Telegram-канал zemedkunbekelez - Zemedkun Bekele (ዘመዴ): Unsorted

Zemedkun Bekele (ዘመዴ)

16 Oct 2024 16:46

👆③ ከላይኛው የቀጠለ…✍✍✍

"…ሽማግሌዎቹም በሰሙት ነገር ደንግጠው እንዲያውም ጋሽ እሸቴ " ነገሩ እንዲህ ነው እንዴ? ታዲያ ከመጀመሪያው ለምን አደከማችሁን፣ ደረጄ እንዲያው እግዚአብሔር ይስጥህ፣ ከድካም ገላከልከን" በማለት አግርሞታቸውን መግለጻቸውን ነው መረጃዬ የሚያሳየው። እነ አርበኛ ባዬም እግዚአብሔር ይስጥልን። እናንተ ወንድሞቻችን ናችሁ። በሓሳብ ብንለያይም፣ በአንድ ድርጅት ለመታገል ባንታደልም፣ በጭራሽ ከእስክንድር ስር አንገባም። ነገር ግን መሬት ላይ የጋራ ጠላት ስላለን በእሱ በኩል እሱን በመግጠሙ በኩል እየተረዳዳን እንቀጥላለን ተባብለው በሰላም ተለያይተዋል። እኔ ግን በጎንደርም፣ በእነ ደረጄም ተስፋ አልቆርጥም። የጎንደር ሽማግሌዎች ሌላ ዙር ቢሞክሩ መልካም ነው ብዬ እመክራለሁ።

"…ለዚህ ነው እስኳድም፣ ኦሮሙማውም፣ የትግሬ አክቲቪስቶችም ጎጃም ላይ የዘመቱት። ትግሬዎቹ ሰሞኑን ትንሽ ቀዝቀዝ ያሉት ለውጊያ ጎጃም የሄደ የትግሬ ኮሎኔል ከተያዘ፣ ከተማረከ ወዲህ ነው። የኦሮሙማው አክቲቪስቶች ባለፈው ጊዜ እኔ በቴዲ ሃዋሳ ቤት በነበረኝ ቆይታ፣ ጃል ወያም ሆነ ጃል አያና ይጠይቁኝ የነበረው ለጎንደር የተቆረቆሩ መስለው ጎጃም፣ አስረስ፣ ዘመነ ካሤ የሚል ከፍየሏ በላይ የሆነ ልቅሶ ነበር። አዎ ጎጃም የኦሮሙማውን ብልፅግናን ሠራዊት ቅስሙንም፣ ጅስሙንም፣ ቅልጥሙንም፣ ወገብ ዛላውንም ሰብሯል። ስለዚህ ፀረ ጎጃም ስኳዶች፣ የጎጃም የፖለቲካ አገው ሸንጎዎች ሳይቀሩ በራሱ በጎጃም ላይ ዘምተዋል። ለዚህ ነው ይሄ በቪድዮ ከላይ ያያችሁት ልጅ በጎጃም ፋኖን ሳይሆን ሕዝቡን ፍጁት የሚል ድፍረት የተሞላበት ዐዋጅ የታወጀው።

"…በጎጃም የተማረከው ራዲዮ ያበሳጨው የጎንደር ስኳድን፣ የኦሮሞና የአገው ሸንጎን ሰራዊት ነው። ከፕሮቴስታንቱ ናትናኤል እስከ ኦርቶዶክሱ ዳንኤል ድረስ፣ ሲሳይ አጌናን አገው ሸንጎውን ጌትነት አልማውን፣ ስኳድ ሙላት አድኖን ያበሳጨው ያለምክንያት አይደለም። እነ አያሌው መንበርማ የተማረከው ትግሬ አውቆ ነው የተማረከው። ለምን ጎጃም ይማረካል? ጎጃም ራሱ ወያኔ ነው የሚል ድምፀት ያለው መልእክት ነበር ሲያስተላልፉ የነበረው።

"…የእኔ ጥያቄ የሚመጣው እዚህ ጋር ነው። ይሄ ሁሉ የድሮን ውርጅብኝ በጎጃም ሕዝብ ላይ እየዘነበ ትግል ጠላፊው የተራበው ቀጭን ጅቡ እስክንድር በአባቱ በኩል ጎጃሜ ቢሆንም ወገኖቼ ዐማሮች በድሮን ለምን ይጨፈጨፋሉ ሲል ሰምታችሁታልን? ድሮኗ የእሱን የሥልጣን ተቀናቃኝ ዘመነ ካሤን የምታሳድድለት ስለሆነ እንዲያውም ካለበት ከእንግሊዝ ኤምባሲ ሆኖ ይጸልይ ይሆናል የሚሉም አሉ።

"…ስኳድ ምስጋናው አንዷለም፣ አያሎ መንበር፣ ሙላት አድኖ፣ ሲሳይ አልታሰብ፣ አሊያም ታማኝ በየነ ብቅ ብለው ለጎጃም ሳይሆን ለድሮን ጥቃቶቹ ጥቃት ሁለት መስመር ሲጽፉ አይታችኋል? አላያችሁም።

