1313
بو کانالدا ایران توركلري و ایران چئوره سينده‌كي تورکلرين فولکلورو و یئرل سؤزلری پایلاشیلیر. باغلانتی یولو @folklorumuz
🔹توپراغی بول اولسون
ایلک چاغدا یاشایان اینسانلار، اؤلدوکلری زامان بیر قیسم اشیالاری ایله بیرلیکده باسدیریلیردیلار. تانرییا سونماق یا دا او بیری دونیادا ایشلتمک ایچین مزارلاریندا گؤتوردوکلری بو شئیلر گنللیکله قیمتی معدن داشلاریندان دوزه‌لن قاب-قاجاق یا دا دیرلی آسقیلاردان عبارت ایدی. تورک بی‌لری ده اسلامیتدن اؤنجه‌کی زامانلاردا مزارلارینا قیزیل، گوموش و جواهرلری ایله بیرلیکده قویلانیرمیشلار. سونرا اوستونه توپراق ییغدیراراق تپه‌جیک دوزلدیلمه‌سینی وصیت ائدیرلرمیش. اسکی مدنیتلرین بئشییی اولان اورتادوغو و آنادولودا چوخ اونلو حکمدارلار عایید بوجور مزار و تپه‌لر هله ده واردیر.
قیزیل و خزینه هر زامان انسان اوغلونون حیرصینی قامچیلاییب و ایلگیسینی چکمیش و بو خزینه لرین هاردا و نه قدر قوتسال یئرده اولدوغونا باخمایاراق، الده ائدیلمک ایچین اینسانی قانونسوز یوللارا سوروکله‌میش. تپه‌لرده‌کی خزینه‌لر زامانلا اوغورلانمایا باشلانینجا، اؤلن اینسانین روحونون اینجیلمه دوشونجه‌سی اورتایا چیخیب. بو دوشونجه اساسیندا گئت‌گئده مزارین اوستونده توپراق ییغینتی چوخالیب و تپه‌لر داها بؤیویورموش. ائله‌کی اؤله‌نین یاخینلاری و جنازه مراسمینه قاتیلان هر کسین، بیر سبد توپراق گتیریب و مزارین اوستونه تؤکمه‌سی بیر رسمه چئوریلیب. عینی حالدا بو توپراغین چوخ اولونماسی اوغرولارین خزینه‌یه چاتماسی ایچین بؤیوک انگل و مانع اولورموش و ایشی آز زاماندا گؤره بیلمک ایچین امکانسیز ائیله‌ییرمیش.
بو دورومدا توپراغی بول اولان کیشی، او بیری دونیادا راحات ائده‌جکدیر و اؤزونون قوللانماق و یا تانرییا سونا بیلمک ایچین یانیندا دیرلی اشیالاری اولاجاقدیر.
بوگون دیلیمیزه "توپراغی بول اولسون" دئییمی اصلینده اؤلن کیشی ایچین بیر یاخشی دیلک ایفاده‌سینه گلیر. تورکلرین اسلامی قبوللاندیقلاریندان سونرا، یاواش یاواش بو گلنکلرده دییشیلدی و توپراغی بول اولسون دئییمی مسلمان اولمایانلار ایچین قوللانیلدی. یاخین زامانلارا قدر مسلمان اؤلولر ایچین "الله رحمت ائله‌سین" و آیری اؤلولر ایچین توپراغی بول اولسون دئییمی ایشلنیردی. بو گونکو قازته‌لرین اؤلوم اعلانلاریندا بو دئییمین بیلینجسیزجه مسلمان اؤلولر ایچین ایشلندیینی گؤروروک. اگر اعلان وئرنلر اؤز اؤلولرینی رحمت یئرینه، بول توپراغا لاییق گؤرورلرسه و بونا اینانیرلارسا بیزه ده اونلارا "توپراغی بول اولسون" دئمه‌یی دوشر.
