کاناڵی وشـەی کـوردەواری

12 Jul 2025 05:34

ڕۆژژمێر:
ئەمڕۆ: شەمە
#کوردی: ٢١ی پووشپەڕی(٤) ٢٧٢٥
#هەتاوی: ٢١ی تیری(٤) ۱٤۰٤
#زایینی: ١٢ی جۆڵای(٧) ٢٠٢٥
#مانگی: ١٧ی موحەڕەمی(١) ١٤٤٧


کەشناسی:
🌤 سنە : ٢٧ ℃
🌤 هەولێر : ٣٢ ℃
🌤 ئامەد : ٢٦ ℃
🌤 حەسەکە : ٣٣ ℃


بۆنەکان:
١٩٤٧ – شاعیری کورد دڵدار کۆچی دوایی کرد. خەڵکی باشووری کوردستان بووە و ناوبانگێکی زۆری هەبووە. نووسەری سروودی ئەی ڕەقیبێ بووە . ئەم سروودە بوو بە سروودی نەتەوەیی کورد.



╲\╭┓‍
╭ @zmankurdy  🕊
┗╯

کاناڵی وشـەی کـوردەواری

11 Jul 2025 13:42

با کەس چیدی سووچ نەخاتە ئەستۆی دەریا و قیسمەتی خوا و کەجگەڕانی چەرخی گەردوون!
گشت سەحراکان بنارێکیان پێ‌ناگیرێ
ئێمە خۆمان
لووتکەکانمان پێشکەش کردوون...!
#پەشێو🌻🌹🕊

کاناڵی وشـەی کـوردەواری

10 Jul 2025 05:31

ڕۆژژمێر:
ئەمڕۆ: پێنج‌شەمە
#کوردی: ۱٩ی پووشپەڕی(٤) ٢٧٢٥
#هەتاوی: ۱٩ی تیری(٤) ۱٤۰٤
#زایینی: ١٠ی جۆڵای(٧) ٢٠٢٥
#مانگی: ١٥ی موحەڕەمی(١) ١٤٤٧


کەشناسی:
🌤 سنە : ٢٣ ℃
🌤 هەولێر : ٣١ ℃
🌤 ئامەد : ٢٤ ℃
🌤 حەسەکە : ٣٢ ℃


بۆنەکان:
- ڕۆژی نیکۆلا تێسلا.



╲\╭┓‍
╭ @zmankurdy  🕊
┗╯

کاناڵی وشـەی کـوردەواری

09 Jul 2025 05:34

ڕۆژژمێر:
ئەمڕۆ: چوارشەمە
#کوردی: ۱۸ی پووشپەڕی(٤) ٢٧٢٥
#هەتاوی: ۱۸ی تیری(٤) ۱٤۰٤
#زایینی: ۹ی جۆڵای(٧) ٢٠٢٥
#مانگی: ١۴ی موحەڕەمی(١) ١٤٤٧


کەشناسی:
🌤 سنە : ٢٢ ℃
🌤 هەولێر : ٢٩ ℃
🌤 ئامەد : ٢٣ ℃
🌤 حەسەکە : ٣٠ ℃


بۆنەکان:
١٩٣٧ – کۆچی دوایی عەلیشێر و زەریفە خانم، سەرکردەی شۆڕشی قۆچگیری.
١٩٥٨ – کۆچی دوایی محمد ئه‌مین زه‌كی به‌گ, نوسه‌ر و میژوونوسی كورد.



╲\╭┓‍
╭ @zmankurdy  🕊
┗╯

کاناڵی وشـەی کـوردەواری

08 Jul 2025 23:15

ئەگەر هات و ڕۆژێک گەڕایتەوە بۆ نێومان
ئەگەر هات و ڕۆژگارێک بوو سنووری نەخشاند نیشتمان
خۆزگە مەخوازە بۆ ئەو ڕۆژگارە کە نەبوویت
بوون و نەبوونت وەکوو جاران وایکردوە بێمەوە دوویت...🌻🌹🕊

کاناڵی وشـەی کـوردەواری

08 Jul 2025 05:31

ڕۆژژمێر:
ئەمڕۆ: سێ‌شەمە
#کوردی: ۱۷ی پووشپەڕی(٤) ٢٧٢٥
#هەتاوی: ۱۷ی تیری(٤) ۱٤۰٤
#زایینی: ۸ی جۆڵای(٧) ٢٠٢٥
#مانگی: ١۳ی موحەڕەمی(١) ١٤٤٧


کەشناسی:
🌤 سنە : ٢٣ ℃
🌤 هەولێر : ٣١ ℃
🌤 ئامەد : ٢٧ ℃
🌤 حەسەکە : ٣٢ ℃


بۆنەکان:



