Telegram-канал zemedkunbekelez - Zemedkun Bekele (ዘመዴ): Unsorted

Zemedkun Bekele (ዘመዴ)

11 Jul 2024 13:55

"ርዕሰ አንቀጽ"

"…አቅም ያለው በአውሮጵላን፣ መለስ ያለው በመሂና፣ ሌላው በእግሩ ወደ አዲስ አበባ እየጎረፈ ነው። ጦርነቱን፣ ራቡን፣ እገታውን፣ ግድያውን፣ አስገድዶ መደፈሩን ሽሽት ዜጎች በሙሉ ወደ ሸገር አዲስ አበባ እየፈለሱ ነው። በአዲስ አበባ ጎዳናዎች ከትግራይ፣ ከዐማራ፣ ከኦሮሚያ፣ ከደቡብ፣ ከሱማሌ፣ ከጋምቤላ፣ ከሲዳማ፣ ከጉምዝ ተሰዶ ተከማችቷል። አፋር ብቻ ስለ መሰደዱ አልሰማሁም እንጂ በሙሉ አዱ ገነት ከትሟል አሉ።

"…ዜጎች አዲስ አበባን ለስደት ተመራጭ ያደረጓት ደግሞ ቀሽሙ የኦሮሞ ብልጽግና ራሱን በራሱ ለማርካት ሲል በፈጠረው ፕሮፓጋንዳ ምክንያት ነው ተብሏል። በክልሎች ትምህርት ቤት ተቋርጧል። በአዲስ አበባ ግን እየተማሩ ነው። ስለዚህ ፍለሰት ወደ አዲስ አበባ እንደጉድ ነው። ቴሌቭዥኑ ሲከፈት አዳነች አበቤና አቢይ አህመድ በአውሮጳ ስታይል ከተማዋን ገነት እንዳስመሰሏት በስሎው ሞሽን፣ በቶፕ ቪው የድሮን ቀረጻ፣ የዲም ላይት የኮሪደር ልማቱን ደጋግመው ሲያሳዩ ዜጎች በበሳሶ፣ በሱዳን፣ በሊቢያ፣ በየመን በቀይባህር፣ በኬንያ ወደ ደቡብ አፍሪካ ምን አሰደደን በማለት ነው ወደ መሃል ሃገር እየፈለሱ የሚገኙት።

"…አዲስ አበባ ደግሞ አብዛኛው ነዋሪዎቿ መንገድ ዳር በሚከፍቱት ሱቅ ውስጥ በሚሠሩት ሥራ ነበር ሚልዮኖች የዕለት እንጀራቸውን የሚበሉ የነበረው። አሁን በኮሪደር ልማቱ ምክንያት ጥርግ፣ ሙልጭ ተደርገው ፍርስርሳቸው ወጥቷል። ፒያሳ የሺዎችን ኑሮ ደግፎ የሚኖር ስፍራ ነበር። አራት ኪሎም እንደዚያው። ከአራት ኪሎ እስከ መገናኛ፣ ከፒያሳ እስከ ቄራ፣ ወዘተረፈ ሚልዮኖች ኑሮአቸውን የሚገፉበት ስፍራ ነበር። አሁን ሱቅ የሚባል በሙሉ ፈርሷል። የቀን ሠራተኛው፣ ተሸካሚ ወዛደሩ፣ ተሯሩጦ አዳሪው በሙሉ መዋያ የለውም። አጨብጭቦ ቀርቷል። ከባድ ነው የሚሰማው።

"…መንገድ ላይ ሚዛን አስቀምጠው የሚሠሩ ህፃናት ሳይቀር ሚዛናቸውን ተቀምተው እየተባረሩ ነው። አሁን ለአረቦች እንተሸጠች በሚነገረው አዲስ አበባ ውስጥ በአነስተኛና በመካከለኛ ሥራ የሚተዳደሩ ነዋሪዎች እሮሮ እየተበራከተ መጥቶአል። ያለምንም ምክንያት ንብረት ተወስዶባቸው ቤተሰብ አስተዳዳሪ ነን እባካችሁ አታስርቡን ቢሉም የሚሰጣቸው ምላሽ ገና በደንብ ትራባላችሁ የሚል ሆኗል። የብልፅግናው አገዛዝ ይዞ የተነሳው መሪ ቃል ድህነትን ለማጥፋት መጀመሪያ ደሀን ማጥፋት አለብህ የሚል እንደሆነ የተገነዘበ ነዋሪ ግን ያለ አይመስልም።

