Telegram-канал zemedkunbekelez - Zemedkun Bekele (ዘመዴ): Unsorted

Zemedkun Bekele (ዘመዴ)

12 Aug 2024 16:50

ወቅታዊው የእኔ ድርጅቱ ዘመዴ
የአቋም መግለጫ

"…አሁን አሁን ሸክም እየቀለልኝ እየመጣ ስለሆነ ሳምንቱን ሙሉ እንደ አበደም፣ የሌባ ኮቴም እንደሰማ ምርጥ ታማኝ ውሻ 24/7 ኡኡኡ የምልበት ምክንያት እየቀነሰ እየመጣ ስለሆነ እንደበፊቱ አልካለብም። አሁን አሁን በጥልቅ እንቅልፍ ውስጥ ያሉት፣ የነበሩትም የጉዳዩ ባለቤቶችም ከጥልቁ እንቅልፋቸው እየደበራቸውም ቢሆን፣ እየተነጫነጩም፣ እያጉረመረሙም ቢሆን ነቅተው ተነሥተዋል። የመጣባቸውን ጠላት፣ ሌባ ለመመከት በእጃቸው ያገኙትን መሣሪያ ይዘው ለራሳቸው ዘብ መቆም ጀምረዋል። በቲክቶክ ብትለው፣ በፌስቡክ፣ በዩቲዩብ ብትለው በቴሌግራም አንደ አንድ ልብ መካሪ፣ እንደ አንድ ቃል ተናጋሪ ሆነው በየእውቀታቸው መጠን ግብረ መልስ መስጠት ጀምረዋል። አጀንዳ ሰጪ እንጂ አጀንዳ ተቀባይ መሆንን ተፀይፈው አጀንዳ አከፋፋይ ሆነዋል። ያውም ከእውቀት፣ ከውበት፣ ከደምግባት፣ ከፍጥነት፣ ከችሎታ ጭምር ነው በተናበበ መልኩ የጉዳዩ ባለቤቶች የተነሡት። እናም ታዲያ በዚህ ወቅት እኔ ውሻው ዘመዴ አረፍ ማለት ያስፈልገኛል።

"…በዚህ መሠረት ትናንት በመረጃ ቲቪ በተናገርኩት መሠረት ዘወትር በዕለተ ሰኞ አስገዳጅ ምክንያት ካልተፈጠረ በቀር ከቤተሰቤ ጋር እርፍ ብዬ ከራየን ወንዝ ዳር ሽር ብትን ብዬ ለመዋል ወስኛለሁ። ሰኞን ለእኔ ለዘመዴ የዶርዜ ማርያም ላደርጋት ወስኛለሁ ማለት ነው። የማይቋረጠው ጠዋት እግዚአብሔር ሰላምታው ብቻ ነው። ከእግዚአብሔር ሰላምታ በኋላ ግን ሰኞ ሰኞ አስገዳጅ ሁኔታ ካልተፈጠረ በቀር ሌላ ምንም አይነት ነገር ባልጽፍ እመርጣለሁ። ማክሰኞ በርዕሰ አንቀጽ የታጀበው የቴሌግራሜ መርሀ ግብሬ እንዳለ የሚቀጥል ሆኖ በ15 ቀን አንድ ቀን ምሽት ላይ ግን የተለመደውን የቲክቶክ መንደር አገልግሎቴን ለመስጠት ወደ ቲክቶክ መንደር እገባለሁ ማለት ነው። ረቡዕ ቴሌግራም፣ ሐሙስ ቴሌግራም እና የኢትዮ ቤተሰብ ሚዲያ ዩቲዩብ መርሀ ግብሬ ከቀሲስ ሳሙኤል ጋር ይቀጥላል። አርብ ቴሌግራም፣ ቅዳሜ ቴሌግራም፣ እሁድ ቴሌግራም እና ምሽት ላይ በመረጃ ተለቭዥን ያለው መርሀ ግብሬ ይቀጥላል ማለት ነው።