╲\╭┓‍
╭ @zmankurdy  🕊
┗╯

کاناڵی وشـەی کـوردەواری

07 Jul 2025 23:08

ناڵەی جودایی🌻🌹🕊
ساقیا! وا بادەوە، وا بادەوە
ڕوو لە لای من کە بە جامی بادەوە
موشتەری وەک من لە مەیخانێ کەمن
زۆربەیان شاد و بەکەیف و بێ‌خەمن
مەی حەرامە بۆ سەھەندە و بێ‌خەمان
مەستی بێ‌خەم بۆچی بگرن ئێخەمان؟
ئەم شەرابە تاڵە دەرمانی خەمە
لێی حەرام بێ ئەو کەسەی دەردی کەمە
ئەم شەرابە ئاڵە بۆ بێ‌دەرد نییە
لێی حەرام بێ ئەو کەسەی ڕەنگ‌زەرد نییە
بۆ کەسێکە مەی: چزیلکی پێوە نێ
بۆچی ملھوڕ لێرە بینی پێوە نێ؟
بۆ کەسێکە مەی: کە دەردی کارییە
بێ‌خەمێک بیخواتەوە، زۆردارییە
بۆ کەسێکە مەی: دڵی پڕ بێ لە داخ
بۆچی لێی بخواتەوە بەرزەدەماخ؟
ئەو کەسەی بێ‌کەس نییە و خانەخەراب
دەک بەژاری ماری بێ بادە و شەراب
ئەو کەسەی نەیچێشتووە دەردی ژیان
ئەو کەسەی نەیدیوە ئێش و برک‌وژان
ئەو کەسەی نەکرا نیشانەی تیری خەم
شانی دانەخزا لە بن باری ستەم
ئەو کەسەی ھەستی بە زۆرداری نەکرد
تیخی زۆرداری برینداری نەکرد
ئەو کەسەی دەستی لە ئەوکێ بەردرا
ئەو کەسەی دوژمن لە ماڵی دەرکرا
ئەو کەسەی نەیبینی ھاتی دوژمنی
نیری یەخسیریی لە ئەستۆ داڕنی
ئەو کەسەی ھێندە نەبوو زویر و زگار
وا نەکەوتە بەر چەپۆکی ڕۆژگار
ئەو کەسەی نەیھاڕی بەرداشی زەمان
ئەوکەسەی زیڕەی نەگەییە ئاسمان
ئەو کەسەی دووریی عەزیزانی نەدی
تیر و تانەی بێ تەمیزانی نەدی
تۆزی بەدبەختی لەسەر شانی نەنیشت
لێی نەگیرا دەوروپشت و چوارتەنیشت
ئەو کەسەی خواردی و لەبن سێبەر کەوت
شەو لەبۆ کەیفێ لە ماڵێ دەرکەوت:
بۆ دەبێ بێت و بکا مەیخانە تەنگ؟
شوێنی دیکە زۆرە بۆ گاڵتەوجەفەنگ!
ئەو کوڕەی ھێشتا لە ژوانێ ڕێی ھەیە
سەیرە، زۆر سەیرە کە ئالوودەی مەیە
ئەو کەسەی ڕاوی نەنێن لێرە و لەوێ
ئەو کوڕەی ماچی کچانی دەس کەوێ
ئەو کوڕەی دۆی داوەتی دەستی دەنێ
بێتە ئێرە، چۆنە ھەی دێی ناکەنێ!
ئەو کەسەی دەستی لە مەمکان گیر ببێ
ئەو کەسەی تفڵی دڵی بۆ ژیر ببێ
ئەو کوڕەی کیژێک بەرەو ڕووی پێ‌کەنێ
ئەو کەسەی ھەر سووکەئاوڕێکی دەنێ
ئەو کەسەی پەنجۆڵە بکوشێ جاروبار
ئەو کەسەی دەستی بگاتە گەردنی یار
ئەو کەسەی ڕامووسێ کوڵمی تاس‌ولووس
ئەو کەسەی تێی ھەڵنەدابێ چارەنووس
ئەو کەسەی بمژێ خوناوەی گەردەنێ
#کوفرە_یەک_قەترە_شەرابی_گەر_دەنێ!
ئەو کەسەی ئاسوودە و خۆش ڕایبوارد
قەت خەمی یەخسیر و کۆیلانی نەخوارد
یەک لە ماڵێ چاوەڕێی بوو بێتەوە
دەرکی نێوماڵێکی لێ بکرێتەوە
خەمڕەوێنێک گوێ بداتە ڕازی ئەو
نازەنینێک بێ بکێشێ نازی ئەو
بگرێ پەنجەی نەرم‌ونۆڵی ناسکێ
بۆی کرابێتە سەرینێ، باسکێ
ھەیبێ ھێز و گورد و تین و تاو و گوڕ
ڕۆژگاری ڕەش نەبێ، بەختی مکوڕ
ئەو کەسە جێگای لە مەیخانە نییە
ئەو کەسە بادە و شەرابی بۆ چییە؟
ساقیا، وا وەرگەڕێ، وا وەرگەڕێ!
ڕوو لەلای من کە، مەچۆ بۆ سەرپەڕێ
لەنگەرێ بگرە، مەبە وا بەرزەفڕ
بێنە بۆ من، بێنە بۆ من، جامی پڕ
مەی حەڵاڵە بۆ منی وێرانەماڵ
بۆ منی سەرگەشتە و ڕووت و ڕەجاڵ
بۆ منی بابردەڵەی گردەنشین
بۆ منی دڵ پڕ لە ناسۆر و برین
بۆ منی ئاوارەو و دوورەوەتەن
بلبلی بێ‌بەش لە گوڵزار و چەمەن
پەڕوەریوی، باڵ‌شکاوی، دەنگ‌بڕاو
بێ‌بژیوی، بەش‌خوراوی، دەرکراو
پیری زورھانی، کەنفتی، دەربەدەر
دیدەسووری، دڵ مەکۆی دەردوکەسەر
داتەپیوی، بێ‌پەسیوی بێ‌قەرار
بێ‌کەسی، دەستەشکاوی، کۆڵەوار
لێوبەباری، دەردەداری، ڕەنجەڕۆ
شاعیری جوانی پەرستی دڵ‌بەسۆ
ساقیا! بۆ کوێ دەچی، بۆ کوێ دەچی؟
تۆش لە بەر ئەو ملھوڕانە مل‌کەچی؟
تۆش بە ڕەنگ و بۆی ئەوان خواردت فریو؟
چاوی تۆشی ھەڵفریواند زێڕ و زیو؟
تۆش دەگۆڕیەوە دەگەڵ گەوھەر ھونەر؟
کەنگێ گەوھەر جوانی کردن بەختەوەر!
زێڕ بەڵایە، بێ وەفایە دەوڵەمەند
ھەر ھونەر نەمرە، ھونەروەر مەردوڕەند
چڵکی دەستە ماڵی دنیا وەک دەڵێن
ماڵ‌پەرست پەیمان‌شکێنە و بێ‌بەڵێن
قەدری جوانی کوا دەزانێ ماڵپەرست!
جوان‌پەرستە پیری خاوەن‌زەوق‌وھەست
نا مەچۆ، جوانێ مەچۆ، واوە مەچۆ؟
تۆ فریوی زێڕ و زیوی وان مەخۆ!
ئەو ھەوەسبازانە جێی متمانە نین
ھەر دەزانن گوڵ‌چنین و بەی‌ڕنین
وا وەرە، دەی وا وەرە، نێزیک بە لێم
بمدەیە مەی، بمدەیە مەی تا دەڵیم:
مست مستم ساقیا، دستم بگیر!
تا نیفتادم زپا دستم بگیر!
جا کە سەرخۆش بووم بەدەنگێکی نەوی
بۆت دەڵێم ئەو شێعرە بەرزەی مەولەوی
بشنو از نی چون حکایت می کند
از جدائیھا شکایت میکند
گوێم دەیە ئەی دیدەمەستی قیت‌وقۆز!
تا بناڵێنم وەکوو بلوێر بەسۆز
نابێ قەت ناڵەی جودایی بێ‌ئەسەر
جا چ نەی بیکا چ پیاوی دەربەدەر
بۆیە ناڵەم تێکەڵی نەی کردووە
شیوەنێکم پێیە نەی نەیکردووە
لێم‌گەڕێ با دەربڕم سۆزی دەروون
لێم‌گەڕێ با ھەڵوەرێنم ئەشکی ڕوون
شیوەنی من شیوەنی ئینسانییە
بانگی ئازادی و گڕووی یەکسانییە
شیوەنی من شینی کوردی بێ‌بەشە
ئەو گەلەی حاشا دەکەن لێی و ھەشە
با لە زارم بێتەدەر پشکۆی شێعر
با فراوانتر بکەم ئاسۆی شیعر...

