قصائد حسينية مكتوبة عامة
25 October 2026 17:59
غيابك ماينسد مچانه
عجل يالمهدي تعنانه
ـــــــــــــــــــــــــــــــــ
نامت عينك يا مهدينه
ماضن وانته بعيد علينه
ياساعه ونورك يغطينه
صحنه دخيلك لاتنسانه
ـــــــــــــــــــــــــــــــــ
كل ما ضاگت بينه الوسعه
اول واحد انته انفزعه
عليك الرض الحافر ضلعه
لو تيهناك انته الگانه
ـــــــــــــــــــــــــــــــــ
رد وشوف الصاير بينه
ضاگت والراي متيهينه
ياشيخ وربعه مضيعينه
الباطل شاخ وطال السانه
ـــــــــــــــــــــــــــــــــ
الشيعي بدونك تيه دربه
يشعر حته ابيته بغربه
غيابك نار وتاكل گلبه
يالبعدك محروگه دمانه
ـــــــــــــــــــــــــــــــــ
بحسرتنه ونتريه اخبارك
يمته تگوم وتعلن ثارك
ونتعنه ونگصد يم دارك
وانصيح امرك يا مولانه
ـــــــــــــــــــــــــــــــــ
هيج وطولك كون انشوفه
چا صرت اوّل حيّ انطوفه
ومنبر ننصبلك بالكوفه
والحگ بيدك شيد اركانه
📝 محمد عباس المشعلاوي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
18 October 2026 18:27
حب فاطمة من النار يفطم جسد شيعتها
ــــــــــــــــــــــــــــــــــــــــــــــــــــــــــــــــــــ
ربك بعرشه فاطمه سماها
واعله الرسول انزل حديث وياها
ما يدخل النار الذي والاها
تطفه سقر من النار فاطمة لو نظرتها
ـــــــــــــــــــــــــــــــــــــــــــــــــــــــــــــــــــــ
من شجرة السدرة تنست بيها
نور الجلالة هناك صارت بيها
الجنة حظه كلمن يواسيها
واسمع يمن تحيي مصاب فاطمة او دمعتها
ــــــــــــــــــــــــــــــــــــــــــــــــــــــــــــــــــــــــ
بضعة رسول الله وحباها الباري
واجب نواسيها بدمعنا الجاري
اني وهلي اولدي وصحبتي وجاري
يرضه لرضاها والله ويغضب على غضبتها
ــــــــــــــــــــــــــــــــــــــــــــــــــــــــــــــــــــــــــ
بكل المجالس للزجية ننحب
ام الحسن وحسين هاي ام زينب
ظلت وراها باليتم تتعذب
زغيرة وكلبها مكسور تهز العرش ونتها
ـــــــــــــــــــــــــــــــــــــــــــــــــــــــــــــــــــــــ
واسو الزجية بكل وطن واسوها
ام الائمة هاي وام ابوها
والعن الزمرة بالضلع اذوها
وافضح فعلهم عالباب من طاحت بعصرتها
ـــــــــــــــــــــــــــــــــــــــــــــــــــــــــــــــــــــــــــــــــ
خان الولاية من نكر عصرتها
ودفعتها بالدار وامر كسرتها
امة التجامل ما تظل هيبتها
لو سالم الضلع نكول سرا لما دفنتها
ــــــــــــــــــــــــــــــــــــــــــــــــــــــــــــــــــــــــــ
جاعلها ربك غوث للي ناجي
لو ضايقه بحر الالم وامواجه
بس انخه فاطم تنقضي كل حاجة
ولكل مرض فاطم دوم تشفي الالم وصفتها
ــــــــــــــــــــــــــــــــــــــــــــــــــــــــــــــــــــــــــــــــــ
مجيد عبد الرضا القريشي
خادم خدام تازهراء ع
نسالكم الدعاء
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
12 October 2026 15:00
قصيدة بإسم : مأساةُ العِترة
ساعة فراگج اليمه
آه يم حسن والله هضيمه
زينب بقت بعدج يتيمه
آه يم حسن والله هضيمه
ودموع الحسن زادت ونينه
آه يم حسن والله هضيمه
وحسين باچر بحر الظهيره
آه يم حسن والله هضيمه
وابنه تگطّع عل ترب
وليلى مفجوعه وحزينه
آه يم حسن والله هضيمه
وضَعن الهواشم ضاعت أحلامه
من عينه
آه يم حسن والله هضيمه
وبنت الذبيح تبچي وتنادي
حسين وينه
آه يم حسن والله هضيمه
وحرگ الخيم طلّعها تركض بالهجيره
آه يم حسن والله هضيمه
وسوط العدى آذى متن طفلة صغيره
آه يم حسن والله هضيمه
وعل الهزل راحت أسيرة
آه يم حسن والله هضيمه
وشبگت الراس بحزنها
وماتت بلوعة وفجيعه
آه يم حسن والله هضيمه
وزينب المحزونة صبرت
عل المصيبة
آه يم حسن والله هضيمه
وعاشت الشام بغربها
وجروح ملجومة ودفينه
آه يم حسن والله هضيمه
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
10 October 2026 09:33
صباحٌ من جوارِ أبي الفضلِ العباس (عليه السلام)... حيثُ يشرقُ المكانُ بحُبِّه، وتعلو الأرواحُ بالدعاء
#ابا_الفضل_العباس
#كربلاء_المقدسة
Читать полностью…
قصائد حسينية مكتوبة عامة
08 October 2026 17:29
قصيدة بإسم : رايح آنه
(لسان حال خويدم الحسين عليه السلام)
راح أودعكم هلي
والچفن حضروا الي
رايح آنه...
لا تهلولي الدمع
ابچوا عـ لّي محترگ
صيوانه...
رايح آنه بعملي
وهالدمع شافع الي
لنسوانه...
وحيده اظل بغربتي
اهدولي دمعة لبت علي
الحزنانه...
ليلة الوحشة يجي
ابو اليمه ويبتدي بحسابي
وخجلانه...
لزيارته من جنت اجي
اندم وابقه اتجي
بجدرانه...
حاشى يتركني وعلي
وهو يدري بحالتي
التعبانه...
