Zemedkun Bekele (ዘመዴ)

29 Apr 2024 11:02

መልካም…

"…እንደተለመደው ዛሬም 1ሺ ሰዎች በአደባባይ በዓለሙ ሁሉ ፊት፣ ሳይፈሩ፣ ሳይኮሩ፣ ሳያፍሩ፣ ሳይሸማቀቁ በደስታ፣ በሐሴት እግዚአብሔርን አመስግነዋል። እግዚአብሔር ይመስገን።

"…ከምስጋና በኋላ ያው እንደተለመደው በቀጥታ የምንሄደው ወደ ተናፋቂዋ ነጭ ነጯን ወደምናነብበት ተወዳጇ፣ እንደ ኮሶ፣ እንደመተሬ፣ እንደ እንቆቆ እየመረረች ገብታ ወደ ምታሽረው፣ ቃሪያ በሚጥሚጣ ወደ ሆነችው ርዕሰ አንቀጻችን ነው?

"…የዛሬው ርዕሰ አንቀጻችን “…እግዚአብሔርም ቃየንን አለው፦ ለምን ተናደድህ? ለምንስ ፊትህ ጠቆረ?” ዘፍ 4፥6 በሚል የመጽሐፍ ቅዱስ ኃይለቃል መነሻነት ይሆናል።

"…በጎንደሮች፣ በጎጃሞች፣ በወሎዬዎቹ ቤተ ዐምሓራ ዎቹ አንድ መሆን እስከአሁን በፌስቡካቸውም፣ በሚታወቁበት ሰበር ዜናቸውም እንዳልዘገቡት ሳይ፣ ጭራሽ እለታዊ የቴሌቭዥንም ሆነ የዩቲዩብ መርሀ ግብራቸውን አቋርጠው ፍራሽ አንጥፈው፣ ነጠላ ዘቅዝቀው ኀዘን መቀመጣቸውን ሳይ ጊዜ ቀኝ ትከሻዬን ቢሸክከኝ ጊዜና ያዘጋጀኋት ርዕሰ አንቀጽ ናት። ካላመናችሁኝ በየደጃፋቸው ተንከራተቱ። እስከአሁን ወፍ የለም።

"…ዛሬ ጌታ ቤተ መቅደሱን ከሻጭ፣ ከለዋጭ ነጋዴዎች የለየበት፣ በጅራፍ ገርፎ ያባረረበት ዕለት ነው። ከዐማራ እንዲሁ በስሙ ነጋዴው የተገረፈበት እለት ነው። ዛሬ ጌታ በለሷን አይቶ ፍሬ ባለማፍራቷ የረገመበት እለት ነው። የዐማራም ጉዳይ እንደዚሁ። ፍሬ ያላፈሩ ዛፍ መሳይ ቅጠሎች የሚረገሙበት እለት ነው። ዐማራም ኢትዮጵያም ይነሣሉ። ትንሣኤ ከፊት ነው። እነ ይሁዳ ከነሰበሰቡት ፈረንካ ይሰቀላሉ። አልቅሰው የሚመለሱ ጴጥሮሶችም ይጠበቃሉ።

"…ሃኣ…? ልጽፈው ነኝ…

Zemedkun Bekele (ዘመዴ)

28 Apr 2024 19:27

አላችሁ አይደል…?

"…ነጭ ነጯን ከዘመዴ ጋር

• ጀምረናል ገባ ገባ በሉማ

"…ሻሎም !  ሰላም !

Zemedkun Bekele (ዘመዴ)

28 Apr 2024 17:56

"…ሁለቱም የጦር መሪዎች አነጋግረውኛል። የምሥራች ዜናውንም ለዓለም ሁሉ ንገርና አድርስም ብለውኛል። ለዐማሮችም መልእክት አላቸው።

"…በኢትዮጵያ ሰዓት አቆጣጠር ዛሬ ምሽት ሁለት ሰዓት ላይ በጉጉት በምትጠብቁትና ዘወትር ሳምንት እሁድ እሁድ በመረጃ ተለቭዥን በሚቀርበው "ነጭ ነጯን ከዘመዴ ጋር" በተሰኘው መርሀ ግብሬ ላይ ድምጻቸውንም፣ መልእክታቸውን አሰማችኋለሁ። የምሥራቹንም አበሥራችኋለሁ።

"…ሳስበው፣ ሳስበው የኢትዮጵያንም ትንሣኤ በዚህ መልኩ የማበሥራችሁ ነው የሚመስለኝ። በድጋሚ እንኳን ደስስ አላችሁ…!

• ሸዋ ሰምተሃል…!

Zemedkun Bekele (ዘመዴ)

28 Apr 2024 16:39

"…በኦሮሚያ እየሰለጠኑ ከሚገኙት ልዩ ኮማንዶዎች ብዛትና ጥራት የተነሣ መጪው ክረምት ለዐማራ ፋኖ እጅግ ሳይከብደው አይቀርም የሚሉ መተርጉማን አሉ።

• ፋኖ ሆይ ምን ተሻለህ…? ወይ በጊዜ እጅ ትሰጥ ይሆን…? 🙏🙏🙏

Zemedkun Bekele (ዘመዴ)

28 Apr 2024 14:29

መልካም… እሺ የዛሬውን የእኔ የአህያው የዘመዴን ርዕሰ አንቀጽ እንዴት አገኛችሁት…?

"…ከቆይታ በኋላ የዛሬው የመረጃ ተለቭዥን መርሀ ግብራችን እስኪ ጀምር ድረስ የልብ የልባችንን እያወጋን እንቆያለን።

Zemedkun Bekele (ዘመዴ)

28 Apr 2024 12:56

"…ርዕሰ አንቀጽ"

• አህያ…!

"… ዛሬ የሆሣዕና በዓል ነው። ታስረው የነበሩና በጌታ መፈታት ስለሆነላቸው አህዮች በዓለሙ ሁሉ የሚሰበክበትም ዕለት ነው። በሰልፍና በጦርነት በክብርም ዘወትር በአደባባይ የሚታዩት ፈረሶች ያልተመረጡበት። ኢየሩሳሌም ለመግባት መንገድ የጀመረው ጌታ ለጉዞው አህዮችን የመረጠበት ዕለትም ነው ዛሬ።

"… ሳያቀምሷት ለአህያ ማር አይጥማትም እያሉ ሰዎች የሚያሟት አህያ መሃሪውን ጌታ የተሸከመችበት፣ ከእናቱ ከቅድስት ድንግል ማርያም ከእመቤታችን ቀጥሎ ጌታን በጀርባዋ ለመሸከም ልዩ ዕድል እና ፀጋን ያገኘችበት፣ ሐዋርያት ልብሳቸውን እያነጠፉ ሕዝቡም ሁሉ ዘንባባ እየነሰነሱ እስከ ኢየሩሳሌም ድረስ እየዘመሩ በደስታ በዝማሬም ታጅባ የከበረችበት ዕለት ነው አህያ…

"… አህዮቹ በሌባ ተሰርቀው በመንደር በድብቅ የታሰሩ ነበሩና ይህን የሚያውቅ ጌታ ከእሱ በተላኩ ሐዋርያት ከእስራታቸው ተፈተው ጌታን ለመሸከም የተመረጡበትም ዕለት ነው የዛሬው እለት። በድሆች መንደር በቤተ ፋጌ የሆነውም ይሄው ነው። በልደቱ እለት በዚያ በብርድ ወራት በቤተልሄም ከተማ በከብቶች በረት እርሱ አምላካቸው መሆኑን አውቀው በእስትንፋሳቸው ያሞቁትን አህዮች ውለታ ከፋዩ ጌታ ቀን ጠብቆ ዘመን ቆጥሮ፣ ሲመሽ ወደ ማታ ዛሬ ብድራታቸውን ከፈለ። በበረት ውስጥ የገበሩለትን እስትንፋስ በአደባባይ አክብሮ አስከብሮ መለሰላቸው። ለአህዮች። 

"… ጌታ ሲወለድ ከሰዎቹ ቀድመው አህዮቹ ናቸው ያወቁት። ከሰብዓሰገል ወርቅ ዕጣን ከርቤ በፊት እስትንፋሳቸውንም የገበሩለትም አህዮቹ ናቸው። በስደት ዘመኑም አህያ አልተለየችውም። ከእስራኤል እስከ ኢትዮጵያና ግብጽ ድረስ አብራው ደክማለች አህያ። የሚገርመው በመላው ዓለም ላይ የሚገኙ አህዮች ከጀርባቸው ላይ የመስቀል ምልክት መኖሩ ነው። መስቀል ደግሞ መከራ ነው። እንደ አህያ በዚህ ምድር መከራንና ፍዳን የሚቀበል ማን አለ? አህያ ከጀርባዋ የተሣለላት መስቀል የማያስችለው የለምና መከራን እንድትታገስ አድርጓት ቢሆንስ? ባለቤቷ እስላም ይሁን ክርስቲያን፣ ሂንዱ ይሁን ቡድሀ፣ አይሁድ ይሁን ኢ አማኒ ብቻ አህያው ከጀርባዋ መስቀል አላት። መስቀል።

"… ቤተ ፋጌ አህዮቹ ተሰርቀው እና ታስረው የተገኙበት የድሆች መኖሪያ መንደር ናት። በድሆቹ መንደር በሌቦች ታስረው የነበሩ አህዮች የነበሩበትን የድሆች መንደር ነው ጌታ የወደደው። ሐዋርያቱን ሂዱና በሌባ ተሰርቀው ታስረው የሚገኙትን አህዮች ፈታችሁ አምጡልኝ ብሎ አዝዞ አህዮቹን ከእስራታቸው አስፈትቶ አምጥቶ ሳያስቡት ክቡር የሆነው ጌታ አክብሮ አስከበራቸው።

