#وفاة_السيدة_زينب_عليها_السلام
قصيدة رقم ٥
هذه القصيدة ميمر مجنس + كربلائي
يالمنفجــع حــان الدمــع للورثت الطف والضلع
لام الحــزن يحلّه النــوح وتحلّه المــدامــع حمــره
**
لأم الحــزن حـگــها المدامــــع حمــــره
مـــنّ الــزغــر شافت مصــاب وحســره
مــن الدمع حگه النظر كفْ ألها
ذكــرت عدوها من ربط كف الها
مـــاتت غــريبه لا حضــر كافلها
بدمــع النــزل ويـن الكفــل نــادت گبــل ذاك الأجـــل
ريتــك ياخــو زينــب ريــت يــومي يخــويه أتحضره
*
عـمـــر العقيــلـــه بـــس حـــزن گاضيتـــه
لا مـــره مـــــر بيــــچ الفـــرح لا صيتـــه
وكتي ضگت مــن الزغــر بس مـــره
ردت الفـــرح بيّــه يمـــر بــس مره
بصــدري نبت يــوم الدفــع بسمــاره
مات الفرح وگلبي أنجرح بصدر أمي أحس هوه أنذبح
وبـــس الحـــزن والآلام خلتلــي ذيــــچ الـعصّــــره
**
يا ام الحـــزن يا جمــره ظلــت تسعــر
نـــادت احسهه والدمــع صــبْ احمــر
زينب انه وهــذا الحزن خاواني
ومن النحب لأمي بزغر خوّاني
للباب انوحن لو أنوح أخــواني
متحيره ومتمرمــره المــن انوحــن يـــا تــره
مــن الضلـع و البسمــار گمـــت انـــه أهـِل العبّره
*
صـعبـــه يــزينــب محنتـــــچ ارويهــــا
ونــار السبــي حســــرات تلهـــب بيها
نــار بدليلــي تستعــر مـــن طفـها
ميته عساني وي الأهل من طفهه
يا حسره زينب والشمر من طفها
بين الــدول عگب الأهل أبديــوان اطبن عالچتـــل
وگفتــي اگبـــال الشمـــات صعـــب الأمــر شيفسره
*
يمّ الـصبــر أيـــوب صبـــره أتحــيّـــر
صبــرچ يشوفـــه عالنــوايـــب اكبــر
من النحب بــرج الصبـر هــديّته
وگلبي بزغر بس الدمــع هاديته
كون الفـرات أعلى الخيّم هـديته
ويطفي الخيّم يستر حـــرم يــا وسفه من طــاح العلم
هجمّــت خيــول العـــدوان ولا ذاري خــدري يستــره
**
منيتــچ يـــا زينــب كــــل محــب يــدريها
لكــن يــا حـــره أنتــي بــلّله احچيـهـــا
بين أخوتي أمنيتي اندفن ودي آني
بـس الــزمن لأرض الغِــرب وداني
القاصي لمصابي خـل يون والداني
يهل مدمعـــه للفاجعـــه يوميــه أشوف المشرعه
وبأرض الغـــرب انــه أهناك حســره تجــر بحــســره
**
الشاعر
موسى البديري
#وفاة_السيدة_زينب_عليها_السلام
قصيدة رقم ٣
نصاري للسيدة زينب عليها السلام
مهيمن يوسف الموسوي ١٤٤٥هـ ٢٠٢٤م
إجاها الموت زينب و الدمع سال
تذكر كل اهلها باصعب الحال
*١*
سنه ونص من بعد موت الأحبّه
إجه ليها الأجل و زداد قربه
فلا عباس حاضر وشلون صعبه
دمعها اعلى الاهل هاليوم همّال
*٢*
صعب هاليوم و شحال العقيله
جسدها امن القهر مهدوم حيله
تذكر طف كربله ابدمع اتسيله
وضعها نوصّفه صعبه ينگال
*٣*
زينب يا حزنها و القهر حيل
منها والدمع وهواي ويسيل
غريبه بالغرب وسفه والف ويل
قهرها بالگلب من هاي الأهوال
*٤*
بارض بيها السبي چان وقهر و آلام
آه امن الغرب يا ديرة الشام
على الحره العقيله اصعب الايام
عدوها وبحقد من زينب و نال
*٥*
اخوها حسين ماكو بهالأمر و الصار
تمنّت لو گصدها إبن لأطهار
لاچن ونچتل من أخسه لأشرار
عدها وانتهت من راح لآمال
*٦*
زينب بالمنيّه بيا وضعها
حسره بكل گلبها عالفجعها
لحد آخر نفس تهمل دمعها
مصايبها شكثر منها الفرح شال
*٧*
مصيبة زينب الحره شكبرها
من جاها الأجل يقهر أمرها
لأهل ماكو إجو بآخر عمرها
صبرها اعلى الحزن والكربله طال
*٨*
تموت الطاهره بنت الزچيّه
بارض جانت إجت ليها سبيّه
وشلون الأمر صعبه القضيّه
عدوها بالشماته بهالأمر گال
*٩*
اصعب كل حدث مر اعله زينب
مقهوره و ألم و بحسره تنحب
اهلها بالدفن و بهاي ترغب
لا واحد بقه منهم فلا ضال
*١٠*
تموت الطاهره ومنها تهل عين
على الكافل اخوها والولي حسين
وبطف كربله هالأخوه ميتين
وصبرها عالقدر عدها فلا مال
مهيمن يوسف الموسوي
١٤ رجب الأصب ١٤٤٥هـ
٢٠٢٤م/١/٢٦ يوم الجمعة ٦:١٢م
#وفاة_السيدة_زينب_عليها_السلام
قصيدة رقم ١
شوط كربلائي
لذكرى لوفاة الحوراء زينب ع
يزينب والاجل گرب وحانت ساعة الفرگه
لحد يوم المنيه وياچ صور لخيام محترگه
ـــــــــــــــــ ❁ ❁ ❁ ــــــــــــــــــ
لـفاچ الموت يـازينب غريبـه ولا اهـل يمچ
گضت ايامچ بلوعه مثل عمـر الزچيـه امچ
حزينه ولاغفتلچ عين يذوّب بالصخر همچ
تمنيتي الگمر عباس يجيچ الليله ويضمچ
بلايه چفوف تدرينه
يخليچ بوسط عينه
يدفنچ كون تردينه
يزينب والگمر هاليوم اجالچ ينعه وبحرگه
يزينب والاجل گرب وحانت سـاعة الفرگه
ـــــــــــــــــ ❁ ❁ ❁ ــــــــــــــــــ