کاناڵی وشـەی کـوردەواری

07 Jul 2025 13:13

#شوان‌پەروەر🌻🌹🕊

هاتم دهۆکێ دهۆکا رەنگین
چەندە جوانە باژارێ شیرین
گەلێم بەرنەدەن ئازادی خوەشە
شەهرەزاد بکن دهۆکا رەنگین

هاتم دهۆکێ دهۆکا رەنگین
چەندە جوانە باژارێ شیرین
گەلێم بەرنەدەن ئازادی خوەشە
شێن بکن دهۆک دهۆکا رەنگین

زاخۆ، حەکاری ل مێرگا رووباران
ئاکرێ و ئامەدی گەلێن خوەشمێران
مووسل و هەولێر، شەقلاوا و سۆران
خەملا دل دهۆک بووکا بەهدینان(بادینان)
سولەیمانیە و کەرکووکا کوردان
ئوورمیە و مەهاباد، سنە و کرماشان
بانە و سەردەشت ئاخاکا گولان
شین شاریستانێ ل باغێ گولیستان
هاتم دهۆکێ دهۆکا رەنگین
چەندە جوانە باژارێ شیرین
گەلێم بەرنەدەن ئازادی خوەشە
شەهرەزاد بکن دهۆکا رەنگین

بینگول(چەولیگ)، ئاگری و قارس، بتلیس، مووش و وان
ئەرزرووم ل سەرحەد بهشتە زۆزان
مەلەتی و سێواس، ئەلەزیغ(خارپێت)، ئەرزنجان
وارێ دەرسیمێ قۆزگەها شێران
مەرعەش و مەرکەز، ئیسکەندەروون و جەیهان
عەفرین و عەلبەستان، ل بەر چیایێ کوردان
سەمسوور و عەینتاب(دیلۆک)، ئوردی و کۆبان
جەنک و جامێرێن بسک و بەرازان
هاتم دهۆکێ دهۆکا رەنگین
چەندە جوانە باژارێ شیرین
گەلێم بەرنەدەن ئازادی خوەشە
شەهرەزاد بکن دهۆکا رەنگین

رحایێ دیرۆک چاند ل دەشتا حەڕان
ئامەد هەر بوویە نیشانا بەرخوەدان
مێردین و قامشلۆ، جزیر، شرناخ و باتمان
سێورگ، وێرانشار ناڤ مەزرا بۆتان
دناڤا چیان دە ب رەز و کانییێ
ب عال و هۆلا خوە گەلەک رەنگییێ
ژیانا دهۆکیا کوردەوارییێ
ب‌رێنج و شۆپا خوەیا کالێ بارزانییێ
هاتم دهۆکێ دهۆکا رەنگین
چەندە جوانە باژارێ شیرین
گەلێم بەرنەدەن ئازادی خوەشە
شەهرەزاد بکن دهۆکا رەنگین...

کاناڵی وشـەی کـوردەواری

07 Jul 2025 05:30

ڕۆژژمێر:
ئەمڕۆ: دووشەمە
#کوردی: ۱٦ی پووشپەڕی(٤) ٢٧٢٥
#هەتاوی: ۱٦ی تیری(٤) ۱٤۰٤
#زایینی: ٧ی جۆڵای(٧) ٢٠٢٥
#مانگی: ١٢ی موحەڕەمی(١) ١٤٤٧


کەشناسی:
🌤 سنە : ٢١ ℃
🌤 هەولێر : ٢٩ ℃
🌤 ئامەد : ٢٧ ℃
🌤 حەسەکە : ٣١ ℃


بۆنەکان:
- ڕۆژی جیهانی شوکولاتە.



╲\╭┓‍
╭ @zmankurdy  🕊
┗╯

کاناڵی وشـەی کـوردەواری

06 Jul 2025 22:22

#بووکی_ئازادی🌻🌹🕊
#شیعر_مامۆستاڕەحیم_لوقمانی.

کاناڵی وشـەی کـوردەواری

06 Jul 2025 05:33

ڕۆژژمێر:
ئەمڕۆ: یەک‌شەمە
#کوردی: ۱٥ی پووشپەڕی(٤) ٢٧٢٥
#هەتاوی: ۱٥ی تیری(٤) ۱٤۰٤
#زایینی: ٦ی جۆڵای(٧) ٢٠٢٥
#مانگی: ١١ی موحەڕەمی(١) ١٤٤٧


کەشناسی:
🌤 سنە : ٢٥ ℃
🌤 هەولێر : ٢٦ ℃
🌤 ئامەد : ٢٣ ℃
🌤 حەسەکە : ٢٩ ℃


بۆنەکان:




╲\╭┓‍
╭ @zmankurdy  🕊
┗╯

کاناڵی وشـەی کـوردەواری

05 Jul 2025 05:32

ڕۆژژمێر:
ئەمڕۆ: شەمە
#کوردی: ۱٤ی پووشپەڕی(٤) ٢٧٢٥
#هەتاوی: ۱٤ی تیری(٤) ۱٤۰٤
#زایینی: ٥ی جۆڵای(٧) ٢٠٢٥
#مانگی: ١٠ی موحەڕەمی(١) ١٤٤٧


کەشناسی:
🌤 سنە : ٢٢ ℃
🌤 هەولێر : ٢٤ ℃
🌤 ئامەد : ٢١ ℃
🌤 حەسەکە : ٢٦ ℃


بۆنەکان:




╲\╭┓‍
╭ @zmankurdy  🕊
┗╯

کاناڵی وشـەی کـوردەواری

04 Jul 2025 19:32

#کازم‌باشماخی🌻🌹🕊
کەم بێ کەم بڕۆ کەم بکە ئەزیەتم
هەم دینم سووتا، هەم قیامەتم
کەم بێ کەم بڕۆ کەم خوەت بنوێنە
کەم خەمی دونیا بە سەرمدا بێنە
یاخوا تۆ نەمری نەبی بە داخم
ببی بە گوڵاڵە دەربی لە باخم
بەهار گوڵێکی نەدا لە سنگم
خەندە نەڕژایە ناودڵی تەنگم
پاییز خەمێکی لێت‌هەڵوەرانم
هەورێکی ڕەش بوو ڕەنگی ئاسمانم
چاوم بە مەشکە بوو بە نابینا
عەشق خۆی نەکرد بە ماڵی ژینا
ڕووناکی هەتاو نەگەیشتە دڵم
ڕەنگێکم نەدی بە ڕەنگی گوڵم
خوابکا تۆ نەمری نەبی بە داخم
ببی بە گوڵاڵە دەربی لە باخم
وەرزی ژیانم هەموو پاییز بوو
تەمەنم وەک خەو گشتی لە دەست چوو
ڕەفیقەکانم خەریک سەیرانن
خەریک گوڵ‌چنین له گوڵزارانن
خوابکا تۆ نەمری نەبی بە داخم
ببی بە گوڵاڵە دەربی لە باخم...

