድል አድርጎ ይማርካቸዋል። ከማረካቸው በኋላም በሕይወት እያሉ ኦሮሞዎቹን በቁማቸው ሳያርድ ዓይናቸውን በወስፌ እየጎለጎለ አውጥቶ ጅብ እንዲበላቸው በማድረግ በተከዜ ወንዝ ዳርቻ እንደጣላቸውም ደራሲ በዕውቀቱ ሥዩም፤ ከአሜን ባሻገር በሚለው በ2008 ዓም ባሳተመው መጽሐፍ በገጽ 194 ላይ ጽፎታል።

"…የትግሬው ራስ ስሁል ሚካኤል የጎጃም ዐማሮች ሲማረኩማ ደስታው ወደር አልነበረውም ነው የሚባለው። የጎጃም ዐማሮች  በሕይወት እያሉ ሳይሞቱ ቆዳቸው ተገፍፎ ስልቻ በማውጣት በቆዳቸው ውስጥ ጭድ በመሙላት ይዝናና እንደነበር ነው የሚነገረው። በተለይ ዋጨቃ የተባለም የጎጃም ዐማራ የሆነ ምርኮኛ…👇④ከታችኛው ይቀጥላል…✍✍✍

Zemedkun Bekele (ዘመዴ)

23 Sep 2024 15:48

👆② ከላይኛው የቀጠለ…✍✍✍ "…ጎንደር በውኃ ጥም የምትሰቃየው ዐማራውን አማርሮ ከርስቱ ለመንቀል ነው። ጎንደር በውኃ ዕጦት ሸታታ፣ ግማት፣ ክርፋት፣ በሽታ፣ ወረርሽ እንዲያጠቃት ነው የሚፈለገው። ወንዝ እያላት በዝናብ ውኃ፣ በጉድጓድ ውኃ እንድትሰቃይ የሚደረገው በምክንያት ነው። ጎንደር ላይ ሀብት ያፈራ ጎንደሬ ጎንደር ላይ ሀብቱን አያፈስም። ወደ አዲስ አበባና ባሕርዳር ነው የሚሰደደው። ጎንደር ፋብሪካ ስትጠይቅ ትግሬ ባለቤት የሆነበት ዳሽን ቢራ ነው የተከፈተላት። ጉበታቸው እንዲፈርጥ፣ ሀሞታቸው እንዲፈስ፣ ጠጪ፣ ሰካራም እንዲሆኑ አምቡላ ፋብሪካ ነው የተከፈተላቸው። ዳሽን ቢራ የጎንደርን ዐማራ ጉበት እያፈረሰ በትርፉ የመቀሌ ስታዲየምን ነው ሆጭ አድርጎ ያሠራው። ዳሽን ቢራ መገኛው ጎንደር ነው። የጎንደር ዐማራን ጉበት አፈንድቶ፣ የትግሬን ጤነኛ ወጣት ለማፍራት የስፖርት መሥሪያ የመዋያ ቦታ ስቴድየም ነው የተገነባው። አዎ የመቀሌ ስታዲያም የተገነባው የጎንደር ዐማራ ጉበት ፈርሶ በተገኘ ትርፍ ነው። የጎንደር ዐማራ በኤርትራዊው በረከት ስምኦን ተቀጥቅጦ የተኮላሸ ነው። የጎንደር ዐማራ በዐማራ ጠል መሪዎቹ የተጠረነፈ ነው ነው። የጎንደር ዐማራ ሆነህ ቀበሌ ብትሄድ፣ ወረዳ፣ ክፍለከተማ፣ ፖሊስ ጋር፣ አድማ ብተና ብትሄድ ዐማራው የለም። ዐማራው ደጅ ጠኚ ነው። ኦርቶዶክሱ ጦም አዳሪ ነው። ዐማራው ተሠርቶበታል ነው የምልህ።

