Bilimni baholash agentligi

01 Apr 2025 19:07

⭕️⭕️⭕️

🇺🇿 Ona tili va adabiyot fanidan (milliy test tizimi bo‘yicha ) repetitsion test sinovi uchun ro‘yxatga olish boshlandi

⚠️ DIQQAT! Hurmatli talabgorlar! Shoshiling! Joylar soni chegaralangan.

📖 2025-yil 16-aprel kuni soat 9:00 da Ilmiy-o‘quv amaliy markazi tomonidan ona tili fanidan (milliy test tizimi bo‘yicha) navbatdagi diagnostik test sinovi o‘tkaziladi.

👀 Bilim sari yana bir qadam tashlashga tayyormisiz? O‘zingizni sinab ko‘ring, natijalaringiz sizni hayratda qoldirishi mumkin!

Afzalliklari:
- Haqiqiy milliy test tizimi imtihoniga tayyorgarlik ko‘rish;
- O'zbek tili va adabiyoti fani bo'yicha bilim darajangizni baholash, kuchli va zaif tomonlaringizni aniqlash;
- Natijangiz to‘g‘risida tezkor (10 kun) xabardor bo'lish;
- O‘z ustingizda ishlash uchun ajoyib imkoniyatlardan biri hisoblanadi.

🗺 Test sinovi Qoraqalpog‘iston Respublikasi, viloyatlar va Toshkent shahrida tashkil etiladi. Bunda https://my.uzbmb.uz/ilmiy-service havola orqali ro‘yxatdan o‘tib, tegishli to‘lov (119 000 so‘m) ni amalga oshirib test sinovlarida qatnashishingiz mumkin.

🗓 Ro‘yxatga olish muddati - 07-aprel soat 10-00 ga qadar.
Test o‘tkazish kuni 16-aprel.

🤖 Natijangizni @bba_ilmiy_mock_exam_results_bot boti orqali bilib olishingiz mumkin.

👥 MOCK guruhi @mockbba

☎️ Murojaat uchun:
🔹 (95) 515-68-68.

llmiy markazning telegram kanali:
🏢 @IlmiyMarkazUz

Bilimni baholash agentligi

01 Apr 2025 12:37

#Korrupsiya

📞 Korrupsiya haqida xabar bering!

Hurmatli fuqarolar! Agar siz, Bilimni baholash agentligida korrupsiyaga oid huquqbuzarliklarga duch kelsangiz, quyidagi aloqa manzillariga xabar berishingizni so‘raymiz:

📞 Ishonch telefoni: +998951991914

✍️ Xolis fuqaro: uzbmb.uz/page/reception

📫 Elektron pochta: antikor@uzbmb.uz

🤖 Telegram-bot: @bmbaanticor_bot

Call-markaz: 1195

❗️ Eslatib o‘tamiz: Qonunchilikda korrupsiyaga oid huquqbuzarliklar to‘g‘risida xabar qiluvchi shaxslar va ularning yaqin qarindoshlari davlat himoyasida bo‘lishi belgilangan.

✔️ Agentlikning rasmiy sahifalari:
Telegram | Facebook | Instagram | BaholashUz">YouTube

Bilimni baholash agentligi

28 Mar 2025 14:00

Nostrifikatsiya bo‘yicha navbatdagi test sinovlari o‘tkazildi

✅ 2025-yil 28-mart kuni xorijiy davlatda oliy ta’lim olganlik to‘g‘risidagi hujjatlarni tan olish (nostrifikatsiya qilish) bo‘yicha navbatdagi test sinovlari bo‘lib o‘tdi.

🗺 Mazkur test sinovi talabgorlarga qulaylik yaratish maqsadida ularning doimiy yashash hududiga yaqin bo‘lgan respublikaning 13 ta hududida tashkil etildi.

📚 Test sinovida talabgorlarga mutaxassislik fanlaridan 50 ta test topshirig‘i (har bir to‘g‘ri javob uchun 2 ball) va ularni ishlash uchun 100 daqiqa vaqt berildi.

🖥 Test sinovi maxsus ishlab chiqilgan dastur orqali elektron shaklda o‘tkazildi va talabgorlar test sinovi yakunlanishi bilan o‘z natijalarini bilish imkoniyatiga ega bo‘ldi.

✅ Test natijalariga ko‘ra 56 va undan yuqori ball to‘plagan talabgorlarning xorijiy davlatda ta’lim olganlik to‘g‘risidagi hujjatlari tan olinadi.