کاناڵی وشـەی کـوردەواری

03 Jul 2025 20:20

ڕێزمان ئاستێکە لە ئاستەکانی زمان کە لە هەردوو لایەنی وشەسازی (مۆرفۆلۆجی) و ڕستەسازی (سینتاکس) دەکولێتەوە.

                   ئاستەکانی زمان
                                         |
                                     /  |  \
                                   /    |    \
                                 /      |      \
      دەنگسازی  ڕێزمان  *واتاسازی
                                 / \               / \
                               /     \            /     \
                             /         \      /         \
فۆنەتیک فۆنۆلۆجی وشەسازی ڕستەسازی

                    * واتاسازی
                                               /\
                                             /    \
           واتاسازی      پراگماتیک



Hozano



@fergeyPEPULEKAN

کاناڵی وشـەی کـوردەواری

03 Jul 2025 17:23

ڪۆڵەوارێڪم ڕەبەن ڕێبواری ڕێگەی سەخڵەتم
شۆرەڪات و دڕڪ‌وداڵ و بەردە ڕێگەوبانەڪەم...🌻🌹🕊

کاناڵی وشـەی کـوردەواری

11 Jul 2025 13:43

؛✿🌹🔅🌻■🕊
؛🌹✵🌺■🌹
؛✿🌸■🕊
؛🌼■🌻
؛  🕊
✿🌹🔅🌻■🕊
🌹✵🌺■🌹
✿🌸■🕊
🌼■🌻
   🕊
#ڕەزا_خۆش‌نەزەر🌹🌻🕊
دوژمنی بەدخوو! ئەگەر تۆ بمدەیەی زێڕی وڵات
دار و بەرد و خاک‌وخۆڵم بۆ بکەیتە حاسڵات
بمکەیە سەرداری دونیا، تاجی شاهیم کەی‌خەڵات
شەرتە تێی‌هەڵدەم لە تاجت، بیگەیەنمە ڕۆژهەڵات
چۆن دەبێ مەحکوومی تۆبم، کەچ بکەم بۆت گەردنم
(ئەی وەتەن قیبلەگا و ئیمانەکەم)
نامەوێ ئەو ژینەتاڵە، یا وەتەن یا مردنم
لاوەکان گەر ڕۆح فیدا کەن بۆ وەتەن هێشتا کەمە
گەر بدا ئاوی حەیاتێ دوژمنت، ژەهرە، غەمە
خۆشە دەردێکی کە دایکی نیشتمانی مەرهەمە
سینگەکەم قەڵغانی تۆیە، ئەی‌وەتەن پێشمەرگەمە
ژیانی من قوربانی تۆبێ جا بڵیندە گەردنم
نامەوێ ئەو ژینەتاڵە، یا وەتەن یا مردنم
ئەی وەتەن گەر ژین هەبێ، حەقە کە تۆ ژینی منی
نامەوێ سەیری گوڵستان تۆ کە پەرژینی منی
ئاورم بۆ هێزی دوژمن چون کە تۆ تینی منی
قیبلەکەم، ئیمانەکەم، پەیمانەکەم، دینی منی
گەر بوتی زینار ئەبەستم ببیە خاچی گەردنم
(ئەی وەتەن قیبلەگا و ئیمانەکەم)
نامەوێ ئەو ژینەتاڵە یا وەتەن یا مردنم
#محەمەد_نووری(عەتری گڵوڵانی)
؛   🕊
؛ 🌼■🌻
؛✿🌸■ 🕊
؛🌹✵🌺■🌹
؛✿🌹🔅🌻■🕊
    🕊
🌼 ■🌻
✿🌸■ 🕊
🌹✵🌺■🌹
✿🌹🔅🌻■🕊

کاناڵی وشـەی کـوردەواری

11 Jul 2025 05:33

ڕۆژژمێر:
ئەمڕۆ: هەینی
#کوردی: ٢٠ی پووشپەڕی(٤) ٢٧٢٥
#هەتاوی: ٢٠ی تیری(٤) ۱٤۰٤
#زایینی: ١١ی جۆڵای(٧) ٢٠٢٥
#مانگی: ١٦ی موحەڕەمی(١) ١٤٤٧


کەشناسی:
🌤 سنە : ٢٣ ℃
🌤 هەولێر : ٢٩ ℃
🌤 ئامەد : ٢٤ ℃
🌤 حەسەکە : ٣٢ ℃


بۆنەکان:
١٩٩٤ – یەکەم ژمارەی ھەفتەنامەی پەیمان دەرچوو.
١٩٩٦ – یەکەم ژمارەی گۆڤاری تێڕامان دەرچوو.
- ڕۆژی جیهانی دانیشتووان.


╲\╭┓‍
╭ @zmankurdy  🕊
┗╯

کاناڵی وشـەی کـوردەواری

09 Jul 2025 18:24

؛     ☆.🔆❣°•° ❤️
؛🌻🔆°●°🔆❤️🌹❤️°●°
؛❣°●°🔆
؛🕊
     ☆.🔆❣°●°❤️
🌹🔆°●°🔆❤️🌻❤️°●°
❣°●°🔆
🕊
#ڕۆژدا🌹🌻🕊
سنگێ کەچکێ سپینە نارینێ نارین جانێ
وەکە بەرفا زۆزانا سۆرگولێ بێریڤانێ
قەمبوور ل‌سەر ملانە نارینێ نارین جانێ
وەکا فتلێ مەرانا سۆرگولێ بێریڤانێ
قەمبوور ل‌سەر ملانە نارینێ نارین جانێ
وکا فتلێ مەرانا سۆرگولێ بێریڤانێ
وەی نار وەیی نار نارینێ نارین جانێ
سۆرگولێ بێریڤانێ
دەردێ یارێ گرانە نارینێ نارین جانێ
ژێ ڕە نینە دەرمانە سۆرگولێ بێریڤانێ
سۆرگولێ بێریڤانێ
وەلە ناچمە زۆزانا نارینێ نارین جانێ
ڕێ دوورە تەڤ چیانە سۆرگولێ بێریڤانێ
وەی نار وەی نار نارینێ جانێ
سۆرگولێ بێریڤانێ
دەردێ دلا گرانە نارینێ بێریڤانێ
دختۆر قیزا سالانە سۆرگولێ بێریڤانێ
خولام ڕێزا دنانا نارینێ نارین جانێ
گەلۆ یارام کیژانە سۆرگولێ بێریڤانێ
وەی نار وەی نار نارینێ نارین جانێ
سۆرگولێ بێریڤانێ...
؛🕊
؛❣🔆
؛🔆°●°🔆❤️🌻❤️°●°
؛ ☆ 🔆❣°●°❤️°●°
🕊
❣🔆
🔆°●°🔆❤️🌹❤️°●°
   ☆ 🔆❣°●°❤️°●°

کاناڵی وشـەی کـوردەواری

08 Jul 2025 23:16

#ئارام_باڵکی🌻🌹🕊
ئاسان نیە دڵ‌هەڵکەندن، بە ئاسانی ناڕوێتەوه
ئەشق بەفری بەرخۆر نیە، بە ئاسانی بتوێتەوە
تۆ کە شنەی پاکی دڵمی
ڕەنگی نێوچاوانی منی
تۆ هەناسە و خوێنی ئاڵ و
تەنیاگوڵی نێوژیانمی
ئاسان نیە دڵ‌هەڵکەندن، بە ئاسانی ناڕوێتەوه
ئەشق بەفری بەرخۆر نیە، بە ئاسانی بتوێتەوە
تۆ کە ڕۆیشتی ژینم نەما
دونیا بە یەکجاری گۆڕا
بەس ئەم‌جاره بگەڕێوە
دنیای تارم ڕۆشن‌کەوه
ئاسان نیە دڵ‌هەڵکەندن، بە ئاسانی ناڕوێتەوه
ئەشق بەفری بەرخۆر نیە، بە ئاسانی بتوێتەوە...

