Telegram-канал zemedkunbekelez - Zemedkun Bekele (ዘመዴ): Unsorted

Zemedkun Bekele (ዘመዴ)

15 Aug 2024 15:50

"ርዕሰ አንቀጽ"

"…እኔ ዘመዴ ዛሬ ድንገት ብድግ ብዬ ተነሥቼ አዲስ ሃይማኖት መሥርቻለሁ እና ተከተሉኝ ብዬ ባውጅ በአንደዜ ሚልዮን ተከታይ አላፍራ አላግኝ እንጂ ቀስ በቀስ እየዋለ እያደረ የሚበዛ አሜን ብሎም የሚከተለኝ ሰው ግን አላጣም። ሃይማኖት ብቻ አይደለም፣ የፖለቲካ ፓርቲ፣ የውይይት፣ የምክክር ማኅበር፣ የሌብነት፣ የዝርፊያ፣ የቅሚያ ማኅበር፣ የቢዝነስ ድርጅት ብመሠርት ተከታይ ማኅበርተኛም አላጣም። ጠንቋይ፣ አስማተኛ ነኝ ብዬ ስር እየማስኩ፣ ቅጠል እየበጠስኩ እፈውሳለሁ ብዬ ባውጅም እንዲሁ ተከታይ፣ አድናቂ እና አምላኪም አላጣም። እንዲያውም ስለ እኔ ሌት ተቀን የሚሰብኩ ደቀ መዛሙርትም ሁላ ላፈራ እችላለሁ። ተከታይ የማገኘው እኔ ጎበዝ፣ ቆንጆ፣ ውብ፣ አንደበተ ርቱዕ ስለሆንኩ፣ ባለፀጋ፣ ሀብታም ዲታም ስለሆንኩ አይደለም። ሰዎች ስንባል ነፃ ፈቃድ ከፈጣሪ የተሰጠን ስለሆነ በዚያ ነፃ ፈቃዳችን ነጻነታችን ተጠቅመን የፈለግነውን፣ የፈቀድነውን የማመን፣ የመከተል ተፈጥሮአዊ መብት ስላለን ነው። እንደየሀገራቱ መንግሥታት ሕግ በሕግ የተከለከለ ነገር ካልሆነ በቀር የሆነ ነገር መስርቶ ተከታይ ማፍራት እጅግ ሲበዛ ቀላል ነው። እግዚአብሔር እንደሁ ፍጹም ዲሞክራት አምላክ ስለሆነ እኛን አስገድዶ የሚያሳምን የሚያስመልክ አምላክ ስላልሆነ እሳትና ውኃ ያቀርብልናል የእኛ ሥራ እጃችንን ወደ ወደድነው መዘርጋት እና መንከር ብቻ ነው። አለቀ።

"…በዓለም ላይ ሀሺሽ፣ አደንዛዥ ዕፅ፣ የጦር መሣሪያ የሚያዘዋውሩ፣ የሚሸጡ፣ የሚለውጡም ማኅበራትና ቡድኖች አሉ። ህጻናትን ለወሲብ ንግድ የሚያሰማሩ፣ የሚያዘዋውሩ የሚሸጡ፣ ሴቶችን ለወሲብ ንግድ የሚሸጡ፣ የሚገዙ፣ የሚያዘዋውሩም አሉ። በሲና በረሃ የሰደተኞችን ልብና ኩላሊት ያለማደንዘዣ ቀደው የሚሸጡ የተማሩ የቀዶ ህክምና ስፔሻሊስት የህክምና ዶክተሮችም አሉ። ጄነራሎች፣ ኮሎኔሎች፣ ወታደራዊ አዛዦች ሆነው በኮንትሮባንድ የከበሩ፣ የሚከብሩም ግለሰቦች አሉ። እነዚህ ሁሉ ቡድኖች ናቸው። ተከታይ፣ ሰባኪ፣ ሠራተኛም አላቸው። የሀገር፣ የታሪክ መውደም ደንታቸው ያልሆነ፣ አንድ ሚልዮን ትግሬ ቢሞት ጉዳያቸው ያይደለ፣ ዐማራ ከምድረገጽ ቢጠፋም የማይሞቃቸው የማይይበርዳቸው ነፍ ናቸው። ይሄ ሁሉ ሲሆን ከሀገር ውስጥ እስከ አውሮጳና አማሪካ እስከ ቻይናም ድረስ የተዘረጋ አደገኛ በሆነ መረብ ውስጥ ተሳትፈው የሚሠሩቱ የሰዎች ልጅ የተባሉ የመንጋ ስብስብ ናቸው።

