615
ياحسين..... صدرك لوخبز من كل كتر ماكول من كد السهام التدخل وتنجر 07815536665
نزلة
دار حديث بين عمار بن ياسر والأمام علي عليه السلام عن استسهاد فاطمة الزهراء عليها السلام والصبر بفقدان فاطمة فگاني بالامام علي عليه السلام يقول
ياعمار الصبر يم فاطمه تبده
وموسهله اليحب من ينترك وحده
---------------------------------------
ورگه الريح تاخذني وتوديني
ياعمار شصبر ودعت عيني
انجرحت تبتسم خافن تاذيني
سبحه اطشرت بوداعها سنيني
لمفارك محب كل حيل ماعنده
---------------------------------------
احس بعيوني گام تبوك عافيتي
من طب النعش ونشالت ام بيتي
اشتم والهوه مايدخل بريتي
صفيت اعله الدمع والنوح تاليتي
يمر ذكراها بيه وعيني ماتهده
-----------------------------------------
اشتاگ الفاطمة وادخل لغرفتها
ادخلها وتصير اگبالي صورتها
واتذكر صلاة بگعده صلتها
يلچمها الضلع وتبچي حالتها
ومحسنها وگع مالحگ المهده
---------------------------------------
يعمار الجبل لوسامع اتهدم
عصروها الضلع من عصرته اتهشم
جرح فاطم تبده وبيه مايلتم
شصبر والجرح محتاج الف مأتم
واني ادري السفر مابي درب رده
----------------------------------------
اسمع من تون وجروحها يطلعن
مثل طلعت نجم بااوجاعها التمن
وبسامير الخشب بضلوعها يصلن
من ذاگ الوكت ودموعي ماوگفن
واخضر عل الجفن ذاك الدمع بعده
---------------------------------------
وحشة البيت احسن والجروح هواي
ونار الباب أكبر من كلام الماي
بقيت الوحدي وماندل بدنياي
راح احزام ظهري الچان دوم وياي
الزلمة بكل وكت يحتاج ليسنده
خادم رقية عليها السلام
الشاعر مهند الدريساوي
نعي بحق مولاتي ام البنين عليها السلام
امنيت ام البنين تجاه ابنها الحسين عليه السلام
اتمنه من الولد لوعندي عشره
اقدمهم نذر لحسين والزهره
وخلي الطف تغص بالغيره والزود
وخلي الليل بيهم ينگلب كمره
وزينب قائد الهم هي لتصير
وينطون النحر من تطلب الحره
وألطف بالمواقف منهم يفيض
وزينب بالخيم ماتلمس شعره
والطف تنتهي والجيش خسران
وحسين اليرد ماينسحك صدره
وماتنجر تراچي من الاذان
ولايمشي الحسين وعالرمح نحره
اجيبنهم واجيك وياهم تشوف
وخليها العقيلة بولدي متوزره
واعذرني القدر موتلي الاحلام
يحسين الولد موكافي ومقصره
تمنيت بمكانك نحري مذبوح
وضلوعي من السحگ يوليدي متكسره
هم أربع ولد ماعندي يحسين
عشت بعدك قهر والموت بالحسره
خادم رقية عليها السلام
الشاعر مهند الدريساوي
قصيدة السيدة رقية عليها السلام
ترهب وحشة الليل
فوگك داست الخيل.
والوحده تچويني. يابويه حاجيني
ترهب وحشة الليل
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
احبنك وشوف عيونك تگلي
من هسه الجرح صار بكبر ضلي
أول مره كعده بنيتك تصلي
طفله تيتمت من دون البحلي
شفت الخيمه تابوت
مني يگرب الموت
خلص دمع عيني. يابويه حاچيني
ترهب وحشت الليل
٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫
احس الخيمه جاي عليك تدنه
وتگلي الحضن للخيل لوانه
رقيه اتلاحكيله الخيل داسنه
يون من الوجع واني اسمع الونه
جسمه اعله الرمل صار
مچوي من الشمس حار
من حضنك انطيني يابويه حاچيني
ترهب وحشة الليل
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
ياطعم المحنه المن بطن تفاح
النحر سكته الرمح تارس ضميري اصياح
الگبل شمه النبي هسه بسهم يلاح
الحضن نحره وشبع بس الرمح مرتاح
شفت الغالي مذبوح
واني امسح بالجروح
هل تنزف اسنيني يابويه حاچيني
ترهب وحشة الليل
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
وين انطي الوجه واتعنه عگبه لوين
وين الگالي واحد مثل أبوي حسين
اشم عطره وانام بحضنه صار سنين
عليك اپجي ويگلي الحادي لاتبجين
مايرجعلج الراح
شعندج وي الانياح
وبسوطه ياذيني يابويه حاچيني
ترهب وحشة الليل
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
ايد اعله الدمع وايد اعله خاصرتي
ويمك بالي بويه وساعه يم اختي
ومن دون الخلگ صاحو تيتمتي
وكعت من الوجع بس اسمك بشفتي
ظهري مثل الاهلال
حزني مطيح اجبال
بحضنك دخليني يابويه حاچيني
ترهب وحشة الليل
خادم رقية عليها السلام
الشاعر مهند الدريساوي
قصيدة الامام العباس عليه السلام
شنطيت الله والله انطاك
مثل الحرة تعيش وياك
وزينب اختك تمشي ابختك وعيونك منطيها
وحيدر وصة وباس اجفوفك و لزينب تهديها
شنطيت الله والله انطاك
************************
عمر زينب كله ظلمه وانت فانوس بنظرها
تقره قران اعله وجهك شوفت عيونك عمرها
فكره جنت براس حيدر وانته ماجاي انتظرها
تصير كافل للعقيله بنظرة الزهره شكبرها
جيتك نعمه وكل الخير
لاذ ابختك حتى الطير
صدرك ايه اوجهك زينب ياروحي وعافيتي
براس الكافل ينگط غيره كليلي شخليتي
شنطيت الله والله انطاك
***********************
امك انذور انذرتهن صارن اجفوفك مناير
وكفن اعله الشاطي خيمه من تجيك الحره الباجر
ابدرس زينب انته اول من زمان وبيها شاطر
شيكتب التاريخ عنك تنحني احروف الدفاتر
يمك يگصر كل تاريخ
واسمك واصل للمريخ
انته الحر ومنطي احجايه من شفتك نقراها
اليقره عيونك زينب يقره ماتفارگها وياها
شنطيت الله والله انطاك
