يزعجني الوقت والساعة
والارقام صارن بالعمر
لچمة الاسابيع السنين
الاشهر الايام كلهن ارقام
احسهن براسي مزدحمة .
بعدني اعبر رسايلهم
وادور عن مراسيلچ
وأشم كل حرف مكتوب
وأقراهن وأغنيلچ .
احچيها روحي مودعه
بس گلبي ما يحچيها
وبس دمعة ضلت
بالجفن يمج اريد أبچيها .
لميني طشتني الليّالي
وردت أجيچ وما دريت الليل
يمشي وانه عله الليل انتچيت.
يخلص الليل ويخضر ليل ثاني
بيه واهس كافر وربچ هداني
الليل شبعني سفر وانه بمكاني .
بس اصبري مرورة الفرگه
عله صدري تطيح نجمه
واعثر بصوتچ ضوه
واتبده ظلمة .
شما رحت مني انتَ بيه
روحك وروحي وراها
الغصن شايل وردته
وهيه ناطيته گفاها
روحي قنينة عُطر
متروسة منك محتواها .
وكتلچ عيونچ حچلي
وگالن ايامك كصار كلتي
مايصير التگوله وكلشي صار .
ما بچيتك مدري منهو بصدري يبچي
مدري منهو يشگك بگلبي كواغد
مدري منهو يريد يسافر مدري
منهو يجرني بيدر للمطر .
من شفتني امشي بشوارع
مالهن داعي بحياتي
بالي يمك چنت أحبّك .
احتار اصد ليا درب
كل الدروب دروبچ
شفايتلي وردة مطرزه
والمع بطارف ثوبچ .
أنتِ جمرة شوك بيدي
مدري أذبها مدري أچوي
سنيني بيها مدري أخلي
العمر يتباهى بضواها ؟
