#زنجيل
قصيدة رقم ١٥
واويــــــــلاه مهـــــــدك خالـــــــي ( تجليبه )
شاعر أهل البيت / جابر النجفي ـــ التاريخ 5 / 10 / 2011م ـــ 7 / ذي القعده / 1432 هـ ـــ ديوانيه 07804314411
يريت النبله صابتني إوخُلص عمري === ولاشوفن دماك إمن النحر تجري
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ولا شوفن يعبد الله النحر مدمي == مصابك ياوحيدي للنظر يعمي
يبني إو ياحبيبي تيهّت إسمي == أنظُر للمهد يبني إو خُلص صبري
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
أنظُر للمهد يبني إو تصب عيناي == أذكرك من ﭽنـــت نغمة فرح ويّاي
تداوي إجروحي يبني إو ياحلم دنياي == أشوفك تبتسم والهم يمُــر يسري
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
أشوفك تبتسم والهم يصير أفراح == يمْنَوّر حياتي إو ﻟﻟﮔلب سبّاح
شلون إتروح عنّي ما بعد أرتاح == حليبك در يعبد الله إو غده يجري
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
حليبك در يعبد الله الرحت عطشان == طَلَبْلَك ماي أبو اليمّه إو رجع حيران
نحروك إبحقدهم زمرة الشيطان == لظل بعدك أنوح إو أنتظر ﮔبري
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لظل بعدك أنوح إبليلي وإنهاري == أهز مهدك يعبد الله إو تشب ناري
يصير إترابك المأوى إو إلي داري == تظل آهاتي تنزف من لظه صدري
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تظل آهاتي يوليدي تباريني == وإرسومك تمـُر بيّه إو تسـُر عيني
صوتك آني أسمعه دوم ياتيني == وأسهر ليلي ما نام أنتظر فجري
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
وأسهر ليلي ما ينزل عليّه النوم == أشوفك طير مصيوب إو يوُن مهضوم
ما بين السمه واﻟﮔاع بس مهموم == تناديني يعبد الله نلت أجري
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تناديني يَيُمّه فاطمه الزهره == خَذَتْني إو من نواظرها تصب عبره
ونادي ياحبيبي آني منتظره == أجيك إو فاطمه الزهره تجي إبحشري
ــــ
مع تحيات شاعر أهل البيت / جابر النجفي
#زنجيل
قصيدة رقم ١٣
ما نِنْســــــاك يامــــــولاي ( تجليبه )
شاعر أهل البيت / جابر النجفي ـــ التاريخ 30 / 9 / 2011م ـــ 2 / ذي القعده / 1432 هـ ــ ديوانيه 07804314411
سلام الله عليك إبكُل شُرب للماي === ما نِنْساك ياعطشان يامولاي
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ما نِنْساك ياعطشان دمّك صار == مناير داينت أنوار للأقمار
يريت إبكُل وكت يمّك أحِل خُطّار == أشم عطر الشهاده إو ينتشر بعضاي
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
أشم عطر الشهاده إو أﮔصد الحضره == يمُر بيّه حلم ياخذني للزهره
أعزّيها إبمصابك وأﺳﭽب العبره == ونادي يالوديعه دمعتي إبعيناي
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ونادي يالوديعه دمعتي إبعيني == ألم بالروح ياخذني إو يودّيني
يم إحسين وأنواره تناديني == أروح الكربله أمشي إو حزن بحشاي
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
أروح الكربله أمشي إو أزور إحسين == وأزور الكافل إو يمّه أهل العين
أصيح إبياذنب ﮔطعوا إلَك ﭽفّين == ياباب الحوايج جيت إلَك ﺷﭽـــاي
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ياباب الحوايج جيت إلَك مجروح == وإجروحي على زينب توُن وإتنوح
أريدك ياأبو فاضل تِطَيب الروح == وَرِد منّك طِلِبْتي مالِيَه يمناي
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
وَرِد منّك أسولف لهلي وأحبابي == أبو فاضل فتحها كُلها أبوابي
طبيبي إو ما تركني ساعة إمصابي == لظل كُل حين أﮔصد للوفَه مشّاي
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لظل كُل حين أﮔصد كربله الأحزان == أزور إحسين وأهتف يالصرت عنوان
أحلفك بالرضيع الما شرب عطشان == إشفع ياحبيبي إو يابدر دنياي
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
إشفع ياحبيبي ياأبو الأكبر == بجاه الوالده الزهره إو علي حيدر
إذا تِتْركني يحسين أنتهي إو أعثر == ما شوفن طريقي بالحشر يضواي
ــــ
مع تحيات شاعر أهل البيت / جابر النجفي
#زنجيل
قصيدة رقم ١١
لعنــــــــــــــــة الله ( موشح )
شاعر أهل البيت / جابر النجفي ــ التاريخ 6 / 11 / 2012 م ــ 21 / ذي الحجه / 1433 هـ ــ ديوانيه 07804314411
ردّد اللعناتِ في حُزنٍ شديدْ === لعنـــــــة اللهِ عليــــــكَ يايزيدْ
ــــــ
لعنة الله إعليك ياإبن الطليـق == ما عرفت الخير تيّهت الطريق
وينك إنتَ إو وين أيّام البريـق == إنتهيت إو بس ﺑﮔﻪ يزهي شهيد
لعنــــــــــــــــة اللهِ عليــــــــــــــــــــــــــكَ يايزيـــــــــــــــــــــدْ
ـ
إنتهيت إوبس ﺑﮔﻪ نور الحسين == ينتشـر بالكون وإيغطي السنين
وإنتَ يامذموم بالأسفل لعيـــن == آخره إو دنيه تظل فاسق طريد لعنـــــــــــــــــــــــة اللهِ عليـــــــــــــــــــــــــكَ يايزيــــــــــــــــــــــــــدْ
ــــــ
آخره إو دنيه تظل ما تنعرف == بالفســـــاد إو بالمهانه تنوصف
بس لواء الحق يظل دومه يرف == والمجـد يبنيه دم ذاك الوريد
لعنة اللهِ عليكَ يايزيدْ
ـــــــ
والمجد يبنيه دم الصالحيـــن == تنتهي وإتروح نار الفاسقين
ﻳﺑﮔﻪ للمظلوم يملينه الحنيـن == واليزور إحسين محظوظ إو سعيد
لعنــــــــــــــــــــــة اللهِ عليـــــــــــــــــــــــــكَ يايزيــــــــــــــــــــــــــدْ
ـــــ
واليزور إحسين مَيْشوف اللظه == بالجنـــــان إيفوز وإينال إيحظه
ياخذ الصك من ولينه المرتضه == والمعـــــــادي يدخل النار البعيد
لعنــــــــــــــــــــــــــــــة اللهِ عليـــــــــــــــــــــــــكَ يايزيـــــــــــــــــــدْ
ــــــ
والمعادي ما ينال الغانمــــــه == تغضب إعليه الزﭼيّه فاطمه
من غضبها تهتز أركان السمه == ينكتـــــب مذموم وإينال الوعيد
لعنــــــــــــــــــــــــــــة اللهِ عليـــــــــــــــــــــــــكَ يايزيـــــــــــــــــــــدْ
ــــــ
ينكتب مذموم لو حل الحساب == ناكــر المظلوم وأولاده الشباب
واليحبهم يسلم إبيوم العقـــــاب == ياحبيبي إحسين يهتف بالنشيد
لعنــــــــــــــــــــــــــــــــة اللهِ عليـــــــــــــــــــــــــكَ يايزيــــــــــــــــــدْ
ــــ
ياحبيبي إحسين نهتف سيــــدي == هل شهر عاشور إسود نرتدي
والدموع إتسيل والهم يبتدي == ترجع الأحزان والمأتم جديد
لعنــــــــــــــــــــــــــة اللهِ عليـــــــــــــــــــــــكَ يايزيــــــــــــــــــــــــــدْ
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ترجع الأحزان وإنعزّي البتــول == والزﭼيّه إتسجل اليهوَه القبول
ننصر الطيبين أولاد الرســول == نرتقي أحرار ما نقبل عبيد
لعنـــــــــــــــــــــــــــة اللهِ عليــــــــــــــــــــكَ يايزيـــــــــــــــــــــــــــدْ
ــــــ
نرتقي أحرار وإبدرب الفــــداء == ما يهمنه لو جرت منّه الدماء
ما نعوف الحق ولا هذا العـزاء == بس رضا المعبود نهواه إو نريد
