Telegram-канал zemedkunbekelez - Zemedkun Bekele (ዘመዴ): Unsorted

Zemedkun Bekele (ዘመዴ)

17 Sep 2024 20:39

👆② ከላይኛው የቀጠለ✍✍✍ …ትችላለህ አልኩት። አርበኛው ደነገጠ። ምን ላድርግ? እንደዚያ ስላሉኝ ነው አለና ስልኩ ተቋረጠ። ቆይቶ ደግሞ ወዲያው ደወለልኝና ደውልልኝ አለኝ። እኔም መልሼ ደወልኩለት።

"…ሌላው ዘመዴ ስኳድ ምናምን እያልክ ስም ባትጠቅስ፣ ባትጠራ መልካም ነው። አንዳንድ ቅር የሚላቸው ሰዎች ስላሉ ብዬ ነው ይለኛል። ቀጠለናም እንዴት ጎንደር በሙሉ ስኳድ ተብሎ ይሰደባል ብሌ ይለኛል። ገባኝ ደዋዮቹ። ግን እኔም መለስኩለት። አርበኛው ስኳድ ማለት ራሳቸውን በራሳቸው ጠርተው በፌስ ቡክ የለጠፉ ናቸው። ስኳዶች በቁጥር ከ20 አይበልጡም። እነዚያን ሰዎች በስም ጠርቼ መውቀስ ደግሞ መብቴ ነው። እነሱ በስማቸው ያላፈሩትን አንተንም ሌላውንም ሊያስጨንቅ አይገባም እለዋለሁ። እሱም እነ ማናቸው ስኳድ ነን ብለው የለጠፉት ይለኛል? የአብኑ እነ መልካሙ ሹምዬ እለዋለሁ። መልካሙ የቱ ይለኛል ጎንደሬ ነኝ ባዩ ፀረ ዐማራው እለዋለሁ። አላወቅኩትም ይለኛል። ታውቀዋለህ ዐብንን ከሸጡት አንዱ ነው እለዋለሁ። እናም የፖለቲካ ሥራ ለመሥራት አደባባይ የወጣ ሰው መልካም ሲሠራ ይሞገሳል፣ ሲያጠፋ ደግሞ ይወቀሳል። ይሄ ሙገሳና ወቀሳ አንተንም ይጨምራል እለዋለሁ። እኔ ማንንም አልምርም። ባለፈው በሽምግልናው ወቅት ጋሽ መሳፍንትንም፣ እነ ኤፍሬምንም እንዴት እንደዳኘሁ አስታውስ እለዋለሁ። እንደ ልማዱ ስልኩ ይቋረጣል። ይሄ ነገር የተለመደ ነው። ምክክር ላይ ሲሆኑ ያቋርጡና በኔትወርክ አሳብበው መልሰው ይደውላሉ። በሽምግልናው የለመድኩት ነው። ለሦስተኛውን ጥያቄ ለመጠየቅ ተማክረው እስኪጨርሱ መጠበቅ ነበረብኝ። በሁለቱም ጥያቄዎች ለመለስኩት መልስ ከሰሎሞን በኩል ተቃውሞ አልገጠመኝም። ቆይቶ ተደወለ፣ ዘግቼ መልሼ ደወልኩ።

"…ዘመዴ የመጨረሻ ጥያቄ ነው። አንተ ኢትዮጵያዊ እንደሆንክ፣ ኢትዮጵያንም እንደምትወድ አምናለሁ። እናም እኛ አሁን መነሻችን ዐማራ መዳረሻችን ኢትዮጵያ ብለን የተነሣን ሰዎች የእንደ አንተ ዓይነቱ ቆራጥ ኢትዮጵያዊ ድጋፍ ያስፈልገናል። ፋኖ ኢትዮጵያን ነፃ ካላወጣ ምኑን ታገልነው? ኢትዮጵያን ለማን አሳልፈን ልንሰጥ ነው ብሎ ወደ ዋና ጨዋታው ገባ። የእኛን ድል ዘግቡልን፣ ከወንድሞቻችንም ጋር በቅርቡ አንድ እንሆናለን ብሎ እስክንድር ነጋን ተክቶ ጥያቄውን በሃላል አቀረበልኝ። እኔም መለስኩለት። ስማ ሰሌ። ከመጨረሻው ጥያቄህ ልጀምር። እኔ የፖለቲካ ፍልስፍናችሁ ምንም ይሁን ምን በፍልስፍናችሁ ላይ ሓሳብ ካለኝ ሓሳብ እሰጣለሁ እንጂ ተቀበል የእኔን ብዬ አላስገድድም። ሓሳባችሁንም አልጠመዝዝም። ዘገባ ላልከው እናንተ የእስክንድር ልጆች ሆናችሁ መሬት ላይ አሸነፍን ስትሉ ከመዘገብ ቦዝኜ አላውቅም። ሰሞኑን እንኳ በመረጃ ተለቭዥን የእሁድ ነጭ ነጯን መርሀ ግብሬ ላይ እጅግ የማከብረውንና የምወደውን ቁርጥ ወላጅ አባቴን የሚመስለኝንና የማስታውስበትን አርበኛ ፋኖ ደረጀ በላይ የማረካቸውን የመከላከያ ወታደሮች ሲያስተዋውቅ እኔ ራሴ ነኝ መልሼ ለዓለም ያስተዋወቅኩት። ቀይ መስቀል ይረከባቸው ሁላ ያልኩት እኔው ነኝ እናም በዚህ በኩል አትጠራጠር ብዬም መለስኩለት።