تذكرين الجره والصار وانتي بأخر الانفاس
من طبيتي لارض الشام والتمت عليچ الناس
هالصوت بخيالچ عاش هاي اخت الـگمر عباس
يلبوة حيدر الكرار ياهيبه التشيل الراس
لحد يـوم المنيـه وياچ
صـور ايـتـام تتـنـخاچ
تخوفهم سياط اعداچ
تذكرين الجره بعاشور سبيه بهمها مختنگه
يزينب والاجل گرب وحانت سـاعة الفرگه
ـــــــــــــــــ ❁ ❁ ❁ ــــــــــــــــــ
غريبه من لفاچ الموت بديار الغرب صعبه
ماواحد حضر وياچ وحيده وماتت بغربه
بمصابچ تنوح الگاع نكسر حته الصخر گلبه
بعد ذيچ البطوله اليوم الموت عليچ مر دربه
گضـت دنيـاچ بـس الهم
عشتـي بدنيـه ماتـرحـم
بچت عينچ دمع من دم
وتجرين النفس كوه الحزن وياچ كل شهگه
يزينب والاجل گرب وحانت ساعة الفرگه
ـــــــــــــــــ ❁ ❁ ❁ ــــــــــــــــــ
ياوسفه والف ياحيف تنام عيونچ وتغفه
مظلومه انگضت دنياچ بالاحزان ياوسفه
بقساوه يمر عليچ اليله وعيونه شكثر صلفه
رغم كل اليمر والصار رمـز ظليتـي للعفـه
شاهدتي الحـزن الـوان
وصىرتي للوفه العنوان
بناتچ صـارن الاحـزان
يـا ام الحزن والنوح مثل حزنچ فـلا نلگه
يزينب والاجل گرب وحانت ساعة الفرگه
ـــــــــــــــــ ❁ ❁ ❁ ــــــــــــــــــ
بخيالچ للگمر تحچين تمنيت العمر لاطال
كون هناك مـت وياه ولا شدو ادي بحبال
يريت وياك دفنوني ونهـالت علي الرمـال
بس الموت ماجاني ومريت بعذاب اشكال
ماهمن بالوكت لوفات
وايامي التمر لحضات
من فرگاك گلبي مات
تمنيت الحوافر كون تدوس بگلبي وتسحكه
يزينب والاجل گرب وحانت ساعة الفرگه
ـــــــــــــــــ ❁ ❁ ❁ ــــــــــــــــــ
كلمات
عباس فاضل الشمري
يتوفر زيادة متابعين ومشاهدات
للفيس بوك والانستا
للتواصل @ahmed_alziwar0
#اعلان
1- لزيادة مشاهدات اليوتيوب
2- لعمل هندسة صوتية عن طريق البصمات
3- لترويج المجالس الحسينية ع الفيس بوك
التواصل مع
@ahmed_alziwar0
07732320742
#سبع_الدجيل
قصيدة ٢
ميمر
سبع الدجيل اتعناه. لمحمد ابن الهادي
★★★★★
عنده كرامات شكثر موصوفه
كلها فخر بين الخلگ. معروفه
بفيض الكرم والجود تنطي اچفوفه
عونه الگصد ليه وراح. وبِسمه الشريف ينادي
★★★★★
اگصد لبو جعفر وانحب يمه
واشكيله همك وابچي لوعة همه
تزول المحن من خاطرك والظلمه
ابغرة شبابه المهيوب. الموت غَرَّب حادي
★★★★★
من والده طِيْب وعبير ونسمه
تقوى وعبادات وشجاعة وحكمه
ذاك الْرُبَه بحظن المجد. والعصمه
ياجاهي مابين اثنين. بضل دنيتي وميعادي
★★★★★
لوعذَّبَك جور الزمان وجاسك
والناس صارت هلوكت موناسك
والدنيا مگصدها تِشيَّب راسك
اگصد الباب الحاجات. وخله اليعادي ايعادي
★★★★★
الهادي ظهره منكسر بغيابك
والعسكري شگ الهِدْم بمصابك
والشيعه عَنَّايَه تون ابابك
كل كتر لجلك مفجوع. حتى الجبل والوادي
★★★★★
عطر الإمامة بسيرتك يبرالك
التاريخ يشهد عن جميل أفعالك
المعلول والمهموم يروي افضالك
بفضلك تزول اللوعات . ويطيب شربي وزادي
★★★★★
ليك ابعذابي ودمعتي متعني
خادم الك يبن النبي تقبلني
بفيض الكرم يابوالكرم تشملني
ياگاضي حاجات الناس. اتعنيت اريد امرادي
الشاعر حسن لعيبي الحريشاوي
قصائد وفاة السيد محمد بن الامام علي الهادي " عليه السلام" سبع الدجيل
يهدى ثوابها إلى روح
السيد يوسف مجيد الموسوي
رحم الله من قرأ سورة الفاتحة على روحه
مسبوقة بالصلاة على محمد وآلِ محمد
#القصائد_الفاطمية
قصيدة رقم ٨
مقدمة الزهراء عليها السلام
طب للبيت ـ شاف البيت ـ خالي من فاطمه
يطب الدارها ويخــــــتنگ بالوحشه
علي ملچـــوم فارگ ضحكت القبشه
يشوف حسين بيده افراشها ايفرشه
ويحس ابگلبه نار اومنگـــطع هرشه
وين ايروح ـ كلها اتنوح ـ حتى الارض والسمه
**
گطـعو مــنه ورده وذبل بســـــتانه
مــر بيه الخــريف ويبست اقصانه
يطــــب للـدار يلگـه الدار حـــزنانه
على الزهره نحيل اوروحه خلصانه
كل اغروب ــ گلبه ايذوب ــ مجروح حامي الحمه
****
بالتغســـيل شــاف الما امســـــولفته
زعل بس الوصــــــــــيه ابهاي لازمته
شاف السطره البخدها وبچه ابسكته
العقيله اتموت كون ينــــوح سامعته
بالتغسيل ـ باد الحيل ـ ودنيا صفت مظلمه
****
علي اتعـــذب دليله ابفرگت الزهره
كلشي اضلم عليه من ماتت الگمره
مـن يذكـر ظلعها ويذكـر الصــطره
تهيـج اجروحه كلها ويختنگ عبره
صابه البين ـ بم احسين ـ وسهم البعد المه
****
يگعــــــد يم گبــــرها وينحب وينعه
موضلع الزچيه ألي انكســــــر ضلعه
يكـــابر عالالم گوه ابجــفه البضـــعه
تبچي وتوگف اعله ادموعهه الشمعه
ابگلبه النار ــ فكره احتار ــ من المدامع عمه