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
08 October 2026 17:29
يالچنتي تنوميني عاليدچ
بنيتچ زينب يمه تريدچ
يمه بوحشة ليل افراگچ
فزيت وماگلتي ابهيدچ
يمه الظلام يعيل • صوتچ امان الليل
ــــــــــــــــــــــــــــــــــــــــــــــــــــــــــــ
يالچنتي اماني شلون يايمه تخليني
ولو فزن توالي الليل لحضانچ تضميني
يگولون الحچي اليجرح انا السكته تاذيني
فزيت وهدوء الليل وفزت دمعتي بعيني
تدرين الام هيه الخيمه • يالرحتي وعفتيني يتيمه
انفاس التصعد تلچمني • اه من اغيابچ ياضيمه
فگدچ يريد الحيل • صوتچ امان الليل
ــــــــــــــــــــــــــــــــــــــــــــــــــــــــــــ
هيه الام حرز بالبيت وهيه الخير والنعمه
ينزل ترس ايديچ الخير لو تدعيلنه بدمعه
نورچ يضوي ضلمتنه ماكو داعي للشمعه
لذت عيني وجهچ چان بعدچ ريتها تعمه
ريتچ هالساعه تشوفيني • فگدچ ذبل روحي وعيني
زينب يمه من تگوليها • شمحلاها وانتي تناديني
يالچلمتچ ترتيل • صوتچ امان الليل
ــــــــــــــــــــــــــــــــــــــــــــــــــــــــــــ
بيا گلب احتمل فرگاج بغيابچ تشلعينه
تره غيابچ ثگيل هواي وحيدر راد اليعينه
آنا ويالحسن وحسين ضلعچ يمه ياذينه
اشتگولين بطفل ويشوف امه تنازع بعينه
وحتركت وي بابچ روحي • ماتطفيها دموعي ونوحي
شلال الينزل من عيني • وبركان يفور من جروحي
نجمعن جمر والسيل • صوتچ امان الليل
ــــــــــــــــــــــــــــــــــــــــــــــــــــــــــــ
اعله حنيتچ ربينه زغار بعدنه وردنه حنيه
يالعطرچ مسك بالبيت علاج يطيب الريه
يانسمه انتي وشتمچ يانبض اليدگ بيه
تره الدنيه وجود امنه ومن اتروح مگضيه
انتي الحب وانتي الطيبه • وافراگج يايمه امصيبه
والفارگ مثلچ لو عمره • خمس سنين يبين شيبه
رحتي وجرعت الويل • صوتچ امان الليل
ــــــــــــــــــــــــــــــــــــــــــــــــــــــــــــ
اليكسر گلبي يايمه مچانچ لو شفت خالي
وگلبچ هم اكسرنه لو عينچ تصد حالي
من اگَلّب ذكرياتچ ذيچ دفاتر الهن ابالي
يضل يترجه طيف يجيه يايمه الفگد غالي
يالمبعد وجهچ عن عيني • ويالصعب اعليچ تلاگيني
يالمافارگتچ كل عمري • اقبل بالطيف اتمريني
ليش التحبه يشيل • صوتچ امان الليل
ــــــــــــــــــــــــــــــــــــــــــــــــــــــــــــ
شنو ذنب امي ياعالم يجاوبني ردت واحد
القبلنه تنطي لليحتاج الدفعها شيطلب ورايد
بس تالي ذكرت چلمه بغضب گايلها الحاقد
من گالوله بت من هاي وأن گال النبي الوالد
الثاني الحلل كسر ضلوعچ • بالطف باچر يطفي شموعچ
وتحز نحر احسين افعاله • ودم تجرين عليه ادموعچ
تطحن ضلوعه الخيل • صوتچ امان الليل
ــــــــــــــــــــــــــــــــــــــــــــــــــــــــــــ
📝: محمد عباس المشعلاوي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
02 October 2026 13:23
[دخول الشور]
يا ابننه المهدي...
گوم لحسين
يا ابننه المهدي...
گوم لحسين
زينب تنخاك...
گوم لحسين
دمّه ينادي...
گوم لحسين
[الشور يبدأ]
مهدي / مهدي / گوم لحسين
مهدي / مهدي / خذ ثار حسين
مهدي / مهدي / زينب تنادي
مهدي / مهدي / گوم للأعادي
[تصاعد الشور]
گوم لعبّاس...
گوم / گوم
گوم للأكبر...
گوم / گوم
گوم للگاسم...
گوم / گوم
گوم للرضيع...
گوم / گوم
گوم للخيمة...
گوم / گوم
گوم للسبي...
گوم / گوم
گوم لزينب...
گوم / گوم
گوم لحسين...
گوم / گوم
[الشور الأعلى]
گوم يا مهدي / گوم لحسين
گوم يا مهدي / خذ ثار حسين
گوم يا مهدي / طال الانتظار
گوم يا مهدي / يومك يوم الثار
گوم يا مهدي / زينب تنادي
گوم يا مهدي / رغم الأعادي
گوم يا مهدي / ارفع الراية
وخلي الدنيا / تسمع الحچاية
الراية راية...
حسين
والدم دم...
حسين
والثار ثار...
حسين
والندا...
يا لثارات الحسين
مرة ثانية:
يا لثارات الحسين
أعلى:
يا لثارات الحسين
[الذروة]
حسين / حسين / حسين / حسين
مهدي / مهدي / گوم لحسين
حسين / حسين / حسين / حسين
مهدي / مهدي / خذ ثار حسين
زينب تنادي...
يا حسين
عبّاس ينادي...
يا حسين
الطف ينادي...
يا حسين
والدم ينادي...
يا حسين
[قطع كامل — القفلة]
[يتوقف الشور فجأة]
حسيــــــــــــن...
خويّه...
تسمعني؟
هاي زينب...
بعد كل هالسنين...
بعدها تناديك...
خويّه...
چنت من أنخاك...
تگلي: لبيچ
هسّه أنخاك...
ردّلي...
ولو مرّة...
جواب...
[صمت]
حسيــــــــــــن...
خويّه...
تسمعني؟
ابو قاسم تقي العاملي
Читать полностью…
قصائد حسينية مكتوبة عامة
17 September 2026 17:40
قصيدة بمناسبة الليالي الفاطمية
على لحن قصيدة : نظرة للميرزا محمد الخياط
بچيت وانه مخنوك عبره
ييمه عيونچ ليش حمره
فقير واحتسب زاد دمعة
عسى گلبي تقبليه بنظرة
على بابچ كسرتي .. قسم ما أملها
لأنها كسرتي .. اعله غيرچ مذلّة
بمعزّة علي .. تنظرين إلي
عليچ ابعلي .. يا زهراء
اجيت العزا .. أطلبچ دمع
عبد حضرتچ .. يا زهراء
يا زهراء .. يا زهراء .. يا زهراء
حضرت المأتم بگلب فاجع
تراني من الأحزان جازع
حضوري بمجلسچ كون دايم
وأرضي انحسبلچ دوم خادم
أخدمچ وأنادي .. ييمه اقبليني
أحلفچ بعزيزچ .. ييمه ارتضيني
تون عبرتي .. وتهل دمعتي
وتضل صرختي .. يزهراء
ونيني إلچ .. وكسرتي إلچ
وعذابي إلچ .. يزهراء
يا زهراء .. يا زهراء .. يا زهراء
إذا كلمة وإن گلبي يسمع
أضل ألطم على صدري وأجزع
تطلع فاطمة بكسرة توجع
وتصرخ: يا علي لبيتي ارجع
يزهرة علينا .. حسرته جبيرة
لكسرتچ ييمه .. عبرته ثگيلة
يصيح بحزن .. يا أم الحسن
بعذاب ويون .. يزهراء
أنه بدنيتي .. ردت عيشي
بعد مهجتي .. خرابه
يا زهراء .. يا زهراء .. يا زهراء
أريد بدنيتي حاجة وحدة
يزهرة أبقى وياچ مدّة
واحصل من خدمتج نظرة
وأحمل من مصابچ جمرة
يزهرة عساها .. هظمتج عليّه
وكسرتج عساها .. ييمه تِحِلّ بيّه
يا بنت النبي .. وحگ الضلع
أنه مطلبي قبولچ
لطمت الوجه .. بجيت بجرح
ندبة لكسر ضلوعچ
يا زهراء .. يا زهراء .. يا زهراء
- خويدم المظلومة المغصوبة .