Agentlikning rasmiy sahifalari:
Telegram | Facebook | Instagram | BaholashUz">YouTube

Bilimni baholash agentligi

28 Mar 2025 09:21

#korrupsiya_kurashish
#yigʻilish

Korrupsiyaga qarshi kurashish va uning oldini olish bo‘yicha kelgusidagi rejalar belgilab olindi

📌Joriy yil 5-mart kuni davlatimiz rahbari raisligida korrupsiyaga qarshi kurashish yo‘nalishida o‘tkazilgan yig‘ilishda berilgan topshiriqlar ijrosini ta’minlash maqsadida Bilim va malakalarni baholash agentligida korrupsiyaga qarshi chora-tadbirlarni kuchaytirish bo‘yicha yig‘ilish o‘tkazildi.
📝 Unda Bilim va malakalarni baholash agentligi xodimlari hamda Bosh prokuratura mutasaddilari ishtirok etdi.
Yig‘ilishda korrupsiyaning oldini olish va kelgusi profilaktik choralarni amalga oshirish masalalari muhokama qilindi.

Bilimni baholash agentligi

27 Mar 2025 09:43

😎 Bilim va malakalarni baholash agentligi huzuridagi Ilmiy-o‘quv amaliy markazi tomonidan Attanal Alarabi imtihoni uchun talabgorlar onlayn ro‘yxatga olinmoqda

Attanal Alarabi – arab tilini bilish darajasini aniqlash uchun mo‘ljallangan xalqaro imtihonlardan biri hisoblanadi.

Bunda nomzodlarning:
🔵 tinglab tushunish
🔵 o‘qish
🔵 gapirish
🔵 so‘z boyligi va grammatika
🔵 yozish ko‘nikmalari test sinovidan o‘tkaziladi.

📱 Mazkur imtihon uchun talabgorlar 15-aprelga qadar ro‘yxatga olinadi va to’lovni amalga oshirishadi.

➡️ Ro‘yxatdan o‘tish uchun havola: USTIGA BOSING

💰 To’lov qilish uchun havola: USTIGA BOSING

💰 Attanal Alarabi imtihoni narxi – 1 267 000 so‘m.

🗺 Imtihon 18-aprel kuni Toshkent shahrida Bilimni baholash agentligi binosida (Bog’ishamol ko’chasi 12-uy, mo‘ljal: “Bodomzor” metro bekati) o‘tkaziladi.

☎️ (95) 515-68-68

🏢 @IlmiyMarkazUz

Bilimni baholash agentligi

25 Mar 2025 08:21

#Yer_vaqti
25-mart kuni butun dunyoda “Sayyoramiz soati” aksiyasi bo‘lib o‘tadi. Ushbu aksiya doirasida Yer sayyorasiga g‘amxo‘rlik qilish, tabiiy resurslarni asrash maqsadida bir soatga elektr jihozlarini o‘chirish tavsiya etiladi.

Sizni ham ushbu global tashabbusda ishtirok etishga chorlaymiz! Keling, tabiatga o‘z e’tiborimizni qaratib, ekologik muammolar haqida birgalikda o‘ylaylik. Har birimizning kichik hissamiz kelajak uchun katta o‘zgarish yasashi mumkin! 🌱✨

✔️ Agentlikning rasmiy sahifalari:
Telegram | Facebook | Instagram | BaholashUz">YouTube

Bilimni baholash agentligi

21 Mar 2025 07:32

💚 Navro‘zingiz muborak!

🌸Navro‘z – yangi kun, sharqona yil boshi, qadriyatlar bayrami.

🌿Yangilanish borliqqa chiroy, insoniyatga xush kayfiyat baxsh etadi. Navro‘z azaldan yangilanish avvali, tabiatning uyg‘onishi, atrof yashillikka burkanishi, yerga rizq-baraka urug‘lari qadalishi, nav-nihollar ekilishi bilan uyg‘un kechadigan bahorning eng go‘zal, qadrli va boqiy ayyomidir.

🌹Navro‘z mehr-oqibat, xayr-saxovat, azaliy qadriyatlar va go‘zal an’analar bayrami hamdir.

🌺Bu yilgi bahor, Navro‘z yurtimizga va xonadonlarimizga qutlug‘, xayrli va barakali kelsin!

🌺Navro‘z bilan boshlanadigan yasharish, yashnash, ko‘rkamlik va iliqlik barchamizga faqat yaxshiliklarni tuhfa etsin!

🎉Navro‘zi Olam muborak, aziz yurtdoshlar!

Bilimni baholash agentligi

20 Mar 2025 14:00

🍀Bugun Bilim va malakalarni baholash agentligida “Qadriyatlaring boqiy bo‘lsin, Navro‘z!” shiori ostida ma’naviy-ma’rifiy tadbir bo'lib o'tdi!

🌸Tadbirda taniqli adib va ijodkor Bobur Bobomurod hamda yosh olima Orzigul Hamroyeva mehmon bo'lishdi. Navro‘z ruhi hammani birlashtirgan ushbu mushoirada bayramga oid go'zal she'rlar aytildi va ijodiy chiqishlar taqdim etildi.

Adabiyot va bayramona kayfiyat uyg‘unligi barcha ishtirokchilarga unutilmas taassurot qoldirdi. 🌸✨

Bilimni baholash agentligi

19 Mar 2025 16:22

#natija_chet_tili

⚡️ Chet tili imtihoni natijalari e’lon qilindi

✅ 2025-yil 15-fevraldan 12-martga qadar bo‘lib o‘tgan chet tilini bilish darajasini aniqlash test sinovi natijalari e’lon qilindi.