"…ጎንደር ዐማራ ነኝ እንዳይል ተብትበው ነው የያዙት የትግሬ ዲቃሎቹ። አስቀድሞ ለወያኔ ተገርዶ የሸዋ ዐማራ ሲቀጠቀጥ ቆሞ ያየ። ለደርግ አግዞ የጎንደር ዐማራን በሊማሊሞ ገደል ያስከተተ፣ ወያኔ ከጎንደር ጄኔሬተር ነቅላ ወደ ትግራይ ስትወስድ ቆሞ ያየ። እነ የኔታ እንደ ሥራቸው አግማሴን በትግራይ በረሀ የመሬት በታች እስረኛ አድርጎ ያስበላ ነው ይሄ ጎንደር ላይ የተጣበቀው በረከት ስምኦናዊ ቡድን። ጎንደር በትግሬ ዲቃሎች እየተመራ የዐማራ መሞት ሳያሳዝነው፣ ሰልፍ ሳያስወጣው፣ በወልቃይት፣ በራያ፣ በመተከል፣ በደራ የተረፈረፈው፣ በኦሮሞ የታረደው፣ በጉምዝ ቀስት የተወጋው ሳያሳዝነው የቅማንት ትግሬ ዲቃሎች በዶር አሥራት አጸደወይን በጎንደር ዩኒቨርስቲ 4 ሚልዮን ብር በጀት በተዘጋጀ ሰላማዊ ሰልፍ ላይ ቀጥሎ የምገረድለት፣ ባርያ የምሆንለት የኦሮሞ ደም ደሜ ነው እያለ በአግአዚ ጦር የተጨፈጨፈ ነው አባዬ። አዎ ጎንደር ይለያል። ጀምሬዋለሁ የጎንደር ዐማራ ላይ የተጣበቀውን ፓራሳይት አናት አናቱን እየወቀርኩ አራግፈዋለሁ፣ የተኛውን የጎንደር ዐማራም አነቃዋለሁ። ይሄን መራር ሃቅ የሚቃወመኝ እኔ ነኝ የሚል ወንድ ይምጣ። ይምጣናም ይሞግተኝ።

"…ታስታውሱ እንደሆን መላው ዐማራ የነፃነት ትግሉን በጀመረ ወቅት የጎጃም ዐማራ እጅግ ዳተኛ ነበር። እናም የጎጃም ዐማራ አዲስ አበባ እንዳልገባ ተከለከልኩ። ጎሀ ጽዮን ሰላሌ ላይ ታገትኩ፣ በኦሮሞ ቄሮ ሚልዮን ብር ክፈል ተባልኩ። እያለ የጤፉን ብር እየገበረ፣ በጎጃም ምድር ነጠላ አንጥፎ እየለመነ የታገቱበትን ለማስለቀቅ ሲያለቅስ ይውልና ያድር ነበር። እዬዬ ይል ነበር ሲል የምናየው። የበላይ ዘለቀ ዘር ነኝ እያለ እሱ ግን በቄሮ እየተዘረፈ፣ እየደኸየ በሱሪው ላይ ይቀዝን፣ ይሸናም ነበር። የሚገርመው አንድ ሚሊዮን ብር ለቄሮ ከፍሎ ስለወጣ በደስታ ርችትም፣ ጥይትም እየተኮሰ፣ ፍየል ሙክት አርዶ፣ በግም በሬም አርዶ፣ ቢራና ጠጅ፣ ጠላም ጠምቆ ሀገር ያበላ ነበር። የእገሌ ልጅ እኮ ሚልዮን ብር ከፍሎ ተለቀቀ ብሎ ድግስ እግዚአብሔር ያሳያችሁ። እኔ ታዲያ ያን ይዤ ጎጃሜን ድራሽ አባቱን አጠፋሁት። ሁላችሁም እንደምታስታውሱት በጎጃሜ አላገጥኩበት፣ አሾፍኩበት፣ ቀለድኩበት፣ ሙልጭ አድርጌም አስገባሁለት። ገበሉህ አልኩት። ቄሮንም ጎጃሜ ገንዘብ ስላለው ነው የሚከፍልህ በለው፣ ዝረፈው፣ አግተው፣ እንዲያውም አንድ ሚልዮን ራሱ ያንሣል ጨምርበት፣ ከፋይ ነው እንዳትፋታው ብዬ ኡኡ አልኩኝ። በእውነት በወቅቱ እንዲህ እያልኩት አንድም የሰደበኝ ሰው አላስታውስም። በወቅቱም የትግሬ ዲቃለ የቅማንት ርዝራዥ እና የአገው ሸንጎ ነበር ትንሽ ሊሰድበኝ ይላላጥ የነበረው።