***********************
زينب تعرفك تحبها ويدخل بريتك هواها
وين ماتمشي انته ظلها وتمسح اثار ابراها
زينب بكلهن شجاعه وانته هم بمستواها
الدور بالطف انته اخذته وهي بعد الطف سراها
صوتك حربي وهي اعلام
صوت المذهب والاسلام
مثل الرايه زينب هايه وتكمل عنوانك
امشي بزودك هي ادگلك ماميتين اخوانك
شنطيت الله والله انطاك
*********************
والعجيبه الرمح شايل راسك ويفتر عليها
يالحنين وانته زينب ماعفتها وتحجي بيها
عينك اتفطر جفنها وتعب عيونك بچيها
عمر زينب شيبه شيبه يخلص ويثگل حچيها
بموتك صارت چنها اهلال
ومو راسك هذا الينشال
گلب الحره ارماح تشيله عگبك ياابوفاضل
سيف وعاشت اختك زينب بعيونك ياكافل
شنطيت الله والله انطاك
*********************
هايه زينب يابوفاظل عگبك مطول حزنها
حيل مكسوره اعله فگدك حتى اكثر من ابنها
دمعه دمعه بعين زينب نزلت اتهدل جفنها
هي عاشت ميته چنها وطولك الطايح دفنها
هي تودعك بس العين
تندار اخلافك لاوين
هجرك بين زينب بيها واخلافك محتاره
عكبك حتى الشامت يغلط كثرانين انصاره
شنطيت الله والله انطاك
خادم رقية عليها السلام
الشاعر مهند الدريساوي
قصيدة الامام القاسم عليه السلام
بسمك بديت الهله. يمعزب بكربله
من جودك انطيت النفس
وبالمعركه زفت العرس
يمعزب بكربله
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
اخر ضوه ...رتل حسين اعله وجهه الايه
مثل الهوه... صار لابوفاضل يحرك الرايه
من هيبته جنه الحسن ولزينب انطه احجايه
جيناته وبطف كربله والجيش شافه هوايه
اخر ضوه للحسن. ولعمه صاير وطن
من شافه عنوان الصبر
هو فتى بهذا العمر
مشهوده اله المرجله
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
مثلك منو...طيح اركاب الزلم وجفوفهم
نعم وكفو.....بعيونك السبعين الف متشوفهم
صح واحد وشافو الف معميه خوف عيونهم
چن سطرت الحمزه البطل غير ملامح لونهم
لايگ عليك الزعل يمك يدنگ الجبل
وبسيفك تعد بالزلم
واقع عشت مو بالحلم
يلچنك البسمله
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
جنك نبي. والوصيه براسك مكفيه الخيم
كلك كرم..حتى صدرك بالحرب مارد سهم
يالتارس الطف بس علي منيمك انطلع قيم
من شافك حسين افتخر يالوكفتك جنك علم
امنگع الطف كرم. وبسدك انته الحرم
انته الامان لكل طفل
بالقافله من ينسئل
يمئمن العايله
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
لوله الغدر..السيف مادنگ يصلي براسك
جان الشمر.من خوفته دنگ عله يدك باسك
شايل بخت گد المطر تارس الطف احساسك
نعجز نقيس ومانصل من نبحر بمقياسك
من الحسن للگمر امسطر اروع صور
من كل كتر هيبه وجبل
لكل الشباب انته الامل
ياحارس القافله
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
يمه الولد...انياط كلبي مكطعات بدونك
مات النظر..من شفت خيل العده يسحگونك
خبرني عن وضعك شنو يايمه گلي شلونك
ذبلانه عينك لوبعد باقي بحلات عيونك
والرمله مثل الجمر
والشمس عنك شبر
وشمعة جمالك ماطفت
وبيك الكواكب سولفت
يشهدلك انته المله
خادم رقية عليها السلام
الشاعر مهند الدريساوي
قصيدة علي الأكبر عليه السلام
افراگ الولد شيبني. قبل الكبر حدبني
الجنت اني حيل بعازته
هسه اني اشيل اجنازته
افراگ الولد شيبني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عشت بوداعك شمع يغلبني حتى الهوه ومن كل كتر دمعتي
مشيني فوك الجمر بس كون ابني عدل حتى الجمر راحتي
فرتني فرت غزل ودموعي مثل الطفل متعذب بدنيتي
موانئ ذاك الجبل هسه اني بس الهدم من ودعت سلوتي
ظهري انكسر من شلته
تون بوجع عايلته
شفت الخيول السحگته
كسرت ضلوعه وكتلته
واني اصرخت اه يبني
،،،،،،،،،،،،،،،،،،،،،،،،،،،،،،،،،،،،،،،،،،،،،
منه وعرفت الوجع حتى أكبر من السهم
لمن يموت الظنه
تتمنى ذاك الوكت ماعايش بموتته وگبله انته ميت بسنه
امشي ويهل الدمع وهلال ظهري صبح
من موتتك وانحنه
هنياله كلمن وگف فوگ ابنه من انكتل
لحگ عليه جفنه
ويشيعه كون ابيده
ويحضن حبيبه وليده
وبصفه ينزل بالكبر
عگب الولد شنهي العمر
اخلافه الدهر دولبني
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
هذا ابني الأكبر علي بصدره نام الرمح وجروحه مثل الحطب
وبريجه شب الجمر واصل لگلبه العطش
من النهر ماشرب
ويشربه جده النبي مايضمه بعده ابد والكاس طعم الرطب
يابويه گلبي انفجع والفاتحه بكل سمه
وجادر الزهره انصب
برمشت جفن فاركته
ابني بجرح ودعته
عاشر محرم ياعلي
خلاني بعدك انحني
من ارحلت تعبني
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
تدعيلك من الدمع سالم ترد خيمتك عين امك اتفطرت
گلب امك من انصبت مثل الگطع سنبله ومالحك اطشرت
شحجيلك بيا جرح وارماد صار الجفن والخيل ماقصرت
عذالي گد المطر منتظره مني انحني ولعثرتي اتنطرت
عيوني العدو منتظره
من يوگع ابن الزهره
تفرح خيم كل العدو
ميهمهم اجروح الابو
گبل الكبر كبرني
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
ربيتك اني بتعب للخيل صدرك صفه وصاحبني بس الدمع
حبيتك من الزغر چي تشبه انته النبي
ومنهجه وكل طبع
بالريه انته النفس والموت عني شبر تخنكني من تنگطع