لعنـــــــــــــــــــــــــــة اللهِ عليــــــــــــــــــــكَ يايزيــــــــــــــــــــــــــــدْ
ــ
مع تحيات شاعر أهل البيت / جابر النجفي
#زنجيل
قصيدة رقم ٩
رمــــــز الشبــــــــاب ( موشح )
شاعر أهل البيت / جابر النجفي ــ التاريخ 29 / 11 / 2011م ـــ 3 / محرم / 1433هـ ـــ ديوانيه 07804314411
ياعلي الأكبر صرت رمز الشباب === ما تغيّر موقفك عند الصعاب
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ما تغيّر موقفك يوم الطفوف == ما خفت نار العِدَه إو حر السيوف
ظلّت الفُرسان خوّافه إو تشوف == حيدره البلكون هذا المايهاب
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
حيدره البلكون شاهر صارمه == والمنايا بيه تنزل قادمه
والسيوف إبخوف يمّه إتسالمه == والوجيه إحسين ينظرله المهاب
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
والوجيه إحسين ينظر أكْبَره == شاف زود المصطفه بيهم جره
موت فوﮒ الروس نازل ناثره == أنزل الأكبر على اﻟﮔوم العذاب
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
أنْزَل الأكبر على اﻟﮔوم الرِدَه == وإﺑﮔلب أمّه الرزايا صاعده
تنظُر إبوجه الحسين إو فاﮔده == ضاعت أخبار الولد وسط الحراب
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ضاعت أخبار الشبيه إو صورته == ما تشوفه راح يمشي الغايته
للشهاده إيريد هاذي مُنْيتَه == ما يهمّه الموت للظامي أجاب
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ما يهمّه الموت يشبه حيدره == للمعالي إيسير يفدي منحره
والجيوش إتخاف منّه إو حايره == واليبارز ينتهي إيشوف الخراب
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
واليبارز ينتهي إبسيف الخطر == سيف الأكبر حامل إبحدّه القدر
سجّل المهيوب فوزه والظفر == وإبعزيمه إو زود يمشي للمصاب
ـــ
مع تحيات شاعر أهل البيت / جابر النجفي
#زنجيل
قصيدة رقم ٧
آلام حميـــــــــده شوط كربلائي
شاعر أهل البيت / جابر النجفي ــ التاريخ 6 / 10 / 2014 م ــ 11 / ذي الحجه / 1435 هـ ــ ديوانيه 07804314411
ـــــــــــــــــــــــــــــــــــــــــــــــــــــــــــــــــــــــــــــــــــــ
حميده رادت إتشوفه === تريد إتقبـّل إﭼفوفه
طالت غيبته المهيوب === أبوهــــــا الراح للكوفه
ــ
تركها مسلم إبحيــــــــره == سفير إحسين إبو الغيره
حميده الوالهه إزغيره == وبوهــــــا فارﮒ الديره
ما عدها أبد غيـــرَه == يغطــّيها الولــي إبخيره
فارﮔــها إو مشه عنها === تعيــــــش إبهمها وإبونها
إذا ليل الحزن جــَنــْها
تهيم إبشوفة إطيوفه === أبوهــــــا الراح للكوفه
ــ
تحلم بيه يرد ليها == يهنــّيهــــــــــــا إو يداريها
تلاﮔيه إبــّواﭽيها == تشكيلــــــــــــــــــه لياليها
يحققــّها أمانيهـــــــــــــــا == يخاف إمــن الهــَوَه إعليها
لكن طالت الغيبــــــــه === عليهــــــــا حلــّت إمصيبه
ﮔلبها غيبته إتذيبه
على ﻣﻠﮔــاه ملهوفه === أبوهـــــــــا الراح للكوفه
ــ
حميده تحسب الأيـّام == يـــــــــــوم إبيوم بالأحلام
سهرانه إو أبد مـَتـْنام == تتانــــــــي الوالد الضرغام
لكن هالحلـــــــــــم ما دام == مضـــــــه الوالي إبعزم وإقدام
وصل صوته لبو اليمـّه === سلــّـــــــــم مسلــــــــم إبهمــّه
بلغ مجده إو نزف دمــّه
تهنـــّه إو فاز معروفه === أبوهـــــــــــــــا الراح للكوفه
ـ
مسح راس اليتيمه إبهـــم == أبو اليمـّه إبدمع من دم
أبوﭺ آني أصير إو عم == يبويـــــــه ركني إتهــدّم
أبوﭺ الكـُل جـُرح بلسم == مسلــــــــــــم ودّع الضيغم
عليه دمعي يصب همـّال === وإفراﮔـــه صعب ﭽتــّال
جروحي نازفه وإﺛﮔـال
مسلم غاب مــَنــْشوفه === أبوهـــــا الراح للكوفه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
حميده ظلــّت إبهمها == تنظـــُر للولي عمها
تريده إﻳﮔـول يــِعـْلمها == عــــن أخبار مسلمها
وإطيوفه تسالمها == آلامــــه تداهمها
حلمها عاش ويــّاهــا === تشوف الكوفه عيناها
بيها إيصير مثواها
جـُرحها مسلم إيروفه === أبوهــــا الراح للكوفه
ــــ
مع تحيات شاعر أهل البيت / جابر النجفي
#زنجيل
قصيدة رقم ٥
دم تــُصــــب العيــــن ( شوط كربلائي )
شاعر أهل البيت / جابر النجفي ـ 7 / 10 / 2015م ـ 23 ذي الحجه 1436 هـ ـ ديوانيه 07804314411
ما ننسه مـُصاب إحسين === عساها دم تـُصب العين
كل يوم اليمـُر ذكــــــراه === أبو اليمـّه الأقام الدين
ــــ
رسم مجده إبنزيـــف الـــــــدم == عـُرف ﻳﺑﮔـه إو يزول إعداه
واليهواه مـــــا يندم == دنيه إو آخره ويّاه
زوره إو ما تشوف الهـــم == يفيض الخير من يمناه
صـَبـُر وإقدام عنوانه === ثابت دوم إيمانــــــــه
أبو السجــّاد مولانه
جروحه نازفه للحيــــــن === أبو اليمـّه الأقام الدين
ـــــ
رُفع راية نصـُر موعــــــود == ﺴﮔاها إبدم وريده إبشوﮒ
وإنـْعـُرفت بهــــاء إو زود == تزهي إبكربله وإتلوﮒ
ما نزلت عطايا إتجود == ظلـّت بالأعالـــي فوﮒ
تنطـــــي إمــــــــــراد للزوّار === يحل يمها اﻠﻌـِﺸـَﮓ خطـّار
تنادي وين راعي الثار
ياخذ ثار أبـــو الطيبين === أبو اليمـّه الأقام الدين
ـــــ
تظل ثورة أبو الأحرار == نهج للثاير إبكـُل يوم
منها ياخذ الثـوّار == عزيمه بالمعارك دوم
جهاد الناصبــــــه الأشرار == رسم دربه الولي المظلوم
وأنصاره نصيـر إحـْنـَه === غير إحسين ما عدْنـَه
لو صار الزمن ضدْنـَه
على نهجه نظل ماشين === أبـــو اليمـّه الأقام الدين
ــــ
بينه إمن المُصاب إجروح == ما تشفــــه يبو الثــــارات
عايــــش والدك بالروح == أبو الأكبر أبد ما مات
واﻠﺣﮓ تايـه إو مذبوح == يريدك تمسح العبرات
وأمـّك فاطمه إبهمها === تريــــدك سيدي يمها
مـُصاب إحسين آلمها
مـُصابه أحزن الكونيين === أبـو اليمـّه الأقام الدين
ــــ
زينب ما نسيناهــــــــــا == من ظلـّت وحيده إتحوم
أخوها إحسين وصـّاها == تكفل عيلتـــــه المهموم
بيها إدموع عيناهــــــا == ما نزلت تناغي الحوم
صوت الثوره ما ذلـّت === عزيـــزه وين ما حلـّت
سيف المـُرتضه سلـّت
سيف إو ما يهاب البين === أبــــو اليمـّه الأقام الدين
ـــــ
دروس إو موعظه إلـْنـَه == من عبّــــــاس مصدرها
ما ننساه دوم إحـْنـَه == شهــــم للغيره منبرها
نتبع هـِمـّتـَه صـرْنـَه == أميـّه إنجاهـِـدَه الشَرها
نبراس الوفه العبّاس === أبــو الهدّات رفعة راس
تهابه إو تشرد الأرجاس
يريده ﻳﮔلب الصوبين === أبو اليمـّه الأقام الدين
ـــ
مع تحيات شاعر اهل البيت / جابر النجفي
#زنجيل
قصيدة رقم ٣
والزﭽيّــــه إبـْنارهــــا ( موشح )
شاعر أهل البيت / جابر النجفي ـ 28 / 7 / 2018 م ـ 14 ذي القعده 1439 هـ ـ الديوانيه 07811203746
هـَل مُحَرّم والزﭽيـّه إبْنارها === ما ظهر يطلب إبْنها إبْثارها
ـــــ
ما ظهر مهديها راعي الغانمـه == تنتظـــــر يومه الشفيعه فاطمه
ياخذ إبثار العقيله العالمه == ياخذ إبثار الغريبه إبْدارها
ــ
ياخذ إبْثار الحُسين إو غـُربته == كربلـــه إتشوف البهيّه طلعته
يوصل إلها إو ﯾﺳﭽب إبْهم دمعته == ينتشــــر نوره علـــــــــى زوّارها
