Telegram-канал zemedkunbekelez - Zemedkun Bekele (ዘመዴ): Unsorted

Zemedkun Bekele (ዘመዴ)

17 Dec 2024 16:16

"ርእሰ አንቀጽ"

"…አሁን ወደ መጨረሻው አካቢቢ ስንደርስ ትግሉ የፖለቲካ ርዕዮተ ዓለም ትግል መሆኑ ቀርቶ የሃይማኖት መልክ እየያዘ ይመጣል። በሃይማኖት ጦርነቱ ላይ ግን የብሔር፣ የነገድ፣ የዘር ፖለቲካ ቤንዚን፣ ናፍጣና ነዳጅ ሲጨመርበት ደግሞ እሳቱ ከአርታኢሌ በላይ የከፋ ይሆናል። አደገኛው ነገር እየመጣ ያለው ከአሁን በኋላ ነው። መለከቶታዊ ጣልቃገብነት ኖሮ የሆነ ተአምር ካልተፈጠረ በቀር መጪው ጊዜ ወደዚህ ድብልቅልቅና ውጥንቅጥ መቀየሩ አይቀሬ ነገር ነው። እየታየ ያለውም ሁኔታ ይኸው ነው። ከምር እጅግ አደገኛና አስፈሪ ጊዜ ነው እየመጣ ያለው። ይሄን አስፈሪ ጊዜ በጥበብና በድል ከተሻገርነው መጪው ጊዜ የተስፋ ብርሃን የሚፈነጥቅበት ዘመን ይሆናል። አልያ ግን አሁን እየታየ ባለው፣ በተለይ በምዕራባውያኑ በጀት እና የገንዘብ ፈሰስ የሚታገዘው የብልፅግና ወንጌል ፓርቲና በዓረቦቹ የሚመደገፈው የወሃቢይ እስላሞች ከመጠን ያለፈ የሥልጣን፣ ሀገረ መንግሥትን የመጠቅለል፣ የመቆጣጠር ፍላጎት ጣሪያ መንካትን አካሄድ ስንመለከት ከባድ ነው።

"…አሁን በኢትዮጵያ ውስጥ ያለው ጦርነት መልኩን ቀይሯል። ከፍትሕና ዲሞክራሲ፣ ከሰላምና ደኅንነት፣ ከማንነት እና ድንበር ማስከበር ብላ ብላ ቦለጢቅስ አልፎ ዘልሎ፣ ተሻግሮ ሌላ መልክና ቅርጽ ይዞ መጥቷል። ብዙዎች ደፍረው መናገር፣ መጻፍ አቅቷቸው ነው እንጂ እውነታው ከዚህ የተሻገረ፣ የዘለለ አደገኛ ቅርጽ ነው እየያዘ የመጣው። አዎ ጉዳዩ የሃይማኖት የበላይነት ማምጣት ዘመቻ፣ ጦርነትም ሆኗል። የሃይማኖት ፍትጊያ ሆኗል። አንደኛው ሃይማኖት ገና ጉዳዩ የሃይማኖት መሆኑ አልገባውም። ሌሎቹ ግን ገብቷቸው ወጥረው ጊዜአቸውን እየተጠቀሙበት ነው። ከሆነ ሆነ እናሸንፋለን፣ ካልሆነም ደግሞ ድራሻቸውን አጥፍተን፣ በቁጥር አመንምነን፣ ታሪካቸውን በርዘን፣ ቅርሶቻቸወወን አውድመን፣ ሊቃውንቶቻቸውን ጨፍጭፈን፣ አሸማቀን፣ ማይኖሪቲ ውስጥ መድበን፣ እንዳይነሱ አድርገን ቀብረን፣ ወደ ሀገረ መንግሥት መሪነት እንዳይመጡ፣ እንደ ኩርዶች ሀገር አልባ ተቅበዝባዥ አድርገን እናስቀራቸዋለን በማለት 24/7 ዓመቱን ሙሉ ያለ እረፍት እንቅልፍ ሳይተኙ እየደከሙ፣ እየተጉ ነው።