بیر درهم بیر چکیردک کتابیندان
#اسکندر_پالا
#دئییملر
@rivayet_merend
@el_bilimi
بیلدیریش
ائل‌بیلیمی و ائوده‌آل موسسهلرینین بوتون چالیشمالاری، تمامی‌یله مدنیتیمیزین اوغراندادیر.
بو آرادا اولا بیلر بعضی سیاسی سایتلار یا پیج‌لر بیزیم بیر پارا چالیشمالاریمیزین خبرینی اوردان-بوردان گؤتوروب، اؤزباشلارینا یئنی‌دن پایلاشسینلار.
طبیعی کی بیز بو قبیل ایشلرله راضی اولماییب و قیناییریق.
علیرضا صرافی
نوید محمدی
@el_bilimi
@evdeal
ائل بیلیمی و ائوده‌ال موسسهلرینین بایرام گؤروشلری، رحمتلی علی آغا خالط آبادی‌نین خاطیره‌سی ایله گئچیریلدی.
بو گؤروشده آذربایجانین باشا باشیندان یازیچی‌لار، شاعیرلر و مدنیت سئورلری حضور تاپیب و تریبون آرخاسیندان اورک سؤزلرین دانیشدیلار.
@el_bilimi
@evdeal
تازه باهار گلدی ایل تزه‌لندی.
یئنی ایلیز مبارک اولسون.
🌹🌹🌹🌹🌸🌸🌸🌸
قایناق: تورکی ماهنی‌لار کانالی
@el_bilimi
#سولدوزدا_مرمر_اویونو.
اورمودا ساچما، بیر سیرا شهرلرده شار و تورکیه‌ده میسکئت اویونو آدلانان بو اویونا سولدوزدا مرمر اویونو دئیرلر. بو آلتین اؤنجه‌لر مرمر داشدان، سونرالار ایسه شوشه‌دن اولدوغو اوچون مرمر اویونو دئییلمه احتمالی چوخدور.
اویونون باشلانغیجی:
ایلک اؤنجه خیردا دمیر پوللار اویونچولارین سایی قدر یئرده دیک دوزولر. اویونون کیمین ایلک باشلایاجاغی اوچون خیردا پول ایله شیر یا خط آتاردیلار، یا دا کیمین مرمری هانسیسیا خیردا پولا ده‌یسه ایدی، یا دا یاخین اولسایدی، او بیرینجی نفر اولاراق باشلامالی ایدی. ایلک باشلایانا پانج یا پاش (باش) دئیردیلر. ایکینجی شخصه پاشدالی دئیردیلر، سونرا ایسه اوچونجو، دؤردونجو و آخیرینجینا زیرریق ...
یئره دوزولن پولا مالا دئیردیلر. هر کسین مرمری هانسیسا پوللا ده‌یسه ایدی، او پول، ووران شخصین اولاردی. کیمینسه مرمری باشقاسینین مرمرینه ده‌یسه ایدی، وورولان شخص اویوندان چیخاردی. بیری مرمرینی پولا و یا هانسیسا اویونچویا طرف آتاندا بیر اویونچونون، یادا قیراقدا دایانانلارین آیاغینا ده‌یسه ایدی، بونا «تپری ـ Təpəri» دئیردیلر. مرمری باشقاسینا ده‌یمیش شخص دئیردی: من تپری‌یم و مرمری تکرار آتاردی. بیرینین مرمری میدانین قیراغیندا سویا و یا آرحا دوشسه ایدی، دئیردی: سره‌نه‌یم (sərənə-yəm). یعنی مرمرینی ایسته‌دییی پولا یاخین آتا بیلردی، دوغروسو، مرمرینی ایسته‌دییی یئره سَره بیلردی. اویوندا بوتون پوللار وورولاندان سونرا اویون قورتاراردی. البته، بیر اویونچو بیر پولو وردوقدا، اویونو تکرار او باشلایاردی، و باشقا اویونچو و یا پولو وورما حاققی وار ایدی. بیر اویونچو باشقا اویونچونون مرمرینین اورتاسیندان ووروب، اؤز مرمری ووردوغو مرمرین یئرینده اوتورسایدی، بو ایشه قورتا(qorta) دئیردیلر. یعنی ووردوغو مرمرین دوز اورتاسیندان ووردوغو اوچون بونا قورتا، یا قوتدا دئیردیلر. طرف دئیردی: باخ گور، نئجه قورتالادیم یا قوتدالادیم! (چوخ گومان لارینگال نظریه‌سینه اساسا، همین اورتا سؤزونون ق لارینگالی ایله دئییلدییندن یارانمیشدیر. اوتلاماق سؤزونو خوتداماق دئییلدییی کیمی. )
*عزیز سولدوزلولار بو اویونون هاراسینی دوز دئمه‌سم، منه یازین یا دا سس ایله بیلدیرین.