"…መለኛው ጎጃሜ ታዲያ ነገር በሆዱ ይዞ፣ ሙያ በልብ ብሎ፣ አድፍጦ ቆይቶ ይኸው ዛሬ ለመላው ዐማራ አይደለም ለመላው ኢትዮጵያ የሚያኮራ ድንቅ ሥራ በመሥራት ዐማራን የሚያኮራ አስተማማኝ የሚገኝ ሆኖ ተገኘ። ዛሬ ጎጃም የታጠቀውን መሣሪያ ማንም አልታጠቀም። የጎጃም አደረጃጀት የሚያስቀና ነው። ዕድገቱም ፈጣን ነው። ነገር ግን በዚህ የሚከፋው ጎንደር በተወለዱ የትግሬ ዲቃሎች ሲሰደብ ይውላል። ሸዋ በገባው እስክንድር ሎሌዎች ሲሰደብ ይውላል። የሀገሪቱ ጦር ገብቶ የማይወጣው ጎጃም ብቻ ሆኖ የቀረ እስኪመስል ሠራዊቱ እንደ ጉድ ይጎርፋል። የገባው ሳይወጣ በዚያው ይቀራል። ዛሬም እንደዚያ ነው ጎንደርን እሬቻ የማበላው። አንበርክኬ ነው ጆሮውን አስይዤ የምገርፈው። በባዶ ቤት፣ በባዶ መጎረር አይነፋም። በእስክንድር ስር አድሮ በቴዎድሮስ ስም መፎከር አሁን በጎንደሬ አያምርም። አሁን መፎከር በቴዎድሮስ እንደ መፎገር ነው የሚሆንበት። ጉራ ድል አይሆንም። እንደግመዋለሁ እንደ አሜባ ሦስት ቦታ ተበጣጥሰህ፣ የአፍራሳ፣ የሂርጶና የባልደራስ ቀውስ ጎንደርን እየመራ፣ እነ ዋሾ፣ ቀጣፊ፣ አጭበርባሬ የትግሬ ቅማንት ዲቃላ፣ በድርጅት ማኅተም ያልታዘዘ መግለጫ የሚያወጣው እንደ ምስጋናው አንዷለም የመሳሰሉ ሌሎች የጠንቋይ ልጆች፣ መናፍቅ ፀረ ዐማራ፣ ፀረ ኦርቶዶክሶች እየመሩት አያሸንፍም። በጥበብ፣ በዘዴ ያልቃታል እንጂ። መዝግቡልኝ።

"…የትግሬ ሰዎች የጎንደር ዐማራን፣ የኦሮሞ ሰዎች የጎንደር ዐማራን ዱቄት ማድረግ የጀመሩት አሁን በቅርብ፣ የዛሬ 30 ዓመት የሚመስለው የትየለሌ ነው። የወልቃይት ዐማራ እንኳ በእነ ርስተይ ተስፋይ፣ በእነ ኮሎኔል ደመቀ ዘውዱ እየተለቀመ የተገደለውን ቤት ይቁጠረው። የደመቀ ዘውዱ አባት ትግሬ ነኝ፣ እሱ ደመቀም ትግሬ ነው እያለ የጎንደር ጀግና ጀግና ዐማሮች ሞተው እሱ ሂሮ ተደረገ። ደመቀ ዘውዱ ዐማራን ከወልቃይት ርስቱ የነቀለ ሰው ነው። በቪድዮ እመጣበታለሁ። ታለቅሳላችሁ። የጎንደር ዐማራ ለወልቃይት በዘዴ ለሚከፈቱ ጦርነቶች ድረስ ተብሎ ሲገሰግስ ሄዶ ይሞታል። የጎንደር ዐማራ ወልቃይት ይስፈር፣ ይረስ ሲባል ግን የትግሬው ልጅ ፀረ ዐማራው የብልፅግና አሽከር ደመቀ ዘውዱ ይከላከላል። ሃላስ ትግሬ ትግሬ ነው። በዘር ፖለቲካ በምትመራ ሀገር ውስጥ ትግሬው ደመቀ ዘውዱ ለአንተ ለዐማራው ያግዝልኛል፣ ይረዳኛል ብለህ መጠበቅህ በራሱ የለየለት፣ ሰገጤ፣ መይም ሞኝ መሆን ነው።