"…በመጀመሪያው ጥያቄህ ላይ ግን አልስማማም። እኔ የምደግፈው መነሻዬ ዐማራ፣ መድረሻዬም ዐማራ የሚሉትን ነው። መጀመሪያ ዐማራነቴን ላድን የሚሉትን ነው የምደግፈው። ዐማራነት ከዳነ፣ ዐማራነት ከተከበረ በኋላ ኢትዮጵያን ከሌሎች ነገዶች ጋር ተማክረህ ነው ከታመመችም የምታድናት እንጂ አንተ ምን አገባህና ነው የራስህን ዐማራን ነፃ ሳታወጣ፣ አዲስ አበባ ለመግባት ለኦሮሞ ቄሮ 1 ሚልዮን ብር መክፈል ሳታቆም፣ ለኢትዮጵያ ጥብቅና የምትቆመው? ጉራጌ፣ ትግሬ፣ ኦሮሞ፣ ሱማሌ፣ ወላይታ፣ ጋምቤላ ወዘተ ብዬ እየተናገርኩ መልሶ ስልኩ ተቋረጠ። እስኪመለስ ጠበቅኩት። አቋርጦኝ ሌላ አጀንዳ ሊያመጣ ሲል የጀመርኩትን ልጨርስልህ ብዬ ቀጠልኩ፣ ንግግራችን በሦስተኛ ወገን ቢቀዳም፣ መንግሥትም ቢያዳምጠው ይወቀው ብዬ አቋሜን መናገር ቀጠልኩ። …ጉራጌ፣ ትግሬ፣ ኦሮሞ፣ ሱማሌ፣ ወላይታ፣ ጋምቤላ፣ አፋር፣ ሲዳማ፣ ሐረሬ ታገልልኝ፣ ሞትልኝ ብለውሃል እንዴ? ማን ታገልልኝ ብሎህ ነው? ሞትህን ሲዳማ፣ ስደትህን ሱማሌ፣ ትግሬ፣ መፈናቀልህን ወላይታ፣ ጋምቤላ ሰምተው አዝነው ከጎንህ በመግለጫ እንኳን ደግፈውሃል? አንተ ማን ስለሆንክ ነው የራስህን ዐማራ ነፃ ሳታወጣ ነፃ አውጣኝ ያላለህን ብሔር ነፃ ላወጣህ ነው የምትለው? ይሄ የእስክንድርና የፌክ ኢትዮጵያኒስ ኮተት ሓሳብ ነው። ሓሳቡን ተቃውመው ቅድሚያ ዐማራነቴን ለሚሉት ለዐማራ ቡድኖች ድጋፌን እሰጣለሁ። በጎንደር ለአርበኛ ባዬ፣ በጎጃም ለአርበኛ ዘመነ፣ በወሎ ለአርበኛ ምሬ፣ በሸዋ ለአርበኛ ኢንጅነር ደሳለኝ ድርጅቶች ሙሉ ድጋፌን እሰጣለሁ። ይሄ ማለት ተጋድሎአችሁን አፈር ከደቼ አበላዋለሁ ማለት ግን አይደለም። ከወደ እናንተ የሚያስቀኝ ነገር አለ። እሱን ደግሞ እንደ ሴራ ከቆጠርኩት አፈርሰዋለሁ። ይኸው ነው ሰሌ ብዬ አልኩት። ሌላ ጥያቄ የለኝም፣ እንዲሁ ሲኖረኝ አደውላለሁ ብሎኝ ተለያየን። ከዚያ በኋላ ነው እንግዲህ ይሄ የሰሜንና የደቡብ ጎንደር የእነ እስክንድር፣ የእነ ሀብታሙ አያሌውና የእነ አበበ በለው ፋኖ በሰከንድ ውስጥ ጥይት ሳይተኩስ መላ ጎንደርን እየተቆጣጠረ መሆኑን የማወጅ ነገር የተከተለው። ለዚህ ነው በርእሰ አንቀጼ መግቢያዬ ላይ "…ከየት መጡ አልተባለም እኮ ሲነጋ ጎንደር በፋኖ ቁጥጥር ነው የተገኘ። ሙሉ ከተማው እና የመንግሥት ኃይል ተራራ ተራራ ለይ ነው ተንጠባጥቦ ያለ …።" የሚል መልእክት ዛሬ በጠዋት ከመኝታዬ ስነሣ ደረሰኝ ብዬ የጀመርኩት።

