Telegram-канал zemedkunbekelez - Zemedkun Bekele (ዘመዴ): Unsorted

Zemedkun Bekele (ዘመዴ)

26 Nov 2024 17:56

አላችሁ አይደል…?

"…በርእሰ አንቀጹም ላይ ሓሳብ እየሰጣችሁ የቲክቶክ መንደራችንንም ሞቅ፣ ደመቅ፣ መቅመቅ እያደረግን እናመሻለን።

• እየጠበቅኳችሁ ነው። ገባ ገባ በልልኝማ…

Zemedkun Bekele (ዘመዴ)

26 Nov 2024 16:19

👆④ ✍✍✍ "…ኢትዮ 360 ገነነ። ሁለቱ የኢህአዴግ ልጆች አባትና ልጆቹ ኤርሚያስ ለገሰ እና ሀብታሙ አያሌው በዐማራው ኪሱም፣ ቦርሳውም ላይ ናኙበት። ዋኙበት፣ አጠቡትም። ወዲያው የዋቅጅራ ልጅ ያሳደገውን ሀብታሙን ተለይቶ ኮምፓስ ብሎ ወጣ። ኤርሚያስን ተከትሎ ምናላቸው ስማቸው ወጣ። ኢትዮ 360 በፍራሳ ልጅ በሀብትሽ፣ በኦሮሞዋ ቡሩኬ፣ በተክለጻድቅ ልጅ በጄሪ እጅ ወደቀ። ከአዲስ አበባ ወደ አሜሪካ የመጣችው መዓዛ መሀመድ ሮሀ ብላ ከች አለች። እስከአሁንም አለች። ኡጋንዳ፣ ሩዋንዳ፣ አማሪካና አውሮጳ የሚኖር ዐማራን ታሳቢ አድርገው ሁላቸውም ዐማራውን ያወዛግቡት ጀመር። በዚህ ሁሉ መፍረስ መሠራት ላይ ገንዘብ ከምታወጡ፣ ለሳታላይት መቶ ሺ ዶላሮችን ከምታፈስሱ ፕላትፎርም ላክፈትላችሁና በነፃ አየር ሰዓት ወስዳችሁ አገልግሉ በማለት የመረጃ ቲቪ ያመጣውን ዕድል መጠቀምን ችላ አሉ። ምክንያቱም ሕዝቡን እንዴት አድርገው የሳታላይት ወጪ ኪራይ ብለው ይጋጡት? ተተራመሱ። ኢኤም ኤስ ለሁለት ተከፈለ። ሲሳይ አጌናም በመጨረሻ በዐማራ ገንዘብ ቤተሰቡን ሲመራ ከርሞ አቢይ አሕመድ የተሻለ ሲከፍለው በልፅጎ አዲስ አበባ ገብቶ አረፈው።አመድ አፋሹም ዐማራ በመጨረሻ አጥንት የሚሰብር ስድብ በሚሰድበው ሲሳይ አጌና ይሰደብ ጀመር። ይዋረድ ጀመር።

"…የጎንደር እስኳዶቹ በሙሉ ወደ ኡጋንዳ ነው የሸሹት። ኡጋንዳ ሸሽተው የከፈቱት ሚዲያዎችን ነው። የወልቃይት ሰሊጥ ሽያጭ እየተሰፈረላቸው ነው የተቀመጡት። አሁን ሁሉም ፀረ ጎንደር፣ ፀረ ዐማራ መሆናቸው ታውቆ ያ የተለመደ የዐማራ ገንዘብ ቀጥ ብሎ ደርቆባቸው የሚሆኑት ጠፍቷቸዋል። 360 ዎች በኢሳት መንገድ ሄደው ዓለም ላይ ያለውን ዐማራ ኪሱን ሊያጥቡት ቢፈልጉም እኔ ደንቃራ ሆኜ አላስበላ አልኳቸው። አውሮጳ የያዙት መርሀ ግብር በሙሉ ታጠፈ፣ ተሰረዘም። በአሜሪካ፣ በካናዳ የተሞከረው የገቢ ማሰባሰቢያም ነጠፈ። የግምባሩም ዶላር አለቀ። የባልደራስም አለቀ። አሁን ጎንደሬዎችንና ሸዋዎችን ብናገኝ ብለው በፓስተር ምስጋናው አንዷለም በኩል ጣና ብለው ቢመጡም እምቦጭ ውጧቸው ቀሩ። ከዐማራ ምንም ነገር ቤሳ ቤስቲን ዱዲ ጢና ሲያጡ፣ እንደማያገኙም ሲያውቁ በግልጽ "ያጣ ለማኝ ተሳድቦ ይሄዳል" እንደሚባለው ይኸው መሳደብ ጀመሩ። ማስፈራራት፣ መዛት ሁላ ጀመሩ። ወዳጄ ወፍ የለም።