"…የአንዳርጋቸው ጽጌን እህት በወልቃይት የእርሻ መሬት የሰጠ ደመቀ ዘውዱ ለአንድ ዐማራ ከስኳድ እና ከደቡብ ጎንደር የተመረጡ፣ በጥንቃቄ ዘራቸው ተቆጥሮ ወደእዚያው ለሄዱ ሰዎች ከተሰጣቸው በቀር እስቲ ለዳባት፣ ለደባርቅ ለሰሜን ሰው፣ ለወገራ የተሰጠ የወልቃይት መሬት አሳዩኝ። በወልቃይት ተጠቃሚው አሁንም ትግሬ ያገቡ የዐማራ ሴቶች እና ሌሎች ናቸው። ይሄንንም በሰፊው እሄድበታለሁ። እመጣበታለሁ። አሁን ወደ ትግሬው የዓድዋ ሰው ወደ ራስ ስሁል ታሪክ እንመለስ። ቢዘገንንም ታሪክ ነውና ጨክናችሁ አንብቡት።…👇② ከታች ይቀጥላል…✍✍✍

Zemedkun Bekele (ዘመዴ)

23 Sep 2024 14:13

መልካም…

"…አንድ ሰው ነው እንዲህ አድርጎ በፎቶ ሾፕ የሚጫወትብኝ። በቁመና ግን ከእነእንትና ሳልሻል አልቀርም። ልቢቱ የለችም እንጂ በፎቶ ሲሆን ወታደርነት እንዴት እንደሚያምር በዚህ ቅንብር ብቻ ማየት ይቻላል። ወታደርነት ክቡር ሙያ ነው። ወታደር ማለት ሕይወቱን ለወገኖቹ አሳልፎ የሚሰጥ የትውልድ ሻማ፣ ጧፍ ማለት ነው። የዘመነ አቢይ አሕመድን ወታደሮች አይመለከትም። የዘመነ አቢይ ወታደሮች ከትግሬ፣ ከዐማራ፣ ከኦሮሞ፣ ከአፋር፣ ከሱማሌ፣ ከጋምቤላና ከደቡብ ወገን፣ ዜጎች ጋር የሚዋደቁ የአገዛዙ አሻንጉሊት ባርያ አገልጋዮች ናቸው። ወታደር ማለት ከውጭ ወራሪ የሚከላከል ማለት ነው። የአሁኑ ግን…?

"…ለማንኛውም ከምስጋናችን በኋላ ቀጠሮ ለዛሬ ስለነበረን ልዩ የዕለተ ሰኞ ርእሰ አንቀጽ ይኖረናል። የትናንት ማታው የነጭ ነጯን የመረጃ ቴቪ መርሀ ግብሬ እጅግ ስኬታማ እንደነበር ከነጋ በኋላ በደረሱኝ መልእክቶች ላይ ተመልክቻለሁ። እስክስ አበበ በለው እስከ ማታ ድረስ መታገስ አቅቶት ሌሊት ተነሥቶ በቴሌግራም ገፁ እየዘፈነብኝ ነው። እኔ ትልቅ ሰው አክባሪ ስለሆንኩ ብዙም ቦታ አልሰጠውም። 😂 ለማንኛውም ለፍልፍ። ገና አልጀመርኩህም አቤ።

"…ጎንደር ድል የለም። የሚለው ቃሌ ስኳዱን አሳብዶታል። እደግመዋለሁ ጎንደር ሦስት ቦታ ተበጣጥቆ አሁንም ድል የለም። ፋኖን ከማስመታት፣ ገበሬ ከማስገደል፣ ሊቃውንቱን ከማሳረድ በቀር ድል የለም። ድል በአንድነት ነው የሚመጣው። እርስ በእርሷ የተለያየች መንግሥት ትጠፋለች። አንድ ሳትሆኑ የምታደርጉት ማንኛውም ጦርነት ጎንደርን ከማውደም፣ ከማድቀቅ፣ ከማስጨፍጨፍ በዘለለ ምንም አታመጡም። ይሄ ለሸዋም፣ ለወሎና ለጎጃምም ነው የሚሠራው። ዋጠው።

"…በዛሬው ርዕሰ አንቀጼ ጎንደር በትግሬ ሰዎች ከመቼ ጀምሮ ነው ጎሮሮዋ የታነቀው የሚለውን ነው የማሳያችሁ።

• ዝግጁ ናችሁ…?