"… ቤተ ፋጌ ለእየሩሳሌም በጣም ቅርብ ናት፡፡ የተመሳቀለ መንገድ ላይ የምትገኝም መንደርም ናት። እዚህ መስቀለኛ መንገድ ላይ ቆሞ ነው መስቀል ላይ ወደሚውልባት ኢየሩሳሌም ይወስዱት ዘንድ አህዮቹን የመረጠው። ብዙ ያልታሰሩ በሜዳው የሞሉ አህዮች ቢኖሩም ጌታ የመረጠው ግን በሌባ ተሰርቀው በድብቅ ተሸሽገው የነበሩትን አህዮችን ነበር።

"… ጌታ ሐዋርያቱን ሲልካቸው እንዲህም ብሏቸው ነበር። የታሰረ አህያ ፈትታችሁ ይዛችሁ ስትመጡ "ምን ታደርጋላችሁ? የሚላችሁ ሰው ቢኖር "ጌታቸው ይሻቸዋል" በሉአቸው ነበር ያላቸው። ደግሞ ሌባ የሰረቀው አህያ ሁለት ብርቱ መጥቶ ሲፈታቸው እንደ ባለቤት አይንጫጫም። ሌባ ነውና ጣጣ ቢያመጣበትስ? ዝም፣ ጭጭ ከማለት ውጪ ምን አፍ ይኖረዋል? ምንም።

"…ሐዋርያቱም እንደታዘዙት አደረጉለት። አህያዋንና የአህያዋን ውርንጫም አመጡለት። ከአህያዋ ጀርባም ሐዋርያቱ ልብሳቸውን አነጠፉለት። አህያ ዓለሟን አየች። የዘመናት መጨቆን፣ የዘመናት መወገር ለአንድ ቀንም ቢሆን ቀረላት። የሐዋርያትን ልብስ ለበሰች። ታድላ። በሐዋርያት ልብስ ላይ ጌታ ተቀመጠ። ታድላ።  ሕዝብና ሐዋርያቱ ዘንባባና ልብሳቸውን አነጠፉ። ለጌታ ቢሆንም አህያዋም ጌታን ተሸክማለችና በሐዋርያቱ ልብስ ላይ እየተረማደች እስከ ኢየሩሳሌም ድረስ ተጓዘች። የዚያን ቀን የመታት፣ የሰደባት አልነበረም። ታድላ።

"…በዚህ ዕለት ፈረስም፣ ኮርቻም አልተመረጡም። ፈረስም ጦረኛ ነው። ኮርቻም ይቆረቁራል። ሁለቱም አልተመረጡም። ለስላሳ ሕግ ሊሠራልን እንደወደደ በኮርቻ ፈንታ ሐዋርያት ልብሳቸውን አነጠፉለት። አንተ ለስላሳ የፍቅር አባት ነህ ሲሉ ነው እንዲህ ማድረጋቸው፡፡ ለስላሳ ሕግ የተባለው ደግሞ ሕገ ወንጌል ነው። ወንጌል ፍቅር ናት። የሚረግማችሁን መርቁ ትላለችና፡፡ ልብስ የሰውነት ነውር እንዲሸፍን አንተም ነውር ኃጢአታችንን፣ በደል አበሳችንን የምትሸፍንልን አምላክ ነህ ሲሉ ልብሳቸውን አነጠፉለት። እወነትም ነውራችንን የሚሸፍንልን እሱ ነው፡፡

"…እንደ ሊቃውንቱ አስተምህሮ ጌታችን በሁለቱ አህዮች በአንድጊዜ በጥበብ ነው የተቀመጠው። በሰው ዘንድ የማይቻል በእግዚአብሔር ዘንድ ግን የሚቻል ጥበበኛ፣ ሁሉን የሚችል አባት በመሆኑ እንዲያ አደረገ። አንድም ወንጌልን ኦሪት እና ሀዲስን ሁለቱ ኪዳናት አስታርቆ እና አስማምቶ አንዱ አንዱን እየመገበ እንዲሄድ አድርጓልና በሁለቱም ተቀመጠ።

"…አንቺ የጽዮን ልጅ ሆይ፥ እጅግ ደስ ይበልሽ፤ አንቺ የኢየሩሳሌም ልጅ ሆይ፥ እልል በዪ፤ እነሆ፥ ንጉሥሽ ጻድቅና አዳኝ ነው፤ ትሑትም ሆኖ በአህያም፥ በአህያይቱ ግልገል በውርጫይቱ ላይ ተቀምጦ ወደ አንቺ ይመጣል።” ዘካ 9፥9 የሚለውም የነቢዩ ትንቢት ፍጻሜውን ማግኘት ስለነበረበት በአህያ ላይ መቀመጡ ግድ ነበር።

"… በበረት እንደተወለደ በአህያም ላይ ተቀምጦ ትህትናን አስተማረን። ፈረስ የጦር ምልክት ነው። መጪው የሰላም ዘመን ነው ሲል በአህያ ተቀመጠ። ፈረስ ሯጭ ነው። ሽምጥ ይጋለበብበታል። የበረታ ብቻ ነው ፈረሰኛ ላይ የሚደርሰው። እሱ ግን ለፈለጉኝ ሁሉ የቅርብ አምላክ ነኝ ሲል በንጽህና እና በየዋህነት ለሚኖሩ መእመናን አድሬባቸው እኖራለሁ ሲል ረጋ ብላ በምትጓዘው አህያ ላይ ተቀመጦ መሄድን መረጠ። ምክንያቱም አህዮች ትሁታን ናቸው። ረጋ ብለው ነው የሚሄዱት። አይሮጡም። በቀላሉም ይወጣባቸዋል። በቀላሉም ይያዛሉ። እንደፈለግንም እናዝዛቸዋለን። እኛስ? በቀላሉ ለጌታ እንታዘዛለን?

"…ትልቋ አህያ የኦሪት ምሳሌ ናት። ትልቅዋ አህያ ሸክም የለመደች ናት። ሕገ ኦሪትም የተለመደች ሕግ ናትና፡፡ በትልቋ አህያ ተቀመጠ። ትልቋ አህያ የእስራኤል ምሳሌም ናት። ትልቅዋ አህያ ሸክም እንደለመደች ሁሉ እስራኤልም ሕግ ለመፈጸም በሕግ ለመራመድ የለመዱ ናቸውና፡፡ ትልቋ አህያ የአዳም ምሳሌ ናት። አባታችን አዳም ሸክም የበዛበት ነበር ሸክሙን ሊያራግፍለት። ከዲያብሎስ ከሠራቂ ሌባው ነፃ ሊያወጣው እንደመጣ ሊያጠይቅ በትልቋ አህያ ተቀመጠ።

"…ውርጭላዋ በሕገ ወንጌል ትመሰላለች። ምክንያቱም ወንጌል ኢየሱስ ክርስቶስ የመሰረታት እና የሠራት አዲሲቱ ሕግ ናትና፡፡ ውርንጫይቱ በአህዛብም ትመሰላለች። ምክንያቱም ትንሽዋ አህያ ሸክም የለመደች እንዳይደለች ሁሉ እንዲሁም አህዛብም ሕግን የመቀበል የለመዱ አይደሉም፡፡ ለሕጉም አዲስ ናቸውና፡፡ ውርንጭላይቱ የእመቤታችንም ምሳሌ ናት። የዓለምን ሸክም ለማቅለል የተመረጠች እናት ናትና በእመቤታችን ትመሰለላለች፡፡ እመቤታችን ድህነተ ምክንያታችን ናት። የዓለሙን ፈጣሪ እግዚአብሔር ወልድን ጌታን የተሸከመች ንጽህት እንከንም ነውር ነቀፋም የሌለባት እናት ናትና፡፡ ህዝቡም ልብሳቸው እያወለቁ በጎዳና አነጡፉለት ለምን? እንኳን አንተ የተቀመጥክባት አህያም ክብር ይገባታል ብለው አነጠፉለት። እስራኤላውያን ጌታ የተቀመጠባትን አህያ አከበሩ፡፡ ጌታ የተቀመጠባትን አህያ ያከበረ ሰው ጌታን

Zemedkun Bekele (ዘመዴ)

28 Apr 2024 09:46

“…እንዲህም አላቸው፦ በፊታችሁ ወዳለችው መንደር ሂዱ፥ በዚያን ጊዜም የታሰረችን አህያ ውርንጫም ከእርስዋ ጋር ታገኛላችሁ፤ ፈትታችሁ አምጡልኝ። ማንም አንዳች ቢላችሁ፦ ለጌታ ያስፈልጉታል በሉ፤ ወዲያውም ይሰዳቸዋል። ማቴ 21፥ 2-3

"…እንደምን አደራችሁ?
"…እንደምን አረፈዳችሁ?
"…እንደምን ዋላችሁ?
"…እንደምን አመሻችሁ?