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
15 September 2026 18:18
زينب اني يالزچيه ...فرگتج كلش صعب
ردي وخليني اعيشن...خل يدگ ليه الگلب
ـــــــــــــــــــــــــــــــــــــــــــــــــــــــــــم
يمه مخنوگه بدونج ...صدري ماضل بيه هوه
ريت روحي وياج تطلع ..ونندفن يمه سوه
ضلمه صارتلي حياتي.. بعد ما بيها ضوه
يمه بس ردي عليه....
بعد وكت ااعله المنيه...
ردت من امشي سبيه...ردتج بين الغرب
ـــــــــــــــــــــــــــــــــــــــــــــــــــــــــــم
چنت اشوفج واني بالهم..مايضل عندي زعل.
من شفت متنج ييمه... كلشي بيه هالنحل
يمي من ضيم السقيقه ..مابگه عندي امل
طيحوج اعله الترابه
شلون مجموعه عصابه
لبسوا لباس الصحابه... ماكو عدهم بس سلب
ـــــــــــــــــــــــــــــــــــــــــــــــــــــــــــم
گلبه اسود ماكو رحمه ال يحرگ ويكسر ضلع
وخله بت سيد الرساله اعله ابنها تنفجع
من هد مافاركنه جدنه مانشف منج دمع
ياطمعهم بالخلافه
هجموا اعليج بصلافه..
خالفوا جدنه حسافه....هيجي جازو بالضرب
ـــــــــــــــــــــــــــــــــــــــــــــــــــــــــــم
يمه محسن ردته يكبر...عون اليه بكربله
ردته وي كفالي باچر....تلوذ بيه العايله
باجر أنه بلا اخوتي...واعله ناگه و مايله
شمحله لوخواني كثره
خيل ماشوف اعله صدره
لاتوج بخيامي جمره ..ولاسبي وضيم الدرب
ـــــــــــــــــــــــــــــــــــــــــــــــــــــــــــم
راح اعليه المصايب...ممشه چن سيل النهر
راح شيب يغطي راسي.وابقه يمه بلانضر
وبعد لانوم ويجيني ...واگضي عمري بس سهر
من يطبرونه ابونه
وينمرد جبده اخونه
والحسين يسلبونه....واليجيني بس رعب
مقتدى الشبلاوي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
11 September 2026 17:46
ويلي عله الزّهراء
ويلي عله الزّهراء
----------------------------------------
هاي الوديعة الطّاهِرَة
لربها الكريم امغادِرَة
رغم الحصل مستبشِرَة
شافت نعيم الآخِرَة
━━━❖✿❖━━━
ويلي عله الزّهراء
ويلي عله الزّهراء
----------------------------------------
هاي الحكيمة العالِمَة
عاشت مواقف مؤلِمَة
ﷲ اليساعد فاطِمَة
منها الضّلع ينزف دِمَه
━━━❖✿❖━━━
ويلي عله الزّهراء
ويلي عله الزّهراء
----------------------------------------
كوثر نبينا ومُهجته
روحه وحياته وزهرته
وصّى إعله فاطِم أمّته
يغضب الباري لبضعته
━━━❖✿❖━━━
ويلي عله الزّهراء
ويلي عله الزّهراء
----------------------------------------
روح الموالي امكدَّرَة
عالصّار بالزّهرة وجره
يلطم وعينه امحومِرَة
رايد يواسي الصّابِرَة
━━━❖✿❖━━━
ويلي عله الزّهراء
ويلي عله الزّهراء
----------------------------------------
ما نوفي حگ أم الحسن
لو نبچي كل هذا الزّمن
للضّايع اتصير الوطن
وتلمّه من سيل الفتن
━━━❖✿❖━━━
ويلي عله الزّهراء
ويلي عله الزّهراء
-------------------&---------------------
شِعر: أميـر الزبــيدي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
11 September 2026 17:46
زينب اني يالزچيه ...فرگتج كلش صعب
ردي وخليني اعيشن...خل يدگ ليه الگلب
ـــــــــــــــــــــــــــــــــــــــــــــــــــــــــــم
يمه مخنوگه بدونج ...صدري ماضل بيه هوه
ريت روحي وياج تطلع ..ونندفن يمه سوه
ضلمه صارتلي حياتي.. بعد ما بيها ضوه
يمه بس ردي عليه....
بعد وكت ااعله المنيه...
ردت من امشي سبيه...ردتج بين الغرب
ـــــــــــــــــــــــــــــــــــــــــــــــــــــــــــم
چنت اشوفج واني بالهم..مايضل عندي زعل.
من شفت متنج ييمه... كلشي بيه هالنحل
يمي من ضيم السقيقه ..مابگه عندي امل
طيحوج اعله الترابه
شلون مجموعه عصابه
لبسوا لباس الصحابه... ماكو عدهم بس سلب
ـــــــــــــــــــــــــــــــــــــــــــــــــــــــــــم
گلبه اسود ماكو رحمه ال يحرگ ويكسر ضلع
وخله بت سيد الرساله اعله ابنها تنفجع
من هد مافاركنه جدنه مانشف منج دمع
ياطمعهم بالخلافه
هجموا اعليج بصلافه..
خالفوا جدنه حسافه....هيجي جازو بالضرب
ـــــــــــــــــــــــــــــــــــــــــــــــــــــــــــم
يمه محسن ردته يكبر...عون اليه بكربله
ردته وي كفالي باچر....تلوذ بيه العايله
باجر أنه بلا اخوتي...واعله ناگه و مايله
شمحله لوخواني كثره
خيل ماشوف اعله صدره
لاتوج بخيامي جمره ..ولاسبي وضيم الدرب
ـــــــــــــــــــــــــــــــــــــــــــــــــــــــــــم
راح اعليه المصايب...ممشه چن سيل النهر
راح شيب يغطي راسي.وابقه يمه بلانضر
وبعد لانوم ويجيني ...واگضي عمري بس سهر
من يطبرونه ابونه
وينمرد جبده اخونه
والحسين يسلبونه....واليجيني بس رعب
مقتدى الشبلاوي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
17 August 2026 19:40
قصيدة لشهادة الإمام العسكري عليه السلام
وآ إماماه وآ شهيداه
..................................................
اليوم سامرة حزينة وخَيّمت بيها المِحَن
وچنة هاليوم القيامة بس فرق بيه الزمن
وكلها ضجت ضجة وحدة مات ابو المهدي الحَسن
المعتمد سَمّه يويلي بغربة مو بارض الوطن
الطاغي سَمّاه وآ شهيداه
..................................................
للثلاثين وشبابه ما وصل بيه العُمُر
ومن بعد كثرة سجونه اغتالته إيد الغدر
كون من دم نبچي لاجله ولمصابه ننكِسِرّ
مقَصّرين وياه احنة بالزيارة وبالذكر
نحيي ذكراه وآ شهيداه
..................................................