مذبوح گلبي ونزف ذبلني موت الولد واخلافه اني انفجع
مثل الورد ذبلانه عيوني بدمع غرگانه
گبلك متت حتى النفس
مثل السهم بيه انغرس
وريت الولد شيعني
خادم رقية عليها السلام
الشاعر مهند الدريساوي
(قصائد شهر محرم الحرام لهذه السنه)
نسأل الله بحق الامام الحسين أن
يجعلنا من خدامه وانصاره في كل سنه
وان لايحرمنا خدمة الحسين واهل البيت
اجمعين بحق السيدة رقيه عليها السلام
وان يزيل هذه الغمة عن هذه الامة
الإمام العباس عليه السلام
عباس.... نسمة البيه انفاسي
عباس...... دومك رافع راسي
__________________
خليني اشمك بالنفسك وانطيك العيون
هذا راسك ع الرمح ياخويه ممنون
انته علمت الزلم عل الموقف شلون
شعره من شارب ضميرك هزك الكون
عباس.... انته اداوي اجروحي
عباس..... بعدك تسمع نوحي
عباس..... اتشيم بيك احساسي
__________________
رافعته راسي بحضرته مادنكيته
وهذا طولك من طحت اني الحجيته
ودمعي بعيوني اختنك لامابجيته
وحيل تعبني الگمر من فارگيته
عباس.... طولك سيف وهيبه
عباس..... الماي بجوده يجيبه
عباس...... عگبك ماتت ناسي
____________________
عالناگه خويه من انسبي واجروحي تدي
عگب الكفلني وغيرته گمت امشي وحدي
ترضاها بجفوفه الشمر طگني اعله خدي
خلاني اشوفن صدرك يسحكونه ضدي
عباس... دمعي البين عيوني
عباس.... تگعد لو يسبوني
عباس.. هجرك كلش قاسي
_________________
طگاني سوطه اعله المتن ومجرحه متوني
واتلبد بصف الخيم عن لايعرفوني
يدروني حرمه مدلله وعمدا يضربوني
بدمعوعي اركض عل النحر بالرمله عثروني
عباس... عذب حالي أفراگه
عباس...تكسر ظهري الناگه
عباس.... وينك ياعباسي
__________________
اتلفت بديرة غرب بجروحي مسبيه
ياخويه آثار السياط اطبعت بيه
ياخويه من اذن الورد مگطوعه ترجيه
خيمة وارماد وذبح ومتيهه علويه
عباس... دمعي يفسر حالي
عباس.... انته الروح الغالي
عباس.... ماتت كل حراسي
خادم رقية عليها السلام
الشاعر مهند الدريساوي
@Alfoatm9
دگو صدرهم...... أصحاب الحسين
وانطو عمرهم........ أصحاب الحسين
مثل النجم طلعوله وكفت گمر وگفوله
أصحاب الحسين
،،،،،،،،،،،،،،،،،،،،،،،،،،،،،،،،،،،،،،،،
لمن سمع زينب حبيب اتگله ياخويه وين ازلامك
لم الزلم يم زينب ورد گله هاي الزلم خدامك
ابيض گلبهم ماوجد بي خله مثل الدرع گدامك
بشيبت حبيب وعهدته هالمله نمشي اعله ممشى اجدامك...
يكثر أجرهم..... أصحاب الحسين
محله صبرهم..... أصحاب الحسين
لوحة عشك خطوله وكفت گمر وگفوله
أصحاب الحسين
،،،،،،،،،،،،،،،،،،،،،،،،،،،،،،،،،،،،،،،،
شگ هدمه عابس واعلاناه اجنونه وصار العشگ بالهامه
ويجدح غضب مثل البرق بعيونه ودمه نزف ليمامه
بعين الحسين ابيض سوادة لونه تلگه السهم گدامه
وزينب تكلهم عابس يشمونه ينضح مسك هندامه
واصل خبرهم.... صحبان الحسين
عابس فخرهم.... صحبان الحسين
بلسم جرح صاروله وكفت گمر وگفوله
أصحاب الحسين
،،،،،،،،،،،،،،،،،،،،،،،،،،،،،،،،،،
مثل ألاسد جون الوكف وياها وانطاها بيده المنحر
طبهم زهير برايته وهزاها ذكرني بأبن الاشتر
الحر الرياحي بكربله طباها شيخ العرب ماقصر
حقه الحسين بربعه من يتباها جنهم رسالة ومنبر
واضح امرهم.... أصحاب الحسين
انطو نحرهم... أصحاب الحسين
تامر امر گلوله وكفت گمر وگفوله
أصحاب الحسين
،،،،،،،،،،،،،،،،،،،،،،،،،،،،،،،،،،،،،،،
حتى المسيح اجنن بحب حسين عاف الملك وعياله
گلاله عيسى ياوهب ماي العين انصر حسين واله
بنحره الحسين يضحي وترد الدين دونه الوگع هنياله
زينب تگلها يم وهب تتباهين ابنج صدك وفاله
دمهم نصرهم..... أصحاب الحسين
ابيض شعرهم...... أصحاب الحسين
ونضرة فخر خلوله.. وكفت گمر وگفوله
اصحاب الحسين
،،،،،،،،،،،،،،،،،،،،،،،،،،،،،،،،،،،،،،
أصحابي نعمة وبالوفه خير أصحاب حتى النحر ينطوني
وگفولي شيب وي النسه وگفت شاب من الرمح يحموني
يشلعونه خيبر لجلي ماهمهم باب مثل الهوه يشموني
شكراً جزيلاً للوفه يالحباب بكل الملك يفدوني
يكبر قدرهم.... اصحاب الحسين
محد گدرهم... أصحاب الحسين
ماي الگلب رشوله...وكفت گمر وگفوله
أصحاب الحسين
خادم رقية عليها السلام
الشاعر مهند الدريساوي
@Alfoatm9
قصيدة طوعة رضي الله عنها
الغوث الغوث.... من الكوفة هاي الغادرة
الغوث الغوث.......بس طوعة بيهم نادرة
عاشت البطن الشالتج بالكوفة رفت رايتج ياطوعة
************************
يالمعلمة الزلم حجي المراجل زين
يتجايت محنة وطحتي دون حسين
بوكت شحت زلم بس انتي تطوعين
مسلم من نخاج يعرفج تفزعين
الماء الماء..... مسلم طلب بالسانة
الماء الماء............تامر امر مولانة
تكفي طوعة حجايتج بالكوفة رفت رايتج ياطوعة
*********************
تدنك الروس يمج وانتي رفعت رأس
صرتي لمسلم انتي الجيش والحراس
طوعة ولوذكرتج هيبة بين الناس
خشنة كلوبهم بس انتي ام احساس
الناس الناس.............. خانت علي ومولاهه
الناس الناس......... ياطوعة شحجي وياهه
بس انتي فاضت غيرتج بالكوفةرفت رايتج ياطوعة
***************
تره التاريخ يمج طوله يتبخر
وانتي اول شهيدة لطيحة المنحر
وانتي اول خطيب يكشخ المنبر
بعين حسين صرتي جنج الاكبر
جروح جروح... عد مسلم اتضمديها
جروح جروح... بس بلسمج يشفيها