ـــ
ينتشر نوره نريـــده المنتظر == يغسل إهموم الموالي والكَدَر
طالت الغيبه إو تِوَلاّنـَه الخـَطـَر == دنيــــــــة الشر نازله إبْأكدارها
ـــــ
دنية الباطل تحـــــارب كل شريف == والظلم ما ينحمل ﯾﭽوي إو مخيف
عاد إبن مرجانه بالجور العنيف == وينــــه إبن حيدر علي كرّارها
ـــــ
وينه إبن حيدر ﻓﮔدنــــــاه العَدِل == يظهر المهدي يـِلـِمـّنـَه الشـَمِل
ينتهي إيزيد اليعادينــــه النـَذِل == زمرة الأشرار تِخـْسَه إبْعارها
ـــــ
زمرة الأشرار تِخـْسَه من يـِهِل == نـور ألله الينتظر يومه اليـِحِل
وإحنه أنصاره نعاهد ما نِذِل == والشريعـــه تِنـْحيي أنـْوارها
ـــــ
والشريعه تِنـْحيي إبأبن الحسـن == يظهر المهدي ولو طال الزمن
يمسح إدموع الموالي لو جَرَن == تنتهي الدنيه جميع أخـْطارها
ــــ
تنتهي الآهات لو هـَل الأمام == ياخذ الثارات وإيحل السلام
ما يظل جور الأعادي والظلام == والزﭽيّـه تنكشــــف أسْرارها
ـ
مع تحيات شاعر أهل البيت / جابر النجفي
#زنجيل
قصيدة رقم ١
مـُحـَرّم عـَـوّد إو جانـَـه ( شوط كربلائي من جديد قصائدي لشهر محرم ١٤٤٢ هجريه )
------------------
مـُحـَرّم عـَوّد إو جانـــــَه === نِشـِم ريحـَتـْها أحْزانـَه
أبو الأحرار ما نِنـْســـــــاه === وَفي إو هَيـْهات يـِنـْسانـَه
______
مـُحـَرّم يـِحْمِـــــــــل إلآلام == واجب نِحـْيي أيّامــَه
نواجــــــــــِه سَطـْوَة الظـُلاّم == يـِشِد كل مؤمن إحـْزامـَه
يعيش المـُبـْغِض إبأوْهــام == يخيب إبْصوتـَه إعـْلامه
إحـْنـَه إحْسين والينــه == تِهِل خيراتـَه إعْلينه
بالمحشر يلاﮔينـــه
دِنـْيـَه إو آخِرَه وَيـّاه === والمهيـــــوب ويـّانـَه
ـــــ
مـُحـَرّم مَوْسِـم الأحـْزان == مَوْسِم مِحْنـَة الزهـْرَه
وإحـْياءَه فـَرُض وإيمــــــان == وإحْنـَه إبشوﮒ نِنـْتـَظـْرَه
نريد إنـْشارِك العطشــان == إحْسين إلـْرِسـَم ثـَوْرَه
نِعـْلِنـْها مآتِمْنــــــــَه == نِحْييها شعايـِرْنـَه
تِعـَلـّمـْنـَه منابـِرْنـَه
نعين المـُخـْلـُص إو نِرْعاه === والمعبـــــــــود يـِرْعانـَه
ــــــ
مـُحـَرّم مَنـْبَـــــــــر التـَغـْيير == رِسَم مَجـْدَه أبو الثوّار
مَنـْهَجـْنـَه إو عليه إنـْسير == مَنـْهَج نبعة المـُخـْتار
ننادي للعدل والخيـــــــر == قِدْوَتـْنـَه علي الكرّار
نواجه واجـــــب الظالـِم == نكون العون للوادِم
نـَهِجـْنـَه إيْبارِكـَه القايـِم
تـُنـْظـُرْنـَه الأبي عينــــــــــــاه === عَمـَلـْنـَه إيْشوفـَه مَوْلانـَه
ـــــ
مـُحـَرّم عـَبـْرَة الطيبيـــــن == يروي كل مَجاهِد دوم
ما أعـْظـَم مُصاب إحسيــن == رضيعَه قـَدّمـَه المظلوم
أبو اليـِمّه أقام الديــــــــــــــــن == عـَزِمـْنـَه من جهادَه اليوم
نواجه كـُل يزيد إيْجور == والفاسِد عليه إنـْثور
عقيدَتـْنـَه سلاح إو نور
والمهدي إبْصَبُر نِنـْخــــاه === يـِظـْهَر كِثـْرَوا إعْدانـَه
ــــ
مـُحـَرّم بالعمل نِحْييــــــــــه == عمل خير إبـْتـَراحـُمـْنـَه
أمـُر الله نسير إعْليه == والطيبـات تِجـْمَعـْنـَه
والهادي النبي نِرْضيه == مجالـِسـْنـَـه تـَعـَلـْمـْنـَه
نِصـَلـّي إعلى النبي إو آله == نريــده الصوت يـِتـْعالـَه
والملهوف هِنـْيالـَه
على المذبــــــــوح واويلاه === ثـَوْري إبـْزود عِنـْوانـَه
ـــــ
مـُحـَرّم يـِجــــــــــــْرَح الأرواح == يعيد إمـْصاب أبو اليـِمـّه
يصير إلـْنـَه السواد إوْشاح == نـَعـّزّي فاطِمَــــــــه إمـّه
حـِزِنــــّه دوم ما يـِنـْزاح == إلاّ إيـْهِل أبو الهِمـّه
طالت غيبـِتـــــَه إعـْلينـَه == أبو الثارات مَهْدينـَه
يـَمـْتـَه يـِظـْهـَر إيْجينـَه
عـَجـّل بالفرج رَبــــــــــــّاه === مِنـْتـَظـْرين ﻳـِﻠـْﮔـانـَه
ــ
مع تحيات شاعر أهل البيت / جابر الخزرجي النجفي
قصيدة ٩
آنـي الزهـراء إبـْسامرّه ( ﻋﮔيلي في إستشهاد الأمام علي الهادي عليه السلام )
--------------
آنـي الزهــراء إبسامرّه === أحيي إمـْصاب الهادي إو أمره
ــــــ
أحيي إمـْصاب الهادي إو يومه == جيــت آني إبحزني المظلومه
ناديت المهدي إو مهضومه == وينـــك بتــّارك نــِنـْتـَظـْرَه
ـــــ
وينك يوليدي إيـْفجعونـــي == كل يوم إعداكم يرموني
وإبـْسـَم جدّك هـَم سمـّوني == وإتـْعنـّيت اليـــوم الحضره
ــــ
وإتـْعـَنـّيت اليوم إوياهــــم == شيعة حيدر ما أنساهم
ما ظل بيت إلكم لولاهـــــــــم == هـَدّتـْهـُم كل طاغي إتـْكـَسـْرَه
ــــ
هـَدّتـْهـُم شهدتها الحومه == نحروه الباطل وإغيومه
وإنغاض إيزيد إو كل ﮔومه == وإنـْتصروا واني المنتصره
ــــــ
وإنـْتصروا واني إبحسراتي == لازالـــــــت تنزف دمعاتي
يالمهدي إو تـُعرف ثاراتــــي == ثار إحسيـن إو ثار العتره
ـــ
ثار إحسين إو ثـــار إولادي == ما ينساه إيريده الهادي
والوالد للمهدي إينـــــــــادي == إنهض يومك أنظـُر فجره
ـــــ
إنهض يومك طال إعلينه == هذا إﻠﺣﮓ يـُمـّه إﻣْﮔـَدينه
والمؤمن تنظـُرلك عينــــه == يـِتـْألـّم وإيداري إبصبره
ـــــ
يـِتـْألـّم وإيريد إيشوفــــــــــك == كل مؤمن يهواها إﭽفوفك
وإيصير إبجيشك مـَيـْعوفـــــــك == واني أفرح إسمعها البـُشـْرَه
ــــ
مع تحيات شاعر أهل البيت / جابر الخزرجي النجفي
قصيدة ٧
إسـْتـِمـِـع لــِوْنينهـا ( موشح في إستشهاد الأمام علي الهادي عليه السلام)
-------------------
ياعلي الهادي إسـْتِمِع لـِوْنينها
إمـّك الزهره الدموع إبـْعينها
ــــــــ
إمـّك الزهره إنـْجـَرَح دَلاّلـْها
ما صـُفـَت يبن الرضا أحوالـْها
ﻓـُﮔـْدَت إلأولاد والهـَم نالـْها
ﮔـِصـْدَت السامَرّه الله إيـْعينها
ــــــ
ﮔـِصـْدَت السامَرّه تِنـْعاك البتول
شارِكـَتـْنـَه بالعـَزَه بنت الرسول
والدمع أنهار تِجْريه إو ﺘﮔـول
قاسيه الدنيه عـَلـَيـّه إسـْنينها
ـــــ
قاسيه الدنيه على إم الحـُسين
نايـِحَه كل يوم ﺘﻓﮔـد للبنين
ﻓـُﮔـْدِتـَك وإلحين إجـَت تِنـْعَه إبـْحنين
ما نِسـَت دم الذبيح إحْسينها
ـــــ
ما نِسـَت إولادها إو تجري الدموع
شارِكـَت بـُمـْصيبـِتـَك هاي الجموع
وإنـْطـُفـَت ويّاها واسـَتـْها الشموع
هاي إمـّك ما جـِفاها بينها
ــــــ
هاي إمـّك ياعلي إﺘـْﻠـَﮔـّاها
ياعلي الهادي البـُعُد آذاها
واجب إعلينه ننوح إوْياها
تاسع إنتَ ياولي إمن إبـْنينها
ــــــ
تاسع إنتَ يا إبن حامي الحِمَه
ﻓـُﮔـْدِتـَك إم المآسي فاطِمَه
سـَمـّتـَك زمره بغيضه إو ظالِمَه
والزﭼيـّه نادِبـَه من حينها
ـــــ
والزﭼيـّه ما يهيد إمـْصابها
ما نِسـَت دفعة عـَدُوْها البابها
رايـِدَه المهدي يزيل أسـْبابـْها
كُل مصايـِبـْها إو يـِوَفـّي دَينـْها
ـــــ
كـُل مُصايـِبْها إبـْظهوره تـِنـْدِفِع
وإحنه نفرح وإلنداءه نِسـْتِمِع
بالجهاد الشر يغيب إو يـِنـْقِلِع
طلعة الموعود نِهْتِف وينـْها
ــــ
مع تحيات شاعر أهل البيت / جابر الخزرجي النجفي
قصيدة ٥
ويلي على المسموم ( ميمر في إستشهاد الأمام علي الهادي عليه السلام)
----------------
ويلي على المسموم === ﮔضـــّه العمر مظلوم