***
الخادم
كامل السعيدي
#القصائد_الفاطمية
قصيدة رقم ٦
تجليبة الزهراء (ع)
على اجروح الصبر والدمعه والحسره
هالليله ننوح ونبچي عالزهره
١
اليحب أم الحسن يلطم يدگ ينعه
وخل يكسر بمجلس ضلع من ضلعه
الزهره بالعزه تستاهل الدمعه
اذا تبچي عليها وتنحب بعبره
٢
منك تعرف انته اشرايده فاطم
ألها بكل ولائك تحضر ولاطم
حتى اتصير ألها وتنحسب خادم
كون ايصير حضك عالي واشكبره
٣
عليها الباب مدفوع بحقد نيه
وفاطم بالعرش مكتوبه قدسيه
اشگد صعبه أذا تنضرب علويه
وبالحايط الزهره تنعصر عصره
٤
حرگ باب الوحي وبعمل شيطاني
الاول وبحقد من ارسل الثاني
خل يسمع القاصي ويعرف الداني
ناس وللأسف مو طاهره البذره
٥
حيدر من صبر مو عجبه والي صار
بس هيه الوصيه امچتفه الكرار
ذوله مو زلم وهواي ذوالفقار
عليهم بس علي يتميز بصبره
٦
ماتت فاطم وبليل دفنوها
ومحد ماطلع خاطر ايشيعوها
من كثر المواجع تون خلوها
وهسه ابلا گبر لا صحن لا حضره
٧
راح اختم الك والعله مو بالباب
بالسموا نفسهم للأسف اصحاب
هز العرش صوت الضلع من انصاب
بوجوه الغريبه الحاقده الصفره
لاتنسون والدي وابني عباس من الرحمه والغفران
خادمكم رياض الرسل الجابري
#القصائد_الفاطمية
قصيدة رقم ٤
جديد جمادى الأول ١٤٤٥
شهادة السيدة الزهراء عليها السلام
الــفاتـحـه هـــالــــيـــوم حرقو بابها
وكـوثـر الله مـــــارعـــوها احـجابها
~
فَـــاتِـحَــةْ لِـمْصَابْ نيران او حطب
والإذن صـــــــارت وَإِنْ يـــا للعجب !
وبذوي القربى الخطر حاط اوقرب
اوكـــشّــرت أهــل الــفـتـن أنـيابها
~
واعـلــى بـاب النور صــار الإعتداء
وبـالــحـقد عصروها سورة لانبياء
والـــمــودّه اتـفـجّـرت منها الدماء
ويــلـــي الــمـسـمـار لـمّـن صـابـهـا
~
شـــلــون بــاللّي لـلـنـبـي روح اونَفِسْ
اتواجه أرجاس اهجمو موبس رِجِسْ
ومـهـجــة الـــكـــرار قــتـلــوه ابْرَفِسْ
ومـــن دمــاه الـدار صـار اخـضـابـهـا
~
آيــــــة الــتــطـهـيـر مغشيّه اوقعت
وكـــــل ضــلـــوع القَدِرْ آه اتكسّرت
وبــالحبال المرتضى القوم اسحبت
ولا وصــيّــــه و لاقــداســـه اتهابها
~
نـهــضـت ابـمهجه وأيــادي تلتهب
اوقــابــلــوهــا بالشتايم والضرب
آيـــه آيـــه تــعـثــر ابطول الدرب
وزيـنـــب اتـعـاين اوزاد اصوابها
~
لـــوّعــــوهـا ولا سِـلَم راس او ظهر
بـــــالـسيـــاط اوإلـــهـا رَدّ اللّي كفر
ابـــــقـسـوته بــيـده لطم خَدّ السور
ومــــرمــروهــــا ومـــزّقــو لــكـتابها
~
ابــمـجـلـسه الچانت يخلّيها الرسول
اعـداهـا من كل جانب اعليها تجول
اوطاغي ابسيفه ضرب جنب البتول
انــهــد ركـنـهـا اوصـبـغ دمها اثيابها
~
اتـــهــل دمعها وانتحل منها الـجسم
ومــن جــســدها ياوسف ذاب اللحم
واللّي يفجع جَفْ جِلِدْهَا اعلى العظم
وابــألــمـهــا اتـــصــلّـي ابـمـحـرابـهـا
~
وبــعـد كـــل هاي الغصص منّ الــلآم
فـــــارقــت بثمنطعش عـــام اهتضام
وشـــيّـــــع الــــقــــرآن حيدر بالظلام
اونــــــاح واتحسّر اوهـــــــال اترابها
~
تمت بحمد الله ومنّه
١٠ جمادى الأول ١٤٤٥
نظم خادم السيدة الزهراء عليها السلام
ياسين جواد العبد الرضا
#القصائد_الفاطمية
قصيدة رقم ٢
بحق فاطمة الزهراء عليها السلام
مهيمن يوسف الموسوي ١٤٤٥هـ ٢٠٢٣م
بموت الزجيّه اصعب رزيّه
*١*
شحالك يحيدر من شفت ضلع الطهر مكسور
ضدها الاعادي بلا سبب منهم حقد و الجور
بهاي المصيبه و القهر عندك فلا مگدور
حزنك عليها بالکلب يا سيدي معمور
شفت الاذيه اصعب رزيّه
*٢*
بگلبك فكد ام الحسن بيك الألم و النوح
خلّت مصيبتها بس قهر وشكد حزن بالروح
هاي التقيّه يا علي بروحك شديده اجروح
بنت النبي من تنذكر منك دمع مسفوح
تنصب عزيّه اصعب رزيّه
*٣*
شافت ظلم منّ العِده يا سيدي مولاي
وغصبو فدك منها لجن مو صعبه كل هاي
اكثر اذه وبفاطمه كسّر الضلوع هواي
لبنت الرسول المصطفى حيل شكثر وفاي
صبح و مسيّه اصعب رزيّه
*٤*
من فاطمه غابت يحيدر بس قهر و آلام
شلون اصبرت من فاطمه ضدها العده الظلام
بفكد البتول الطاهره صارت أشد لايام
بحزنك عليها و البجي وقهرك فلا تنلام
هاي التقيه اصعب رزيّه
*٥*
بضعة رسول الله النبي وروحك تظل بهموم
المن تون وليا قهر تذكر مصايب دوم
لاكن اشد كسر الضلع شدة حزن هاليوم
ضد فاطمه كلها اجت احقر جميع الكوم
وبلا حميه اصعب رزيّه
*٦*
عندك صبر يا بالحسن ولفاطمه بكد الكون
صبرك على امصاب الطهر هالكد تظل وشلون
مسمار نابت بالضلع يا سيدي ميهون
فاطم تموت بلا ذنب من العده المعلون
