1003
قناة الشاعرة خادمة امير المؤمنين ذكرى الخفاف، كتابة جميع أنواع القصائد لأفراح و احزان العترة الاطهار 🌷
استشهاد الامام السجاد ع
(يمكن قراءتها ب طور قصيدة " يقارورة " )
〰〰〰〰〰〰〰
كأني بمولاي السجاد "ع" وهو يخاطب السم الذي أصابه بنبرات العتب و الاستنكار و يتذكر كل غدر السم الذي جرى على أهل بيته منذ الامام الحسن المجتبى " ع "...
يسم چبدي عليك اعتب
بهضم غدرك أظل احسب
چبد عمي مردته
وانه گلبي لچمته
............1.............
اول هضم منك شفت
من عمي سالت دمعته
يا سم الاصعب والاشد
بيديهه جعده غدرته
السبط الحسن ويلي وصل
بالطشت صارت چبدته
يتلفظه بآه و حزن
وزينب تشاهد حالته
بألم نادت يخال ابني
عسه موتي گرب مني
دمع زينب هملته
وانه گلبي لچمته
............2.............
يا سم عطر غدرك ألم
شميته ريتي اتوصفه
اتذكرت آهات الأبو
يصرخ عله الدنيا العفه
من صوبت راعي العلم
بعينه ويه سهم الماوفه
سممته عباس البطل
مذبوح عالشاطي غفه
يذبحونه بسهام البين
یِسِمونه لعضيد حسين
غدر ثاني حملته
وانه گلبي لچمته
............3.............
كل الجره و گلبك جمر
رايد غدر لاهل الشيم
لازمت سهمه لحرمله
گلت اذبح الطفل و أسِم
شلون گدرت نحر الطفل
قبّلته و دخلت الجسم
منك يرفرف ماشفت
بحضن الابو من الالم
يرف بيده الطفل شفته
شكه بدمعه غدر أمته
جرن دمعاتي سكته
و انه گلبي لچمته
............4.............
احچي يَسَم النايبة
رايد مْواجَهْ محكمة
ماشفت ابوية بهالفله
چبده يلوج من الظمه
الف و تسعمية جرح
مصيوب حماي الحمه
فوگ الجرح سم انسكه
بَچّه الارض ويه السمه
يَسَم غدرك شده بالي
تخليني بلا والي
دليل الوالي صبته
و انه گلبي لچمته
............5.............
يا سم عمامي والاهل
ماقصريت بهالحزن
وقعت تذكار الغدر
واحلفت ليه هم تحن
حلفك ابد ماتكسره
بشوگك تعنيت بحضن
سريت بدمايه وكيفت
من اسمعت بيه أون
سِهام الطف رمت گلبي
گضيت بسم أنه نحبي
نصيبي اليوم اخذته
و انه گلبي لچمته
............6.............
عگب الرزية اللي جرت
الباقر عله مصابي يون
يصرخ يبوية يالذخر
دمعاته تچويله الوجن
ناده ميكفي كربله
بيهه شفت آه و حزن
لحگتني سمة والدي
خلت دليلي يمتحن
صحتله ابني يهالباقر
مثل حالي الك باجر
هم ايسمّوك انته
و انه گلبي لچمته
๑๑๑๑๑๑๑๑๑๑๑๑๑๑๑
✍🏻ذكرى الخفاف
(اسم المنبر :جروح الغائب)
✿〰✿〰✿〰✿〰✿〰✿
/channel/zikrakhaffaf
#زينب_السبي
#اساسية
راس عباس اليحاجيني و الحسين
خيتي عينج عالدرب لالا تـــعثرين
كلي خوية صبري
هالنوايب تجـــري
لحد رجـعتج للمديــنة ما تهجعين
〰〰〰〰〰1〰〰〰〰〰
خوية خوية.. شكد صعب راسك تشوفه عيوني
خوية خوية.. ريـــت هاي اللحظة لو ذبحوني
خويه خويه.. اخجـــل من كبالـــك يضربوني
خوية خوية.. ادري تاذيـــك الدمـــه البمتوني
مدللتـــكم انه يخوانـــي يطيبين
عكب عزي صرت بيدين الملاعين
يبقه الاعظم خدري
هالنـــوايب تجـــري
لحد رجعتج للمـــدينة ما تهجعين
〰〰〰〰〰2〰〰〰〰〰
دمعة دمعة...بشيلتي يا خـــوية عن وجهك شلتهه
دمعة دمعة... بيـــهه السياط اللي بيـــدية ادفعتهه
دمعة دمعة...تسولف الصرخة اللي من سكنة سمعتهه
دمعة دمعة... من تنـــادي بويـــة بـــنتك يتمـــتهه
الهضيمة من عكب عينك يالحسين
عداك مارحموني منعو دمعة العين
اشكي ضيمي واسري
هالنـــوايب تجـــري
لحد رجعتج للمدينة ما تهجعين
〰〰〰〰〰3〰〰〰〰〰
لوعة لوعة...من وصلنه الكوفة دلالي شعبته
لوعة لوعة... بمجلس ابن زياد من طبينه سكته
لوعة لوعة... خله ابن زياد راس الولي بطشته
لوعة لوعة... والعصه تبجي بالم تقبله اعله شفته
شلون اعاين عالطشت خوية يالحسين
اتذكرت طشت الحسن و الجبد نصين
شسوة بيه دهري
هالنوايب تجري
لحد رجعتج للمدينة ما تهجعين
〰〰〰〰〰4〰〰〰〰〰
ذكرياتي... مرت كبالي يعبـــاس من انظرك
ذكرياتي... بالطفولة انه اللي ربــيتك بزغرك
ذكرياتي... بحضني من تنام عن خدري اخبرك
ذكرياتي... و هسه راسك عالرمح لازم أعذرك
اسمعك خوية تناديـــني لتبـــجين
اتطمني راسي يخيتي وياج هالحين