__________
ﮔضــّه العمر هم إو حزن وإبلوعته إو آلامه
هذا علي الهادي الولي ودّع أخير أيـّامه
ياشيعته شـَيـْعوا علي إو رفعوا عمود أعلامه
ما ينتهي نور الأبي والسمـــّه إبأوهامه
ويلي على المسموم === ﮔضـــّه العمر مظلوم
ـــ
عزّوا الزﭽيــّه فاطمه بمصاب إبنها الزهره
زمرة بني العباس سمــّوه إو لهيب إبصدره
حادي عشر كوكب يلوج إو ﭽبدته مستعره
راح الشباب الما فرح يوم إبجميعه عمره
ويلي على المسموم === ﮔضـــّه العمر مظلوم
ـــ
ريت الأمام المنتظر يحضر مآتم جدّه
نور الأله المرتقب ﻨﻠﮔــه دوانه عنده
راية نصر يرفع ولينه إبطلعته إو يتحدّه
محـّد يواجه سيدي عالي إو ﭽبير إبسدّه
ويلي على المسموم === ﮔضـــّه العمر مظلوم
ــ
سامرّه ﮔصدوها إبحزن ندبوا إمام الأمـّه
يحضر مآتمكم يجي وإيزيل ضيمه إو همــّه
فوﮒ التـُرب يجري الدمع مرقد أبوه إيشمــّه
وإيزور ويـّاكم بلد يوصل حبيبه عمــّه
ويلي على المسموم === ﮔضـــّه العمر مظلوم
ــ
إلعن إلهي الناصبه سمــّوا إمامي الهادي
واجب أزوره إو أﮔصده هـُوّ معيني إو زادي
روحي تظل بمحبته ﮔلبي إبوصاله شادي
يحضر وقوفي بالحشر من يحدي بيـّه الحادي
ويلي على المسموم === ﮔضـــّه العمر مظلوم
ــــ
مع تحيات شاعر اهل البيت / جابر الخزرجي النجفي
قصيدة ٣
الله اليديـم الأنـوار ( نزله ميمر كربلائي في إستشهاد الأمام علي الهادي عليه السلام )
--------------
الله اليديـم الأنوار === ما ﮔـِدْرَوا إيـْطـَفـّوها
______
رغم العِدَه الله يـِتـِم أنواره
إولاد حيدر مخزن الأسراره
حبهم نهر ما ينشف إو يـِتـْجاره
نعمة إلهي إو أطهــــــار === شيمة علي إيـْحِمْلوها
ــــــ
إولاد طه المصطفه ظلموهم
أهل المعاصي إبجور ما رحموهم
من المدينه إبكل أرض شـَرْدوهم
دنيه إو حِكـَمْها الأشرار === كل معصيه إرْتِكـْبوها
ـــــــ
سامرّه تزهي بالولي عالي الشان
حادي عشر كوكب غريب الأوطان
هذا علي الهادي حليف القرآن
واجه وحيد الأخطـــــار === من كل كتر يـِرْموها
ـــــ
واجب نواسي فاطمه هذا اليوم
وإنـْشـَيّع الهادي إبـِنـْها المسموم
ندري إﺑـْﮔلبها من مصابه ﻣﻠﭽـوم
إم الحسن بالأكــدار === بالمعتلي فِجْعوها
ــــــ
ذوله بني العبّاس ما عدهم دين
ما رحموا إبناء الرسول الطيبين
سَمّوا علي الهادي وريث الهادين
ما عنده عون إو أنصار === والمهجتـــــه جـِرْحوها
ــــــ
نحْيي الأمـُر لازم نقيم الأحزان
نِنـْعَه علي إو نلعن عبيد الشيطان
وإنشارك المهدي الحزين الولهان
وإﻧـْﮔِلـّه وينك ياثار === نـــار الحقد شِعْلوها
ـــــ
نار الحقد ما تنطفي ياموعود
إلاّ تِهِل يبن الزﭽيـّه وإتـْعود
وإنشوف نورك ينتشر يابو الزود
عاث إبأرضنه الفـُجّار === للداعشــــــــي باعوها
ــــ
للداعشي باعوا أرضنه الأنذال
زَفـّينه إحنه للجهاد الأبطال
وإتـْبَعـْنـَه أمر المرجعيّه إبكل حال
يحدي عزمنه الكرار === هَدّة علـــي شافوها
ـــ
مع تحيات شاعر أهل البيت / جابر الخزرجي النجفي
قصيدة ١
إولاد حيدر يادُوَه إجروحي ( دارمي في إستشهاد الأمام علي الهادي عليه السلام)
يمكن قراءة القصيده بطور قصيدة ( دهري ذبني عبد الله ياشمعة ضوه إعيوني ) التي قرأها المرحوم حمزه الزغير
سامرّه بالنورين تزهي إو تنــــــــادي
نور الحسن ويـّاه نورك يهادي
( روحي عيني إولاد حيدر يا دُوَه إجروحي )
ـــــــــــ
نور الحسن ويـّاه نــــــورك يمظلـوم
ينشر نعيم إو خير بالهيبه موسـوم
ظنــّوا بني العبـّاس من غبت مسمــوم
ما ينبعث أي نور بعدك يفـــــادي
( روحي عيني إولاد حيدر يا دُوَه إجروحي )
ــــــــــ
ما ينبعث أي نـــور إلا إبسماكــم
والدنيه كلها إتعيش طيبه إبحماكـم
لكن حقد هالنـــــاس بالشـــــر رماكم
أهل الغدر والجور صاروا أعــادي
( روحي عيني إولاد حيدر يا دُوَه إجروحي )
ــــــــــ
أهل الغدر أشرار سامــرّه تشهـــد
إنتَ الذي جابوك من طيبة أحمــــد
وحدك غريب إﮔضيت ما عانــك أحــّد
سامرّه ظلــّت بيك أحلــــى البلادي
( روحي عيني إولاد حيدر يا دُوَه إجروحي )
ـــــــــــ
سامرّه ظلـّت بيـك حلوه إو بهيــّه
لكن شفت أحقــــاد أهل الرديـّه
ﮔلبك نزف ﻣﻠﭼــــــوم يبــــن الزﭼيـّه
والشر رجع محموم يملي البـوادي
( روحي عيني إولاد حيدر يا دُوَه إجروحي )
ــــــــــ
والشر رجع محموم لأرضي يمولاي
لكن جهادي إبزود أرعبهم إعداي
ترفع لواء الخير للعالي يمناي
عزمي عزم مشهود والهمــّه حادي
( روحي عيني إولاد حيدر يا دُوَه إجروحي )
ــــــــــ
عزمي عزم مشهود وأتحدّه داعش
يوصل حرم مولاي وإبروحي عايش
ألعن أميــّه اليوم والعقله طايش
وأتنطـــّر الموعود ﻋﺷﮔـي إو مرادي
( روحي عيني إولاد حيدر يا دُوَه إجروحي )
__
وأتنطــّر الموعـــــــود ويـّاه أجاهـد
جندي وأهز الكون آني أعاهــــــــــد
وأرسم مجد معلـــوم ويــّه الأماجـد
ويّه الولي المهيــــوب حومي إو جهادي
( روحي عيني إولاد حيدر يا دُوَه إجروحي )
ــــــــــــ
من الولي المهيوب حيــــدر ولينـه
صولاته بالصعبات فيــّت علينـــــــــه
ما ننســــــه يوم اﻠﮔال طـــــه نبينه
بعدي الوصي الكرار حيدرنه شادي
( روحي عيني إولاد حيدر يا دُوَه إجروحي )
ــــــــــــــــ
مع تحيات شاعر أهل البيت / جابر الخزرجي النجفي
قصيدة ٦
شوط كربلائي لوفاة سبع الدجيل "عليه السلام"
ابو جعفر محمد بن الإمام علي الهادي "عليهما السلام"
الشاعر السيد عبد الحسين الشرع النجفي "رحمه الله"
يامن تطلب الحاجات جد السير و اتعنّه
واگصد سيد امحمد واطلب حاجتك مِنّه
........
بمرك لا تظل حاير او عندك للحوايج باب
بيها رحمة الباري او ليها اللي گصد ما خاب
دونك سيد امحمد الما طب حضرته طلّاب
اله او بالمسرَّه ايعود
مِنّه ابغاية المگصود
بي من يسأل المعبود
دنيه او آخره ينطيه والهم ينچشف عنه
........
ساحة حضرته بيها الكل علّه دوه واعلاج
ما واحد تعنّاها او من عدها سدر محتاج
ما بين السمه او بينه لملاك السبع معراج
تنزل وبضريحه اتطوف
والزوار گبره اتشـوف
توگف عله الباب اصفوف
كل زايــر يحـــيّــونه ويبشروه بالجــنّـه
........
الزاير لو لفه ايحيوه او من يسدر يودعونه
ويشكرون سعوانه او بالجنّه يبشرونه
عيسى انچان للأعمه رد النور لعيونه
هوَّه اشچم عمه الطب ليه
او رد ابساع نوره اعليه
او چم واحد عدل رجليه
وبفضله او براهيــنه تشهـد شيعه او سنه
........
معاجز ظهرت الجوده ما تنحصه او ما تنعد
بيها اهل السمه تدري او كل اهل الأرض تشهد
يامن تطلب المعروف دونك سيد امحمد
بضعه من علي الهادي
شع ابنوره الوادي
طب الحضرته او نادي
جينه ابعودك انعزّيك وعليه نجذب الونّه
........
شلها الوادم اعليكم يشراف العرب يمجاد
خلوكم شتت بالبر او منكم كل گبر ببلاد
وصه المصطفه بيكم وهم سوَّو عكس ما راد
ياهو الما گضه بالسم
او چبده انمرد وتخذّم
حته الطفل ما يسلم
والعريس من عدكم ابدم النحر يتحنّه
........
هضمتكم يهل هالبيـت من عدها يشيب الراس
خلي الچتل هذا انگـول عاده او جرت عند الناس
لاچن الچثث بالخيـل هاي ابيا شرع تنداس
والنسوان يسبوها
او عالهزَّل يرچبوها
والتنحب يضربوها
كل ساعه البلد ميشوم عالهزَّل يطبّنّه
........
