Telegram-канал zemedkunbekelez - Zemedkun Bekele (ዘመዴ): Unsorted

Zemedkun Bekele (ዘመዴ)

09 May 2024 14:32

"ርዕሰ አንቀጽ"

"…ወልቃይትን በተመለከተ መከላከያ ሠራዊቱ አካባቢውን ሙሉ በሙሉ ተቆጣጥሮታል የሚለውን የወያኔና የኦነግ አክቲቪስቶችን ሰበር ዜና ከሰሙ በኋላ ቀደም ሲል ለተነሣባቸው የዶላር ብክነት፣ የትግል መጥለፍ፣ የሸውከኝነት ጥያቄ መሸፈኛ ይሆናቸው ዘንድ አጀንዳ ለማስቀየስ ከትናንት ጀምሮ የግንቦት ሰባት እና የግንባሩ፣ የሠራዊቱም ሰዎች አዲስ ነጠላ ዜማ መልቀቅ ጀምረዋል። "ዘመድኩን አዲስ አጀንዳ አምጥቶ እኛ በእሱ ስንጨቃጨቅ ብልጽግና ወልቃይትን ለወያኔ አሳልፎ ሰጠ። መከላከያም አካባቢውን ተቆጣጠረ።" በማለት ለወልቃይት በመከላከያ ስር መውደቅ እኔን ተጠያቂ በማድረግ ራሱን በራሱ ሲያረካ የሚውል ጎጋ መንጋ ደጋፊአቸውን በቲክቶክ መድረክ ሰብስበው፣ ነጠላ ዘቅዝቀው፣ ደረታቸውን እየደቁ፣ ፊታቸውን እየነጩ ዋይ ዋይ ሲሉም ይታያሉ። ዥልጥ ሁላ…

"…እነዚህ ጆፌ አሞሮች፣ የጥንብ አንሣ ፖለቲከኞች አዙሮ የሚያይ አንገት፣ የሚመረምር አዕምሮ አልታደሉም። ከዶላር ስብሰባ፣ በዩቲዩብ፣ በቴሌግራም፣ በፌስቡክና በቲክቶክ ቀደዳ ላይ ሽንጣቸውን ይዘው የሀገሪቱ ቦለጢቃ እንደገባው ሰው አክት እያደረጉ ከመንበጫበጭ በቀር ትናንት እየሆነ ስለነበረው፣ ዛሬም እየሆነም ስላለው፣ ነገም ምን ሊከሰት እንደሚችል የመመርመር ፀጋና እውቀት የተቸራቸውም አይደሉም። ቲክቶከር ሲበዛ ጎመን ጠነዛ አለ አጎቴ ሌኒን። ከምር እውነቱን እኮ ነው። ተሰብስቦ መቀደድ፣ መንደቅደቅ ብቻ።

"…ለማንኛውም እውቀት አልባ ኔፓ የግንባሩና የግንቦቱ ቲክቶከሮች ልታውቁ የሚገባው ድሮም ቢሆን በወልቃይት የነበረ ፋኖ አልነበረም። ከወልቃይት የወጣም የገባም መከላከያ የለም። ኮሎኔል ደመቀ ዘውዱ ራሱ የአቢይ አሕመድ ብልፅግና አባል፣ ፀረ ፋኖ፣ የፋኖን ትግል ተቃዋሚ፣ ፋኖ እንዴት መከላከያ ላይ ይተኮሳል ባይ የሆነ ሰው እኮ ነው። ደመቀ የዐማራ ፋኖ አሳዳጅ፣ በብልፅግና በጀት የተከዜ ዘብ የሚል ሚልሻ አሰልጥኖ መከላከያን አጋዥ አድርጎ የሚንቀሳቀስ፣ ትግሬዎቹ የእኛ ዘመድ ነው ብለው የሚኮሩበት፣ የጎንደር ፋኖዎችን ወልቃይት እንዳይደርሱ ያደረገ፣ ከአብን ሰዎች ጋር በወልቃይት መሬት ንግድ፣ ከብአዴን ጋር የሰሊጥ ንግድ ላይ የከረመ ሰው ነው። እና በወልቃይት ያለው፣ የነበረው ብልጽግና ከሆነ፣ መከላከያመም ከሆነ በምን ሎጂክ ነው መከላከያ ወልቃይትን ተቆጣጠረ ተብሎ ዜና የሚሠራው? እኔ አልገብቶኝም?