خدرج هو خدري
هالنوايب تجري
لحد رجعتج للمدينه ما تهجعين
〰〰〰〰〰5〰〰〰〰〰
بصوت الاحساس... شفافك تتمتم حزن يختي العباية
بصوت الاحساس... لا تخليهه تميل و سمعي هاية
بصوت الاحساس... زينب و اسمج ستر لكل البراية
بصوت الاحساس... ابقه كافل للخدر رغم المناية
يكلي صح راسي اعتله خويه تشوفين
لاجن تحاميج عيني و عيـــن الحسين
يبقه يسعر جمري
هالنوايب تجري
لحد رجعتج للمدينة ما تهجعين
〰〰〰〰〰6〰〰〰〰〰
زاد وني... من دخلنه الشام خلونه بخرابه
زاد وني... طفلة حسين اللي عذبهه غيابه
زاد وني... فزت و صرخت تنـــادي آيــيابه
زاد وني... جابو الراس بطشت و الدم خضابه
صرخت بحســرة منو حز الوريدين
ياهو خضب لحيتك بالدم يالحسين
ماتت و ماتدري
هالنوايب تجري
لحد رجعتج للمدينة ما تهجعين
〰〰〰〰〰✨〰〰〰〰〰
✍🏻ذكرى الخفاف
(اسم المنبر :جروح الغائب)
للتواصل مع الشاعرة 👈 @Zikraalkhaffaf_bot
✿〰✿〰✿〰✿〰✿〰✿
/channel/zikrakhaffaf
#فزاعيه
واويلي سبوهه عمة السادة
..........................
يا وسفة وهضيمة
يسبوهه الكريمة
هالامة اللئيمة
يبو فاضل ولوهه
..........................
لو حاضر يخوهه
تشوف اللي سبوهه
للمجلس خذوهه
ويشتمون ابوهه
..........................
ترضاهه بخرابة
تكعد عالترابه
وي سكنة وربابه
اخيتك روعوهه
..........................
ها يبن الوفيه
كوم انصب عزية
وي بت الزجيه
بظلمهم صوبوهه
..........................
يعباس الشفية
عوف الغاضرية
الحك عالسبية
للطاغي خذوهه
..........................
مجتوفه اديهه
تندب ياوليهه
كوم الحك عليهه
زينب كيدوهه
๑๑๑๑๑๑๑๑๑๑๑๑๑๑๑
✍🏻ذكرى الخفاف
(اسم المنبر :جروح الغائب)
للتواصل مع الشاعرة 👈 @Zikraalkhaffaf_bot
✿〰✿〰✿〰✿〰✿〰✿
/channel/zikrakhaffaf
#شور_ردادية
#وصية_لزينب
#الوداع
دمع عيناج زينب لا تهلي
........
اريدنج قوية بيوم عاشور
دمع عيناج زينب لا تهلي
حضري حنته القاسم و البخور
دمع عيناج زينب لا تهلي
والاكبر ابوسط اعداه محصور
دمع عيناج زينب لا تهلي
ولو شفتي كفيلج دمه يفور
دمع عيناج زينب لا تهلي
كلبه من الونين عليج محفور
دمع عيناج زينب لا تهلي
راسه بالعمد يا خيتي مطبور
دمع عيناج زينب لا تهلي
كطعوله يمينه عداه و تدور
دمع عيناج زينب لا تهلي
لو شفتي يزينب راسي منحور
دمع عيناج زينب لا تهلي
تشوفيني وذر يا حرة منثور
دمع عيناج زينب لا تهلي
لو شفتي الضلع يا خوية مكسور
دمع عيناج زينب لا تهلي
مسلب ظامي حسينج و مقهور
دمع عيناج زينب لا تهلي
ميبقالج ابد لا في و لا سور
دمع عيناج زينب لا تهلي
شماتج كلبهم بينه مسرور
دمع عيناج زينب لا تهلي
كل وليانج يصيرون بكبور
دمع عيناج زينب لا تهلي
صبرج للخلك يالحرة دستور
دمع عيناج زينب لا تهلي
كل هذا الجره يم جدنه مذخور
دمع عيناج زينب لا تهلي
〰〰〰〰〰〰〰〰〰〰
✍🏻ذكرى الخفاف
(اسم المنبر :جروح الغائب)
للتواصل مع الشاعرة 👈 @Zikraalkhaffaf_bot
✿〰✿〰✿〰✿〰✿〰✿
/channel/zikrakhaffaf
#ردادية
#الوداع
التمينه يهلنه لمة وداع
اخر ليله اشوفن لمة الخوان
التمينه يهلنه لمة وداع
جاسم ويه الاكبر كعدو بالصيوان
التمينه يهلنه لمة وداع
كافل خدري يمي اشجع الفرسان
التمينه يهلنه لمة وداع
يكلي رايتي باجر تسد ميدان
التمينه يهلنه لمة وداع
وحسيني يكلي يا بت عالي الشان
التمينه يهلنه لمة وداع
اتحضري باجر تشوفيني عطشان
التمينه يهلنه لمة وداع
اجت رمله تجر جاسم من لردان
التمينه يهلنه لمة وداع
تخطبله بوجه مسرور فرحان
التمينه يهلنه لمة وداع
ظنت تفرح بعرسه بهالمچان
التمينه يهلنه لمة وداع
ماتدري بدهرهه تخون الازمان
التمينه يهلنه لمة وداع
تشوف وليدهه موسد التربان
التمينه يهلنه لمة وداع
جن شفت الحسين بدمع غدران
التمينه يهلنه لمة وداع
كلي يختي ضميني بالاحضان
التمينه يهلنه لمة وداع
كعد عباس يقره بصدر الديوان
التمينه يهلنه لمة وداع
سوينه العزة و لطمن النسوان
التمينه يهلنه لمة وداع
صبرن يا بنات النبي العدنان
التمينه يهلنه لمة وداع
باجر ما يظل حامي ولا اخوان
التمينه يهلنه لمة وداع
........