"…እግዚአብሔር ይመስገን ብቻ ‼

Zemedkun Bekele (ዘመዴ)

27 Apr 2024 14:38

"…ጥሎብኝ ከድሮ ጀምሮ አንድ አጀንዳ ስጀምር ከቤተሰቦቼ አንስቶ ጫጫታ ይበዛብኛል። አላፊ አግዳሚው ሁሉ ይጮህብኛል። የእኔ ትልቁ ፀጋ ግን ጫጫታ አልሰማም። እኔ ጊዜ የሚወስድብኝ በአጀንዳው ማመኑ ላይ ነው። እስካምን ድረስ እቃትታለሁ፣ አምጣለሁ። እጨነቃለሁ። ከአመንኩበት በኋላ ግን ለምን መብረቅ አይጮህም ደንታዬም አይደለም። ማንንም አልሰማም። ኬሬዳሽ…

"…ይሄ ከዘመነ ባህታዊ ገብረ መስቀል፣ ከዘመነ ተሃድሶ፣ ከእነ በጋሻው፣ ዘርፌ፣ ትዝታው ዘመን ጀምሮ ያየሁት ነው። በብፁዕ አቡነ ኤርምያስም፣ በቦለጢቀኛው ኤርሚያስ ለገሰ ዋቅጅራም፣ በሄኖክ ኃይሌም በወዘተረፈም የተረጋገጠ ነው።

"…አሁንም ከዚያ የተለየ ነገር አይደለም። ትናንት የያዝኩትን አጀንዳ በስሱ ብልጭ ሳደርግ ጫጫታው አየሩን ሞላው። ወዳጄ የሆኑ ሰዎች ቤቴ ላይ መጥተው አስተያየት መስጠት ሼም ይዟቸው የለንደን ፋኖ ግሩፕ ጋር ሄደው ሲተነፍሱ አየኋቸው። ደግነቱ እዚያም ውስጥ እኔም አለሁ።

"…አሁን ህመምተኛውን ትርፍ አንጀቱን ቆርጬ እንደምጥልለት ነግሬዋለሁ። ለቀዶ ጥገናም እንዲዘጋጅ አሳምኜዋለሁ። የትናንቱ የወዳጅ ዘመድ ጩኸት ዛሬ ላይ ቀንሷል። ኦፕራሲዮኑ የግድ ነው። ትርፍ አንጀት መጥፎ ነው። ካልተቆረጠ ሊገድልህ ሁላ ይችላል።

"…ሪፖርቱን በነገው የመረጃ ቴሌቭዥን ዝግጅቴ ላይ ነው የምዘረግፈው። ሪፖርቱ የሚጠቅመው መሬት ላይ ላሉት ፋኖዎች ነው። የሚጎዳው ደግሞ በፋኖ ትግል ኢንቨስተር ለመሆን ለሚላላጡ ዘመናዊ የጎፈንድሚ ለማኞች ነው። ፋኖዎች ከታረቁ የእንጀራ ገመዱ የሚበጠስ የሚመስለውን ሌባን ሁላ ነው የማስተነፍሰው። ቀልድ የለም።

"…አየሩ አሁን ተረጋግቷል። መንጋውም ሰከን ብሏል። ይሄ ችግር በድፍረት ከተፈታ ያለምንም ጥርጥር ፋኖ ባህርዳርም፣ ደሴም ጎንደርና አዲስ አበባም ሰተት ብሎ ይገባል። መጀመሪያ ትርፍ አንጀቶቹን እንቁረጥ።

Zemedkun Bekele (ዘመዴ)

27 Apr 2024 10:22

መልካም… እንደተለመደው ጠዋታችንን እግዚአብሔር ይመስገን በሚል ነጎድጓዳማ፣ ብርሃናማ ድምጽ በሚያጥለቀለቁ 1ሺ ሰዎች ተሞልቷል። እግዚአብሔር ይመስገን።

"…ከምስጋና ቀጥሎ በቀጥታ የምንሄደው እንደተለመደው ያው ወደ ቃሪያ በሚጥሚጣ ርዕሰ አንቀጻችን ነው። የዛሬው ርዕሰ አንቀጻችንም ትናንት በጀመርነው "በፋኖዎች መሃል እጃቸውን ስለሚያስገቡ ሰዎች እና የእነዚያን ሰዎችም ሆነ ድርጅቶች እጅ እንዴት መቁረጥ" እንዳለብን ያነሣነውን ሓሳብ አንሥተን ስንወያይ እንውላለን።

"…የእኔ ቤት ክፍት ነው። የሓሳብ መስጫ ሳጥን ሰንዱቁ አይዘጋም። እንደ ሌላው ሓሳብ ለጥፌ በር ዘግቼ አንጀት ጉበትህ እንዲቃጠል አላደርግም። በጨዋ ደንብ የተቃውሞ ሓሳብ መስጠትን አበረታታለሁ። እንድትተነፍስ አደርግሃለሁ። ከዚህ በላይ ዲሞክራትነት የለም። አስተያየት መስጫ ሳጥኑን የሚቆልፍ ደንቆሮ መሃይም ነው። አምባገነን። እኔ ግን ለመወቀስ፣ ለመሟገት ሁሌ ዝግጁ ነኝ። ጥይት እንጂ ሓሳብ አልፈራም። 😂

"…በፋኖዎች መሃል ስለነበረኝ የሽምግልና ቆይታ ግማሽ ሪፖርቴን ነገ ማታ በመረጃ ቲቪ መርሀ ግብሬ ላይ እዘረግፈዋለሁ። ማንም አያስቆመኝም። እኔ የምሰማው፣ የምከተለው፣ የማደምጠው፣ የምታዘዘውም በምድር ላይ ላሉት ፋኖዎች እና የፋኖ አለቆች፣ አዛዦች ብቻ ነው። አለቀ።

"…ገና ምኑንም ሳልጀምረው ደግሞ መንበጫበጭ ጥሩ አይደለም። ግንቦቴዎች፣ በፋኖ ስም የተሰበሰበ ብር ቀፋዮች፣ ሌቦች፣ ፋኖ በተለመነ ዶላር ገዢዎች፣ መተዳደሪያችሁን የዐማራ ችግር ያደረጋችሁ ኮተታሞች፣ ጎጠኞች፣ መንደርተኞች፣ ፋኖ በመታረቁ ኤሌክትሪክ ካልጨበጥን፣ በረኪና ካልጠጣን ባዮች እናንተን በስም ዝርዝር ጠቅሼ አልፋታችሁም። እኔ ሓሳብ አነሣለሁ አንተ ደግሞ ሓሳቤን በጨዋ ደንብ ሞግት። ሓሳቤን በጨዋ ደንብ መሞገት ካልቻልክ ጮጋ በል።

• ኣ… ዝግጁ ናችሁ…?

Zemedkun Bekele (ዘመዴ)

26 Apr 2024 21:40

ማስታወቂያ…!

"…ይህ አዲሱ የኢትዮ 360 የሳታላይት ቴሌቭዥን ጣቢያን የምታገኙበት ማስታወቂያ ነው። ተከታተሉት።

"…ምንሊክ የሚለውን ብቻ ምኒልክ በሚለው አስተካክሉት እንጂ ሌላው ልክ ነው። የሐረርጌ ቆቱ ነገር ለዐማሮች አማርኛ ላስተምር ብዬ እኮ መከራዬን በላሁ። ዐማራ ተሁኖ፣ ለዐማራ እየታገሉ ቢረሳ ቢረሳ የታላቁን ንጉሠ ነገሥት የእምዬ ምኒልክን ስም አስተካክሎ ያለ መጻፍ ልክ አይሆንም።

"…ይሄን ማስታወቂያ ደጋግሜ በፔጄ አስተዋውቀዋለሁ። ይሄ አይደለም ቁም ነገሩ። ቁምነገሩ ምድር ላይ ያሉትን ፋኖዎች ከፋፍሎ ማጋደሉን ማስቆሙ ላይ ነው። እገሌ ስር ካልገባችሁ በቴሌቭዥን ድራሽ አባታችሁን ነው የማጠፋው ማለትን ነው ማስቆም።

"…የሸዋም፣ የጎንደር የጎጃሞችም፣ የወሎም ፋኖዎች የሁሉም ችግር እርሱ ነው። በጥቂት የሥልጣን ጥመኞች ክፉ ሴራ ምክንያት በቅርቡ የሺዎች ፋኖዎች ደም በከንቱ ሲፈስ፣ እርስ በእርስ ሲጨራረሱ ታያላችሁ። አቅም ያላችሁ ሸዋዎች መሃል በቶሎ ግቡ። ጎንደር ትናንት ታርቀው በመታረቃቸው የተናደዱ ዛሬ ሲያታኩሱአቸው ነው የዋሉት።

"…ግንቦት 7፣ ግንባሩ፣ ሠራዊቱ፣ በግል ወንድሜ ጋዜጠኛ ሀብታሙ አያሌው ከፋኖዎች መሃል ውጣ በሉት። እኔ የምመክረው ይመራችኋል ነገር ግን ደም እንባ ነው የምታለቅሱት። ተናግሬአለሁ። ያገባኛል የምትሉ በቶሎ ጣልቃ ግቡ።

"…ባይገርምላችሁ እህተ ማርያም(ስንዱም) ሆነች የዓለም ብርሃኖች የራሳቸው ጦር አላቸው ብላችሁስ። ስንዱ እንግሊዛዊ ናት አንዱን ትነግሳለህ ብላ ቀብታ አስቀምጣዋለች። 😂። ደብረ ኤልያስ መሽገው የነበሩት ደግሞ አጋዕዝተ ዓለም ሥላሴ እገሌ ነው መንገሥ ያለበት ብለዋል ብለው ፋኖ ሁሉ ለዚያ ሰው ይንበርከክ ይታዘዝ ብለው ጉድ አፍልተዋል። ይሄ ሁላ ቅዠት ግን ያልፋል። ዐማራም አሳምሮ ድብን አድርጎ ያሸንፋል።

• እየኮመታችሁ…!