زينب كفيلة سمتج بالكوفه رفت رايتج ياطوعه
******************
منج ونعم تسوين الف شارب
اكو زلمه وجبان من الحرب هارب
وانتي اول مره وي مسلم تحارب
عكس كل الرجال التركت الواجب
الروح الروح.... لمسلم اني افديها
الروح الروح... هي وأهله انطيها
مثل المراجل كلمتج... بالكوفه رفت رايتج ياطوعه
******************
شيمتي ام وهب مثلج فلاشايف
تلكيتي السهام وغيرج الخايف
وشفت حسين هو بحضرتج طايف
وكلبج ع الولايه من الزغر حالف
ماخاف ماخاف... من السيوف الباشطه
ماخاف ماخف... اني اعله نفسي شارطه
منهو الوگفها وگفتج بالكوفه رفت رايتج ياطوعه
خادم رقية عليها السلام
الشاعر مهند الدريساوي
@Alfoatm9
صير خادم مخلص وعوف التفاهات
حسين واقع للفعل مولشعارات
صير حر وامشي حر. لاتساوم تنتصر هذا درب حسين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
حسين جرحه بكبر عمره. واضح وكلش جبير
حسين انطة ابروحة لكن عايش لهسه الضمير
حسين مات اول حياته وفوز الشيعة اخير
حسين كلشي بوجه شيب خاطر عيون الفقير
صدره منبر للخيول الاعوجية
انطة روحة وماركع لسيوف امية
حسين ماهمة الشمر. لاتساوم تنتصر هذا درب حسين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
خلي دمعك بالمجالس ينزل يطفي الخيام
عيش خادم للعقيلة ومايهمك اي كلام
وبالك تمس المراجع حجيك يئذي الامام
حسين قدوة يريدك انته ومنطلق لهل السلام
خل انفاسك عطر لبن الزجيه
حسين يكره كل بشر بي طائفية
سله سيفك ع الكفر لاتساوم تنتصر. هذا درب حسين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اترك القيل وحجيهم خلي بالك بالطفوف
لجلك العباس قاتل طيح اعزاز الجفوف
صير مرقد وليطوفك يفتخر لمن يطوف
حسين والدنه ويحبنه ياكبر گلبه العطوف
حسين حافظ وجهك وطيحت دمعتك
حسين يرفع شانك ويحفظ سمعتك
وانته لازم تفتخر. لاتساوم تنتصر. هذا درب حسين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عيش لجل حسين خادم لاتفكر بانتماء
وماكو ربعي وهذا ربعه لاتدخلون الرياء
سامح اليغلط واكسبه احنه موكلنه انبياء
والمواكب كله واحد للحسين بكربلاء
وكون موكب واحد وماكو انشقاقات
لحسين نلطم ع الصدر كافي انتمائات
وانطي لحسين العمر لاتساوم تنتصر. هذا درب حسين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
خلي نفسك موضعيفه ولاتجامل ع الذبيح
حسين علمنه الصراحه لاتخاف وكن صريح
حسين عبره وعبره النه وكلبة ينبض بالضريح
احنه محتاجين عطفه واخدم وعوف المديح
حسين ضحى بأاعز ناسه ومايجامل
حسين سيف الله الثكيل وطوله كافل
عيش واضح كالبدر. لاتساوم تنتصر. هذا درب حسين
خادم رقية عليها السلام
الشاعر مهند الدريساوي
@Alfoatm9
من ادموعي انته مايك صاير
تبخل عني بيوم العاشر
باچر شكواي عن الناگه
وعن المايي وعن أفراگه
بيوم العاشر
________________
وحك دمعي بجفوني الينزل ويعثر
من شاف الرضيع شفافه تتفطر
من شاف التراجي من الأذن تنجر
من شاف الكفيل وذبحة المنحر
فوگ اجروحي ملح مصابك
تنزف روحي وجمره غيابك
طاح الوفاي واني جروحي
تلجم كلبي تزيد نوحي
__________________
إذا ادعي عليك اجروفك اتحدب
ومايك مايضل بجروفك مجلب
واصلك لأمي ترجع لوردت تحسب
خنتنه ومارضيت بمايك تعزب
من ادعيها اتنشف مايك
يوكع جرفك يختض رايك
باجر ياماي جرفك شاهد
عن أفعالك يم الواحد
_________________
سبوني وع الهزل خلوني بالگوه
الشمر يحدي الضعن من ماتت الخوه
وعطش گلب النياگ ومارضت تروه
الحياة بلايه اخوتك والله موحلوه
عين الشامت تاكل بينه
غير اخواني من يحمينه
وراس العباس اعيونه عليه
خيج يفداج العلويه
_________________
الحبل وشل ضميره ويعتبر مرتد
لان راضي العقيله بجفهه من ينشد
هالكد ماخشن طبعاته جن معضد
انته اول حبل شايل گلب اسود
قاسي ويانه جنك حادي
ناسي الحره جده الهادي
من ادعيله عمرك يكصر
يرجف كله يمشي ويعثر
بيوم العاشر
________________
وينك ياعلي اعيون الشماته اسيوف
تره العميان كامت من بجينه تشوف
والكعبة انسبت والناس بيه اطوف
تمنيتك تجي وجرح العقيلة اتروف
كونك حاضر ليلة عاشر
بصدر حسينك كسروا حافر
صدره مكسر من داسوها
بخيل أعدائك من رضوها
ام ابوهه وتنطي للعالم بلاش
ماترجع واحد وتطلب ثمن
احنه فقره ومن دعينه الزهره هيج
حتى سكف البيت كام يصب لبن
هل رايتي صنع الله بكم
فأجابت جبل الصبر زينب عليها السلام
مارايت الا جميلا
كلش جميل الجره بطف كربله بيمال
وايوب يمي وكف صبره خلص بيمال
والطاغي مابي سند من ينتبع بيمال
من احجي يحجي النحر من تستمع قافله
وبكلبي خاتم علي حب الولي قافله
ركعت روس الزلم واني اركب القافله
وامشي برسالة نبي للشام اطب بيمال
خادم رقية عليها السلام
الشاعر مهند الدريساوي
نزلة للام البنين عليها السلام
يم أربع ولد حاجاتنا
يمج تنكضي بدمعاتنا
ياأم البنين
******************
كل شده يمج تنكضي والروح يمج تندار
ياام البنين الاربعه ولعزبت لهل الدار
كلمن يجيها بحاجته تگضيها بسم الكرار
معروفه سفره من الكرم مترجع ايد الخطار
سفره من الكرم مديتي
وبابج منفتح خليتي
ياأم البنين
********************
مطيتهم بيوم اربعه لحسين فدوه يروحون