اول ضحيّه اصعب رزيّه
*٧*
حزنك عليها وشكثر يا حيدره الكرار
ما ينّسي هذا الحدث بيه القهر عالصار
رغم الألم ترضه بحكم رب السمه الجبار
تموت الزجيه فاطمه بقتل البشر لاشرار
دمعه سريه اصعب رزيّه
مهيمن يوسف الموسوي
قصائد شهادة فاطة الزهراء عليها السلام
١٤٤٥هـ ٢٠٢٣م
يهدى ثوابها إلى روح
السيد يوسف مجيد الموسوي
رحم الله من قرأ سورة الفاتحة على روحه
مسبوقة بالصلاة على محمد وآلِ محمد
#قصائد_الأربعين_١٤٤٥هـ_٢٠٢٣م
قصيدة رقم ٤
موشح عودت السيده زينب عليها السلام إلى كربلاء يوم الاربعين
اليــوم زينـــب ردت لـــوليــــانــهـــا
لكــربله قبـــلـــة جميـــع احـزانــــها
*
اليــــوم ردت زينــب بنـــوح وانـــين
لبواليـمـــه حســـين يــوم الاربعـــين
نـــادت السجـــاد گبـــر حسين ويــن
ويـــن كــــافـــل زينـــب وعـنـــوانها
*
هــذا گبــر حســـين نــاداهـــا بــألم
وذاك گبــر الكـــافـل وراعي العـــلم
اطيور چنها أتجمعت كــــل الحــرم
وناحــت أيفـــت الگلــــب اشجـانها
*
هـوّت مثــل الطيــر زينــب عالـگبـر
خويه بعدك بس مصايب هل العمـر
خويــه يـا ضلــع السـلم مـا منكسـر
يـــوم فوگگ لــوّوّ خــويه أعنــانـها
*
خويــه عشـــر خيــول داسنـك لمّــه
بضغــا بجـــدك وابـــوك و فــاطمــه
وجثتك اعلى الگـاع متغسله أبدمـه
والچفــن وسفـــه صبـــح تــــربانهـا
*
تعنـــت لكــافلــها والمــدمــع ذروف
صدگ نادت خويه مگطوع الچفوف
ريت تگعد خــويه وعيــونك تشوف
زينب مـــن الشـــام شنهـي الـــوانها
*
خويه مچتوفين رحنه أعلى الهزيـل
ينضـرب بالسوط كــل واحــد يميـل
خــويه محتاره بحرم تــدري وعلـيل
بســوگ بالشـــام وتصــد عـدوانــها
*
خــويه صعبــه مــن اگلـك يالگمــر
واگفــه ابديــوان والشــامت نظـر
ويــن صاح الكافل وگلبــي انكسـر
وبيّه شمـتت كـل بنـــي سفيـــانها
*
الشاعر موسى البديري
#قصائد_الأربعين_١٤٤٥هـ_٢٠٢٣م
قصيدة رقم ٢
شوط كربلائي للاربعين
رديـنـه حـرم و ايـتــام مــن الـشـام رديــنـه
ننشد عـالكـفـلـنه ويـن وعـن حـسيـن والـيـنه
اريـد الـلي كـفـلـنـه كـون ضعـن الـعــايـلـه أيـشـــوفـه
مـن اول طـفـل مـچـتـوف لاخـــر طـفــلـه مـچــتـوفـه
خل يحسبـنـه عـنـده ضيـوف اللـيـله ويكـرم اضيـوفـه
من يكـرم يشيل الـراس
اخـويـه والنـعـم عـباس
الجود امـبـيـن ومقـياس
و اول جـوده بـالـطـف چـان جـاد بـچـفـه وبـعــيـنـه
واريـد حـسيـن ابـو الـيـمـه يـشاهـدنـه حـرم وايـتــام
مـن بـعـد اليـسـر كـلـنــه سبـايـه وجـيـنـه مـن الشـام
نـريـد حسيـن ابـو السجـاد نـشوفـه والگـلـب محـتـام
نـلـوذ ونـگـعـد بسـده
بـدموع العيـن ونشده
نگله الضعـن شيـرده
لـرض الـوطـن يامهـيـوب خـويـه حسيـن حـاچـيـنـه
واريد احچي ويراعي الجود واخبره بالجره والصار
يساره مـن بـعـد عـيـنـه مـشيـنـه والـفـكــر مـحـتــار
نـفـكــر بـالـبـقـه وعـفــنـاه نـفـكـر والگـلـب بـي نـار
يساره اخلافكـم رحنه
ورديـنه بالــف محـنه
احنه البـعـرش احـنـه
يخـويـه مـن گـبـل ادم بشرف مكـتـوبـه اسامـيــنـه
واحاچي حسيـن ابـو السجاد خـويـه وشوف حـالتـنه
يساره وچـنـه بــرض الشام وانـظـر هـسـه ردتـنــه
اجـيـنـه نـشـوفـك ومـاشيـن لـرض الـوطـن نـيـتـنـه
اجـيـنـه والـدمع هـمـال
يخويه بس حرم واطفال
وعـلـيـلـك انظـر بياحال
امگـيـديـنـه بسـلاسـل چـان ابـنـك عـلي امگـيــديـنـه
واريـد انـشــد عـلى الكـافـل خـل يگـعـد يـشـاهــدنــه
سبـايـه ومـن بـعـد عـيـنـه ولا والـي الـبـقـه عــدنــه
مـثـل مـا جـابـنـه العـبـاس يـرد بـيـنه لـوطـن جــدنـه
كـفـيلي والنـعـم مـنــه
طـاح بـدمـه وتـحـنــه
نـذر عـمـره ولا چـنـه
نـطـاهـم عـالنـهـر عـبـاس عـيـنـه وضـحـه چـفـيـنـه
شاعر اهل البيت (ع)
رياض الرسل الجابري
#وفاة_السيدة_زينب_عليها_السلام
قصيدة رقم ٤
موشح نجفي لاحتظار السيدة زينب عليها السلام
الشاعر ياسر العارضي
هاي زينب تحتظر بانفاسهه
ورادت اخوتهه تجي عد راسهه
*١*
هاي زينب باخر انفاس العمر
جييَت اخوتهه الهواشم تنتظر
روحهه ماتطلع والهُم تفُر
حسين يحضر رادت وعباسهه
*٢*
َهالمنيه المنهه ياوسفه دنت
وزينب ابهاي الحياة اتعذبت
بعد كل ذيج المأسي اتغربت
ويجي تتمنه اعز كل ناسهه
*٣*
ماتريد اتموت مايمهه أحد
لا أخو ايتجيلهه ولاكو ولد
من يجوهه والنفس للرب صعد
عدهه سهلهه وتنتعش باحساسهه
*٤*
هاي زينب وبأخير المرحله
من البدايه وهسه هاي التكمله
تريدهم كلهم شهامه ومرجله