کاناڵی وشـەی کـوردەواری

08 Jul 2025 13:53

؛✿🌹🔅🌻■
؛🌹✵🌺■
؛✿🌸■
؛🌼■
؛ 🕊
#مامۆستانەجمه🌹🌻🕊
به دوو چاوی وەک زرێبار گەرمی گرینه
دەشتی شیرینی مەریوانە سەرگەرمی شینه
له تاڵەسوار دادەبەزن، دوو سواری سوورپۆش
میوانی تۆن کاک‌فوئادی دڵگەرم و ڕووخۆش
میوانی تۆن هاتوونەتەوە له تەورێزەوە
میوانی تۆن بیانگره له ئامێزەوە
ئەیکەین به هێز غەمی قورسی ڕۆڵەکانی تۆ
به قرمژنی گولـەباران ڕووناکە ئاسۆ
له هەواڵی هەڤاڵانی تەورێز و تاران
چەپک‌چەپک گوڵیان‌پێیە پڕپڕبەدامان
بیاندوێنه با بۆت بڵێن سروودێکی نوێ
گەش‌وڕوونتر لەو سروودەی که بیستووته دێ
دەستەدەستە لاوانی سەربەست و شۆڕشگێڕ
بەرامبەر به جۆخەی ئیعدام به دەنگی دلێر
ئەگوڕێنن تەخت‌وبەختی دوژمن ئەلەرزێ
ئەڵێن: دوژمن! ڕاوەستاوی بەرانبەر به کێ؟
بەرامبەر به ڕنووی قورسی شۆڕش وەستاوی؟!
دژی سێڵاوی باوەڕ و هێرش هەستاوی؟
وا بەیانه بۆیه وایه ئەی سەرلێشێواو!
ئەستێرەکان ئەتوێنەوە به نووری هەتاو
زەردەخەنەی گزینگی خۆر له زاری لاوان
ئاڵای سەرئاسۆی بەیانە کاتی تیرباران
مەگری‌مەگری دایکی شەهید گریان گرانە
ڕۆڵەکانت سەرووی تۆ بوون لەو کوردستانە
تۆ بەهێزی، نامری، مردن له ئاستدا کۆیلەیه
چون کە گیانی تۆ دروشمه، بانگەوازه، ڕێگەیه.
  🕊
🌼 ■
✿🌸■
🌹✵🌺■
✿🌹🔅🌻■

کاناڵی وشـەی کـوردەواری

07 Jul 2025 23:10

پارچەگۆشتێکە دڵی من، ڕوو نییە
ناڵەناڵی من درەنگە، زوو نییە
دەردی دووری... دەردی دووری کوشتمی
دەردی وشیاری و سەبووری کوشتمی
یادی یاران و وڵاتم ڕۆژ و شەو
لێی حەرام کردم قەرار و خورد و خەو
خەمڕەوێنێک لێرە من ناکەم بەدی
چۆن پەنا بۆ مەی نەبەم، ساقی! ئەدی!
نابینم خاک و وڵات و شاری خۆم
نابینم ناسیاو و دۆست و یاری خۆم
ڕوو لە ھەر لایە دەکەم نامۆیە بۆم
نابینم جێژوان و کەونەلانی خۆم
ڕوو لەھەر لایێ دەکەم بێگانەیە
ژین لە نێو بێگانەدا تەنگانەیە
شەو دەکێشم شەونخوونی و بێ‌خەوی
ڕۆژ دەچێژم دەردوداخی بێ‌ئەوی
چۆن نەناڵێ ئەو دڵەی پڕ ھەستی من؟
چۆن لە ئەژنۆ ببنەوە دوو دەستی من؟
چۆن نەناڵێ ئەو دڵە ئەنگاوتەیە؟
بەرد لە بەردی بێتەوە دەنگی ھەیە
ژانی ناسۆری جوداییم چێشتووە
ھەرچی خۆشم ویستووە جێم‌ھێشتووە
ھەڵبڕاوم من لە یاری نازەنین
دەرکراوم من لە خاکی دڵ‌نشین
بوومە ئاوارە و پەڕیوەی دووروڵات
کەوتمە نێو وردەداوی ڕێی نەجات
بەکرەشۆفارە ئەوی مووخەی چنیم
زیی مەم و زینان وڵاتی لێ‌تەنیم
کەوتمە نێو چاڵی دیلی وەک مەمێ
یایەزین لە کوێیە ھاواری کەمێ؟
کوا قەرەتاژدین، چەکۆ و عرفۆ لە کوێن؟
بێنە ھانام وەک پڵینگی چەنگ‌بەخوێن
لاسەشۆڕێک بووم غەنیمی دوژمنان
ئێستە ئەنگواوم بە تیری چڵکنان
وام بەتەنیایی لەنێو خوێنا شەڵاڵ
کوانێ عێل و کوانێ خانزاد و خەزاڵ؟
زۆر لەمێژە نارەناری منی نەبیست
ھەر وەکوو شەمزین، شەمیلەی خۆش ئەویست
وەک سیامەندێ لە چۆڵ و بەندەنێ
جەرگی لەت کردم پەلی دارەبەنێ
شەتڵی جواناوم منی ساردەبرین
کوا خەجم تا بۆم بگێڕێ گەرمەشین؟
مانگی کانوونێ بەچلوان دەرکرام
وەک برایم لەو وڵاتە ڕاو نرام
کوا پەریخان بەندوباوم بۆ بڵێ؟
بۆ نەسووتێم نەبمە پۆلووی سەر کڵێ؟
ئەو لە زۆزان، من لە ئارانێ دەژیم
کێ دەڵێ ئەمنیش وەلی دێوانە نیم؟
کوردەواری، ئەی وڵاتە جوانەکەم!
ڕۆڵەکەم! خێزانەکەم! باوانەکەم!
ئەی ئەوانەی قەت لە بیرم ناچنەوە
ئێستە بمبینن ئەرێ دەمناسنەوە؟
ڕۆژگار ھاڕیومی وەک ئەسپۆنی ورد
ھێز و توانای لێ‌بڕیوم دەردەکورد
بوومە گەپچاڕ و دەکا گاڵتان بە من
ئەو ڕمووزنەی زەندەقی چوو بوو لە من
ئەی ڕەفیقان، ئەی عەزیزانی وڵات!
ئەی برای ھاوسەنگەری جەرگەی خەبات!
گەر دەناڵێنم، ئەمن پەک‌کەوتە نیم
تێ‌دەکۆشم بۆ وەسڵ تاکوو دەژیم
کۆششی من زۆر بەجێیە و زۆر ڕەوا
چونکە قانوونی تەبیعەت وایە، وا:
هر کسی کو دور ماند از اصل خویش
باز جوید روزگار وصل خویش
ڕێگە دەبڕم، کوانێ ھەنگاوم شلە
ڕاستە بێ‌ھێزم، دەکەم ئەما ملە
ھەر دەپێوم کێو و شاخ و چۆڵ و دەشت
دێم بەرەو کوێستان بەرەو باخی بەھەشت
دێم بەرەو زیخ و چەو و کانیاوی خۆم
چۆن لەوانە وەردەگێڕم چاوی خۆم
دێم بەرەو ئەو دار و بەرد و بەندەنە
دێم بەرەو ئەو باخ و مێرگ و چیمەنە
دێم بەرەو زوورک و تەلان و کەندولەند
دێم بەرەو بژوێن و زەنوێر و زەمەند
دێم بەرەو پاناوک و ھەورازونشێو
دێم بەرەو ئەشکەوت و زەندۆڵ و پەسێو
دێم بەرەو بەفر و چلوورە و بەستەڵەک
دێم بەرەو شیخاڵ و ڕێچکە و ڕەشبەڵەک
دێم بەرەو لێڕ و چڕ و بەستێن و چۆم
دێم بەرەو ھەڵدێر و گێژ و بەند و گۆم
دێم بەرەو ھۆبە و ھەواری باسەفا
دێم بەرەو لادێ، بەرەو کانگەی وەفا
دێم ببینم نیشتمان و زێدەکەم
دێم ببینم خزم و کاک و دێدەکەم
دێم و دەگرم بازی بێری شۆخ‌وشەنگ
دیم و دەگرم دەستی دۆی جوان و چەلەنگ
دێم گراوی خۆم لە باوەش وەرگرم
دێم نەھێڵم بەرھەڵست و بەرگرم
دێم و ھەڵدەمژم شنەی کوێستانی کورد
دێم و دەچمە شەوڕنی بێستانی کورد
دێم و دەشکێنم لەوێ جامی شەراب
ماچی شیرین نایەڵێ تامی شەراب
دێم و ناترسم لە پەرژینی بە زی
ھەر پەری سەرکەوت و دێوەزمە بەزی
تا بمێنێ نووری چاو و ھێزی پێم
دێم و دێم و دێم و دێم و دێم و دێم
دێم ھەتا ھەمبێ بڕست و بیروھۆش
گەر گلاشم، کوردەواری و ئێوە خۆش…
#مامۆستاهێمن.