Zemedkun Bekele (ዘመዴ)

22 Sep 2024 19:13

"…አላችሁ አይደል…?

• ጀምረናል ገባ ገባ በሉ።

Zemedkun Bekele (ዘመዴ)

22 Sep 2024 17:05

በዘመነ ብልግና…!

ለካካ… 8.69
Vat… 1.30
ጠቅላላ ዋጋ…999… አስር ብር በሉት።

"…ለካካ ቫት…? 😂😂

"…ለሸኖስ ስንት ገብቶ ይሆን…?

"…ቆይ የረሳሁት ለካካ 10 ብር ከተከፈለ ምግቡስ ስንት ገብቶ ይሆን? …በቆሎ ጥብስ?

• እየተቀረጣችሁ…

Zemedkun Bekele (ዘመዴ)

22 Sep 2024 15:28

እንሳቅ ወይስ እናልቅስ…?

"…የሀገሬ ሕዝብ በዚህ ዓይነት ነገ ጾታ ቀይር የሚል ዐዋጅ ቢታወጅ ፒፕሉ ሰው ሳይቀድመኝ ብሎ ወረፋ ለመያዝ ድንጋይ ወረፋ አስቀምጦ ከእኩለ ሌሊት ጀምሮ የሚሰለፍ ነው የሚመስለኝ። ኧረ አስቀድሙኝ፣ ቅድሚያ ለሰለብ ብሎ ጉቦም ሳይከፍል፣ ዘመድ ሁላ ሳያፈላልግ አይቀርም። እኔ እኮ ቤትህ፣ ሰፈርህ ይፈርሳል እና በ3 ቀን እንድትለቅ ሲባል ለምን? ብሎ የማይጠይቀው ምን ሆኖ ነው? ብዬ እገረማለሁ። ለካስ ሕዝቤ ሌላ ዓለም ውስጥ ገብቷል። ይበለን።

“…ለሁለት ጌቶች መገዛት የሚቻለው ባርያ ማንም የለም፤ ወይም አንዱን ይጠላልና ሁለተኛውንም ይወዳል፥ ወይም ወደ አንዱ ይጠጋል ሁለተኛውንም ይንቃል። ለእግዚአብሔርና ለገንዘብ መገዛት አትችሉም።” ሉቃ 16፥13

• ኧረ ጎበዝ እየተጠፈጠፍን…!

Zemedkun Bekele (ዘመዴ)

22 Sep 2024 13:34

አዲስ የታሪፍ ጭማሪ…

"…በቅርቡ በኢትዮጵያ በተደረገው የብርን የመግዛት አቅም መዳከም ምክንያት ለሠራተኞቹ ደሞዝ መክፈል እየቸገረው የመጣው የአሽከርካሪና ተሽከርካሪ ፈቃድና ቁጥጥር ባለሥልጣን አዲስ የታሪፍ ክፍያ ማውጣቱ ተሰምቷል። ባለሥልጣን መሥሪያ ቤቱ በትናንትናው ዕለት "የሕዝቡን ስሜትና ሙቀት ለመለካት" በሚል በአዲስ አበባ በቂርቆስ ክፍል ከተማ እንደ ሞዴል ተደርጎ የታሪፍ ክፍያውን ማስከፈል ያስጀመረ ሲሆን ሕዝቡም "የባሰ አታምጣ" በማለት ወደ ሰማይ እያንጋጠጠ ጣቱን ቀስሮ ለፈጣሪው በመንገር ገንዘቡን ሆጭ፣ ፈጭ አድርጎ ሳያቅማማ መክፈሉ ስለታየ ከነገ ሰኞ ጀምሮ በሁሉም ክፍለከተሞች ተግባራዊ እንዲሆን ሲስተም ተዘርርግቶ ማለቁ ነው የተሰማው።

• በዚህም ምክንያት፦

፩ኛ፦ ቦሎ ከ650 ብር ወደ 1,850 ብር
፪ኛ፦ስም ዝውርውር ከ5,600 ብር ወደ 10,000 ብር
፫ኛ፦የአገልግሎት ለውጥ ከ17,100 ብር ወደ 30,000
፬ኛ፦ መንጃ ፍቃድ የጠፋ ለማውጣት ከ750ብር ወደ 5,000ብር ተገልጋዮች እንዲከፍሉ ተወስኗል።