نذرت ولدها للحرب گالت يولدي تموتون
دون الحسين ابن السبط عن نصرته لتردون
كون الشباب بهل وكت بالخوه بيكم يحجون
ولدي لهل وگت ربيتكم
واني البلوفه غذيتكم
ياأم البنين
*********************
عباس كاتب عل النحر يم الوفه وصلتي
هاي الرساله بكربله ضحيتي ماقصرتي
بوليدج حسين افتخر مرفوع راسج انتي
واسمج مناير من ذهب يم زينب ادونتي
اجرج عل الحسن وحسيني
كافل للحرم تدريني
ياأم البنين
********************
يم بابج يعيش الهوه يتوضه من انفاسج
لحسين كلبج منكسر وعليه شيب راسج
شرد اني اقيسن بالوفه واعرف حجم مقياسج
رافعته راسج بالولد هيبة بوسط كل ناسج
راسج منرفع للعالي
ولدج غالي ودع غالي
ياأم البنين
*******************
من جتفج وطاح الفضل لمن سمعتي مصابه
حنيتي ليام الشمل يكتل حنين غيابه
ودعتي الحسين بدمع ودعتي كل أحبابه
مشتمه من عنده عطر ليهسه باقي ابابه
يابعد النفس وعيوني
خلهم بعدك يدفنوني
ياأم البنين
خادم رقية عليها السلام
الشاعر مهند الدريساوي
قصيدة السيده نرجس ام الامام المهدي عجل الله فرجه الشريف
دنيانا شكبرها يمها نختصرها
منها اخر واحد يِعيش الرساله
المهدي ابنها يزرع الكوكب عداله
يانرجس
**********************
خطوتها مثل العلگ كل خطوه شالت نذر
ماهمها كبر الملك. باعتهن بچم عذر
موبس مليكة الاسم. تستاهل ام الخدر
باعت قصرهااشترت من طين فاطم شبر
ماهمها المسافات. هذا امر السموات
بيها ريحت فاطمة وزينب واخوها
جنها لوح من العرش من ترجموها
يانرجس
************************
عرفت تعبها رزق واتحملت كل خطر
شقت دربها مثل ماموسى شق البحر
جن نورس وسافرت مشتاگه لاعظم بشر
مكتوبه فوگ العرش مورحله مالت قدر
مكتوبه عالجبين. ابنج جده الحسين
وابنج آخر واحد يقود السفينة
ويترس العالم محنه من حنينه
يانرجس
************************
سهام جان الدرب وارماح عين الحرس
متگبعه من النظر والخطوه مثل الجرس
عرفت طريق العشگ للهادي مطيه النفس
قران للعسكري ايات منها اقتبس
تحجيها الروايات شبعانه معانات
ضاگت انواع الالم لجل العباده
والله منج يترس العالم سعاده
يانرجس
***********************
خلفتي يوسف هوه ونشمه احنه فرج
لحسين ناذر عمر دمه بوريده اندمج
چي كلبج ابيض گطن لدين صاير وهج
وي زينب انتي العمر تمشين نفس النهج
مايسكت على الثار. وبروحه تشب نار
مغذيه ابنج حب لحسين وصلاته
هو جده وچنه هو بكل صفاته
يانرجس
***********************
لحظة وفاتج جرح والعين تنزف دمه
مونرجس اتشيعت شيعنه چن فاطمه
حزنانه موبس ارض حزنانه حتى السمه
تاريخج شكد صعب بس الفطن يفهمه
ويمج نرفع الراس. بيج الغيره واحساس
عشتي راسج عالي ببيوت الامامه
وچان بيتج منطلق لهل السلامه
يانرجس
خادم رقية عليها السلام
الشاعر مهند الدريساوي
القصيدة گعدية
----------
خدام.يا محله العمر لبن الزجيه
نمشي بدربه وإحساس عدنا يرفع الراس
يامحله العمر لبن الزجيه
-------------------------------------
برحي طعم حسين حبه ولذته ملْكَت لساني
روحي يذبل كل ورگها لو عفت دربه ثواني
أمنيتي غيمه بعين صيفه وانطر الجيته وتاني
قاسم بواحد احد
باقي ماعوفه عهد
حبه بيه من المهد
واترس الوسعه بحناني
حسين..عشگه مختلط وي دمي بيه
ماكو مثل الحسين مالك كلبي والعين
------------------------------------------
كل جبير اگباله يزغر والجبال ابعينه ابره
وخادم حسين بمماته جنة لجل حسين گبره
الخادم الزهره تشوفه بگصته من عباس گطره
فاطم تحضره وعلي
منه كل هم ينجلي
ويحضنه لحسين الولي
ويبقى بيه يفوح عطره
والروح .. تبقى بخدمته كلش ابيه
الخادم يبقى عنوان. رايه بكل الازمان
--------------------------------------------
الدنيه غابه وليل وحشه وانته ماعندك حسامك
منين تطلع والمخالب كثرت وطلعت امامك
اهنانه يلي حسين عندك يختفي ويرحل ظلامك
تمشي وتراب الخدم
يصبح أبايدك سهم
وبيدك يرفرف علم
قائد تصير بكلامك
وتعيش.. ايه بخدمته وتملك هويه
يمك تخضع اركاب وانته بزوده تنهاب
------------------------------------------
اني ماي الخدمه جرفي وماعفت دربه وحضنته
حسين كبرني اعله جيلي واني من زغري عشكته
حسين حرز امي اعله جتفي واني شايب ماتركته
هي هاي المرجله
تعرف حسين وهله
والعرف طف كربله
گصته متفارك تربته
حسين..اني بدونه من يسئل عليه
حبه تارس الروح مني يدواي الجروح
----------------------------------------
الدنيه بير الخدمه دلوه والعطش واصل لهاتي
حسين ماي بزوده اعيشن يمشي بيه وسر حياتي
هو قران وطريقة يحقق اصعب امنياتي
اسمك يزيل التعب
واوكف اگبالك وهب
عاشگ وگلبي كتب
حسين يااية نجاتي
ماعوف.. دربك لوجمر حد المنيه
اسحك حتى بالنار الخدمه درب الاحرار
-------------------------------------
والمصيبه حسين كله مكطع وفوگ الوطيه
حيل مطحونه ضلوعه من الخيول الاعوجيه
والرمال امچويه جسمه وفارگت عينه رقيه
وكاعد بگلبه رمح
وينزف بنحره جرح
وشيعو وجه الصبح
وكبرت جرحه السبيه
مذبوح..وحده اعله الثره بالمغربيه
بدمه سابح سبوح نحرحسيني مذبوح
خادم رقية عليها السلام
الشاعر مهند الدريساوي
فاطمة العليلة عليها السلام
ودعني ابوي وبس خبر
ردالي مگطوع النحر.