زينب نادت الحادي او منها الروح مالومه
يحادي الضعن الله اعليك سو دربك عله الحومه
شوف الحرم فوگ النوگ تتصارخ او مهظومه
تريد اتشـوف اهاليها
او تودعها او تحاچيها
او تدوَّر عاليحاميها
او يتعنن لبو فاضل مداليله او يحاچنّه
........
نريد انشوف ابو فاضل شنهي نيته اويانه
من يثرب تچفّلنه اشلون ايعوفنه اهنانه
ما ضني يهون اعليه نمشي ابولية اعدانه
ادري يبن فارس بدر
ما يرضه نمشي ابها اليسر
واللي يبارينه زجر
وانطب دواوين الكفر
لاچن بطل حيلي اعليه اچفوفه الفحل خاننه
........
لحد يا گمر هاشم يبو فاضل يوالينه
من يثرب طلعنه اوياك وانته اتچفلت بينه
نوَّو عالمسير اعداك ما تنهض تبارينه
انهض يبو فاضل عجل
باري اليتامه العالهزل
چه ترضه لخواتك تذل
مهظومه والمدمع يهل
منطيهن بخت واليوم ذاك البخت يردنه
........
الشاعر السيد عبد الحسين الشرع النجفي "رحمه الله"
قصيدة ٤
نزلة ...... بحق سبع الدجيل سيد محمد عليه السلام
حامي ناسه وجاره
يفـــــــرح بـــزوّاره
............
سيـد محـمــد امـام ومايـرد وفّــاده
للبشر باب الحوائج الله خصّه وراده
لليزوره ويعتنيله بيده ينطي امراده
واليبغضه ومايحبه مايفيــده اعناده
ماطفت انواره
يفـــرح بزواره
................
هــذا ابن الهــادي هــذا يفــزع لطلّابه
مايرد ملهـوف حاشـه ومايسـد ابوابه
لقّبوه سبــع الدجيـل بوگفتـه لأحبـابه
توصل الشيعه وتزوره من يمر امصابه
مايعوف انصاره
يفـــــرح بـزواره
................
سيـد محـمـــد تعلّه بتقــوته وايمــانه
بالكرم معروف صيته وشتهر بحسانه
حسدته وسمّت فؤاده بالغدر عـدوانه
ستشهد بأوّل شبابه وماخفوا عنـوانه
والأمان بداره
يفــرح بزواره
..................
الله خصصله الكرامه يگضي يمه الحاجه
لأن سـار ابمنهـج الله الله حـب منــهـاجه
خلّه گبره يصير كعبـة وشيعتـه حجـاجه
واليحس مهموم گلبه يلگي يمه افــراجه
مايرد خطاره
يفـرح بزواره
..................
نِعم من سبع الدجيل ومن عطايا چفوفه
مرقـده بنوره اليلالـي عالي دوم انشوفه
علـه عنــاد الناصبيـــه نعتـنـي ونطــوفه
هــذا عهــد الرافضيــه للحشــر منعــوفه
مامحوا اخباره
يفــــرح بزواره
خادم سبع الدجيل سيد محمد عليه السلام
سيد زيد الفحام
------------------------------------------------------------
#زنجيل
قصيدة رقم ١٤
يامذبـــوح سكنـــه إتنـــادي ( تجليبه )
شاعر أهل البيت / جابر النجفي ــ التاريخ 5 / 10 / 2011م ــ 7 / ذي القعده / 1432 هـ ـــ ديوانيه 07804314411
يعبد الله الجرح بحشاي ياذيني == آ يبني إو حلم عمري إو ضوه عيني
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
آيبني إو حلم عمري إو ضوه إعيوني == شلون أصبر على إفراﮔك يريدوني
عساني أنتهي إو يمّك يدفنوني == لأن بعدك أبد ما تسوه إسنيني
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لأن بعدك أظل بالونّه والحسره == تمُر بيّه طيوفك وأجري العبره
ونادي ياإلهي إبني رموا نحره == نبلة حرمله صارت تباريني
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
نبلة حرمله الملعون بالدلاّل == صابتني إو جرح بيّه فلا ينشال
دمعي ما وﮔف نازف يصب همّال == أصيحن يامهد عبد الله حاﭽيني
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
أصيحن يامهد عبد الله وين إبني == تركني ليش من بعده الدهر ذبني
صعب فرﮔاه والمنحر يعذّبني == أشوفه بالحلم وإدموعي تعميني
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
أشوفه بالحلم إبني إو أهز مهده == أناغيه إو يناغيني أمل عنده
أرضعه من حليبه المايبس بعده == أفز من الحلم سكنه تناديني
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
أفز إمن الحلم سكنه تنادي وين == عبد الله عجب ما جابه أبوي إحسين
ما أعرف شجاوبها إو تهل العين == أناديها يَيُمّه لا تسأليني
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
أناديها يسكنه ما شرب عطشان == أخوﭺ إو جابه أبو اليمّه ابحزن حيران
مذبوح الوريد إو بالدمه غرﮔان == يامذبوح سكنه نادت إتْنيني
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يامذبوح خويه ياأمل دنياي == أريد أتحنـّه من نحرك وهِل عيناي
وأصيح إبياذنب حرموك من الماي == ظنّيتك تظل يمّي تسَلّيني
ـ
مع تحيات شاعر أهل البيت / جابر النجفي
#زنجيل
قصيدة رقم ١٢
والــــدم إنتصــــر ( موشـــح )
شاعر أهل البيت / جابر النجفي ــ 11 / 9 / 2014 م ــ 15 / ذي القعده / 1435 هـ ــ ديوانيه 07804314411
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
دمــّك إحسين الرُوَه إو أنـْبـَت ظفر === إنتهـى الظلاّم والــدم إنتصـــر
ـــ
إنتهى الظــلاّم وإنتَ الما طـُفــَه == نورك الموســــوم يبن المصطفــَه
حبــّي إبأيمان مو بس عاطفــَه == عن عقيده الحب يمولاي الأغــَر
ــــ
من ضريحك تسطع أنوار الخلود == ما أعـــــــوف إزيارتك لازم أعود
إنتَ نور الله اليشع يضوي الوجود == وإبضريحـك سيدي إيزول الكدر
ــ
وإبضريحك سيدي أنـْسه الحياة == أدعي ربــّي تحضر إوياي الممات
ياسفينة كل موالي للنجــــــاة == ياشفيع العاﺷﮓ إبيوم الخطر
ـ
ياشفيعي إو مهجتي يبن الرسول == ياحبيــــب الشافعه الزهره البتول
رايدك ويــّاي تحضر بالمثـــــول == آني أحـَلـْفـَك بالنبي سيد البشر
ـــــ
آني أحـَلـْفـَك بالضلع تشفع إلـــي == يـــوم حشري يا إبن حيدر علي
يوم أحير إو ما إلي غيرك ولي == وإلذنـــــــــوب إكثار وإعليك النظر
ــ
والذنوب إكثار يبن الطيبيــــــــن == لكن أهتف طول عمري ياحسين
إنتَ مصباح الهـُدى وإنتَ المـَعين == وإنتَ للعشـّاق كعبــــه إو مستقر
ــ
إنتَ للعشـّاق مأوى إبكــُل زمان == من أزورك سيــــــدي إيحل الأمان
كربله أشرف وأعز من كـُل مكان == بيها يجري خيـرك الزاهي نهر
ـــ
بيها يجري كربله نهر العطاء == لســّه تزهي إبهل أرض أزكى الدماء
واجب إنظل ما نعوفه هالولاء == نحيــي بيه المعتقد طول الدهر
ـــ
نحيي بيه المعتقد حب الحسين == ما نتركــــــــه للأبد إبن الأمين
حتــّى لو يجري إبصبر دم الوتين == والشهاده إبكربله أحلى قــــــــدر
ــــــ
مع تحيات شاعر أهل البيت / جابر النجفي
#زنجيل
قصيدة رقم ١٠
إعتذر عباس من طه الرسول ( موشح )
شاعر أهل البيت / جابر النجفي ـ 20 / 7 / 2017 م ـ 25 شوال 1438 هـ ـ الديوانيه 07804314411
إعتــذر عبّـــاس من طه الرسول === ﮔـال ما أشرب ﮔبل إبن البتول
ـــــ
ﮔــــــال ما أشـرب أبو فاضــــل أبد == حتـّى يشرب مهجتي إو هذا عهد
وين أبو السجّـــــــاد ماجانـــــه بعد == خل يجي إو يشرب أبو الغيره ﻳﮔول
ــــ
خل يجي إو يشرب أبو اليمّه الشهيد == لـــو شرب مولاي آني أصبح سعيد
ربـّي إلعن ظالم إحسيـــــن العميد == هذا إخوي إو منـّه ياريت القبول
ــــــ
هذا إخوي إو روحي فدوه المهجته == والعطـــش أدري مردهــا إﻠﭽبدته
والجــــــروح إكثــــار تنزف آذته == لو شرب يرتاح وإهمومي تزول
ــــــــ
لو شرب إبن النبي أشرب وأفوز == وإلرضا الزهره إو علي أحظه إوأحوز
ما أظل حيران للصعبه أجوز == حب أبو الأكبر أصل من الأصول
ــــ
حـُب أبو الأكبر وفاء الفاطمه == والأمـُر هذا نزل من السمه
كربله العطشت رواها بالدمه == والظـِمـَه صوّب دليله إو بي يجول
ـــــ
والظمه صوّب دليل العالمه == ﻓﮔدت الوليان ظلـّت هايمه
والرزايه عاشرتها إو دايمه == صابره الحوراء والظالم يصول
ـــــ
صابره الحوراء من بعد الحسين == فضحت الأشرار والطاغي اللعين