✍🏻ذكرى الخفاف
(اسم المنبر :جروح الغائب)
للتواصل مع الشاعرة 👈 @Zikraalkhaffaf_bot
✿〰✿〰✿〰✿〰✿〰✿
/channel/zikrakhaffaf
#القاسم
يبني جسام.... وصيتي هاي اقراهه
يبني جسام.... بيـــك اريـــد اتباهه
يبني خاطر عمك خله يرخص دمك
....1.....
يبني اسمعني.... والدك آني
راسي رايد ترفعه بالغاضرية
لو شفت الحسين.... وحده ماله معين
يصرخ ينادي مناصر ماكو لية
روح للخيمة.... و اطلب بشيمة
كله يا عمي اجه وكت المنية
للحرب اطلع.... غايتي المصرع
و بالقيامه الملكه يم امنه الزجية
عمي يحسين... ارد ادافع دونك
عمي يحسين... ما اخيب ظنونك
كله فدوة لاسمك خله يرخص دمك
....2....
يبني يا روحي... يا دوة جروحي
من تشوف وصيتي لصدرك تضمهه
بيهه انفاسي... و عطر احساسي
و اشتياكي الك بدموعي الاهلهه
شمهه لوصيتي... يا نفس ريتي
يبني و الوالده رمله انظرلهه
روح واسيهه... قبِّل ايديهه
یُمه اجرج عله الزهرة بفكدي كلهه
یُمه رملة... كلهه يمه اتعذّر
یُمه رملة... الذبح ليه مقدّر
و اركض لعد عمك خله يرخص دمك
.....3.....
يبني اسمعني...روح متعني
لعمك وكله عليك بداعة امك
لو رفض ينطيك... الاذن و يخليك
تروح للساحات و تفدّي بدمك
ارجع لامك ... هدومي تلبسك
و تاخذك من ايدك توديك عمك
تكله هذا اليوم ... وصية المسموم
ترخص وليدي يقدم روحه يمك
يا امامي... خل تكله و تنحب
يا امامي... ارخص ابني للحرب
هالوصيه باسمك خله يرخص دمك
....4......
حسين لو ينظر... بلامتي تحضر
تنزل دموعه بحزن ميبطل ونين
يذكر مصابي... سمي و غيابي
و من تفطر جبدي بسموم اللعين
يضمك لصدره... يشمك و يقره
ايه الكرسي و يحصنك بالحصين
ينفذ وصيتي... بيهه امنيتي
تنذبح دونه و اشوفك يالحنين
يبني يبني... كلهه ساعة و تنذبح
يبني يبني... بدمك يصير السبح
بعيني يبقه رسمك خله يرخص دمك
....5......
وليدي يا ذخري... بالحرب تدري
ينكطع شسع النعل اول علامة
تدنك تعدله... للعده تحله
هامتك و يصيبهه الرجس بحسامه
تنذبح ظامي... يغله احلامي
مثل جدك حيدرة مصيوب هامه
يشوفك مبضع... عمك و يطلع
ياخذ بثارك و يرجع محني قامه
عمي كلك... فدوة اروح لوجهك
عمي كلك.. بعد ساعه الحكك
كله فدوة لاسمك خله يرخص دمك
........................................
✍🏻ذكرى الخفاف
(اسم المنبر :جروح الغائب)
للتواصل مع الشاعرة 👈 @Zikraalkhaffaf_bot
✿〰✿〰✿〰✿〰✿〰✿
/channel/zikrakhaffaf
#زینب_والعباس
#طور_يهاجر
يعباس دمع عيني أهِلّه
انه شلون يگیّدني خِوَلّه
عكب ما دللتني يا ابو الغيرة
ينادوني بشماته وحيرتي حيرة
يعباس دمع عيني اهله
..............1..............
تعنيت الشريعة اسحب اذيالي
الخجل من غيرتك دوهنني يالغالي
صدك تنسبي زينب ما اجه ببالي
يودوهه المجالس والدمع هالي
يكولون يودوني اسيرة
عله الشام عكب ماجنت اميرة
تصد ليه العيون بكل كتر خوية
اكيد اصرخ وانادي الحكني يابوية
يعباس دمع عيني اهله
..............2..............
كبل لا اوصلك جن عثرت بالليل
لكيت يمينك و مني انهدم كل حيل
ذكرت احسيني من صاح بألم ياويل
يزينب راح اخونه و الدموع تسيل
يزينب اخونه بلايه جفين
تصوب يخيتي كرة العين
سمعته وما كدرت اتخيل الحاله
صدك هذا البطل تتكطع اوصاله
يعباس دمع عيني أهله
..............3..............
كمت امشي ودليلي يسبق اجدامي
ركض اوصل لعند الكافل الحامي
اريد اشكي عَلَه اللي حركو خيامي
مثل ليل اصبحن یاخویة ايامي
يعباس كمت اصرخ و انادي
انه شلون اروحن ويه حادي
واعوفن جثتك فوك الثره موذرة
دليلي يستعر من هالامر جمرة
يعباس دمع عيني اهله
..............4..............