وعبد الله مفطوم بسهم
وجروحي ماخذها الألم
يادنيا
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
بجروحي كله استوطنت اوداعك ودمعاتي
ذبلن عيوني وشيبت من ودعت عماتي
كلش عليله من المرض وادعيلك وكلماتي
محتركه وي حرك الخيم ما وصلتك دعواتي
ومناطره الطارش يرد
من يندك الباب ارتعد
وبرجعتك عشت الوهم
وجروحي ماخذها الألم
يادنيا
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
تاركني يم ديرت غرب مابيها كل حنيه
بأربع حياطين اختنك مايمي اي علويه
لاحضنك اليمي وشم لاتدخل انته عليه
گلولي عبدالله عطش فرفح يريد اميه
ضميت اله ماي شكثر
صدر أمه يابس مايدر
عبدالله منهم ماسلم
وجروحي ماخذها الألم
يادنيا
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
مرسال ادز وي الهوه بلكت رقيه تشوفه
مشتاگه من چنه سوه مثل النهر وجروفه حسيتج امي ومو طفل جنچ مقام انطوفه
هسه اني وحدي استاحشت بگليبي احس الخوفه
مرسالي بدموعي سبح
من حلمي بالملكه انذبح
مو دمعه تبجي عيوني دم
وجروحي ماخذها الألم
يادنيا
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
گلولي صدرك والرمل ماعرفه من الحافر
امنيتي ماعوفك ابد بذات يوم العاشر
ذبلت اعيوني من البجي ودموعي تكسر خاطر
برموشي كمت احسب واعد بلكت اشوفك باجر
ترجعلي يالطولك نده
بويه البعد مو موعده
بفراگگ گليبي انثلم
وجروحي ماخذها الألم
يادنيا
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
حاجيني يالصوتك وگف والهوه كلش عالي
قالقني بُعدك والحزن مالحظه فارگ بالي
خطواتي ثگلت وانحنه من الجروح خيالي
فارگت الاعزاز بدمع غالي يودع غالي
واعزازي مابيهم امل
لرجعه ودعت الاهل
صوتي بالملگه انكتم
وجروحي ماخذها الألم
يادنيا
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
ضل بالي يم اختي الجمر من تركض يجويها
لا والد اضل بي نفس لاعمي ضل يحميها
واجساد اخوتي موذره وبس عمتي اتلم بيها
وحدي وعليله من المرض چا دنيتي شيكضيها
لوميته وياك اندفن
چاهسه مرتاح الجفن
ومدفونه وي راعي العلم
وجروحي ماخذها الألم
يادنيا
خادم رقية عليها السلام
الشاعر مهند الدريساوي
قصيدة استقبالية شهر محرم الحرام
اول اهلالك جرح ياذينه
يامحرم شهرك اليسبينه
ينگطع بيك النحر
الموقف يبجي الصخر
يامحرم شهرك اليسبينه
************************
من البواجي عيوني يمك ياشهر معصوره
انه زينب ودعتهم واصبحت مكسوره
همي يثگل واني وحدي اعله الحزن مجبوره
جني اشوف اوجوه اخوتي اعله النجم محفوره
والگمر غايب صدگ ماشوفه
ويلي طاحن عالجروف اجفوفه
وشبعن عيوني قهر
الموقف يبجي الصخر
يامحرم شهرك اليسبينه
*********************
صعب هايه حسين يطلب هالطفل يسگونه
ريجه يابس والمصيبه بالسهم يرمونه
شنهي ذنبه من امه عمداً همه ليفطمونه
يطفه نوره وامه تذبل شافته يذبحونه
يبجي ابنها والسهم چتاله
وامه تبچي وبالخيم تنعاله
وگلب لحسين انفطر
الموقف يبجي الصخر
يامحرم شهرك اليسبينه
***********************
بس غبار الخيل شفته وباوعت مابيهم
صدره صار حسين ملعب من سحگ رجليهم
كله هذا الجيش اسود لوترد ماضيهم
هم ذوله عيون رمده والفلس يعميهم
باعو حسين وتخون القاده
والرسائل شاهده والساده
مايهم صدره انكسر
الموقف يبجي الضخر
يامحرم شهرك اليسبينه
**********************
اخ منك ياشهر بيك الجروح هوايه
بيك طايح هيبت حسين وعضيده ورايه
بيك رفعو ياشهر فوگ الرماح الايه
بيك نزعل من عطشنه اعله الفرات ومايه
تدري كثرت من ونيني اجروحي
بيك طلعت يامحرم روحي
والمصايب كالمطر
الموقف يبچي الصخر
يامحرم شهرك اليسبينه
**********************
حسين اجاهم راد يزرع بيهم الحريه
وهمه ركضو وره بنته وگطعو الترجيه
الخيل تسحگ عاليتامه وعثرت العلويه
والحراير من بعدهم اصبحت مسبيه
والشمر بعدك يحادي ضعوني
حيل طگني اورماهه امتوني
وانگطف گمت بحجر
الموقف يبچي الصخر
يامحرم شهرك اليسبينه
************************
هل هلالك والخيم صارت رماد احبالها
والمنيه اعلينه تفتر مانفارگ بالها
والسهام اعلينه تركض ماتخاف شمالها
باليتامه النار تلهب چلبت بذيالها
ومثل ماي بكربله تبدينه
وحيل نگعت بالدمه رجلينه
وانته يااصعب شهر
الموقف يبچي الصخر
يامحرم شهرك اليسبينه
خادم رقية عليها السلام
الشاعر مهند الدريساوي
مناجاة إلى سيدي ومولاي الأمام المهدي
عجل الله فرجه الشريف
احنه بشاربك و الدنيا غابت موت
وحش كورونا طبنه ادگول فارس
زرع بينه القلق والخوف والاوهام
والريج من المرض كالشجرة يابس