#سیزین_کندده_نه_دئییرلر؟
#بازیهای_محلی
#ایران_آذربایجان_سولدوز_نقده
#سولدوز_مرمر_اویونو
#Türkiye_misket_oyunu
#Mərmər_şar_saçma
#Paş_paşdalı_zırrıq_qorta_mala
#İran_Azərbaycan_Dulduz_Nağadey
https://www.instagram.com/reel/C0XaBdWuvPB/?igshid=ZjI0YTZmZTMwMg==
بو ایل نوروز بایرامی، چرشنبه گونونه دوشوب، او اوزدن ایل‌آخیر چرشنبه بیر هفته اوندان اول و اسفندین ۲۲-سینده توتولمالیدی.
قید ائتمک لازمدیر کی موسم مراسیملری او جمله‌دن (آخیر چرشنبه و نوروز بایرامی) گونش تقویمی‌یله توتولوب و اوست-اوسته دوشمه‌مه‌لیدیر.
آذربایجاندا و عموما مسلمان اؤلکه‌لرینده «گون» آخشامدان باشلار تا صاباح آخشاما قدر.
چرشنبه گونو اصلینده سالی گونو یا سه‌شنبه آخشام ساعت ۶- دان باشلار تا چرشنبه ساعت ۶- یا کیمی.
بیلگیلرینیز اوچون بو ایل مارتین ۱۹-و آخشام چاغیندان اعتیبارا تا مارتین ۲۰- سی آخشام چاغینا کیمی چهارشنبه گونو ساییلیر.
و چهارشنبه گونو صبح ساعت ۶:۳۶ (باکی وقتی‌یله ۷:۰۶) یئنی ایلیمیز باشلانیر .
یئری گلمیشکن بو حاقدا منی بیلگیلندیرن یوسف بگ شیرین‌پور، دکتر محمد عبادی (آلیشیق) و مهندس سعید فیوضاتا منتدارلیغیمی بیلدیرمک ایستیرم.
#علیرضا_صرافی
@el_bilimi
ننه گَل گئداخ چایین باشینا
من آتیلیم بختیم آچیلسین
گلن ایل گئدیم اره
گلین گولی باشیما ساچیلسین.
آخیر چرشنبه‌نیز مبارک اولسون.
قایناق: تبریز ماهنیلاری کانالی
@el_bilimi
⭕️سوسن نواده‌رضی آنما مراسمیندن گزارش
✍حاضرلایان: #افسون_سلطانی
جمعه‌آخشامێ بایرام آیێ‌نین ۱۷.سی تبریزلی یازێچی، شاعر، فوْلکلورچو و ژورنالیست، سوسن خانێم نوادهٔ‌رضی‌نین بیرینجی ایل دؤنۆم آنما مراسمی گئچیریلدی. بایرام و اوْروجلوق گۆنلرینه قاریشماسێن دییه، بو دڲرلی انسانێن آنما مراسمی و خاطره گۆنو، وفاتێ‌نین ایل دؤنۆمونه بیر هفته قالمێش جمعه‌آخشامێ بایرام آیێ‌نین اوْن‌یئددی‌سینده، شهریمیزین شاعیر، یازێچی، ادیب و هنر سئور انسانلارێ‌نین حضوری ایله کئچیریلدی.