وصلت المشرعة لكيت البطل ممدود
احترك كلبي صحت وين العلم والجود
لجن ماشفت غير الكربه و العامود
اسمعت جرف النهر يصرخ اريده يعود
هم يصير كمر فوك الوطية
اناديك يبو جفوف السخية
يريت بدالك لكلبي السهم صابه
ولاشوف الجسد من الدمه خضابه
يعباس دمع عيني اهله
..............5..............
يبوفاضل انه زينب تلكاني
اجيتك شايله كل همي و احزاني
اريد اغفه اعله صدرك يغله خواني
ابات هنا لان حركولي صيواني
يعباس منيتي ريت اجتني
ولا شوف سياط الالمتني
تذكرت الحجي مابينك و بيني
يزينب كافلج حد موتي تدريني
يعباس دمع عيني اهله
..............6..............
يبن والدي شو نبرة زعل حسيت
تكلي بيهه وحدج طالعه احتاريت
لجن ياخوية راحو كلهم اهل البيت
و انه مدللة حيدر وحَّدي ظليت
اودعك يخوية بهالمسية
تراني الصبح امشي سبية
لمن فوك الهزل خوية يركبوني
لتزعل لو صحتلك ضربو متوني
يعباس دمع عيني اهله
๑๑๑๑๑๑๑๑๑๑๑๑๑๑๑
✍🏻ذكرى الخفاف
(اسم المنبر :جروح الغائب)
للتواصل مع الشاعرة 👈 @Zikraalkhaffaf_bot
✿〰✿〰✿〰✿〰✿〰✿
/channel/zikrakhaffaf
#هوسات_للعباس
من شاف الزلم عباس تتقدم حدر الخيام
صاح بصوت هد الكاع خله جيوشهم تنضام
زينب يختي لا تبجين آنه الكافل الضرغام
"و جيوش العالم افنيهه "
.......
تكله زينب و دمعتهه عالخدين
خوية وعدك يابو فاضل وين
عاهدت تبقه كفيلي يم ابو الحسنين
"مو كتله بروحي افديهه "
......
يزينب وعدي ماخلفه ولو كطعو يسار يمين
اظلن خادم لعيناج يحرة لحد يوم الدين
لجن عذريني لو طبرو راسي بالعمد نصين
"عذريني مطبور الهامة "
......
اعذرك خوية لا ما ألومنك
ادري بالعتب كلش يجرحنك
لجن من انسطر لازم اصيحنك
"عباس الحك يابو الغيرة"
.........
✍🏻ذكرى الخفاف
(اسم المنبر :جروح الغائب)
للتواصل مع الشاعرة 👈 @Zikraalkhaffaf_bot
✿〰✿〰✿〰✿〰✿〰✿
/channel/zikrakhaffaf
#الاصحاب
#طور_حسيناه
لما سمع نافع أن السيدة زينب ع تسال الحسين ع ليله العاشر عن أصحابه و استشعر قلقها ذهب مسرعا الى حبيب يخبرهه بذلك طالبا أن يطمئن زينب ع...
يا حبيب اسمع.. هالخبر يفجع.. اويلاه
خايفة الحرة.. حسينهه نغدره ... اويلاه
......1......
اجه يـــركض نـــافع ينادي حبيـــب
انكسر كلبي من الخيم أسمع نحيب
هذا صوت الحرة يِدوي ويه المغيب
جن تخــاف نخون والينه الغريـــب
تصيحله بعبرة.. ناري مستعرة... اويلاه
خايفة الحرة.. حسينهه نغدره ... اويلاه
......2........
تدري جاوبهه الحسين و صاح خية
اطمني ابليت الصحب باصعب بلية
دونـــي يستانس الـواحد بـالمنـــية
جن طـــفل تـــنطي لبــن امه هدية
لاكن بحسرة... تسجب العبرة... اويلاه
خايفة الحرة...حسينهه نغدره.. اويلاه
.......3.......
بالرغم منه الجواب يشافي الصدور
لاكن الــدلال من زينــب بقه يـــفور
كـــوم للحرة نكلهه ســـيوفنه تدور
عله ركـــاب عداكم نگطعهه النـحور
خل نراويهه... عزم ننطيـهه... اويلاه
خايفة الحرة...حسينهه نغدره... اويلاه
......4.......
صاح كومو يا ليوث الغاضرية
تقدِّمَو مثل السباع الهاشــمية
صرخ العباس صرخة حيدرية
كله ارجع يا إبن حامي الحمية
نامو يحبابي..كاصد اصحابي...اويلاه
خايفة الحرة... حسينهه نغدره... اويلاه
.......5.......
وصلنه لخيام العقيلة وارتفع صــوت
من حبيب يكلهه نفدي حسين للموت
يخســـه واحد للخيم يازينب يفوت
كلهه نفنـــيهه نخلــي العالم سكوت
دك عله صدره.. نوفي للزهرة... اويلاه
خايفة الحرة... حسينهه نغدره.. اويلاه
.......6.......
جنهه زينب نادته نشكر سعيكم
لا تعوفون الحرم نصرو وليــكم
و الجزة يوم القيـامة من نبيكم
وامي الزهرة بلحدكم هم تجيكم
دموعنه تجره... بالكلب جمرة... اويلاه
خايفة الحرة... حسينهه نغدره... اويلاه
.......................................