"…በየመንደሩ ያለ ጠንቋይም እኮ ካዳሚ አለው። ገባሪም አለው። ሰባኪም፣ ፕሮፓጋንዳ የሚነዛለት፣ የአፍ ማስታወቂያ የሚነግርለት አለው። አቤት እሳቸው እኮ ዐዋቂ ቢሉሽ ዐዋቂ አይምሰሉሽ፣ ለከሰረው ሱቅህ ዐዋቂ እገሌ ጋር ብትሄድ ብለው የሚሰብኩ ደላሎችም አሉ። ጠንቋዩ ሳትጠራጠር አድርግ የሚለውን ዘግናኝ አፀያፊ የወንጀል ድርጊት የሚፈጽሙ፣ የአብራካቸውን ክፋይ ለአጋንንት እስከመሰዋት ድረስ የሚደርሱ አንቱ የተባሉ ሰዎች እኮ ያለምንም አስገዳጅ ሁኔታ ነው የዚህ ማኅበር አባል የሚሆኑት። ጠንቋይ ያዘዛቸውን ፈጽመው ለመክበር ሲሯሯጡ የምታዩአቸው እኮ በነፃ ፈቃዳቸው ተጠቅመው ነው። ፎጋሪ ጠንቋዮች እንዳሉ ሁሉ አጋንንቱ ሰፍሮባቸው የሚጠቀምባቸው ጠንቋዮችም አሉ። የእኔ መነሻ ነጥብ ጠንቋይም ይሁን መተተኛ የፈለገው ይሁን የቁጥር መብዛትና ማነስ እንደሁ እንጂ ተከታይ ሰው ግን አያጣም።

"…የፖለቲካ ፓርቲም እንደዚሁ ነው። የሆነ ሰውዬ የሆነ ቦታ፣ የሆነ ቀን ተኝቶ በልቡ ያሰበውን የፖለቲካ ፓርቲ ለመመስረት ያስባል። ያን ያሰበውን ጉዳይ ደግሞ የእኔ ለሚላቸው ሰዎች ጥቅሙን ዘርዝሮ በማስረዳት የፖለቲካ ፓርቲ አብረውት እንዲመሠርቱ ይወሰውሳቸዋል። ነገርየውን የሰሙ ወዲያው እሺ ብለው የሚስማሙ የኖራሉ፣ ቆይ ነገርየውን ልመርምር ብለው የደመራውን አወዳደቅ የሚጠብቁ ይኖራሉ። የታቀደው ነገር ከተሳካ እምቢ በማለታቸው የሚቆጩ፣ ካልተሳካ ደግሞ እግዚአብሔር ነው ያወጣኝ ብለው ስለት የሚያስገቡም ይኖራሉ። እናም የሆነ ሰው ሓሳብ የሆነ ሰው ያመነጫል። ከዚያ 6 ትግሬ አንድ ጎንደሬ ዐማራ ሆነህ ደደቢት በረሀ ወርደህ ህወሓትን ትመሠርታለህ። ከዚያ 17 ዓመት በረሃ ቆይተህ፣ ሚልዮኖች ገድለህ፣ ሚልዮኖች ተገድለውብህ አንተ 6 ሚልዮን ሆነህ ትወጣለህ፣ ከዚያ 27 ዓመት ሙሉ ሀገር ትገዛለህ፣ ትበዘብዛለህ። ከዚያ ሲበቃህ ተዋርደህ ትባረራለህ። ሰማኸኝ አይደል? ሁሉ ነገር የሚጀመረው በሆነ ሰው ሓሳብ አመንጪነት ነው።