"…እግዚአብሔር ረድቶች አይነኬ፣ አይሞከሬ የተባሉትን የዐማራ ጋንግሪኖች፣ የዐማራ ሾተላዮችን ብቻዬን እየተሰደብኩ፣ እየተረገምኩ፣ የማንም ክፍትአፍ፣ መደዴ የስድብ መሞከሪያ፣ የአፋቸው ክርፋት ማራገፊያ ሆኜም ቢሆን ወጥሬ ይዤ ጉረምቦ ለጉረምቦ በመተናነቅ ብዙዎችን የዐማራ ትግል ኮተቶች አራግፌአለሁ። በዐማራ ትግል ላይ የተጣበቁ ደም መጣጭ አልቅቶችን መንግዬ፣ መንግዬ ጥያለሁ። የዐማራ ትግል እንቅፋቶችን ከመንገዱ ላይ ብቻዬን ገለል እንዲሉ አድርጌአለሁ። እኔ የደብተራው ልጅ ዘመዴ ዘመዳችሁ አስማታቸውን፣ መተታቸውንም አክሽፌአለሁ። እንዲህ ብዬ ስጽፍ ታላቅ ኩራት ነው የሚሰማኝ።

"…ቢያንስ ዐማራ ዛሬ ለደረሰበት ራስን የመከላከል፣ የመደራጀት፣ አገዛዝን የመገዳደር ቁመና ላይ እንዲደርስ በሁሉ እየተሰደብኩ፣ እየተረገምኩ የራሴን አስተዋጽኦ አድርጌአለሁ። እሾም እሸለም ብዬ አይደለም እንዲያ ማድረጌ፣ ለነፍሴ ስል ነው። እጸድቅ ብዬ ነው ያደረግኩት። ዛሬ እኮ በማየው ነገር ከማንም በላይ የምረካው እኔ ነኝ። እኔ ነኝ ደስተኛ ሆኜ ጮቤ የምረግጠው። አምላኬ ምስክሬ ነው ነው እኔ ነኝ ደስተኛ ሆኜ የምፈነጨው። አይደለም እንዴ? መስክሩ እንጂ? ዋሸሁ እንዴ? እንደ እኔ ደስተኛ የሆነ የለም።

"…ዛሬ ትልቁን፣ ግዙፉን የመንግሥታዊ ተቋማት፣ አገዛዙ ያሰማራቸውን የተቃውሞ ጎራ ተዋንያን ከነሠራዊታቸው አሸንፌ፣ አምበርክኬ፣ የወያኔ፣ የኦነግ፣ የብልፅግናና የብአዴንን ኮተት አምጰርጵሬ፣ አይነኬዎቹን የግንቦት ሰባት፣ የባልደራስ፣ የግንባሩ፣ የፖለቲካው ቅማንት እና የፖለቲካውን አገው ሸንጎ አፈር ከደቼ አብልቼ ሳበቃ ተኝተው ከርመው ሲያበቁ፣ የዐማራ ፋኖ የትም አይደርስም ብለው በወልቃይት የሰሊጥ ብር ተስፋ አድርገው ተኝተው ሰኔ 15 ላይ ተቸንክረው የቀሩ ጥቂት ታላቁን ጎንደር የማይወክሉ ጥቂት የእንጭቅ ብአዴን በድኑ ልጆችን ጫጫታ ሰምቼ ለእነሱ ምላሽ ለመስጠት የምደክምበት ምንም ዓይነት ምክንያት የለም። ይሰመርበት።

"…ዘመነን በመጥላት ሰበብ በጎጃም ሕዝብ ጥላቻ ላበዱት ለጩጬዋ ሚጢጢ ኩርማን አይሞሌዋ ተብታባ ለወሪት አያሌው መንበር እና ለጆሮ ቆረቆራሙ ድልብ ተቸንካይ ዐማራ ጠሉ የእስክንድር ነጋ የህዳር አህያ ለአቶ ሲሳይ አልታሰብ ጆሮዬን የምሰጥበት አንዳችም አይነት ምክንያት የለም። እርግጥ ነው አበበ በለውን እስኪታረም ድረስ እንደ ሞጣ፣ እንደ ብሪጅ እስቶን ሙድ እይዝበታለሁ። ቀድመው ከሚዲያ እስካልጠፉ ድረስ በኢትዮ 360 ዎች በሚሠሩት ፋውል እንዲሁ አልፎ አልፎ ለማላገጥ ስል ሙድ እይዝባቸዋለሁ። ፌክ ኢትዮጵያኒስቶችን እና ግንቦቴዎችንም እንዲሁ ሙድ እይዝባቸዋለሁ። እንጂ እንደ ድሮው ቆሜ ከሀብታሙ አያሌው፣ ከእስክንድር ነጋ፣ ከብሩኬ፣ ከጄሪ ጀሌዎች ጋር አፍላፊ አልካፈትም። ለራሳቸው ተቀስፈው እኔ የምጨመርበት ምንም ምክንያት የለም።