كون يمهه الماكو من مقياسهه
*٥*
هاي اخير انفاس وي ذاك الحزن
اكَبالهم رادت يشوفهه تون
اشكَد حنينه اهواي لخوتهه تحن
والمحنه من اصلهه وساسهه
الشاعر ياسر العارضي
#وفاة_السيدة_زينب_عليها_السلام
قصيدة رقم ٢
موشح لذكرى لوفاة الحوراء زينب ع
زينب انطت منحر بوادي الطفوف
وقدمت رايه على الشاطي وچفوف
١
زينب المهضومه عاشت بس جرح
تمشي مابين العده بذاك الصبح
شلون حال الي اخوها منذبح
تگوم تركض حافيه ابين السيوف
٢
اتعاين المذبوحها وتدمع العين
اتصيح جاوب ياحبيبي ياحسين
وين انه والمصايب ذني وين
وگامت اعله جسد بالمدمع تطوف
٣
يالتحب زينب شنو اتصب دمع
هسه كونك باللطم تكسر ضلع
شلون زينب ترضه توگع تندفع
وتطر ميدان الزلم بين الصفوف
٤
زينب العاشت أميره أم الخدره
للشريعه اشجابها بذاك الظهر
تنظر العباس بدموع الصبر
اتگله انظر كون الك عين وتشوف
٥
شافت العباس وتدگ عالضلوع
وگام تنحب تبچي وتهل الدموع
الفاگده الخوان من حقها تلوع
وتمشي واتدوس الجمر بين الألوف
٦
كربله العاشت جرح بين السماء
شلون تشرب من دماء الشهداء
كربله لو عدها ذره من الحياء
چان ماترضه يذبحون الضيوف
٧
وهسه زينب سلمت لامر القدر
ماتت وتنحب على اچفوف ونحر
تبقه زينب راية العز والفخر
شامخه وهيبه رغم كل الانوف
شاعر اهل البيت (ع)
رياض الرسل الجابري
قصائد وفاة السيدة زينب "عليها السلام"
يهدى ثوابها إلى روح
السيد يوسف مجيد الموسوي
رحم الله من قرأ سورة الفاتحة على روحه
مسبوقة بالصلاة على محمد وآلِ محمد
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
لعمل اعلان ممول للمجالس الحسينية وزيادة عدد متابعين حقيقييين لبيجات الهيئات والرواديد التواصل واتساب مع
07732320742
او تلجرام @ahmed_alziwar0
#سبع_الدجيل
قصيدة ١
شوط كربلائي لوفاة سبع الدجيل "عليه السلام"
ابو جعفر محمد بن الإمام علي الهادي "عليهما السلام"
الشاعر السيد عبد الحسين الشرع النجفي "رحمه الله"
يامن تطلب الحاجات جد السير و اتعنّه
واگصد سيد امحمد واطلب حاجتك مِنّه
........
بمرك لا تظل حاير او عندك للحوايج باب
بيها رحمة الباري او ليها اللي گصد ما خاب
دونك سيد امحمد الما طب حضرته طلّاب
اله او بالمسرَّه ايعود
مِنّه ابغاية المگصود
بي من يسأل المعبود
دنيه او آخره ينطيه والهم ينچشف عنه
........
ساحة حضرته بيها الكل علّه دوه واعلاج
ما واحد تعنّاها او من عدها سدر محتاج
ما بين السمه او بينه لملاك السبع معراج
تنزل وبضريحه اتطوف
والزوار گبره اتشـوف
توگف عله الباب اصفوف
كل زايــر يحـــيّــونه ويبشروه بالجــنّـه
........
الزاير لو لفه ايحيوه او من يسدر يودعونه
ويشكرون سعوانه او بالجنّه يبشرونه
عيسى انچان للأعمه رد النور لعيونه
هوَّه اشچم عمه الطب ليه
او رد ابساع نوره اعليه
او چم واحد عدل رجليه
وبفضله او براهيــنه تشهـد شيعه او سنه
........
معاجز ظهرت الجوده ما تنحصه او ما تنعد
بيها اهل السمه تدري او كل اهل الأرض تشهد
يامن تطلب المعروف دونك سيد امحمد
بضعه من علي الهادي
شع ابنوره الوادي
طب الحضرته او نادي
جينه ابعودك انعزّيك وعليه نجذب الونّه
........
شلها الوادم اعليكم يشراف العرب يمجاد
خلوكم شتت بالبر او منكم كل گبر ببلاد
وصه المصطفه بيكم وهم سوَّو عكس ما راد
ياهو الما گضه بالسم
او چبده انمرد وتخذّم
حته الطفل ما يسلم
والعريس من عدكم ابدم النحر يتحنّه
........
هضمتكم يهل هالبيـت من عدها يشيب الراس
خلي الچتل هذا انگـول عاده او جرت عند الناس
لاچن الچثث بالخيـل هاي ابيا شرع تنداس
والنسوان يسبوها
او عالهزَّل يرچبوها
والتنحب يضربوها
كل ساعه البلد ميشوم عالهزَّل يطبّنّه
........
زينب نادت الحادي او منها الروح مالومه
يحادي الضعن الله اعليك سو دربك عله الحومه
شوف الحرم فوگ النوگ تتصارخ او مهظومه
تريد اتشـوف اهاليها
او تودعها او تحاچيها
او تدوَّر عاليحاميها
او يتعنن لبو فاضل مداليله او يحاچنّه
........
نريد انشوف ابو فاضل شنهي نيته اويانه
من يثرب تچفّلنه اشلون ايعوفنه اهنانه
ما ضني يهون اعليه نمشي ابولية اعدانه
ادري يبن فارس بدر
ما يرضه نمشي ابها اليسر
واللي يبارينه زجر
وانطب دواوين الكفر
لاچن بطل حيلي اعليه اچفوفه الفحل خاننه
........
لحد يا گمر هاشم يبو فاضل يوالينه
من يثرب طلعنه اوياك وانته اتچفلت بينه
نوَّو عالمسير اعداك ما تنهض تبارينه
انهض يبو فاضل عجل
باري اليتامه العالهزل
چه ترضه لخواتك تذل
مهظومه والمدمع يهل
منطيهن بخت واليوم ذاك البخت يردنه
........