✍🏻ذكرى الخفاف
(اسم المنبر :جروح الغائب)
للتواصل مع الشاعرة 👈 @Zikraalkhaffaf_bot
✿〰✿〰✿〰✿〰✿〰✿
/channel/zikrakhaffaf
#عيد_الغدير
حيدر يا علي
يا اول ولـــي
صوتي يعتلي... بغديرك جينه
✨✨✨🌸✨✨✨
جينه يا علي و نطـــش الورود
تعنيـــنه الك نعـــبر كـــل حدود
يل حبك اصل من اصل الوجود
بالـــولايه أمـــر ربـــك المعبود
بايعتك علي
يا اول ولي
صوتي يعتلي... بغديرك جينه
✨✨✨🌸✨✨✨
كل هاي الخلك هالليله فرحانه
و الكون بعشك جن غنت اركانه
عرش الله ابتهج بالبيعة ويانه
وطير السعد غرد بأحله الحانه
يا بعد هلي
يا اول ولي
صوتي يعتلي... بغديرك جينه
✨✨✨🌸✨✨✨
هالليله النسيم تعطـــر بعطره
من عطر الولايه الفاح بالبشره
واحنه نهني طه وباقي العترة
بتنصيب الوصي للباري نشكره
فدوة انه وهلي
يـــا اول ولـــي
صوتي يعتلــي... بغديرك جينه
✨✨✨🌸✨✨✨
يحيدر هالمسيه شيعتك تحضر
تحملك ورد وي مســـك وي عنبر
تجدد بيـــعة و تناديك يا حيـــدر
بـــخٍ بـــخٍ تنادي و الارض تزهر
يعشقي الازلي
يا اول ولـــي
صوتي يعتلي... بغديرك جينه
✨✨✨🌸✨✨✨
✍🏻ذكرى الخفاف
✿〰✿〰✿〰✿〰✿〰✿
/channel/zikrakhaffaf
╒══════┅🌸┅══════╕
الحان /الرادود خيري الحجيمي
شعر /ذكــــــــ الخفآف ـــــــــرئ
╘══════┅🌸┅══════╛
#عيد_الغدير
يابه الحسن جيـــنه..... تعنينه تعنينه
كلنه الليلـــة خطارك
بهاي الفرحة نتشارك
بايعنه تدرينه
🌱🌷🌱🌷🌱🌷🌱
حيدر يا حامي الجار
بحبــك لا ما نحـــتار
حط بيك الله الاسرار
حبك مفروض علينه
🌱🌷🌱🌷🌱🌷🌱
هايم كلبــي بأشــواكه
يصعب محبوبي فراكه
لعطر الحضرة مشتاكه
و لصحنك حنينه
🌱🌷🌱🌷🌱🌷🌱
جيتك هاي المسية
احمل ورد بيـــدية
اقدم اطـــهر تحية
بتنصيبك ولينه
🌱🌷🌱🌷🌱🌷🌱
كل الشيعة يا حيدر
هالليله تغني و تسهر
تجازيهه يوم المحشر
من كوثر تسقينه
🌱🌷🌱🌷🌱🌷🌱
حيدر يتشعشع نوره
بكل ارجاء المعموره
عالدنيه تفح عطوره
بتنصيبه لوالينه
🌱🌷🌱🌷🌱🌷🌱
✍🏻ذكرى الخفاف
✿〰✿〰✿〰✿〰✿〰✿
/channel/zikrakhaffaf
1- زيادة مشاهدة اليوتيوب
2- ترويج فيس بوك
3-زيادة متابعين قنوات التلجرام
4- زيادة متابعين حساب الانستا
5- عمل فيديو كليب وانت كاعد بالبيت
للتواصل @ahmed_alziwar0
واتساب 07732320742
تعلن مؤسسة منبريون الحسينة عن ترويج الاعمال الحسينية عبر الفيس بوك واليوتيوب لغرض الوصل الى اكثر من (100 الف مشاهدة) للاستفسار @ahmed_alziwar0
07732320742
لعمل هندسة صوتية لاستشهاد الامام الكاظم ع
عن طريقة بصمة التلجرام التواصل مع
@ahmed_alziwar0
#لزينب ع
#طور_كومن_بنات_النبي
زينب تنادي علي انت العمد و الولي
يابوية كافي محن شيبني جرح الزمن
〰〰〰〰〰〰1〰〰〰〰〰
اذكر ضلع امي و ابجي يوم اللي هجمو علينه
صار الرجس بيده يضرب خدهه و يرج المدينة
صاحت يفضة اسنديني و تبجي بمدامع حزينة
يا فضة كسرو ضلوعي و المحسن مسكطينه
يابوية انسه الكسر لو انسه باب و جمر
لو انسه امي تون شيبني جرح الزمن
〰〰〰〰〰〰2〰〰〰〰〰
بوية يحيدر شسولف يا عظم ثالث رزية
فوك الاكف بوية جسمك و طبرتك اكبر اذية
شفت الحسن عينه تدمع و حسين يمه اخيه
و جبريل يصرخ يحيدر تهدم اركان البرية
و تكلي زينب صبر هاي المصايب تمر
يابوية كلبي امتحن شيبني جرح الزمن
〰〰〰〰〰〰3〰〰〰〰〰
اه و الف اه يحيدر كلبي يبوية تصدع
جبد الحسن بوية شفته بسم المنية تكطع
اول طشت هد كياني خلاني اجريله مدمع
سم الحسن و الظلامة دلالي لاجله تفجع
يابوية راح الذخر صوبنه سهم الغدر
ظلمو يبوية الحسن شيبني جرح الزمن
〰〰〰〰〰〰4〰〰〰〰〰
من رْحَلِتْ يابو زينب خليت عكبك يتيمة
ماعدهه ام لا ابوهه بس ذكريات الاليمة
وصيت بيه كفيلي عباس ربي يديمه
لجن اجتي المصيبة كطعوله بوية يمينه
و بالعمد راسه انفطر و بالسهم راح النظر
ظليت عكبه اون شيبني جرح الزمن
〰〰〰〰〰〰5〰〰〰〰〰
يابه الحسن والفجعني موذر يبوية عضيدي
ياريت كبله يحيدر الشمر حزلي وريدي
صبرت بمدامع خفية و رفعت للباري ايدي
من شاهدو صبري بوية صاحو ابد لا تهيدي
يردون هتك الستر ماعندي غير الخدر
ابقه احامي بشجن شيبني جرح الزمن
〰〰〰〰〰〰6〰〰〰〰〰
رضو ضلوعه لاخيي شالو رؤوس الهواشم
حركو خيامي و اذوني سلبوني بوية الظوالم
اطفال سحكوهه بوية ماظل احد بينه سالم
و الادهه صرنه سبايه نشكف بدينه و نقاوم
طلعوهه زينب امر جهزو الحرم للاسر
باسماعي ظلت ترن شيبني بوية الزمن
〰〰〰〰〰〰🥀〰〰〰〰〰
✍🏻ذكرى الخفاف
✿〰✿〰✿〰✿〰✿〰✿
/channel/zikrakhaffaf
#العاشر من المحرم
(قصيدة على طور "ها يطفال حسين" )
........