"…ከመንግሥት መሥሪያ ቤቶችና ድርጅቶች በቀር ሌሎች ስግብግብ የግለሰብ ነጋዴዎች፣ የቤት አከራዮች፣ የታክሲ አገልግሎት ሰጪዎችና የመሳሰሉት በኅብረተሰቡ ላይ ዋጋ ቢጨምሩ መንግሥት እንደማይታገሳቸው እና ፈቃዱን ከመንጠቅ አንሥቶ እስከ ዘብጥያ መወርወር ድረስ አስፈላጊውን እርምጃ እንደሚወስድባቸው አሳውቋል። እናም ከነገ ጀምሮ ወደ ባለሥልጣን መሥሪያ ቤቶቹ ለመገልገል ስትሄዱ በድሮ በሬ ያረሰ ያለ መስሏችሁ እንዳትዘናጉ፣ በቢሮውም ውስጥ ጭቅጭቅና ሁከት እንዳትፈጥሩም ይሄ ማስታወቂያ በቅድሚያ ተለጥፎላችኋል። በኋላ አላየንም፣ አልሰማንም እንዳትሉ።

• እየከፈላችሁ።

Zemedkun Bekele (ዘመዴ)

21 Sep 2024 23:16

አድምጧት ታፋፍሩባታላችሁ

"…አረብ ሀገር ሳለች በዓረብ ሃገር አጋንንት ተለክፋ የሸዋ ልጆች ለጠበል ብር አዋጥተው የላኳት ባርች ጠበል ቦታ ላይ ካገኘቻቸው ፋኖዎች ጋር በመግባባት ጋኔኑ ሳይለቃት ወደ ጫካ በመግባት ፋኖ መከታው ማሞ ከሚመራው የዐማራ ፋኖ ሸዋ ጠቅላይ ግዛት ጋር ተቀላቀለች። እነመከታውም 10ኛ ክፍል መድረሷን አረጋግጠው ክላሽ አሸክመው ፎቶ እያነሱ የጠቅላይ ዕዙ የሴቶች ፖለቲካ ዘርፍ ሓላፊ አድርገው ሾሟት።

"…ምሁር ጠሉ እስክንድር ነጋ በ4ቱም የዐማራ ግዛት በዞረ ጊዜ ከጎንደር ጋሽ መሳፍንትን፣ ከሸዋ መከታውን በሃይማኖታቸው አስሮ በመስቀልና በቄስ ላልከዳችሁ ላትከዱኝ ብሎ አማምሎ በመሃላ ቀፍድዶ የሸዋ ጠቅላይ ግዛትን በገንዘብ ገዝቶ የግል ንብረቱ ባደረገው ጊዜም ይህቺን አጋንት የሰፈረባት ምስኪን ሴት የሴቶች ዘርፍና የማኅበራዊ ሚዲያው ሓላፊ አድርጎ በመሾም 24/7 ቲክቶክ ላይ ተጥዳ ፖለቲካ እንድትሰራ፣ ፋኖ አሰግድን፣ ዘመነ ካሴን፣ ምሬ ወዳጆን እንድትሳደብ አድርገው የሸዋን ክብር በጋለሞታ አረከሱ።

"…ዛሬ ይህቺ ፋኖ ባርች የተባለች ሴት የሸዋ ጠቅላይ ግዛት ፋኖን ወቅታዊ ሁኔታ፣ የሀገሪቱን፣ እንዲሁም በአፍሪካ ቀንድና በአጠቃላይ የዓለም አቀፉን የፖለቲካ ሁኔታ ትተነትናለች ተብዬ በቤቷ ተገኝቼ ነበር። በእውነት በጣም ነው የተደመምኩባት። እንዲህ አልጠብኳትም ነበር። እጄን በአፌ ነው ያስጫነችኝ።😂

