235
باریشماز ( استاد حیدر عباسی )
دئدی :
دایانما دور گئدک،
دایانماق یاراشماز بیزه.
دئدیم : ایاقلاریمدا کونده وار.
دئدی : کول آغلینا
گئدنلر بو یولو
ایاغینان یوخ
باشینان گئدیبلر ...
دووارلار _ باریشماز
🅱 @BARISHMAZ_MARAGHEH
أل چک یاخامیزدان قارا روزگار
آغارتدین باشیمی قاش دا اوسته لیک
تئلسیزه چکدیردین قزیلدان داراق
قاشسیزا قونداردین قاش دا اوسته لیک
یاوان چؤره ییمی قانیما قاتدین
أسلانی یوخلادیب ایتی اویالتدین
باریشماز اولماغا داشیمی آتدین
پیشیردین یولوما آش دا اوسته لیک
گتیردین باشیما هرنه وار اویون
یوماغا دؤندردین سرولر بویون
گؤرمه دیم سنین تک قورد اورک قویون
اوتانما آت گلسین داش دا اوسته لیک
دونیالیق یئلینه اگیلمز باشیم
خنجردیر بیلیرم بوغاز سیرداشیم
دیلیمدن بیلیرم پیشیبدبر آشیم
بو یولدا قویموشام باش دا اوسته لیک
دونیانین یئنیشین ائله دین یوخوش
بولبوللر یئرینه اوخودو بایقوش
قینینا چکیبدیر باشین هر قوش
اود ویردین قورویا یاش دا اوسته لیک
چیخارسیز الینه وئردین اختیار
نامردی ائله دین یامان بختیار
آتماغا دئ گوروم داها نه یین وار
بویور اویناتگینان قاش دا اوسته لیک
"استاد باریشماز- غزل لر و قوشمالار"
🅱️ @BARISHMAZ_MARAGHEH