👨🏻‍💻 Test natijalari my.gov.uz saytida e’lon qilingan bo‘lib, talabgorlar "Mening arizalarim" bo‘limidan o‘z natijalari bilan tanishishlari mumkin.

📱 Test sinovidan muvaffaqiyatli o‘tgan talabgorlar o‘z sertifikatlarini my.gov.uz sayti orqali elektron tarzda yuklab oladilar.

❗️O‘z natijasidan norozi bo‘lgan talabgorlar 3 kun ichida my.gov.uz sayti orqali apellatsiya shikoyati berishlari mumkin. Apellatsiya shikoyati ikki hafta ichida ko‘rib chiqiladi.

✔️ Agentlikning rasmiy sahifalari:
Telegram | Facebook | Instagram | BaholashUz">YouTube

Bilimni baholash agentligi

19 Mar 2025 09:27

🇺🇸🇺🇸🇺🇸 😊😊😊

Chet tilini (🇺🇸 ingliz, 🇸🇦 arab, 🇹🇷 turk tillari) bilish darajasini aniqlashning ko‘p darajali tizimi (multilevel) bo‘yicha diagnostik test sinovi

✅ 2025-yil 14-aprel kuni soat 9:00 da Ilmiy-o‘quv amaliy markazi tomonidan tashkil etiladigan chet tilini (ingliz, arab, turk tillari) bilish darajasini aniqlashning ko‘p darajali tizimi (multilevel) bo‘yicha diagnostik test sinovi (mock exam) o‘tkaziladi

🗺 Test sinovi Qoraqalpog‘iston Respublikasi, viloyatlar va Toshkent shahrida tashkil etiladi. Unda https://my.uzbmb.uz/ilmiy-service havolasi orqali ro‘yxatdan o‘tgan holda, tegishli to‘lov (119 000 so‘m) ni amalga oshirgan talabgorlar ishtirok etishlari mumkin bo‘ladi.

🗓 Ro‘yxatga olish muddati — 07-aprel soat 10-00 ga qadar.
⏳ To‘lov qilish muddati — 07-aprel soat 10-00 ga qadar.
✍️ Test o‘tkazish kuni — 14-aprel.

🤖 Natijangizni @bba_ilmiy_mock_exam_results_bot boti orqali bilib olishingiz mumkin.

👥 MOCK guruhi @mockbba

☎️ (95) 515-68-68

🏢 @IlmiyMarkazUz

Bilimni baholash agentligi

18 Mar 2025 12:55

Davlat tilida rasmiy ish yuritish bo‘yicha test sinovi natijalari e’lon qilindi

✅ 2025-yil 26-fevral kuni rahbar kadrlar va mas’ul lavozimga tayinlanadigan shaxslar uchun davlat tilida rasmiy ish yuritish bo‘yicha o‘tkazilgan test sinovi natijalari e’lon qilindi.

📱 Test sinovida ishtirok etgan talabgorlar o‘z natijalarini dt.uzbmb.uz sayti orqali bilishlari va o‘z sertifikatlarini yuklab olishlari mumkin.

👨🏻‍💻 Buning uchun “Natijani ko‘rish” bo‘limiga talabgorning pasport seriyasi va raqami hamda shaxsiy identifikatsiya raqamini kiritish lozim.

✔️ Agentlikning rasmiy sahifalari:
Telegram | Facebook | Instagram | BaholashUz">YouTube

Bilimni baholash agentligi

15 Mar 2025 06:25

Gapirish ko‘nikmasini baholash imtihonlari yakunlandi
#turk_tili
✅ 2025-yil 2-mart kuni turk tilini bilish darajasini aniqlash test sinovlarining yozma (tinglab tushunish, o‘qish, yozma ish) qismi bo‘lib o‘tgan edi.

🎤 Test sinovining yozma qismida ishtirok etgan talabgorlar uchun 2025-yil 3-martdan 14-martga qadar gapirish ko‘nikmasini baholash imtihonlari o‘tkazildi.

👨🏻‍🎓 Unda 4 nafar talabgor tartib-qoidani buzgani uchun imtihondan chetlatildi.

❕ Izoh: Test sinovi natijalari 24-martda e’lon qilinadi.

✔️ Agentlikning rasmiy sahifalari:
Telegram | Facebook | Instagram | BaholashUz">YouTube

Bilimni baholash agentligi

13 Mar 2025 12:22

Diagnostik test xizmati elektron shaklda yo‘lga qo‘yildi

Ma’lumki, Bilimni baholash agentligi tomonidan OTMlarga kirish test sinovlari formatidagi diagnostik test sinovlari o‘tkaziladi.