کاناڵی وشـەی کـوردەواری

07 Jul 2025 23:06

#بە_یادی_مامۆستاسمکۆ.🌻🌹🕊
#ناڵەی_جودایی
#شیعر_مامۆستاهێمن.
#خوێندنەوە_مامۆستاسمکۆ_پاکزاد.

کاناڵی وشـەی کـوردەواری

07 Jul 2025 12:38

وەڵامی دروستمان لۆ بنووسن.
@fergeyPEPULEKAN

کاناڵی وشـەی کـوردەواری

06 Jul 2025 22:24

#بووکی_ئازادی🌻🌹🕊
بەر لە مێژووش نیشتمانم ئەم وڵاتەجوانەیە
ئێستە کۆرکۆران خودان و بازی خۆم بێ‌لانەیە
دیلم و تاوانی ئەشقم ژیانی سەربەرزانەیە
ئاخرین ماڵی ژیانم کونجی بەندی‌خانەیە
ئەم کەلەپچە مەرهەمی زامی دڵی دێوانەیە
ساڵەهایە بانگەوازی کوردی بێ‌تەگبیر ئەکەم
ناتەبایی بوو شکاندی پشتی گەنج و پیرەکەم
کەس نەهاتە دەنگی زەنگم بۆ گەلەیەخسیرەکەم
زۆردەمێکە چاوەڕوانی زڕزڕەی زنجیرئەکەم
سەیری ئەم زنجیرەکەن وەک زێوەری شاهانەیە
گەر خەباتی گەل بەگوڕبێت، ڕۆژی هیوا دێتە ڕێی
نائومێد و ناتەبابێ، مه‌رگەڵانه‌‌‌‌‌ شار و دێی
ترس و بێده‌نگی و تەسلیم، شێعری من هه‌ر نه‌نگه‌پێی
بووکی ئازادیم ئەوێ خوێنم خەنەس بۆ دەست و پێی
حەڵقەحەڵقەی پێوەنم بۆ پڵ‌پڵە و لەرزانەیە
فەخرە گەر بۆ نیشتمانم بێ‌بژیووماڵ ئەبم
خۆشە بۆ مافی هەژاران هەڵوەدا بێ‌حاڵ ئەبم
بەندی دوژمن پووچە بۆ من، تێیدا پوختەوقاڵ ئەبم
گەرچی دوژمن وائەزانێ من بە دیلی لاڵ ئەبم
باش بزانێ کونجی زیندانم قوتابی‌خانەیە
گەل لە بێدەنگی ستەمدا ژینی وێرانتر ئەبێ
حاکمی بەندوته‌نافان مەرگی ئاسانتر ئەبێ
شێعری من بەم زەخت‌وبەندە بانگی هەرمانتر ئەبێ
بیری ئازادیم لە زینداندا فراوانتر ئەبێ
قوڕ به سەر ئەو دوژمنە هیوای بە بەندی‌خانەیە
هێزی باوەڕمەندی کوردان هەردژی بێدادیە
خەونەکان و بەرخۆدانی گەل لە خۆی زوو ڕادیە
شەق دەکەین شەوگاری زاڵم ڕەنگی ئاسۆم شادیە
گرتن و لێدان و کوشتن عامیلی ئازادیە
تۆپ و شەستیر و کەلەپچە لام وەکو ئەفسانەیە
زەخت و کوشتن ناتوانێ میلەتێک ناچار بکا
سەبری سەرڕێژ هێندە بەس
تا شاعیرێ هاوار بکا
ڕۆژی خۆی دێت شێعری قانع لاوه‌کان هوشیار بکا
چاوەڕوانی شۆڕشێکم عالەمێ ڕزگار بکا
میلەتم بۆ ئەو مەبەستە کردەوەی شێرانەیە
گەل نەبێتی هزر و هیوا بۆ دڕندەی شا، مەڕە
بێ‌ژیانی سەرفه‌رازی، نیشتمانیش بێ‌فەڕە
شاعیری هاواری کوردان ئاشتی‌خواز و لاشەڕە
چەکی شۆڕشگێڕی من نووسین و بیروباوەڕە
ڕاپەڕینە هەڵمەتە، پڕنەعرەتەی کوردانەیە
قەت بە دیلی ڕانەهاتووم هەڵوەدای ژیانی گەشم
بێ‌بژیو و ڕاپەڕێوی حوکمی قانوونی ڕەشم
سەرنەوی ناکەم ئەگەر سەد هێندە ئەستەم‌بێت بەشم
گەر بە ئازادی نەژیم مردن خەڵاتە بۆ لەشم
نۆکەری و سەردانەواندن کاری نامەردانەیە 
لەم بەهەشتی خاکە، دیل و هەر بە ناشادی ئەژیم
ماڵی خۆمە، لێم‌حەرامە و وه‌ک نه‌وه‌ی مادی ئەژیم
بۆ شرینی ژینی تاڵم ئەشقی فەرهادی ئەژیم
(قانعم) ئەمڕۆ لە زیندانا بە ئازادی ئەژیم
سەدهەزار لەعنەت لەوەی وا نۆکەری بێگانەیە
#ڕەحیم_لوقمانی_تێهەڵکێش_لەسەر_بووکی_ئازادی_مامۆستاقانع