والحسن ساعة وفاته طِلب من نرجس طَلَب
طِلَب ماي شوية لاچن حيله بايد ما شرب
گلها وين المهدي اريده بشوفته يطيح التَعَب
ومن وصل والماي بيده شَرّبه بحكمة وسبب
وگلبه وياه وآ شهيداه
..................................................
عمره چان سنين خمسة يم ابوه من ارتحل
وغسله واعليه صَلّى واعله الچتاف انحمل
وسَوّة يم الهادي گبره ونَزّله ووياه نِزَل
ومن بعد ذيچ المآسي بالحزن گلبه اشتعل
بدمعه ينعاه وآ شهيداه
..................................................
المهدي من بعد المراسم باله راح لكربله
والده بيده تِجَهّزّ وجده محد غسله
عاري عالتربان نايم مگطع بوسط الفله
وعالرمح ماخوذ راسه مسبي ويه العايلة
وآ حُسيناه وآ شهيداه
..................................................
خادم الإمام الحسين عليه السّلام
سيف المدرس
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
15 August 2026 17:00
لحضة غيابك
لحضة غيابك يارسول الله الفلك دار
لحضة غيابك حضرو لضلوعي بسمار
١ * *
يابوية من غمضت عيونك سال دمعي
ضاگت الدنيا عليّه وأصعب صار وضعي
جسمك گبل لا يندفن والساعي يسعي
دار الخلافه وضاع حگنا وزاد صدعي
ناكر وصيتك بالولاية وحرمة الدار
لحضة غيابك حضرو لضلوعي بسمار
٢ * *
يامن عهدت لحيدره عهدك تصادر
اتقمص ابن تيم الحكم جار وتجاسر
مرساله قنفذ يطلب البيعه وتفاخر
جمع اجيوشه باب بت طه وتظاهر
وبكل صلافه هددو بالسيف والنار
لحضة غيابك حضرو لضلوعي بسمار
٣ * *
يابويه وببيعة الظالم طالبونا
وبحرگة الدار وهجمها يهددونا
بيت الوديعه كتله ليش تحاوطونه
يبن صهاك بنار حقدك تحركونه
سهم ال وإن صوب گلب بنتك المحتار
لحضة غيابك حضرو لضلوعي بسمار
٤ * *
دار البحگها نزلت آيات اليطعمون
هتكو سترها وغدت ملعب لليبغضون
وروح الرسول محاربيها وحمره العيون
وباب الثگيله هشمت طبگتها المتون
يابويه محسن عالترب والدمع مدرار
لحضة غيابك حضرو لضلوعي بسمار
٥ * *
يابويه روحي ذابله وضليت انادي
يافضه سنديني الألم صوب فؤادي
كثرت يبويه بعصرة الباب الأيادي
من غبت بيه فرغت غلها الأعادي
وانطبگ ضلعي وبالمشقات النفس صار
لحضة غيابك حضرو لضلوعي بسمار
٦ * *
يابويه اكثر عذبتني جروح الوداع
گلب التعذب من غيابك بعده ملتاع
حيدر بنينه وزينبه يشبگوني كل ساع
وحسين اشبگه من يگول حسينكم ضاع
هذا انكساره يعيد وسط الگلب تذكار
لحضة غيابك حضرو لضلوعي بسمار
* *
تمت…
علي العزامي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
11 August 2026 16:36
شور #
بويه اكعد لبنتك يبويه
ـــــــــــــــــــــــــــــــــــــــــــــــــــــــــــم1
حاچيني بويه ورد علي... كلبي يبويه منفطر
عايفني للهم والحزن...وضلوعي چنها تنكسر..
گلبي بعد مأجن يدگ
حس كل وريد بفركتگ
مختنگه ماضلي نفس
وبذهني رسمة صورتك
****
بويه تدري بغيابك حياتي
ضلمه حد ما يجيني مماتي.
ـــــــــــــــــــــــــــــــــــــــــــــــــــــــــــم2
منانه چن يبدي الهضم... وچنهم يسلبون الوصي
وچن السقيفه تتفق...تحرگ بيوت اهل النبي
وبابي يدفعني الردي..
ويوگع طفلها بنيتك
وكل حگ يروح لفاطمه
ولأجن مشو بوصيتك
****
خايفه الصحبه تترك وصيتك
وفوگ ضلمهم يحرگونه بيتك
ـــــــــــــــــــــــــــــــــــــــــــــــــــــــــــم3
بويه الحسين يناضرك...اكعد وسكت دمعته
ونته الگلت بويه اله... ماكو مثلها غربته
فز بويه خاطر قصته
وخلينه نبچي كربله
وگللها هايه أمتك
باجر يجي هوه وهله
****
گلهم حسين اذا ماله ناصر
لاتكسر ضلوعه الحوافر
ـــــــــــــــــــــــــــــــــــــــــــــــــــــــــــم4
اگعدلي وصي العرب...لاتنسلب له طفلته
لا ينحني ضهره بخو...ولاتحترگ له خيمته
لا ينكسر ضلعه بسحگ
ولاينكطع له خنصره
لاعالترب عاري يضل
لا تبقه شفته مفطره
****
لايضل ضامي مذبوح رضيعه
ولايضل خيه يم الشريعه
ـــــــــــــــــــــــــــــــــــــــــــــــــــــــــــم5
ولاتمشي زينب باليسر ...مجتوفه وبضيم الدرب
وتصارخ اطفال وحرم...وتتفرج الناس الغرب
ومحد يسمعها الشتم
ولا بالحجر تلكه الضرب
ولااسود يصير المتن
وخاطر قصرهم ما تطب
****
ولاعلرماح تناضر لخوها
ودمه يسيل لچن يحركوها
مقتدى الشبلاوي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
18 October 2026 18:27
كل يوم نفس الواعية ومنين اجيب الواعية
هواي التخون وقائمج يدور انصار
سبعين ضد سبعين الف باب وتولاها صلف
والامة تجمع بالحطب وي شاعل النار
يا فاطمة .. يا فاطمة
ــــــــــــــــــــــــــــــــــــــــــــــــــــــــــــــــــــــــــــــــــــــــــ
نفس الوجوه تكررت الگالو ولايورث نبي
الحرگو ابابچ حطب وأخذوا ضعن زينب سبي
الهشمو هامة علي و يتمو چم طفلة وصبي
الفجعوا حسين وحسن يالزهرة شعب اليعربي
ولد الصنم .. صبو الم .. ولاسيد المنهاسلم
واليوم مو حافر يرض.. ٨٠ طن رجت ارض
نزلت على الوالي بدين إيهود كفار
وتتفرج اعلينا العرب.. والشام افراحة نصب
ويوزع لموته رطب وي شاعل النار
يا فاطمة
ــــــــــــــــــــــــــــــــــــــــــــــــــــــــــــــــ
كحسين من طاح الگمر كسرتنا يشرحها الفلك
كم مرجع لقائد صفه يصفگ على ايده وفرك