"…አሁን እኔ የማጥራት ሥራ ነው የምሠራው። ኡጋንዳ በስደት ስም የተሰባሰበውን ፀረ ጎጃም የጎንደር ስኳድ ቡድን ጊዜ ሰጥቼ ካልተመለሰ በተለመደው ብዕሬ አጣድፈዋለሁ። ፀጋዬ ነው። ወንበዴን፣ አስመሳይ ቀጣፊን መዠለጥ ፀጋዬ ነው። ኡጋንዳ የተሰበሰበውንና ፀረ ጎጃም፣ ፀረ ሸዋ፣ ፀረ ወሎ ስብስብ እየመራ አጀንዳ እየቀረጸ ሚዲያ ላይ ያሉትን ልጆች ይሰበስባል የሚባለውን በጎንደር ስም ኡጋንዳ መሽጎ የዐማራ ፋኖን አንድነት ለመበታተን የሚንደፋደፈውንና በአቶ ሙሉዓለም ገብረመድህን የሚመራውንም ጎንደር አሰዳቢ ቡድን እንደአስፈላጊነቱ የጨበጣ ውጊያ በሚመስል መልኩ ፊትለፊት በብዕሬ እገጥመዋለሁ። ስለወልቃይት ብቻ እንጂ፣ አልፎ አልፎ ስለጎንደር ብቻ እንጂ ስለ ዐማራ ፋኖ ግድ የማይለውን ተቸንካሪ የጎንደር አሰደቢ ደቃቃ ቡድን እፋለመዋለሁ። ቃሌ ነው።

"…መሸነፋቸውን የማውቀው ስለ እኔ ጽፈው የኮመንይ መስጫ ሰንዱቃቸውን መዝጋታቸውን ሳይ ነው። ሚጢጢዋ የሰኔ 15 ተቸንካሪ አያሌው መንበር እንኳ ሰድባኝ፣ ሰድባኝ ስታበቃ ያደረገችው ነገር ቢኖር የኮመንት ሰንዱቋን መከርቸም ነው። ሉሲ ድንቅነሽ የኮመንት መስጫ ሰንዱቋን ጠርቅማለች፣ ሌሎችም እንደዚያው እያደረጉ ነው። ፈሪ ሁላ። ሉሲ ድንቅነሽ እነማን እንደሆናችሁ ሳላቅ ቀርቼ አይምሰላችሁ። ስለምታሳዝኑኝ ነው። አቅመቢስ ሁላ። እኔን ያስነሳኝ፣ የገለጠኝ የንፁሐን ዐማሮች ደም በከንቱ መፍሰሱን ማስቀረት የፈለገው ልዑል እግዚአብሔር ነው ባይ ነኝ። ሌላ ምንም ሊባል አይችልም። እና ለዚህ እኮ ነው ብቻዬን እንደ ሠራዊት የምፈራው፣ የምሠራው። አንድ ለእናቱ ሺ ለጠላቱ የተባልኩትስ ዝም ብሎ ይመስልሃል? ዶፍተር የለ ፍሮፌሰር፣ ኢንጅነር የለ ወታደር፣ ወዛደር ጫ ብሎ የሚሰማኝ በመልኬ ተደምሞ፣ በውበቴ ፈዝዞ፣ በትምህርት ወረቀቴ ተደንቆ መሰለህ እንዴ? እንደ በልአም አህያ፣ እንደ ቢታንያ ድንጋይ የምጮኸውን እኔን ሳትወድ በግድህ፣ ሳትፈልገኝ በውድህ እንድትሰማኝ የሚያደርገው ፈጣሪ መሆኑን መጀመርታ እመን።👇 ከታች ይቀጥላል…✍✍✍