"…ጭካኔው የሚወደድለት፣ በጭካኔው የሚፈቀር ሰው አለ። ጀግንነት የሚል ቅጽል ስም ይሰጠውና ወዳጅ፣ ተከታይ በጭካኔው የሚያፈራም ሰው አለ። እንደ አቢይ አሕመድ ሚልዮን ትግሬ አርዶ በልቶ በሚልዮን ትግሬ የሚፈቀር፣ የሚወደድ፣ የሚከበርም ሰው አለ። ቦዘኔ ዱርዬን ውድድ፣ ፍቅር የሚያደርጉ ፀባየ ሸጋ፣ የተከበሩ ቤተሰቦች ፍሬ፣ መልከ መልካም ቆንጆ ሴቶች አጋጥመውኛል። ይሄ ነፃ ፈቃድ ነው። ቦዘኔው፣ ወያላው፣ ደሀው፣ ዱርዬው አስደግሞባት ነው፣ መተት ውሎባት ነው የሚሉ የምቀኛ ሰፈር መልከጥፉ ፉንጋ ሴቶች እና ወንዶች ቢኖሩም ነገርየው ግን ሰዎች በነፃ ፈቃዳቸው ተጠቅመው የሚተገብሩት ነገር ነው። ዱርዬ፣ ተደባዳቢ፣ ሰካራም፣ አጫሽ ቃሚ የሚያፈቅሩ፣ አፍቅረውም ብቻ አይቀሩም ሀገር ጉድ እያላቸው አግበተዋቸው ልጅ ወልደው አብረው የሚኖሩ አሉ። ዘወትር በባሏ በቦክስ እየተጠለዘች፣ አይኗ እየበለዘ፣ ገላጋይ ሽማግሌ ሲመጣ ምን አገባችሁ በባሌና በእኔ መካከል ብለው ኩም የሚያደርጓችሁ ነፍ ናቸው። የትየለሌ። ወዳጄ አንተ ነህ በጤናማ አእምሮ እያሰብክ ይህ እንዴት ይሄ ይሆናል? እያልክ በቅናት፣ በምቀኝነት፣ በየዋህነትም ስትብሰለሰል የምትኖረው እንጂ ነገርየው የነፃ ፈቃድና የምርጫም ጉዳይ ነው።

"…ጥሬ ሥጋ በዳጣ በላተኞች፣ የጠጪዎች ማኅበርም እንዳለ አውቃለሁ። የቃሚ በደቦ ሺሻ የሚያጨሱ ማኅበራትም እንዳሉ ሰምቻለሁ። የትኛውም ነገር በአንድ ሰው ተጠንስሶ በጥቂት በትንሽ ሰው ይጀመርና ቀበሌ ሙሉ ሊዳርስ፣ ሀገር ሙሉ ሊያካልልም ይችላል። የሰው ልጅ ሞራል ካልከለከለው በቀር ምንም ነገር ለማድረግ ነፃ ፈቃድ አለው የምንለው ለዚህ ነው። አዚህ አውሮጳ ውስጥ አለ ተብሎ የሰማሁት ደግሞ በግሩፕ በማኅበር ተሰባስበው ልቅ የግብረ ሥጋ ግኑኝነት የሚፈጽሙ እንዳሉ ነው። አሁን ይሄን ጽሑፍ የሚያነብቡ አስቀዳሽ፣ ጿሚ ጸሎተኛ ምእመናን አስር ጊዜ አማትበው ሊሆን ይችላል። በማማተብ እውነታውን ግን አይቀይሩትም። ጥቂቶች የጀመሩት ቀስ በቀስ ሚልዮኖች የተቀላቀሉት ብዙ ድርጅቶችን ማንሳት ይቻላል። እርስዎ አንድ ሰው ጀምሮት አሁን ብዙ የሆናችሁበትን የሚያስታውሱት ማኅበር ወይ የሆነ ነገር እስቲ ይንገሩን። ጀማሪው ይሄኔ ሞቶ ሁላ ሊሆን ይችላል።

"…እህተ ማርያም ስንዱ የደብረ ዘይት እለት በእኩለ ጾም ፋሲካ ነው ብላ ሰንጋ አርዳ የምታባላው እኮ የሰዎችን ስብስብ ነው። እንቁጣጣሽ የሰኔ ሚካኤል ቀን ነው። መስቀል ህዳር ጽዮን ላይ ነው የሚከበረው ብላ ተነሣች ይኸው ከመቶ በላይ ሰው አምኖ ይከተላታል። ባለሀብቶችም፣ የእንግሊዝ የስለላ ድርጅትም ፈንድ ይሰጣታል አሉ። ደመቀ መኮንን ወልቃይት ላይ አስሯት እንድትፈታ ያደረጋት ብልፅግና ከእንግሊዝ በደረሰበት ጫና ነው ሲባል ሰምቻለሁ። ኦሮሚያ ውስጥ እኔ ማርያም ነኝ ብላ የተነሣች ሴት በፖሊስ ፕሮግራም ላይ ቀርባ ተከታዮቿ በመያዟ ሲያለቅሱም አይቻለሁ። ጎንደር ውስጥ እኔ ክርስቶስ ነኝ ብሎ 12 ሐዋርያት ሁሉ መርጦ፣ በመጨረሻ ንጉሡ ሰምተው… 👇 ① ከታች ይቀጥላል…✍✍✍