دوْغال قایناقلار هفته‌سی و آغاج اکیمی گۆنو مناسبتینه گؤره بوگۆن سحر، منطقه۲ شهرداریسی‌نین تشبثی ایله خانم سوسن نوادهٔ‌رضی و شهریمیزین یۆزدن آرتێق باشقا ادیب، موسیقی‌چی و هنرمند شخصیتلری‌نین آدێنا آغاجلار اکیلدی.
بو تؤره‌نده کی تبریزین رجایی‌شهر منطقه‌سی‌نین «بهاران» پارکیندا باش وئردی، تبریزین آدلیم ادبی، هنری شخصیت‌لری اشتراک ائتمیشدیلر. مراسم دکتر «میکاییل نظری» جنابلارێ‌نین صحبتلریله باشلاندێ. سوْنرا «خسرو سرتیپی» جنابلارێ شاعیرلر طرفیندن و «هاشم چاووشی»جنابلارێ هنرمندلرین نماینده‌سی اوْلاراق دانێشدیلار.
ای باد صبا گذار قیل تبریزه
عالمده قالێب اۆمیدیمیز بیر سیزه
اوْل ماه‌وشین کویینه دۆشسه گذرین
بو نامه‌نی وئر او زلف عنبربیزه
آردێندان سؤز منطقه۲ شهرداری‌سی طرفیندن مراسمده اشتراک ائدن دکتر «خوش نیّت»ه وئریلدی. خوش نیّت جنابلارێ شهردارین طرفیندن، حضورو اوْلانلاردان تشکّر ائیله‌دی و شهرین فرهنگی‌نین اعتلاسی اۆچون، شهرداری و هنرمندلرین ایش‌بیرلیڲی‌نین چوْخ اؤنملی اوْلدوغونو وورغولادی.
سؤزلرین سوْنوندا یاشێل چئوره مدیرلیڲیندن تقدیر اوْلونوب، هنرمندلرین طرفیندن رضا سرابی اقدم جنابلارێ‌نین ال ایشلریندن، ارک و گؤڲ مسجد ماکتی شهرداری نماینده‌لرینه سونولدو.
بو صحبتلردن سوْنرا پلاکلار هنرمندلرین آراسێندا پایلانێلدی و اوْلاردان آغاجلاری اکدیکدن سوْنرا آدلارێنا یازێلمیش پلاکلاری آغاجلارا باغلاماقلارێ ایسته‌نیلدی.
بو مراسمده «مهد تمدن» گۆنده‌لیڲی‌نین سوسن خانێم نواده رضی‌نین وفاتی‌نین ایل دؤنۆمو اۆچون حاضرلانان اؤزل سایێسی، اشتراک ائدنلر آراسێندا پایلانێلدی.
سوسن خانیمین بیرینجی ایل‌دؤنۆم تؤره‌نی آخشام ساعت دؤرد عرفه‌لرینده شاه‌گؤلۆنون «اندیشه» تالارێندا کئچیریلدی. مراسم ایکی بؤلۆمدن عبارت ایدی. ایلک بؤلۆمونده سوسن خانیمین شعر و نثر یازێلاری، حکایه‌لر و یاشام طرزی مجلیسده اوْلان ضیالیلار طرفیندن اینجه‌لنیب دڲرلندیریلدی.