ثابت ولاهمه الغرب ما ساوم وخان وشرك
والي خذو ارضچ غصب ليهود سلموها الفدك
ولد الزنا ... لهو وغنا ... گاظيها لعب وشيطنه
ورغم الحصل من امتچ.. عالعهد ظلت شيعتچ
حزب المقاوم ظل وفي ماذل للاشرار
ايران وعراق ويمن .. لبنان شرف كل وطن
والعالم اعلينه غضب وي شاعل النار
يا فاطمة
ــــــــــــــــــــــــــــــــــــــــــــــــــــــــــــــ
انكتبت علينا المعركة وما بيها لاوين المفر
يالزهرة محتاج النصر الگلبه حديد ومن صبر
عالم وفد هجمه هجم بحرب الإبادة بكل مقر
مولاتي وهيچي حرب محتاجة كرار وگمر
امرنا طاح .. واحنا بجراح ..وغدر العرب طعنة رماح
لله سلمنا الأمر .. بلچن يجي المهدي ويمر
ايقود هاي المعركة ابسيف كرار
انحارب وقلة العدد ..وانادي ياحيدر مدد
والسلم مايفيد وعتب وي شاعل النار
يا فاطمة
ــــــــــــــــــــــــــــــــــــــــــــــــــــــــــــــ
بذكرى مماتچ هالمسه التمينا نذكر حضرتچ
يلي جهادچ من ستر بالدار چانت موتتچ
يالي رفعتي كل محب ما خاب يوم بنخوتچ
هالليلة نطلب يالطهر بهاي المجالس نظرتچ
يالماضية ...يالقاضية .. بهالحال انتي راضية؟
ندعي بجاهچ يالطهر.. تظفر الشيعة وتنتصر
وراية ابو فاضل ترف بكل الامصار
تذل اليهود وسطوته وتبيد كل الوالته
وزمرة أمية تلتهب وي شاعل النار
يا فاطمة
ـــــــــــــــــــــــــــــــــــــــــــــــــــــــــــــــ
يا سلوة الي استضعفوه امحاصر بلاية دوه
بين القحط بين القصف حسرة علييه شم الهوه
عطشان لاكن من ذكر اسمج يزهراء ارتوه
شما غدت ظلمة دنيته ابذكرج يشوف الضوة
نور اعله نور ...للشيعي سور ... اسمچ حرز كل الحضور
الضايگ محبتكم شفا ... عامر ضواه وما طفة
انتوا السراط المستقيم وسر الاسرار
الناكر قضيتكم خسر ...وحاجز مكانه في سقر
يوم الحشر لمن يطب وي شاعل النار
يا فاطمة
ـــــــــــــــــــــــــــــــــــــــــــــــــــــــــــــــــــــــــــــ
مجيد عبد الرضا القريشي
نسالكم الدعاء
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
18 October 2026 18:27
دفن الأحباب للاحباب صعب تفسيرة
جمرة افراگ والأفكار تظل بحيرة
دمع عينك تنترس
پگبرة روحك تنحبس
انته موانته تحس
بعدهم
_____
من دفنها راجع صح گمت بس واگع لاحيل الي
من دفنت الزهرة طفه العالم بأسرة وشمعت هلي
گوة أسند حالي والنظرلي يسالي هذا علي
صدك هذا الشال باب الخيبره
هيچي روحه عالحبيبة مگدرة
گوة شايل نعش فاطم حيدرة
ظهرة مكسور والنجوم تون لحاله
محني الكون على الصار اله ولئاله
بلا شمس جنها السما
يوم دفنو فاطمة
والكواكب لاطمة
بعدهم
_____
روح ماكو بيه هي چانت هيه كل العمر
لاطعم لا واهس الها ريجي يابس والزاد مر
أبالي ظلت صورة نظرة المقهورة وبيها كسر
غوشت عيني وعطش بيها الضوة
راحت النظرة الملامحها دوة
چنت اتمنى الگبر النا سوة
امر مكتوب يزهراء تظل ايامي
بحسرة افراگ والايتام تون گدامي
والحسين ويالحسن
يهل دمعهم كالمزن
وزينب تعاني الشجن
بعدهم
__
ما يبطل نوحي مكشفات جروحي بعين العده
شما ادير عيوني ابدمعي ايشوفوني وحزن السده
لو گبلت الشامت مثل سهم النابت حچيه غده
المن يعزون والباب اندفع
كلمت الشمتان عالطايح وجع
عاصر الزهرة لمع نابة وطلع
هيچي فرحان عالناس يطش بشارة
ويشكر الباب على الصار وشكر بسماره
وچنه يگلي بعد
بسمه وسيوفة استعد
بكوفة والشام الوعد
بعدهم
___
اگضي ليلي هايم گاعد ولانايم وسط الظلام
بگلبي بس ذكراهم وجمرة من فرگاهم تجوي الامام
اليندفن بترابة يصير ليل اعتابة ضربة سهام
اعله دفن الغالي جفني ماغفة
فاطم وبعدچ على الدنيا العفا
روحي چم مرة تگلچ اسفه
ذابت الروح والجروح منو يداويها
صفنة الليل هدم حيل واكابر بيها
ولو گرب مني السحر
واني سابيني القهر
يجمد بعيني السهر
بعدهم
____
راح عطر ايامي أوردتي واحلامي وگلب الحنين
جفني بعدچ دامي عالمحنة ضامي مثل الحسين
ياخسارة بيتي هذا انه وتاليتي شابع ونين
بعد موتچ لا ولا چني علي
ما حسبت احساب هذا يصير الي
يندفن بتراب عشگي الأولي
طبع الازهار بالتراب ترد ميسورة
وجوة التراب زهرتي صفت مكسورة
ذابلة من الضلع
ومني ساگيها الدمع
وگبر مخفي من الربع
بعدهم
____
خادم خدام الزهراء ع
مجيد عبد الرضا القريشي
نسالكم الدعاء
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
12 October 2026 15:00
احجي عن ياعذاب. وبدي من ياعتب
خدري كلش حرام. شفته من انسلب
حسين خيمتك عل حرم. من دوت
حسين ولحرك . بل عبي. وماطفت
حسين. بل يسر ياوسف شو صفت
شافت مصايب. من ياوكت تغفه بخرايب
شافت مصايب. لا أهل ضل لا كرايب
شافت مصايب. من البجي مو كلبي ذايب
.......
غفله لن الخيام. تلهب وتحترك
بلبراري ركض. نركض وننسحك
اه. . ياهلي. تلاحكو. على. . ضعن
اه. ولبنات. شكثر. . صرخن
اه. من تعب. عل. جمر. . شو غفن
ياخويه زحمه. وهاي البشر ماعدها رحمه
ياخويه زحمه. شافوني من هدمك اشمه
ياخويه. زحمه. رحت على ابوفاضل المه
.....
شكد هضيمه بجفاك. امشي بلا اخو
بياوكت كلي هاي. يحدي ضعني العدو
عجيب. من صحت. يهلي. محد. فزع
عجيب. حشمت وشمر. هم سمع
عجيب. شو نمت. أو. عفتني بدمع
لا ما عرفته. متكطع أو بلكوه شفته
لا ماعرفته. يون من جروحه بيش اسكته
لا ماعرفته. معقوله جا عود انه اخته
......