"…ይሄ ቀን እንደሚመጣ መናገሬን፣ መጮሄን ወደ ኋላ ልጥፎቼን ዞር፣ ዞር ብሎ ማየት መመልከት እኮ ነው። ኮሎኔሉ በራያ ጉዳይ፣ በመተከል እና በደራ ጉዳይ አይመለከተኝም። ብልፅግናን አስቀይመን ወልቃይትን ማጣት የለብንም በማለት ለኦሮሙማው ሲገረድ ኧረ ተዉ ስንል "ጀግናችንን አትንካብን" ብለህ እዬዬ ያልክብኝን ረሳኸው እንዴ? ለዐማራ አቢዮት ጉልህ ድርሻና አስተዋጽኦ እንዳለው በድፍረት እንደመሰከርኩለት ሁሉ ደግሞ አሳምነው ጽጌን ሲቃወም እና ሲሰድበው፣ በዐማራ ርስቶች ላይ ቸልተኝነት፣ አለመተባበርን ሲያሳይ፣ ጎንደሬዎችን ራሱ ከወልቃይት አርቆ ከኤርትራውያንና ከአብን፣ ከብአዴን ሰዎችም ጋር ሽር ብትን ሲል፣ ከግንቦቴዎች ጋር ሲሞዳሞድ ጥቂቶች ኧረ ይሄ ነገር ስንል ጮጋ ያልሽ ሁላ ዛሬ የምን ድንገት መጥቶ ዋይ ዋይ ማለት ነው። በዚህ ሁላ የዐማራ ፋኖ ትግል፣ በጎጃም፣ በሸዋ፣ በወሎ እና በራሱ በጎንደር ፋኖ የሞት ሽረት ትግል ሲያደርግ ኮሎኔሉ ምን ዓይነት አስተዋጽኦ ለትግሉ አደረገ? ነፍሱን ከአግአዚ ጦር ያዳነው የጎንደር ህዝብ በብልፅግና ጦር ሲቀጠቀጥ ኮሎኔሉ ምን ተነፈሰ? አሁንስ ቢሆን ከራያ በኋላ አደጋው ለወልቃይት ነው ሲባል ምን አለ? ንገረኛ…!

"…ነገርኩህ። እስከአሁን ወልቃይትን ሲያስተዳድር የነበረው ብልፅግና ነው። ወልቃይት ይጠበቅ የነበረው በመከላከያ ሠራዊት ነው። መከላከያ ነው ወልቃይትን በቁጥጥሩ ስር አድርጎ ሲመራ የነበረው። የዐማራ ፋኖ ስለ ወልቃይት እንዲያወራ፣ እንዲቆጭ እንጂ ኮሎኔሉ የትኛውን የፋኖ አመራር ወደ ራሱ አቅርቦ አብሮ ሲሠራ ታይቶ ነው? ለማንኛውም የማይነጋ መስሏት በቋት ውስጥ… ይባል የለ? አዎ እንዴዢያ ነው። መንጋቱ አይቀር። ቀኑ እንደሁ መድረሱ አይቀር። የእነ ኮሎኔል ደመቀም፣ የብአዴንም፣ የአብንም፣ የሰሊጥ ነጋዴው ሁላ አሰለጠኑ የተባሉትን የተከዜ ዘብ ወታደር ይዘው የሚፈጥሩትን አብሮ ማየት ነው።

"…ደግሞስ ስለ ዐማራ ፋኖ ተጋድሎ ዝም ጭጭ ብለው የከረሙት ግገ ሁላ አሁን ወልቃይት ተያዘ፣ ተከበበ ሲባል እንደ ግሪሳ ወፍ ግርርር ብለው መጥተው፣ ከጥንብ አንሳ ፖለቲከኞቹ፣ ከጆፌ አሞሮቹ ጋር ሆነው የምን እንጀፍ፣ እንጀፍ ማለት ነው? ይልቅ ለዐማራ የምመክረው ግንባሩ፣ ሠራዊቱ የሚለውን ገተት ተወውና የዐማራ ፋኖ በጎንደር፣ በጎጃም፣ በወሎና በሸዋ ላይ ወጥረህ ሥራ። ገንዘቡ ለፋኖ እንዳይሄድ ግድብ የሆኑትን እነ የትግሬ ሚስት ያውም ጁንታ አቅፈው የሚተኙትን የዶላር ቀበኞች አስወግድ። እንደ ሀብታሙ አያሌው፣ እንደ አበበ በለው ያሉትን የዐማራ ፋኖ ማኒፌስቶ አዘጋጆችን አደብ አስይዝ። አደብ አስገዛ። ገንዘብ ከእነ GGጂጂግግ እጅ ፈልቅቀህ አውጣ። አውጣና ለፋኖዎቹ ለራሳቸው አድርስ።