الشاعر السيد عبد الحسين الشرع النجفي "رحمه الله"
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
#القصائد_الفاطمية
قصيدة رقم ٩
نزله سريعه لمجالس الليالي الفاطميه
عهد الولاء لفاطمة الزهراء .
....موشح
.
.
عالعهد والبصمه من دمي الجره
ما أعوف الزهـــــره دنـيا وآخره
.
هذا عهدي الفاطمه هذا عهدي
.
.
رافضـي وابقـى افتـخر بـالمعـتــقد
ورضـعت حـب الــزچيه من المهــد
حيــدري وثـــابت يقــيـني وللابــد
ما أبـأيـع والله بـــس خيــر الـورى
.
هذا عهدي الفاطمه هذا عهدي
.
.
واليحبكم للـــذبـح مـــاظــن يهــاب
حتـلو سحگو ضلـوعه اعله التــراب
حتـلو طــبروني بسـيوف وحـــراب
دمي يهتف لو نـــــزف فـوگ الثره
هذا عهدي الفاطمه هذا عهدي
.
.
يالحزينه بكـعـبـتچ كـل ليــوم أطوف
وانـــدب مصابچ وون اعله الطـفوف
عالتـرب يالبـضعه مگطوعه الچفوف
منها چف يالـــزهره گطـــعو خنصره
هذا عهدي الفاطمه هذا عهدي
.
.
ابقـى اذكر جمرة صّــــوابچ ونـــوح
والگلـب يالبضـعه ينبـض بالجــروح
والي فــاگد ثـاره بعــد المن يـــروح
مالي غيــر المهـدي ابقـى اتنـــطره
هذا عهدي الفاطمه هذا عهدي
.
.
ابقى الطــم يـالزچيه بكــل عـزاء
عمري يرخـص والدمه الكـم فداء
يلـي يومـچ هـذا مثـله بكـربـــلاء
شفتـي چم خد أنسطر يالطـاهره
هذا عهدي الفاطمه هذا عهدي
.
.
حگـي لجـلچ من اذوب بـحــسـرتـي
انتــي حـزني وانتي جرحي وعبـرتي
انتي ديني وكـل يقيني وكعـبـــتي
عهدي خادم أبقـى دنــــيا وآخـــره
هذا عهدي الفاطمه هذا عهدي
.
.
.
حسن الموالي الفاطمي
.
#القصائد_الفاطمية
قصيدة رقم ٧
نزلة / استشهاد الزهراء عليها السلام
على الزچية واويلاه على الزچيه واويلاه
يابوية فاطم تبچي وتنوح
ملچومه فاطم من الجروح
ياويلي بويه وطلعت الروح
ماتت مهجته ماظلت وياه
شيعهه حيدر وحده بليل
رد لوحده متهدم الحيل
عگب الزجيه شايف الويل
كسره وبالضلع وشلون ينساه
دافن فاطمة ويهل الاتراب
صعبة بين اديه ويدفن احباب
هالليله يگضي بلوعه ومصاب
ويبچي الحسين بصفه يلگاه
عن المايرد وبگبره مدفون
تپجي وماهدت دمعات العيون
وزينب والحسن بحظانه يبچون
وچودر ياحزن بالفرگه والاه
مدفونه ويشيع ١٢ معصوم
غابت بالسمه مدفونه الانجوم
ياويلي حيدر كلبه ملچوم
گبرج مختفي وبگلبه ظماه
مكسوره كل اضلاعج اليوم
وزينب ترجف وماشافت النوم
وحسين البقه يشتم بالهدوم
وامتد لطفوف هناك شفناه
هذا الماحسبت حسابه ويصير
الباب تحزم بكومة بسامير
بلحظات الاخيره وهيه لدير
عين اعله حيدر چنهه تنعاه
خادم رقية عليها السلام
الشاعر مهند الدريساوي
#القصائد_الفاطمية
قصيدة رقم ٥
ميمر للزهراء (ع)
بهذا الدمع مثل الشمع
للزهره والكسر الضلع
ننحب نذوب بحسرات هالليله وانواسيها
عالزهره والكسر الضلع بالدمعه
ننحب عليها انذوب مثل الشمعه
ضاگت علينه الدنيه هاي الوسعه
من ثگل بابـك الطاهــره والدفعه
ازغيرة عمر من تنعصر
ينعصر معناها الخدر
واجب علينا بهل يوم للزهره من نرثيها
بعــد الصبــر والنايـبـه والاحـــزان
ناح العرش واهل العرش والميزان
يدرون بالــزهـره اصول الفـرقـــان
لي هسه ظـل ينحب عليها القــرآن
اهل السمه تبچي بدمه
الكسر الضلع والفاطمه
حتى العرش والاملاك تبچي وتنوح اعليها
حضرت شياطين الارض وسط الدار
دار الــوحي اليحـمـل جميع الاسرار
وانعصرت الزهـره وضلع ألها اندار
يشكي الظليمه مـن فـعــل هالاشرار
هجمت حقد مو عن بعد
بالحايط و مات الورد
معقوله هاي الزهراء هجمت حقد تاذيها
بيا منطق وحجه وشـرع اذوهــا
ومابين باب وحايط ايعصروهـــا
يدروها طاحت عالارض يدروها
ليش ام ابوها تنحب ايخـلـوهــــا
طاحت شمس واهل الرجس
ياوسفه بيها ماتحس
تاليها واحد ملعون يعصرها ويبچيها
طاحت الـزهــره بت محمد للگــاع
تنحب تــون ومكـسرات الأضــــلاع
بالـدفـعـــه حتى الباب صايــر طماع
وحلم الطفوله بمحسن الطايح ضاع
راح الولد وماظل مهد
لو صايحه الزهره مدد
تنزل جميع الاملاك للزهره وتحاميها
اختم الـك واسمعـنـي يلي اتودها
بنور المجالس احضر وشاهـدهـا
والحاجتك اطلب واخذ من عـدهـا
بس يمها اذكــر بالعــزه والدهـا
عهد الوفه بكل عاطفه
بينك وبين المصطفه
ماتنسه بنته الزهراء وبروحك اتخليها
لاتنسون والدي وابني عباس من الرحمه والمغفره خادمكم رياض الرسل الجابري
#القصائد_الفاطمية
قصيدة رقم ٣
بحق السيدة فاطمة الزهراء "عليها السلام"