🖥 Mazkur xizmat hozirga qadar qogʻoz shaklida ko‘rsatilgan boʻlib, endilikda ushbu xizmatdan elektron shaklda foydalanish mumkin.

✅ Bunda barcha "Diagnostik test materiallarini elektron shaklda olish" xizmati orqali diagnostik test sinovi topshirib, uning natijasini "Diagnostik test sinovlari natijasini onlayn tekshirish" xizmati orqali tekshirishlari mumkin.

📚 Diagnostik test sinovlari orqali abituriyentlar o‘z bilimini sinovdan o‘tkazish va OTMlarga kirish test sinovlariga puxta tayyorgarlik ko‘rish imkoniyatiga ega bo‘ladi.

✔️ Agentlikning rasmiy sahifalari:
Telegram | Facebook | Instagram | BaholashUz">YouTube

Bilimni baholash agentligi

13 Mar 2025 08:03

#Abituriyent2025 #JavoblarVaraqasi

⚡️Oliy ta’lim, fan va innovatsiyalar vazirligining tegishli buyrug‘i bilan 2025/2026-o‘quv yili qabuli kirish test sinovlarida abituriyentning bilimini baholash uchun javoblar varaqasi namunasi tasdiqlandi.

💾 Javoblar varaqasini PDF shaklida yuklab olish.

👉 Fanlar majmuasi bu yerda

Bizni kuzating

Bilimni baholash agentligi

12 Mar 2025 14:21

Gapirish ko‘nikmasini baholash imtihonlari yakunlandi

✅ 2025-yil 15-16-fevral kunlari chet tilini bilish darajasini aniqlash test sinovlarining yozma (tinglab tushunish, o‘qish, yozma ish) qismi bo‘lib o‘tgan edi.

🎤 Test sinovining yozma qismida ishtirok etgan talabgorlar uchun 2025-yil 17-fevraldan 12-martga qadar gapirish ko‘nikmasini baholash imtihonlari o‘tkazildi.

👨🏻‍🎓 Unda 63 nafar talabgor tartib-qoidani buzgani uchun imtihondan chetlatildi.

❕ Izoh: Test sinovi natijalari 19-martda e’lon qilinadi.

✔️ Agentlikning rasmiy sahifalari:
Telegram | Facebook | Instagram | BaholashUz">YouTube

Bilimni baholash agentligi

01 Apr 2025 16:21

Milliy test tizimida Kimyo fanidan ekspert sifatida ishlash imkoniyati

🔬 Kimyo fanidan bilim darajasini baholash bo‘yicha malaka oshirish kursi uchun talabgorlarni ro‘yxatga olish boshlandi.

👤 Malaka oshirish kursi 24 soatga mo‘ljallangan bo‘lib, 11-aprelda Zoom platformasi orqali onlayn shaklda tashkil etiladi. Kurs davomida xorijlik (Niderlandiya) mutaxassislar ham jalb qilinadi.

⏳ Kursda tinglovchilarga Kimyo fanidan test topshiriqlarni shakllantirish hamda ochiq test topshiriqlarni va yozma ishlarni baholash bo‘yicha nazariy va amaliy mashg‘ulotlar (o‘zbek tilida) o‘tkaziladi.

✅ Malaka oshirish kursini MUVAFFAQIYATLI tamomlagan talabgorlar shartnoma asosida Bilimni baholash agentligiga ekspert sifatida jalb etilishi mumkin.

☝️ Ilmiy-o‘quv amaliy markazida Kimyo fanidan malakasini oshirgan fan mutaxassislaridan kurs yakunida portfolio, mutaxassislik bo‘yicha diplom hamda fanni bilish darajasi bo‘yicha Milliy sertifikat (B, B+, A yoki A+ darajadagi) talab qilinadi;

✅ Ta’lim sohasida faoliyat yuritayotgan hamda jamiyat va Vatan rivojiga hissa qo‘shishga chin dildan intilgan, fidoiy pedagoglarni kutib qolamiz.

➡️ Malaka oshirish kursida ishtirok etish istagini bildirgan talabgorlar 11-aprel kuniga qadar https://my.uzbmb.uz/ilmiy-service havolasi orqali onlayn ro‘yxatdan o‘tib, to‘lovni amalga oshirgan holda malaka oshirish kursida ishtirok etishlari mumkin.

☎️ (95) 515-68-68

🏢 @IlmiyMarkazUz

Bilimni baholash agentligi

30 Mar 2025 01:01

🎙 Qadrli yurtdoshlar!

😎 Bilim va malakalarni baholash agentligi dillarimizga quvonch, dasturxonlarimizga qut-baraka, oilamizga tinchlik ne’matlarini olib keluvchi, mehr-oqibat, ezgulik va saxovat ramzi bo‘lgan Ramazon hayiti (Iyd al-Fitr) bilan samimiy muborakbod etadi!