"…ዶላር፣ ፓውንድን እንደ ወንዝ ውኃ እንቁጠረው። ፋኖን ደግሞ እንደ ችግኝ። እና የገንዘብ እርዳታው ለፋኖ አስፈላጊው ነው እንበል። ነገር ግን ውኃ ዶላሩ፣ ችግኝ ፋኖው ጋር ሳይደርስ GGጂጂግግ የሚባል ግድብ መሃል ላይ ተሰንቅሮ ገጭ አለ። እናም ውኃ ዶላሩ ለፋኖ ችግኙ ሳይደር ቀረ። የፋኖ ችግኙ እጣ ፈንታ ምንድነው የሚሆነው? መድረቅ፣ መጠውለግ፣ መኮስመን፣ መክሰም። ይሄ የወያኔ ሴራ ነው። ምክንያቱም ገንዘብ ፋኖ ጋር እንዳይደርስ በማድረግ ፋኖን ማዳከም። የራስን ኪስ ማደለብ። አንድ ዶክተር፣ ኢንጅነር የማይበላውን እየበሉ ፋኖን ማበጣበጥ። ዶላሩ ለፋኖ እኮ የግድ አይደለም። ዝናብ አለ። ከሰማይ የሚወርድ፣ የእግዚአብሔር ዝናብ። ፋኖም እስከአሁን ገትሮ የያዘው በፈጣሪ ዝናብ ነው። በተአምራቱ። እኔ እንዲህ ነው የማምነው። እኔ የችግሩን ህብለ ሰረሰር በድፍረት ነክቼዋለሁ። የእነ GGጂጂግግም ሆነ የእነ TGቲጂትግ መንጫጫት ጉዳዬ አይደለም። ኬረዳሽ ነኝ። አይመለከተኝም። አያገባኝም። ጫጫታው ግን አስቂኝ ነው። አብደዋል፣ ጨርቃቸውን ጥለዋል አይገልጻቸውም።

"…የወልቃይትን ጉዳይ ስዘጋው ሌላ አዲስ ስጋቴን በድፍረት በማፈንዳት እወዳለሁ። ይኸውም ምንድነው ያላችሁኝ እንደሁ የእነ እስክንድር ሠራዊቱ የሚባለው አካል ለተነሡ ለጥያቄዎች በጊዜ መልስ ይስጥ። ያለ በለዚያ ተወደደም ተጠላም ጎጃምም፣ ጎንደርም፣ ሸዋም፣ ወሎም በማያባራ የእርስ በእርስ የደም መቀባባት ውስጥ ይገባሉ። እኔ የምነግራችሁ መሬት ላይ ያለውን ሀቅ ነው። ይሄ ነገር ከፈነዳ በቅድሚያ ሓላፊነቱን የሚወስደው አቶ ሀብታሙ አያሌው ነው። ቀጥሎ አበበ በለው። ተናግሬአላሁ። እነዚህ ሰዎች በአስቸኳይ ከዐማራ ፋኖ ትግል እጃቸውን ያንሡ። አንዴ ወያኔ የሆነ ወያኔ ሆኖ ነው የሚቀረው። አንዴ ኢህአዴግ ሆኖ የነበረ ሰው በምንም ተአምር ብአዴንነቱ፣ ኢህአዴግነቱ ፈጽሞ በቶሎ አይለቀውም። እናም የበግ ለምድ የለበሱ አስመሳዮች በጊዜ ከፋኖ የውስጥ ፍትፈታ ዘወር ይበሉ። አልያ ምን አለ በሉኝ ሀገር ደም እንባ ነው የሚያነባው። የሌሎቹ ይቆየን ጎጃም ላይ ግን መለኮት ጣልቃ ካልገባ በቀር፣ ጎጃም ብልህ ስለሆነ ተነጋግሮ በጊዜ ችግሩን ካልፈታ የሚፈጠረውን በቅርብ ጠብቁ። ተናግሬአለሁ…! ተናግሬም ያልተፈጸመ ስጋቴን ቆጥራችሁ ንገሩኝ። ለቲክቶክ መወያያ ይሄ ይበቃችኋል።…👇 ከታች ይቀጥላል…✍✍✍