አሁን ምን ይደረግ…?

"…እነዚህን ፀረ ዐማራ መሳይ ሚዲያዎች በራሳቸው ጊዜ ፈጥጠው በመገለጣቸው መዝግቦ መያዝ። የሚዲያ ዋናው አንቀሳቃሽ ገንዘብ ነውና ገንዘቡ ደግሞ የሚወጣው ከዐማራ ኪስ ነውና የሚወጣው እሱን አድርቆ ገድቦ መያዝ። እነ ሀብታሙ አያሌው ምንአልባትም ሊያደርጉ የሚችሉት ከዚህ በፊት በሰላሙ ጊዜ ቀድተው የያዙትን ሪከርድ ለሕዝብ ይፋ በማድረግ በፋኖ በኩል መተማመን እንዳይኖር ማድረግ ነው። ከዚህ የዘለለ ምንም ሊያደርጉ አይችሉም። እንዲያውም የአሁኑን የአበበ በለውን እና የሀብታሙ አያሌውን በግልፅ በሪከርድ ማስፈራራታቸውን ሳይ እስከ አሁንም ድረስ ለመንግሥት የድምጽ ቅጂ መረጃ የሚሰጡት እነሀብታሙ አያሌውና አበበ በለው ናቸው ወደሚል መደምደሚያ ያደርሰናል። በፍቅረ ነዋይ የታወሩ ስለሆነ ኦሮሙማው ገንዘብ ከበጠሰላቸው ችግር የለባቸውም ብንል አንሳሳትም። ስለ ፋኖ በእጃችን አለን የሚሉትን መረጃ ሁሉ ይለቁለታል። ያልጠረጠረ ተመነጠረ። ጠርጥር አይጠፋምና ከገንፎ ውስጥ ስንጥር።

ሀ፦ ፋኖዎች፦

"…ከእነ አበበ በለው፣ ከሀብታሙ አያሌው ጋር ስታወሩበት የነበረውን ስልካችሁን አሁኑኑ ቀይሩ።

"…ከዚህ ቀደም ሪከርድ ተደርጋችሁ የእነ ዋን ዐማራ፣ የእነ አመሀ ሙላው፣ የእነ ሮቤል፣ የእነ አኪላና ዘርሽ እስረኛ የነበራችሁ በሙሉ እንዳትሸማቀቁ። እንዳታፍሩ። ከእስራታችሁ ፈትናችኋል፣ ነፃም አውጥተናችኋል። እንደ ጎጃሙ ፋኖ ማርሸት ወጊድ ብላችሁ በፅናት ቁሙ።

ሁ፦ የዐማራ ሕዝብ፦

"…ከሀብታሙ አያሌው፣ ከአበበ በለውና ከራሴ ከዘመድኩን በቀለም ቢሆን የፋኖን ትግል የሚበታትን አፍራሽ የድምጽ ቅጂ ቢለቀቅ "ደግ፣ እሰይ፣ እንኳን፣ ደግ አደረጉ ብላችሁ ኩም አድርጉን። አደራ ወሽመጣችንንም፣ ቅስምና ጅስማችንንም ስብርብር አድርጉት። በሰላም፣ በብሶት ጊዜ በምስጢር የተወራን ጉዳይ ፋኖን ለመከፋፈል መጠቀም ነውር መሆኑን አስመስክሩ። ምንም ብትሰሙ ጥፋ ከዚህ ብላችሁ አውጁ። አለቀ። ይህን ስታደርጉ አጀንዳው ሳይወለድ ሞተ ማለት ነው።