🇺🇿 Xalqimizni marhamatli Alloh ezgulik va shukronalik, Haq yo‘lida sobitqadamlik bilan siylasin! Orzularingiz ijobatini ziyodasi bilan tuhfa etsin! Ramazon oyining muqaddas kunlarida qilingan savob ishlaringiz, pok niyatlaringiz, ibodatlaringiz va ezgu duolaringiz ro‘yobi nasib etsin!

🟡 Ramazon hayitingiz muborak bo‘lsin!

✔️ Agentlikning rasmiy sahifalari:
Telegram | Facebook | Instagram | BaholashUz">YouTube

Bilimni baholash agentligi

28 Mar 2025 12:25

🇺🇸 iTEP imtihoni uchun talabgorlar ro‘yxatga olinmoqda

iTEP (International Test of English Proficiency) — ingliz tilini bilish darajasini aniqlash uchun mo‘ljalllangan xalqaro imtihonlardan biri bo‘lib, unda talabgorlarning:

🔹 tinglab tushunish;
🔹 o‘qish;
🔹 grammatika;
🔹 yozish;
🔹 gapirish ko‘nikmalari sinovdan o‘tkaziladi.

📱 Mazkur imtihon uchun talabgorlar 15-aprelga qadar ro‘yxatga olinadi va to’lovni amalga oshirishadi.

➡️ Ro‘yxatdan o‘tish uchun havola: USTIGA BOSING

💰 To’lov qilish uchun havola: USTIGA BOSING

😎 Imtihon 18-aprel kuni Toshkent shahrida Bilimni baholash agentligi binosida (Bog’ishamol ko’chasi 12-uy, mo‘ljal: "Bodomzor" metro bekati) o‘tkaziladi va natijalar 24 soat ichida e’lon qilinadi.

✅ Imtihon topshirish narxi - 1 657 000 so‘m
➡️ iTEP uchun mock test 👉 https://www.iteptest.com/preview

🎓 iTEP xalqaro sertifikati orqali Siz magistratura va doktorantura bosqichlariga o‘qishga qabul qilinishingiz mumkin.

☎️ (95) 515-68-68

🏢 @IlmiyMarkazUz

Bilimni baholash agentligi

27 Mar 2025 15:42

⚡️Shaharsozlik va uy-joy kommunal xo‘jaligi sohalari mutaxassislariga sertifikat berish bo‘yicha test sinovlari o‘tkazildi

✅ Test sinovlari O‘zbekiston Respublikasi Vazirlar Mahkamasining “Shaharsozlik va uy-joy kommunal xo‘jaligi sohalari mutaxassislarini sertifikatlash tizimini joriy etish to‘g‘risida” 2023-yil 11-sentabrdagi 460-son qarori asosida o‘tkazib kelinmoqda.

🖥 Test sinovlari Bilimni baholash agentligining “Onlayn test” axborot tizimida 2025-yil 27-mart kuni Qoraqalpog‘iston Respublikasi, viloyatlar va Toshkent shahrida tashkil etildi.

👨‍🏭Test sinovlarida jami 789 nafar talabgor ishtirok etdi.
🚫Test sinovlaridan jami 9 nafar talabgor tartib qoidalarni buzgani uchun chetlatildi.

❇️ Talabgorlar imtihon natijalarini shu vaqtning o‘zida bilishadi hamda test sinovlari qaydnomasi Qurilish va uy-joy kommunal xo‘jaligi vazirligi huzuridagi Kompetensiyani rivojlantirish institutiga taqdim etiladi.

✔️ Agentlikning rasmiy sahifalari:
Telegram | Facebook | Instagram | BaholashUz">YouTube

Bilimni baholash agentligi

25 Mar 2025 08:50

⭕️⭕️⭕️

⚠️ Chet tilidan yozish va gapirish ko‘nikmalarini baholash bo‘yicha malaka oshirish kursi

✅ “Chet tilidan yozish va gapirish ko‘nikmalarini baholash” bo‘yicha malaka oshirish kursi uchun talabgorlarni ro‘yxatga olish boshlandi.

🗓 Malaka oshirish kursi 36 soatga mo‘ljallangan bo‘lib, 22-apreldan onlayn tarzda bo‘lib o‘tadi.

⏳ Unda tinglovchilarga chet tilidan yozish va gapirish ko‘nikmalarini baholash bo‘yicha nazariy va amaliy mashg‘ulotlar (o‘zbek tilida) o‘tkaziladi.

✅ Malaka oshirish kursini muvaffaqiyatli (portfolio hamda chet tilini bilishi haqida C1 darajadagi sertifikatga ega pedagogik kadrlar) tamomlagan talabgorlar shartnoma asosida Bilimni baholash agentligiga ekspert sifatida jalb etilishi mumkin.

➡️ Malaka oshirish kursida ishtirok etish istagini bildirgan talabgorlar 21-aprel kuniga qadar https://my.uzbmb.uz/ilmiy-service havolasi orqali onlayn ro‘yxatdan o‘tib, to‘lovni amalga oshirgan holda malaka oshirish kursida ishtirok etishlari mumkin.

