Telegram-канал zemedkunbekelez - Zemedkun Bekele (ዘመዴ): Unsorted

Zemedkun Bekele (ዘመዴ)

30 Oct 2024 15:11

"ርእሰ አንቀጽ"

"…ይሄ የደከመ እና ትንፋሹ የሰለለ ሥርዓት የማይወድቀው ምን ዓይነት ጠንካራ፣ ምን ብርቱ ቢሆን ነው የሚሉ አሉ። ሥርዓቱ እስከአሁን ያልተቀበረው ጠንካራ ስለሆነ አይደለም። ብርቱ፣ አስተማማኝ የመከላከያ፣ የደኅንነት፣ የፖሊስና የጸጥታ ኃይል ባለቤትም ስለሆነ አይደለም። በኢኮኖሚ በልጽጎ በገንዘብ ኃይል በቴክኖሎጂም የመጠቀ፣ የደረጀም ሆኖ አይደለም። ኔት ወርክ በሌለበት ሀገር ዲጅታላይዝድ ለመሆን የሚላላጠው፣ በሳይንስ ሙዚየም ውስጥ ፎቶና ቪድዮ የሚያሳየው፣ መብራት በሌለበት ሀገር የኤሌክትሪክ መኪና ካልገባ ብሎ አየር የሚይዘውን አይተህ፣ የቶፕ ቪው ቀረጻ፣ የኮሪደር ምሽት መብራቱን አይተህ ነው ያለ የሚመስልህ። ሥርዓቱ ሞቷል። ሥርዓቱን የቆመ፣ ያለ፣ የሚንቀሳስ ያስመሰለው ወደ ቀብር ስፍራ ወስዶ ከመቀበር የታደገው የዕድሩ አባላት ድክመት ነው። እንደዚያ ነው።

"…የዕድሩ አባላት ደግሞ በዕድሜ፣ የጤናና በኢኮኖሚ ድቀት ችግር ነው መቅበር ያቃታቸው። ከፍ ከፍ ያሉቱ የዕድሩ አባላት በደርግ አገዛዝ በቀዳሚ ኦሮሙማ ተረግጠው፣ ተጠርገው ከሞት የተረፉ ናቸው። ከደርግ ዱላ፣ ከአቢዮት ጥበቃ ጥይት፣ ከወፖ እርግጫና ጡጫ በተአምር ተርፈው አምልጠው በሀገር ውስጥ ያሉቱ ደቅቀው፣ ሞራላቸው ተንኮታክቶ፣ ሀሞታቸው ፈስሶ ኖረው ያረጁ፣ ወኔያቸው በቀይ ሽብር እና ነጭ ሽብር የተሰለበ ስለሚበዙበት፣ ከመላኩ ተፈራ በሊማሊሞ ገደል ከመወርወር ተርፈው ከኢትዮጵያ ሸሽተው በሱዳን በጅቡቲ፣ በኬኒያ አቆራርጠው አውሮጳ፣ ካናዳ፣ አማሪካና አውስትራሊያ የገቡትም መቅኔያቸው ፈስሶ፣ ማንነታቸው ተቀይሮ፣ ፈረንጅ ፈረንጅ የሚጫወቱ፣ ከስለት ከሰይፉ ማምለጣቸውን እንደ ዕድለኝነት ቆጥረው፣ በአረንጓዴ ቢጫ ቀይ ሰንደቅ ዓላማ ተጀቡነው፣ ራሳቸውን ሸሽገው ጎመን በጤና ብለው ጾታም፣ ሃይማኖትም፣ ባህልና ሌላም ሌላ ነገራቸውን ቀይረው የተቀመጡ የዕድሩ አባላት በውጪው ሀገር ስላሉ ነው። አላችሁ አይደል? አዎ ጎበዞች።

