Telegram-канал zemedkunbekelez - Zemedkun Bekele (ዘመዴ): Unsorted

Zemedkun Bekele (ዘመዴ)

23 Jun 2024 14:27

የሐሙሱ ስብሰባ
የመጨረሻ ክፍል

"…ከጀነራል በላይ ስዩም ቀጥሎ ዋና ሰብሳቢው ትግሬው የወዲ ታደሰ ልጅ አገው ሸንጎው የምርኮኛው ኦሮሞ የብርሃኑ ጁላ ምክትል በዐማራ ስም መድረኩን ተቀበለ።

"…በመጀመሪያ የመከላከያ ተግባር ሕገ መንግሥቱንና ሕገ መንግሥታዊ ሥርዓቱን መጠበቅ ነው በማለት እንደከሱቀደሙ ተናጋሪ እንደ ጄነራል በላይ ስዩም ለወያኔ ሕገ መንግሥት ጥብቅናውን በማሳየት ነው ንግግሩን የጀመረው። በሕገ መንግሥቱ መሠረት በተቀመጠው ሰላማዊ መንገድ እንጂ ሥልጣን የሚያዘው እንዲሁ በጉልበት ማንም ተነሥቶ ሥልጣን መያዝ አይችልም። ይሄን ማድረግ የሚቻለው እኛ በሕይወት ከሌለን ብቻ ነው። በሕይወት እያለን አይሞከረም።

"…አሁን እናንተ ፋኖ እያላችሁ የምትጠሩት፣ የምታወድሱት ለእኛ የሽፍታ፣ የወንበዴ፣ የዘራፊ፣ የቀማኛ ስብስብ ነው። እኛ የምናምነው እንደዚያ ነው። አይ ፋኖ ሽፍታ አይደለም፣ ዘራፊ አይደለም የምትሉ ካላችሁ ደግሞ ልታሳምኑኝ ይገባል። እንተማመን። እናንተ መስመር ቀየራችሁ ትሉናላችሁ። መስመር አልቀየርንም። እንደዚያ አትበሉን። እዚህ ላይ በደንብ እንግባባ። ቆይ እኔ አበባው ነኝ ወይ የክልሉን መንግሥት እግሬ እስኪንቀጠቀጥ ቆሜ የመረጥኩት? ምን አገባኝ። ይሄን ልፍስፍስ መንግሥት ብላችሁ፣ ምራን ብላችሁ ከምትመርጡ ደህና ሰው አትመርጡም ነበር? የእኛ ሥራ በሕገ መንግሥቱ በተሰጠን ሥልጣን መሰረት በድንበር አካባቢና በክልሎች ውስጥ ችግር ሲፈጠር ጣልቃ ገብቶ ሕገ መንግሥቱን ማስከበር ብቻ ነው። እያደረግን ያለነውም እንደዚያ ነው። አንዴ ወደ ጦርነት ከተገባ ደግሞ ጦርነት ጦርነት ነው በቃ። በድሮን ተዋጋ፣ በክላሽ ተዋጋ፣ በሚግ አትዋጋ ብሎ ነገር፣ ብሎ ምርጫም የለም። በተገኘው ነው የምንዋጋው። አለቀ። እንዲያውም ዐማራ ክልል እኮ ታንክ ይዘን አልገባንም። ድሮኑን ተዉት መከላከያ እኮ ከዚያ በላይ አውዳሚ መሣሪያ የታጠቀ ተቋም ነው። ዐማራ ላይ እሱን መች ተጠቀምን? አልተጠቀምንም። ይሄን የምናደርገው እኛ ኃላፊነት ስላለብን፣ ስለሚሰማን ብቻ ነው።