بو بؤلۆمده دانێشانلار آذربایجانلی یازار خانم رقیه کبیری، گؤرکملی فیلسوف و دۆشونور جناب ایواز طاها، نقد ادبی ساحه‌سینده چالێشان آقای رسول اسماعیلیان، شاعر و ادبیاتچی خانم مرجان منافزاده، اننه‌م‌نن من کتابێ‌نین دؤردۆنجو چاپێ‌نین ائدیتورو آقای علی سلمانی و شهریمیزین بؤیۆک مجموعه‌دار و مجسمه‌دۆزلده‌نی جناب رضا سرابی و مهدتمدن (سانجاق) امک‌داشلارێندان اوْلان آقای مهدی جمالی اوْلدولار. ایلک بؤلۆمون سوْنوندا گۆنش خانیم امانی مهد تمدن گۆننامه‌سی‌نین تورکی بخشی اوْلان «سانجاق»ین تحریریه هئتی عضوو اوْلاراق، کی جناب علیرضا صرافی و جناب میکاییل نظری ایله بیرلیکده مراسمین آپارێجیلیغینی دا عهده‌لنمیشدی، سانجاق صفحه‌سی حقده معلومات وئریب، خانم شبنم توحیدی و سانجاقدا امکی اوْلان باشقا هر کسدن تشکّر ائتدی.
بو مراسیمده اۆلکر خانێم تبریزلی سوسن خانێمین معنوی قێزی اوْلاراق، دویغوسال بیر دانێشیقدان سوْنرا، اننه‌م نن من کتابیندان بیر بؤلۆمونو جلسه‌ده اوْلانلارا اوْخودولار. و فؤاد حسن‌حسین جنابلاری، سوسن خانێمین بؤیۆک اوْغلو قیسسا بیر دانێشیقدا بو بیر ایل مدّتینده اوْنونلا ایشی‌بیرلیک و اۆرک‌بیرلیک ائدن هر کسدن تشکر ائیله‌دی.
بو مراسیمده دانێشیب اشتراک ائدنلرین بیر چوْخلارێ و البته خانم نواده رضی‌نین درمانی هئیتی‌نین صدرینده اوْلان دکتر «محمد زفیری» جنابلارێنا تقدیرنامه وئریلدی. و جناب سرابی‌نین سون ال ایشی اوْلان عباس‌میرزا تندیسی، زحمتلریندن تقدیر اوْلونسون دییه، دکتر میکاییل نظری‌یه سونولدو.
قیسا بیر آنتراکت آردێندان، ایکینجی بوْلۆم باشلادێ. بو بؤلۆمده ایلک اؤنجه شهریمیزین دڲرلی صنعتکاری خانم سولماز بالایی‌نین استعدادلی طلبه‌لری کُر ماهنیلاری ایفا ائتدیلر. سوْنرا خانم نواده‌رضی‌نین شعرلری‌نین ائشلیڲینده گؤزل موغام موسیقی‌لری ایفا اوْلوندو و بو بؤلۆمه شهریمیزین دڲرلی موغام استادی «حسین ملکی‌زاده» جنابلارێ‌نین طلبه‌سی و موغام مسابقه‌سی‌نین غالبی اوْلان «احد علیزاده» جنابلارێ‌نین گؤزل دشتی موغامیلا سوْن وئردی.