"…ሌሎቹ የዕድሩ አባላት ደግሞ ጎልማሶች ናቸው። ደርግ የተባለው የሰው ቄራ ሲወድቅ፣ እሱን ተክታ በገባችው እስስት፣ ምስጥ፣ የሰው ተኩላ፣ ኮብራ የሳር ውስጥ እባባ በሆነችው ወያኔ የተነደፉ ናቸው። የሳር ውስጥ እባቧ፣ የነደፈቻቸው፣ በዘር፣ በሃይማኖት ከፋፍላ ያደቀቀቻቸው፣ ጃንሜዳ ሆዷ አትጠረቄዋ ሀገር በሌብነት ግጣ ግጣ በአፅም፣ ሕዝቡን ባዶ እጁን ያስቀረችው፣ በአሩሲ፣ በባሌ፣ በጎጃም በጎንደር፣ በሀረርጌ፣ በጎንደር አደባባይ ኢየሱስ፣ በ1997 ዓም የተጨፈጨፈውን አዲስ አበቤን ያየ፣ በባህርዳር፣ በወልድያ በታቦት ፊት ሲረሸን፣ በአሰቦት ሥላሴ መነኮሳት ሲታረዱ ያየ፣ በአሩሲ፣ በወለጋ እናት የልጇ ሬሳ ላይ ስትቀመጥ ያየ፣ ፓትርያርክ ጳውሎስ ፊት፣ በአዲስ አበባ እስጢፋኖስ ቤተ ክርስቲያን በታቦት ፊት አባ ፈቃደ ሥላሴ በሽጉጥ ሲደፋ ያየ፣ እና ወኔው የተሰለበ በደባቴ ውስጥ የተደበቀ ስለሚበዛ ነው መቅበር ያልተቻለው።

"…በዚያ ዘመን የነበሩትም ሱዳን ድረስ በእግር ሄደው፣ ኬኒያም ገብተው አማሪካና ካናዳ፣ አውሮጳና አውስትራሊያ እንደ ደርጉ ዘመን ስደተኞች ተሻምተው አልወሰዷቸውም። የዕድሩ አባላት ከኢትዮጵያ ተነስተው በእግራቸው ኬኒያ ገብተው፣ ከኬኒያ ሞዛምቢክ፣ ታንዛኒያ፣ ኡጋንዳን ወዘተ አቆራርጠው በእግራቸው፣ ሳር እየበሉ፣ ቅጠል እያኘኩ፣ ከአንበሳና ከዘንዶ ጋር ተፋልመው ደቡብ አፍሪካ የገቡ ናቸው። ሌሎች ደግሞ በጅቡቲ የመን አድርገው ሳዑዲ አረቢያ የገቡ ናቸው። ሌሎችም እንዲሁ መንገዱ ሳይዘጋ በፊት በሲና በረሃ አቋርጠው እስራኤል፣ በሰሀራ በረሃ አቋርጠው በሊቢያ በኩል በፊኛ ጀልባ ላይ ተሳፍረው፣ አውሮጳ የተሰደዱ፣ ከፈረንሳይ በመኪና ቸርኬ ስር ታስረው እንግሊዝ የገቡ፣ ራብ፣ ጠኔ ያሸሻቸው ናቸው። እነሱ ቢያንስ የሆድ ጥያቄያቸው መመለሱን አይተው በሀገር ቤት ስላለው ሟች ጉዳይ ትንፍሽ የማይሉ ናቸው። ይሄ አገዛዙን እንዳይቀበር በእጅጉ ጠቅሞታል።

"…ከወያኔ መውደቅ፣ ከስብሃት ነጋ ሥርወ መንግሥት መነቀል እና መገርሰስ በኋላ ባለፉት ስድስት ዓመታት ውስጥ የመጣው የጩጬው፣ የእንደልቡ፣ የ7ተኛ ጨው የኦሮሙማው መር አገዛዝ ሞቶ እንዳይቀበር ያደረገው እነዚህ ከላይ የገለጽኳቸው ችግሮች በዕድሩ አባላት ላይ ኑሮ፣ ሕይወት ላይ በስፋት በየቤቱ መታየት ነው። የኦሮሞ ብልጽግናው አገዛዝ የተረከባቸው የዕድሩ አባላት ደርግ አሳራቸውን አብልቶ ወንድነታቸውን የነጠቃቸው፣ ወያኔ ብልቱን ቀጥቅጣ፣ በላዩ ላይ ሃይላንድ አንጠልጥላ፣ በሴቷ ማኅጸን አሸዋና ብረት፣ እንጨት ከትታ ያመከነችውን መካን ትውልድ ነው። የፈዘዘ፣ የለዘዘ፣ ግራ የተገባ፣ የጨለመበት፣ ማንነቱን የተነጠቀ ትውልድ ነው። በሲቪል ሰርቪስ የካድሬ ዲግሬ መሃይሙ ሁሉ ሱፍ አጥልቆ ሲያደቀው፣ ሲወቃው የኖረና ከዚያ የተረፈ ሕዝብ ነው ብልፄ ያገኘው። አያቱ ስለደርግ፣ አባቱ ስለ ወያኔ እየነገረው፣ ስለቀይ ሽብር እና ስለ ወያኔ ጭፍጨፋ እየሰማ ያደገ ትውልድ ነው አሁን ያለው የዕድሩ አባል። እናም በዚያ ላይ መከራው ሁሉ በላይ በላዩ ሲደራረብበት ፈዘዘ። ቀዘዘ፣ ለዘዘ። አገዛዙም ሞቶም ቀባሪ ያጣው ለዚህ ነው።