☎️ (95) 515-68-68

🏢 @IlmiyMarkazUz

Bilimni baholash agentligi

24 Mar 2025 14:20

⚡️ Chet tili (turk tili) imtihoni natijalari e’lon qilindi

✅ 2025-yil 2-14-martga qadar bo‘lib o‘tgan chet tili (turk tili)ni bilish darajasini aniqlash test sinovi natijalari e’lon qilindi.

👨🏻‍💻 Test natijalari my.gov.uz saytida e’lon qilingan bo‘lib, talabgorlar "Mening arizalarim" bo‘limidan o‘z natijalari bilan tanishishlari mumkin.

📱 Test sinovidan muvaffaqiyatli o‘tgan talabgorlar o‘z sertifikatlarini my.gov.uz sayti orqali elektron tarzda yuklab oladilar.

❗️O‘z natijasidan norozi bo‘lgan talabgorlar 3 kun ichida my.gov.uz sayti orqali apellatsiya shikoyati berishlari mumkin. Apellatsiya shikoyati ikki hafta ichida ko‘rib chiqiladi.

✔️ Agentlikning rasmiy sahifalari:
Telegram | Facebook | Instagram | BaholashUz">YouTube

Bilimni baholash agentligi

20 Mar 2025 15:15

#sertifikat_natija

⚡️Milliy sertifikat imtihoni natijalari e’lon qilindi

📝 2025-yil 22–23-fevral kunlari o‘tkazilgan matematika, fizika, geografiya va tarix fanlari bo‘yicha milliy sertifikat imtihoni natijalari e’lon qilindi.

📱 Talabgorlar o‘z natijalarini my.gov.uz saytining "Mening arizalarim" bo‘limi orqali bilishlari va sertifikatni elektron tarzda yuklab olishlari mumkin.

✅ Test natijalari xalqaro metodika – Rash modeli asosida hisoblangan bo‘lib, talabgorlarga to‘plagan bali asosida quyidagicha sertifikat taqdim etiladi:

🔹 70 balldan yuqori ball — A+ daraja;
🔹 65 - 69,9 ball — A daraja;
🔹 60 - 64,9 ball — B+ daraja;
🔹 55 - 59,9 ball — B daraja;
🔹 50 - 54,9 ball — C+ daraja;
🔹 46 - 49,9 ball — C daraja.

✅ Sertifikatga ega abituriyentlarga OTMlarning bakalavriatiga kirish test sinovlarida quyidagi tartibda ball beriladi:

🔸 A+, A darajali sertifikat uchun — tegishli mutaxassislik fanidan maksimal ball;
🔸B+, B, C+, C darajali sertifikat uchun — tegishli mutaxassislik fanidan proporsional ball.

❗️Shuningdek, akademik litseylarga kirish test sinovlarida sertifikatga ega o‘quvchilarga tegishli fandan maksimal ball beriladi.

✔️ Agentlikning rasmiy sahifalari:
Telegram | Facebook | Instagram | BaholashUz">YouTube

Bilimni baholash agentligi

20 Mar 2025 13:42

#natija #chet_tili

⚡️ Ko‘zi ojiz shaxslar uchun o‘tkazilgan chet tili imtihoni natijalari e’lon qilindi

✅ 2025-yil 14-mart kuni bo‘lib o‘tgan ko‘zi ojiz shaxslar uchun chet tilini bilish darajasini aniqlash test sinovi natijalari e’lon qilindi.

👨🏻‍💻 Test natijalari my.gov.uz saytida e’lon qilingan bo‘lib, talabgorlar “Mening arizalarim” bo‘limidan o‘z natijalari bilan tanishishlari mumkin.

📱 Test sinovidan muvaffaqiyatli o‘tgan talabgorlar o‘z sertifikatlarini my.gov.uz sayti orqali elektron tarzda yuklab oladilar.

❗️ O‘z natijasidan norozi bo‘lgan talabgorlar 3 kun ichida my.gov.uz sayti orqali apellatsiya shikoyati berishlari mumkin. Apellatsiya shikoyati ikki hafta ichida ko‘rib chiqiladi.

✔️ Agentlikning rasmiy sahifalari:
Telegram | Facebook | Instagram | BaholashUz">YouTube

Bilimni baholash agentligi

19 Mar 2025 14:05

⚡️ Guruh nazoratchiligiga ro‘yxatdan o‘tgan talabgorlar diqqatiga!

📣 Bilimni baholash agentligi tomonidan test sinovlarida nazoratchi sifatida ishtirok etish istagida bo‘lgan nomzodlar uchun tanlov e’lon qilingan edi.

📱 Unga ko‘ra 2025-yil 1-fevraldan 1-martga qadar my.uzbmb.uz saytining “Guruh nazoratchiligiga ikkinchi tanlov” bo‘limi orqali nomzodlar ro‘yxatga olindi.