"…እስክንድር ነጋ ግን እግዚአብሔር የእጅህን ይስጥህ። የሥራህን አግኝ። እንዲህ ዐማራን ያህል፣ ያውም ሸዋንና ጎንደርን መጫወቻ፣ መሳቂያና መሳለቂያ እንደዳረግክ ፈጣሪ የእጅህን ይስጥህ። ዐማራ ከእስክንድር፣ ከሀብታሙ፣ ከአበበና ከጎንደር ዩኒቨርስቲ ፋፍሕዴን እስራት እስካልተፈታ ድረስ ከባድ ዋጋ ይከፍላል። ፋኖ ግን እንዲህች ዓይነቷንም ጋሼ ወንደሰን ተክሉ ፊት አራግፎም ያሸንፋል።

Zemedkun Bekele (ዘመዴ)

21 Sep 2024 18:55

የሞተ ተጎዳ…!

"…የኦሮሞና የትግሬ ነፃ አውጪ አራዶች ተጠቃቅሰው በሰሜን ዕዝ ውስጥ የነበሩ ዐማሮችን ሙልጭ አድርገው ጨፍጨፈው ካጸዱ በኋላ በመጨረሻ ገዳዮቹን በነፃ ሸልመው ከእስር ፈትተዋቸዋል። እግዚአብሔር ያሳያችሁ ሀገር አማን ብሎ የተኛን ወታደር ያውም ሰሜን ዕዝን ያህል ጨፍጭፈው በነፃ። አይገርምላችሁም? ዐማራው የፓርላማ አባል ክርስቲያን ታደለና ጓደኞቹ ግን በእስር ቤት ይማቅቃሉ። ዐማራ እንደ ትግሬና ኦሮሞ ነፃ አውጪዎች ጨካኝ፣ አረመኔ ካልሆነ አይከበርም፣ ሀገርም አይኖረው፣ ዘሩም ከምደረ ገፅ ይጠፋል። አስረግጬ ነው የምነግርህ። አትሽሞንሞን፣ አትቅለስለስ፣ እውነቱን ደፍረህ ተጋፈጥ።

• የሞተ ተጎዳ አባቴ…!

Zemedkun Bekele (ዘመዴ)

21 Sep 2024 17:29

ለፈገግታ…😁

ይሄም ተቀበል ነው።

• ታብታብ አድርጉላቸው። ጣል ጣልም አድርጉላቸው። አበረታቷቸውም። ብሃቂ በጣም ነው የሚወዷችሁ።

• 🙏 ክበሩልይ…🙏

Zemedkun Bekele (ዘመዴ)

21 Sep 2024 15:57

መልካም…

"…የቅዳሜ ከሰዓት "ተቀበል" መርሀ ግብራችን አሁን ጀምሯል። ለአዝማሪው ግጥም ስጡት። ምርጡን መርጬ እለጥፍላችኋለሁ።

• ተቀበል…

Zemedkun Bekele (ዘመዴ)

21 Sep 2024 14:25

ጉድ ይዛ መጣይ…

"…ይህቺ ወፌ ደግሞ ይሄን ሰሞን እንደ ጉድ መመላለስ አብዝታለች። ክረምቱ ወጣላት በቃ ማን ይቻላት? እንደ ጉድ ነው እኮ ነው የምትበረው።

"…ሰነዱን እየው ይላል መልእክቱ። ሰነዱን እያየሁት ነው። "…ኦሮሞ ነኝ። ያውም ሙስሊም ኦሮሞ። በሀገሪቱ የፀጥታው ክፍል ውስጥ ነው የምሠራው። ወፍህ ለእሱ ለምን አትልክለትም ስትለኝ አያምነኝም ብያት ነበር። ግድየለህም ብላ አሳምናኝ ነው የምልክልህ። ነገርየው ከባድ ነው። እንደሀገርም ፈጣሪ ይግባበት እንጂ አስፈሪ ነው። እንደሚሆን አድርገህ ለዐማራም፣ ለኦሮሞም ሕዝብ አድርሰው ዘመዴ ይላል ወፌ ይዛው የመጣችው መልእክት።

"…የሰነዱን ሙሉ ይዘት ላንብበው እና ፍሬ ሓሳቡን ጨምቄ በጥቂት መስመር ላቀርብላችሁ እሞክራለሁ። ሰነዱ ፎቶው ላይ ያሉትን ግለሰቦችም ስለሚመለከት ነው ቀድሜ ማውጣቴ።

• መጣሁ…!