@SancaqDergisi
/channel/Sancaq_media/6125
@El_bilimi
دونیاسندن کیملر کئچدی
آلدیغیمیز آجی خبر اساسیندا تانینمیش ،یازیچی ،شاعیر،مترجم،ژورنالیست
مژگان خانیم صیامی حیاتا گوز یو موب بیزدن آیریلدی
مژگان صیامی
1353 اینجی ایل ده، اولو ساوالانین قوجاغین دا یئرلشن(اردبیل) شهرینده دونیایا گوز آچدی. آتاسی ارتش حکیمی ایدی؛ ایلک تحصیلاتی و اورتا مکتبین (جهان تربیت) مکتبینده بیتیریب ، اوزو دئمیشکن ,ائله او زماندان اوزونده بیر سیرا عجیب و بلکه غیر عادی دویغولار - دوشونجه لرله یاشاییردی؛ عادی حیات ایله سویو بیر آرخا گئتمه ییردی .انسانی علم لر رشته سینه علاقه سی اولاراق، دیپلم آلان چاغی، ائله همن ایل کنکوردا ایکی تحصیلی رشته دن قبول اولور (ادبیات و روانشناسی) اردبیل دانشگاهین دا عالی تحصیلاتین باشلاییب، ادبیات اوخویوب لیسانسین آلیر! یوکسک لیسانسین پیام نور دانشگاهیندا اوخوماق ایسترکن، حیات یولداشی اونون اجتماعی - مدنی ایشلرینه مانع یاراتدیغی اوچون آیریلماق مجبوریتینده قالیر .خانیم صیامی ائله او ایللرده مختلف دبیرستان لاردا ادبیات - تاریخ ادبیات - دستور و نگارش اویرتمنی اولوب، آزاد فیکرینه گوره، قارانلیق یئره (بلی - خیر - چشم و...) دئمه دیگینه و آموزش - پرورش طرزینه اعتراض ائتدیگینه گوره، اوچ ایل دن آرتیق سئودیگی ایشه دوام وئره بیلمه ییب، استعفا وئریر. مژگان خانیمین دیرلی یازی لاری (داستان - شعر - طنز - مقاله و...)او زمان اونملی نشریه لرده چاپ اولوردو او جمله دن: (آزما - آدینه - گل آقا - شهروند - ایران دخت و...)
خانیم صیامی 1385 اینجی ایل ده (سارای) درگی سی نین امتیازی آلیر .گئجه - گوندوز بیر آن دایانماندان ,دورمادان شرفلی, ائل سئور وطن سئور آزاد باش اوجا یاشایان بیر ژورنالیست کیمی چالیشماغا باشلاییر. آزادلیق اوغروندا چالیشان مژگان خانیم ائل دردین وطن دردین یاشادیغی یوردون قارا گونلرین , عذابلی گونلرین یازیر .او سارای درگی سین اوزونه چورک آغاجی گورمه ییب، . سارای ایکی دفع توقیف مرحله سینه یئتیشیر.
خانیم صیامی نین ادبی کارنامه سینه اوتری بیر گوز دولاندیرساق اونون چکدیگی زحمت لر داها آیدینلاشاجاق .
1-سارای درگی سینی 45 سایی چیخاریب، بیر کتاب (سون سکانس) آدیندا، 15 دنه تورکی حئکایه لری , 5 جلد (اردبیل نامه) اوندان ایشیق اوزو گوروب . اشک سبلان، ابراهیم دارابی جنابلاری نین رمانین تورکجه یه چئویریب (ساوالانین گوز یاشی) چاپا یئتیرییب (قربانیان بند نسوان) زندان دا یازدیغی کتابین کئچن ایللرده ایشیق اوزو گوروب، مردگان باغ سبز، محمد رضا بایرامی جنابلاری نین رمانین، تورکجه یه چئویریب (یاشیل مئشه نین اولولری) سون ایشلریندندیر (مجموعه شعرهای فارسی)، (مقاله لر توپلوسو) و تورکی شعر - طنز و...
خانیم صیامی نین کارنامه سین ایشق لاندیریر .چتین عذابلی گونلرین ژورنالیستی توتدوغو یولون هزینه لرینه ده معروز قالیر آغیر تاوان لار وئریر ! خانیم صیامی اجتماعی مدنی ادبی چالیشمالارینا گوره دفعه لر ایله زندانا گئدیب! وثیقه ایله آزادلیقا بوراخیلیب..مژگان خانیم آذربایجانین و اردبیل ماحالی نین گورکملی - آدلی - سانلی (آزاد بیر ژورنالیست، شاعر و یازار) کیمی ائل آراسیندا تانینیر . آذربایجانین قارتال قانادلی شاعیری رحمتلیک هاشم ترلان دئمیشکن "آصلانین ائرکک دیشی سی یوخدور، آصلان آصلاندیر .