Zemedkun Bekele (ዘመዴ)

26 Apr 2024 18:47

🔥 መረጫጨት ልጀምር ነው…

• ላምጪው ይከፈል ዘንድ ሕግ ያስገድዳል።

"…አሁን በሸዋም፣ በጎጃምም፣ በጎንደርም፣ በወሎም ላሉት ፋኖዎች ለመከፋፈላቸው ትልቁን ምክያትና ዋነኛውን ነቀርሳ ወደ መዋጋቱ ለመግባት እገደዳለሁ። አቶ ሽመልስ ለገሰ አድራሽ ፈረስ ነው። ከዚያ የዘለለ ሙያም፣ ብቃትም፣ አቅምም የለውም። እኔ ከሽመልስ ጋር አይደለም አፌን የምካፈተው። እኔ ከዋነኞቹ የሽመልስ ጋላቢዎች ጋር ነው የምጠዛጠዘው።

"…ኤልያስ ክፍሌ በሀብታሙ አያሌው፣ በኢየሩሳሌምና በሽመልስ ተፈራ፣ በኢትዮ 360፣ በግምባሩና በሕዝባዊ ሠራዊቱ አይደለም ሊሰደብ ሊዋረድ ቀርቶ በክፉ አይን የሚታይ ሰው አልነበረም። ኤልያስ ክፍሌን የማውቀው ከፌስቡክ እና ከዩቲዩብ ተባርሬ ቴሌግራም ላይ ብቻ በነበርኩበት ጊዜ ለምን ቴሌቭዥን ላይ አላወጣህም ብሎ የአየር ሰዓት የሰጠኝ ጊዜ ነው። በአካልም ሁለት ቀን ነው መልኩን እንኳ ያየሁት። ከልጅነቴ ጀምሮ ግን በኢትዮጵያ ፖለቲካ ላይ የነበረውን ተጽእኖ ሳነብ ነው የኖርኩት። ስለብዙ ነገር ኤልያስን በማግኘቴም ፈጣሪዬን አመስግናለሁም። በዚህ አጋጣሚ በሁሉ ሰው ፊት እጅግ አክባሪው እንደሆንኩም መግለጽ እፈልጋለሁ።

"…መረጃ ቲቪን በነፃ እየተጠቀሙበት ቆይተው መረጃ ቲቪን ለማፍረስ እነ ሀብታሙ አያሌው የሄዱበትን ርቀት የሚያውቅ ያውቀዋል። በፋኖ እና በዐማራ ስም በሚሰበሰብ ዶላር ኑሮውን የመሠረተ አቀንጭራ ሁላ የተለየ አደረጃጀት መጥቶበት በአጭር ቀን ልዩነቱ ሲታይ ደንግጦ መንበጫበጭ አያዋጣም። አያዛልቅም።

"…ሰው እንዴት ጎንደሮች ታረቁ ብሎ ይበሳጫል? እንዴት ደም ያስመልሰዋል? ሰው ሸዋዎች ወደ አንድ እንዳይመጡ በዚህ ልክ እንዴት ይደክማል? ሰው ጎጃምን፣ ጎንደርን የዐማራ ጋዜጠኛ፣ አክቲቪስት መስሎ እንዴት ይከፋፍላል? ወንድሞች ቢገዳደሉስ ምንድነው ጥቅሙ?

• ማርያምን አልፋታችሁም…!

Zemedkun Bekele (ዘመዴ)

26 Apr 2024 13:33

👆ከላይኛው የቀጠለ "…በቀደም እለት በጎንደሮች የሽምግልና መድረክ ላይ የታላቁ ደብር የቅዱስ ላሊበላ አስተዳዳሪ የነበሩት እና አሁን በአሜሪካ የሚገኙት አባ ጽጌ ሥላሴ ምክርን በተመለከተ ያስተላለፉትን ግሩም ቃል እዚህ ጋር ልጥቀስ። አባ ምክር ሲባል ከራስ ጥቅም አንፃር ብቻ የሚመክርም ስላለ እሱን ተመካሪው ማመዛዘን እንዳለበት መክረው ይኽንን ከመጽሐፍ ቅዱስ ኩሲን እና አኪጦፌልን ጠቅሰው እንደነዚህ ዓይነት ብዙ ሰዎች አሉና ተጠንቀቁ በማለት ያስተላለፉት መልእክት ሊያዝ ይገባል። "…አኪጦፌል የንጉሥ ዳዊት አማካሪ ነበር። ነገር ግን ልጁ አቤሴሎም አባቱን ንጉሥ ዳዊትን ባሳደደው ጊዜ፦ ከአቤሴሎም ጋር ሆኖ ክፉ ምክር ይመክረው ነበር። 2ኛ ሳሙ 15፥12፤ 17፥1-23 ያንብቡ። በሌላ በኩል ደግሞ የተሻለ መካሪም ሲመሰከርለት እናያለን። “…አቤሴሎምና የእስራኤልም ሰዎች ሁሉ። የአርካዊው የኩሲ ምክር ከአኪጦፌል ምክር ይሻላል አሉ። እግዚአብሔርም በአቤሴሎም ላይ ክፉ ያመጣ ዘንድ እግዚአብሔር መልካሚቱን የአኪጦፌልን ምክር እንዲበትን አዘዘ።” 2ኛ ሳሙ 17፥14። አይደለም የወያኔና የኦነግ አክቲቪስቶች ምክር እናትም፣ ሚስትም ክፉ መካሪ ሊሆኑ እንደሚችሉ መጽሐፍ ቅዱስ ይነግረናል። "…የሃያ ሁለት ዓመት ልጅ አካዝያስም በነገሠ ጊዜ፦ ጎቶልያ የተባለች እናቱ ብዙ ጊዜ ክፉ እንዲያደርግ ትመክረው ነበር። 2ኛ ዜና 22፥1። ንጉሥ አክዓብ ናቡቴን አስገድሎ ርስቱን የነጠቀው በሚስቱ ምክር ነው። 1ኛ ነገ 2፥1-16። ስለዚህ ፋኖ ከክፉ መካሪዎች ሁሉ ራሱን ሊጠብቅ ይገባል።

"…የአቢይ አማካሪዎች ከኦርቶዶክስ ዳንኤል ክብረት፣ ከጴንጤ እነ ምህረት ደበበ፣ ከእስላሞችም ነፍ ኡስታዞች ናቸው። የሕዝቡን ሥነ ልቦና የሚያውቁ፣ ጠንቅቀው የተረዱ ናቸው። የሃይማኖት ሰባኪ አማካሪ ሲሆን ስለ ፖሊሲ፣ ስለ ቴክኖሎጂ አይደለም የሚያማክረው። የጎንደር፣ የሸዋ፣ የወሎ፣ የትግራይ፣ የጎጃም፣ የወለጋ፣ የአፋር፣ የአሩሲ፣ የባሌ፣ የሱማሌ፣ የጋምቤላ፣ የጉራጌ፣ የወላይታ፣ የሲዳማ፣ የከንባታ፣ የሐረሪ ወዘተ ሰው ምን ቢያደርገው፣ ምን ቢሰብከው ልቡ ወከክ እንደሚል ነው። ለዚህ ነው አቢይ አሕመድ በየክልሉ በሄደ ቁጥር የክልሉ ነዋሪ ብቻ መስማት የሚፈልገውን እየነገረ ሲያስጨበጭብ፣ ጮቤ ሲያስረግጥ የሚታየው። ዐማራን እንዲህ፣ ትግሬን እንዲያ፣ ኦሮሞን እንዲህ ካልከው፣ ከሸነገልከው በቃ ይገዛልሃል ብለው ነው የሚሰብኩት። አቢይም የእነሱን ምክር ይዞ ነው ትግሬን ሞተር፣ ዐማራን ጎማ፣ ኦሮሞን መሪ፣ ሱማሌን ማርሽ፣ ደቡብን ስኮፒዮ ወዘተ እያለ ጮቤ የሚያስረግጠው። ሕዝብ ደግሞ የተነገረውን አይረሳም። አቢይ "ነዳጅ ተገኝቷል። ከነገ ጀምሮ ለውጭ ገበያ ይቀርባል" ብሎ ዐውጆ እስከአሁን ወፍ የለም። ለጉራጌ ሆስፒታል እሠራለሁ ብሎ ይኸው 6 ዓመት ሆነው የውኃ ሽታ ነው የሆነው። ለዐማራማ የገባው ቃል አይቆጠርም። ልክ እንደ ብአዴን መሰረት ድንጋይ የትየለሌ ነው።

"…ቀድሞ መንቃት። ሱማሌና አፋር ጦር ከመማዘዛቸው በፊት ቆም ብለው ማሰብ፣ መመካከር። ደቡብ፣ ሰሜን፣ ምዕራብ ላይ የአቢይን አገዛዝ አጀንዳ ይዞ ከመዳከር፣ ከመፈሳፈስ፣ ደምም ከመፋሰስ አስቀድሞ ቆም ብሎ መመካከር። የኦነግና የወያኔን ምክር አለመስማት፣ አለመቀበል። መጀመሪያ ትግሬ ደቅቋል፣ ቀጥሎ ዐማራ እየተናነቀ ነው። ከዐማራ ቀጥሎ አዲስ አበባ እየፈረሰ እየጸዳም ነው። አፋርና ሱማሌ እያረፉ እየተጠዛጠዙ ነው። ሐረሪ በኦሮሞ ተውጧል። ድሬደዋ ከሱማሌ እየጸዳ ነው። ጉራጌ ብዙ ወረዳዎቹ በኦነግ ሽሜ ተይዘዋል። ሲዳማ በኦነግ ሸኔ እየተቀጠቀጠ ነው። ጋምቤላም በሸኔ እንዲያዝ ተደርጓል። ቤኒሻንጉል ውጥረት ላይ ነው። ዐማራ ከትግሬ በፈለጋቸው ጊዜ እንዲጋደሉ ድግስ ተደግሷል። ከኤርትራም፣ ከሱማሌም አይቀርልንም ብልፅግና ሲያናክሰን። ሁለቱም ሱዳኖች አይሞክሩንም አይባልም። አሁንም ቢሆን መሬታችንን ኦሮሙማው አስወስዷል።

