41193
Reklama va hamkorlik uchun: @IkromSharif_reklama_bot
Муваффақият учун жамоанинг катталиги эмас, интизом ва якдиллик муҳим.
@IkromSharif
#Оила
Ғурурингизни муҳаббатингиз ва ғамхўрлигингиз учун тўсиқ қилиб қўйманг.
@IkromSharif
#Masjidquramiz
Toshkent viloyati Bekobod tumanida joylashgan "Yangiobod" jome' masjidi qurilishiga o'z hissangizni qo'shing!
Kerak bo'ladigan qurilish mahsulotlari ro'yxati.
1) Beton 90 kub.
2) gʻisht 30 000 ta
3) Ustalar uchun oziq ovqat mahsulotlari.
Masjidga yordam qilishni istaganlar ushbu mahsulotlarni masjidga olib borishlari yoki imkoniga qarab masjid uchun ochilgan karta raqamiga pul o'tkazishlari mumkun.
Uzcard: 5614681622625659
Visa card: 4463 0900 2392 3041
Murojaat uchun👇👇👇
@Murodjon_5599
+998936160017
👉 /channel/Yangioboduzb
Қилган яхшилигингиз асло бекор кетмайди.
Инсон яна бошқага яхшилик қилаяпман деб ўйлайди, аслида у яхшиликни ўзи учун қилаётган бўлади.
@IkromSharif
Сенга ўхшаш яна ким бор эй Одам боласи? Сен учун сув ва меҳробга тўсиқ йўқ, истаган пайтинг таҳорат оласан-да Буюк ва Ғолиб Роббингнинг ҳузурига ҳеч бир таржимонсиз, ҳеч бир тўсиқсиз кириб борасан!
Абу Бакр Музаний раҳимаҳуллоҳ.
@IkromSharif
Сизни зериктирган нарса —кимнингдир буюк орзуси.
@IkromSharif
Йигитлар, қадр-қимматингиз фақат мол-мулкингиз бўлиб қолмасин.
Қизлар, қадр-қимматингиз фақат ҳуснингиз бўлиб қолмасин.
Буларнинг ҳар иккиси ҳам ўткинчидир, демак ўткинчи қадр қиммат соҳиби бўлиб қоласиз ёки фақат фақирлар ва бадбашаралар олдидагина қадрли бўла оласиз.
Қадр-қимматингиз — дину диёнатингиз бўлсин, ахлоқингиз ва мурувватингиз бўлсин.
@IkromSharif
Оилангиз учун берадиган энг катта ҳадиянгиз — вақтингиз, эътиборингиз ва меҳрингиздир!
@IkromSharif
“Хотимам чиройли бўлсин”, дейди аммо таҳоратсиз уйқуга кетади.
Ўқиб сергак тортдим…
@IkromSharif
Ҳар қайси сўзимни аниқ ва осон ифодалаб бера оламан. Фақат сукутимни эмас…
@IkromSharif
Бишр Ҳофий роҳимаҳуллоҳ бир киши билан кетаётган эди. У киши чанқади ва Бишрга деди: Кел, мана шу қудуқдан сув ичайлик. — Бишр деди: — Сабр қил! Бошқа қудуққа борамиз. Нариги қудуққа боришганда Бишр яна аввалги гапини айтди. Шундай қилиб, токи кўзлаган манзилларига етиб боришгунча Бишр уни сабрга ундаб борди. Сўнг унга қараб: "Дунёни мана шундай қилиб сабр билан босиб ўтасан", деди.
“Набавий тарбия” китобидан.
@IkromSharif
БИР МУҲАББАТ ҚИССАСИ
Абу Ос Пайғамбар алайҳиссалом пайғамбар бўлишларидан олдин олдиларига бориб, катта қизлари Зайнабнинг қўлини сўради. (ОДОБ)
Унга Пайғамбар алайҳиссалом:
- Ўзидан рухсат олмагунимча бу ишни қилмайман, - дедилар. (ШАРИАТ)
Пайғамбар алайҳиссалом Зайнабга:
- Холангнинг ўғли қўлингни сўраяпти, унга тегасанми? - дедилар.