لوحدي اروحن عجيب. ياهلي صعبه
وأنه ماعدي حيل. امشي وي غربه
مشيت. وشفت. الهظم. ولقهر
مشيت. ورحت عيني كتر نهر
مشيت وصحت ماتفز. يل كمر
صحتك يكافل. النوك اجت وبلا محامل
صحتك يكافل. ودم شكثر من متني سايل
صحتك يكافل. فراكك تره بدلالي عايل
......
الشاعر حسن الموسوي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
10 October 2026 09:34
من أثرِ الإمام الحسين (عليه السلام)... حكايةُ فداءٍ خالدةٌ في وجدانِ الأجيال
#الامام_الحسين
#كربلاء_المقدسة
Читать полностью…
قصائد حسينية مكتوبة عامة
08 October 2026 17:29
.
قصيدة بإسم : لا تهد إيدي
لا تهد ايدي من اصيحك .. يابو صالح
مالي غيرك وحق جدك .. يابو صالح
عبدك بباب انتظارك مد جفوفه .. يابو صالح
يكتبلك بدمعه حروفه .. يابو صالح
غارگ ببحر انكساري .. يابو صالح
مد جفك وانظر لحالي .. يابو صالح
أقسم عليك بضلع فاطمة الزهرة .. يابو صالح
وبخدر زينب الحرة .. يابو صالح
وهالقسم مو هين ويجوي بدليلك .. يابو صالح
يهدم الحيل ويهل دموع عينك .. يابو صالح
ضاگت الأرض الوسيعه .. يابو صالح
يمتى تثأر للوديعه .. يابو صالح
وسهم العين ذابح حلم طفلة .. يابو صالح
تنتظر جيته واهو جايب القربة .. يابو صالح
جم حلم منها تبدّه .. يابو صالح
من شافت ايدينه گطيعه .. يابو صالح
وشبيه المصطفى بزهوة شبابه .. يابو صالح
على الغبرة معفر بدمه ترابه .. يابو صالح
وحسين أبوها السلبوا خنصر إيده .. يابو صالح
وراسه مشيول برمح يوجع وريده .. يابو صالح
عمتك زينب سبيه .. يابو صالح
والهزل تعّب رقية .. يابو صالح
.
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
02 October 2026 13:23
قصيدة حسينية على لحن قصيدة حسين خليني على بابك للرادود مرتضى حرب .
حسين دلّيني بجراحك يا طبيب ومنجرح
حسين راويني رضيعك وخلني ببداله انذبح
حسين خليني أموتن من ينذكر طاري الذبح
حسين راسك يوجع اختك من تشوفه عل الرمح
(يا أبا عبد الله ... يا أبا عبد الله حُسين)
كون لعيونك أطيح وينكسر مني ضلع
كون إلك أمشي سبية وفدوة لتراب الظعن
كون بمصابك أونّن وأبچي حد ما أنفجع
كون ترويني من جفك وفه ودمعات بحُرگ
(يا أبا عبد الله ... يا أبا عبد الله حُسين)
تعبتني الدنيا وذنوبي وحچي هاي الخلگ
حسين خليني اعله بابك يتبدّه كل ماي الوجه
حسين دلّيني بجفوف الكافل وجف محترگ
حسين راويني كسرتك من ينخسف وجه العشگ
(يا أبا عبد الله ... يا أبا عبد الله حُسين)
Читать полностью…
قصائد حسينية مكتوبة عامة
02 October 2026 13:23
حسين... خويّه تسمعني؟
[المطلع — نعي تراثي حر]
حسيــــــــــــن...
خويّه...
تسمعني؟
هاي زينب...
تنخاك...
جاوبني...
چنت من أنخاك...
تگلي: لبيچ
هسّه أنخاك...
ليش ما تردّلي؟
چنت من أبچي...
تمسح دمع عيني
هسّه أبچي...
ومحد يواسيني
خويّه...
راحوا هلي...
واحد ورا واحد
وبگيت وحدي...
ما ظل إليّ واحد
حسيــــن...
بعدك مَن إليّه؟
بعدك مَن يسمع...
ونّة زينبيّه؟
[الردّة الرئيسية]
حسيــــن... / خويّه تسمعني؟
هاي زينب... / خويّه جاوبني
حسيــــن... / خويّه تسمعني؟
بعدك خويّه... / مَن يواسيني؟
[الشوط الأول — اليتامى]
خويّه گوم...
شوف عيالك شصاروا
من بعد عينك...
بالطفوف احتاروا
هاي سكينة...
تسألني: عمّه
وينه أبويا؟
ليش ما رجع يمّه؟
أضمّها بصدري...
وأخفي دمع عيني
تگلي: عمّه...
أريد أبويه يجيني
شلون أگلها...
أبوچ فوگ الرمضا؟
شلون أگلها...
مذبوح من الظمأ؟
خويّه سؤالها...
هدّ حيلي هدّه
تريد أبوها...
وأبوها ما يردّه
[الردّة]
حسيــــن... / خويّه تسمعني؟
بنيّتك تبچي... / خويّه جاوبني
حسيــــن... / خويّه تسمعني؟
تسألني عنّك... / شگول إلها؟
[الشوط الثاني — حريق الخيام]
خويّه شبّت...
نار بخيامك
والطفل يركض...
وينادي اسمك
هاي تصيح: يمّه...
وذاك يصيح: أبويه
وأنا ألمّهم...
وأصيح: يا خويّه
واحد من الخوف...
ركض بين النيران
واحد ينادي:
وين أبويه العطشان؟
أركض وراهم...
والنار ورانه
وأصيح: يا حسين...
شوف شجرانه
الخدر من بعدك...
شبّت بيه النار
والليل شاهد...
عالسبي والعار
[الردّة — أثقل]
حسيــــن... / خويّه تسمعني؟
خيمك تحترگ... / خويّه جاوبني
حسيــــن... / خويّه تسمعني؟
عيالك تصيح... / خويّه الحقني
[الشوط الثالث — العباس]
عبّــــــــاس...
يا خويّه عبّاس...
وينك يا حامي...
خدر الهاشميّه؟
وينك يا عزوة...
زينب الأبيّه؟
چنت من تمشي...
يرتجف كل عادي
هسّه من بعدك...
حاوطني الأعادي
چنت لي ظهر...
وچنت لي حامي
ومن طاحت كفوفك...
راح كل أماني
يا بو فاضل...
السوط فوگ متني...
وخدرنه هتكوه
وعيالك يا حسين...
بالسبي ساقوه
عبّاس...
من طاحت كفوفك...
طاح سندنه
ومن غبت عنّه...
راح الأمان منّه
[الردّة]
عبّاس... / يا حامي الخدر
بعدك خويّه... / مَن إلنه ظهر؟
ثم:
حسيــــن... / خويّه تسمعني؟
ضربوني بالسوط... / خويّه جاوبني
[الشوط الرابع — السبي]
كتّفوا إيدي...
وساقوني سبيّه
وعيالك يمّي...
يبچون حواليّه
من ديرة لديرة...
مشّونه سبايا
لا حامي ويّانه...
ولا واحد ويّانه
بس مو السلاسل...
هي اللي هدّتني
ولا طول الدرب...
هو اللي ذبّحني
من رفعت عيني...
ذاب گلب زينب
شفت راس خويّه...