لاﭽـن الدلال مجروح إو طعين == ما تذل هيهات هاي إم الشبول
ــ
مع تحيات شاعر أهل البيت / جابر النجفي
#زنجيل
قصيدة رقم ٨
وحيـــــده ليـــــش عفتونـــــي شوط كربلائي
شاعر أهل البيت / جابر النجفي ــ التاريخ 30 / 9 / 2014 م ـــ 5 / ذي الحجه / 1435 هـ ـــ ديوانيه 07804314411
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
وحيده ليش عفتوني === يبويه ياضوه إعيوني
بعد ماشوف لمـّتكـُم === دمعي يجرح إجفوني
ـــــ
يبويه يا أبو الأكبر == عفتنـــي ليش أتحســّر
على إفراﮔك فلا أﮔدر == نيــــران اﻠﮔلب تسعر
أنادي جــدّي ياحيدر == عنـدي يالولي إحضر
إمسح دمعة العينيـــن === واسيني يبو الحسنيين
غابوا كـُل هلي الطيبين
ونادي إو ما يسمعوني === يبويــــه ياضوه إعيوني
ـــــ
أبد ما نام سهرانه == مــن يوم الوداع آنه
وشوف البيت بحزانه == ظلامــــــه صار عنوانه
بعد ما غاب خلاّنــَه == تنــــوح إبشوﮒ حيطانه
يشاركني العـَزه والنوح === ﮔلبـــــي النازف المجروح
وإبهمها تلوب الروح
وأريدنكم تعينونـــــــي === يبويه ياضوه إعيوني
ـــ
يبويه يا أبو اليمـّه == ﮔلبــــــــي يشتعل همــّه
مكانك هايمه أشتمــّه == بعدكـــم ما ﺑﮔت هــِمــّه
مشه إعليـّه الوكت أعمه == والروحــــــــــي جرح وأدمه
ما أنصف زماني إويــــاي === جـــرح جفني إو عمه عيناي
من يوم الغبت مولاي
عليله آني إو نسيتوني === يبويـــــــه ياضوه إعيوني
ـ
أريدن زينب إتجيني == تمسح عمــّتي عيني
على إفراﮔك تسلــّيني == تواسينــــــي إو تهــَدّيني
ﺗنوح إوياي ترويني == تزيـــل إهموم تاذيني
تسولفلي الجـَرَه إعليكم == وظـــــــــــل آني أتانيكم
تعالولي أناديكم
تعالوا يالتركتونــــــــــي === يبويه ياضوه إعيوني
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
طالت غيبتك يحسيــــــــن == أحــَســّنها ﭽثيــره إسنين
يبويه إرجع يماي العيــــن == خلــّيهـــــا فـَرِحـْـتي إتحين
من يوم الوداع البيـــــن == لفاني إو ما رحل بعدين
وظل أنطــُرها جـَيــّتكــم === تجونـــــي إبذﻳﭻ لمــّتكم
تخلص هاي رحلتكم
بالرجعه تفـُرحونــــــــــي === يبويه ياضوه إعيوني
ـ
آلامي إو جروحي إهــواي == ينهشنـي المرض والداي
دموعي ما سلت عينـاي == مظلمـــه إوجاهمه دنياي
وإﮔليبـــي إلــَك ﺷﭽــّاي == يابويـــــه إبعظم بلواي
يبويه من يحل الليـل == أناجيه إو أصيح الويل
وإدموعي إبظلامه إتسيل
عجيبه ما ذكرتونــــــي === يبويه ياضوه إعيوني
ـــ
مع تحيات شاعر أهل البيت / جابر النجفي
#زنجيل
قصيدة رقم ٦
رضيــــع إحسيــــن واويــــلاه شوط كربلائي
شاعر أهل البيت / جابر النجفي ــ التاريخ 26 / 8 / 2012م ــ 7 / شوال / 1433 هـ ــ ديوانيه 07804314411
ﮔلب شاعر يصيح الآه === عجّـل بالفرج ربّـــاه
علت ناري إو تشب من يوم === رضيـــع إحسين واويـــلاه
ـــــــ
ياقايم خُلص صبـــري == فرجنه إبياوكت مولاي
مـــن يـــوم الطفـــــل أدري == سكن روحك عظيم الداي
حسرات إو ألم صـدري == معجونه إبدمع عيناي
من أذكر رضيع إحسين == دم أحمـــر تهـــل العين
وصيحن يامقيم الدين
مُحبّــــــك ينتظـــر مولاه === دماه إتسيل من عيناه
علت ناري إو تشب من يوم === رضيـــع إحسين واويـــلاه
ــــــــ
بالطف ياوكــــــت أﻟﮔـــاك == يلمهدي إو تشل إجروح
لعد إحسين أمشي إوياك == ونــــادي وينه المذبوح
وأشوف إدموع وإبعينــــاك == شعر أكتب يون وإينوح
مداده من دِمَه المنحـــر == وصيحن سيدي إحضر
من يومه لفانه الشر
لفانه إو منحره شفنـــــاه === يحن منحور ما نِنْساه
علت ناري إو تشب من يوم === رضيـــع إحسين واويـــلاه
ــــــ
أدري إﺑﮔلبـــــك الآهـــــــات == مثل نحر الطفل مصيوب
وأدري ترفع الرايــــــات == للثار إو تهل مهيوب
وأدري إبكربله الدمعــــات == تصبها واﻟﮔلب معيوب
لكــن مدمعــك دامـــــي == على المفطوم ياظامي
صعبه إبدونك أيّامي
والدين إختلف معنـــاه === ظهورك سيدي أتْناه
علت ناري إو تشب من يوم === رضيـــع إحسين واويـــلاه
ـــــــ
مرّات الشعر مطبوع == ألاﮔيه إبوسط روحي
يناديني إبألم مسمـــــوع == وظل آني إبحزن نوحي
أكتبه إعلى الورق مشفوع == بالـــــدم من أسى إجروحي
من أذكر أبو الأحرار == حامــل للرضيع إو صار
مهموم إو تشب بي نار
بس صابر على بلواه === غــــــرﮔان الطفل بدماه
علت ناري إو تشب من يوم === رضيـــــع إحسين واويـــلاه
ـــــ
يلمهدي الشعر حيـران == ما ﻳﮔدر يِوَصف الصار
نحروه الطفل عطشــان == ﺷﺑﮓ رﮔبة أبو الأحرار
نبلة حرمله الشيطان == ذبحــت حيدره الكرار
يوم الصارت إبنحره == شبّت نــــار بالزهره
والهادي إلتهب صدره
وأمّه إتصيح ﻋﮔلي تاه === منحـــــور الطفــــــل رَدّاه
علت ناري إو تشب من يوم === رضيـــــع إحسين واويـــلاه
ـــــ
يلمهدي الفرج يايوم == طالــت سيدي الغيبه
فارﮔني إو نساني النــــوم == مصيبه إتمُر على إمصيبه
أشدها نبلة المفطـــــوم == ﺘﻟﭽـــم جُرحي وإتصيبه
وظل أكتب شعر مجروح == يشاركنـــي القلــــم بالنوح
بس إنتَ التِطَيب الروح
إلَك يحله المجد والجاه === ما ﺗﺑﮔـــــﻪ إو تزول الآه
علت ناري إو تشب من يوم === رضيــــــع إحسين واويـــلاه
ـــــ
مع تحيات شاعر أهل البيت / جابر النجفي
#زنجيل
قصيدة رقم ٤
خيــل الهـَشـّمـَت صـــدره شوط كربلائي
شاعر أهل البيت / جابر النجفي ـ 11 / 10 / 2015 م ـ 27 ذي الحجه 1436 هـ ـ ديوانيه 07804314411
خيل الهـَشـّمـَت صدره === فجعت فاطمه الزهره
جـُرحت والـــــده المهموم === والهـــادي إشتعل جمره
ـــــ
زينب شاهدتها الخيــــــــل == ترض إضلوع أبو اليمّه
والدنيه إظلمـُت حل ليـل == وأبو الباقر كـُبـَر همـّه
لكن ما صـُفاله حيـل == ما ﻳﮔدر يـِصـَل يمـّه
تـُوَلاّها الألم زينــــب === نيران اﻠﮔلب تلهب
تنادي رحمتك يارَب
دليلي راﻓﮓ الحســـــــره === والهادي إشتعل جمره
ـــــ
تمـَنـّت حيـــــدر الكرّار == يحضر كربله هاليوم
يشوف الخيل بيها العــــــار == تدوس إعلى النبي بالحوم
محمّد من أبو الأحــــرار == وإحسين السبط مظلوم
دارت للغـــــــري العينيين === نادت يا أبو الحسنيين
وينك ياعلينه وين
إحسينك رسـَم فجـــــــره === والهادي إشتعل جمره
ـــــ
تمنـّت فاطمه إوياهــــــــــــا == تواسيها إبمصاب إحسين
تشوف الخيل عيناهــــــــا == من ﺴﺣﮔت عمود الدين
أبد هيهـــــــــات تنساهــــــا == مـُصايب كربله إبكـُل حين
نادت ياشفيعه إجـــروح === يـَيـُمـّه نازفه وإتنوح
وسط ﮔلبي إو تعت بالروح
وإحسيني مشه إبأمـــره === والهادي إشتعل جمره
ــــ
تمنـّت زينـــــــب العبـّاس == موجود إو يشوف الصار
ﺗﮔوم الناس ﺗﺴﺣﮓ ناس == لو هـــــز صارم الكرّار
ما يوصل إلـَه الأرجـــــاس == عضيده إحسين أبو الثوّار
تـِدَخــّن غيرة المهيـــــوب === ﻳﮔلب صوب فوﮒ الصوب
لو شاف الولي المحبوب
شمر نازل يـِحـِز نحره === والهادي إشتعل جمره
ـــــ
ﭼثيره إضلوع رضـّوهــا == بعد كسر الضلع بالباب
بداية جور رسموهـــــــــــا == وبو القاسم نبينه إنصاب
إم إحسيـــــــن فجعوها == أميـّه زمرة الأرهاب
هاي الغاضريـّه إﺗﮔول === جالت عالحـُسين إخيول
حقد موروث مو معقول
معروف العدو غدره === والهادي إشتعل جمره
ــــ
مع تحيات شاعر اهل البيت / جابر النجفي
#زنجيل
قصيدة رقم ٢
موشح لهلال شهر محرم
١٤٤٢هـ / ٢٠٢٠م مهيمن يوسف الموسوي
هل هلال الفاجعة اهلال الظلام
شوفته اتذكّرني ابمصاب الإمام
.....