Зайнабнинг юзлари қизарди ва табассум қилди. (ҲАЁ)
Пайғамбар алайҳиссалом қизлари Зайнабни Абу Осга узатдилар. Шу билан бир муҳаббат қиссаси бошланди. Улардан Али ва Умома дунёга келди.
Кейин бир катта муаммо пайдо бўлди. (ЭЪТИҚОД)
Пайғамбар алайҳиссалом пайғамбар бўлиб юборилдилар. Абу Ос сафарда эди. Сафардан қайтганида хотини Зайнаб мусулмон бўлган эди. Зайнаб унга:
- Муҳим янгилик бор, - деди. Абу Ос ўрнидан туриб, чиқиб кетди. (ЭҲТИРОМ)
Зайнаб даҳшатга тушиб, унинг ортидан борди ва деди:
- Отам пайғамбар бўлиб юборилди ва мен мусулмон бўлдим.
- Олдин менга айтиб, кейин бўлмабсан-да...
- Мен отамни ёлғончига чиқара олмайман-ку. Отам ҳеч қачон ёлғон гапирмаган. У ростгўй ва ҳалол одам. Бир ўзим эмас, онам, ака-укаларим, амакиваччам (Али ибн Абу Толиб) ҳам, аммангизнинг ўғли (Усмон ибн Аффон) ҳам, дўстингиз (Абу Бакр Сиддиқ) ҳам мусулмон бўлишган.
- Лекин мен одамлар, хотинини рози қилиш учун қавмидан юз ўгирди ва ота-боболарига куфр келтирди, дейишларини истамайман. Айни пайтда отангни ҳам айбламайман. Тўғри тушунасан ва узримни қабул қиласан, деб умид қиламан. (КЕЛИШУВ)
- Сизни мен тушунмасам, ким тушунади? (Сизни тушунмай ўлибманми?) Лекин мен сизнинг завжангизман. То ҳақиқатни тан олишга қодир бўлгунингизга қадар сизнинг ёрдамчингиз бўлиб қолавераман. (ОҚИЛАЛИК ВА ҒАМХЎРЛИК)
Зайнаб шу сўзига 20 йил вафо қилди... 20 йил!!! (АЛЛОҲ УЧУН САБР ҚИЛИШ)
Ҳижрат пайтида ҳам Абу Ос ҳали Исломга кирмаганди. Зайнаб Пайғамбар алайҳиссаломнинг олдиларига бориб:
- Эрим билан қолишимга рухсат беринг, - деди. (МУҲАББАТ)
Пайғамбар алайҳиссалом рухсат бердилар. (МЕҲРИБОНЛИК)
Бадр ғазоти. Абу Ос урушга Қурайш сафида чиқди. Эр отага қарши урушади. Бағри қон Зайнаб йиғлаб-йиғлаб, шундай дуо қиларди:
- Аллоҳим, отамни йўқотиб қўйишдан ҳам, боламнинг етим бўлиб қолишидан ҳам қўрқаман. Шундай кун келишини бошимга солма! (ҲАЙРАТ ВА УМИД)
Абу Ос Бадр жангида асир тушади. Зайнаб отасининг ғалабасидан қувониб, Аллоҳга сажда ва шукр қилади. Эрининг асир тушганини эшитиб, уни қутқариб олишни ўйлайди. (ОҚИЛАЛИК ВА УЗОҚНИ КЎРА БИЛИШ)
Эрини қутқариб олишга онасидан қолган бўйнидаги тақинчоқдан бошқа нарсаси йўқ эди. Ўша тақинчоқни Абу Оснинг укасидан бериб юборди. Пайғамбар алайҳиссалом асирларни фидясини олиб қўйиб юбораётганди. Хадича онамизнинг тақинчоқларига кўзи тушиб:
- Бу кимнинг фидяси? - деб сўрадилар.