"…እነ ዮኒ ማኛ በራሱ በወዳጄ በቴዲ ሀዋሳ ቤት ተሰብስበው በዋን አማራዎች በእነ አኪላ፣ በእነ ዘርዓያዕቆብ፣ በእነ ጃል በቀለ ወያ፣ በእነ ጃል ሀብታሙ በሻህ፣ በእነ ጃል፣ አያና በኩል አንድ አስቀያሽ አጀንዳ ፈጥረው በአዲስ አበባ ዘፈን አንዲት ማይም ቲክቶከር አጀንዳ አድርገው ከመጨቃጨቅ በቀር ትንፍሽ ሲሉ አይታችኋል? የለም። ግድንግዱን የድሮን ጭፍጨፋ አጀንዳ ማስቀየሻ ተጠቃቅሰው እርስ በርስ እየተሰዳደቡ አንዱ ሌላውን ፌክ እየከሰሰ፣ እያወገዘ በዘፈን ግጥም ላይ ጥቅሴ ጭቅጭቅ በማስነሳት (ነገ ተስማምተው ሊመጡልህ) አየሩን የሚሞሉት እንዲህ ያለውን ግልፅ የድሮን ሄሊኮፕተር ዘር ጭፍጨፋ ማስቀየሻ መሆኑን ማወቅ ይጠቅማል።

"…አገዛዙ ከሳዑዲ መንግሥትም እየተጠቃቀሰ የአሩሲ እና የጅማ የኦሮሞ እስላሞችን በገፍ እያፈሰ ሴት ወንድ ሳይል እየላከለት፣ እርሱም ከኤርፖርት እየተቀበለ ወደየመጡበት መንደር በመላክ፣ በዚያም ኑሮን መሸከም ሲያቅቸው በወታደርነት እየቀጠረ ወደ ዐማራ ክልል እየላከ እያስፈጃቸው ነው። ገዛዙ ወታደር በገፍ የሚያገኝበት ሕዝብን በማስራብ፣ ኑሮውን ሰማይ በመስቀል፣ ተማሪዎችን በገፍ በመጣል፣ ተስፋ በማስቆረጥ የማይነጥፍ የወታደር መአት እያገኘ ስለሆነ ጦርነቱን እዚያው ዐማራ ክልል ውስጥ እንደ ቶርኔዶ እየተሽከረከሩ በፋኖ እንዲማረኩና እንዲገደሉ እየሠራ ነው። አሁን ፋኖ ወታደሮቹን ማረክን እያለ በመቀለብ ከሚደክም ጦርነቱን ከክልሉ ለማውጣት የመጨረሻው ግብ ቀርጾ መንቀሳቀስ ይኖርበታል። አሁን የሚሰሙ ዜናዎች እንደሚያሳዩት የጎጃም ነጋዴዎች የባንክ ሒሳብ እየተዘጋ ነው። ወረርሽኝ በዐማራ ክልል እንዲስፋፋ እየተደረገ ነው። ዓለሙም ዐማራውን በኦርቶዶክስነቱ የተነሣ እንደ ሩሲያ ነው የሚያየው። አይሰማውም። አያዳምጠውም። ስለዚህ የአቢይ ሠራዊት ጎጃም ላይ ሲርመሰመስ፣ ጎንደርና ሸዋ፣ ወሎም እንቅስቃሴ በማድረግ የአገዛዙን የትኩረት አቅጣጫ መከፋፈል ነበረባቸው። በየተራ አትድቀቁ። ተንቀሳቀሱም። ሞክሩትም።

"…ያ ፌክ ኢትዮጵያኒስት አሁን ሰልፍ አይወጣም። ፀረ ዐማራ ስብስብ ንቅንቅ አይልም። በኖሞር ጊዜ ስለሚታረዱት ዐማሮች ድምፅ በሰልፉ ላይ ያሰሙትን በሙሉ በኦሮምቲቲዋ ብርሃኔ አማካኝነት አፈር ከደቼ ያስበላ፣ ያሳሰረ መንጋ ዛሬ ሰልፍ አይወጣም። ነገር ግን ዐማሮች ከፌክ ኢትዮጵያኒስቶቹ ተለይታችሁ ሰልፍ ጥሩ። ሞክሩ። ሰልፉ ለውጥ ያመጣል ተብሎ ሳይሆን እንዲያውም ፌኩን፣ ፀረ ዐማራውን ኢትዮጵያኒስት ኃይል ሁላ ትለዩበታላችሁ። በርቱ፣ ድፈሩ፣ ሰልፍ ጥሩ።

• በታሪክ የሚሸነፍ መንግሥት እንጂ የሚሸነፍ ሕዝብ የለም። አኬር መገልበጡ እንደሁ ግን አይቀርም።

• ድል ለዐማራ ፋኖ…!
• ድል ለተገፋው ለዐማራ ሕዝብ…!

•••

ሻሎም.! ሰላም.!

ዘመድኩን በቀለ ነኝ.!
አሸበርቲው/አስነቀልቲው
ጥቅምት 6/2017 ዓም
ከራየን ወንዝ ማዶ.!