يا عباس دخيل علينه جتي الخيل
اطفالنه سحكوهه وخيامنه حركوهه
يا عباس دخيل
.........
ياخوية عباس البطل لو تدري زجر شسوه
لمتوني شبعهن ضرب بالسوط و آنه اتلوة
ناديت الحك يا كفل اختك تراهه ببلوة
شلون انت نايم عالنهر وين الوعد و الخوة
خويه صحت بحسره كلبي اجبر كسره
يا عباس دخيل
.......
تتحمل احجيلك بعد اردن اسولف هالحصل
شفت الحوافر بيهه جن آثار من جسم الطفل
وحافر بعد بي ركزت من الضلع شايل وصل
يتبرك بعظم الحُسين و يتحسب لربه بخجل
صاح يا هالامة شلون يجري دمه
يا عباس دخيل
.......
ركضن فرد ركضة النسه رمله و رباب و ليله
كل وحده منهن زامطت و تحزمت بالشيله
يدرن بني اميه اجت و تفرهدت هالعيله
وآنه بأخيي محيرة بأيتامه و بعليله
حيل ماظل بيه و النار تاكل بيه
يا عباس دخيل
.........
والاصعب و اكلف بعد سلبونه هالمسية
وسكينه صاحت عمتي جرولي هالترچية
ترضه يعباس انسبي ينادوني يالمسبيه
طلعوهه زينب ملخيم و الشمر يشتم بيه
شتمو الزهرة و علي محد اليفزع الي
يا عباس دخيل
.......
الزاد همي و لوعتي و هيج مصابي و وني
من عكب عينك يالاخو هذا الرجس يحرسني
ركبونه يا خوية الهزل وراسك كبالي يصدني
زينب تناديني بخجل ارضي يخيتي عني
راسي يحدي الليله يحامي عن العيله
يا عباس دخيل
....................
✍🏻ذكرى الخفاف
(اسم المنبر :جروح الغائب)
للتواصل مع الشاعرة 👈 @Zikraalkhaffaf_bot
✿〰✿〰✿〰✿〰✿〰✿
/channel/zikrakhaffaf
#عبدالله_الرضيع
حوار بين قماط الرضيع و مهده حيث يخبره القماط بما جرى و الرباب تسمع الحديث:
نايمة بليل الاسى و چن صوت فززني
اســمع گمـاط الـولد حاچـــه مهد ابني
خالي يا مهد الطفل
تدري عبدالله انكتل
...................
آآآه يا الحـــادي عشر و شلون ليـله
عگب ما هد حيلي الحسين ورحيله
چن غفت عيني و اظنهه مستحيله
فـــززاني صـــوت بـــي ونة نـحيلة
يا مهد عبدالله و شلون اخذِتَك نومه
تدري بالصار بحبيبك وسط هالحومه
ماشفت خالي النزل
تدري عبدالله انكتل
...................
اشـتعلت النيـران بحـجايـته لمهده
يشكي من اظماه ابني انفطر جبده
الهوة طيرني و كشفت النحر عنده
بس رماه بنبله فز و جسمه شده
يا مهد گـــطعني من حر السـهم بيده
بيد الحسين وتخضب من دمه وريده
ويلي من صابه النذل
تدري عبد الله انكتل
...................
خل اسولفلك بعد وين الكلب ذاب
نظرة حسين لرضيعه بهذا المصاب
جن يكله واسي عمك دمعه سجاب
المحسن ومثلك خضيب بعتبه الباب
تالي شال دماه بيده و للسمه ذبه
تمتم بكلماته ظل يناجي وي ربــه
بموته ماظل أي أمل
تدري عبد الله انكتل
...................
يا مهد ذاك الوكت لو تـنظر احوالي
مخضـب بدمه خذاه لزينب الوالي
گلهه زيـنب هاچ ودي لمّه هالغالي
تشمه وتضمه وتودعه والدمع هالي
شافته زينب ونادت شبكت العشره
عمـة يــا لبـه دليلي و شمته بنـحره
مصابه بعده ما اكتمل
تدري عبد الله انكتل
...................
ضمت الطفل و تغطه حدر العبايه
شـالته لامه الرباب و تلت جم آيه
يا رباب العلم عندج راح ابو الرايه
وراح قاسم وي الاكبر كلهم ضمايه
نـــادت الام گـلبي يا زينب تفطر
شصار بوليدي دكولي ناري تسعر
شافته بدمه انغسل
تدري عبدالله انكتل
...................