فوگ الرمح ينصب
هذا خويّه...
هذا حسين...
هذا اللي چان...
لي عزوة وسنين
هذا اللي چان...
يمسح دمع عيني
هسّه راسه...
فوگ الرمح قبالي
وأنا سبيّه...
أمشي ورا الغالي
[الردّة]
حسيــــن... / خويّه تسمعني؟
راسك قبالي... / خويّه جاوبني
حسيــــن... / خويّه تسمعني؟
آني سبيّه... / ومحد يواسيني
[الانكسار — يقطع اللطم]
[صمت]
خويّه حسين...
طالع بأختك...
هاي آني زينب...
ما عرفتني؟
خويّه...
وجهي ذبل...
من كثر ونّاتي
وظهري انحنى...
من كثر آهاتي
طالع باليتامى...
الماشة حواليّه
كل واحد منهم...
يسألني عليك
خويّه...
آني ما أريد...
غير كلمة منك
گلي: يا زينب...
آني سامعچ...
گلي: يا أختي...
آني يمّچ...
بس جاوبني...
ولو مرّة...
[بلا لطم]
حسيــــــــن...
خويّه تسمعني؟
[عودة الضربة — وقوف زينب]
[ضربة واحدة ثقيلة]
بس زينب...
ما حنّت راسها
والقيد بإيدها...
ما هزّ بأسها
وگفت بوجههم...
والگلب مجروح
وگالت: يبقى...
ذكر المذبوح
تذبحون حسين؟
يبقى حسين
تحرگون خيمه؟
يبقى حسين
تسبون عياله؟
يبقى حسين
ترفعون راسه؟
يبقى حسين
تمر السنين؟
يبقى حسين
[تصاعد]
يبقى حسين / يبقى حسين
لو تمر الدنيا / يبقى حسين
يبقى حسين / يبقى حسين
زينب تنادي / يبقى حسين
[الشوط الخامس — العهد]
يا ناس لا تنسون...
عطشان كربلا
لا تنسون جسمه...
فوگ أرض الملا
لا تنسون عبّاس...
وكفوفه بالثرى
لا تنسون الأكبر...
من وقع وانذبح
لا تنسون گاسم...
وعرسه صار دم
لا تنسون طفل...
والسهم بنحره
لا تنسون خيمة...
شبّت بيها النار
لا تنسون زينب...
والسبي والمشوار
وإن سألوكم:
شنو بگه من كربلا؟
گولوا:
بگه الدم...
وبگه الدمع...
وبگت زينب...
وبگه حسين
[الردّة]
حسين حسين / ما ننسى حسين
لو تمر الدنيا / ما ننسى حسين
حسين حسين / لو تمر السنين
تبقى كربلا / وينبقى حسين
[الانكسار الثاني — قبل الشور]
[يهدأ كل شيء]
مرّت سنين...
وراها سنين...
وبعد صوت زينب...
ما سكت...
وبعد دم حسين...
ما برد...
وكل عاشور...
يرجع ذاك الندا:
حسيــــن...
خويّه تسمعني؟
آني وفيت بالعهد...
حفظت عيالك...
وحفظت اسمك...
بس بگه شي...
بعده ما صار...
خويّه...
ثارك...
بعده...
ما انخذ...
[ضربة]
ومن بعيد...
يجي الندا...
المهدي...
[ضربة]
المهدي...
[ضربة]
المهدي...
Читать полностью…
قصائد حسينية مكتوبة عامة
15 September 2026 18:18
موشح
لأستشهاد فاطمة الزهراء عليها السلام
فاطمه جيش الكفر اذاها
من العصابه بس ضلم لاگاها
....
اليله فاطم ينكسر منها ضلع
والأملاك بهالمصيبه تنفجع
واليتامه عيونهم تسچب دمع
ولفلاك تضج على مبچاها
......
اليله فاطم بابها تحرگه العده
اعله أهل بيت نبي الضلم ابتده
من طفلها يذبحه لبدمه رده
وبالدمه واعله الترب خلاها
.......
اليله بالدم تنصبغ كل السمه
اليله الله يعينه حماي الحمه
شلون حاله من يودع فاطمه
يدعي نفسه تموت من فرگاها
....
اليله يمشي حيدره محني الضهر
وزينب بونها تفطر بالصخر
ولوعة الحسنين تبقه ويه الدهر
ثجيله وزن الباب وشينساها
.....
اليله تلتم علزچيه العايله
.يكلها ابوسجاد يمه بكربله
تروح بتچ أعله ناگه مايله
شلون بيها وامها مو وياها
مقتدى الشبلاوي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
13 September 2026 20:09
(گمت اتمنه موتي)
يمايله وياج الدنية يزينب
يمايله
يمال ضهرج من التعب
يمايله الحيطان من ونينج
تعب افراكهم كسرني
وخله ونيني اعله الجمر
وحزني الماله نهاية
خله الحيطان مايله
ليش شمنتضر يا عمر يمته تخلص
مو فراكهم تعبني وهضمي
وخله ضهري مايل
يخويه
ترضه اختك وحدة بالشام
مربوطه بحبال وعطشانه الأيتام
ويلاه يخويه
اون باليل وبس الحيطان تسمعني
وين اخوتي وفيي هلي
يهلي ياهلي
يخوتي وهلي وين منيتي
تعبت من هالدنيا
تعبتني الأيام
اتراب الدرب غير وجه عبينه
وبالشام كل شيخ يطلاب بنسوانه
ودنكت الراس ماضلت مسبيه ويانه
وماضلت مسبيه ويانه
يمته يجيني موتي يخوتي
خادم أهل البيت(ع)
حسين محيي المرياني
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
11 September 2026 17:46
موشح
لأستشهاد فاطمة الزهراء عليها السلام
فاطمه جيش الكفر اذاها
من العصابه بس ضلم لاگاها
....
اليله فاطم ينكسر منها ضلع
والأملاك بهالمصيبه تنفجع
واليتامه عيونهم تسچب دمع
ولفلاك تضج على مبچاها
......
اليله فاطم بابها تحرگه العده
اعله أهل بيت نبي الضلم ابتده
من طفلها يذبحه لبدمه رده
وبالدمه واعله الترب خلاها
.......
اليله بالدم تنصبغ كل السمه
اليله الله يعينه حماي الحمه
شلون حاله من يودع فاطمه
يدعي نفسه تموت من فرگاها
....
اليله يمشي حيدره محني الضهر
وزينب بونها تفطر بالصخر
ولوعة الحسنين تبقه ويه الدهر
ثجيله وزن الباب وشينساها
.....