"…ብስል፣ ሙክክ በሉ። ጥሬ አትሁኑ። ንቁ ሁኑ። ቆፍጣና፣ ተጠራጣሪም ሁኑ። ዥሎች አትሁኑ። ዥልጥ፣ ፋራ፣ ሰገጤ አትሁኑ። የክፍለ ሀገር ልጆች ከበሻሻና ከማሻ፣ ከደንበጫ፣ ጃናሞራ እና ከመተሃራ፣ ከመቄት እና ከዋጀራት፣ ከሞላሌና ከባሌ፣ ከሰላሌ፣ ከደምቢዶሎና ከከክልአተ አውላሎ ከጊንጪና ከወንጪ መጥተው 4 ኪሎም ገብተው አንተ አራዳ ነኝ፣ ብልጥ ነኝ ባዩን አናትህ ላይ ጥሬ ካካቸውን እንዲዘፈልሉ አትፍቀድ። አናትህንና ቅርሶችህን፣ ትዝታህን ሲያፈርሱት እያየህ አትብሰልሰል። ሴራቸውን ቀድመህ አንተም አፍርስ። የሸኔን እገታ ፈርተህ ላይቀር መሞት ታሪክህን አታልከስክስ። ሰምተሃል የአቢይ ብልፅግናን ሴራ ከወዲሁ አፍርስ። ያኔ እኮ ዘመዴ ተናግረህ ነበር እያልክ በኋላ ላይ መሃረብ ይዘህ አታልቅስ። አታስለቅስ።

• ፋኖ ይልቅ ክረምት ሳይገባ አዲስ አበባን ጎብኛት።

• ድርጅቱ ዘመዴ ነኝ አሸበርቲው ከራየን ወንዝ ማዶ…!

Zemedkun Bekele (ዘመዴ)

26 Apr 2024 13:11

መልካም… እንደተለመደው ከምስጋና ቀጥሎ የምንሄደው ወደተለመደው ተናፋቂ ቃርያ በሚጥሚጣ ወደ ሆነችዋ ርዕሰ አንቀጻችን ይሆናል።

"…ትግራይ ውዝፍ ደሞዝ የለም። በደቡብ ለመምህራን የሚከፈል ደሞዝ ጠፍቶ መምህራን የቀን ሥራ ፍለጋ እየሮጡ የማስተማሩን ሥራ አቁመዋል። አንዳንድ መሥሪያ ቤቶች ደሞዝ አዘግይተው መክፈል ጀምረዋል። ዐማራ ክልል ለሠራተኛ ደሞዝ ለመክፈል "ነጠላ ዘርግቶ መለመን" ነው የቀረው። ባንኮች ለደንበኞች የሚከፍሉት ካሽ አጥሯቸው ተቸግረዋል። ብድር ማበደርም አቁመዋል። ሌሎች ክልሎች ደቅቀው ኦሮሚያን በሀብት ማንበሻበሹን ተያይዘዋል። ብሩ እነ በተለይ ጅማዎቹ እነ መንሱር ጀማል እጅ ሰተት ብሎ ገብቷል።

"…በኦሮሚያ ግን የኦቦ ሽመልስ ስንቄ ባንክ የካሽ እጥረት የለበትም። እንደ ጉድ ይታተማል። እንደ ጉድ ይበተናል። ህፃናት እጅ የወደቀች ሀገር እየማቀቀች ነው። ዶላር 120 ሲገባ ደግሞ አበቃ፣ አለቀልን።

"…ለማንኛውም የዛሬ ርዕሰ አንቀጼ ይሄ አይደለም። በሚታተመውና እንደ ጉድ ለኦሮሞ ስለተበተነው ገንዘብ አይደለም የማወራው። የዛሬው ርዕሰ አንቀጼም የእቡይ አሕመድን ቀጣይ ሴራ ማፍረሱ ላይ ነው የሚያውጠነጥነው። የዘገየሁትም ለዚያ ነው።

• አላችሁ አይደል ጉበዝ…?

Zemedkun Bekele (ዘመዴ)

25 Apr 2024 20:31

"…እሊህ አጋንንታሞችም ዐማራ ክልል ዘምተው ይሆን…? እንዲህ ዓይነቱ አጋንንት ግን በጩፋ ካራቴ ብቻ የሚወጣ አይመስለኝም። ደግሞ አይመስለኝም ነው ያልኩት።

• አጋንንታም…!

Zemedkun Bekele (ዘመዴ)

25 Apr 2024 20:01

• አላችሁ አይደል…? በዘህ ደግሞ እንቀጥል…?

"…ፐ ውበት ብሎ ዝም እኮ ነው። አዲስ አበባችን እንደስሟ አዲስ አበቤ ሆና የለም እንዴ? ሃኣ…?

Zemedkun Bekele (ዘመዴ)

29 Apr 2024 08:46

"…እንበለ ደዌ ወሕማም፤ እንበለ ፃማ ወድካም፤ አመ ከመ ዮም፤ ያብጽሐኒ ያብጽሕክሙ እግዚአብሔር በፍሥሐ ወበሰላም…

"…በማለዳም ወደ ከተማ ሲመለስ ተራበ። በመንገድም አጠገብ በለስ አይቶ ወደ እርስዋ መጣ፤ ከቅጠልም ብቻ በቀር ምንም አላገኘባትምና፦ ለዘላለሙ ፍሬ አይገኝብሽ አላት። በለሲቱም ያንጊዜውን ደረቀች። ማቴ 21፥ 18-19

"…የአይሁድ ፋሲካም ቀርቦ ነበር፥ ኢየሱስም ወደ ኢየሩሳሌም ወጣ። በመቅደስም በሬዎችንና በጎችን ርግቦችንም የሚሸጡትን ገንዘብ ለዋጮችንም ተቀምጠው አገኘ፤ የገመድም ጅራፍ አበጅቶ ሁሉን በጎችንም በሬዎችንም ከመቅደስ አወጣቸው፥ የለዋጮችንም ገንዘብ አፈሰሰ ገበታዎቻቸውንም ገለበጠ፥ ርግብ ሻጪዎችንም፦ ይህን ከዚህ ውሰዱ፤ የአባቴን ቤት የንግድ ቤት አታድርጉት አላቸው። ዮሐ 2፥ 13-16

"…እንደምን አደራችሁ?
"…እንደምን አረፈዳችሁ?
"…እንደምን ዋላችሁ?
"…እንደምን አመሻችሁ?

"…እግዚአብሔር ይመስገን ብቻ ‼

Zemedkun Bekele (ዘመዴ)

28 Apr 2024 19:02

"…ነጭ ነጯን ከዘመዴ ጋር

"…ዘወትር እሑድ በመረጃ ተለቭዥን በቀጥታ ስርጭት የሚተላለፈው “ነጭ ነጯን ከዘመዴ ጋር” የተሰኘው ሳምንታዊው መደበኛ የቀጥታ ስርጭት መርሀ ግብራችን ከሁለት ወራት ቆይታ በኋላ በኢትዮጵያ ሰዓት አቆጣጠር ከምሽቱ 2:15 ላይ ይጀምራል።

• ዩቲዩብ 👉 https://www.youtube.com/watch?v=IoQqARsRDKo

• ትዊተር 👉 https://twitter.com/MerejaMedia

• በራምብል 👉 https://rumble.com/c/Mereja/live

"…በተረፈ የእኔን የስልክ ወጪን ጨምሮ አገልግሎቴን ለመደገፍ የምትፈቅዱ።

👉🏿 https://donorbox.org/zemedemedia
👉🏿 https://www.paypal.com/paypalme/ZemedkunB በኩል መለገስ ትችላላችሁ። ሁላችሁም ተመስግናችኋል።

"…ሻሎም !  ሰላም !

Zemedkun Bekele (ዘመዴ)

28 Apr 2024 17:16

የምሥራች ሰበር ዜና
ከወሎ ቤተ ዐምሓራ…!