بيّن اهلال الشهر و البي مُصاب
عندي وي هذا الشهر بس العتاب
بس حزن عنده فقط واتمنّه غاب
بي مصيبة كربله للأهل الكرام
..... ١
يا هلال المّن تهل كلك حزن
لوّعت كل الگلب جور و محن
بس كدر عندك تره و طول الزمن
والحزن كل الوكت بين الانام
..... ٢
لو ردت احسب مصابه ومِنّه امُر
هالشهر كلّه مصايب چن جمُر
عالوجه كل الوكت دمعي يدُر
عالجره وابكربله مِنّ الئِام
..... ٣
ابدي من اول شخص مات ابغدر
السفير اعله ابن فارس مضر
بن عقيل المنچتل من البشر
خانت الكوفة مراسيل السلام
..... ٤
والمصيبة الصعبة يا ناس الطفوف
لو ردت اذكر ضحاياها و شوف
كربله واعله الگلب چنها سيوف
واعله روحي كل مصايبها سهام
..... ٥
يا هلال وهالشهر يوم العشر
منچتل ابن الحسن واعله النصر
وبزغر عمره ينوله هالفخر
هالشرف يبقه إله أفضل وسام
..... ٦
والشباب المنچتل جده الرسول
يشبه الهادي و علي فحل الفحول
والجسم منّه العدو أصبح ينول
بس وذر جسمه صبح وبلا عظام
..... ٧
الگمر عباس مگطوع الچفوف
من توجه للنهر وابلايه خوف
ما يهمه كل عدو لو بالألوف
وبغدر گطعوا چفوفه أهل الحرام
..... ٨
يا هلال المن تهل ريتك تغيب
هالشهر بن حيدره جسمه سليب
عالترب مرمي تره و دمّه خضيب
من أجل دينه يظل بأحسن قيام
..... ٩
من رحل والي الحرم تدري اشجره
كل طفل ويّه النسه المتيسره
بالحرم زينب يويلي حايره
لا ولي عدها و جمر كل الخيام
..... ١٠
بت علي وبلا ولي بس العليل
بالسبي هذا الأمر عدها ثگيل
للحرم تحميها لو رادت تميل
هالحدث وصفه صعب عد الكلام
..... ١١
الحزن عد زينب ابهذا الشهر
للولي فوگ الترب ويّه الگمر
لو عله كل السبي و درب اليسر
لو حزينة اعله الجره مِنّ الخصام
..... ١٢
تمت والحمد لله
مهيمن يوسف الموسوي
٢٢ رمضان ١٤٤١هـ
٢٠٢٠/٥/١٦ الاثنين
بسم الله الرحمن الرحيم
{ ذَٰلِكَ وَمَن يُعَظِّمْ شَعَائِرَ اللَّـهِ فَإِنَّهَا مِن تَقْوَى الْقُلُوبِ ﴿٣٢﴾} صَدَقَ اللهُ العَظيمْ
سورة الحج آية ٣٢ ، صفحة ٣٣٦
إنطلاقاً من هذه الآية المباركة التي تؤمر بتعظيم و إحياء الشعائر بصورة عامة و الحسينية بصورة خاصة سوف اقوم ان شاء الله تعالى بإحياء شعيرة موكب الزنجيل عن طريق نشر قصائده استعداداً لشهر محرم القادم ١٤٤٣هـ ٢٠٢١م
و اسأل الله تعالى القبول لنا ولكم ان شاء الله بحق محمد وال محمد ، آمين يارب العالمين
خادمكم
مهيمن يوسف الموسوي
١٢ شهر ذو القعدة ١٤٤٢هـ
٢٠٢١/٦/٢٣م الأربعاء ٤:١٨م بغداد
قصيدة ٨
زنجيل إبوذيات في الأمام علي الهادي عليه السلام
-----------------
صـَوّبها الحزن سامره والهـَم == ﮔصدوها الأحبـّه إبضيم والهـُم
على الهادي دموع إتسيل والهـَم == يودعـــون الولي إبن الزﭽيــّه
ــ
يودعونه علي إيشوفون عينه == تصب إدموع يا رحمن عينه
هذا إبن النبي موسوم عينه == ملت سامــــرّه أنواره البهيــّه
ــ
ملت سامرّه أنواره علينـــــه == محبــّه إو خير فيـّاضه علينه
وإبحـُب سيدي إحنه علينـــــه == معصـوم التقي من كل رديـّه
ــ
معصوم التقي الهادي ولينـه == معروف إبوسع صدره ولينه
نظل نهـــواه مولانــــه ولينــــه == دمع يجري إبمصابه إبكل ثنيـّه
ـــ
دمع يجري إبمصابه الدار بينه == والعــــاداه واضـــح صـــار بينه
شاراته علي المسموم بـَيـْنـَه == إنخـــــاه إو ترد روحك زهيـّه
ــــــ
إنخاه إو ترد فرحان منـّه == يشافيــك الأله إبغير منـّه
إلهي مـَنْ علينه بيــــــــه منـّه == علي الهادي إبن حامي الحميـّه
ـــ
علي الهادي إبحقد أنذال سمــّوه == إمـام الرافضه الأشرار سمـّوه
مايدرون للعلياء سمـــــــــــــّوه == كـُبر مجده علي إو لاح الثريـّه
ـــ
كـُبر مجده علي الهادي وسدّه == حبـّه إبكـُل ﮔلب خضــّر وسدّه
حفظ الله المجد هذا وسدّه == أبد مـَيـْنال منـّه الناصبيـّه
ـــ
أبد مـَيـْنال مـُبغض خير كفـّه == نشر طيبه علي إو حيـّاه كفـّه
باري الكون عنـّه الغيم كفـّه == إبسامرّه إعتلت روحه الأبيــّه
ــ
سامرّه إبعذب مايه وردهــــــا == نشر خيره عليها من وردها
رفضها ﭽلمة الباطل وردهــا == علمه من علم سيد البريـّه
ــ
علمه من علم حيدر وطاها == أرض سامرّه من يوم الوطاها
شعـّت نور من جوده وطاها == خيرات إو عـُطر روحه النقيـّه
------------
مع تحيات شاعر أهل البيت / جابر الخزرجي النجفي
قصيدة ٦
الأحزان فـي سامراء ( شوط كربلائي في إستشهاد الأمام علي الهادي عليه السلام )
----------------
سامــــره إبحــزن وإهمــوم === علي الهادي ﮔضــه مسموم
غريب إبديرة الظلام === ﻓﮔـــدوه الأحبـّه اليوم
__
علي الهادي إمام الخيــر == ﮔضه عمره الولي إبآهات
واجه زمرة التكفير == بالدين إو يشع آيات
على نهج الرساله إيسير == ما خالـــــــــف أبد هيهات
أسير إمن الوطن جابوه == إبن حيــدر علي إيعرفوه
بس ما ﮔدروا إيذلوه
شجاع إو ما تهمـّه إغيـوم === علي الهادي ﮔضــه مسموم
ــ
يشيعه بالحـــــزن والآه == عزّوا الشافعه الزهره
رحل إبن النبي ويلاه == وإﺑﮔلبه ألـــف جمـــــره
ﺑﮔــه نور الأبي وإضواه == يضــوي الدنيه من فكره
فكر بيه الخلاص التام == من كل معضلـــه إو آلام
كتبت تمدحه الأقلام
من كل الزلل معصوم === علي الهادي ﮔضــه مسموم
ــ
يبو الغيره يماي العين == شاركنــــــه العزه مولاي
يقايم إحضر إبهل حيـــــن == وإﺑﭽــي عالولـــي ويــّاي
محبتكم عماد الدين == عليكم نازفه عيناي
يريتك حاضر إويانـه == تشوف الصار مولانه
صرنه إبولية إعدانه
نعزّيك إﺑﮔلب ﻤﻠﭽـــــــــــوم === علي الهادي ﮔضــه مسموم
ـ
وينك يا أملنه الغاب == تعــال إو شوف محنتنه
بدت يوم الضلع والباب == والنيـران آذتنــه
كل شيعي دليله إنصاب == وأسهــــام الغدر جتنــــــه
يكرهونه إبحقد أشرار == لأن حبنــه العلي الكرار
ثبت عدنه إو أبد يندار
نادينـاك يامظلـوم === علي الهادي ﮔضــه مسموم
____
مودّتكم أمـــــــُر واجـب == يـَهـَل بيت النبي المختار
نتنطــــّر يجي الغايب == يصول إبهيبة الكرار
يحل منصور وإيطالب == بالثـارات يا أبرار
نصير إوياه منصورين == يحييــــه العدل والدين
وإنظل للمجد ما شين
ما نتـرك ولينـــــه دوم === علي الهادي ﮔضــه مسموم
ــ
مع تحيات شاعر اهل البيت / جابر الخزرجي النجفي
قصيدة ٤
أم إحسيـن واسوهـا - نزله ( فزاعيّه في إستشهاد الأمام علي الهادي عليه السلام )
-------------------
علي الهادي إبمصابه اليوم === أم إحسين واسوها
ـــــــــــــــــــــ
بسامـره الولي مسمـــوم == أم إحسين واسوهــــــا