اليله تلتم علزچيه العايله
.يكلها ابوسجاد يمه بكربله
تروح بتچ أعله ناگه مايله
شلون بيها وامها مو وياها
مقتدى الشبلاوي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
19 August 2026 19:08
الحسن العسكري ع
هذا دمعي يابو صالح وي دمع عينك تجاره
هذا دمعي وهذا كسري وي گلبك وانكساره
بالفرج تسمع دعائي من اقدملك عزائي
* *
انه من وحي انتضاري وبالخيال اللا شعوري
سافرت عبر امنياتي و اكتبت لاجلك سطوري
واكتبت مشهد وداع العسكري واديته دوري
والحواس الخمسه بيهن وثقت مشهد حضوري
انه بادراك البصيره غارس بحبك جذوري
واگف بدربك وانادي وسلمت بيدك اموري
وبخيالي سافرت يم دار ابو محمد بنوحي
وبخيالي ودعيته بهمي واحزاني وجروحي
وبمناجاتي وندائي من اقدملك عزائي
* *
بالجوارح يابو صالح جيت اقدملك عزيه
ياعظم امرك وصبرك ياعظم هاي الرزيه
فرگة الوالد مصيبه تضاهي كسر الغاضريه
شفتك بعين انكساري وسّدت خده الوطيه
وبين انسجة المكيده وبين الچفوف الخفيه
شفتك تصلي وتون على الجنازه الهاشميه
هاي عيني وي عينك كون دم تبچي لبكائك
هاي عيني شافتك من حزنت لحزنك سمائك
ويبصر الگلب الولائي من اقدملك عزائي
* *
انا من اقرا الفجيعه احضر بروحي الشغوفه
واللي يقراه اللسان استحضره بگلبي واشوفه
شلون واريت الامام الحالت لكشفك ضروفه
شلون جريت العبايه وهيبتك شقت صفوفه
عاش گلبي وياك مشهد لكن مكلل بخوفه
امن الدوائر من تدور وللهدف توصل سيوفه
هاي روحي عاشت بسامرا وياك المصيبه
هاي روحي الفاگده لابن الرضا وضلت غريبه
بانكساري وانحنائي من اقدملك عزائي
* *
لمستك لتراب ابوك العايش بحزنه ومصابه
اشعر تلامس جفوفي بالطم شي من ترابه
وبالدعاء ايدي على راسي تعجل بردة جوابه
موقن بعلم اليجيك و وتدري زلاته وصوابه
ولمن اكصد للزياره واگف الكيك على بابه
شاكر لسعي اليعزي وبيدك تقدم ثوابه
هذا چفي بلمسة الشباچ يشعر يلگه چفك
هذا چفي باجر امن يشوفك يحس چن يعرفك
لهالسبب بيه اعتنائي من اقدملك عزائي
* *
انه من اقره المصيبه اسمع اصوات الروايه
واعرف الدمعه وسيله ولطمة الصدر الها غاية
انتم اختاريتو عرش من الحزن والمدمع ايه
ناس من فاضل تربكم خُلقو بفيض وعنايه
سر گلب عاش الظلامه وتخفي طياته الهدايه
مكتسي بعلم الولايه ومقتدي بهدي ودرايه
هذا سمعي بكل دعاء يسمع جوابات بيقيني
هذا سمعي يسمع اصوات التعجلني بونيني
والذي يعجل بكائي من اقدملك عزائي
* *
جدمي لجدامك تقرب لكن يخاف الدواهي
تجره هالدنيا الدنيه بالرياء وبالتباهي
وكون اضل بكنف ودك ماأضل بروحي لاهي
تاخذ دروبك اجدامي ولا اضل دربي بمتاهي
خاطه احزانك طريقي كون اعيشنها كما هي
والسراجات المضيئه توصل الدرب الالهي
هذا جدمي لو يضل يمشي على دربك ما ابالي
هذا جدمي عايش وماشي جنازات الغوالي
وبالحزن بيك اقتدائي من اقدملك عزائي
* *
خادم الحسين ع
علي العزامي
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
13 August 2026 16:04
وكأنّي بلسان حال السيدة الزهراء عليها السلام وهي تخاطب أبيها رسول الله ( صلى الله عليه وآله وسلم ) بعد رحيله :
عليك من البچي خل يعمن عيوني
وكون آنه بحفرتك بويه خلوني
اعيش المن بعد يا سلوة ظنوني
گومك بويه من بعدك يأذوني
........................................
بويه تراب گبرك من اشمّنّه
حتى ابچي بعد بالبيت أضم مِنّه
أدري بتربك الفردوس والجَنّة
يبويه العيشة بعدك بس بچي وونّة
........................................
أنه بس هالوحيدة بنيتك الزهرة
فوگ ضلوعي فگدك زايد الكسرة
شيحصل بيك اذا اسولف لك العصرة ؟
واشَوّفك بويه عين بنيتك الحمرة
........................................
شيحصل بيك اذا اسولف بعد عالصار ؟
وباب الزهرة بنتك يحترگ بالنار !
ومحسِننا سگط من ضربة المسمار
وللمسجد خذوه مگيد الكرار !
........................................
خادم الإمام الحسين عليه السّلام
سيف المدرس
الـقنـــوات الـرسميــة ✔️
🔹 @
🔸@
🔺@
Читать полностью…
قصائد حسينية مكتوبة عامة
11 August 2026 16:35
عظّم ﷲ أجرك ابهذا المُصاب
يا علي ودّع خليلك للتّراب
----------------------------------------
عظّم ﷲ أجرك ابهذا الجره
يا علي ودّع خليلك للثّرى
"ما يعيش ابلا محمّد حيدرة"
━━━❖✿❖━━━
اِكتب أنتَ إعله الگبر هذا الجواب
يا علي ودّع خليلك للتّراب
----------------------------------------
يا علي ﷲ اليساعد ضامِرَك
وانكسر هالليلة بالهم خاطِرَك
يا علي اتمنّيت أصيرن شاعِرَك
━━━❖✿❖━━━
لحظة الطّبيت دارك بالعذاب
يا علي ودّع خليلك للتّراب
----------------------------------------
يا علي خبّرنا عن حال البتول
شنهو گالت من سكت گلب الرّسول؟
يمكن ابهذا الخبر صارت تگول:
━━━❖✿❖━━━
بويه بعدك راح أعيش باغتراب
يا علي ودّع خليلك للتّراب
----------------------------------------
بويه سِت أشهر أعيش بفرگِتَك
ومِن بعدهن أرتحل يم جنِّتَك
مِن أشوفك راح أقبّل جبهِتَك
━━━❖✿❖━━━
وچفّك الجاب الرّسالة والثّواب
يا علي ودّع خليلك للتّراب
----------------------------------------
يا علي حين الحبيب اتوسِّده
قبّل الجبهة الشّريفة العابِدة
آل عمران إقره ويّه المائِدة
━━━❖✿❖━━━
مِن يموت النّبي إيصير الإنقلاب
يا علي ودّع خليلك للتّراب
----------------------------------------
يا علي البايعك هوّه الينقلب
لأن ما عنده ضمير ولا گلب
إشلون بالغربيل نورك ينحِجِب؟
━━━❖✿❖━━━
هاي زحمة وما يصير إلها احتساب!!
يا علي ودّع خليلك للتّراب
----------------------------------------
رادوا إيقيلوك عن حكم الأنام
حتّى يرتاحون من چلمة: حرام
لأن دولة حيدرة بيها إلتزام
━━━❖✿❖━━━
مثل دولة طه نفس الاقتراب
يا علي ودّع خليلك للتّراب
-------------------&---------------------
شِعر: أميـر الزبـيـدي
الـقنـــوات الـرسميــة ✔️
🔹 @
🔸@
🔺@
Читать полностью…
18543