"…ረዘም ላሉ ወራት፣ ጊዜ ወስደው ሲነጋገሩ፣ ሲመካከሩ የቆዩት የምሥራቅ ዐማራ ፋኖ እና የወሎ ዐማራ ዕዝ በዛሬው እለት ልዩነታቸውን ሁሉ አጥፍተው ወደ አንድ ዕዝ መግባታቸውን አብሥረዋል።

"…እስከዛሬም ሲያጨቃጭቅ የነበረው የዕዙ መሪና የዕዙ ስምም መቋጫ፣ መደምደሚያ ማግኘቱ ነው የተነገረኝ።

"…የምሥራቅ ዐማራ የሚለው የእነ ምሬ ስም በየዐማራ ፋኖ በወሎ ዕዝ የተተካ ሲሆን፣ የዕዙ መሪ ማን ይሁን የሚለውም ምላሽ አግኝቶ የአዲሱ የዐማራ ፋኖ የወሎ ዕዝ ዋና አዛዥ ዋርካው ምሬ ወዳጆ ሲሆን የዕዙ ምክትል ዋና አዛዥ ኮረኔል ፋንታሁን ሙሐቤ ሆነው ዐማራ ፋኖ በወሎ ዕዝን በጋራ እንዲመሩ መመደባቸውን ከሥፍራው የደረሰኝ መረጃ አመላክቷል።

• ጎጃም ፩ ሆኗል
• ወሎም ይኸው ዛሬ ፩ ሆነ
• ጎንደር ጣጣውን ጨርሶ ብሥራት እየጠበቅን ነው።

"…የሚቀረው ሸዋ ብቻ ነው። ሸዋም እርቅ ጨርሶ የጎደለው አፈጻፀሙ ነው። እሱም ቢሆን የግዱን ይሳካል። 💪🏿💪💪🏿

"…እንኳን ደስስ ያላችሁ…!

Zemedkun Bekele (ዘመዴ)

28 Apr 2024 15:51

የእኔ ሱቅ…!

"…እኔ ኢንቬስተር ነኝ። ሰዎች ሓሳባቸውን የሚሸጡበትን ግብዳ ሱቅ፣ ምን የመሰለ መደርደሪያ ሁሉ በስማቸው አሠርቼ፣ ክፍት ቦታም አዘጋጅቼ፣ በሩን ብርግድ አድርጌ ከፍቼ በነፃ ይጠቀሙበት ዘንድ ያበረከትኩ ዲታ ነኝ። የሰው ዲታ። አይገርምም ለ400 ሺ ሰው የሓሳብ መሸጫ ሱቅ ከፍቶ ማበርከት?

"…የእኔ የሓሳብ መሸጫ ሰንዱቅ እንደ ዳንኤል ክብረት ሱቅ የተከረቸመ፣ የተዘጋ አይደለም። የጌትነት ዓልማው፣ የመሳይ መኮንን እንኳ ሓሳብ እየሸጡ በራቸው በ12 ቁጥር ሚስማር የተጠረቀመ ነው። ሱቅ ከፍተው ነገር ግን የደንበኛ አስተያየት አይቀበሉም። እንደ ነገረኛ የመንደር ሴት፣ ወይም እንደ አቅመቢስ ታማኝ የመንደር ውሻ በተዘጋ የሰፈራቸው ጊቢ ውስጥ ቆመው "ነጠላዬን አቀብዪኝ" ብለው ሲጮሁ፣ ሲሳድቡ ውለው የሰው ምላሽ አይቀበሉም። እኔ ሓሳብ ለገበያ አቅርበው ሓሳብ እንደማይቀበሉቱ፣ እንደማያስወሩቱም አይደለሁም።

"…ሓሳባቸውን የሚገልጹትን እጅግ አድርጌ አከብራለሁ። ሓሳባቸው በተቃራኒ ወገን ሆኖ በጨዋ ደንብ ተግሳጽ፣ ቁንጥጫ፣ እንደ ምንአባክ፣ ምቀኛ የመሳሰለ ሀገር በቀል ምርቃት መሳይ ስድብም አከብራለሁ። የሚያስቁኝ ተደብቀው የሰው የስድብ ሓሳብ ሲለይኩ የሚውሉት ሶዬዎች ናቸው። እንዴኤኤ አትደበቁ፣ እናንተም ሓሳብ ስጡ። በአፋችሁ አትጸዳዱ እንጂ በተቃውሞም አስተያየት ለመስጠት አትቦዝኑ። ክልክልም የለው።

"…የአያልነህ ላቀው "ምቀኛ ነገር ነህ" 12 ላይክ ካሰጠው፣ የሞጣ እና የብሪጅ ስቶን የሚኪ "ድራግ" ስድብማ ስንቶች ያስለይካቸው ይሆን…?

• እየተመቀኛችሁ…!

Zemedkun Bekele (ዘመዴ)

28 Apr 2024 12:56

ያስገኘች እናቱን ሲሰድብ፣ ሲያንቋሽሽ ስታይ ትሸማቀቃለህ።

"…ከአህያማ አንነስ። አህያ የሚል ቃል ለስድብ የሚጠቀሙ ይፈሩ። ይደበቁም። አህያ ያገኘችውን ክብር ያላገኘ የሜዳ አህያ ብቻ ነው። በሌባው በዲያብሎስ ታስረን በጫት፣ በሺሻ፣ በዝሙት፣ በዘረኝነት፣ በሴሰኝነት፣ በአምቡላ፣ በሐሺሽ፣ በሌብነት፣ በአጋንንት መንደር የተደበቅን እኛ መፈታት ይሁንልን። አሜን።

"…እኔ አህያው ዘመዴ ሰናይ ቀን ተመኘሁላችሁ።

Zemedkun Bekele (ዘመዴ)

28 Apr 2024 12:03

መልካም… ጠዋት ጠዋት እግዚአብሔር ይመስገን እያለ በማመስገን ቀኑን አሳምሮ የሚውለው የእኔ የቴሌግራም ቤተሰብ የሚፈለገውን ቁጥር አሟልቷል። እግዚአብሔር ይመስገን። እንግዲህ በመርሀ ግብራችን መሰረት ከምስጋናው በመቀጠል የምናልፈው እንደተለመደው ወደ ተወዳጇና ተናፋቂዋ ርዕሰ አንቀጻችን ነው።

"…በዛሬው ርዕሰ አንቀጻችን ስለ አህያ መጻፍ አማረኝ። አንዳንድ በንግግሬ፣ በጽሑፌ እና በአመለካከቴ የሚከፉብኝ የነፃ አውጪ ድርጅት አባላት ብዙ ጊዜ ጮክ ብለው የሚሰድቡኝ "አንት አህያ፣ ሀድጊ፣ ሃሬ" እያሉ ነውና ስለ አህያ ልጻፍላቸው ወደድኩ።

"…አህያው ዘመዴ የሚጽፈውን ለማንበብ እናንት ሰው የሰው ዘሮች ዝግጁ ናችሁ? እስቲ አንድ መቶ ያህል ሰው ዝግጁ ነኝ ይበለኝማ።

• ዝግጁ…?

Zemedkun Bekele (ዘመዴ)

27 Apr 2024 19:37

ጸሎት…

"…እሺ… እንዴት አመሻችሁ…?  በወር ሁለት ቀን ከራየን ወንዝ ማዶ የምንኖር ስደተኞች ሰብሰብ ብለን የምንጸልይበት እለት ነው። እዚያ አምሽቼ አሁን ገና በኦቶቢሲ ማሞ ካቻ ተሳፍሬ ወደ ዋሻዬ እየተመለስኩ ነው።

• ሰፈር መንደሩ እንዴት አመሸ? አማን ነው ቀዬው? ደግሞ ያንተ ነፍስ ይማራል እንዴ? በለኝ አሉህ… ሃኣ…! 😂

Zemedkun Bekele (ዘመዴ)

27 Apr 2024 11:38

"ርዕሰ አንቀጽ"

"…የዛሬው ርዕሰ አንቀጻችን ጥያቄአዊ ርዕሰ አንቀጽ ነው። ጠያቂ እኔ ዘመዴ ነኝ። ተጠያቂ ደግሞ እናንተ ዘመዶቼ። 😂

"…በመጀመሪያ ሰማይ ዝቅ፣ ምድር ከፍ ቢል የተጀመረው የዐማራ ፋኖ ትግል ከድል ደጃፍ ሳይደርስ አይቆምም። አይገታምም። መውደቅ መነሣት፣ መጓተት፣ መነታረክ ሊኖረው ይችላል። እሱ ደግሞ ተፈጥሮአዊ ነው። እንኳን በብዙ በደልና ግፍ ተገፍቶ የህልውና ትግል ውስጥ ተገድዶ የገባው ዐማራ ይቅርና ሀገር ለመገንጠል፣ ሕዝብ ለማፋጀት 7 ሆነው ጫካ የገቡት ወያኔዎችና የኤርትራ ሰዎች 17 እና 30 ዓመታትን ፈጅተው የልባቸውንም መሻት ፈጽመው የለም እንዴ? እናም ይሄም ንፁህና በሃቅ የተሞላው የዐማራ ፋኖም ትግል የፈጀውን ፈጅቶ፣ የወሰደውን ጊዜ ወስዶ ማሸነፉ እንደሁ አይቀርም። ይሄን እርግጠኛ ሆኜ ነው የምናገረው።

"…የዛሬው ጥያቄ ለእናንተ ነው። የዐማራ ፋኖ ችግር ውሳጣዊ ሳይሆን ውጫዊ ነው። ይሄን ውጫዊ የሴራ ፖለቲካ ትግል በውስጥ ለመፍታት ለዓመታት ተሞክሯል። ነገር ግን አሁን ከአቅም በላይ ሆኗል። ይሄ ጉዳይ ወደ ሕዝብ መጥቶ ሕዝብ ካልተወያየበት ታይቶና ተሰምቶ የማይታወቅ እልቂት በጀግኖች መካከል ይፈጠራል። እናስ ምን ታስባላችሁ? ይነገር አይነገር?