ﮔضـــه عمـره إبحــــزن وإهموم == أم إحسين واسوهــــــا
مجـروح اﻠﮔلـب ﻣﻠﭼــــوم == أم إحسين واسوهــــــا
بنـي العبـاس فجعوهـا === أم إحسين واسوهــــــا
ـــــــــ
إبنهـا شـاف ضيم أشـرار == أم إحسين واسوهـــــــا
وحيـد إبديـرة الفـُجــــّار == أم إحسين واسوهـــــــا
بعيديـن الأهـل والدار == أم إحسين واسوهـــــــا
يشيعـه إبشـوﮒ سمعوهـا === أم إحسين واسوهــــــا
ـــــــــــ
سامـره إبألـم وأحـزان == أم إحسين واسوهـــــــا
مـُضـَـــه الهـادي عظيـــــم الشــــان == أم إحسين واسوهـــــــا
سمــّوه إبحقـد عدوان == أم إحسين واسوهـــــــا
إبنهـا إو بيه ﻠﭼموهـا === أم إحسين واسوهــــــا
ــــــــــــ
ياشيعـة علـي الكـرار == أم إحسين واسوهـــــــا
نـادوا ويـن راعي الثــار == أم إحسين واسوهـــــــا
يظهر يمسح الكـُل عــار == أم إحسين واسوهـــــــا
علـى الآلام عينوهـا === أم إحسين واسوهــــــا
ـــــــــ
لعنـوا الظالـم المكروه == أم إحسين واسوهـــــــا
عن هـاي الأرض زيلوه == أم إحسين واسوهــــــا
يــِخــْســَـه الداعشـي ﺳﺣﮔوه == أم إحسين واسوهــــــا
لا زالوا يظلموهـا === أم إحسين واسوهــــــا
ــــــــــ
حيمتـوا هالوطن يكرام == أم إحسين واسوهـــــــا
مـن جور إو بغـي الظلاّم == أم إحسين واسوهـــــــا
رفعتـوا للأعالي الهـام == أم إحسين واسوهـــــــا
بـدر وإحنيـن عيدوهــا === أم إحسين واسوهـــــــا
---
عزاكــم يـم علـي قيمـوه == أم إحسين واسوهـــــــــا
لعنـوا الناصبـه الظلمـوه == أم إحسين واسوهـــــــــا
نــِتـحـدّه الظلـم نـــادوه == أم إحسين واسوهـــــــــا
شفيعتكم تشوفوهـا === أم إحسين واسوهــــــــا
----
عـزّوا المنتظـر وإنخـوه == أم إحسين واسوهـــــــــا
ويــّاكم يــِحـِـن ﺗﻠﮔــوه == أم إحسين واسوهـــــــــا
إمام الخيـر لاتنســـوه == أم إحسين واسوهـــــــــا
همومه إبزود زيلوهـا === أم إحسين واسوهـــــــا
ـــــــــــــــــ
مع تحيات شاعر اهل البيت / جابر الخزرجي النجفي
قصيدة ٢
سامـرّه بالنوريـن - ثلث دﮔات كربلائية ( دارمي في إستشهاد الأمام علي الهادي عليه السلام )
سامرّه بالنورين تزهي إو تنـادي === نور الحسن ويـّاه نورك يهادي
ـــــــــــــــ
نور الحسن ويـّاه نــــــورك يمظلـوم == ينشر نعيم إو خير بالهيبه موسـوم
ظنــّوا بني العبـّاس من غبت مسمــوم == ما ينبعث أي نور بعدك يفـــــادي
ـــــ
ما ينبعـث أي نـــور إلا إبسماكــم == والدنيه كلها إتعيش طيبه إبحماكـم
لكن حقد هالنـــــاس بالشـــــر رماكم == ما أنصف الأشرار صاروا أعــادي
ـــــ
ما أنصــف الأشرار سامــرّه تشهـــد == إنتَ الذي جابوك من طيبة أحمــــد
وحدك غريب إﮔضيت ما عانــك أحــّد == سامرّه ظلــّت بيك أحلــــى البلادي
ــــــــــ
سامرّه ظلـّت بيـــــــك حلـــــوه إو بهيــّه == لكن شفت أحقــــاد أهل الرديـّه
ﮔلبك نزف ﻣﻠﭼــــــوم يبــــن الزﭼيـّه == والشر رجع محموم يملي البـوادي
ـــــــــ
والشر رجع محموم لأرضي يمولاي = والداعشي الملعون يغزيني هالجاي
أرفع لوائي إبزود وإيشوفه إعــداي == عزمي عزم مشهود والهمــّه حادي
ـــــــــ
عزمي عزم مشهود وأتحدّه داعش == يوصل حرم مولاي وإبروحي عايش
ألعن أميــّه اليوم كـُل جور طايـــش == وأتنطـــّر الموعود روحي إو مرادي
___
وأتنطــّر الموعـــــــود ويـّاه أجاهـد == جندي وأهز الكون آني أعاهــــــــــد
وأرسم مجد معلـــوم ويــّه الأماجـد == من الولي المهيــــوب زودي وزادي
ــــــــــ
من الولي المهيوب حيــــدر ولينـه == صولاته بالصعبات فيــّت علينـــــــــه
ما ننســــــه يوم اﻠﮔال طـــــه نبينه == بعدي الوصي الكرار بالأمر شــــادي
ــــــــــــــــ
مع تحيات شاعر أهل البيت / جابر الخزرجي النجفي
#للتذكير
يوم غداً الثلاثاء الموافق ٣ رجب الأصب
٢٠٢١/٢/١٦م
هو استشهاد الامام علي الهادي "عليه السلام" حيث توفي بتاريخ ٣ رجب ٢٥٤هـ
لذلك سوف انشر قصائد زنجيل لهذه المناسبة الأليمة
قصيدة ٥
ميمر لوفاة سيد محمد سبع الدجيل بن الامام علي الهادي عليه السلام
الشاعر حسن لعيبي الحريشاوي
سبع الدجيل بفرگاه عايش الهادي بحسره
مهجة الهادي ياضواه وروحه
فكدك صعب يلجمليت جروحه
لاحته اسهام المايظنها تلوحه
سهام الفراك الجتال ياحيف لاحن صدره
دار الاهل ظلت حزينه وظلمه
نور وجمال الكمر جان ورسمه
روح الامام العسكري وبن امه
وعم الامام المهيوب بلهفه الخلك تنتظره
الحافظ كتاب الخالق ومظمونه
عالي القدر والوادم ايعرفونه
حته العده ماكدروا ينكرونه
وارث علوم ال البيت من فرع هاي الشحره
يامنزله المحد كدر يوصلها
من الهادي وابنه العسكري حصلها
روحه القدر ياحيف مااجلها
البيها علوم واسرار ماخذها من العتره
موضع كرامات شكثر مشهوده
معروفه هيه مسجله وموجوده
سيد محمد لوتريد شهوده
اكصد ضريحه ونخاه لمن تطب بالحظره
الشاعر حسن لعيبي الحريشاوي
قصيدة ٣
سبـــع الدجيـل ( تجليبه في سيد محمد بن الأمام علي الهادي عليهما السلام)
----------------
ياسبـع الدجيـــل إو ملجـــأ المحتـــار
يريت إبحضرتك أﮔﻌــد وحل خطّار
ــــــــــ
يريت إبحضرتك أﮔﻌــد وشوف النور
يطلـــع من ثراك إو باليجيك إيدور
يانبعة علي الهادي الولي المنصور
يانبعــة محمــد والوصــي الكـرّار
ــــــ
يانبعـــة محمــد ما يخيـــب الجــــــاك
على باب الصحن تستقبله ﯾﻠﮔـــاك
باري الكون هاي المنزلــــه إنطــــاك
يشوف الزاير إﻠﮔبــــه تشع أنوار
ــــــ
يشوف الزاير الشارات مرسومه
عطايــــاك اﻠﭽثيره دوم معلومه
ترتاح النفس ما ﺗﺑﮔــه مهمومـــه
إذا يمّك تصير إو تلتقي الزوّار
ـــــ
إذا يمّك تصير الروح يابــــو الـزود
تفرح ما يُمر بيها الألم وإيعود
تشوف إﭽفوف تطلع بالهدايــــــا إتجود
هدايا الخير من عندك تغطي الزار
ــــــ
هدايـــا الخير من عندك يبو جعفـر
تفيض إو ما تلمها اﻠﮔاع ما ﺗﮔدر
أمـــــان إتعيـــش زوّارك يبـــن حيدر
فنّه اليوصل الحدهم يشب بالنار
ــــ
فنـــه اليوصل الحـــدّك يبو الهـــدّات
تغيث الجاي ياخذ منك الحاجات
وإبصحنك يصلـــي إو يرفع الرايــــات
إله الكون واضع عندك الأسرار
ـــــــ
إله الكـــــون واضع عندك الشــــاره
ضريحك للأبد ما تنطفي أنواره
أرواح التجـــــي تهـــــــواك محتــــــاره
ترد بالخير يبن المصطفه المختار
ــــ
مع تحيات شاعر أهل البيت / جابر الخزرجي النجفي