- Абу Ос ибн Рабиъники, - деб жавоб беришди. Пайғамбар алайҳиссалом йиғладилар ва:
- Бу Хадичанинг тақинчоғи эди, - дедилар. (ВАФО)
Кейин ўринларидан туриб:
- Эй одамлар, куёвимиздан ҳеч ёмонлик кўрмагандик, уни шундоқ қўйиб юборсам майлими? - дедилар. Ҳамма:
- Ҳа, эй Аллоҳнинг пайғамбари, - дея жавоб қайтарди. (АСКАРЛАР ОДОБИ)
Пайғамбар алайҳиссалом унга тақинчоқни бера туриб:
- Зайнабга тайинла, онаси Хадичанинг шодасини эҳтиёт қилсин, - дедилар. (КОФИР БЎЛСА ҲАМ УНИНГ ХУЛҚИГА ИШОНЧ БИЛДИРИШ)
Кейин Абу Осга, сенга бир сирни айтай, дея уни бир чеккага тортдилар-да:
- Эй Абу Ос, Аллоҳ менга муслимани кофирдан ажратишни буюрди, қизимни ўзимга қайтариб юборасанми? - дедилар.
- Хўп, - деди Абу Ос. (ЭРКАКЛИК)
Зайнаб Абу Осни Макка остонасида кутиб олди. Абу Ос унга:
- Мен кетаман, - деди.
- Қаерга?
- Мен эмас, сен отангнинг олдига кетасан. (ВАЪДАГА ВАФО)
- Нима учун?
- Иккимизни бир-биримиздан ажратиш учун. Бор, отангнинг олдига кет.
- Сиз ҳам мусулмон бўлиб, мен билан бирга кетмайсизми?
- Йўқ.
Зайнаб ўғли ва қизини олиб, Мадинага кетди. (ИТОАТ)
Олти йил совчилар кети узилмади. Эрининг келишини умид қилиб, ҳаммасига рад жавобини берди. (ВАФО)
(давоми кейинги постда)
┉┅━❀🍃💐🍃❀━┅┉
t.me/IkromSharif
Бир қози ҳикоя қилади:
Эр-хотин ажрашмоқчи бўлиб келишди. Ярашиб олишларига муҳлат бердим. Яна келишди. Яна муҳлат бердим. Учинчи марта келишганда иккисига топшириқ бериб, ҳар бирингиз бир қоғозга жуфтингиздаги ўнта яхши хислатни ёзинглар, хотиржам бўлинглар уни ўзларингиздан бошқа ҳеч ким ўқимайди, ҳатто мен ҳам ўқимайман, дедим.
Кейин эр ёзганларини аёлга бериб, ичингда ўқи, дедим. У ўқигани сари эрига қараб-қараб қўяр, бир уялиб, бир хурсанд бўлаётгани юзидан аён эди.
Кейин хотин ёзганларини эрга бериб, ичингда ўқи, дедим. У ҳам ўқигани сари хурсанд бўлар, бир аёлига, бир ерга қараб оларди.
Энди ҳеч гап айтмасдан кетаверинглар, ҳукмни эртага тушликдан кейин ўқийман, дедим.
Эртаси куни ҳар иккиси апоқ-чапоқ бўлиб келишди.
- Ажратиб юборайми? - десам,
- Йўқ, келишиб олдик. Хато қилган эканмиз, - дейишди.
Устоз Муҳқим Маҳмуд
@IkromSharif
#Masjidquramiz
Toshkent viloyati Bekobod tumanida joylashgan "Yangiobod" jome' masjidi qurilishiga o'z hissangizni qo'shing!
Kerak bo'ladigan qurilish mahsulotlari ro'yxati.
1) Beton 150 kub.
