وهنه منين ماگلبهن كبار
عيونك والجروح وذيج الاسرار
غشيم اليحسب فراگ المسافات
وجه بوجه جنه وگلبك ندار .
مليت مني وصرت
عندك مو ضروري
اني اسف لان يمك
بالغت حيل بشعوري.
اخبريني أين يُباع النسيان
وأينَ اجدُ ملامحي السابقة
وكيف لي أن أعود لنفسي ؟
حسيت المطر بي نقص هل مرة
مو نفس الشعور القبل فترة
اول مرة اعبر من ضباب الجام
لا اسمك كتبتة ولا عفت ذكرى ..
اگعد ويه نفسك واكتشف ذاتك
وكبر حلمك وقلل علاقاتك
وتذكرها كل ماتكَطع ويه الناس
ابهاي الحالة بس تكَطع خساراتك
هاي الناس بس على الجاهز يحبوك
محد مستعد يدخل صراعاتك
الخاطر نفسك التستحق كون بخير
وعزة گلبك أسندها بقراراتك .
ما أچذب واكَلك
باچر انساك
عفتني وذكريات
هواي خَليت
اذا كل حايط
البي اسمك يطيح
على هاي الحالة
لازم نهدم البيت ..
حرامات المخاوف
الكسرتها وياك
وحرامات البداية
الرِدت ابديها
وحرامات إنتظاري
والدمع والشوگ
وحرامات القصايد
إلك هاديها ..
چنت خايّف منها
تُمطر وهَسة مُطرت
والحَنين يريد أديّك
وانتَ غَيرت الأماكن
كَلي هَسة شلون أجيّك ؟
حسيت المطر بي نقص هل مرة
مو نفس الشعور القبل فترة
اول مرة اعبر من ضباب الجام
لا اسمك كتبتة ولا عفت ذكرى .
ذكرياتك ماعفتها
والاريدك ماتت بشفتي
بكثر ما رددتها
فكرة نسيان صعبة
شلون هيچ استوعبتها
اني من كتلك نسيتك
بس كلت ما طبقتها ..