"…አቢይ አሕመድ እንደመጣ ሰሞን የዕድሩ አባላት አዳሜና ሔዋኔ የጨፈረው የቀደመው ገዳይ አገዛዝ የተቀየረ፣ ከወያኔ በኋላ በሀገሪቱ ሰላም የሚመጣ መስሎት ነው። በአሜሪካ እና በአውሮጳ የኦነግና የአንድነት ኃይሉ በአንድ አዳራሽ ሁለት ባንዲራ ይዞ፣ የአቢይ አሕመድንና የለማ መገርሳን ቲሸርት ለብሶ፣ እንቅልፍ አጥቶ ሲጨፍር የነበረው በቃ ወደ ሀገሬ በነፃነት ተመልሼ፣ በሱዳን በኬንያ ተሰድጄ፣ በሰው ሀገር ሀብታም፣ የተማረም፣ ዶክተር ፕሮፌሰር ሆኜ፣ ይሄን ሀብቴንና ዕውቀቴን ለዘመድ አዝማድ፣ ለጓደኞቼም ሳላሳይ፣ ሳልጎርር፣ ሶደሬ ሄጄ ሳልዝናና፣ በባልደራስ ጠጅ፣ በቁርጥና በክትፎ ሳልንበሸበሽ፣ ከቆነጃጅት ጋር ሳልዳራ፣ ሀገሬን ሳላይ በሰው ሀገር እንደወጣሁ ልቀር፣ የእናትና የአባቴን፣ የወንድምና የእህቴን መቃብር ሳላይ፣ እርሜንም ሳላወጣ እንዲሁ በነጭ መሃል ነጫጭባ አመዳም የአሸቦ እቃ እንደመሰልኩ ልቀር፣ ወደ መቃብር ልወርድ ነው ወይ ብሎ ሲቆዝም የነበረው መንጋ ነበር የጨፈረው። ሀገሩን ወድዶ፣ ናፍቆ ሳይሆን የግል ህልሙ አቃዥቶት፣ እንቅልፍ ነስቶት በስትረስ ውስጥ ወድቆ የሀኪም ክትትል ሲያደርግ የነበረ ዕድርተኛ ነበር አገር ቀውጢ ያደረገው።

"…እንደ ደርግ ቀይ ሽብር፣ እንደ ኢህአዴግ ፀረ ሰላም ሳይል የኦሮሞ ብልፅግና መጀመሪያ ላይ እንደ እባብ በሔዋን ገላ ላይ አድሮ ጠንካራውን የኢትዮጵያዊነት የሱራፊ ሰይፍ አልፎ ወደ ገነት ኢትዮጵያ ሰተት ብሎ ያለምንም ከልካይ ገብቶ አዳም ኢትዮጵያውያንን ከበለሱ አብልቶ፣ አነካክቶ ከክብር ከማእረጋቸው አዋርዶ ወደ ምድረ ፋይድ፣ ወደ ሲኦል አወረዳቸው። አረንጓዴ ቢጫ ቀይ ሰንደቅ ዓላማን እንደ ሳር ለበሬው ሞኙ ትውልድ እያሳየ፣ ኢትዮጵያ፣ ኢትዮጵያ የሚል አሞሎ ጨው እያላሰ ወደ ገደል ወስዶ እንዳይሰበሩ አድርጎ ከተታቸው። ኧረ ተዉ ይሄን ነገር ቆመን እንይ? ምን አይተን ነው በአንዴ ለዚህ አገዛዝ ሁለመና ክብራችንን አሳልፈን የምንሰጠው? ያልን ጥቂቶች ፍዳ በደላችንን አየን። ወያኔ፣ የወያኔ አቃጣሪ ተብለን ተሰደብን። አስሮ የለጠለጣቸውን፣ ብልያቸው ላይ ሃይላንድ ያንጠለጠለባቸውን የደህንነት መሥሪያ ቤቱን የሰው ቄራ እንደ ከብት ለጌታቸው አሰፋ አቅራቢውን አቢይ አሕመድን አቅፈው፣ አለቃውን ደብረጽዮንን አቅፈው እኛን ጥቂቶቹን በተለይ…👇 ① ከታች ይቀጥላል…✍✍✍