2) gʻisht 100 000 ta
3) Ustalar uchun oziq ovqat mahsulotlari.
Masjidga yordam qilishni istaganlar ushbu mahsulotlarni masjidga olib borishlari yoki imkoniga qarab masjid uchun ochilgan karta raqamiga pul o'tkazishlari mumkun.
Uzcard: 5614681622625659
Visa card: 4463 0900 2392 3041
Murojaat uchun👇👇👇
@Murodjon_5599
+998936160017
👉 /channel/Yangioboduzb
Энг етук севги изҳори!
Доктор деди:
— Афсуски, икки кўзингиз ҳам ҳасталанган, бир неча кунгина кўришингиз мумкин, кейин кўриш қобилиятини деярли тамоман йўқотасиз…
— Ҳечқиси йўқ, доктор, — деди отахон хотиржам охангда — асло ҳафа эмасман, чунки менинг яна бошқа икки кўзим бор…
@IkromSharif
Бир киши денгизчидан:
– Отанг қаерда вафот қилган? – деб сўради.
– Денгизда, – деди денгизчи.
– Бобонг-чи?
– У ҳам денгизда.
Савол берган одам ҳайрон қолди ва:
– Шунча ишдан кейин ҳам сен яна денгизда сузиб юрибсанми!? – деб юборди.
Денгизчи табассум қилди ва худди ўша саволарни унинг ўзига бера бошлади:
– Сенинг отанг қаерда вафот қилган?
– Уйда.
– Бобонг-чи?
– У ҳам уйда.
Денгизчи шунда айтди:
– Шундан кейин ҳам тўшагингда хотиржам ётибсанми?!
“Умрбоқий ҳикоялар” китобидан.
@IkromSharif
Бекорчилик инсоннинг ҳақиқий душманидир.
Инсон бахтсизлигини унуттирадиган даражада меҳнат (ҳар қандан фойдали юмуш) билан банд бўлиши лозим.
Меҳнат нақадар оғир бўлса ҳам ўлдирмайди, бекорчилик эса инсондаги энг улуғ хислатларни ўлдиради.
Бекорчилик инсондаги салбий туйғуларни, жумладан оғриқлар, машаққатлар, ғамларни икки ҳиссага кўпайтириб юборади.
Обидхон Абдулҳамид ҳафизаҳуллоҳ.
@IkromSharif
• Ҳа, аёлларнинг макри кучли.
Лекин
• Муҳаббатлари ундан кучли..
• Меҳр-шафқатлари ундан кучли..
• Сабру матонатлари ундан кучли..
• Вафодорликлари ундан-да кучли..
@IkromSharif
Устозлар ва мураббийлар кунига табрикнома.
😄😄😄
@IkromSharif
Атрофингда кўп одам бўлиши шарт эмас, атрофингдагилар одам бўлса кифоя.
@IkromSharif
Хато қилиш айб эмас, бир хатони такрор ва такрор қилиш — айб.
Бир хил ишни бир хил услубда бажариб турли натижа кутиш эса — аҳмоқлик.
@IkromSharif
Муҳаббат бу — айбу нуқсонларга тўла икки кишининг меҳр ва мулойимлик билан бир-бирини тузатиб, тўлдириб боришидир.
@IkromSharif
Туйғулар ичида ҳеч бири инсонга соғинчдан кўра қаттиқроқ азоб бермайди.
@IkromSharif
Ҳар ким бошқаларни ўз табиати билан кўради.
@IkromSharif
“Ўлимни кўп эслаган одамнинг амали албатта ўзгаради", дейилар эди.
Ибн Абу Шайба
@IkromSharif
БИР МУҲАББАТ ҚИССАСИ
(Боши олдиги постда)
...Олти йилдан кейин Абу Ос бир карвон билан Маккадан Шомга сафар қилди. Йўлда бир қанча саҳобаларга дуч келди ва карвонини йўқотиб қўйди.