مهيمن يوسف الموسوي ١٤٤٥هـ ٢٠٢٣م
بوداع امّي إجه همّي افارگ فاطمه الزهره
*١*
مصيبة فاطمه امي تقهر كل گلب زينب
حضر ليها الأجل يمها واشاهد وآنه بس انحب
اصعب هالوكت مرني عليها روحي تتعذّب
ضلع منها نكسر تنزف من غدر العده اتعجّب
القهر عندي وحگ جدي متألمه واجر حسره
*٢*
مقهوره وألم بيّه على بنت النبي المختار
ما الها ذنب عدها يجيها هالعده الاشرار
ضلعها منكسر منهم نبت فوگ الصدر مسمار
دماها عالأرض تنزف ودمعها امن البچي مدرار
بحزن والهم الگلب يهتم وضعها ينقهر امره
*٣*
على البضعه صعب حالي منيتها اجت ليها
متألمه اشوف امي نفسها من تجر بيها
صدرها امن الكسر صارت متغيره معانيها
ألم ويّه النفس عدها من هذا الجره اعليها
ودمع سچاب على الأحباب دليلي شلون وبصبره
*٤*
باول عمري و تألّم على أمي الزجيه هواي
مهمومه و ألم عندي ضدي واگبلت دنياي
اشوف الطاهره الزهره بمنيتها وصعوبه هاي
شتحمل قهر عندي رزيّه والأذه وياي
بألم روحي بچي و نوحي عالي بالگلب قدره
*٤*
دمعتي اعلى الوجن تنزل من أمي أجلها حان
وآخر كلمه وياها عندي باديه لاحزان
حزني و القهر بيّه من موت الزجيه بان
مو ضد حكمة الباري ربي الخالق الرحمن
لچن صعبه الفگد غربه الحزن متعنّي للحره
*٥*
باول هالعمر شفته وداع الطاهره البضعه
حاله صعبه مو هينه عليها ساچبه الدمعه
اعرف هالأجل جاها لاكن گلبي شيقنعه
احاول والصبر ليها صعوبه شلون شيوسعه
ضلع مكسور الگلب مقهور من جاها العده بغدره
*٦*
حالي من شفت فاطم متعنيه المنيه اليوم
گلبي و روحي متلوعه عليها كل قهر و هموم
ليش الطاهره ماتت ظلموها بخيانة گوم
يخونون النبي بذكره من وصّه عليها دوم
وصيته تروح وقهر و جروح ابچي بكل أذه و عَبره
مهيمن يوسف الموسوي
١٠ جمادى الأولى ١٤٤٥هـ
٢٠٢٣م/١١/٢٥ يوم السبت ٤:١٧م
#القصائد_الفاطمية
قصيدة رقم ١
شوط كربلائي بحق فاطمة الزهراء عليها السلام
١٤٤٥هـ ٢٠٢٣م
مصاب الطاهره الزهره وضلعها المنكسر بآلام
وهجوم الخانو العتره يضدّوها العده الظلام
.......
جريمه منها ما صارت فلا احد نفسها صار
عجيبه هالأمر ياذي ويخلّينه بدمع مدرار
بجرمهم والظلم منهم ضدّ المصطفى المختار
بضعته فاطمه يدرون
لاكن يا عجب ينسون
بحقد وشلون يتعنّون
عليهم غاضب الرحمـٰن عصو امره و كثر احكام
.......
عجيبه شلون من فعلو جرمهم و الحقد بيهم
شياطين بفكرهم حيل فلا احد يصل ليهم
على خير النسه فاطم بفعلهم حيل يغريهم
على دار الوصي الكرار
يهجمون العده الاشرار
عليهم يغضب الجبار
بنت خير الخلق كلها هجمو وبكره وإقدام
.......
هاي الراضيه الزهره كرمها الخالق بكثره
مقام و منزله عدها فلا نكدر وصف أمره
ابوها المصطفى المرسول وهي صارت الدّرّه
يأذّوها العده وسفه
وعمرها لاكي كل حتفه
وأبوها الكل تره تعرفه
نبيهم هو والدها اله هالدين و الاسلام
.......
بغضهم عالنبي و حيدر فلا منهم شبه موجود
حقدهم و البغض عدهم ابد ما عنده كل احدود
اشباه الرجال بهاي فلا نخوه ولا كل جود
على حرمه يضدوها
بكثر كلهم يأذوها
بلا علّه يعادوها
ذكرها الطاهره ويروح فلا تصبح تظل اوهام
.......
باب المرتضى حيدر يدفعونه على الزهره
خلف الباب هُمْ يدرون عدوها باقي وبشرّه
اثر دفعه على البضعه ضلعها حيف متكسره
نابت عالصدر مسمار
خلّه والدمه مدرار
شافت وشكثر اخطار
فلا نخوه وشرف عدهم تشهد باقيه الايام
.......
ملائك كلها حزنانه وفجيعه و المصيبه تظل
وحيدر للزجيه هواي دمعه عالوجن ويهل
گلبها بهالرزيه شلون عجيبه هالقهر يحمل
من بعد النبي طــه
مصايب بس تعنّاها
فاطم بس اذه جاها
فلا ترضه عليهم دوم عدوها بجرمه بس ينلام
.......
مظلومه الزجيه حيل عاشت كل عمرها هموم
واشد كل العمر من مات ابوها المصطفى المظلوم
من بعض البشر شافت كره وشكد حقد بالكوم
يعادوها ويأذوها
وبت طه يعرفوها
وصيته من ينكروها
خانو كل عهد وياه ووعدهم منگطع ما دام
.......
تبقى الطاهره الزهره قتلها بكل کلب للدوم
الموالي بكل وكت يذكر رزيّتها تظل كل يوم
مجالس ينصب بحسره ويرضه خالقه القيوم
فضلها فاطمه شكبره
حسافه تموت بالغدره
اجتّه الخانت العتره
عليهم باقيه اللعنه على ابشع فعل واجرام
.......
يتجدد حزنّه هواي من نذكر رزيّتها
فلا تشبه ولا منها مثل هايه مصيبتها
واصعب من اجه ليها عدوها وكل أذيّتها
ضلع منها انكسر وبساع
طفلها منطرح عالگاع
يا فضّه تصيح بساع
وباب المرتضى محروگ من اخسه البشر واقوام
.......