اقتلع كل جذره بينه تعيش بيها امال
وقفل بوب الجوامع والكنائس
وصلنه المرحله من السلام انخاف
وگمنه انشك بدينا والملابس
معقولة السنة ماعدنه كل توفيق
ويبقى حسين وحده بلامجالس
محرم هالقرب بس احنه محبوسين
مثل حبس الشذاري البلمحابس
دخيلك يابوصالح والمرض صياد
ودمعنه المختنگ مثل النوارس
بجاهك سيدي نريد السنه بعاشور
المواكب تنصب ويطبها عابس
ونعفرها المجالس من دمعنه الطاح
ومنخلي گلب من عدنه يائس
بجاهك تنفرج محنتنا كلها تزول
ومحرم يرجعنه بلامنافس
وعامر بالطم ودموعنه اعله حسين
ومتروسه الشوارع كلها واهس
مدامك انته عايش سيدي بعاشور
المواكب مانسدهن وانته حارس
قصيدة السيده رقية عليها السلام
بالدمعات..... مودعينك
بالحسرات....... مودعينك
بحافر خيل مأذينك... بحافر خيل ماذينك
____________________
من حافر الخيل انطبع.. فوگ الأرض.. وسهامه حيل تآذي
بصدره الرمح وي الحجر.. من الضرب...وجروحه كله اتبدي
فاركني وجفوف العدو... لمن طحت.. تصفحني حيل بخدي
موبنتك اني شأخرك... تدري اكبرت.. وجروحي بويه بگدي
يابويه ماكو وينك
___________________
خليلي من عندك حضن... شني السهم.. شاركني بويه احضانك
عيشني ورده بنص غصن.. مابي ألم... وشتلني يم بستانك
حاجيني يم نحرك وگع...كل النظر.. صبرني بس ايمانك
ازغيره مومال انحرم.. من شوفتك... مااشمها ريح اوطانك
بويه بدمعي مغطينك
__________________
فوك الرمح راسك نزف. مثل الخيم..
والنار مثل الحافر
خليني بعيونك رمش.. مايندفن.. وجروحي تكسر خاطر
كلش هدوء الطف صفه.. ليل اهدعش.. ويرعبني بعده العاشر
اخر وصيتك بالحضن.. من نفترك.. يوحشني حضنك باجر
وسهم اعداك بنص عينك
__________________
تاركني طفلة بنص خيم.. من الحرگ..محترگه مني اذيالي
تدريني شمعه من احترگ... بدرب السبي... وتخوصرت عذالي
ضيعته عطرك من ردت.. شمت نفس.. كاتلتي هجر الغالي
خليني خنصر منذبح.. واشبع ألم.. بس لاتفارك بالي
بجمر اخيام مجوينك
___________________
خليني اشوفك لوحلم.. لاتبتعد.. لوطيف هم مربيه
تدريني اغفه وريحتك.. مثل النبض.. تشبعني بس حنيه
يابويه گوم الطف خلص.. فاطم بقت.. منتظره منك جيه
عگب الدلال وعزتك...امشي بحبل.. وتفرگست رجليه
ومحد يمك ويعينك
خادم رقية عليها السلام
الشاعر مهند الدريساوي
@Alfoatm9
الإمام العباس عليه السلام
طيحها الاجفوف وعيونه متشوف
من دمه عباس. وعيونه متشوف
'' '' '' '' '' '' '' '' '' '' '' '' '' '' '' ''
عينه بيها اتراب طايح دمه نازل بيها حيل يتعذر لخيته وظهره محني اعليها
مني كون يطيح جودي زحمه ارجع ليها
بويه عهدي انطيته اله تبجي مااخليها
مارد للخيام. ومترس اسهام
من فعل الارجاس وعيونه متشوف
"" "" "" "" "" "" "" "" "" "" الخيل داستني اعله صدري والعمد ياذيني
حيل مابيه يزينب والسهم يحنيني
وأنه من مهري وكعتي لازم اتعذريني
وخل رقيه تسد نظرها كلها لتانيني
من جربتي اطيح ماعاتب الريح
من طبرو الراس وعيونه متشوف
""""''''''''''"""""""""" "" "" "" "" "" بويه حسره البيه تكتل ودعته سكينه وصوت كللها ابوفاظل طيحو جفينه
والسهم مسموم كلش نابت بنص عينه
والجسم وصله اعله وصله يصعب تلمينه
ماشوف الحسين. معيمه هالعين
دلاني الاحساس وعيونه متشوف
"" "" "" "" "" "" "" "" "" "" "
گلي لمي مامقصر راسج يظل عالي
وعلمي فاظل حب عمامه وصورته تبرالي
گولي دون حسين طايح والدك ميبالي
هي موكل موته موته الحلوه بس للغالي
ماريده يختاض. وجروحي اعراض
وبزودي ينقاس. وعيونه متشوف
" "" "" "" “"" """"""""""""""
والعقيلة بالي يمها عل الرمح حطوني
وأنه اصيحن اله يختي والكفر ضربوني
وبالحبال الروح احسه مكيدة ويسبوني
واني اشوف الخيمة تلهب دخنت بعيوني
يوصلي الارماد. وعيالي ابعاد
ومختنكه الأنفاس. وعيونه متشوف
خادم رقية عليها السلام
الشاعر مهند الدريساوي
@Alfoatm9
الإمام العباس عليه السلام
يانفس من بعد الحسين هوني كول وفعل سواها
من بعده لاكنت ان تكوني. من الزند ذباها. ماقصرت ياابوالفضل عن زينب انشال الحمل مشكور مشكور
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
تسهيل امر لام البنين اني القريت الفاتحه
اليوم اطبن عل الجيوش وانصبلهم نايحه
حسين كضني واله داخل بيها من البارحه
لعيون اخوي وشيبته هالليله الكم طايحه
حالف وحق اشواربك اكضيها. والروس اطشر بيها
وبيهم اعيد الگنطرة وماضيها. واله الدروع الويها
جنك علي لمن تهل. عن زينب انشال الحمل مشكور مشكور
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عالي راس حسين عالي وراسه مادنك ابد