Бомдоддан сал олдинроқ Зайнабнинг уйи ёнига келди ва эшикни қоқди. Зайнаб уни кўриб:
- Мусулмон бўлиб келдингизми? - деб сўради. (УМИД)
- Қочиб келдим.
- Мусулмон бўласизми? (ТАЛАБИДА ҚАТЪИЙ ТУРИШ)
- Йўқ.
- Қўрқманг. Холамнинг ўғли хуш келибдилар. Али ва Умоманинг отаси хуш келибдилар. (АЖРИМ ВА АДОЛАТ)
Пайғамбар алайҳиссалом бомдод намозига имомлик қилдилар. Намоз ўқиб бўлингач, масжиднинг охиридан бир овоз келди:
- Мен Абу Ос ибн Рабиъни ўз ҳимоямга олдим.
- Нимадир эшитгандек бўлдим, сизлар ҳам эшитдингларми? - дедилар Пайғамбар алайҳиссалом.
- Ҳа, эй Аллоҳнинг пайғамбари, - дейишди саҳобалар.
Зайнаб деди:
- Эй Аллоҳнинг пайғамбари, Абу Ос узоқдан келадиган бўлсам, холамнинг ўғли, яқиндан келадиган бўлсам, болаларимнинг отаси, мен уни ўз ҳимоямга олдим.
Пайғамбар алайҳиссалом ўринларидан туриб:
- Эй одамлар, куёвимиздан ёмонлик кўрмаганмиз, рост гапирган, берган ваъдасига вафо қилган, маъқул кўрсангизлар, унга молини қайтариб бериб, шаҳрига қайтиб кетишига қўйиб беринглар, шундай қилишинглар менга ҳам ёқади, маъқул кўрмасангизлар, унинг масаласи сизларнинг қўлингизда, қандай ҳукм қилсангизлар ҳам сизларни айбламайман, - дедилар. (ШЎРО)
- Молини қайтариб берамиз эй Аллоҳнинг пайғамбари, - дейишди одамлар. (АСКАРЛАР ОДОБИ)
Пайғамбар алайҳиссалом Зайнабга қараб:
- Сен ҳимоянгга олган одамни биз ҳам ҳимоямизга олдик, - дедилар.
Кейин Зайнабнинг уйига бориб:
- Зайнаб, уни яхшилаб меҳмон қил, ҳурматини жойига қўй, у холангнинг ўғли, болаларингнинг отаси, лекин унга яқинлашма, у сенга ҳалол эмас, - дедилар. (МЕҲРИБОНЛИК ВА ШАРИАТ)
- Хўп бўлади, отажон, - деди Зайнаб. (ИТОАТ)
Зайнаб уйга кириб, Абу Осга:
- Бизни ташлаб кетиш сизга шунчалар осонми, ундан кўра мусулмон бўлиб, шу ерда қолавермайсизми? - деди. (МУҲАББАТ ВА УМИД)
- Йўқ, - деди Абу Ос ва молини олиб, Маккага қайтиб кетди.
Маккага етиб келгач:
- Эй одамлар, мана молинглар, менда яна бирон нарсанглар қолдими? - деб сўради. (ҲАЛОЛЛИК, ОМОНАТДОРЛИК)
- Худо хайрингни берсин, жуда гўзал вафо қилдинг, - дейишди одамлар. (ТАБИИЙЛИК)
- Ундай бўлса, гувоҳлик бераманки, Аллоҳдан ўзга илоҳ йўқ ва Муҳаммад Аллоҳнинг расулидир. (НЕЪМАТ)...