ادبیات سئونلر بو آجی دردلی آیریلیغی صیامی عایله لرینه ،ادبیات سئونلر ، خانیم صیامی نین قلم داشلارینا ،شهر داشلارینا باش اوجا قادین ادبیاتینین یازارلارینا باش ساغلیغی وئریر.
/channel/Adabiyyatsevanlar
بایرام گؤروشو
سلام عزیز دوستلار
باهار بایرامینی سیزه تبریک ائدیر و یئنی ایلده هامینیزا خوشلوق، سعادت، امن‌امانلیق و ساغلیق آرزولاییریق.
🌱🌸🌱
هر ایل‌کی کیمی بو ایل فروردین ین ۹-وندا پنجشنبه گونو (یا جمعه‌آخشامی) بایرام اگلشمه‌میز وار.
بو هم ده دگرلی دوستوموز رحمتلیک جناب علی خالط‌آبادی‌نین اول بایرامی ساییلیر .
آدرس: تبریز قونقاباشی مشاور کوچه‌سی، ۶ نومره‌لی نرده‌لی قاپی
زمان: پنجشنبه گونو آخشام ساعت ۵-دن، ۸-ه قدر
ائل‌بیلیمی -علیرضا صرافی
ائوده آل - نوید محمدی
@El_bilimi
سولدوز .حسنلی تپه سی .یاللی اویونو
۲ فروردین ۱۴۰۳
@el_bilimi
🪴آئین نو اوستی یکی از رسومات عید نوروز
طبق نوشته مرحوم بابا صفری در صفحه ۱۰۸ جلد دوم کتاب اردبیل در گذرگاه تاریخ “رسم عمومی بر آن بود، همان گونه که شب چهارشنبه‌سوری از روی آتش می‌پریدند، صبح چهارشنبه هم از روی آب جاری بگذرند
#نگار_اسدی
@el_bilimi
بو ایل نوروز بایرامی، چرشنبه گونونه دوشوب، او اوزدن ایل‌آخیر چرشنبه بیر هفته اوندان اول و اسفندین ۲۲-سینده توتولمالیدی.
قید ائتمک لازمدیر کی موسم مراسیملری او جمله‌دن آخیر چرشنبه و نوروز بایرامی هر ایکیسی ده عینی گونش تقویمی‌یله توتولوب و اوست-اوسته دوشمه‌مه‌لیدیر.
آذربایجان و عموما مسلمان توپلوملاردا «گون» آخشامدان باشلار تا صاباح گون‌باتانا قدر.
چرشنبه گونو اصلینده سالی گونو یا سه‌شنبه آخشام ساعت ۶- دان باشلار تا چرشنبه ساعت ۶- یا کیمی.
بیلگیلرینیز اوچون بو ایل مارتین ۱۹-آخشام چاغیندان اعتیبارا تا مارتین ۲۰- سی آخشام چاغینا کیمی چهارشنبه گونو ساییلیر.
و چهارشنبه گونو صبح ساعت ۶:۳۶ (باکی وقتی‌یله ۷:۰۶) یئنی ایلیمیز باشلاییر .
بو وسیله ایله بو حاقدا منی بیلگیلندیرن یوسف بگ شیرین‌پور و دکتر محمد عبادی (آلیشیق) مهندس سعید فیوضاتا منتدارلیغیمی بیلدیرمک ایستیرم.
#علیرضا_صرافی
@el_bilimi
#یئر_گونو
ایلین سونونجو چرشنبه‌سی اینانجا گؤره یئر اویانیر، تورپاق نفس آلیر. بوگون خالق آراسیندا «یئر گونو»، «ایلین آخیر چرشنبه» و یا «تورپاق چرشنبه‌سی» آدلانیر.
دئمه‌لی تورپاق آرتیق اکینه حاضر اوْلور وَ اوْنا توْخوم سپمک اوْلار.
ایندییه قدر سۇ، اوْد، یئل گون‌لری آرخادا قالیب و بو گون (یئر گونو)، آخشامی سئوینجله کئچیریله‌جک.