"…እንደ ነገርኳችሁ ፋኖ ሽፍታ ነው። በጉልበት ሕገ መንግሥቱን መቀየርም ሆነ መንግሥት መለወጥ አይቻልም። ሥልጣንን በኃይል መንጠቅም አይቻልም። ከምርጫ ውጪ ሥልጣን ላይ መውጣት አይታሰብም። ፋኖ ሽፍታ ነው። በዚህ መግባባት ላይ መድረስ አለብን። መጀመሪያ ፋኖ ሽፍታ ነው በሚለው እንስማማ። ወያኔ ያሸነፈችው በዘር ነው። የወያኔ ጀነራሎች ዘረኞች ስለሆኑ ወያኔ ስታኮርፍ ከያሉበት ተነሥተው ሄደው ትግራይ ገብተው ተወሽቀው ተዋግተው አሁን ላሉበት በቅተዋልና እኛም ልክ እንደ ወያኔ ባህርዳር ግቡ ነው የምትሉን? አንተም እንደ ወያኔ ዘረኛ ሁን ነው የምትሉኝ? አላደርገውም። እኔ የኢትዮጵያ ጀነራል ነኝ። እናንተ ስታሳድጉኝም ዘረኛ አድርጋችሁ አይደለም ያሳደጋችሁኝ። እኔን ያሳደጋችሁኝ ኢትዮጵያዊ አድርጋችሁ ነው። ስለዚህ ከኢትዮጵያዊነት ወርጄ እንደ ወያኔ ዘረኛ አልሆንም። ወደ ባሕርዳርም አልሄድም። የማስፈጽመውም ተልእኮ በብሔሬ ሳይሆን በተቋሜ ነው።

"…የዐማራ ምሁራን ያላቸው ባዶ ፉከራ ብቻ ነው። በዚህ ባዶ ፉከራውም ራሱን እያዋረደ ነው። (ትግሬው አበባው ነው እኮ እንዲህ የሚለው) በቁጥር ብዙ ነን እያሉ መፎከር መፍትሄ አያመጣም። መደረጃት ነው መፍትሄ የሚያመጣው። እኛ የዐማራ ክልል ፖለቲከኞችን ደጋግመን መክረናቸው ነበር። አይሰሙም። ከዚህ በላይ የዐማራ ልዩ ኃይል አታሰልጥኑ ብለን መክረናቸው ነበር። በየወረዳው፣ በየቀበሌው ፋኖ እያላችሁ አታሰልጥኑ፣ አታስታጥቁ፣ በኋላ ይኼው ያለልክ የተንከባከባችሁት መልሶ ይዞርባችኋል፣ ይበላችኋል ብለን ብንነግራቸው እምቢ ብለውን ይኸው ያልነው አልቀረም በሏቸው። ፖለቲከኛው በሙሉ አሁን እኛ ስር ተጠልሎ ነው የሚንቀሳቀሰው።

"…እኛ እኮ እናውቃለን። አሁን ፋኖ ነኝ የሚለው ሽፍታ ሰነዱ የሚያሳየው 4 ኪሎ መግባት ነው ነው የሚለው። አራት ኪሎ በዚህ መልኩ በጉልበት መግባት ግን አይቻልም። ማንም ይሁን ማን የፈለገ ደካማ መንግሥት ቢሆን 4 ኪሎ መግባት የሚችለው ሕዝብ በድምፁ የመረጠው መንግሥት ብቻ ነው። ሕዝብ የመረጠው ከሆነ ንፍጣም መንግሥት ቢሆን እንኳ ንፍጣሙን የመረጠው ሕዝብ ስለሆነ ንፍጣሙን መንግሥት መቀበል ግድ ነው። እናንተ በደንብ ተረዱ። የፋኖ አካሄድ ከማንም ጋር አያኖርም። ፕሮፓጋንዳው ሁሉ አደገኛ ነው። ዐማራ አንደኛ ስለሆነ ሁሉንም በለው ነው የሚለው። ዐማራ ኦርቶዶክስ ደሴት ናት እያለ የሃይማኖት ችግር እንዲፈጠር የሚያደርግ ነው።

"…ፋኖ የምትመለምሉ፣ ፋኖ የምትረዱ፣ የምትደግፉ ተጠንቀቁ። ለፋኖ ንገሩ። አራት ኪሎ እገባለሁ የሚለው ምኞት እንደማይሳካም ንገሩት ብሎ አረፈው። አበባው በጠዋቱ ስብሰባ ወቅት በአራቱም አቅጣጫ ካለው ፋኖ ጋር ተደዋውለን "ሕዝቡ ምን እንደሚል ሰብስባችሁ ጠይቁና ንገሩን" ስላለን ነው የሰበሰብናችሁ። ስለዚህ እናንተ ለፋኖ በዚህ መንገድ 4 ኪሎ እንደማይገባ ንገሩት ብሎ አረፈው። እናንተ ከፋኖ ጋር የምትደዋወሉ ከሆነ እናንተው ንገሩት እንጂ እኛማ በየትኛው ኔትወርክ ደውለን እንነግረዋለን ያለ ግን አልነበረም።