"…አሁን ወደ ዘለግ ወዳለው ትን ወደሚያስብለው ትንተናዬ ልግባ። የሰሎሞን አጣናውንና የእኔን ቃለ ምልልስ ያመጣሁት ይሁነኝ ብዬ ነው ወዳጄ። ጫ፣ ጮጓ ብለህ ተከተለኝ። የዐማራ ትግል ወደ መቋጫው ቀርቧል። እንደ ቀልድ እናንበረክከዋለን ብለው የኦሮሞ ብልጽግናና የትግሬ ነፃ አውጪዎች የለኮሱት እሳት ተቀጣጥሎ ሰደድ እሳት ሆኖ ሊያወድማቸው ከጫፍ መድረሱን ዐውቀውታል፣ ተረድተውታልም። የሰሞኑ የኦሮሞ ነፃ አውጪዎቹ በጫካም በ4ኪሎ ያሉትም ተመካክረው "አራት ኪሎ አዲስ አበባ የሚል የኦሮሚኛ ዘፈን አውጥተው እኩል የሚዘፍኑት ወደው አይምሰልህ። ጭንቀት የፈጠረው ዘፈን ነው። አልፈራም ብሎ መፍራት ያመጣው ነው። የበታቸኝነት የፈጠረውም ነው። ኦሮሞ በዘፈኑ ውስጥ ዐማራና ትግሬን ካልሸነቆጠ ዘፈኑ አያምርለትም፣ ገዢም አያገኝም። ይሄ ፍርሃት፣ ስጋት፣ መሸነፍ የፈጠረው ነው። አራት ኪሎ አትገቧትም ብሎ መጨፈር እግዚአብሔር ያሳያችሁ። ወደው ነው የሚገቡት። ይታገላሉ። የሚያልቀው ያልቃል፣ የሚሞተው ይሞታል፣ የሚወድመው ይወድማል፣ ህልውናችን የሚረጋገጠው አራት ኪሎ ስንገባ ነው ብለው ላለመሞት፣ ላለመጥፋት የሚታገሉት በሙሉ የሆነቀን ጠዋት ከመኝታችን ስንነሣ "የዐማራ ፋኖ ኃይሎች አራት ኪሎ ቤተ መንግሥትን ተቆጣጥረውታል፣ ጦርነቱ በኦሮሚያና በደቡብ ቀጥሏል የሚል ዜና መስማታችን አይቀርም። የፈሩት ይደረሳል፣ የጠሉት ይወርሳል አባቴ።

"…አሁን ሁለት ኃይሎች በዐማራ ክልል ተፈጥረዋል። ሦስተኛም አለ ግን ፓራሳይት ነው። ጥገኛ ነው። ከመሸ የመጣ አሜባ ነው። በኢትዮጵያኒስቱ በእነ እስክንድር ነጋና በዐማሮቹ በእነ ዘመነ ካሤ ቡድን መሓል ነው ውጥረቱ የነገሠው። የብልጽግና መንግሥት አክቲቪስቶች፣ የኦሮሞና የትግሬ ነፃ አውጪ አክቲቪስቶች ጭምር በእነ ዘመነ ካሤን ቡድን ላይ ያለ የሌለ ኃይላቸውን ተጠቅመው ጓ እያሉባቸው ነው። በተለይ የስኳድ ቡድን ከእስክንድር…👇②ከታች ይቀጥላል።✍✍✍