"…የምጽፈውም፣ የምናገረውም ለመጀመሪያ ጊዜ ሲያነቡት፣ ሲሰሙኝም ይዘገንናል። ምነው ባላለው፣ መኘባልተናገረውም ይላል አንባቢ። ነገር ግን ልቡም የሚነግረው የእኔን ጽሑፍ ነው። መሬት ላይ በዓይኑ የሚያየው፣ በጆሮውም የሚሰማው ግን እኔ የምጽፈውን፣ የምናገረውን እውነታና ጥሬ ሃቅ ነው። ቆይቶ፣ ቆይቶ ነው ያ ዘመድኩን የተናገረው፣ ያለው፣ ያወራው ነገር እውነት ነው የሚለው። ዛሬ ላይ ግን ጥቂት ነው ሰሚው። በተለይ እኔ የምናገረው፣ የምጽፈው ነገር ዓላማቸውን፣ ዕቅዳቸውን የሚያፈርስባቸው ቀድመው አካሄዴ እንደገባኝ የሚያውቁት መሰሪ ጠላቶች በሚነዙት ፕሮፓጋንዳ ተጠልፈው በሚከፍቱት ዘመቻ የሚታለሉ ገልቱ፣ የዋሕ የማይባሉ ዥልጥ ዥል ሰገጤ የእኔው ወገን ተብዬዎቹ ከጠላት በባሰ መልኩ ዘመቻ ይከፍቱብኛል። እውነቱን እያወቁ የጠላት አፍ ሆነው በምላሳቸው ሲለበልቡኝ ውለው ያድራሉ። እኔ ግን መጻፌን አላቋርጥም። መናገሬንም አልተውም።

"…አስመሳዮች ነነ። ሲበዛ አፈ ጣዲቆች ነነ። ሰው መሳይ በሸንጎዎች ነነ። የቤት ቀጋ የውጭ አልጋዎች ነነ። ጠዋት ታቦት ማታ ጣኦት አምላኪዎች ነነ። ለታቦትም ለጠንቋይም እኩል ሰጋጆች ነነ። ሲበዛ አስመሳዮች፣ ሸርዳጆች፣ ገልቱ፣ ዳተኛ፣ ንህዝላሎች ነነ። ስለነገ የማናስብ ከርሳሞች እንበዛለነ። ለዚህ ነው የሃይማኖተኞች ሃገር በምትባል፣ አርብ ሮብን፣ አጿማትን ቆጥሮ፣ ጠብቆ ከሥጋና ከቅቤ ይጾማል፣ አልፎ አልፎም ሰንበትን ጠብቆ ያስቀድሳል፣ አርብ ጁምዓ ሄዶ ሶላት ይሰግዳል፣ አዳራሽ ሞልቶ ሃሌ ሉያ እያለ ይጨፍራል የሃይማኖተኞች አገር ነው በሚባለው ኢትዮጵያ ይኖራል። ቁልቢ፣ ግሸን ደብረ ከርቤ፣ አክሱም ጽዮን በሚልዮን የሚቆጠር ሕዝብ ተግተልትሎ ይሄዳል፣ ሲያዩት ወንጌልም፣ ቁራንም የገባው አማኝ፣ ሃይማኖተኛ ይመስላል።።በአደባባይ ዝሙትን ሲያወግዝ ሲያዩት ያስቀናል። ነገር ግን ይኸው ሕዝብ በ ኤች አይ ቪ ኤድስ ከዓለም ሦስተኛ፣ ከአፍሪካ አንደኛ ነው ይባልልሃል። ጨለማን ተገን አድርጎ፣ ከአካባቢው ርቆ ሲያመነዝር ይውል ያድርና ሃይማኖተኛ መስሎ በአደባባይ ይገማሸራል። አስመሳዮች ነነ። አይደለህም? አይደለሽም? እኔ ግን ነኝ።