"…ትግሬው አበባው ታደሰ ቀጠለ…ቅድም ፋኖን 99% ደምስሰን አጥፍተነዋል ብሎ ከተቦተረፈ በኋላ እዚያው መድረኩ ላይ ጠረጴዛው ላይ የተኛውውን ሸንጎ ወንድሙን ጀነራል በላይ ስዩምን የጎሪጥ እያየ። ፋኖ ማለት የመረጃ መዋቅር አለው። የፕሮፓጋንዳ አደረጃጀት አለው። የፋይናንስ ምንጭ አለው። የስለላ አቅምም ፈጥሯል። በጊዜ መላ ካላበጀንለት እንደሀገር ለመቀጠል እንኳ ፈተናውን ያከብደዋል። ይሄ ብቻ አይደለም። ፋኖ በአደረጃጀቱ "ኢትዮጵያ የኦርቶዶክስ ደሴት ናት ብሎ የተነሣና ሌሎችን ያገለለ ነው። ይሄም ሌላው አደጋ ነው ማለት ሲጀምር ተሰብሳቢው በአንድ ድምጽ በጭብጨባ ቀውጦ አስቆመው። የፈለገህን ቀባጥር በሃይማኖት አትግባ ነው መልእክቱ የሕዝቡ ጭብጨባ። አበባው መልሶ እንደማማጥ፣ እንደማመጥ አለ። ፋኖ እኮ ከመንግሥት ጋር የሚጠጋጋ ባለሀብት በክልሉ እንዳይሠራ እየተደረገ ነው። ስለዚህ ይሄ ነገር ለዐማራ ሕዝብ ከባድ ነው። እንደማመጥ።

"…እኔ የታጠቁ ኃይሎችን በ4 ነው የምከፍላቸው። አንደኛው ሽፍታ ነው። ሽፍታ የነበሩ፣ ነፍሰ ገዳይ የነበሩ፣ በጎንደር አካባቢ ሀገር ያስለቀሱ፣ በሽፋ፣ በዳንሻ፣ በወገራ፣ ዳባት አካባቢ እስቲ ሕዝቡን ሄዳችሁ ጠይቁት፣ እነዚህን አሁን የፋኖ መሪዎች የተባሉትን ቢያገኛቸው በቤንዚል ነው አቃጥለን ጠብሰን የምንገላቸው የሚለው። ማንም አይፈልጋቸውም። የሽፍታ አለቃ ያለውን በስም ሳይጠቅስ ቀጠለ። ቀጠለናም እንዲህ አለ። "…የክልሉ መንግሥት ይሄንን ሰውዬ ከሽፍትነት ጫካው አምጥቶ ሸለመው። ፖሊስ ስለገደለ። መከላከያ ስለገደለ። ሕዝብ ዘርፎ ስለገደለ ሸለመው። እኛ ግን አታድርጉ ብለናቸው ነበር። ማንይስማን? ይኸው ዛሬ ራሳቸው ላይ መጣ። አሁንም ይሄ ሽፍታ ዛሬ እንኳ ካለበት አካባቢ እዚያው ጎንደር ሌላ ስፍራ ቢሄድ ሰንበሌጥ አዘጋጅቶ ሊያቃጥለው ነው የሚፈልገው። እናም እኛ አሁን እናንተን የምንለምነው ሕዝቡ ያንን ሽፍታ ቢገድለው ሌላ ትርምስ ስለሚፈጠር ነው ነገሩ በእርቅ ይፈታ እያል ያለነው።

"…ሁለተኛው የታጠቀ ኃይል ሚሊሻውን እና ልዩ ኃይሉን አባብለው የወሰዱት ናቸው አለ። እነዚህ የታጠቁ ኃይሎች የአመፅ አድማሱን አሰፉት። በተለይ የልዩ ኃይል የነበሩት የውጊያ ልምድም ስላላቸው ከጦርነቱም በላይ መንገድ እየዘጉ ለመከላከያው ስንቅና ትጥቅ እንዳይደርስ በማድረግ ራሳቸውን በራሳችን በሀገር ሀብት አደራጅተው👇 ከታች ይቀጥላል✍✍✍