بو بایرام آذربایجان خالقینین تاریخی کؤکو ایله باغلی اولدوغون‌دان عادت- عنعنه‌لرله زنگین‌دیر و بو مناسبت‌له آچیلان سۆفره ده فرق‌لی‌دیر.
بالیق پلوْو، پاخلاوا، شکر چؤره‌یی، کیشمیش، پوسته، بادام، بویانمیش یومورتالار سوفره‌لری بزه‌مه‌لی‌دیر.
چرشنبه‌لرده اولدوغو کیمی، آخشامین‌دا دا تونقال(اود) قالانیر، ائوین اوتاقلاریندا عائله عضولرینین هر بیرینین آدینا شام یاندیریلیر.
بو گونون ان گؤزل عنعنه‌لریندن بیری پای آپارماق و آهیل‌لارا، یوْخسول‌لارا، دردلی لره و یاسلی‌لارا باش وورماق دیر.
آداخلی پایی: قیزلار کی آداخلانیب و توی اولمامیش‌دیر بَی اونا پای آپارار
گلین پایی: قیزلارکی ائولنیب‌لر، اونلارا آتالار، آنالار، قارداشلار و بؤیوک باجی‌لار پای آپارارلار.
یوخسول پایی: وارلی‌لار یوخسول‌لارا پای وئررلر.
یاسلی پایی: یاخین‌لاریندان بیریسی اؤلن اولسا تانیشلاری پای آپاریب اونلاری یاسدان چیخاردارلار.
آناپایی– آتا پایی: اوغول قیزلار قوْجا آتا- آنالارینا پای آپارارلار.
بو گئجه نیّت ائدیب قولاق فالینا دورارلار.
پاپاق آتما دا شال آسلامالا دا، قدیم عادت‌لریندندیر.
ائو یییه‌سی پاپاغا بایرام سووقاتی ییغاراق اونو قاپی‌یا قویور.
بو گونلر دؤرد چرشنبه‌لر عنعنه‌سی بیر یئره گلمیش و بوتون چرشنبه‌لر دب‌لری (سو، اود، یئل و تورپاق) هامیسی یئر گونونه توپلانمیشدیر.
آخیر چرشنبه‌نیز مبارک اولسون.
🌺🌺🌺
@elbilimi
آئین نکوداشت اولین سالگرد درگذشت سوسن نواده رضی نویسنده و شاعر تبریزی با حضور جمعی از نویسندگان، هنرمندان و فرهیختگان در تالار اندیشه ائل گؤلی تبریز برگزار شد.
در این نشست علیرضا صرافی و گونش امانی در جایگاه هیئت رئیسه به مدیریت جلسه پرداختند و رقیه کبیری، ایواز طاها، رسول اسمعیلیان، مرجان منافزاده، علی سلمانی، گونش امانی، مهدی جمالی،ثریا قاسم‌زاده، فواد حسن‌وحسین(فرزند سوسن نواده رضی)، رضا سرابی اقدم در مورد ابعاد هنری، ادبی و شخصیتی نواده‌ی رضی به ایراد سخنرانی پرداختند.
بخش دوم این نشست اجرای موسیقی توسط گروه کر تبریز به رهبری خانم سولماز بالایی و اجرای موسیقی توسط گروه تبریز موغام با مدیریت و رهبری استاد حسین ملکی‌زاده بود.
سوسن نواده رضی شاعر و نویسنده‌ی آذربایجانی متولد ۱۳۴۱ در محله شهریار تبریز بود و سالها به همراه استاد یحیی شیدا در بخش ترکی روزنامه مهد آزادی فعال بود و همچنین سالهای پایانی عمر خود را صرف بخش ترکی روزنامه مهد تمدن (سانجاق) کرده بود. وی بیست و پنجم اسفند ماه سال ۱۴۰۱ بعد از ماهها جدال با بیماری سرطان درگذشت.
@yazeconews
@el_bilimi