📆 Ro‘yxatdan o‘tgan nomzodlar uchun barcha hududlarda 24-mart kunidan oflayn tarzda o‘quv-seminar mashg‘ulotlari boshlanadi.

✅ O‘quv-seminar mashg‘ulotlarida ishtirok etish bo‘yicha ruxsatnoma nomzodlarning shaxsiy kabinetiga joylashtirildi.

📝 Ruxsatnomada nomzodlar qachon, qayerda seminarda ishtirok etishi ko‘rsatilgan bo‘lib, ruxsatnomani my.uzbmb.uz sayti orqali shaxsiy kabinetdan yuklab olish mumkin.

❕ Izoh: o‘quv-seminar mashg‘ulotlariga o‘z vaqtida kelmagan nomzodlar tanlovdan chetlatiladi.

✔️ Agentlikning rasmiy sahifalari:
Telegram | Facebook | Instagram | BaholashUz">YouTube

Bilimni baholash agentligi

19 Mar 2025 06:16

🌱 “Dolzarb bir oylik” – obodonlashtirish va yashil muhit sari muhim qadam!

😎 Bilimni baholash agentligi va uning hududiy bo‘limlari “Dolzarb bir oylik” obodonlashtirish safarbarligida faol ishtirok etmoqda. Ushbu tashabbus doirasida atrof-muhitni tozalash, hududlarni obodonlashtirish va yashillikni ko‘paytirish bo‘yicha keng qamrovli ishlar amalga oshirilmoqda.

✍️ Tashabbus doirasida quyidagi ishlar olib borilmoqda:

✅ Daraxt va gul ko‘chatlarini ekish, yashil maydonlarni kengaytirish;
✅ Chiqindilarni saralash va tozalash tadbirlarini amalga oshirish;
✅ Hududlarni tozalash, qurigan shox-shabbalarni yig‘ishtirish va chiqindilarni olib chiqish;
✅ Ish joylarida ekologik madaniyatni shakllantirish va energiya tejash choralarini ko‘rish.

🌿 Obodonlashtirish faqatgina tashqi ko‘rinishni yaxshilash emas, balki jamiyatimiz kelajagiga qo‘shilgan muhim hissa hamdir!

Atrof-muhitni asrash va yashil makon yaratish orqali nafaqat shahar va qishloqlarimizni go‘zallashtiramiz, balki ekologik muhitni yaxshilashga ham katta hissa qo‘shamiz. Har bir ekilgan ko‘chat kelajak avlodlar uchun sof havo va sog‘lom muhit demakdir.

Tabiat bizdan e’tibor kutadi! Har birimiz o‘z atrofimizni obodonlashtirishga hissa qo‘shishimiz kerak. Keling, birgalikda toza, yashil va ozoda muhit yaratamiz!

📢 Siz ham ushbu tashabbusga qo‘shiling va tabiatni asrash yo‘lida o‘z hissangizni qo‘shing!

✔️ Agentlikning rasmiy sahifalari:
Telegram | Facebook | Instagram | BaholashUz">YouTube

Bilimni baholash agentligi

17 Mar 2025 10:04

Milliy sertifikat imtihoni bo‘lib o‘tdi

🇺🇿 2025-yil 15–16-mart (shanba-yakshanba) kunlari kimyo va biologiya fanlaridan milliy sertifikat imtihoni bo‘lib o‘tdi.

📍 Imtihonlar talabgorlarga qulay bo‘lishi uchun Qoraqalpog‘iston Respublikasi, viloyatlar va Toshkent shahrida tashkil etildi.

📝 Unda jami 31 ming nafardan ziyod talabgor ishtirok etdi va 39 nafar talabgor tartib-qoidani buzgani uchun test sinovidan chetlatildi.

✅ Imtihon natijalari yigirma bir ish kuni ichida xalqaro metodika — Rash modeli asosida hisoblanib, e’lon qilinadi.

✔️ Agentlikning rasmiy sahifalari:
Telegram | Facebook | Instagram | BaholashUz">YouTube

Bilimni baholash agentligi

14 Mar 2025 08:14

⚡️ Ko‘zi ojiz shaxslar uchun chet tili imtihoni o‘tkazildi
#maxsus_imtihon
📆 Bilimni baholash agentligi tomonidan ko‘zi ojiz shaxslarga xorijiy tillarni o‘rganishda qulay va maqbul muhit yaratish maqsadida alohida format ishlab chiqilib, 2024-yil noyabr oyida aprobatsiyadan o‘tkazilgan edi.

✅ Aprobatsiyadan kelib chiqqan holda tizim yanada takomillashtirilib, 2025-yil fevral oyida ko‘zi ojiz shaxslar uchun alohida format asosida chet tilini bilish darajasini aniqlash imtihonlari tashkil etilgan edi.