بعقيدتنه تظل فاطم فلا ننكر ظلم و الجور
شهد وبهالأمر و الصار عدنه يستمر مذكور
بنت المصطفى يأذون خالف كل حجي و مأمور
أُمر بيها النبي و يذكر
بضعتي فاطمه ايكرّر
فضلها ينذكر يؤُمر
لاكن خالفو امره جريمه تنذكر لأعوام
مهيمن يوسف الموسوي
#قصائد_الأربعين_١٤٤٥هـ_٢٠٢٣م
قصيدة رقم ٥
نزال ميمر للمشاية
هنا يالخدم شدو الهمم
بدرب المشي نصبو الخيم
زوار اجت مثل السيل رايه تدافع رايه
_
رايات اجت متعنيه من البصره
لگبر الحبيب تواسي اخته الحره
شدو العزم خلي نفرح الزهره
شانك ترفعه الزهراء يالتخدم المشايه
____
وزعو السبيل حسينكم ظل عطشان
وصيحو اشرب والعن يزيد الشيطان
الحط ايده بيد حسين ابد مو خسران
ويضمن نجاة الدارين الخله الحسين الغايه
____
الگلكم اسراف الخدمه هاي وتبذير
گلوله كل هذا ونحس بالتقصير
يرجع ألف، دينار ك بدرب الخير
بهالخدمه ما تخسر دوم من عندي اخذها حجايه
هذا الدرب جنه ودرب للجنه
وحتى الاملاك لكربله تتعنه
واحنه بعزم راعي الوفه تحزمنه
بكل زمن لحسين انصار بدم النحر وفايه
_
كل غالي يرخص للحسين الغالي
وراس الخَدَم يبقى بخدمته عالي
بدونه نظل لا اول ولا تالي
مغرگنه بالخير حسين افضاله علينا هوايه
__
عهد الخدامه نجدده بدمانه
ما ننسه عهده وهو ما ينسانه
شنهي التعب وام الحسن ويانه
كل تعب من عدنا يروح لو شفنا ر فة رايه
_
خادم الحسين ع
الشاعر عبد العظيم احمد الابراهيمي
#قصائد_الأربعين_١٤٤٥هـ_٢٠٢٣م
قصيدة رقم ٣
موشح للاربعين
اشـعدها زينب عودت لحـــســـيـــــنها
بالـــيــــسر وفّـــت البـــيـــنـه وبـــينها
اشْعِـــدْها زيــنب ويّـه الحسين اشْتِريد
مــا كِفــــاها امْصــــابها وشوفـة يِـزيـد
نســــت هـــضم اليِـسر لو وحشة البيد
لو بـرض كـــربله اشْــنِـظْـرَت عـيـنـهـا
اشعـــدهـــا زيـــنب رَدّت الكربله ردود
مــــا دِرَت بِخْــــوتـها مِتْوسده اللحود
الـــراح مـــنـــها راح لَتْـــظِــنّه يِـعـود
وعالمصايب بـــس صــبرها ايْعـــينها
اشعــدها زينب عَـوِّدَتْ لرض الطفوف
ما درت لـــو وصْــلَت الطف اشْتـِشوف
انچـــان مــا تِگْـــطَعْ أملها اوْما تعوف
خـــل تگــضــي عله گــبور اسْـنينها
اشعـــدها زيــنب عَتَب لو رايده تنوح
واليِـــــسُر مـــا خَـــلّه الهـــا بعد روح
خـــل تِـــلِــمِّ الحَـــرَم والطــيـبه تِروح
ويـــم گــبــــر امــــها اتْــكَــثِّر اوْنـينها
اشعـــدها زينـب تعدي ما بين الگبور
وابْـــمَـــچان خــــيامها ظـــلَّـت تِـدور
بـــالشكايـــه وبـــالمْعاتَـــب لا تِــجور
حسيـــــن شـــاهد حـرگة اصْـواوينْها
اشعــــدها زيـــنب أمـل بعد اشْتِنْتِظر
شــــاهِدَتْ مصـــرع اخــوَتْـها واليِسُر
وِ لْتِـــحَـــشِّم بــــيه مـــنـــها يِعْــتِـذِر
تــــدري لا رايــــتــه ولا چَـــفّـيــــنْها
اشعــدها زينب حايِمه اعْله المشرعـه
وغــــدت تِتْـــمَّـثل اخــوها اوْ مصرعه
ما درت بچــــفوف اخــــوها امگـطعه
وجـــثّـــته ابْـفـيض الـدمه امْغَـسْلينْها
اشعــــدها زيــنــب تــــذكر أيّام الدلال
مــــا دِرَت بِخْــــوتها متــوسده الرِّمال
خــــل تِــــوَزِّم روحـــها ابْجَـمْعِ العيال
حيــــث تــــمُر العــــايله امْـــوَصّـينها
اشــعــدها زينب واليريده حسين صار
وضـــع امـــيـه مـــنـها صابه الانهـيـار
خـــل تــرد عــــيال اخــوها للـــديـــار
الـــعـــتب ويــن اوْ روح زيـــنـب وينها
الشاعر الأديب جابر الكاظمي
#قصائد_الأربعين_١٤٤٥هـ_٢٠٢٣م
قصيدة رقم ١
شوط كربلائي للاربعين
رجعت زينب بدمعات بيوم الاربعينيه
اميره ومن بعد عباس ردت هسه مسبيه
1
بعد ماراحو اخوتها بالطف وانتهت الاحلام
اسيره اخذوها بت حيدر الف ياوسفه لرض الشام
هذاك العز هذاك الجاه بعد اخوتها لا مادام
بقت ياوسفه محتاره
ودمع عالوجنه يتجاره
الاسر ماتنحمل ناره
هضيمه يصير بيها الصار بعد عزها ولياليه
2
مشت للشام مهضومه وياها حرم واطفال
الاميره شلون يادنيه سبيه وتنچتف بحبال
الدهر وياها مايرحم وسوه الما يمر عالبال
تمشي اعله الهزل وتروح
اسيره والگلب مجروح
واخوها اعله الترب مذبوح
ورقيه تشوفها تبچي من اخذو الترچيه
3
وصلت زينب بيا حال للشام ابدمه الناظر
تسمع بس حچي الشمات حزينه وتكسر الخاطر
ماچان اليصير يصير الكفيل وياها لو حاضر
الشماته صارو الحراس
وعليها تصيح كل الناس
تمشين وبلا عباس
يهضموني اخويه اهنا اذا ايجيبون طاريه
4
گعدو بالخرابه شلون منظر يصعب حسابه
وجابو راس اخوها حسين تنظره بنار لهابه
وصاحت بالخرابه بصوت آه يحسين ومصابه
لعد الراس وتنظره
ورقيه شمته بنحره
تراويه گامت السطره
متحملت وفوگ الراس تودع اول ابنيه
5
ورجعت بربعين حسين تنادي والگلب جمره
تسمعني اذا اناديك يخويه ومهجت الزهره
وهيه يم گبر لحسين گعدت شمته الگبره
تحچي بجمرت المدمع
ترضه بيا بخت اطلع
وحدي وللوطن ارجع
ويم ام البنين هناك اسوي بدمعي لطميه
لاتنسون والدي من الرحمه والغفران
خادمكم رياض الرسل الجابري