"…የአራዳ ክፍለ ከተማ ሕዝቡን ሰብስቦ ፒያሳዎች በሦስት ወር ውስጥ ቤታችሁ ስለሚፈርስ ተዘጋጁ ይሏቸዋል። ሕዝቡም እሺ ግን የት እንውደቅ ብሎ ይጠይቃል። አላውቅም ነበር መልሱ ክፍለከተማው። አቢይ የአዲስ አበባ ነዋሪዎች ናቸው የተባሉትን ጠራ፣ ሰበሰበ። ከዚያም ማንም የጠፈጠፈው ጭቃ ሁሉ ታሪክ ነው ተብሎ አይቀመጥም። ይፈርሳል። ይጠረጋል። በፍርድ ቤት የሚቆም የለም። ለልማት አፍርሰው ብሎ ዐወጀ። በማግስቱ የአራዳ ክፍለከተማ አስተዳዳሪ ቤቶቹን አፍርስ ተባለ። አላደርገውም ለ3 ወር በል ተብዬ አልነበረም ወይም አለ? አሰሩት አሰሩትና እና እነሱ ከኦሮሚያ ፎሊስ አምጥተው አካባቢውን አጥረው ናዱት። ናዱትና ድራሹን አጠፉት። አዲስ አበባ ሽንታም ነው ነው የሚሉት። ሌላም የወረዳ ይሁን የክፍለ ከተማ አመራር ባላረጋግጥም በልደታ ክፍለ ከተማ እንዴት ብዬ ነው ቤታችሁን ልቀቁ ላፈርሰው ነው የምለው? ቢያንስ የመዘጋጃ ጊዜ እንስጣቸው ያለ አመራር በአዳነች ፖሊሶች ተይዞ ከታሰረ ወራቶች ተቆጥረዋል።

"…አዳነች አቤቤና አብይ አህመድ በሌሊት እየዞሩ የግለሰቦችን ቤት ተደብቀው ያያሉ አሉ። ለዓይናቸው ያላማረ ቤትና ግቢ ካዩ በቃል ነው ለአፍራሽ ግብረ ኃይሉ የሚነግሩት አሉ። 😁 ብስቅም መረጃው የእውነት ነው። ወደ አንዱ ሰፈር ወይም ቤት ሌሊት ጎራ ይላሉ። "ይሄን እስከዚህ አፍርሱት። ይሄኛውን ቤት ተውት አይደብርም" ብለው እዚያው ትእዛዝ ሰጥተው ይሄዳሉ። ከቀናት በኋላ ተመልሰው ይሄዳሉ። አሁንም ለአይናቸው ያላማረ ነገር ካዩ "ይሄንም አፍርሱት" ብለው ይሄዳሉ።አፍራሽ ግብረ ኃይሉ "ክብርት ከንቲባ የዚህኛው ግቢ ባለቤት እኮ አጥሩ እንጅ ቤቱ እንደማይፈርስ ተነግሮት አጥሩን አስተካክሎ አጥሮ ጨርሷል። አዳነች አቤቤ " አይ ይፍረስ ይፍረስ አፍርሰው" በቃ ይፈርሳል።