"…ደፋር ሆነን ያበጠው ፈንድቶ ሰላም ማግኘት ይሻላል ወይስ እየተቋሰሉ የፋኖን እልቂት መጠበቅ? ከዚያ ኋላ ኘላይ ቀደም ብላችሁ ብትነግሩን ምን አለበት ብሎ ጓ ማለት ይሻላል ወይስ አሁን በጊዜ ሰምቶ በጊዜ መፍትሄ መፈለግ? ምርጫው የእናንተ ነው።

"…በጥባጩን መክሮም፣ ዘክሮም፣ ገስጾም ልክ ማስገባት፣ መስመር ማስያዝ ነው የሚያስፈልገው ወይስ ከነ ፈንገሱ ሊጡን እንዲያቦካ መፍቀድ? የቱ ይሻላችኋል? ከሕዝብ በተዋጣ ዶላር የግል ፋኖ መግዛትስ ለዐማራ ትግል ምን ይረባዋል?

•ድርጅቱ ዘመዴ ነኝ አሸበርቲው ከራየን ወንዝ ማዶ።

Zemedkun Bekele (ዘመዴ)

27 Apr 2024 07:51

“…ክፉ ለማድረግ የሚያስብ ተንኰለኛ ይባላል።” ምሳ 24፥8 "…ተግሣጽን የሚወድድ እውቀትን ይወድዳል፤ ዘለፋን የሚጠላ ግን ደንቆሮ ነው። ደኅና ሰው ከእግዚአብሔር ዘንድ ሞገስን ያገኛል፤ ተንኰለኛውን ሰው ግን ይቀሥፈዋል። ምሳ 12፥ 1-2

"…እንደምን አደራችሁ?
"…እንደምን አረፈዳችሁ?
"…እንደምን ዋላችሁ?
"…እንደምን አመሻችሁ?

"… መልሱ እግዚአብሔር ይመስገን ብቻ ‼

Zemedkun Bekele (ዘመዴ)

26 Apr 2024 20:29

"…ገና በሽታውማ አትስከሩ…!

"…ሲጀመር ገና ምኑንም አልተናገርኩም። አላወራሁም። አላሳየሁም። ነገር ግን ወዴት እንደምሄድ የገባው ፀረ ዐማራ፣ ፌክ ኢትዮጵያኒስት ምድረ ግንቦቴ ሁላ መስቀል እንዳየ ፀበም እንደነካው አጋንንት እምቧእሪቁቀምበጭ ማለት ጀምሯል። ምኑ ተያዘና ነው የምትለፈልፈው።

"…በእርቁ ሰዓት ዋነኛው የፋኖዎች ችግር የነበረው ሁሉ በድምጽ የተቀዳ፣ ሽማግሌዎቹ ሁሉ ያዘኑበት፣ በመሬት ላይ ያለው ፋኖ የሚያደርገው የሚሠራው የጠፋበት፣ በእስክንድር በኩል ተጠግተው የመጡት ፌክ ኢትዮጵያኒስቶች ገና ለገና ብልፅግና መውደቁ አይቀርምና እኛ ከአሁኑ የራሳችንን ፋኖ ገዝተን አዘጋጅተን ቦታ ሥልጣን መያዝ አለብን በማለት በማወክ ፋኖን በጋዜጠኝነት ስም አሸማቀው መድረሻ ለማሳጣት የተኬደበትን ርቀት ይፋ አወጣዋለሁ።

"…ለሽምግልና የተጠራን ሽማግሌዎች በምንችለው ሁሉ ፋኖዎችን ተማጽነን በስግብግቦች ሴራ ምክንያት ደም እንዳይፋሰሱ አድርገናል።

"…እኔ እዳ የለብኝም። በኋላ ከተጠያቂነት ለመዳን አሁኑኑ የችግሩን ሰንኮፍ ውልቅ አድርጎ ማውጣት ያስፈልጋል። ሽመልስ ለገሰን እጅግ አድርጌ አመሰግነዋለሁ። ተናግሮ እንድናገር ስላደረገኝ አመሰግነዋለሁ።

"…በተረፈ ቀንተህ ነው፣ ምናምን ለእኔ አይሠራም። በምኑ ነው የምቀናው? የዐማራ ፋኖን መከራና ሙጀሌ ግን በመረጃ እና በማስረጃ ሰንኮፉን ነቅለን እናወጣዋለሁ።

"…ሺ ሆነህ ና፣ ተደራጅተህ ና፣ ተሰባስበህ ና እኔ ዘመዴ የሥላሴ ባርያ የድንግል አሽከር ዱቄት ነው የማደርግህ። ምድረ መኒ ላውንደሪ፣ ገንዘብ አጠባ ላይ የተሰማራህ የደም ነጋዴ የዶላር ቀበኛ ሁላ አሁን ነው የሚለይልን።

"…እኔ አንድም አጋዥ ሰው አልፈልግም። ግንቦቴዎች ልትሞግቱኝ ትችላላችሁ የሰው አይን የሚያቆሽሽ የተለመደ ነውረኛ ስድባችሁ ግን ያስቀስፋችኋል።

• ሰምተሃል…!

Zemedkun Bekele (ዘመዴ)

26 Apr 2024 15:51

መልካም… አሁን ደግሞ ተራው የእናንተ አስተያየት የሚነበብበት ሰዓት ነው። ✍✍✍

Zemedkun Bekele (ዘመዴ)

26 Apr 2024 13:32

"ርዕሰ አንቀጽ"

"…የጎንደር ፋኖዎችን ዕርቅና ወደ አንድ መምጣት፣ የሸዋዎቹ ፋኖዎች የእርቅ ሥርዓቱን ፈጽመው ነገር ግን ንብረትን በተመለከተ መቋጨት ያልቻሉበትን ጉዳይ በዚያም ምክንያት የሽምግልናው ጉዳይ ፍጻሜ ያለማግኘቱ አሁን የፈጠረውን ውጥረት፣ አጠቃላይ የሽምግልናውን ሂደት እና ውጣውረዱንም ሁሉ በተመለከተ እዚህና እዚያ የሚወራውን ሁሉ ለማጥራት የፊታችን እሁድ "ነጭ ነጯን ከዘመዴ ጋር" በተሰኘው በመረጃ ቴሌቭዥን የቀጥታ ሥርጭት በሚተላለፈው መርሀ ግብሬ ላይ እነግራችኋለሁ። ከጎንደሮች መስማማት በኋላ  ቅር ያላቸው ጎንደሬዎች፣ የግንባሩም፣ የሠራዊቱም፣ የግንቦቴም ሰዎች እያየሁ ነው። አገዛዙም ከጎንደሮች አንድ መሆን በኋላ ያለ የሌለ ኃይሉን በማሰባሰብ ወደ ጎንደር በመላክ እየተፍጨረጨረ ይገኛል። ሁሉንም የፊታችን እሁድ በሰፊው እመጣበታለሁ።

"…ለዛሬ ግን አረመኔው የአቢይ አገዛዝ ቀጥሎ ስለሚያስበው ሴራና ቁጭ ብሎ ስለሚሸርበው፣ ስለሚጎነጉነው ትብታብ ቀኝ ትከሻዬን ስለሚሸክከኝ ቀጣይ እቅድ ለማውራት ልሞክር ነኝና በጥሞና አንብቡኝ። ተከታተሉኝ። የኦሮሙማው ብልፅግና ሁልጊዜ የሚያቅደው እለታዊ ዕቅድ ነው። ለሳምንት እንኳን የሚቆይ በመርህ፣ በእውቀት ላይ የተመሰረተ ዕቅድ ማቀድ እንኳን አይችልም። ብቻ ዛሬን ሥልጣን ላይ አውሎ የሚያሳድረው ካገኘ፣ ለነገ ሌላ እቅድ አውጥቶ እግሩ ወደ መራው ሄዶ ወይ ሠርቶ፣ አልያም ሰርቆ፣ ወይ ደግሞ ለምኖ እንደሚበላ ምስኪን ሰው ነው የብልጽግናው ኑሮ። አምላኬ ሆይ የእለት አጀንዳዬን ስጠኝ። በዚህ ስሸነፍ የቱኛውን ካርድ ልምዘዝ እና ምን አልባት የማሸንፍበት አማራጭ ካለኝ ልሞክር ሲል ነው ሲቃዥ የሚያድረው።

"…በምሳሌ እንመልከተው። ለምሳሌ የአዲስ አበባው የእነ ፋኖ ናሁሰናይ ኦፕሬሽን ሲያስደነግጠው ብልፅግና ወዲያው የሚይዝ የሚጨብጠውን አጥቶ ህወሓት ላይ ሄዶ ነው የተለጠፈው። የህወሓት እና የኦሮሞ አክቲቪስቶች ሳይቀር የኦፕሬሽኑን ጀብድ አሟሙቀው ማውራት የምር አስደነገጠው። ህወሓት እንኳ ያልሞከረችውን ፋኖ እንዴት ሞከረው ብለው ማርገብገባቸው አቃጠለው። አስደነገጠውም። ለዚህ ነው ህወሓት በዐማራ ላይ ያላትን ነገር ስለሚያውቅ እያለከለከ ሂዶ የጠራት። ዐማራንም ያስወረራት። ደግሞ ጨነቀው። ህወሓት ከአላማጣ ራያ እንዳታልፍ፣ ከዐማራ ፋኖም ጋር ተጣምራ ወደፊት እንዳትገፋ ከመከላከያ እርዳታ ውጪ ወደፊት መግፋት እንደማትችል አሳይቶ ወደፊት እንዳትመጣ እዚያው አንቆ ያዛት። በዚህች እቅድ አሁን ተንፍሷል። ግን ደግሞ እንቅልፍ የለውም።