በአፒታይዘሯ እንቋጭ…

"…ይሄ የአዝማሪ አኳማሪ እስክስተኛ በዐማራ ችግር የራሱን ችጋር አራጋፊ፣ በስተመጨረሻ ገርፌ፣ ገርፌ ርቃኑን አስቀረሁት። የበግ ለምዱንም ገላልጬ አደገኛ ፀረ ዐማራ ተኩላነቱን አሰጣሁት። ጨርቁን ጥሎ ሊያብድ ነው። አሁን ማድረግ የሚችለው ምንአልባት በቀረው ዶላር ሀብቴንና ደረጀ በላይን አታልሎ አባት አርበኞቹ ላይ የተቃውሞ መግለጫ ማስወጣት ነው። መዝግቡልኝ። የምወደው አርበኛ ደረጀ የሠፈሩ ልጅ ስለሆነ ካላገዘው በቀር መሬት ላይ ታሪክ ተቀይሯል። ጎንደር ወደ አንድነት መምጣቱ የግድ ነው።

"…ሀብታሙም ከእንግዲህ የሚበጠብጠው፣ የሚያምሰው የዐማራ ፋኖ ትግል የለም። ዘመነ ካሤ ከሀብታሙ ወጥመድ አምልጧል። እነ አርበኛ መሣፍንት፣ ምሬ ወዳጆ፣ ደሳለኝ፣ ባዬ ቀናው እነሻለቃ ዝናቡ፣ እነማንቼ ከወጥመዱ ካመለጡ ቆዩ።

"…በሀብታሙ ወጥመድ የተያዘው ኮሎኔል ሙሀባው ወጥመድ ሰብሮ ለመውጣት እየጣረ ነው። ማስረሻ ሰጤ፣ መከታው ማሞ፣ አበበ ጢሞ በወጥመዱ ተይዘው መንቀሳቀስ ያልቻሉ የሀብታሙ ቆቅ ዥግራዎች ናቸው። ኮሎኔል ጌታሁን፣ አሰግድና ውባንተ ተበልተዋል። አሁን ወላ ሃንቲ ወፍ የለም።

"…አይደለም የድምጽ ቅጂ የቪድዮ ቅጂ ልቀቅ። ውርደቱ ለአንተ እንጂ ለፋኖ መሪዎች አይደለም። blackmail በማድረግ እስከዛሬ ብዙዎቹን አፈር ከደቼ አብልታችኋል። ለblackmail ለለblackmailማ እኛስ blackmail ማድረግ ያቅተን ይመስሏችኋልን? ጀምሩት እንጀምረዋለን። blackmail ግን የፋኖን ትግል ቅንጣት አያስቆመውም። አያ አቤ በሀብታሙ እጅ ያለው blackmail ፑቲን እጅ ያለ አቶሚክ ቦንብ አስመሰለው እኮ። በብራኑ ጁላ ድሮን ያልፈረሰ የዐማራ ትግል ነው በሀብታሙ blackmail የሚፈርሰው? ደነዝ። ወቅጅራም አልቅስ…

ሌባ ሁላ ሌባ ሁላ
ኡበርም ቢሆን ሰርተህ ብላ

"…እያየሁ እጨምራለሁ። ዛሬ ቲክቶክ በጊዜ ስለምገባ እዚያ ላይ ደግሞ በስሱ እናወራለን። እስከዚያው በዚህ አዝግሙ።

•••

ሻሎም…! ሰላም…!

ዘመድኩን በቀለ ነኝ።
አሸበርቲው/አስነቀልቲው
ሕዳር 17/2017 ዓም
ከራየን ወንዝ ማዶ።