✅ 2025-yil 14-mart kuni ko‘zi ojiz shaxslar uchun alohida format asosida chet tilini bilish darajasini aniqlash imtihonlari ham talabgorlarga qulay bo‘lishi uchun Qoraqalpog‘iston Respublikasi, viloyatlar va Toshkent shahrida kompyuterda maxsus ishlab chiqilgan dastur asosida o‘tkazildi.

🎧 Imtihon tinglab tushunish va gapirish ko‘nikmalarini baholashga asoslangan bo‘lib, jarayonda talabgorlarga assistent biriktirildi hamda respublika bo‘yicha jami 57 nafar talabgor ushbu maxsus imtihonda ishtirok etdi.

✔️ Agentlikning rasmiy sahifalari:
Telegram | Facebook | Instagram | BaholashUz">YouTube

Bilimni baholash agentligi

13 Mar 2025 08:05

#Abituriyent2025 #BaholashMezoni

☄️ 2025/2026-o‘quv yili bakalavriatga qabul uchun test sinovi topshiriladigan fanlar boʻyicha test topshiriqlari soni hamda baholash mezonlari

Oliy ta’lim, fan va innovatsiyalar vazirligining tegishli buyrug‘i bilan 2025/2026-o‘quv yili uchun respublika oliy taʼlim muassasalarining bakalavriat taʼlim yoʻnalishlariga mos test sinovi topshiriladigan fanlar boʻyicha test topshiriqlari soni hamda baholash mezonlari tasdiqlandi (mezonlar o‘tgan yilgi qabuldek qoldirildi).

💬Unga ko‘ra:

◀️ Barcha test topshiruvchilar uchun majburiy 3 ta fan:

🔸 Ona tili (o‘zbek, rus, qoraqalpoq) x 10 ta;
🔹 Matematika x 10 ta;
♦️ O‘zbekiston tarixi x 10 ta;
✔️30 ta savol uchun 1.1 balldan jami 33 ball.

◀️Bakalavriat ta’lim yo‘nalishiga mos bo‘lgan 2 ta fan:

➡️1-fan: 30 ta savol x 3.1 ball = 93.0 ball
➡️2-fan: 30 ta savol x 2.1 ball = 63.0 ball
✔️60 ta savoldan jami 156,0 ball.

🟩2025/2026-o‘quv yili qabulida abituriyentlarga umumiy 5 ta fan bo‘yicha jami 90 ta test topshirig‘i beriladi. Bunda to‘plash mumkin bo‘lgan maksimal ball – 189 ballni tashkil etadi.

‼️Eslatma o‘rnida
👉 Fanlar majmuasi bu yerda
👉 Javoblar varaqasi bu yerda

Bizni kuzating

Bilimni baholash agentligi

13 Mar 2025 07:53

#Sayyor_qabul

Qoraqalpog‘iston Respublikasida sayyor qabul

📋Bilimni baholash agentligi rahbariyati tomonidan Agentlik faoliyatiga oid masalalar yuzasidan jismoniy va yuridik shaxslarning murojaatlarini ko‘rib chiqish maqsadida sayyor qabullar tashkil etilmoqda.

📆 Navbatdagi sayyor qabul Bilim va malakalarni baholash agentligi huzuridagi Ilmiy-oʻquv amaliy markazi boshligʻi Baratov Akmal Abdumajitovich tomonidan Qoraqalpog‘iston Respublikasida o‘tkaziladi.

✅ Sayyor qabul 14-mart kuni soat 11:00 da – Bilim va malakalarni baholash agentligi Qoraqalpog‘iston Respublikasi bo‘limi (Taxiatash guzari ko‘chasi raqamsiz uy)da bo‘lib o‘tadi.

Bilimni baholash agentligi

12 Mar 2025 12:43

⚡️ Milliy sertifikat imtihoni uchun ruxsatnomalar e’lon qilindi

📆 2025-yil 15–16-mart (shanba-yakshanba) kunlari bo‘lib o‘tadigan kimyo va biologiya fanlaridan milliy sertifikat imtihoni uchun ruxsatnomalar e’lon qilindi.

📱 Test sinovida ishtirok etadigan talabgorlar ruxsatnomani my.gov.uz saytining "Mening arizalarim" bo‘limidan olishlari mumkin.

📌 Ruxsatnomada talabgorlar qachon, qayerda test sinovida ishtirok etishi ko‘rsatilgan bo‘lib, talabgorlardan belgilangan vaqtdan kechikmagan holda kelish so‘raladi.

❗️ Talabgorlar test sinovi o‘tkaziladigan binolarga shaxsini tasdiqlovchi hujjat (pasport yoki ID-karta) asosida 1-smenada 07:30 dan boshlab (test sinovi 09:00 da), 2-smenada 13:00 dan boshlab (test sinovi 14:30 da) kiritiladi.

❗️Test sinoviga kechikkan yoki kelmagan talabgorlar uchun qo‘shimcha imtihon o‘tkazilmaydi.

✔️ Agentlikning rasmiy sahifalari:
Telegram | Facebook | Instagram | BaholashUz">YouTube