"…የአቢይ ብልፅግና በዚህም አያቆምም። ሌላ አጀንዳ ይከፍታል። ከሱማሌ ጋር ንትርክ ውስጥ ይገባል። አምባሳደር ያባርራል፣ አምባሳደሩም ይባረራል። እሱ ሱማሌን ለሁለት ቆርጦ ካርታ ሠርቷል። ሱማሌዎቹም አሁን በሚዘገንን መልኩ ከኢትዮጵያ ቆርሰው አዲስ ካርታ ሠርተው ለቅቀዋል። ይሄን አስመልክቶም የኦሮሞ ሰዎች በተደፈርን ስሜት መንጫጫት ጀምረዋል። ቀጥሎ ሱማሌ የኢትዮጲያ ኤንባሲ ህንጻ ላይ የቦንብ ጥቃት ፈጸመች፣ አልሸባብ እና ሱማሌ አንድ ላይ ተጣምረዉ ኢትዮጵያን ለመውጋት ተስማሙ፣ ሱማሌ የኢትዮጵያን መሬት ይሄንን ያህል ኪሜ ገብታ ያዘች በማለት ማስጮህ ይጀምራል። ምን አልባት ከዚህ ከፍ ያለ የራሱን ሸኔ ፊታቸውን ሸፋፍኖ አልሸባብንም አስመስሎ በባሌ አካባቢ ክርስቲያኖችን ይገድል እና የእምነት ጦርነት የማስነሳት ሴራም ሊሠራ ሁሉ ይችላል።

"…አልሸባብ በኢትዮጵያ ገብቶ በባሌ ውስጥ እንዳለ ያስወሩት የኦሮሞ አክቲቪስቶች ናቸው። አልሸባብን እንደ ሃይማኖት ስላዩት የኦሮሞ እስላሞችም የባሌውን አልሸባብ በገፍ በመቀላቀላቸው ክርስቲያኖቹ እነ ጉማ ሳቀታ ጭምር አደገኛ አዝማሚያ በማለት ሲቃወሙት ታስታውሳላችሁ። እናም ያ አልሸባብ የተባለው ራሱ ኦነግ ሽሜ ሊሆን ሁላ ይችላል። ስለዚህ የእለት አጀንዳ ፈጥሮ ትኩረት ለማስቀየስም መንደፋደፉ ስለማይቀር ሁሉም ሰው ሊነቃበት ይገባል። የአቢይ ብልፅግና እስኪወገድ ድረስ ዘግናኝ ጭፍጨፋዎች ያሉበት አዳዲስ አጀንዳዎች እየፈበረከ ሊያከፋፍል ስለሚችል ሊያስደነግጥ አይገባም።

"…ሌላው ዐማራው በጀመረው በራስ አቅም በመተማመን መንገድ መዝለቅ ነው ያለበት። ዐማራው የትግሬን አክቲቪስቶች ሙገሳና መደነቅ እየሰማ መደንዘዝ የለበትም። የትግሬና የኦሮሞ አክትቪስቶች ውሎአቸውን ማየቱ ብቻ በቂ ነው። በዩቱዩባቸው ሲወያዩ፣ ሲደሰኩሩ የሚውሉት በሙሉ የዐማራ ጠላቶች፣ የትግሬና የኦሮሞ ነፃ አውጪ ነን ባዮች መሆናቸውን ስታይ መጠርጠር አለብህ። ሁለቱ ለጋራ ዓላማ ይደማመጣሉ፣ ዋና ታርጌት ጠላታቸው ይታወቃል። ዐማራው ነው። ድንገት እግር ጥሎ ላያቸው መንግሥትን ይወቅሳሉ። ነገር ግን ደግሞ ሸኔን ይደግፋሉ። ትግሬዎቹ ዐማራን የማሸነፊያ ዋነኛ መንገድ አድርገው የሚጠቀሙት በለመዱት ማታለል፣ ተለሳልሶ በመጠጋት የለዘቡ ቃላቶችን በመጠቀም፣ በማዘናጋት ውዳሴ በስሱ በማቅረብ ማጃጃልን ነው። በአዝማሪ ግጥም ሲኮፈስ የሚውል ዐማራን በማማለል ማደንዘዝ ይፈልጋሉ። እውነታው ግን ሌላ ነው። መርዞች ናቸው።

"…የዐማራን ፋኖ ሲያወድስ የምታየው ስታሊን የዐማራ ፋኖን በጠላትነት ፈርጆ ከአገዛዙ እኩል ሊዋጋው የሚፍጨረጨረውን ኦነግ ሽሜን ሲደግፉት፣ ሲያወድሱት፣ ሲሟገቱለት ታያለህ። ይሄ የትግሬ አክቲቪስት ፍጥጥ ያለ ስግጥና የሚታይበት እባብነታቸው ነው። በእነርሱ ብቻ እባብነቱ ቢቀር መልካም ነበር። የትግሬዎቹ አክቲቪስቶች ይሄንኑ እባብነት፣ መርዝ በጉንጭ ደብቆ መንቀሳቀስን እንደ ምርጥ የትግል ስልት ቆጥረው የኦሮሞቹንም አክቲቪስቶች በማሰለሰጠን በተመረጡ ቃላት ለነሱ በሚመች መንገድ ፋኖን እንዲያደንቁ ሲያስደርጉ ታያላችሁ። ይታያችሁ ኦነግ ሽሜ ፋኖን ሲያደንቅ።

"…የጠላት ምክር አይጠቅምም። አጥፊህም ነው። ይህን በተመለከተም መጽሐ ሲራክ እንዲህ ይለናል። "…መካር ሁሉ ይመክራል፤ ነገር ግን ራሱን ይጠቅም ዘንድ የሚመክር አለ። ከሚመክርህ ሰው ልቦናህን ጠብቅ። ስለ ራሱ ይመክርሃልና፤ ይወድድህም ዘንድ አስቀድመህ ፍላጎቱን ዕወቅበት። ገንዘብህን የሚያጠፋብህን ነገር ያመጣብሃል፥ በጎ ነገር አደረግህ ይልሃል፤ በተቸገርህም ጊዜ አይቶ ይስቅብሃል። ከሚጠባበቅህ ሰው ጋር አትማከር፤ ለሚመቀኝህም ሰው ነገርህን ሰውር።" ይልሃል። ለእኔ የወያኔና የኦነግ ምክር ለዐማራ ፋኖ አጥፊው ነው ባይ ነኝ። የኦነግና የወያኔ ብቻ ሳይሆን ራሱ በዐማራው ትግል ውስጥ የተሰገሰጉቱ ክፉ መካሪዎች ሁሉ አይጠቅሙትም እና ከውስጥም ከውጭም ጠላት በማራቅ ይጠበቅ።

"…ዐማራ "ልጄ ሆይ፥ የአባትህን ምክር ስማ፥ የእናትህንም ሕግ አትተው፤ ለራስህ የሞገስ ዘውድ ለአንገትህም ድሪ ይሆንልሃልና።" ምሳ 1፥8። የተባለው የባዕድ፣ የጠላት ሳይሆን የወዳጅ፣ የእናትና የአባቱን ምክር እንዲሰማ ነው። እንዲህ ዓይነቱ ምክር ከእግዚአብሔር ነው። "የጥበብ፥ የማስተዋል፥ የምክር፥ የኃይል፥ የዕውቀትና የእውነት መንፈስ ከእግዚአብሔር ነውና። ኢሳ 11፥2። የሚገርመው ነገር እግዚአብሔር የሽማግሌዎችን ምክር ያውቃል። ኢዮ ፲2፥20። ብዙ ጊዜ በሐሰት፣ በተንኮል የተሸረበ፣ የተመከረ ምክር ፈራሽ ነው። "የሠራዊት ጌታ እግዚአብሔር እንዲህ ይላል፦ ይህ ምክር አይጸናምና አይሆንም፤» እንዲል፦ የማይጸናውንም ምክር እርሱ ያውቃል። ኢሳ 7፥7 …👇 ከታች ይቀጥላል… ✍✍✍

Zemedkun Bekele (ዘመዴ)

26 Apr 2024 08:52

“…በከረጢትህ ውስጥ ታላቅና ታናሽ የሆነ ሁለት ዓይነት ሚዛን አይኑርልህ። በቤትህ ውስጥ ታላቅና ታናሽ የሆነ ሁለት ዓይነት መስፈሪያ አይኑርልህ። ይህን የሚያደርግ ሁሉ ክፋትንም የሚያደርግ ሁሉ በአምላክህ በእግዚአብሔር ዘንድ የተጠላ ነውና አምላክህ እግዚአብሔር በሚሰጥህ ምድር ላይ ዕድሜህ ይረዝም ዘንድ እውነተኛና ፍጹም ሚዛን ይሁንልህ፤ እውነተኛና ፍጹም መስፈሪያም ይሁንልህ። ዘዳ 25፥ 13-16

"…እንደምን አደራችሁ?
"…እንደምን አረፈዳችሁ?
"…እንደምን ዋላችሁ?
"…እንደምን አመሻችሁ?

"… መልሱ እግዚአብሔር ይመስገን ብቻ ‼

Zemedkun Bekele (ዘመዴ)

25 Apr 2024 20:07

"…አይኔን ተጠራጥሬ ፎቶውን አቅርቤ አፍጥጬ አየሁት… ምንም የተጻፈ ነገር አይታየኝም። እናንተስ የሚታያቸሁ ነገር አለ ወይስ ስታይል ነው…? 😂

Zemedkun Bekele (ዘመዴ)

25 Apr 2024 17:41

"…አላችሁ አይደል…?

"…በሉ ገባገባ በሉልንማ…!

• አለን ወይ…?