دەقی ڕاستەقینەی شیعرەکە بەم شێوەی خوارەوەیە:👇
بووکی ئازادی
ئاخرین ماڵی ژیانم کونجی بەندیخانەیه
ئەم کەلەبچه مەرهەمی زامی دڵی دێوانەیه

زۆردەمێکه چاوەڕوانی زڕزڕەی زنجیر ئەکەم
سەیری ئەم زنجیرەکەن وەک زێوەری شاهانەیه

بووکی ئازادیم ئەوێ خوێنم خەنەس بۆ دەست و پێ
حەڵقەحەڵقەی پێوەنم بۆ پڵ‌پڵە و لەرزانەیه

گەرچی دوژمن وائەزانێ من به دیلی، لاڵ ئەبم
باش بزانێ کونجی زیندانم قوتابی‌خانەیه

بیری ئازادیم له زینداندا فراوانتر ئەبێ
قوڕ بە سەر ئەو دوژمنەی هیوای به بەندیخانەیه

گرتن و لێدان و کوشتن عامیلی ئازادیه
تۆپ و شەستیر و کەلەبچه لام وەکوو ئەفسانەیه

چاوەڕوانی شۆڕشێکم عاڵەمێ ڕزگار بکا
میلەتم بۆ ئەو مەبەسته کردەوەی شێرانەیه

چەکی شورشگێری من: نووسین و بیروباوەڕه
ڕاپەڕینه هەڵمەته پڕنەعرەتەی کوردانەیه

گەر به ئازادی نەژیم مردن خەڵاته بۆ لەشم
نۆکەری و سەردانەواندن کاری نامەردانەیه

قانعم ئەمڕۆ له زینداندا به ئازادی ئەژیم
سەدهەزار لەعنەت لەوەی وا نۆکەری بێگانەیه
#مامۆستاقانع

کاناڵی وشـەی کـوردەواری

06 Jul 2025 08:54

هەتاوێکم پڕاوپڕ لە خۆشەویستی بۆ ئەویندارانی وڵاتم
دێڕبەدێڕی درەوشاویم ڕۆمانێکی پڕهاوارە لە بێدەنگی هاوڕێیانێک کە دوێنی و ئەمڕۆ و سبەینێ دەمنووسنەوە...
کێ‌بێت و لە گۆرانیم بۆ بخوێنێت؟
کێ بێت و لە تارمایی شەوەزەنگدا
زڕەی زنجیری وشەدیلەکانم بۆ
بشکێنێت...؟🌻🌹🕊

کاناڵی وشـەی کـوردەواری

05 Jul 2025 20:47

#نەجمەدین_غوڵامی🌻🌹🕊
پێش‌بکەوه، پێش‌بکەوه، پێش‌کەوە
بۆ پێشەوە ئەی کوردی ئازا

ئاخرین ماڵی ژیانم کونجی به‌ندیخانەیە
ئه‌م که‌لەپچه‌ مه‌رهەمی زامی دڵی دێوانەیه‌
زۆردەمێکه‌ چاوەڕوانی زڕزڕەی زنجیر ئەکەم
سه‌یری ئه‌م زنجیره‌که‌ن وه‌ک زێوه‌ری شاهانه‌یه‌
پێش‌کەوە پێش‌کەوە تۆ پێش‌کەوە
بۆ پێشەوە ئەی کوردی ئازا

بووکی ئازادیم ئه‌وێ، خوێنم خه‌نه‌س بۆ ده‌ست و پێ
حه‌ڵقه‌حه‌ڵقه‌ی پێوه‌نم بۆ پڵ‌پڵه‌ و له‌رزانه‌یه‌
گه‌رچی دوژمن وائه‌زانێ من به‌ دیلی لاڵ ئه‌بم
باش بزانێ کونجی زیندانم قوتابی‌خانه‌یه‌
پێش‌کەوە پێش‌کەوه تۆ پێش‌کەوە
بۆ پێشەوە ئەی کوردی ئازا

سوێندە! سوێندی کوردپەرستی
سوێندی سەرشۆڕی‌نەویستی
سوێندی بڕوا و خۆشەویستی
سوێندی لە خۆ داماڵینی بەرگی نۆکەری و ژێردەستی
سوێندە! سوێندی کوردپەرستی
سوێندە بۆ خۆری سەربەستی
سوێنده! هەموو ئەیڵێینەوە
سوێندە کە ناگەڕێینەوه
سوێندە! بەو خوێنانەی ڕژان
بوون بە چراوکی ڕێی ژیان
سوێندە بەو سکانەی سووتان
سوێندە! بە فرمێسکی دایکان
سوێندە بەو زەردەخەنانەی لەسەر لێوی کۆرپە کوژران
سوێندە! هەموو ئەیڵێینەوە
سوێندە کە ناگەڕێینەوە
بیری ئازادیم له‌ زیندانا فراوانتر ئه‌بێ
قوڕ بە سه‌ر ئه‌و دوژمنه‌ی‌ هیوای به‌ به‌ندیخانه‌یه‌
گرتن و لێدان و کوشتن عامیلی ئازادییه‌
تۆپ و شه‌ستیر و که‌له‌پچه‌، لام وه‌کوو ئه‌فسانه‌یه‌
پێش‌کەوه پێش‌کەوە تۆ پێش‌کەوە
بۆ پێشەوە ئەی کوردی ئازا