Бомдодда Мадинага кириб борди. Пайғамбар алайҳиссаломнинг олдиларига бориб:
- Эй Аллоҳнинг пайғамбари, кеча мени ўз ҳимоянгизга олгандингиз, мана бугун ёнингизга келдим ва гувоҳлик бераманки, Аллоҳдан ўзга илоҳ йўқдир ва сиз Аллоҳнинг расулидирсиз, - деди. (ЭНГ ГЎЗАЛ СУРАТДА ЯХШИЛИККА ЯХШИЛИК ҚАЙТАРИШ)
Кейин Пайғамбар алайҳиссаломдан, Зайнабнинг олдига қайтсам бўладими, деб сўради. Пайғамбар алайҳиссалом эса унинг қўлларидан тутиб, юр кетдик, дедилар. Зайнабнинг эшиги олдига келиб, эшикни қоқдилар ва:
- Зайнаб, холангнинг ўғли яна келиб, яна қўлингни қайта сўраяпти, розимисан, - дедилар.
Зайнабнинг юзи қизарди ва табассум қилди. (ДОИМИЙ РОЗИЛИК)
Шу воқеадан бир йил ўтиб, Зайнаб оламдан ўтди...
Абу Ос шу қадар қаттиқ йиғладики, ҳатто одамлар Пайғамбар алайҳиссаломнинг ўзлари уни юпатганини кўришди. У шундай дерди:
- Аллоҳга қасамки, эй Аллоҳнинг пайғамбари, Зайнабсиз яшай олмайман, тоқатим етмайди. (УМР ЙЎЛДОШИ)
Зайнаб ўлимидан бир йил ўтиб, у ҳам вафот этди. (РУҲЛАР УЧРАШДИ, ҚОВУШДИ)
Aрабчадан
Муқим Маҳмуд таржимаси
┉┅━❀🍃💐🍃❀━┅┉
t.me/IkromSharif
Бир одам ўзининг хотинига ошиқ экан. Бир мухбир аёл маъшуқа хотин билан гаплашяпти:
- Бунга қандай эришдингиз? Гўзаллигингиз биланми? Пазандалигингиз биланми? Кўп бола туғиш биланми? Нима билан?
- Оиладаги тотувлик, бахт, аввало, Аллоҳнинг тавфиқи билан, қолаверса, аёлнинг зукколиги билан бўлади. Мол-давлат ҳам, пазандалик ҳам, серфарзандлик ҳам иш бермайди. Қанчадан-қанча бой аёллардан эрлари безор. Серфарзанд аёлларнинг қанчасини эрлари ёқтирмайди, ҳатто улар билан ажрашиб кетади. Ўта пазанда аёллар ҳам эрлари эътибор бермаётганидан шикоят қилиб қоладилар.
- Хўш, у ҳолда сиз бунга қандай эришдингиз?
- Эрим ғазабланганда бошимни эгиб, жим турдим.
- Нигоҳингиз қандай бўлди?
- Эрга ҳаргиз тик қараб бўлмайди. Эрлар жуда зукко бўладилар. Фақат ерга қараб туриш лозим.
- Хонадан чиқиб кетса ҳам бўлмайдими?
- Асло! У ҳолда эр, хотиним мендан қўрқяпти, деб ўйлайди. У то ҳовуридан тушиб олгунига қадар ёнида бўлиб туриш керак.
- Хўш, кейин нима қиласиз? Аразлайсизми? Бирон ҳафта гаплашмай қўясизми?
- Асло! Бу жуда ёмон одат. Аллоҳ асрасин. Аразлайверсангиз, эрингиз вазиятга одатланиб олади. Кейин унинг саркашлиги баттар ортиши мумкин.
- Хўп. Унда нима қиласиз?
- Эрим бироз ўзига келиб қолганидан кейин ётиб дам олади. Мен ишларимни қилиб оламан. Икки соатлардан кейин бир чойнакда чой дамлаб, ёнига кираман ва, чой ичасизми, дейман. Чунки айни ўша пайтда эримнинг роса чой ичгиси келиб турган бўлади. Буни биламан. Ширин гапираман. Шу пайт у узр сўрай бошлайди.
- Гапларига ишонасизми?