"…ኦሮሙማ ሆዳሙን የአዲስ አበባ ሕዝብ አስተሳሰብ በሚገባ የተረዳ እጅግ በሳል በጥበብ የተሞላ አካሄድ ነው እየተከተለ ያለው። ለምሳሌ አስፋልቱን ሲጨርሱ ወደ ውስጥ ገባ ማለት ጀመሩ። ቤቱ የፈረሰባቸው ያለቅሳሉ። ከእነርሱ ቀጥሎ ያሉ ጎረቤቶች ደግሞ ይስቃሉ ይደሰታሉ። ከፊት ያለው ቤት ሲፈርስ "የእኛ አይፈርስም ተብሏል። እንግዲህ እግዜር ያውቃል። እንዲያውም የእኛ ቤት አስፋልት ፊት ስለወጣ ለቢዝነስ ያመቻል በማለት ጮቤ ይረግጣሉ። በጎረቤቱ እምባ የራሱን ተስፋ እያዬ ፈገግ ይላል። ቆዬት ብሎ አጅሬው ተስፈኞችን በዶዘር ይጎበኛቸዋል። ቀስ በቀስ ሁሉም ሰፈሩን ለቅቆ ይሄዳል። አሁንም በአዲስ መልክ እዬቀጠለ ነው። ከፒያሳ ያልተማረ ከማን ይማራል?የቀደሙት በግርግር በጥድፊያ ተደናብረው የእውነት ልማት ብሎ በማሰብም እያለቀሱ ሄደዋል። የፈረሰው ላይ ሳርና ቅጠል ሲጎዘጎዝ እያዩ ያሉ ናሪዎች ግን ምን ነክቷቸው ይሆን? አንዳንዱ የቀበሌ ቤት ነዋሪማ ጭራሽ የእኛ ቤት ፈርሶ ኮንዶሚንየም የሚሰጠን መቼ ነው ብሎ ይጸልያል አሉ። ከዚያ ይመጣና አቢይ ይንድበትና ድራሽ አባቱን አጥፍቶ ይገላግለዋል።

"…የብልፅግናን አገዛዝ ወይም አቢይ አህመድ አሊ በሥልጣን ከቀጠለ እነዚህ ሕጎች አብረው ይቀጥላሉ። መፍረስ፣ መጽዳት፣ መፈናቀል፣ መታገት፣ መደፈር፣ መዘረፍ፣ መከፋፈል እና መገደል ይቀጥላሉ። ይሄን ሕግ የሳዲስቶች ሕግ ለማስቆም ከፈለግህ ደግሞ መጀመሪያ መንቃት፣ ከዚያ መደራጀት፣ መሰልጠን፣ ከዚያ መመከት፣ በመጨረሻም ለማነከት የፋኖን እና የጀነራሎቹን መንገድ መከተል። ያለበለዚያ በቁምህ ትቃዣለህ፣ በቁምህም ሟምተህ ታልቃለህ። አሁን በየቀኑ በኑሮ ምክንያት የሚያብደው ሰው በመብዛቱ ምክንያት ታንቆ ከሚሞተው፣ መርዝ ከሚጠጣው የተረፈው ወደ አማኑኤል ሆስፒታል የሚጎርፈው ብዛቱ ይሄ ነው አይባልም የሚል ዘገባ እየወጣ ነው።

"…ትናንት ነዳጅ ጨምሯል። ደሞዝ የለም። ኑሮ ሰማይ ይነካል። አዳነች አበቤ ፋብሪካ ሳይሆን 33 ቢልዮን ብር ወጪ አድርጋ ሱቆች፣ መንደሮች፣ ትምህርት ቤቶች፣ መኖሪያ ቤቶች አፍርሳ አበባ ነው የተከለችልህ። በቤትህ መብራት ከጠፋ እና በዳፍንት መኖር ከጀመርክ ስንት ዘመንህ። ውኃ በቤትህ በስንት ቀን ነው የሚመጣው? እየሸትክ፣ እየገማህ፣ እየራበህ፣ እየጠማህ መኖርን ለለመድክ ለአንተ እነ አቢይ አህመድ ተመችተሃቸዋል። ሚልዮን ትግሬ ገድሎ ፈታ ብሎ የሚኖር አቢይ ለሚልዮን አዲስ አበቤ መራብ ደንታውም አይደል። አንተን ውኃ አሳጥቶ እሱ አስፓልት ያጥብበታል። አንተን ጨለማ ውስጥ አሳድሮ እሱ የኮሪደር ልማቱነረ ዲም ላይት ያንቦጎቡግበታል። 👇 ከታች ይቀጥላል ✍✍✍