من سمعني گماطه دمعي دم اهله
تحسَّب وصاح بشجن لمهده يگله
وينه حيدر يجي و لســـيفه يسله
ياخـــذ بثار الحســـين و ثار طفله
هاجت احزان الرباب و شبگت كماطه
و للـمهد ظـلت تنـــاظر شدت رباطه
هالامر لا مو ســـهل
تدري عبدالله انكتل
...................
✍🏻ذكرى الخفاف
(اسم المنبر :جروح الغائب)
للتواصل مع الشاعرة 👈 @Zikraalkhaffaf_bot
✿〰✿〰✿〰✿〰✿〰✿
/channel/zikrakhaffaf
#زنجيل
#للحسين
جبرائيل يم حسين بجنحه يطيب جروحه
و ادموعه تهل صوبين ينعه لربه مذبوحه
......
نزل لارض العراق يهل دمعه و يلطم اعله الراس
يصرخ بسمه و ينادي مالك بالبشر مقياس
نزل للمصرع يودعه يون حد كطعة الانفاس
يمسح جنحه و ينادي آه يا ضنوة الهادي
مصابك فتت افادي
النوايب هيجت نوحي و الاملاك فد نوحه
......
يعاين حالة المذبوح و ينظر للشمر يمه
بيده شايل راس حسين و شيبه مخضب بدمه
يشوفه ينادي لجيوشه تعالو رضرضو جسمه
كبال الحرة كسروهه تبجي عليه خلوهه
و شتمو الزهرة وي بوهه
صاح ابن سعد بالجيش هدّو للجبل صرحه
......
يرفع جنحه للباري يكله شلون اشوفنه
تكطع كلبي عالمنظر الزهرة جت تِحِضرَنّه
شفتهه تلطم اعله الراس چفهه من الدمه تحنه
تصيح احاه يوليدي جروحي وني لتهيدي
عله حسيني ألم زيدي
بس لحسين و أولاده الونة عليه مسموحة
.......
عكب ما صدره تهشم سلبوله العده هدومه
حته محبسه أخذوه و كطعو خنصره كومه
و راحو يم عياله بساع بحقدهم حركو خْيَمّه
وزينب صعدت اعله التل تكله يارب اتقبل
حسيني عالثره مجندل
ياربي الجره علينه خله دموعي مسفوحة
...........
✍🏻ذكرى الخفاف
(اسم المنبر :جروح الغائب)
للتواصل مع الشاعرة 👈 @Zikraalkhaffaf_bot
✿〰✿〰✿〰✿〰✿〰✿
/channel/zikrakhaffaf
#نعي_للاكبر
طور التغريد الحزين
.............
اجه الاكبر لعند حسين، يطلب للحرب يطلع
اريدك بوية ترخصلي، و منه يهمل المدمع
كله لصدري يوليدي، تعال بحضني نتوادع
اجه الاكبر كعد يمه
يبجي نوبة و يشمه
يحب المنحر و جسمه
يكله يا ضوة عيوني، يبني مابعد ترجع
.......
عكب ذاك الوداع الصار، انطه الرخصة للاكبر
طلع و الصارم بيده، يصرخ للعده و كبّر
ساعه و لن ابوه حسين، تغير وجهه و تكدّر
سألت ليله شنهو الصار
ولدي ذبحته الاشرار
كلي سيدي الاخبار
كلهه حسين ادعيله، يرجع للخيم الاكبر
........
دخلت ليله للخيمة، دعت لله بحبيبه
مثل ما يوسف ليعكوب، رد سالم من مغيبه
اريدنك علي الاكبر، ترده عليه و تجيبه
رد لخيمته الاكبر
كلهه هذا المقدر
ونينج بالكلب يسعر
لاجن يمه هذا اليوم، بي تجره هالمصيبة
..............
✍🏻ذكرى الخفاف
(اسم المنبر :جروح الغائب)
للتواصل مع الشاعرة 👈 @Zikraalkhaffaf_bot
✿〰✿〰✿〰✿〰✿〰✿
/channel/zikrakhaffaf
#فزاعية
#شور
#العباس
للهودج كصد عباس
هوس و العلم بيده
....1....
كلهه يا ضوة عيوني
اشيلج فوكهه متوني
محد يوصلج دوني
حاجاهه ولوة جيده
....2....
كالتله يماي العين
خوفي لايجور البين
يراويني هلي مطاعين
هذا القدر ماريده
.....3....
كلهه وداعة الزهرة
وحك العين والسطرة
لخيامج فلا يجره
اليكرب اكطع وريده
.....4.....
ماطول العلم بيدي
ودمي يسري بوريدي
يختي من البجي هيدي
دمعج خيتي ماريده
.....5......
كالتله سبع تنعام
منك خويه ياضرغام
العدهه اخو ما تنضام
يحاميهه بدمه وريده
......6.....
يم الناكة ظل يحوم
يحامي زينب الجيدوم
يكعد يمهه نوبه يكوم
بين الحرة و عضيده
.................