- Ҳа, албатта. Чунки мен ўзимга ишонаман. Аҳмоқ эмасман.
- Ҳеч сиз ҳам ғазабланасизми?
- Йўқ, асло!
- У ҳолда ғурурингиз қаерда қолди?
- Менинг ғурурим эримнинг ризосида, ширин турмуш тарзини ҳосил қилишда. Эр билан хотин ўртасида ғурур бўлмайди. Унинг олдида ҳамма кийимларингизни ечиб юборасиз-ку. Шундан кейин ҳам ғурур қоладими?
Арабчадан Муқим Маҳмуд таржимаси
2024-09-20
@IkromSharif
Тарихий фотосурат, 1935 йил
Ўлимидан кейин ҳам Шибуя станцияси яқинида эгаси қайтиб келишини 9 йилдан ортиқ кутган содиқ ит Хачиконинг сўнгги сурати.
Хачико 1925 йилда Уено вафотидан кейин ҳам ҳар куни Токиодаги Шибуя вокзалининг ташқарисида ўз устози профессор Хидесабуро Уенони сабр-тоқат билан кутиши билан машҳур бўлди. Деярли ўн йил давомида Хачико кундан-кунга ўша жойга қайтиб, севимли эгасининг қайтишини кутди.
Бу чексиз садоқат ва чексиз севги тимсолига айланди...
Бу сўнгги фотосуратда ҳатто сўнгги дақиқаларида ҳам умидини узмаган итнинг хотиржамлиги ва қадр-қимматини акс эттиради...
Баъзи инсонларга ҳайвонлар садоқатдан дарс беради…
@IkromSharif
Сир
Молик ибн Динор раҳимаҳуллоҳ айтадилар: «Басрада бир масжидга кирсам, одамлар масжидга пешинда кириб, хуфтондан кейин чиқишяпти. Қарасам, улар пешинни ўқиб, асргача, асрни ўқиб, шомгача, шомни ўқиб, хуфтонгача дуо қилишяпти. Улардан: «Сизларга нима бўлган?» деб сўрасам: «Қурғоқчилик бўляпти, ёмғир ёғмаяпти, қаҳатчилик бошланди. Шунинг учун ёмғир сўраб, дуо қиляпмиз» дейишди ва шу кўйи яна хуфтондан кейин чиқиб кетишди. Лекин ҳамон ёмғирдан дарак йўқ, осмонда бир парча булут ҳам кўринмас эди. Дуолари ижобат бўлмади, деган гап кўнглимдан ўтди. Менинг эса борадиган жойим йўқ эди, кечаси тунаш учун ўша масжидда қолдим. Бир чеккада тафаккур қилиб, хаёл суриб ўтирсам, эшик ғичирлаб очилиб, қоп-қора бир одам кириб келди. Ўзи пакана бурни пачоқ, қорни катта, устида икки бўлак матоси бор, холос. Жуда ночорлиги шундоққина ташидан билиниб турарди. У келди-да, у ёқ-буёққа қаради, масжидда ҳеч ким йўқ эди, мени ҳам кўрмади. Кейин қисқа қилиб икки ракат намоз ўқиди, кейин яна атрофга қараб, масжидда ҳеч ким йўқлигига ишонч ҳосил қилгач, икки қўлини кўтариб дуо қила бошлади: «Эй Роббим, бандаларингга одоб бериш учун улардан ёмғирни тўсиб қўйдинг. Эй улуғ Роббим, ёмғир бер!..»
🔗 Тўлиқ ўқиш: https://islom.uz/maqola/22634
🕋 @islomuz
Сенга ахлоқсиз равишда муомала қилишса ҳам сен ахлоқли бўлиб муомала қил. Ўзгаларнинг ахлоқи ўзларининг бисоти, сенинг ахлоқинг сенинг бисотингдир. Қиёмат кунида ўзингни хурсанд қиладиган амалларни бажар.
@IkromSharif