چاوه‌ڕوانی شۆڕشێکم عاله‌مێ ڕزگار بکا
میله‌تم بۆ ئه‌و مه‌به‌سته‌ کرده‌وه‌ی شێرانه‌یه‌
چەکی شۆڕشگێری من نووسین و بیر و باوەڕە
ڕاپەڕینە، هەڵمەتە، پڕنەعرەتەی کوردانەیە
پێش‌کەوە، پێش‌کەوه تۆ پێش‌کەوە
بۆ پێشەوە ئەی کوردی ئازا
سوێندە ئەیخۆین بەو زمانەی بوونی کوردی پێ‌پژاوە
سوێندە ئەیخۆین بەو وڵاتەی کوردستانی دایکی ناوە
بە شاخ‌وداخ و ڕووباری
بە بێشەی چڕ و نزاری
بە هەموو مشتەخۆڵێکی
به ئاو و به بەرد و داری
سوێندە هەموو ئەیڵێینەوە
سوێندە کە ناگەڕێینەوه
سوێندە بە ڕم به تیر چەکوش
بە مەچەکی هەڵگەڕانی
سوێندە بە مەشخەڵی شۆڕش بە کڵپە و گڕی سووتانی
سوێندە هەموو ئەیڵێینەوە
سوێندە کە ناگەڕێینەوە

گه‌ر به‌ ئازادی نه‌ژیم، مردن خه‌ڵاته‌ بۆ له‌شم
نۆکه‌ری و سه‌ردانه‌واندن  کاری نامه‌ردانه‌یه‌
قانعم ئەمڕۆ لە زیندانا بە ئازادی دەژیم
سەدهەزار لەعنەت لەوەی وا نۆکەری بێگانەیە
پێش‌کەوە پێش‌کەوە تۆ پێش‌کەوه
بۆ پێشەوە ئەی کوردی ئازا
#تێهەڵکێش_لەسەر_شیعر_مامۆستاقانع.

کاناڵی وشـەی کـوردەواری

04 Jul 2025 22:11

؛✿🌹🔅■🍃■🌹■🍃●
؛🌹 ✿ 🌹■🌹■🍃●
  ؛✿🌹🍃●
؛🌼●
؛🍂
✿🌹🔅🍃■🌹■🍃●
🌹 ✿ 🌹■🌹🍃●
✿🌹🍃●
🌼●
🍂
‍ ڪاتێڪ شێعری خۆشەویستی تۆ دەنووسم
دەست‌بەتڪا
وشە دوای وشە چاوەڕێن
دەپێم بڵێ ئەمن ڪامیان هەڵبژێرم
خاڪ، نیشتمان، وڵات یا زێد؟
ڪاتێڪ فڪری دووربوون لە باڵای تۆ دەڪەم
دەست‌بەتڪا
یەڪ‌بەدوای‌یەڪدا چاوەڕێن
دەپێم‌بڵێ ئەمن ڪامیان بە جێ بێڵم؟
ژان و ئازار یا دەردوئێش؟!
#مارف_ئاغایی🌻🌹🕊
؛🍂
.؛🌼●
.؛■ 🌹🍃●
؛🌹 ✿ 🌹🍃🌹■🍃■●
.؛ ✿🌹🔅■🍃■🌹●
🍂
🌼●
✿ 🌹🍃●
🌹✵🌹■🌹■🍃●
✿ 🌹🔅🍃■🌹■🍃●

کاناڵی وشـەی کـوردەواری

04 Jul 2025 05:30

ڕۆژژمێر:
ئەمڕۆ: هەینی
#کوردی: ۱٣ی پووشپەڕی(٤) ٢٧٢٥
#هەتاوی: ۱٣ی تیری(٤) ۱٤۰٤
#زایینی: ٤ی جۆڵای(٧) ٢٠٢٥
#مانگی: ٩ی موحەڕەمی(١) ١٤٤٧


کەشناسی:
🌤 سنە : ٢٢ ℃
🌤 هەولێر : ٢٤ ℃
🌤 ئامەد : ٢٠ ℃
🌤 حەسەکە : ٢٤ ℃


بۆنەکان:




╲\╭┓‍
╭ @zmankurdy  🕊
┗╯

کاناڵی وشـەی کـوردەواری

03 Jul 2025 17:23

؛✿🌹🔅🌻■🕊
؛🌹✵🌺■🌹
؛✿🌸■🕊
؛🌼■🌻
؛  🕊
✿🌹🔅🌻🕊
🌹✵🌺■🌹
✿🌸■🕊
🌼■🌻
   🕊
#مامۆستاناسر🌻🌹🕊
هەڵوەدام و ڪەیلەدڵ بۆ دیتنی ڪوێستانەڪەم
تاسەبارم تاسەباری خاڪی ڪوردستانەڪەم
وا پەڕیوەی بێ‌پەڕوپۆی هەندەرانم داخەڪەم
هەرچی دەڕوانم دەبینم دوورەدوورە ژوانەڪەم
ڪۆڵەوارێڪم ڕەبەن ڕێبواری ڕێگەی سەخڵەتم
شۆرەڪات و دڕڪ‌وداڵ و بەردە ڕێگەوبانەڪەم
ڪۆچەرێڪم هەڵگری سەر وا لە پێناوی وڵات
ئەو مەلەم ئاڪامی ڪۆچم دێمەوە هێلانەڪەم
بەرزەهەنگاوم، بەرەو ئامانجی سەرڪەوتن ئەڕۆم
تۆف و ڕێبەندان و زریان ناتەزێنێ گیانەڪەم
دێم بۆ ژوانێ دەچم تاپۆی شەو ئەدڕێنێ وزەم
ژوانی من ژوانی هەتاوە ژوانگەڪوردستانەڪەم
#حەسەن_شافیعی
؛   🕊
؛ 🌼■🌻
؛✿🌸■ 🕊
؛🌹✵🌺■🌹
؛✿🌹🔅🌻■🕊
    🕊
🌼 ■🌻
✿🌸■ 🕊
🌹✵🌺■🌹
✿🌹🔅🌻■🕊

کاناڵی وشـەی کـوردەواری

03 Jul 2025 05:31

ڕۆژژمێر:
ئەمڕۆ: پێنج‌شەمە
#کوردی: ۱۲ی پووشپەڕی(٤) ٢٧٢٥
#هەتاوی: ۱۲ی تیری(٤) ۱٤۰٤
#زایینی: ۳ی جۆڵای(٧) ٢٠٢٥
#مانگی: ۸ی موحەڕەمی(١) ١٤٤٧


کەشناسی:
🌤 سنە : ٢٠ ℃
🌤 هەولێر : ٢٩ ℃
🌤 ئامەد : ٢٤ ℃
🌤 حەسەکە : ٢٩ ℃


بۆنەکان:




╲\╭┓‍
╭ @zmankurdy  🕊
┗╯