✍🏻ذكرى الخفاف
(اسم المنبر :جروح الغائب)
للتواصل مع الشاعرة 👈 @Zikraalkhaffaf_bot
✿〰✿〰✿〰✿〰✿〰✿
/channel/zikrakhaffaf
#شور_للعباس
#نخوة
عبااس عباس. عباس يابو فاضل (2)
〰〰〰〰〰〰1〰〰〰〰〰〰
انخيتك اليوم يَسبع الگنطرة
ببابک اوگف و دموعي حادرة
جیت انشدک بستر المخدرة
زینب اللي خذوهه میسرة
انخاک انخاک. انخاک و دمعي هامل
〰〰〰〰〰〰2〰〰〰〰〰〰
ارد اسولفلك يعباس الهمووم
بصدري تتكسر العبرات و تدوم
مسحة من ايدك عله راسي تحوم
تريح الكلب و تشافي المالوم
ارجوك ارجوك. ارجوك طيب الخاطر
〰〰〰〰〰〰3〰〰〰〰〰〰
اقسم بحگ زينب المسبية
تشافي علتي و تشوف البيه
حاجتي بين ايدك مكضيه
ادري متگصر يبن البدويه
مشكور. مشكور. مشكور يابو فاضل
〰〰〰〰〰〰4〰〰〰〰〰〰
عليك ادخل سيدي حاجيني
ثكل همي وترس دمعي عيني
دخيل صحت الغوث متنجيني
تعبو نجوم السمه من ونيني
وهموم . وهموم .. وهموم كلبي حامل
〰〰〰〰〰〰🌴〰〰〰〰〰〰
✍🏻ذكرى الخفاف
(اسم المنبر :جروح الغائب)
للتواصل مع الشاعرة 👈 @Zikraalkhaffaf_bot
✿〰✿〰✿〰✿〰✿〰✿
/channel/zikrakhaffaf
#ردادية نهاية المجلس
#العباس ع
كطعو يمين العباس يا فاطمة الحزينة
............
يا فاطمة لو تدرين حال اليتيمة سكينه
كطعو يمين العباس يا فاطمة الحزينة
و زينب تناطر هيهات يرجع بعد ولينه
كطعو يمين العباس يا فاطمة الحزينة
يا كافلي تصيح بصوت هز كربله بونينه
كطعو يمين العباس يا فاطمة الحزينة
وحسينج بظهره انصاب من ناده اخيي وينه
كطعو يمين العباس يا فاطمة الحزينة
يا فاطمة لو تدرين بالسهم صابو عينه
كطعو يمين العباس يا فاطمة الحزينة
و الاعظم من كل الصار صاب العمد جبينه
كطعو يمين العباس يا فاطمة الحزينة
طاح البطل فوك الكاع و ارتجت المدينه
كطعو يمين العباس يا فاطمة الحزينة
طاح العلم طاح الجود من كطعو جفينه
كطعو يمين العباس يا فاطمة الحزينة
زينب تنادي هيهات علم اخويه وينه
كطعو يمين العباس يا فاطمة الحزينة
ظلت تنادي عباس يا كافلي انولينه
كطعو يمين العباس يا فاطمة الحزينة
يا فاطمة نوحي وياي عاللي انكطع وتينه
كطعو يمين العباس يا فاطمة الحزينة
ادعي العجل يا زهراء خلي يجي مهدينه
.................................
✍🏻ذكرى الخفاف
(اسم المنبر :جروح الغائب)
للتواصل مع الشاعرة 👈 @Zikraalkhaffaf_bot
✿〰✿〰✿〰✿〰✿〰✿
/channel/zikrakhaffaf
#مولد
#عيد_الغدير
✨✨✨✨✨✨✨✨
حبك الجنة حيدر يا علي يا علي
شفيعي يوم المحشر يا علي يا علي
يا اول و تالي. غيرك ميحلالي
انت المسك و العنبر يا علي يا علي
✨✨✨✨🌹✨✨✨✨
ابعث تهاني الليله يا علي يا علي
اجمل ورد اهديله يا علي يا علي
عن شوكي ارد احجيله يا علي يا علي
يا مغير احوالي....غيرك ميحلالي
انت المسك و العنبر يا علي يا علي
✨✨✨✨🌹✨✨✨✨
بيوم القيامة كلنه يا علي يا علي
نتنطّرك تكفلنه يا علي يا علي
خدام الك تقبلنه يا علي يا علي
نورك تراوالي.... غيرك ميحلالي
يا اندر من الجوهر يا علي يا علي
✨✨✨✨🌹✨✨✨✨
عشكك عشك رباني يا علي يا علي
ظل يكبر بوجداني يا علي يا علي
اسمك عسل بلساني يا علي يا علي
يا اغله كل غالي.... غيرك ميحلالي
حبك بكلبي يكبر يا علي يا علي
✨✨✨✨🌹✨✨✨✨
انت اللي تشفع النه يا علي يا علي
بالمحشر تساعدنه يا علي يا علي
من جفك تشربنه يا علي يا علي
بجفك ظل يلالي.... غيرك ميحلالي
انت السند بالمحشر يا علي يا علي
✨✨✨✨🌹🌹🌹✨✨✨✨
✍🏻ذكرى الخفاف
✿〰✿〰✿〰✿〰✿〰✿
/channel/zikrakhaffaf
╒══════┅🌼┅══════╕
الحان /الرادود خيري الحجيمي
شعر /ذكــــــــ الخفآف ـــــــــرئ
╘══════┅🌼┅══════╛
#ابوذيات_امير_المؤمنين
عسل عشكك يحيدر ماكو مُر بي
عليه غذتني امي و والدي مرَبّي
ارجوك اللحد وكت الدفن مُر بي
بذاك اليوم اريدك عون اليه
✨✨✨✨✨✨✨
يالنكرت الروايه المر وِرِدهه
مامل ابقه اعيدنهه وَ رِدهه
اشر للشمس بيده وِ رَدهه
صاحتله امر ضربت تحية
✨✨✨✨✨✨✨✨
✍🏻ذكرى الخفاف
✿〰✿〰✿〰✿〰✿〰✿
/channel/zikrakhaffaf
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
تم نشر قصائد شهادة الامام الكاظم ع
/channel/+RubvmBuvf30xMmYy
لعمل هندسة صوتية لاستشهاد الامام الكاظم ع
عن طريقة بصمة التلجرام التواصل مع
@ahmed_alziwar0