حسين شريان الشريعه وخاسر العنه ابتعد
حسين علمني اعله عشكة واني توني بالمهد
حسين تربات الإمامة وقل هو الله احد
هو اطبكها السبعه فوك السبعه. من زينب اتنخت بي
من ظلمت اتحول لخيته شمعه. ودرب العقيلة يضوي
راسك جواب لينسئل. عن زينب انشال الحمل مشكور مشكور
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
رحت اكبر ع الفرات واقره آيات الجليل
لعيون زينب رحت اسوي كلشي اسمه المستحيل
وخل يسمعون العواذل طيح اجفوفه الكفيل
والحجاب بزوده عايش ياابوفاظل موقليل
تبقى التراجي مدلله واني ادريك. و انته الرقيه اتحبها
وكلبك حنين اعله الحرم ويأذيك. وتكطع لسنه السبها
شلت المصاعب والثكل عن زينب انشال الحمل مشكور مشكور
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
لرضيع اعيوني اعصره واطلع ابياره ماي
والرقيه الجربه جايبها تنگط من كفاي
وبيدي افصل الرايه خيمه الزينب وتدخل معاي
واله اجيب العلگمي الخاطر سكينة واني جاي
هذا عهدي من الزغر عاهد ابوي. وعندي الوعد موسهله
اني گتلة بكربله خادم لخوي. وبحضنه هالموت احله
يامحله لجله من انكتل عن زينب انشال الحمل مشكور مشكور
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
قصر التاريخ يمك دنك وشاف الندم
من وكف عباس راسه اعله الرمح حس بألم
گله ياعباس هونك خلصت حبر القلم
انته اول راس كاعد ع الرمح وجه ابتسم
موراسك اعيون الخيم تفتر وراك وكت الحرگ اذوها
عباس روح مودع ومحد نساك. وكفت علي شافوها
ياخويي ياابن الأصل عن زينب انشال الحمل مشكور مشكور
خادم رقية عليها السلام
الشاعر مهند الدريساوي
@Alfoatm9
كلٌ يحتفل بطريقته الخاصة بوالدة وانا كذلك لكن بطريقة مختلفه مبطنه بالحزن ومفادها.....
الكبر بارد واخذ من عندي ابوي الحار
وتركلي الصوره گال من الشته احضنها
.
تستطيع أن تقدم هديه الى ابيك في هذا اليوم وانا اختلف عنكم هديتي محتواها....
انطيته الفاتحه وماعندي كلش انطي
الله يرحمه بس الاكدر اضمنها
😭😭😭😭😭☝️☝️الف رحمة ونور على روحك يابويه
نرفع أسمى آيات التهاني والتبريكات إلى مولانا صاحب العصر والزمان عج وعلماءنا الإعلام والأمة الإسلامية بولادة ام ابوهه مولاتنا فاطمة الزهراء عليها السلام
Читать полностью…
عظم الله لنا ولكم الأجر بااستشهاد ام ابيها فاطمة الزهراء عليها السلام
باب الخشب ماينحمل...... بويه
ابرجله يدفعني النذل....... بويه
اتحملت بعدك عذاب......لوعتي يفسرهه باب...بويه
____________________________
قصة جرح لامو صلح... يبقى ذنب ماينغفر للتالي طاح الطفل حقي انجفل. يوميه هاي اعيوني تفكد
غالي
ا باه وحزن اكضي العمر.بس الله يدري بعلتي وحوالي
يافضة لا يبجي الحسين..يبقه نحره بكل وكت يبرالي
اه الضلع اه الضلع ..........بويه
بسماري مااظن ينشلع.....بويه
ضلعي وي ربعك عتاب.....لوعتي يفسرهه باب....بويه
____________________________
وكت المسه تغيب الشمس...ضلعي فدوه وبالي يم اولادي
ياوالدي شنهي الذنب..... حركو الباب اعله بنت الهادي
هذا جرم ماينغفر..... بس ثاري يبقه وماتعوفه احفادي
دمي النزل يشهد علي... دمي باجر ماتعوفه اجدادي
جرحي ودموعي تهل.....بويه
مني جي طاح الطفل...بويه
طفلي طايح موحجاب ...لوعتي يفسرهه باب..بويه
____________________
اني اغضبت بس ارجعت ....
مادعيت ولاكربت من الدعاء
ايدي ارفعت بس لا كلت......
خفت ادعي وينزل انواع البلاء
حتى العدو ..بينه علم....
احنه رحمه وندعي خير ومورياء
بس اشتكي ...لله عليه
دموع زينب غركت خد السماء
حزن ودمع ماينكضي ......بويه
كرهو علي جي رافضي ........بويه
انكسر ضلع ام الكتاب......لوعتي يفسرهه باب ...بويه
________________________
كل السبب..... طفلي انكتل
هاي جمره اشتعلت من اهل السقيفه
فاض الدمع......وانته استمع
اني اكلك هايه وادم مو شريفه
كبر الذنب..... طيح جبل
هاي فاطم عاشت وماتت عفيفه
ثكل الخشب......ماينحمل
واني من فقد الابو كلش نحيفة
شكوى رفعت من الآلم.....بويه
ضلعي انكسر هو ابتسم ..بويه
طلعوا وطاح النكاب.........لوعتي يفسرهه باب ...بويه
_______________________
ليش الحقد موبت نبي
الله يشهد من متت واني بزعل
الكاع التوة لين ازعلت
والهضاب اتشيع ويلطم جبل
املاك السمه اتنادي علي
يصبرك الله سيدي ع لي حصل
اجرم ذنب ماة الهوه
وصوت محسن منكطع مابي امل
ضلعج دمع يلجم نبي.....بويه
وهذا الدمع يبجي علي ...بويه
دمعي مايطفي المصاب... لوعتي يفسرهه باب....بويه
خادم رقية عليها السلام
الشاعر مهند الدريساوي