"…ይሄ አስመሳይ፣ እስስትነታችን፣ ቅሽምናችንን፣ ስንፍናችንን በምክንያት፣ ፍርሃት ሽንታም ቅዘናም፣ ቦቅባቃ፣ በጭባጫነታችንንም በመንፈሳዊነት፣ በእግዚአብሔር ሰውነት በመደበቅ፣ በመሸፈናችን ምክንያት የበለጠ ጉዳት፣ የበለጠ ውድመትና ጥፋት ሊደርስብን ችሏል። ጠላት ሆነው እያወደሙህ ያሉት በሙሉ አንተን እያወደሙህ ያሉት፣ ሃይማኖት፣ ይሉኝታ፣ ሼም፣ ሰው ምን ይለኛል፣ ነገ ምን ይፈጠራል? ግብረ ገብ ወዘተን ጠቅልለው አቃጥለው ቀብረው፣ ፈጣጣ፣ ይሉኝታ ቢስ፣ ሼምለስ ሆነው በመገለጥ ነው። አዎ በዚህ መልክ ነው እነሱ ባለ በሌለ ኃይላቸው እየተንቀሳቀሱ ያሉት። አንተስ ነው ጥያቄው? አንተ ገና ከርስህን ለመሙላት የሆድ፣ ማደሪያ ለማግኘት የቤት ጥያቄ ላይ ነህ። ይሄን ለማሟላት ስትል የእነሱ ባሪያ፣ የእነሱ ገረድ ሆነህ መከራህን ትበላለህ። የቁስ ሰቀቀን ላይ ነህ። ገና ማቴሪያል ስብሰባ ላይ ነህ። ሰቀቀናም። መሬትህን ቀምተው፣ ቤትህን አፍርሰው በተስፋ ሞልተው አዳራሽ እንደ ካርቶን አጭቀው ሲያስቀምጡህ ገና ለገና ነገ የሆነ ነገር ያደርጉልኛል በማለት አፈር ላይ፣ ሲሚንቶ ላይ ተንከባልለህ ትልመጠመጣለህ። ግን አፈር ከደቼ ከመብላት አትድንም።

"…ደግሜ እላለሁ። አሁን ጉዳዩ የሃይማኖት መልክ ይዟል። ቅርፁም በደንብ እየታየ፣ እየፈጠጠ መጥቷል። በዚያ ላይ ዲቃላ ማንነት፣ የአናሳነት ስሜት፣ የበታቸኝነት ስሜት የሚያሰቃያቸው፣ ከጎንደር፣ ከጎጃም፣ ከወሎና ከሸዋ ዐማራ ውስጥ በቅሎ ሲገኝ ጉዳዩን የበለጠ ያጦዘዋል። ለተያዘው ትግልም ትልቁ እንቅፋቶችም አንደኞቹ እነዚህ አካላት መኖር ነው። መኖር ሲባል በገዢው ፓርቲም ገረድ፣ በተቃውሞ ጎራውም ውስጥ ሚዲያውንና ገንዘቡን በበላይነት መቆጣጠራቸው ነው አደገኛ ሁናቴ እየፈጠረ ያለው። የወሃቢ እስላም እና የብልፅግናው ወንጌል የፈጠሩት ጥምረት ለኦርቶዶክሳዊው ዜጋ የመኖር ኅልውናውን የጥያቄ ምልክት አደጋ ውስጥ ከትቶታል። በሙሉ ጉልበት ነው የሚሠሩት። በምድር ላይ በጦርነት፣ በራብ፣ በበሽታ እያዳከሙ፣ እየፈጁት ነው። ለጦርነቱ ቦንብና ጥይት ለብልፅግና ወንጌሉ ምዕራባውያኑ፣ ለወሃቢስቶቹ ዓረቦቹ በገፍ እያቀረቡላቸው ነው። ይሄ በትግራይ ጦርነት፣ አሁንም በዐማራ ክልሉ ጦርነት እየታየ ያለ ነው። የእነ ዐሜሪካ የዓለም ባንክ ብድር፣ የእነ እንግሊዝና ጣልያን በእርዳታ ስም የሚፈሰው ዶላርና ፓውንድ፣ የቱርክ፣ የሳዑዲ ዓረቢያ፣ የተባበሩት ዐረብ ኤምሬትስ፣ የኢራን ድሮን፣ ቦንብ ምስክር ነው።

"…ዛሬ ዛሬ በኦሮሚያ ለዚህ የሞት ሽረት ፍልሚያ የኦሮሞ ወሃቢያ እና ጴንጤ፣ ከዋቄፈና ጋር ሆኖ፣ አባ ገዳው በግዝት፣ ፓስተሩና ሼኩ በስብከት ወጣቱን በአደባባይ ግልጽ የሆነ ወታደራዊ ምልመላ እያደረጉ ወደ ዐማራ ክልል እያዘመቱ ነው። በደማችን፣ በ150 ዓመት የኦሮሞ ተጋድሎ እጃችን የገባውን ሥልጣን ዐማራ እና ኦርቶዶክስ ሊወስዱብን፣ ሊነጥቁብን ነው በማለት ነው ስብከቱ፣ ቅስቀሳቅ፣ ምልመላው እየተከሃደ ያለው። ዘማቾች ነግዳጅም ይሁን በፈቃደኝነት ወደ ዐማራ ክልል የሚሄዱት በዚህ መልኩ ነው። ድል ቢያደርጉ እሰየው…👇① ✍✍✍